ဇိမ်ခံကားများစွာ..

​ဇွန်လ ၁၆ ရက်၊ ၂၀၁၈ ခုနှစ်၊ ကျန်းလင်မြို့၊ ကျန့်ကန်း၊ အမှတ် ၁ ဗီလာတွင်...

​မနက်ခင်းစောစော၌ ပြတင်းပေါက်မှတစ်ဆင့် နေရောင်ခြည်က မြေပြင်ပေါ်သို့ ကျရောက်လာရာ အထူးတလည် တောက်ပနေသည်။

​"ဟူး "

​ ကြီးမားသော အိပ်ရာထက်မှ လင်းဖန် ဖြည်းညှင်းစွာ ထလာပြီး ကိုယ်လက်ဆန့်လိုက်သည်။ ဒါက သူပြီးခဲ့တဲ့ ၁၈ နှစ်တာကာလအတွင်း အကောင်းဆုံး အိပ်ပျော်ခြင်းပင် ဖြစ်သည်။

​ကြမ်းပြင်မှ မျက်နှာကြက်အထိ မှန်ပြတင်းပေါက်များမှတစ်ဆင့် အပြင်ဘက်ကို ငုံ့ကြည့်လိုက်ရာ အဝေးရှိ ချင်းဟွိုင်မြစ်က သူ​၏ မြင်ကွင်းထဲသို့ ရောက်လာသည်။

သေသေချာချာ နားထောင်ကြည့်ရင် တသွင်သွင် စီးဆင်းနေတဲ့ မြစ်ရေသံကိုပင် သဲ့သဲ့လေး ကြားရပေမည်။

​ကျန့်ခန်ဥယျာဉ်၏ ပထဝီဝင်တည်နေရာက အလွန်ကောင်းမွန်လှသည်။ တောင်ဘက်သို့ မျက်နှာမူထားပြီး ကျုံးရှန်ကို မျက်နှာချင်းဆိုင်ထားသည်။ ဆယ်မိုင်အကွာရှိ ချင်းဟွိုင်မြစ်နဲ့ နေနှင့်လကို အလုံးစုံ မြင်တွေ့နိုင်လေသည်။

​"ဟူး ဒါ့ကြောင့်မို့လို့ ကမ္ဘာပေါ်က လူတိုင်း ချမ်းသာချင်ကြတာ အံ့ဩစရာ မရှိဘူး.."

​ဒီမြင်ကွင်းကို ကြည့်ရင်း လင်းဖန် သက်ပြင်းမချဘဲ မနေနိုင်တော့ပေ။

​"ဒင်း ဒေါင်.."

​ထိုအချိန်တွင် တံခါးအပြင်ဘက်ရှိ ခေါင်းလောင်းသံ ရုတ်တရက် မြည်လာသည်။ ယူနီဖောင်း သပ်ရပ်စွာ ဝတ်ဆင်ထားသော ရှုကျန့်ရှင်းက တံခါးအပြင်ဘက်တွင် ရပ်နေပြီး ယဥ်ကျေးစွာ ပြောလိုက်သည်။

"သခင် ဒီနေ့ တက္ကသိုလ်ဝင်တန်း စာမေးပွဲ ရလဒ်တွေ ထွက်တဲ့နေ့ပါ.. ရလဒ်တွေ ကြည့်ဖို့ ကျောင်းကို သွားချင်ပါသလား ခဗျ.."

"​အိုး ..ဟုတ်သားပဲ ငါမေ့နေတာ.."

​ရှုကျန့်ရှင်းကသာ မပြောရင် လင်းဖန် သတိပင်ရမည်မဟုတ်ပေ။ ဒီနေ့က ရလဒ်များ ထွက်မည့်နေ့ ဖြစ်သည်လေ။

​"အင်း သွားတာ ပိုကောင်းမယ်..."

​လင်းဖန်က သူ၏ ခန့်မှန်းရလဒ်ကို ကြိုတင်သိထားပြီးဖြစ်သော်လည်း ဒါက သူ့ရဲ့ အထက် တန်းကျောင်းသားဘဝရဲ့ နောက်ဆုံး နေ့ ဖြစ်တာကြောင့် ကိုယ်တိုင်ကိုယ်ကျ မသွားပါက နောင်တရဖွယ်ရှိပေသည်။

​ခဏအကြာ....

လင်းဖန် ​အလျင်စလို မျက်နှာသစ်ပြီးနောက် ပထမထပ်ရှိ စားသောက်ခန်းသို့ တန်းသွားရာ မနက်စာမှာ အသင့်ပြင်ဆင်ပြီးသား ဖြစ်သည်။

​ကန်တုံမုန့်မျိုးစုံနဲ့ ပေကျင်းပုံစံ မုန့်များအထိ အစုံအလင် တွေ့ရပေသည်။

​သူ ကောင်းကောင်းစားခဲ့ရ၏။

​"ဆရာ ပထမအဖွဲ့ အသင့်ရှိနေပါပြီ..အမှတ် ၁ အလယ်တန်းကျောင်းသို့ လိုက်ပါပို့ဆောင်ရန် အသင့်ဖြစ်ပါပြီခဗျ..."

​လင်းဖန် မနက်စာစားပြီးနောက် ရှုကျန့်ရှင်းက ညင်သာစွာ မေးလိုက်သည်။

​"မလိုဘူး ငါ့ကို အမှောင်ထဲကနေပဲ ကာကွယ်ပေးဖို့ စီစဥ်လိုက်"

လင်းဖန် လက်ဝှေ့ယမ်းကာ ပြောလိုက်သည်။

"ဒါနဲ့ မင်း ယာဉ်မောင်းလိုင်စင် ရပြီလား"

​မနေ့က ရှုကျန့်ရှင်းကို ယာဉ်မောင်းလိုင်စင် အမြန်ဆုံး လျှောက်ထားရန် လင်းဖန် ပြောခဲ့သည်။ဘာ့ကြောင့်လဲဆိုတော့ နောင်တွင် သူတစ် ယောက်တည်းသာ ကားမောင်းရလျှင် ပိုအဆင်ပြေမည်ဖြစ်တာကြောင့်ပင်။

​" ရပါပြီ..သခင်.."

​"အင်း.."

​လင်းဖန် ခေါင်းညိတ်ပြလိုက်ပြီး အံ့ဩခြင်း မရှိတော့ပေ။

​ဘယ်လိုပဲ ဖြစ်စေ သူက ICBC ၏ အဓိက ဖောက်သည်ဖြစ်ပြီး ယာဉ်မောင်းလိုင်စင်ဆိုတာက သေးငယ်သော ကိစ္စလေးတစ်ခုသာ ဖြစ်သည်။

​ထို့နောက် ရှုကျန့်ရှင်းကို မြေအောက်ကားဂိုဒေါင်သို့ လိုက်ပို့ရန် လင်းဖန် တောင်းဆိုလိုက်သည်။

​"အာ.."

​သူ့ရှေ့မှ ကျယ်ဝန်းသော ကားဂိုဒေါင်ကို ကြည့်ရင်း ဒါက သူ့ရဲ့ ကားဂိုဒေါင်ဖြစ်တာကို လင်းဖန် သတိမထားမိခဲ့ပေ။ သူက နေရာအနည်းငယ်သာ ရှိသည်ဟု ထင်ခဲ့ပေမဲ့ အခု ရှေ့မှာက ဧရာမ မြေအောက်နေရာ တစ်ခု ဖြစ်နေသည်။

​

ဒါက စတုရန်းမီတာ ရာနှင့်ချီ ကျယ်ဝန်းပြီး ကားရပ်ရန် နေရာ ရာပေါင်းများစွာ ရှိကာ အားလုံးမှာ စနစ်တကျ ရှိနေသည်။

​"Koenigsegg One1.."

"Lamborghini Veneno.."

"Silbe Tuatara.."

"Aston Martin One-77..."

" ဘုရားရေ.."

​ကမ္ဘာပေါ်ရှိ စျေးအကြီးဆုံး ဇိမ်ခံအားကစားကား ဆယ်စီးထဲမှ တစ်စီးမှ ကျန်မနေခဲ့ပေ။

​၎င်းတို့ထဲတွင် စျေးအသက်သာဆုံးမှာ အကန့်အသတ် ထုတ်လုပ်သည့် Ferrari F60 America ဖြစ်ပြီး အစီးရေ ၁၀ စီးသာ ကန့်သတ်ထားကာ စျေးနှုန်းမှာ အမေရိကန်ဒေါ်လာ ၃.၂ သန်းအထိ ရှိပြီး ယွမ်ငွေ ၁၉.၈၄ သန်းခန့် ဖြစ်၏။

​ချက်ချင်းဆိုသလို လင်းဖန်ကို ကြည့်ကာ ရူကျန်းရှင်း မေးလိုက်သည်။

​"ကျွန်တော် တောင်းပန်ပါတယ် သခင်..သခင်က ဘယ်လိုကားမျိုးကို ကြိုက်လဲဆိုတာ ကျွန်တော်တို့ မသိတာကြောင့် ဒါတွေကိုပဲ ပြင်ဆင်ထားခဲ့တာပါ.."

​ရှုကျန့်ရှင်းက တောင်းပန်သည့်ပုံစံဖြင့် သတင်းပို့နေသည်။

"အမှတ် ၁ ဗီလာရဲ့ မြေအောက်ကားဂိုဒေါင်မှာ ကားစီးရေ သုံးဆယ် ရှိပါတယ်၊ အဲဒီထဲမှာ အားကစားကား ဆယ်စီး၊ ဆွီဒင်ကား ဆယ်စီး၊ နဲ့ အော့ဖ်ရုတ်ကား နဲ့ အာဗွီကား (RVs) ဆယ်စီး ပါဝင်ပါတယ်ခဗျာ..."

​'ဒါတွေကိုပဲ ပြင်ဆင်ထားတာပေါ့. ငလူး...'

​လင်းဖန် မရယ်ဘဲ မနေနိုင်တော့ပေ။

​ဧရာမ မြေအောက်ကားဂိုဒေါင်နှင့် နှိုင်းယှဉ်လျှင် ကားစီးရေ သုံးဆယ်က အနည်းငယ် နည်းသည်မှာ မှန်သော်လည်း ဒီနေရာတွင် ထားရှိသော ကားများထဲမှ တစ်စီးမျှ သန်းဆယ်ဂဏန်းထက် စျေးမနည်းပေ။

​အားကစားကားများအပြင် ဆွီဒင်ကားများတွင် Rolls-Royce Silver Phantom၊ Bentley Mulsanne Deluxe Edition၊ Maserati Royal Edition တို့တောင် ရှိသည်။

​အထူးခြားဆုံးမှာ အော့ဖ်ရုတ်ကားများ ဖြစ်သည်။ George Patton၊ Cavalier Fifteen၊ Kaibaihe Shield၊ Paramount Predator၊ Unimog U5000 တို့အနက် မည်သည်က ဧရာမ ကားကြီး မဟုတ်သနည်း။

​"ဒီတစ်ခုအပြင် တခြား ကားဂိုဒေါင်တွေ ရှိသေးလား..."

​ " ရှိပါတယ် သခင်.."

​ဒီစကားကို ကြားတော့ ရှုကျန့်ရှင်းက အလေးအနက် ပြောလိုက်၏။

"သခင် ကျန့်ခန်ဥယျာဉ်မှာ ဗီလာ စုစုပေါင်း အလုံး ၁၂၀ ရှိပါတယ်။ ဗီလာတိုင်းမှာ ကိုယ်ပိုင် မြေအောက်ကားဂိုဒေါင် ရှိပါတယ်.. ဒါ့အပြင် ကားအစီး ၃,၀၀၀ ဆံ့တဲ့ မြေအောက်ကားဂိုဒေါင်ကြီးတစ်ခုလည်း ရှိပါတယ်ခဗျ..."

​" ဘုရားရေ.."

​လင်းဖန် ခံစားချက်အားလုံးကို ဆုံးရှုံးသွားခဲ့သည်။

​"ဒါဆို သွားကြရအောင်.."

​သူပြောရင်း Lamborghini Poison တစ်စီးကို ရွေးချယ်ကာ သော့ကိုယူကာ နှိပ်လိုက်သည်။

"​ ဒီ ဒီ..... "

​ပြတ်သားသော ဟွန်းသံနှင့်အတူ Lamborghini Poison ၏ မီးရှူးမီးပန်းများ ပွင့်လာရာ စိန်များကဲ့သို့ တောက်ပနေပြီး ဘေးနှစ်ဖက်ရှိ တံခါးများက တောင်ပံများကဲ့သို့ ပွင့်လာသည်။

​လင်းဖန် အထင်ကြီးစရာ ပုံစံနဲ့ ဝင်ထိုင်လိုက်သည်။ ဒါက သန်းပေါင်းများစွာ တန်သော ဇိမ်ခံကား ဖြစ်သည်မှာ အမှန်ပင်။ နည်းပညာပိုင်းဆိုင်ရာ ဒီဇိုင်း၊ ဖော်ပြလို့ပင် မရအောင် ဇိမ်ခံသည့် အတွင်းပိုင်းနှင့် သက်သောင့်သက်သာရှိမှု့ အဆင့်က လုံးဝ စိတ်ကျေနပ်စရာပင် ကောင်းလှသည်။

"​ ဝှီး...."

ထိုအချိန် ​အရိပ်တစ်ခုက မြေအောက်ကားဂိုဒေါင်မှ လျှပ်စီးကဲ့သို့ ပြေးထွက်လာသည်။ သူ့နောက်တွင် ကိုယ်ရံတော် ၁၂ ဦးက Audi A8L နှစ်စီးတွင် ထိုင်လျက် လင်းဖန်ကို အကာအကွယ်ပေးရန် လိုက်လာခဲ့သည်။