ဒုတိယရင်းမြစ်ကမ္ဘာ ချင်းယွမ်ဂိုဏ်း...

Vol. 72 Ch. 1014

" ဒီကမ္ဘာကတော့..." ဂိတ်တံခါး၏ ရှုထောင့်မှ လင်းယွမ်က ဒုတိယရင်းမြစ်ကမ္ဘာ၏ အစိတ်အပိုင်းအချို့ကို အနည်းငယ် မြင်လိုက်ရသည်။

" တစ်ခုခုမှားနေပြီ။ " လင်းယွမ်က မျက်မှောင်ကြုတ်သွားသည်။ ဒုတိယရင်းမြစ်ကမ္ဘာတစ်ခုလုံးက သေဆုံးခြင်းအငွေ့အသက်များ ဖုံးလွှမ်းနေသော်လည်း တစ်ချိန်တည်းတွင် ထူးဆန်းသော ရှင်သန်မှုစွမ်းအားအချို့လည်း ရှိနေသည်။

" စိတ်ဝင်စားစရာပဲ။ " ခဏလေ့လာပြီးနောက် လင်းယွမ်၏ စိတ်အသိက လျင်မြန်စွာ ပြိုကွဲသွားသည်။

" တကယ်အန္တရာယ်မရှိမှတော့ တိုက်ရိုက်ပဲ ဆင်းသက်တာပေါ့။ " လင်းယွမ်က ဂိတ်တံခါးကြီးကို ကြည့်ပြီး ဆင်းသက်ခြင်းကို စတင်လိုက်သည်။ ဂိတ်တံခါးက တုန်ခါသွားပြီး လင်းယွမ်၏ စိတ်အသိအပိုင်းအစတစ်ခုက အတွင်းသို့ စုပ်ယူခြင်းခံလိုက်ရသည်။

ဝေဝါးနေသော အခြေအနေတွင် လင်းယွမ်၏ စိတ်အသိက တဖြည်းဖြည်း ပြန်လည်နိုးထလာခဲ့သည်။ သို့သော် သူ၏ စိတ်စွမ်းအားက တိုက်စားခံထားရပြီး ဖိနှိပ်ခံထားရသဖြင့် သူ၏ စိတ်အသိက အနည်းငယ် ရှုပ်ထွေးနေပြီး အပြည့်အဝ နိုးထလာခြင်းမရှိသေးပေ။

အချိန်များ မည်မျှကုန်ဆုံးသွားသည်ကို မသိရသော်လည်း လင်းယွမ်၏ စိတ်စွမ်းအားက ပင်ကိုဗီဇအရ လည်ပတ်လာပြီး နောက်ဆုံးတွင် တိုက်စားသော အငွေ့အသက်ကို ဖယ်ရှားနိုင်ခဲ့သည်။ ထိုနောက် လင်းယွမ်က အပြည့်အဝ နိုးထလာခဲ့သည်။

" အ..." လင်းယွမ်က ခေါင်းကွဲမတတ်ကိုက်ခဲနေသည်ကိုခံစားလိုက်ရသည်။

တစ်ချိန်တည်းတွင် သူက ပြင်ပကမ္ဘာမှ အချက်အလက်များကို ရရှိလာသည်။

" အို မင်းက တကယ်ပဲ အသက်ပြန်ရှင်လာတာလား။ "

" နတ်ဆိုးရဲ့ တိုက်စားမှုကို ခံရပြီးမှ အသက်ရှင်နိုင်ဖို့ဆိုတာ တော်တော်လေးရှားပါးတယ်။ " အနီးမှ အံ့ဩသော အသံတစ်ခု ထွက်ပါ်လာသည်။

" ဒီကမ္ဘာက အဆုံးမဲ့ နတ်ဆိုးတွေနဲ့ ပြည့်နှက်နေတာပဲ။ နတ်ဆိုးတွေက အင်မော်တယ်ဖြစ်ပြီး ထာဝရတည်ရှိနေကြတယ်။ ကျင့်ကြံသူတွေက နတ်ဆိုးတွေကို တိုက်ထုတ်ကြတယ်။ ငါက ချင်းယွင်ဂိုဏ်းက ကျင့်ကြံသူတစ်ယောက်ပဲ။ " လင်းယွမ်က သူ၏ အခြေအနေကို လျင်မြန်စွာ နားလည်လာသည်။

ဤကမ္ဘာက အတိုင်းအဆမရှိ ကျယ်ပြောလှသည်။ နတ်ဆိုးများက ရှေးယခင်ကတည်းက တည်ရှိနေခြင်းမဟုတ်ဘဲ လွန်ခဲ့သော နှစ်ပါင်းသန်းချီက ဖြစ်ပွားခဲ့သော ကောင်းကင်နှင့်မြေကြီး၏ အသွင်ပြောင်းလဲမှုဖြစ်ရပ်တစ်ခုမှ မြစ်ဖျားခံလာခြင်းဖြစ်သည်။

လွန်ခဲ့သော နှစ်ပေါင်းများစွာက ကျင့်ကြံသူများက ကမ္ဘာကြီးကို အုပ်စိုးခဲ့ပြီး အရာအားလုံးကို လွှမ်းမိုးခဲ့သည်။ သို့သော် ထိုအသွင်ပြောင်းလဲမှုဖြစ်ပွားပြီးနောက် နတ်ဆိုးများ ထွက်ပေါ်လာခဲ့သည်။ နတ်ဆိုးစွမ်းအားများက ပျံ့နှံ့လာပြီး ကျင့်ကြံသူများ၏ ကျင့်ကြံမှုကို အတားအဆီးဖြစ်စေသည့်အပြင် ထိုစွမ်းအားများ စုစည်းလာရာမှ ကြောက်စရာကောင်းသော နတ်ဆိုးများ မွေးဖွားလာခဲ့သည်။

ချင်းယွမ်ဂိုဏ်းက အသွင်ပြောင်းလဲမှုမတိုင်မီကတည်းက ရှိနေခဲ့သော အဖွဲ့အစည်းတစ်ခုဖြစ်ပြီး နတ်ဆိုးများ၏ ကျူးကျော်မှုကို အကြိမ်များစွာ ခံခဲ့ရသည်။ အသွင်ပြောင်းလဲမှုမတိုင်မီကနှင့် ယှဉ်လျှင် ချင်းယွမ်ဂိုဏ်းက သိသိသာသာ ဆုတ်ယုတ်သွားခဲ့ပြီဖြစ်သည်။

အဆုံးမဲ့သော နတ်ဆိုးစွမ်းအားများ ဖုံးလွှမ်းနေသောကြောင့် ကျင့်ကြံသူများအတွက် ကျင့်ကြံရန် ပိုမိုခက်ခဲလာပြီး အစွမ်းထက်သော ကျင့်ကြံသူအသစ်များ မွေးဖွားလာခြင်းမရှိပေ။ ဝါရင့်ကျင့်ကြံသူများက နတ်ဆိုးများ၏ လက်ချက်ဖြင့် တစ်ယောက်ပြီးတစ်ယောက် ကျဆုံးခဲ့သောကြောင့် ချင်းယွမ်ဂိုဏ်းက ဆက်ခံသူ ရှားပါးသည့် အခြေအနေသို့ ရောက်ရှိနေခဲ့သည်။

လင်းယွမ်က မျက်လုံးများ ဖွင့်လိုက်သည်။ သူ၏ ဘေးတွင် စုတ်ပြဲနေသော အဝတ်အစားများနှင့် အဘိုးအိုတစ်ယောက် ရပ်နေပြီး သူ့ကို စူးစမ်းလိုစိတ်ဖြင့် ကြည့်နေသည်။

" အကြီးအကဲဖန်း " လင်းယွမ်က ပြောလိုက်သည်။

ထိုအဘိုးအိုက နတ်ဆိုးများကြောင့် ဒဏ်ရာရလာသော တပည့်များကို ကုသပေရန် တာဝန်ယူထားသော ချင်းယွမ်ဂိုဏ်း၏ အကြီးအကဲတစ်ယောက်ဖြစ်သည်။

" မင်းနိုးလာပြီဆိုတော့ ငါသွားတော့မယ်။ " အကြီအကဲဖန်းက လင်းယွမ်ကို ခဏကြည့်ပြီးနောက် လှည့်ထွက်သွားသည်။

" ဒီခန္ဓာကိုယ်က..." လင်းယွမ်က အကြီးအကဲဖန်းထွက်သွားပြီးနောက် သူ၏ ခန္ဓာကိုယ်ကို စစ်ဆေးလိုက်ပြီး တစ်စုံတစ်ခု မှားယွင်းနေသည်ကို ချက်ချင်း သတိပြုမိသွားသည်။

သိုင်းတာအို၏ ဘိုးဘေးအနေဖြင့် လင်းယွမ်က ခန္ဓာကိုယ်အပေါ် နားလည်မှုမှာ အမြင့်ဆုံးအဆင့်သို့ ရောက်ရှိနေပြီဖြစ်သည်။ သူ၏ ခန္ဓာကိုယ်က အားနည်းနေသော်လည်း အကန့်အသတ်မဲ့သော ပါရမီနှင့် စွမ်းရည်များကို ပိုင်ဆိုင်ထားသည်။

" ငါတစ်ယောက်တည်း ထူးခြားနေတာမဟုတ်ဘူး။ ဒါက ဟိုအသွင်ပြောင်းလဲမှုကြီးကြောင့် ဖြစ်လာတဲ့ အကျိုးသက်ရောက်မှုတွေထဲက တစ်ခုပဲ။ " လင်းယွမ်က တွေးလိုက်သည်။

အသွင်ပြောင်းလဲမှုကြီးပြီးနောက် နတ်ဆိုးများ ထွက်ပေါ်လာသည့်အပြင် ထိုကမ္ဘာရှိ သက်ရှိများ၏ ခန္ဓာကိုယ်ကလည်း ပိုမိုကောင်းမွန်လာပြီး ပါရမီနှင့် စွမ်းရည်များက ပိုမိုသန်မာလာခဲ့သည်။ ၎င်းက ကျင့်ကြံသူများအတွက် အသွင်ပြောင်းလဲမှုကြီးပြီးနောက် နတ်ဆိုးများကို ခုခံနိုင်ရန် အဓိကသော့ချက်ထဲမှ တစ်ခုဖြစ်သည်။

ထိုအားသာချက်သာမရှိလျှင် ချင်းယွမ်ဂိုဏ်းက နတ်ဆိုးများ၏ ကျူးကျော်မှုကြောင့် လွန်ခဲ့သော အချိန်များကတည်းက ပျက်စီးသွားလောက်ပြီဖြစ်သည်။

" ခန္ဓာကိုယ်က ဒီလောက်ပါမီကောင်းတာ ဒါကို အဆုံးစွန်အထိ ကျင့်ကြံနိုင်ရ် ဖရိုဖရဲဟင်းလင်းပြင် ဒါမှမဟုတ် ပထမရင်းမြစ်ကမ္ဘာက ခန္ဓာကိုယ်တွေထက်တောင် သာလွန်သွားနိုင်တယ်။ " လင်းယွမ်က စိတ်ထဲတွင် အံ့ဩနေမိသည်။

သို့သော် ဤကမ္ဘာ၏ သက်ရှိများက အကန့်အသတ်မဲ့သော ပါရမီရှိသည့် ခန္ဓာကိုယ်များကို ပိုင်ဆိုင်ထားကြသော်လည်း မည်သို့အသုံးချရမည်ကို အသိပညာ လုံးဝကင်းမဲ့နေကြသည်။

လင်းယွမ်က သူ၏ အသက်ရှူနှုန်းကို ချိန်ညှိလိုက်ရာ အနည်းငယ် ပြန်လည်သက်သာလာပြီး ခုတင်ပေါ်တွင် ထိုင်နိုင်လာသည်။ တစ်ချိန်တည်းတွင် မြင်ကွင်းအချို့က သူ၏ စိတ်ထဲတွင် ပေါ်လာသည်။

" စီနီယာအကိုလီက နတ်ဆိုးလမ်းစဉ်ထဲကို ဝင်သွားတာလား။ " လင်းယွမ်က မျက်မှောင်ကြုတ်သွားသည်။

သူရရှိထားသောဒဏ်ရာများက စီနီယာအကိုလီ နတ်ဆိုးလမ်းစဉ်သို့ ကူးပြောင်းသွားခြင်းနှင့် ပက်သက်နေသည်။ စီနီယာအကိုလီက ချင်းယွမ်ဂိုဏ်းသားတစ်ယောက်ဖြစ်ပြီး ဂျူနီယာတပည့်များကို ဦးဆောင်ကာ ပတ်ဝန်းကျင်မှ နတ်ဆိုးစွမ်းအားများကို ဖယ်ရှားပေးလေ့ရှိသည်။

နတ်ဆိုးစွမ်းအားများ စုစည်းနေခြင်းက ကြောက်စရာကောင်းသော နတ်ဆိုးများကို ဖြစ်ပေါ်စေနိုင်ပြီး ချင်းယွမ်ဂိုဏ်းက ပတ်ဝန်းကျင်ကို ပုံမှန်ကင်းလှည့်ကာ နတ်ဆိုးစွမ်းအားများကို ရှင်းလင်းပြီး နတ်ဆိုးများ မမွေးဖွားလာနိုင်အောင် တားဆီးရသည်။

သို့သော် မကြာသေးမီက ပြုလုပ်ခဲ့သော နတ်ဆိုးစွမ်းအားများ ရှင်းလင်းချိန်တွင် အဖွဲ့ကို ဦးဆောင်သော စီနီယာအကိုလီက နတ်ဆိုးစွမ်းအားများကို တိတ်တဆိတ် စုပ်ယူဝါးမြိုခဲ့သည်။ ထိုမြင်ကွင်းကို မူလခန္ဓာကိုယ်ပိုင်ရှင်က မြင်တွေ့သွားသောကြောင့် စီနီယာအကိုလီက နတ်ဆိုးစွမ်းအားများ အသုံးပြုကာ မူလခန္ဓာကိုယ်ပိုင်ရှင်၏ စိတ်အသိကို တိုက်စားဖျက်ဆီးခဲ့ပြီး နတ်ဆိုးများလက်ချက်ဖြင့် သေဆုံးသွားသယောင် ဖန်တီးခဲ့သည်။

မူလခန္ဓာကိုယ်ပိုင်ရှင်၏ စိတ်အသိက နတ်ဆိုးစွမ်းအားများ၏ တိုက်စားမှုအောက်တွင် ပျက်စီးသွားခဲ့သော်လည်း လင်းယွမ်က အစားထိုးဝင်ရောက်လာခဲ့သည်။

" နတ်ဆိုးလမ်းစဉ်ထဲကို ဝင်ရောက်တယ်။ " လင်းယွမ်က အတွေးနက်နေသည်။

အသွင်ပြောင်းလဲမှုပြီးနောက် အဆုံးမဲ့နတ်ဆိုးစွမ်းအားများ စုစည်းလာပြီး ကျင့်ကြံသူများအပေါ် ကြီးမားသော သက်ရောက်မှုရှိခဲ့သည်။ နတ်ဆိုးများ၏ စွမ်းအားကို မြင်တွေ့ပြီးနောက် ကျင့်ကြံသူများကြားတွင် အယူအဆ နှစ်မျိုး ကွဲပြားသွားခဲ့သည်။

ပထမတစ်ခုမှာ လက်ရှိကျင့်ကြံခြင်းစနစ်ကိုသာ ဆက်လက်ကျင့်ကြံသူများဖြစ်ပြီး သူတို့ကို ရိုးရာကျင့်ကြံသူများဟု ခေါ်ဆိုကြသည်။ ဒုတိယတစ်ခုမှာ နတ်ဆိုးလမ်းစဉ်ထဲသို့ ဝင်ရောက်ပြီး နတ်ဆိုးကျင့်ကြံသူဖြစ်လာရန် ဖြစ်သည်။

ထိုကျင့်ကြံသူများ၏ အမြင်တွင် နတ်ဆိုးများက အင်မော်တယ်များဖြစ်ပြီး နတ်ဆိုးများကို ရင်ဆိုင်ရန်အတွက် မိမိကိုယ်တိုင် နတ်ဆိုးဖြစ်လာရန် လိုအပ်ကာ နတ်ဆိုးစွမ်းအားများကို အသုံးပြု၍ နတ်ဆိုးများကို ပြန်လည်တိုက်ခိုက်ရန်ဖြစ်သည်။

ထို့ကြောင့် နတ်ဆိုးလမ်းစဉ်ထဲသို့ ဝင်ရောက်ခြင်းဟူသော လမ်းစဉ်တစ်ခု ထွက်ပေါ်လာခဲ့သည်။ နတ်ဆိုးလမ်းစဉ်ထဲသို့ ဝင်ရောက်ခြင်းဆိုသည်မှာ အရာအားလုံးကို စွန့်လွှတ်ကာ နတ်ဆိုးစွမ်းအား၏ သန့်စင်မှုကို ခံယူပြီး ထိုဖြစ်စဉ်အတွင်း နတ်ဆိုးစွမ်းအား၏ လွှမ်းမိုးမှုကို ခံရလေသည်။

" နတ်ဆိုးအဖြစ် ပြောင်းလဲသွားတယ်။ ဒါက ကျင့်ကြံသူကို အိုးတစ်လုံးလို အသုံးချပြီး နတ်ဆိုးတစ်ကောင်မွေးမြူတာထက် မပိုပါဘူး။ " လင်းယွမ်က နတ်ဆိုးအဖြစ် ပြောင်းလဲသူများအပေါ် ချင်းယွမ်ဂိုဏ်း၏ သုံးသပ်ချက်ကို တွေးနေသည်။

ချင်းယွမ်ဂိုဏ်းက ရိုးရာကျင့်ကြံခြင်းအဖွဲ့အစည်းဖြစ်ပြီး နတ်ဆိုးအဖြစ်ပြောင်းလဲခြင်းကို လုံးဝ တားမြစ်ထားသည်။ အစပိုင်းတွင် နတ်ဆိုးအဖြစ်ပြောင်းလဲခြင်းက အစွမ်းထက်သော ခွန်အားကို ရရှိစေသည်မှာ အမှန်ပင်ဖြစ်သည်။

သို့သော် အချိန်ကြာလာသည်နှင့်အမျှ နတ်ဆိုးစွမ်းအား၏ လွှမ်းမိုးမှုက ပိုမိုဆိုးရွားလာပြီး ကျင့်ကြံသူများ၏ စိတ်က စစ်မှန်သော နတ်ဆိုးတစ်ကောင်ဖြစ်လာရန် ပိုမိုနီးစပ်သွားပေလိမ့်မည်။

" အခုအရေးကြီးဆုံးက စီနီယာအကိုလီကို ဘယ်လိုကိုင်တွယ်ရမလဲဆိုတာပဲ။ " လင်းယွမ်က သူ၏ အတွေးများကို စုစည်းလိုက်သည်။

စီနီယာအကိုလီက သူ၏ နတ်ဆိုးအဖြစ် ပြောင်းလဲမှုကို လူမသိစေရန်နှင့် သတင်းမပေါက်ကြားသွားစေရန် မူလခန္ဓာကိုယ်ပိုင်ရှင်ကို နတ်ဆိုးစွမ်းအားဖြင့် သတ်ဖြတ်ရန် ကြိုးစားခဲ့သည်။

" ငါမသေသေးဘူးဆိုတာ သူသိသွားရင် ငါကို လုံးဝလွှတ်ထားမှာမဟုတ်ဘူး။ စီနီယာအကိုလီက ချင်းယွမ်ဂိုဏ်းရဲ့ စီနီယာတပည့်တစ်ယောက်ဖြစ်ပြီး လွှမ်းမိုးခြင်းအဆင့် စွမ်းအားကို ပိုင်ဆိုင်တယ်။ ငါ့ရဲ့ လက်ရှိအခြေအနေနဲ့ဆိုရင် သူ့ကို ယှဉ်နိုင်မှာမဟုတ်ဘူး။ " လင်းယွမ်က ခေါင်းခါလိုက်သည်။

ထို့အပြင် နတ်ဆိုးအဖြစ် ပြောင်းလဲပြီးနောက် စီနီယာအကိုလီ၏ စွမ်းအားက ပိုမိုမြင့်တက်လာမည်ဖြစ်ပြီး ဖရိုဖရဲအဆင့်နှင့် ယှည်နိုင်လောက်သည်။ ထိုအခြေအနေတွင် လင်းယွမ်က သူ့ကို မယှဉ်နိုင်သေးပေ။