ဂိုဏ်းအပျက်အစီးနေရာ...

ကမ္ဘာအမျိုးမျိုးတွင် တာအိုများကို လေ့လာဖန်တီးခြင်း

လင်းယွမ်က ဒဏ်ရာအပြင်းအထန် ရနေသော နတ်ဆိုးကြီးကို ငုံ့ကြည့်လိုက်သည်။

" ဒီလိုစောင့်ကြည့်တဲ့ နည်းစနစ်က မှော်စာလုံးလမ်းစဉ်ပေါ်မှာ အခြေခံထားတာလား။ "

ထိုစောင့်ကြည့်မှုက အလွန်သိမ်မွေ့လှသည်။

" သူတို့ ငါ့ကို မြင်သွားပြီထင်တယ်။ " လင်းယွမ်၏ စိတ်က တည်ငြိမ်နေသည်။ သူ၏ စွမ်းအားမှာ အထွတ်အထိပ်သို့ ပြန်ရောက်နေပြီဖြစ်ပြီး အမှုန်ကမ္ဘာများကိုလည်း ဖန်တီးထားပြီဖြစ်သည်။

" ဒီနတ်ဆိုးကတော့..." လင်းယွမ်က ခြေတစ်လှမ်းစီတိုင်းတွင် မဟာသူတော်စင်တစ်ယောက်ကို ချေမှုန်းရန် လုံလောက်ပေသည်။ သူက ထိုနတ်ဆိုးကို သတ်ရန်ထက် ၎င်း၏ ခန္ဓာကိုယ်ကို သန့်စင်ပြီး စွမ်းအားများ ထုတ်ယူရန် ဖြစ်သည်။

" ဝင်ခဲ့ " လင်းယွမ်က ထိုနတ်ဆိုးကြီးကို သူ၏ အမှုန်ကမ္ဘာတစ်ခုအတွင်းသို့ ပို့ဆောင်လိုက်သည်။

ချင်းယွမ်တောင်၏ ခန်းမထဲတွင် အကြီးအကဲများက တိတ်ဆိတ်နေကြသည်။

" ဂိုဏ်းချုပ် သူက..." အကြီးအကဲတစ်ယောက်က စကားစပြောလိုက်သည်။

" ငါလည်းမသိဘူး။ " ဂိုဏ်းချုပ်က ခေါင်းခါပြလိုက်သည်။

" ဘာပဲဖြစ်ဖြစ် အဲ့ဒီအကြီးအကဲက ငါတို့ဂိုဏ်းအပေါ် မကောင်းတဲ့စိတ်မရှိတာတော့ သေချာပါတယ်။ "

" အခု ငါတို့ ဘာလုပ်ကြမလဲ။ " အခြားအကြီးအကဲတစ်ယောက်က မေးလိုက်သည်။

" အဲ့ဒီအကြီးအကဲက ငါတို့ ဂိုဏ်းမှာဆိုတော့ သွားပြီး ဂါရဝပြုရမှာပေါ့။ "

ချင်းယွမ်ကျမ်းစာတိုက်၏ အတွင်းပိုင်းတွင် လင်းယွမ်က နတ်ဆိုးကြီးကို သန့်စင်ပြီးသွားပြီဖြစ်သည်။

" ဒါက ငါ့အတွက် အမှုန်ကမ္ဘာ သန်း ၆၀ လောက် ထပ်ဖွင့်ဖို့ လုံလောက်တယ်။ " လင်းယွမ်က ပြုံးလိုက်သည်။

ချင်းယွမ်ကျမ်းစာတိုက်မှ တပည့်များက အပြင်သို့ ထွက်လာကြသည်။

" ဂိုဏ်းချုပ်က ဘာလို့ရောက်လာတာလဲ။ " တပည့်များကလည်း ကြီးမားသော ကိစ္စတစ်ခု ဖြစ်နေပြီးကို လျင်မြန်စွာ သိလိုက်ကြသည်။

" ချင်းယွမ်ဂိုဏ်းရဲ့ ၂၆၃၈ ဆက်မြောက် ဂိုဏ်းချုပ်နဲ့ အကြီးအကဲ ၄၅၆ ယောက်တို့က အကြီးအကဲကို ဂါရဝပြုပါတယ်။ " ဂိုဏ်းချုပ်က လင်းယွမ်ကို ကျမ်းစာတိုက်တွင် ရှိမရှိ မသေချာသော်လည်း လင်းယွမ်နှင့် တွေ့ဆုံလိုလျှင် ချင်းယွမ်ကျမ်းစာတိုက်မှ အခြားသွားစရာနေရာမရှိပေ။

လင်းယွမ်၏ စွမ်းအားနှင့်ဆိုလျှင် သူတို့ရောက်ရှိလာခြင်းကို သတိမပြုမိဘဲ နေမည်မဟုတ်ပေ။

" ဝင်ခဲ့ပါ။ " ဂိုဏ်းချုပ်နှင့် အကြီးအကဲများက ကျမ်းစာတိုက်အတွင်းသို့ ဝင်သွားကြသည်။

" အကြီးအကဲက အချိန်လေဟာနယ်အပေါ် တကယ်ကျွမ်းကျင်တာပဲ။ " ဂိုဏ်းချုပ်က ထိတ်လန့်တုန်လှုပ်သွားရသည်။

" အကြီးအကဲကို အရိုအသေပေးပါတယ်။ " ဂိုဏ်းချုပ်နှင့် အကြီးအကဲများက ဦးညွှတ်လိုက်ကြသည်။

" ငါ့ကို ဘာကိစ္စနဲ့ ရှာတာလဲ။ " လင်းယွမ်က တိုက်ရိုက်မေးလိုက်သည်။

" အကြီးအကဲ ဒီနှစ်တွေတစ်လျှောက် ကျွန်တော်တို့ဂိုဏ်းကို ကာကွယ်စောင့်ရှောက်ပေးခဲ့တဲ့အတွက် ကျေးဇူးတင်စကားလာပြောတာပါ။ "

" ကိစ္စမရှိပါဘူး။ " လင်းယွမ်က ခေါင်းခါပြလိုက်သည်။

" အဲ့ဒီစောင့်ကြည့်တဲ့ မှော်စာလုံးနည်းစနစ်က ဘယ်ကရတာလဲ။ " လင်းယွမ်က စိတ်ဝင်တစားမေးလိုက်သည်။

" အကြီးအကဲ အဲ့ဒီမှော်စာလုံးအမွေအနှစ်က ကမ္ဘာအလယ်မှာရှိတဲ့ ထာဝရဂိုဏ်းကနေ ဆင်းသက်လာတာပါ။ " ဂိုဏ်းချုပ်က ပြန်ဖြေလိုက်သည်။

" ထာဝရဂိုဏ်းလား။ " လင်းယွမ်က ဂိုဏ်းချုပ်ကို ကြည့်လိုက်သည်။

ထာဝရဂိုဏ်းဆိုသည်မှာ အလွှာဆယ့်သုံး အချိန်သက်ရှိတစ်ယောက် နေထိုင်ရာ အင်အားကြီး အဖွဲ့အစည်းတစ်ခု ဖြစ်သည်။

" အဲ့ဒီလျို့ဝှက်နည်းစနစ်တွေကို ငါကြည့်လို့ရမလား။ " လင်းယွမ်က ပြောလိုက်သည်။

ဂိုဏ်းချုပ်က ထာဝရဂိုဏ်းမှ လျို့ဝှက်နည်းစနစ်များ ပါဝင်သော ကျောက်စိမ်းစာလိပ်တစ်ခုကို ထုတ်ပေးလိုက်သည်။

" တကယ် အံ့ဩစရာပဲ။ " လင်းယွမ်က လျို့ဝှက်နည်းစနစ်များကို လေ့လာရင်း မျက်လုံးများ တောက်ပလာသည်။

" အလွှာဆယ့်သုံးပဲ။ ဒီနည်းစနစ်တွေက အလွှာဆယ့်သုံး အချိန်သက်ရှိတစ်ယောက် ဖန်တီးထားတာ သေချာတယ်။ " လင်းယွမ်က သူ၏ မူလစိတ်ဝိညာဉ်နှစ်ခုကို ပိုမိုဝေးကွာသော နယ်မြေများသို့ စူးစမ်းရန် စေလွှတ်ခဲ့သည်။ သူက ချင်းယွမ်ဂိုဏ်းကဲ့သို့ အဖွဲ့အစည်းများကို ရှာဖွေပြီး မှော်စာလုံးအမွေအနှစ်များကို ရှာဖွေရန်ဖြစ်သည်။

" အမှုန်ကမ္ဘာတွေကို ဆက်ပြီးတည်ဆောက်ရမယ်။ "

ချင်းယွမ်ဂိုဏ်းနှင့် ဝေးကွာသော နေရာတွင် ထိုက်ယင်မူလစိတ်ဝိညာဉ်က ထိုင်နေပြီး ကိုယ်ပွားများကို အရပ်မျက်နှာအသီးသီးသို့ စေလွှတ်လိုက်သည်။

ရုတ်တရက် လင်းယွမ်၏ အမူအရာက ပြောင်းလဲသွားသည်။ သူ၏ ကိုယ်ပွားတစ်ခုက ဂိုဏ်းအပျက်အစီးနေရာတစ်ခုကို ရှာတွေ့သွားသည်။

" ဒီနေရာက တကယ်ထူးခြားတာပဲ။ " လင်းယွမ်က မျက်မှောင်ကြုတ်ပြီး စိုက်ကြည့်လိုက်သည်။

" ဒီနေရာက ကာကွယ်ရေးအစီအရင်က တစ်ကြိမ်ထက်မက ဖျက်ဆီးခံခဲ့ရတာပဲ။ ဒါပေမယ့် ဖျက်ဆီးခံရတိုင်း အလိုအလျောက် ပြန်ကောင်းမွန်လာတယ်။ "

ထိုက်ယင်မူလစိတ်ဝိညာဉ်က ဂိုဏ်းအပျက်အစီးနေရာသို့ ရောက်ရှိလာခဲ့သည်။ " အနည်းဆုံးတော့ ဒီဂိုဏ်းက ချင်းယွမ်ဂိုဏ်းထက် အများကြီး ပိုသာတယ်။ "

ရင်းမြစ်ကမ္ဘာတွင် ဂိုဏ်းများကို အဆင့်သုံးဆင့် ခွဲခြားထားသည်။ ပထမအဆင့်က ထာဝရဂိုဏ်းများဖြစ်ပြီး အလွှာဆယ့်သုံး အချိန်သက်ရှိများက တည်ထောင်ထားသည်။ ဒုတိယအဆင့်က သူတော်စင်ဂိုဏ်းများဖြစ်ပြီး လွတ်မြောက်ခြင်းအဆင့် သုံးဆင့်ရှိသူများက တည်ထာင်ထားသည်။ တတိယအဆင့်က ချင်းယွမ်ဂိုဏ်းကဲ့သို့ အသက်ရှည်ခြင်းအဆင့်ဂိုဏ်းများဖြစ်သည်။

" ဒါက မူလနတ်ဆိုးတစ်ကောင်ရဲ့ လက်ချက်ဖြစ်ရမယ်။ " လင်းယွမ်က ပျက်စီးနေသော နေရာမှ နတ်ဆိုးစွမ်းအားများကို တွေ့လိုက်ရသည်။ သူက ထိုနေရာ၏ အနက်ရှိုင်းဆုံးသို့ ဝင်ရောက်သွားပြီး ရုပ်တုတစ်ခုကို တွေ့လိုက်ရသည်။

" မှော်စာလုံးတွေလား။ " လင်းယွမ်က ရုပ်တုအောက်မှ မှော်စာလုံးများကို တွေ့လိုက်ရသည်။ သူက နောက်ဆုံး မှော်စာလုံးသုံးလုံးကို ဖြည့်စွက်လိုက်သောအခါ ရုပ်တုက အနည်းငယ် တုန်ခါသွားသည်။

အနီရောင်ဝတ်ရုံနှင့် လူတစ်ယောက်၏ ပုံရိပ်က ထွက်ပေါ်လာသည်။ " ငါ့နာမည် လီဟုန်။ အခု မူလနတ်ဆိုးတစ်ကောင်က ငါ့ကိုအမဲလိုက်နေတယ်။ "

" လီဟုန်လား။ ဒီဂိုဏ်းကို တည်ထောင်တဲ့သူပေါ့။ " လင်းယွမ်က တွေးလိုက်သည်။

" အဲ့ဒီမူလနတ်ဆိုးက အရမ်းသန်မာတယ်။ ထာဝရသားတော်တောင် သူ့ကို ယှဉ်နိုင်မှာမဟုတ်လောက်ဘူး။ "

ထာဝရသားတော်ဆိုသည်မှာ ထာရဝဂိုဏ်းများ၏ အစွမ်းထက်သော ဆက်ခံသူများဖြစ်ပြီး လွတ်မြောက်ခြင်းအဆင့်ထက် ကျော်လွန်သော စွမ်းအားကို ပိုင်ဆိုင်ကြသည်။

" ထာဝရသားတော်ထက် ပိုသန်မာတယ်။ " လင်းယွမ်က အနည်းငယ် အံ့အားသင့်သွားသည်။ ထာဝရသားတော်များက ချောက်နက်နဂါးနီးပါး သန်မာကြသည်။

" နတ်ဆိုးဆိုတာဘာလဲ။ " လင်းယွမ်က အနည်းငယ် မျက်မှောင်ကြုတ်သွားသည်။ သူက နတ်ဆိုးများကို နှစ်တစ်ထောင်နီးပါးကြာအောင် အမဲလိုက်ခဲ့သော်လည်း နတ်ဆိုးများအကြောင်း အဖြေရှာမရခဲ့ပေ။

" နတ်ဆိုးစွမ်းအားက စိတ်စွမ်းအားထဲကို ထိုးဖောက်ဝင်ရောက်နိုင်တယ်။ ဘယ်လိုနည်းလမ်းကမှ အသုံးမဝင်ဘူး။ ကြောင်းကျိုးဆက်နွယ်မှုရှိနေသရွေ့ မူလနတ်ဆိုးက လိုက်လံတိုက်ခိုက်လိမ့်မယ်။ သေခြင်းတရာကို ရှောင်လွှဲလို့မရတဲ့အတွက် ငါ့ရဲ့ အမွေအနှစ်တွေပါဝင်တဲ့ ဒီရုပ်တုကို ချန်ထားခဲ့တယ်။ အထူးသဖြင့် ဒီမှော်စာလုံးလမ်းစဉ်က ထာဝရအရှင်သခင်တွေဆီက လက်ဆင့်ကမ်းခဲ့တာပဲ။ "

" မှော်စာလုံးလမ်းစဉ်လား။ " လင်းယွမ်က အာရုံစိုက်ပြီး နားထောင်နေသည်။

လီဟုန်က သူ့လောက်မသန်မာသော်လည်း မှော်စာလုံးများအပေါ် သူ၏ နားလည်မှုက ထူးခြားသော အမြင်များ ရှိနေသည်မှာ သေချာသည်။ အထူးသဖြင့် သူက ထာဝရအရှင်သခင်အချို့နှင့် တွေ့ဆုံခဲ့ပြီး လမ်းညွှန်မှုများ ရရှိခဲ့သောကြောင့် သူ၏ မှော်စာလုံးများအပေါ် နားလည်မှုမှာ ချင်းယွမ်ဂိုဏ်းထက် သာလွန်သည်မှာ သေချာသည်။

" ငါက ထာဝရအရှင်သခင်တွေရဲ့ ဟောပြောချက်တွေကို နားထောင်ခဲ့ဖူးတယ်။ " လီဟုန်က ပြုံး၍ ပြောလိုက်သည်။ " ထာဝရအရှင်သခင်တစ်ပါးရဲ့ မှော်စာလုံးလမ်းစဉ်အပေါ် နားလည်မှုက အလွန်နက်ရှိုင်းပြီး ကျယ်ဝန်းလှတယ်။ ငါတို့တစ်သက်လုံး လေ့လာဖို့ လုံလောက်တယ်။ "

လင်းယွမ်က တိတ်ဆိတ်စွာ နားထောင်နေသည်။ သူ၏ ရှေ့မှ လီဟုန်က စိတ်အသိမရှိဘဲ မှတ်တမ်းတင်ထားသော ပုံရိပ်တစ်ခုဖြစ်ပြီး လင်းယွမ်၏ မေးခွန်းများကို ဖြေနိုင်မည်မဟုတ်ပေ။

" ဒါပေမယ့် ထာဝရအရှင်သခင်တွေထဲမှာ ကောင်းကင်အလင်းအရှင်သခင်ရဲ့ မှော်စာလုံးလမ်းစဉ်အပေါ် နားလည်မှုက ငါ အလေးစားဆုံးပဲ။ " လီဟုန်က ပြောလိုက်သည်။ " ဒါက အခြားထာဝရအရှင်သခင်တွေကို အထင်သေးလို့မဟုတ်ဘူး။ ဒါပေမယ့် ကောင်းကင်အလင်းအရှင်သခင် ဟောကြားတဲ့ မှော်စာလုံးလမ်းစဉ်က အပြည့်စုံဆုံးလို့ ငါခံစားရတယ်။ "

" ကောင်းကင်အလင်းအရှင်သခင်ရဲ့ မှော်စာလုံးလမ်းစဉ်က အရာရာကို လုပ်ဆောင်နိုင်ခြင်းပဲ။ "

" အရာရာကို လုပ်ဆောင်နိုင်ခြင်းလား။ " လင်းယွမ်၏ အမူအရာက အနည်းငယ် ပြောင်းလဲသွားသည်။

" မင်းက ငါတို့ရှိနေတဲ့ ကမ္ဘာကို ဖန်တီးချင်ရင် မှော်စာလုံးလမ်းစဉ်ကို သုံးပြီး လုပ်ဆောင်နိုင်တယ်။ တကယ်လို့ အတိတ်က ကျင့်ကြံသူတစ်ယောက်ကို ပြန်လည်ရှင်သန်စေချင်ရင်တောင် မှော်စာလုံးလမ်းစဉ်ရဲ့ စွမ်းအားနဲ့ လုပ်ဆောင်နိုင်တယ်။ ကောင်းကင်အလင်းအရှင်သခင် နားလည်ထားတဲ့ မှော်စာလုံးလမ်းစဉ်က အရာရာကို လုပ်ဆောင်နိုင်တယ်။ "

" အခြားထာဝရအရှင်သခင်တစ်ယောက်ကိုတောင် သတ်ပစ်နိုင်တယ်။ ထာဝရအရှင်သခင်တွေက အနာဂတ်ကို ကြိုမြင်နိုင်ပြီး ဖြစ်နိုင်ခြေအမျိုးမျိုးကို သိနိုင်ကြတယ်။ ထာဝရအရှင်သခင်တစ်ယောက်ကို သတ်ဖို့က အရမ်းခက်ခဲပေမယ့် မှော်စာလုံးလမ်းစဉ်ကို အထွတ်အထိပ်ထိ နားလည်ပြီး အရာရာကို စွမ်းဆောင်နိုင်တဲ့အဆင့်ထိ ရောက်ရင် ထာဝရအရှင်သခင်ကိုတောင် အပြီးတိုင် သတ်ပစ်နိုင်တယ်။ "

" အဲ့ဒီအဆင့်ရောက်ရင် ထာဝရအရှင်သခင်အသစ်တစ်ယောက်ကိုတောင် ဖန်တီးနိုင်တယ်။ ဒါပေမယ့် ကောင်းကင်အလင်းအရှင်သခင်တောင် အဲ့ကိီအဆင့်ကို မရောက်သေးပါဘူး။ ဒါက လက်ရှိမှာ ဖြစ်နိုင်ခြေတစ်ခုပဲ ရှိသေးတယ်။ " လီဟုန်က ပြောလိုက်သည်။

လင်းယွမ်က စိတ်ထဲတွင် တုန်လှုပ်သွားသည်။ ချင်းယွမ်ဂိုဏ်း၏ မှတ်တမ်းများအရ ကောင်းကင်အလင်းအရှင်သခင်က ဤရင်းမြစ်ကမ္ဘာတွင်ရှိသော အချိန်သက်ရှိများထဲမှတစ်ယောက်ဖြစ်သည်။ ကောင်းကင်အလင်းအရှင်သခင်က မှော်စာလုံးများအပေါ် ထိုမျှအထိ နားလည်ထားလိမ့်မည်ဟု လင်းယွမ်က မမျှော်လင့်ထားခဲ့ပေ။