သူ လောသွားပြီ

မြေအောက်ခန်းတွင် ကျန်းပေရန်သည် ပိုးအိမ်တစ်ခုမှ စိတ်ဝိညာဉ်ကို နိုးထစေနိုင်ခဲ့ပြီ ဖြစ်သည် အလွန် အားနည်းနေသော်လည်း ထိုစိတ်ဝိညာဉ်သည် ပြင်းထန်သော ရှင်သန်လိုစိတ်ကို ပြသပြီး ကျန်းပေရန်နှင့် ပူးပေါင်းကာ ဤငရဲခန်းမှ ထွက်ပြေးရန် ကြိုးစားနေသည်။

သို့သော် ကျန်းပေရန် မန္တန်ရွတ်ဖတ်နေစဉ် တစ်စုံတစ်ယောက်က သူ့ကို စိုက်ကြည့်နေသလို ခံစားရသည်။

အာရုံခံစားမှုက မှုန်ဝါးဝါး ဖြစ်နေသော်လည်း သူ့အာရုံ မမှားဘူး ဆိုတာ ကျန်းပေရန် သေချာသည်။

'အစီအရင် တည်ဆောက်သူလား'

ကူလျန်ချန်တို့ကို ပိုးအိမ်များကို ကာကွယ်ခိုင်းရသည့် အကြောင်းရင်းမှာ ထိုပိုးအိမ်များသည် အစီအရင်၏ အစိတ်အပိုင်းများ ဖြစ်နေသောကြောင့် ဖြစ်သည်။

အစီအရင်ကို အကြမ်းနည်းဖြင့် ဖျက်ဆီး၍ မရပေ အဲဒီလို လုပ်လိုက်ရင် ဆန့်ကျင်ဘက် အကျိုးသက်ရောက်မှု ဖြစ်ပေါ်လာနိုင်သည်။

ဥပမာအားဖြင့် ပိုးအိမ်များသည် သော့ခလောက်များ ဖြစ်ကြသည်။ သော့တံဖြင့် သေသေချာချာ ဖွင့်မှသာ သော့ခလောက်ကို ဆက်သုံးလို့ရမည်။ အတင်း ရိုက်ဖွင့်လိုက်ရင် သော့ခလောက် ပျက်စီးသွားလိမ့်မည်။

အခြေအနေကို ထိန်းချုပ်နိုင်ရန်အတွက် ကျန်းပေရန်သည် အချိန်ပိုပေးပြီး တစ်ခုချင်း စိတ်ရှည်လက်ရှည် ဖြေရှင်းရန် ဆုံးဖြတ်ထားခြင်း ဖြစ်သည်။

ယခုအခါ အပြင်ဘက်အလွှာရှိ သော့ခလောက်များကို ဖွင့်ပြီးသွားပြီ ဒုတိယအလွှာသို့ ရောက်ရှိလာပြီ ဖြစ်သည် ဤအဆင့်ရှိ သော့ခလောက်များသည် ပိုမို ခက်ခဲသော်လည်း အောင်မြင်မှုနှင့် နီးစပ်လာပြီ ဖြစ်ကြောင်း ပြသနေသည်။

နောက်တစ်ချက်က အစီအရင် တည်ဆောက်သူ စိတ်ပူလာပြီ။

စိုက်ကြည့်နေသည့် အကြည့်သည် ကျန်းပေရန်ကို ခြိမ်းခြောက်ရန် ရည်ရွယ်ပုံရသည်။ သို့သော် ကျန်းပေရန်၏ အားကောင်းသော ဝိညာဉ်အာရုံ ရှေ့မှောက်တွင် ထိုခြိမ်းခြောက်မှုသည် ကလေးကစားစရာ သဖွယ် ဖြစ်နေသည်။

ထို့ကြောင့် ကျန်းပေရန်သည် တစ်စုံတစ်ယောက် စိုက်ကြည့်နေသည်ဟုသာ ခံစားရပြီး ကြောက်လန့်ခြင်း အလျဉ်းမရှိပေ။

မှော်ရတနာ သုံးခု၏ အကူအညီဖြင့် ပိုးအိမ်မှ ပြည်တည်နာများ စတင် စီးကျလာသည် ဒုတိယအလွှာရှိ သော့ခလောက် ပွင့်သွားပြီ ဆိုသည့် သဘော ဖြစ်သည်။

ထိုအချိန်တွင် ရှုပ်ထွေးသော ပိုးကောင်အော်သံများ ကျန်းပေရန် နားထဲသို့ ရောက်ရှိလာသည်။

ဂူပိုးများကို ကျွမ်းကျင်သူ ပီပီ ထိုအော်သံများထဲတွင် အသေခံ တိုက်ခိုက်တော့မည့် သဘောထားများ ပါဝင်နေကြောင်း ကျန်းပေရန် နားလည်လိုက်သည်။

'နောက်ဆုံးတော့ အကုန်ထုတ်သုံးပြီး ပြန်တိုက်တော့မှာလား'

ဒီအချက်ကို ကျန်းပေရန် ကြိုတင်တွက်ဆထားပြီး ဖြစ်သည် အံ့သြစရာ ကောင်းသည်မှာ သူတို့ ဒီအချိန်ထိ သည်းခံနေနိုင်ခြင်း ဖြစ်သည်။

'ပေးဆပ်ရမယ့် တန်ဖိုးက ကြီးမားပုံရတယ်'

ဘာမှ ထပ်မပြောတော့ဘဲ ကျန်းပေရန်သည် ပိုးအိမ် ဖွင့်သည့်အလုပ်ကိုသာ အာရုံစိုက်လိုက်သည် ကျန်တာတွေကိုတော့ အနက်ရောင်သူတော်စင်ကြီးများ လက်ထဲ လွှဲအပ်လိုက်ရုံသာ ရှိတော့သည်။

...

ကောင်းကင်ယံတွင် ရွှင်ရင်းရွေ့သည် စိတ်အားတက်ကြွစွာ တိုက်ခိုက်နေသည် ထူးဆန်းသော အတောင်ပံပါ ဂူကျင့်ကြံသူ၏ အော်သံများကို လျစ်လျူရှုပြီး မိုးကြိုးတန်းများဖြင့် တရစပ် ပစ်ခတ်နေသည်။

အဆုံးသတ် တိုက်ကွက် ထုတ်ရန် ပြင်လိုက်စဉ်မှာပင် ခုနက သူ့ကို တုန်လှုပ်စေခဲ့သော အရိပ်တစ်ခု ပြန်ပေါ်လာသည်။

ဂူကျင့်ကြံသူ အချင်းချင်း ပြန်စားသော အကောင်ပင် ဖြစ်သည်။

ရွှင်ရင်းရွေ့ ဘယ်ကောင်ကို အရင် တိုက်ခိုက်ရမလဲ မဆုံးဖြတ်ရသေးခင် ထိုဂူကျင့်ကြံသူသည် အတောင်ပံပါ ဂူကျင့်ကြံသူ၏ ပခုံးကို ကိုက်လိုက်သည်။

ရွှင်ရင်းရွေ့ သဘောပေါက်လိုက်သည် ခုနက ဂူကျင့်ကြံသူ နှစ်ယောက် ပေါင်းစပ်သွားခြင်းမှာ ဒီကောင်က စားလိုက်လို့ ဖြစ်သည်။

ဒါကြောင့် ဂူကျင့်ကြံသူတွေ ရုတ်တရက် စွမ်းအားကြီးလာရခြင်းမှာ ဒီကောင်နှင့် သက်ဆိုင်နေသည်။

ရွှင်ရင်းရွေ့ ချက်ချင်း ဆုံးဖြတ်ချက်ချလိုက်ပြီး ပါးစပ်ထဲတွင် အသားစများ ပြည့်နေသော ဂူကျင့်ကြံသူကို မိုးကြိုးပုလဲဖြင့် တိုက်ခိုက်လိုက်သည်။

သို့သော် ယခင်ကကဲ့သို့ပင် ထိုဂူကျင့်ကြံသူသည် ရွှင်ရင်းရွေ့နှင့် တိုက်ခိုက်လိုစိတ် မရှိပေ အကာအကွယ် ခြောက်လွှာဖြင့် မိုးကြိုးများကို တားဆီးထားပြီး အတောင်ပံပါ ဂူကျင့်ကြံသူကို ဆက်လက် စားသောက်နေသည်။

အတောင်ပံပါ ဂူကျင့်ကြံသူသည်လည်း ပြန်လည် ခုခံခြင်း မရှိဘဲ မိမိခန္ဓာကိုယ် တစ်ဝက် စားသောက်ခံရတာကို ငြိမ်ခံနေသည်။

အကာအကွယ် ခြောက်လွှာသည် ထင်ထားသည်ထက် ပိုမို ခိုင်မာနေသည် ရွှင်ရင်းရွေ့ အစွမ်းကုန် တိုက်ခိုက်သော်လည်း နှစ်လွှာကိုသာ ဖျက်ဆီးနိုင်ခဲ့သည်။

ထိုအချိန်တိုလေး အတွင်းမှာပင် ထိုဂူကျင့်ကြံသူသည် အတောင်ပံပါ ဂူကျင့်ကြံသူ၏ ခန္ဓာကိုယ် အများစုကို စားသောက်ပြီးသွားပြီ ဖြစ်သည် နောက်ဆုံးတွင် အသားစ အနည်းငယ်သာ ချန်ထားခဲ့ပြီး ပျောက်ကွယ်သွားပြန်သည်။

ကျန်ရစ်ခဲ့သော အသားစများကို ကြည့်ပြီး ရွှင်ရင်းရွေ့ ရင်ထဲ ထိတ်လန့်သွားသည် ချက်ချင်း လှည့်ထွက်ပြီး အခြား စစ်မြေပြင်တစ်ခုသို့ သွားလိုက်သည်။

'ဘယ်လို ဖြစ်ရတာလဲ'

လူဇီဖင်း ရှိရာသို့ ရောက်သောအခါ သူ တိုက်ခိုက်နေသော ဂူကျင့်ကြံသူသည်လည်း စားသောက်ခံလိုက်ရပြီ ဖြစ်ကြောင်း တွေ့လိုက်ရသည် အသားစများသာ ကျန်ရစ်တော့သည်။

"ဘာဖြစ်တာလဲ မင်းလည်း အဲဒီ မျက်နှာဖြူ ဂူကျင့်ကြံသူကို တွေ့လိုက်တာလား"

ရွှင်ရင်းရွေ့ မေးလိုက်သည်။

လူဇီဖင်းက ချက်ချင်း ပြန်ဖြေသည်။

"အချင်းချင်း ပြန်စားတဲ့ မျက်နှာဖြူကောင်ကို ပြောတာလား"

"ဟုတ်တယ် အဲဒီကောင်ပဲ ဘာဖြစ်သွားလဲ ပြောပြစမ်း"

"ငါ ခုနက ငါ့ပြိုင်ဘက်ကို အသာစီး ရနေပြီ သတ်ဖို့ လုပ်တုန်း ရှိသေးတယ် အဲဒီ မျက်နှာဖြူကောင် ရောက်လာပြီး ငါ့တိုက်ကွက်တွေကို ကာကွယ်လိုက်တယ် ပြီးတော့ သူ့အဖော်ကို စားပစ်လိုက်တယ်"

"ငါ ကြုံခဲ့ရတာနဲ့ အတူတူပဲ ခုနက ဂူကျင့်ကြံသူတွေ ပေါင်းစပ်သွားတာကလည်း ဒီကောင်ကြောင့်ပဲ ဖြစ်ရမယ်"

"ဟုတ်တယ် ငါလည်း သတိထားမိတယ် ဒီကောင်က ထူးဆန်းတယ်"

"လိုက်ရှာရအောင် ဒီကောင်ကို လွှတ်ထားလို့ မဖြစ်ဘူး တကယ်လို့"

ရွှင်ရင်းရွေ့ စကားမဆုံးခင် မျက်စိရှေ့မှ အသားစများ လှုပ်ရှားလာသည် ချက်ချင်းပင် မိုးကြိုးပုလဲဖြင့် ပစ်ခတ်လိုက်သည်။

ပြင်းထန်သော မိုးကြိုးဒဏ်ကြောင့် အသားစများသည် ပြာကျသွားသည်။ သို့သော် ထိုပြာမှုန်များသည် ဆက်လက် လှုပ်ရှားနေဆဲ ဖြစ်သည်။

အားလုံးက ဦးတည်ရာ တစ်ဘက်တည်းသို့ ရွေ့လျားနေကြသည်။

ရွှင်ရင်းရွေ့ မယုံနိုင်သဖြင့် နောက်ထပ် မိုးကြိုးတစ်ချက် ပစ်ခတ်လိုက်ပြန်သည်။ သို့သော် ပြာမှုန်များ ပိုမို သေးငယ်သွားရုံသာ ရှိပြီး ရွေ့လျားမှုကို မတားဆီးနိုင်ပေ။

ရွှင်ရင်းရွေ့ လက်မလျော့ဘဲ ပြာမှုန်များနောက်သို့ လိုက်ပါသွားသည်။ နည်းလမ်းပေါင်းစုံဖြင့် တားဆီးသော်လည်း အရာမထင်ပေ။

ပြာမှုန်များသည် တခါတရံ အဆိပ်မြူများနှင့် ရောနှောသွားလိုက် တခါတရံ အရှိန်အဝါ ပျောက်ကွယ်သွားလိုက်နှင့် ရှေ့သို့ ဆက်လက် ရွေ့လျားနေကြသည်။

လိုက်ရင်း လိုက်ရင်း ရှေ့တွင် လူရိပ်အချို့ကို တွေ့လိုက်ရသည် သေချာ ကြည့်လိုက်ရာ ချောင်ကျင်းဟွာနှင့် အခြား အနက်ရောင်သူတော်စင်များ ဖြစ်နေကြသည်။

သူတို့လည်း အသားစများနောက်သို့ လိုက်ပါလာကြခြင်း ဖြစ်သည်။

"မင်းတို့"

ရွှင်ရင်းရွေ့ စကားမပြောရသေးခင် အသားစများနှင့် ပြာမှုန်များသည် တစ်နေရာတည်းသို့ စုဝေးသွားပြီး လျင်မြန်စွာ ပေါင်းစပ်သွားကြသည်။

"ဟေ့ကောင် ချောင်ကျင်းဟွာ ဆရာကျန်းနဲ့ ဝေးဝေး မသွားရဘူးလို့ မှာထားတာကို မင်း ဘာလို့ ဒီလောက် ဝေးဝေး ရောက်လာရတာလဲ"

အသားစများနောက် လိုက်လာသော ယင်လင်ယန်သည် ချောင်ကျင်းဟွာကို မြင်သည်နှင့် အော်ဟစ်လိုက်သည်။

ချောင်ကျင်းဟွာ မျက်နှာပျက်သွားသည်။ ခုနက နဂါးခန္ဓာကိုယ် ဂူကျင့်ကြံသူ၏ လက်သီးတစ်ချက်ကြောင့် ဒေါသထွက်ပြီး နောက်ကလိုက်လာမိခြင်း ဖြစ်သည်။

"မင်းလည်း ရောက်နေတာပဲ မဟုတ်လား"

"ငါက မင်းကို လာရှာတာကွ"

ယင်လင်ယန် ဒေါသထွက်သွားသည်။

သို့သော် အခြေအတင် ပြောမနေတော့ဘဲ မျက်စိရှေ့တွင် ပေါင်းစပ်နေသော အသားတုံးကြီးကို အာရုံစိုက်လိုက်သည်။

"ဒီ ရွံစရာ အသားတုံးကြီးကို အရင် ဖျက်ဆီးပစ်ရအောင် ငါ စိတ်မသန့်ဘူး"

"ကောင်းပြီ ငါတို့ သဘောထားချင်း တိုက်ဆိုင်တယ် ငါ အရင်စမယ်"

ပြောပြီးသည်နှင့် ချောင်ကျင်းဟွာသည် လက်သီးနှစ်ဖက်ကို ဆုပ်လိုက်သည် မြေကမ္ဘာအဆင့် ရတနာ နှစ်ခုမှ စွမ်းအင်များ ပေါက်ကွဲထွက်လာသည်။

"နဂါးလေးကောင် ပေါက်ကွဲမှု"

ပတ်ဝန်းကျင်ရှိ အဆိပ်မြူများသည် ချောင်ကျင်းဟွာ၏ ဝိညာဉ်စွမ်းအင်ကြောင့် ပင်လယ်ပြာရောင် ပြောင်းသွားသည် အရောင်အမျိုးမျိုးရှိသော နဂါးလေးကောင်သည် အလယ်မှ အသားတုံးကြီးဆီသို့ ဟိန်းဟောက်ကာ ပြေးဝင်သွားကြသည်။

"ဒုန်း"

နဂါးလေးကောင် ဝင်တိုက်ခါနီးတွင် ခရမ်းရောင် အကာအကွယ် ရှစ်လွှာ ပေါ်လာပြီး တားဆီးလိုက်သည်။

"ဒုန်း ဒုန်း ဒုန်း"

နဂါးလေးကောင် ပေါက်ကွဲမှုသည် အကာအကွယ် ငါးလွှာကို ချက်ချင်း ဖျက်ဆီးလိုက်သော်လည်း ခြောက်လွှာမြောက်တွင် အရှိန်လျော့သွားသည်။

ချောင်ကျင်းဟွာ မျက်မှောင်ကြုတ်လိုက်ပြီး နောက်ထပ် တိုက်ကွက် တစ်ကွက် ထုတ်ရန် ပြင်လိုက်စဉ် မျက်နှာဖြူ ဂူကျင့်ကြံသူသည် အသားတုံးကြီးပေါ်တွင် ပေါ်လာသည်။

"ဖြောင်း ဖြောင်း ဖြောင်း"

အနက်ရောင်သူတော်စင်များ အံ့သြနေစဉ် မျက်နှာဖြူ ဂူကျင့်ကြံသူက လက်ခုပ်တီးလိုက်သည်။

"ချီးကျူးပါတယ် လူသားတွေ ဖြစ်ပေမယ့် မင်းတို့က တကယ် ထူးချွန်ပါတယ် ငါ့ရဲ့ အရုပ်တွေအဖြစ် ပြောင်းလဲပစ်ချင်လောက်အောင်ကို ထူးချွန်ကြပါတယ်"

ဂူကျင့်ကြံသူက လူစကားပြောသည်ကို ကြားသောအခါ အနက်ရောင်သူတော်စင်များ အံ့သြသွားကြသည်။ ဂူကျင့်ကြံသူများနှင့် တိုက်ခိုက်လာသည်မှာ ကြာပြီ ဖြစ်သော်လည်း စကားပြောသံ တစ်ခါမှ မကြားဖူးခဲ့ပေ အော်သံတောင် ကြားရခဲသည်။

"စကားများမနေနဲ့ အချိန်ဆွဲချင်တာလား"

ချောင်ကျင်းဟွာ ပထမဆုံး သတိဝင်လာပြီး နောက်ထပ် နဂါးလေးကောင် ပေါက်ကွဲမှု တစ်ချက် ပစ်လွှတ်လိုက်သည်။

အခြား အနက်ရောင်သူတော်စင်များလည်း အရှိန်ရသွားပြီး မိမိတို့၏ အစွမ်းအထက်ဆုံး တိုက်ကွက်များဖြင့် ဝိုင်းဝန်း တိုက်ခိုက်လိုက်ကြသည်။

သို့သော် ပေါက်ကွဲမှုများ ပြီးဆုံးသွားသည့်အခါ မျက်နှာဖြူ ဂူကျင့်ကြံသူသည် အသားတုံးကြီးပေါ်တွင် ဒဏ်ရာတစ်ချက်မှ မရဘဲ ရပ်နေဆဲ ဖြစ်သည်။

"ငါက နှုတ်ဆက်ရုံ လာနှုတ်ဆက်တာပါ မင်းတို့က လေးစားလောက်တဲ့ ပြိုင်ဘက်တွေ ဖြစ်လို့လေ ဒါပေမဲ့ ဒီကစားပွဲက ကြာလွန်းနေပြီ အဆုံးသတ်ဖို့ အချိန်တန်ပြီ"

ပြောပြီးသည်နှင့် မျက်နှာဖြူ ဂူကျင့်ကြံသူသည် သူ့ညာဘက် လက်မောင်းကို ချိုးလိုက်ပြီး ခြေရင်းမှ အသားတုံးကြီးထဲသို့ ပစ်ထည့်လိုက်သည်။

"ပျော်ရွှင်ပါစေ"

ပြောပြီးသည်နှင့် မျက်နှာဖြူ ဂူကျင့်ကြံသူ ပျောက်ကွယ်သွားသည်။

လက်မောင်းကို စုပ်ယူပြီးနောက် အသားတုံးကြီးသည် ပြင်းထန်စွာ လှုပ်ရှားလာပြီး ရုတ်တရက် ပေါက်ကွဲသွားသည်။

"သတိထား"

ချောင်ကျင်းဟွာ အော်ဟစ်လိုက်ပြီး ရှေ့ဆုံးမှ ကာကွယ်ပေးလိုက်သည် သူ့၏ အကောင်းဆုံး ကာကွယ်ရေး တိုက်ကွက်ကို ထုတ်သုံးလိုက်သည်။

"နဂါးသံချပ်ကာ ခြောက်လွှာ"

ပေါက်ကွဲမှုတွင် ပါဝင်သော စွမ်းအင် ပမာဏကို သူ အာရုံခံမိလိုက်သောကြောင့် ဖြစ်သည်။

"ဝုန်း"

ပေါက်ကွဲမှု ပြီးဆုံးသွားသည့်အခါ ရှေ့ဆုံးမှ ကာကွယ်ပေးခဲ့သော ချောင်ကျင်းဟွာ ဒဏ်ရာ အနည်းငယ် ရသွားသော်လည်း နဂါးသံချပ်ကာကြောင့် အသက်အန္တရာယ် မရှိပေ။

"အဆင်ပြေကြရဲ့လား"

ချောင်ကျင်းဟွာ လှည့်ကြည့်ပြီး မေးလိုက်သည်။

"အဆင်ပြေတယ်"

အနက်ရောင်သူတော်စင်များ ပြန်ဖြေကြသည်။

"တောက် ဘာတွေ ဖြစ်"

ချောင်ကျင်းဟွာ ဆဲရေးရန် ပြင်လိုက်စဉ် ကြီးမားသော အန္တရာယ်တစ်ခု သူ့ထံသို့ ဝင်ရောက်လာသည်ကို အာရုံခံမိလိုက်သည်။

အဆိပ်မြူများကြားမှ ကြီးမားသော အရိပ်တစ်ခုသည် မျက်စိတစ်မှိတ်အတွင်း ချောင်ကျင်းဟွာ ရှေ့သို့ ရောက်ရှိလာသည် ရှောင်တိမ်းရန် အချိန်ပင် မရလိုက်ပေ။

"ဒုန်း"

လက်သီးတစ်ချက် အထိုးခံလိုက်ရသဖြင့် ချောင်ကျင်းဟွာ လွင့်ထွက်သွားသည် နဂါးသံချပ်ကာ ရှိနေသည့်တိုင် မျက်နှာတစ်ခြမ်း ထုံကျဉ်သွားသည်ကို ခံစားလိုက်ရသည်။

သို့သော် အန္တရာယ် ကြုံလေ ပိုတည်ငြိမ်လေ ဖြစ်သော ချောင်ကျင်းဟွာသည် ကြောက်လန့်မသွားဘဲ ခန္ဓာကိုယ်ကို ထိန်းလိုက်သည် ဝိညာဉ်အာရုံကို အစွမ်းကုန် ဖွင့်ပြီး ရန်သူကို ရှာဖွေလိုက်သည်။

ချက်ချင်းပင် သူ့နောက် လိုက်လာသော ဂူကျင့်ကြံသူကို ရှာတွေ့သွားသည်။

'ဟင်'

ပုံစံကတော့ ခုနက သူ ရိုက်နှက်ခဲ့သော နဂါးခန္ဓာကိုယ် ဂူကျင့်ကြံသူနှင့် တူသော်လည်း ခန္ဓာကိုယ် ပိုမို ကြီးမားလာပြီး အကြေးခွံများမှာ အပြာရောင်မှ ငွေမီးခိုးရောင်သို့ ပြောင်းလဲသွားသည်။

"လက်စားချေချင်တာလား မင်းမှာ အရည်အချင်း ရှိလား ကြည့်ရသေးတာပေါ့"

ချောင်ကျင်းဟွာ အသင့်အနေအထား ပြင်လိုက်သည် ညာဘက်လက်မှ "ပင်လယ်မှောက်လှန်" ရတနာတွင် စွမ်းအားများ စုစည်းလိုက်သည်။

မြေကမ္ဘာအဆင့် ရတနာ ဖြစ်သော "ပင်လယ်မှောက်လှန်" ၏ အာနိသင်သည် ရိုးရှင်းသည် အသုံးပြုသူ၏ ခွန်အားကို မြှင့်တင်ပေးခြင်း ဖြစ်သည်။

ထူးခြားချက်မှာ ကန့်သတ်ချက် မရှိခြင်းပင် ဖြစ်သည်။

ခွန်အား ဘယ်လောက် မြှင့်တင်မလဲ ဆိုတာ ချောင်ကျင်းဟွာ၏ ဆန္ဒအပေါ်တွင် မူတည်သည်။

တစ်ချက်ပဲ ရှိသည် မြှင့်တင်လိုက်သော ခွန်အားကို ခန္ဓာကိုယ်က ခံနိုင်ရည် ရှိရမည်။

ဒါသည် ပင်လယ်မှောက်လှန်၏ တစ်ခုတည်းသော ကန့်သတ်ချက် ဖြစ်သည် ခွန်အား မြှင့်လေလေ၊ ခန္ဓာကိုယ် ထိခိုက်လေလေ ဖြစ်သည်။ သို့သော် ရန်သူက ပိုမို ကြီးမားသော တန်ဖိုးကို ပေးဆပ်ရမည် ဖြစ်သည်။

"မင်း ဘယ်လောက် စွမ်းလဲ ကြည့်ကြတာပေါ့"

အော်ဟစ်ရင်း ချောင်ကျင်းဟွာ ညာလက်သီးဖြင့် ထိုးချလိုက်သည်။

"ဒုန်း"

"ဘာ"

ချောင်ကျင်းဟွာ အံ့သြသွားသည် ထိုဂူကျင့်ကြံသူက သူ့လက်သီးကို လက်တစ်ဖက်တည်းဖြင့် ဖမ်းချုပ်လိုက်သောကြောင့် ဖြစ်သည်။

"ဟက်"

လှောင်ပြောင်သံ ပြုလိုက်ပြီးနောက် နဂါးခန္ဓာကိုယ် ဂူကျင့်ကြံသူသည် လက်နှစ်ဖက်ကို ယှက်လိုက်ပြီး အပေါ်သို့ မြှောက်ကာ ချောင်ကျင်းဟွာ၏ ဦးခေါင်းပေါ်သို့ ထုချလိုက်သည်။

ရှောင်တိမ်းချိန် မရလိုက်ဘဲ ချောင်ကျင်းဟွာ မြေကြီးပေါ်သို့ ပြုတ်ကျသွားသည်။

ရွာကို မဖျက်ဆီးရဘူး ဟူသော ကျန်းပေရန်၏ မှာကြားချက်ကို သတိရလိုက်သဖြင့် ချောင်ကျင်းဟွာသည် အတွင်းဒဏ်ရာ ရမည်ကို ဂရုမစိုက်ဘဲ ဝိညာဉ်စွမ်းအင်ကို ပြောင်းပြန်လှည့်ကာ အရှိန်သတ်လိုက်သည်။

ထိပ်ပြောင်နေသော ဦးခေါင်းကို ပွတ်လိုက်ပြီး ချောင်ကျင်းဟွာ ရယ်မောလိုက်သည်။

"မိုက်တယ် လာစမ်း"

...

အခြား အနက်ရောင်သူတော်စင်များ၏ အခြေအနေက ချောင်ကျင်းဟွာထက် ပိုဆိုးနေသည်။

အသားတုံး ပေါက်ကွဲပြီးနောက် အပိုင်းအစများသည် ဂူကျင့်ကြံသူ လေးဦးအဖြစ် ပြောင်းလဲသွားသည် တစ်ဦးက ချောင်ကျင်းဟွာနောက် လိုက်သွားပြီး ကျန်သုံးဦးက ကျန်သော အနက်ရောင်သူတော်စင်များကို တိုက်ခိုက်နေကြသည်။

ရွှင်ရင်းရွေ့ အထိနာနေပြီ ဖြစ်သည်။

ယခင် အတောင်ပံပါ ဂူကျင့်ကြံသူနှင့် နှိုင်းယှဉ်လျှင် ယခု အတောင်ပံ ရှစ်မျိုး ပါရှိသော ဂူကျင့်ကြံသူသည် အမြန်နှုန်းရော၊ ခွန်အားပါ အဆင့်တစ်ခု ပိုမြင့်နေသည်။

ရွှင်ရင်းရွေ့က အရှေ့မှ တိုက်ခိုက်လာမည် ထင်ခဲ့သော်လည်း မျက်စိတစ်မှိတ်အတွင်း အနောက်ဘက်သို့ ရောက်ရှိလာသည် လူဇီဖင်းသာ ဝင်မကာပေးလျှင် ခေါင်းပြတ်သွားလောက်ပြီ။

အခြားတစ်ဖက်တွင် ရွှေရောင် လှံတံကို ကိုင်ဆောင်ထားသော ယင်လင်ယန်လည်း အခက်တွေ့နေသည်။

"တစ်ယောက်ချင်း မတိုက်နဲ့ စုပြီး တိုက်"

ယင်လင်ယန် စကားမဆုံးခင် ခန္ဓာကိုယ်အနှံ့ အမွေးအမျှင်များ ဖုံးလွှမ်းနေသော ဂူကျင့်ကြံသူ ဝင်တိုက်လိုက်သည်။

ယင်လင်ယန် လှံတံဖြင့် ကာကွယ်လိုက်သော်လည်း ဝင်တိုက်သည့် အရှိန်မှာ မျှော်လင့်ထားသည်ထက် များစွာ ပြင်းထန်လွန်းသဖြင့် လွင့်ထွက်သွားပြီး မြေကြီးပေါ်သို့ ဦးစိုက်ကျသွားသည်။

ယင်လင်ယန် လှံတံကို လွှတ်ချလိုက်ပြီး ဝင်တိုက်နေသော ဂူကျင့်ကြံသူကို တွန်းထုတ်ရန် ကြိုးစားသော်လည်း အရာမထင်ပေ။

"ထစမ်း"

"ညီလေးယင် တောင်းပန်ပါတယ်ကွာ"

"ကျန်တာ ငါ ရှင်းလိုက်မယ်"

ယင်လင်ယန် မြေကြီးနှင့် ရိုက်မိတော့မည့်ဆဲဆဲတွင် အခွင့်ကောင်း စောင့်နေသော အနက်ရောင်သူတော်စင် သုံးဦး ပြိုင်တူ ဝင်ရောက် ကူညီလိုက်ကြသည်။