သွေးဝိညာဉ်အစီအရင်ရဲ့ စစ်မှန်သောမျက်နှာ

လီရွှေရေကန် အောက်ခြေတွင် အိမ်သုံးအမှိုက်များ၊ လွှင့်ပစ်ထားသော ငါးမျှားတံများ၊ ဦးထုပ်များနှင့် ထူးဆန်းသော ကစားစရာများဖြင့် ပြန့်ကျဲနေပါသည်။

ဝေးကွာသော အရပ်အထိ ပြန့်ကျဲနေသော အကြွင်းအကျန်တို့သည် ရေကန်ကြီး၏ သက်တမ်းနှင့် ယခင်ဘုန်းအသရေကို သက်သေခံလျက် ရှိ၏။ ရာစုနှစ်တစ်ခုကြာပြီးသည့်တိုင် စစ်ပွဲ၏ခြေရာလက်များသည် ရှေးခေတ်တိုက်ပွဲ၏ ပြင်းထန်မှုကို ဖော်ပြဆဲဖြစ်သည်။

ချင်းယန်သည် ရေအောက်ကြမ်းပြင်အနီးသို့ ဆင်းသက်ပြီး လျိုဝူရွှမ်းနှင့်အတူ ခဏမျှ ရှာဖွေခဲ့သည်။ နှစ်ယောက်သား အောက်ဖက်က ဧရိယာကို စိတ်ဝင်တစား စူးစမ်းလေ့လာနေကြ၏။

သဲထဲတွင် မြှုပ်ခံထားရသော အရိုးများလည်း ရှိသည့်အပြင် အမည်မသိ သံထည်ပစ္စည်းများဟာလည်း နေရာအနှံ့ ပြန့်ကျဲနေသည်။ သို့တင်မက ပလတ်စတစ်အိတ် မျိုးစုံနှင့် ထူးထူးဆန်းဆန်း အရုပ်များပါ ရှိလေသည်။

ချင်းယန်သည် ခဏအကြာမျှ ကြည့်လိုက်ပြီးနောက် ရုတ်တရက် မျက်မှောင်ကြုတ်လိုက်၏။

သူ့အကြည့်များက အဝေးက အရာတစ်ခုဆီသို့ ငေးကြည့်နေမိသည်။ အကြမ်းဖျင်းအားဖြင့် ငါးမီတာ သို့မဟုတ် ခြောက်မီတာခန့် မြင့်သော သံနီနှင့် ကြေးဝါတိုင်သဏ္ဌာန်ရှိသည့် အရာတစ်ခု ဖြစ်လေ၏။ သေချာကြည့်လျှင် ကျိုးကျနေသော ရွှမ်ဝူ ရုပ်တုတစ်ခုကို တိုင်၏ခြေရင်း၌ တွေ့ရသည်။

ရုပ်တုသည် မယုံနိုင်လောက်အောင်ပင် အသက်ဝင်ကာ ကွက်ကွက်ကွင်းကွင်း ပုံဖော်ထားလေသည်။ ရေအောက် ကြမ်းပြင်ပေါ်ရှိ အခြားအရာများနှင့် ချက်ချင်း ခွဲခြားသိမြင်နိုင်သော လျှို့ဝှက်ဆန်းကြယ်သည့် ရောင်ဝါတစ်ခုကိုလည်း ထွက်ပေါ်လာသည်။

“ထပ်သွားစရာ မလိုတော့ပါဘူး ဂိုဏ်းချုပ်လေး

ဒီနေရာက သွေးဝိညာဉ်အစီအရင်ရဲ့ အူတိုင် နေရာပဲ။"

“ဒီတိုင်က… သွေးဝိညာဉ်အစီအရင်လား”

ချင်းယန် မျက်မှောင်ကြုတ်ပြီး လျိုဝူရွှမ်းကို စိုက်ကြည့်လိုက်သည်။

"ကာကွယ်ရေး အစီအရင်မပါဘဲ ဒီမှာပဲ ထားခဲ့တာလား"

“လုံးဝမပါဘူး သွေးဝိညာဉ်အစီအရင်က အရမ်း တန်ဖိုးရှိလို့ အဓိပတိမဟာမိတ်က အမြဲတမ်း ပထမနေရာက ယူထားပြီး အနီးကပ် စောင့်ကြည့်နေတာ။ ကျုပ်တို့ ဘယ်တော့မှ ပေါ့ဆမှာ မဟုတ်ဘူး... ကျေးဇူးပြုပြီး အဲဒီတိုင်ပတ်ပတ်လည်ကို အနီးကပ် ကြည့်ရှုကြည့်ပါ။ ဂိုဏ်းချုပ်လေး ပြဿနာကို မြင်နိုင်မှာပါ။"

"ကျစ်! လှည့်ကွက်တွေ လာကစားနေတယ်။"

ချင်းယန်သည် ဤအရာကို ထပ်ကြည့်ရန် အလွန်ပျင်းရိနေပြီ ဖြစ်သောကြောင့် လျိုဝူရွှမ်း ညွှန်ပြသည့် လမ်းကြောင်းအတိုင်း ရိုးရှင်းစွာ ငဲ့ကြည့်လိုက်သည်။ ဤတစ်ကြိမ်တွင် သူက ပို၍ သေသေချာချာ ကြည့်မိ၏။

များပြားလှသော ဗဟုသုတများစွာသည်လည်း သူ့စိတ်ထဲတွင် ပေါ်ထွကိလာသည်။

သူ၏အကြည့်များသည် လှိုင်းထနေသော မြစ်ကြမ်းပြင်ကို ဖြတ်ကျော်ကာ ကြေးတိုင်၏ မျက်နှာပြင်ကိုလည်း ကျော်၍ ပတ်ဝန်းကျင်က အပျက်အစီးနှင့် အမှိုက်များပေါ် ဖုံးအုပ်ပစ်လိုက်သည်။

သေချာတာပေါ့။

ခဏအကြာ၌ သဲလွန်စအချို့ကို သူ မြင်လာရသည်။

ကြေးတိုင်များ၏ မျက်နှာပြင်ကို စာလုံးပုံစံများဖြင့် ရေးမထိုးထားသော်လည်း ရှေးခေတ်၏ အနုစိတ်သော အစီအရင်များ၊ ဖွဲ့စည်းခြင်းဆိုင်ရာ အခြေခံမူများနှင့်အညီ သိမ်မွေ့စွာ လည်ပတ်လျက် ရှိသည်။

ဤကြေးတိုင်ပတ်လည်ရှိ အစီအရင် ပုံစံများကို ရေနေအပင်များနှင့် ကျောက်စရစ်ခဲများကြားတွင် လျှို့ဝှက်ဆန်းကြယ်စွာ ဝှက်ထားခဲ့သောကြောင့် ရေကန်၏ မျက်နှာပြင်နှင့် ပတ်ဝန်းကျင် အမှိုက်သရိုက်များထဲ လုံးဝရောစပ်လုနီးပါး ဖြစ်နေခဲ့သည်။

ဂရုတစိုက် သတိမစိုက်မိလျှင် ၎င်းတို့ကို အလွယ်တကူ လွတ်သွားနိုင်၏။

ဤသည်မှာ အစီအရင်အတွင်း၌ ဝှက်ထားသော အစီအရင် တစ်ခုဖြစ်သည်။

"တကယ်ကြီး ဒီလိုလှည့်ကွက်တွေ ရှိနေတယ်ပေါ့?!"

သူ့ခေါင်းကို လှည့်ကာ ဘေးနားရှိ လျိုဝူရွှမ်းကို လှမ်းကြည့်လိုက်သည်။

"ခင်ဗျားတို့က အစီအရင်ကို တော်တော် ပါးပါးနပ်နပ်လေး ဖုံးကွယ်ထားတာပဲ။

"အဓိပတိမဟာမိတ်မှာ လှည့်ကွက် နည်းနည်း ရှိပါတယ် ဟားဟား ဂိုဏ်းချုပ်လေးက ကျုပ်ကို မြှောက်ပင့်နေတာပဲ"

လျိုဝူရွှမ်း ခေါင်းကို ရှက်ရွံ့စွာ ကုတ်လိုက်သည်။ ချင်းယန် ဤအစီအရင်ကို ဖြတ်ကျော်မြင်နိုင်ခြင်းကို သူ မအံ့သြပါ။ နောက်ဆုံးတွင်တော့ ဂိုဏ်းချုပ်လေး၏ ကျွမ်းကျင်သော ဖွဲ့စည်းမှုများနှင့် သူ၏ ကောင်းကင်အရှင် ကျင့်ကြံမှုဖြင့် ဤကြီးကျယ်ခမ်းနားသော အစီအရင်ကို မမြင်နိုင်လျှင်မှ ထူးဆန်းနေပေလိမ့်မည်။

"ဂိုဏ်းချုပ်လေး ပြောတာ မှန်ပါတယ်။ အခုမြင်ရတဲ့ ကြေးတိုင်က အဓိပတိ မဟာမိတ်အဖွဲ့ရဲ့ လျှို့ဝှက်အစီအရင် ကြေးတိုင်ပါပဲ။"

“အရင်က မတွေ့တာ အံ့သြစရာတော့ မဟုတ်ပါဘူး…”

အသွင်အပြင်ကို ဖြတ်ကျော်ကြည့်ရင်း ချင်းယန် မျက်ခုံးပင့်လိုက်သည်။

“ဒီမှာ ပြင်ပအာရုံတွေကို သီးခြားခွဲထုတ်ထားတယ်။ ဒီရောင်ဝါကို ဖုံးကွယ်ထားတဲ့ နောက်ထပ် ပုံစံကြီးတစ်ခု ရှိသေးတယ်…”

“ဟုတ်ပါတယ် ဒီအစီအရင်ကို 'ရွှမ်ဝူအစီအရင်' လို့ ခေါ်ပါတယ်။

လျိုဝူရွှမ်းဘက်မှ လေးစားစွာ မိတ်ဆက်သည်။

"ဒါက အဓိပတိမဟာမိတ်ရဲ့ အကာအကွယ်တစ်ခုပါ။ ပြင်ပလူတွေကို သွေးဝိညာဉ်အစီအရင်ထဲ မ၀င်ရောက်အောင် တားဆီးဖို့ မဟာမိတ်အဖွဲ့က အဲဒီတုန်းက ငွေကြေးအမြောက်အမြား ပေးခဲ့ရပါတယ်။"

စကားပြောနေစဉ် လျိုဝူရွှမ်း၏ အမူအရာသည် အတိတ်ကို သတိရသွားဟန်ဖြင့် လေးပင်လာသည်။

"ဂိုဏ်းချုပ်လေး မသိလို့.... အဲဒီတုန်းက ဒီရွှမ်ဝူအစီအရင်ကို ထူထောင်ရတာ မယုံနိုင်လောက်အောင်ကို အချိန်ကုန်ပြီး ပင်ပန်းကြီးရတယ်။ အစီအရင် တစ်ခုတည်းနဲ့တင် မဟာမိတ်အဖွဲ့ကြီးက အကြီးအကျယ် ဒုက္ခရောက်ခဲ့ရတယ်။ ဆယ်နှစ်လောက် စုဆောင်းခဲ့တာတွေ သုံးရုံတင်မကဘူး၊ ကျန်းဟိုင်မြို့သားတွေကိုလည်း လျှို့ဝှက်ထားနိုင်အောင် လုပ်ခဲ့ရတယ်... မရေမတွက်နိုင်အောင် ခက်ခဲခဲ့ပြီးမှ ဒီနေ့ ဂိုဏ်းချုပ်လေး မြင်နေရတဲ့ မြင်ကွင်းကို ကျုပ်တို့ ဖန်တီးလိုက်နိုင်တာပဲ။"

"ချမ်းသာတဲ့ ခွေးတစ်ကောင်ကိုး"

ချင်းယန်သည် အလွန်အဖိုးတန်သော အသုံးစရိတ်များကို သုံးစွဲရန် ပျင်းရိလွန်းသူ ဖြစ်သည်။ ဤအကြောင်း ကြားပြီးနောက် ထိုအစီအရင်ဆီသို့ ပြန်လှည့်သွားလိုက်သည်။

"ဒါဆို ကျွန်တော် ဒီအစီအရင်ကို ဖြတ်ကျော်ရင် သွေးဝိညာဉ်အစီအရင်ဆီ ရောက်နိုင်ပါ့မလား။"

"ဟမ်... ဖြစ်နိုင်ပါတယ် ဒါပေမဲ့ ဂိုဏ်းချုပ်လေး ကျေးဇူးပြုပြီး သတိမပေါ့လိုက်ပါနဲ့..."

လျိုဝူရွှမ်းသည် ခဏလောက် စဉ်းစားနေပြီးနောက် ချင်းယန်၏ အေးအေးဆေးဆေး အမူအရာကို မြင်ကာ အကြံဥာဏ် ထပ်မပေးတော့ဘဲ ရွှမ်ဝူအစီအရင်၏အစွန်းကို ညွှန်ပြလိုက်သည်။

“နယ်နိမိတ်ကို ပေါ့ပေါ့ဆဆ ဖြတ်ကျော်ရင် အစီအရင်က အသက်ဝင်လာလိမ့်မယ်။ ဒါဆို ကျွန်တော်က ဘယ်လိုကာကွယ်ရမှာလဲ အဲဒါက ကျွန်တော့်ကို တိုက်ရိုက်ဖမ်းမှာလား။"

"မဟုတ်ဘူး ဂိုဏ်းချုပ်လေး အစီအရင်ထဲကို ဝင်လိုက်တာနဲ့ အကာအကွယ် စာလုံးတွေက ဂိုဏ်းချုပ်လေးကို ထိန်းထားလိမ့်မယ် ဒါပေမဲ့ သူတို့ရဲ့ တကယ့်လုပ်ဆောင်ချက်က အကြောင်းကြားဖို့ပဲ..."

"အကြောင်းကြားမယ်?"

"မှန်တယ် အဲဒါ အကြောင်းကြားချက်တာ! ရွှမ်ဝူအစီအရင်က ရန်သူကို နှောင့်နှေးစေဖို့ အဓိကအားဖြင့် မြှပ်နှံထားတဲ့ အစီအရင်... ကျူးကျော်သူက သူ့ရဲ့အကွာအဝေးထဲ ဝင်ရောက်လာတာနဲ့ တစ်ပြိုင်နက် ချုပ်နှောင် အစီအရင်တွေကို စလုပ်လိမ့်မယ် ပိုဆိုးတာက ... မဟာမိတ်ခေါင်းဆောင်ကို ချက်ချင်း အကြောင်းကြားလိမ့်မယ်။"

"မုန့်ထျန်းရွှမ်ကို လာဖို့ အကြောင်းကြားမှာလား"

ဒါကိုကြားတော့ ချင်းယန်၏ နှုတ်ခမ်းထောင့်များ လှုပ်ယမ်းသွားသည်။

လွန်ခဲ့သည့် ရက်အနည်းငယ်ကဆိုလျှင် သူသတိထား နေပေလိမ့်မည်။ ထိုစဥ်က ကောင်းကင်အရှင်နယ်ပယ် မရောက်သေးချေ။ ယခုတော့ အခြေအနေက မတူတော့ပြီမို့ မုန့်ထျန်းရွှမ် သူ့အား သည်းခံနိုင်လိမ့်မလား ကြည့်ရမည်။

သူ့ထံတွင် လေ့ကျင့်စရာ နေရာမရှိ၍ စိတ်ပူနေခဲ့ခြင်း ဖြစ်သည်။

"လာပါစေ။ အဲ့မုန့်မျိုးရိုးမှာ သတ္တိရှိရင် လာပါစေ။"

ချင်းယန် ရယ်မောရင်း ဆိုလိုက်ကာ အစီအရင်ဆီသို့ ဖြည်းညင်းစွာ လျှောက်လာခဲ့သည်။

"ကောင်းပြီ ဒီတိုင်က အစီအရင်ရဲ့ အဓိကအချက် ဆိုမှတော့ အရာအားလုံး ပိုလွယ်ကူသွားပြီ။"

ချင်းယန်သည် ကြေးတိုင်ကို တစ်ချက် ကြည့်လိုက်ပြီး အကြည့်များက ချက်ချင်း တင်းမာလာသည်။ ဉာဏ်အလင်းကြောင့် တစ်ခဏအတွင်းမှာပင် အရာအားလုံးကို နားလည်သဘောပေါက်သွားပြီး အစီအရင် ချိုးဖျက်ရန် လက်တစ်ဖက် မြှောက်လိုက်၏။

နောက်အခိုက်၌ ကောင်းကင်အကျဥ်းချ လက်ချောင်းတို့သည် လျင်မြန်သော မြင်းဖြူတစ်ကောင် ပြေးလာသကဲ့သို့ မြည်ဟီးနေသော မိုးခြိမ်းသံနှင့်အတူ ကြေးဝါတိုင်၏ အလယ်ဗဟိုကို တိုက်ရိုက် ရိုက်ခတ်လိုက်လေသည်။ ပြီးသည်နှင့် အစီအရင် အတွင်းရှိ ကွက်လပ်များကို ကွင်းကွင်းကွက်ကွက် တူးဖော်ပြလိုက်သည်။

ဝှီး

ထိုအခိုက် အနီးပတ်ဝန်းကျင်ရှိ ရေများသည် အသက်ရှင်နေသည့်အတိုင်း တိုင်အနီးတွင် စုပုံကာ ပိတ်ဆို့ရန် ကြိုးစားသော်လည်း ချင်းယန်ထံမှ ခွဲထုတ်ခံလိုက်ရသည်။ ချင်းယန်၏ လက်ဝါး ကြေးဝါတိုင်၏ မျက်နှာပြင်ကို ထိလိုက်မိသည့် အခိုက်၌ စွမ်းအင်လှိုင်းနှစ်ခု ရုတ်ခြည်း ပြေးထွက်လာသည်။

ချွင်း!

ကြည်လင်သော အကာအကွယ် အလင်းကာတစ်ခု ပေါ်လာ၏။

ပို၍ပင် အားကောင်းပြီး ကြောက်မက်ဖွယ်ကောင်းသော သားရဲစွမ်းအားတစ်ခုမှာ ရေအောက်ထဲရှိ အရာအားလုံးကို လွှမ်းခြုံပစ်လိုက်သည်။ ကောင်းကင်လက်ဝါးနှင့် ကောင်းကင် အကျဉ်းချ လက်ချောင်းတို့သည် တောင်ကြီးကဲ့သို့ ကြီးမားလှသော စွမ်းအားများကို စုစည်းကာ အကာအကွယ်ကို ဖျက်စီးကာ ကြေးတိုင်ကို နှုတ်ပစ်တော့မည့်အလား ခိုင်မြဲစွာ ဆုပ်ကိုင်ထားလေသည်။

"ကျစ် လေးလိုက်တာ!"

ချင်းယန် အနည်းငယ် မျက်မှောင်ကြုတ်ကာ သွားများကို အံကြိတ်ကာ လက်နှစ်ဘက်ဖြင့် ဆက်လက်၍ ဆုပ်ထားလိုက်သည်။ သူ၏နောက်ကျော ကြွက်သားများ ကျုံ့သွားသည်အထိ အကန့်အသတ်မရှိ ကြီးမားသော စွမ်းအားများကို ထုတ်လွှတ်လိုက်သည်။

ဝုန်း!

တစ်ခဏချင်းမှာပင် ရေကန်ကြမ်းပြင်နှင့် သဲနုန်းများ တုန်လှုပ်သွားသည်။ အပျက်အစီးများ အားလုံးသည် ရေစီးကြောင်းတစ်လျှောက် လှည့်ပတ်ပျံသန်းသွား၏။ ထို့နောက် ရွှမ်ဝူအစီအရင်၏ ကြေးတိုင်သည် ချင်းယန်ရှေ့တွင် ဝါးတစ်ချောင်းကဲ့သို့ သေးငယ်လာသည်။

ချင်းယန် ကြေးတိုင်ကို အတင်းအကျပ် ဖြုတ်ပစ်လိုက်သည်။ အစီအရင်တစ်ခုလုံး၏ အူတိုင် ဖြစ်သောကြောင့် ဖယ်ရှားလိုက်ချိန်တွင် အက်ကွဲကြောင်းများက ၎င်း၏မျက်နှာပြင်တစ်လျှောက် လျင်မြန်စွာ ပျံ့နှံ့သွားလေ၏။

တစ်ခဏချင်းမှာပင် ကန်အောက်ခြေရှိ ရှုခင်းများ သိသိသာသာ ပြောင်းလဲသွားသည်။

ကူးခတ်နေသော ငါးများသည် အန္တရာယ်ကို သတိပြုမိပုံရပြီး ရုတ်တရက် ပြန့်ကျဲကုန်ကာ ပတ်ဝန်းကျင် ရေပြင်ဆီသို့ ပြေးတက်သွားကြလေသည်။

ကြေးတိုင် ကွဲအက်သွားသည့်အခိုက် အနက်ရောင် မြူခိုးများ လျှံထွက်လာ၏။ ချင်းယန် တွေးထားပြီးသား ဖြစ်သောကြောင့် သူ့လက်ဖဝါးစွမ်းအင်ကို အလျားလိုက် ဆန့်ထုတ်ကာ ကျွမ်းကျင်စွာ အသုံးပြုလိုက်သည်။

၎င်းက ထူထဲသော မြူခိုးများကို တိုက်ရိုက် လွင့်စင်သွားစေ၏။ နောက်အခိုက်၌ ရွှမ်ဝူအစီအရင် လုံးဝ ပျက်စီးသွားချေပြီ။

“…”

လျိုဝူရွှမ်း : "???"