ကိုယ်ပွားတစ်ခု၏ စွမ်းအား...

ကမ္ဘာအမျိုးမျိုးတွင် တာအိုများကို လေ့လာဖန်တီးခြင်း

" နဂါးငွေ့တန်းမဟာသူတော်စင်က ဒီလိုလုပ်တယ်ဆိုရင် သူ့မှာ ယုံကြည်ချက်ရှိလို့ပဲ ဖြစ်မှာပေါ့။ "

" ငါ့အထင်တော့ နဂါးငွေ့တန်းမဟာသူတော်စင်က အရင်ဆုံး အခြေအနေကို စူးစမ်းဖို့ ကိုယ်ပွားတစ်ခု စေလွှတ်လိုက်တာနေမှာပေါ့။ အန္တရာယ်မရှိဘူးဆိုမှ သူရဲ့ မူလခန္ဓာကိုယ် ဆင်းသက်လာမယ်ထင်တယ်။ "

ထိုအချိန်တွင် ပုံရိပ်တစ်ခုက ပေါ်လာပြီး သူ၏ မျက်ခုံးနှစ်ခုကြားတွင် ယင်ယန်ထိုက်ကျိသင်္ကေတတစ်ခု လည်ပတ်နေသည်။

"ဒါက နဂါးငွေ့တန်းမဟာသူတော်စင်ရဲ့ ကိုယ်ပွားလား။ " ပြိုင်ဘက်ကင်းမဟာသူတော်စင်တစ်ယောက်က ထိတ်လန့်သွားသည်။

ကိုယ်ပွားတစ်ခုသာ ဖြစ်သော်လည်း သူတို့အပေါ် ကြီးမားသော ဖိအားကို ပေးနေသည်။ ထိုဖိအားက သူ၏ အချိန်လေဟာနယ် နားလည်မှုမှ ဆင်းသက်လာခြင်းဖြစ်သည်။

" ဒါက ဒိုင်မန်းရှင်းအက်ကြောင်းလား။ " လင်းယွမ်က တည်​ငြိမ်စွာ မေးလိုက်သည်။

" ဟုတ်ပါတယ်။ နိယာမမူလသစ်သီးက ကျွန်းငယ်လေးပေါ်မှာ ရှိနေတာပည။ "

လင်းယွမ်က ခြေတစ်လှမ်း လှမ်းလိုက်ပြီး ဒိုင်မန်းရှင်းအက်ကြောင်းအတွင်းသို့ ဝင်ရောက်သွားသည်။ လင်းယွမ်၏ ကိုယ်ပွားက အက်ကြောင်းအတွင်းသို့ ဝင်ရောက်ပြီးနောက် နိယာမမူလသစ်သီးရှိသော ကျွန်းလေးကို လျင်မြန်စွာ မြင်တွေ့လိုက်ရသည်။

ထိုကျွန်းလေးမှာ ဟင်းလင်းပြင်နယ်မြေတစ်ခုစာမျှသာ ကျယ်ဝန်းသော်လည်း ပြိုင်ဘက်ကင်းမဟာသူတော်စင်တစ်ယောက်အတွက်ပင် ချက်ချင်း ဖြတ်ကျော်ရန် ခက်ခဲလေသည်။

" နဂါးငွေ့တန်းမဟာသူတော်စင် နိယာမမူလသစ်သီးက အဲ့ဒီမှာပါ။ " ဖုန်းကျူးက ပြောလိုက်ရာ လင်းယွမ်က ဦးတည်ချက်တစ်ခုသို့ ကြည့်လိုက်သည်။ ကျွန်း၏ အတွင်းပိုင်းတွင် လှုပ်ရှားနေသော သစ်ပင်တစ်ပင်ကို မြင်လိုက်ရသည်။

" နဂါးငွေ့တန်းမဟာသူတော်စင် နိယာမမူလသစ်သီးနဲ့ ပိုပြီးနီးကပ်လေ ဒိုင်မန်းရှင်းသက်ရှိတွေ ပိုများလေပဲ။ "

" အဆင်ပြေပါတယ်။ " လင်းယွမ်က ခေါင်းညိမ့်လိုက်သည်။ " မင်းတို့ ဘာမှလုပ်ဖို့မလိုဘူး။ ငါကိုယ်တိုင်ပဲ တိုက်ရိုက် သွားယူလိုက်မယ်။ "

" နဂါးငွေ့တန်းမဟာသူတော်စင်ရဲ့ မူလခန္ဓာကိုယ်က ဘယ်တော့ဆင်းသက်လာမှာလဲ။ " ဖုန်းကျူးက မေးလိုက်သည်။

" မူလခန္ဓာကိုယ်လား။ " လင်းယွမ်က ပြုံးပြီး ပြောလိုက်သည်။ " မလိုပါဘူး။ "

လင်းယွမ်က လက်ကို ဆန့်ထုတ်လိုက်သည်။ သူ၏ လက်ဝါးမှာ ရုတ်တရက် ကြီးမားလာပြီး ကျွန်း၏ အနက်ရှိုင်းဆုံးနေရာသို့ လှမ်းကိုင်လိုက်သည်။ ဒိုင်မန်းရှင်းသက်ရှိများက ခုခံရန် ကြိုးစားခဲ့သော်လည်း နောက်ဆုံးတွင် တိတ်တဆိတ် ချေမှုန်းခြင်း ခံလိုက်ရသည်။ ခဏအတွင်း သစ်ပင်က လင်းယွမ်၏ လက်ထဲသို့ ဖမ်းဆုပ်ခြင်းခံလိုက်ရပြီး သူ၏ ရှေ့တွင် ပေါ်လာသည်။

" ပြီးပြီ။ " လင်းယွမ်က သစ်ပင်ကို ကြည့်ပြီး ပြုံးလိုက်၏။

ပြိုင်ဘက်ကင်းမဟာသူတော်စင် ဆယ်ယောက်ကျော်က ထိတ်လန့်သွားကြသည်။ သူတို့၏ စိတ်ထဲတွင် အတွေးတစ်ခုပေါ်လာသည်။ ဒါက တကယ်ပဲ ကိုယ်ပွားတစ်ခုလား။

" ဒါဘယ်နေရာလဲ။ " နိယာမမူလသစ်ပင်က အမြစ်မှ နုတ်ယူခံလိုက်ရသဖြင့် ရုတ်တရက် နိုးထလာသည်။ နိယာမမူလသစ်ပင်က အတိုင်းအတာတစ်ခုအထိ အသိဉာဏ်ရှိနေသည်။

ဒိုင်မန်းရှင်းကွာဟမှုများက အလွန်လျို့ဝှက်ဆန်းကြယ်လှပြီး ထိုပတ်ဝန်းကျင်၏ ကြမ်းတမ်းမှုက ဖရိုဖရဲဟင်းလင်းပြင်ထက် ပို၍ ပြင်းထန်ပေသည်။

" အရမ်းသန်မာလွန်းတယ်။ ဒါက ဒိုင်မန်းရှင်းတစ်ခုကနေ မွေးဖွားလာတဲ့ သက်ရှိလား။ " နိယာမမူလသစ်ပင်က ကြောက်ရွံ့ပြီး တုန်ယင်နေသည်။

လမ်းစဉ်တစ်သောင်းမျက်လုံးကလည်း လင်းယွမ်၏ လက်ဝါးက ကောင်းကင်ကို လွှမ်းခြုံသွားသည့် အခိုက်အတန့်ကို မြင်တွေ့လိုက်ရသည်။

" ဒီစွမ်းအားက..." လမ်းစဉ်တစ်သောင်းမျက်လုံးက မယုံကြည်နိုင်ဖြစ်သွားသည်။ " ကိုယ်ပွားတစ်ခုရဲ့ စွမ်းအားက သမိုင်းတစ်လျှောက် အနှိုင်းမဲ့မဟာသူတော်စင်အားလုံးထက် သာလွန်နေတာလား။ "

လင်းယွမ်က အလွှာဆယ့်သုံးသို့ မရောက်သေးသည်ကို သေချာမသိလျှင် အချိန်သက်ရှိတစ်ယောက် ဝင်ရောက်စွက်ဖက်နေသည်ဟု သံသယဝင်မိပေလိမ့်မည်။

" ဒါက ဘယ်လိုသက်ရှိများလဲ။ " လမ်းစဉ်တစ်သောင်းမျက်လုံးက အဝေးသို့ ကြည့်ရင်း စိတ်လှုပ်ရှားစွာ ရေရွတ်လိုက်သည်။

" နဂါးငွေ့တန်းရဲ့ မူလခန္ဓာကိုယ်က ဘယ်လောက်တောင် သန်မာနေပြီလဲ။ "

ကိုယ်ပွားတစ်ခုတည်းက ထိုမျှအစွမ်းထက်နေလျှင် ဖရိုဖရဲဟင်းလင်းပြင်ရှိ မည်သူက နဂါးငွေ့တန်း၏ မူလခန္ဓာကိုယ်ကို အစွမ်းကုန် တိုက်ခိုက်အောင် ဖိအားပေးနိုင်မှာလဲ။ ၎င်းကို အလွှာဆယ့်သုံး အချိန်သက်ရှိများသာ လုပ်ဆောင်နိုင်ပေလိမ့်မည်။

" အဲ့ဒီလူက သူချန်ခဲ့တဲ့ အမွေအနှစ်ကနေ နဂါးငွေ့တန်းလို တည်ရှိမှုမျိုး ထွက်ပေါ်လာမယ်ဆိုတာ သိခဲ့ပါ့မလား။ "

ထိုလူမှာ အဆုံးမဲ့ဟင်းလင်းပြင်ကို ဖန်တီးသူဖြစ်ပြီး ဖရိုဖရဲဟင်းလင်းပြင်ရှိ အချိန်သက်ရှိများထဲမှ တစ်ယောက်ဖြစ်သည်။

" အားလုံး ချောချောမွေ့မွေ့ပါပဲ။ " လင်းယွမ်က နိယာမမူလသစ်ပင်ကို ဖမ်းကိုင်လိုက်သည်။ သူ၏ ကိုယ်ပွားလှုပ်ရှားလိုက်သည်နှင့် သူ၏ မူလခန္ဓာကိုယ်က ဤနေရာသို့ အာရုံစိုက်ထားပြီး မမျှော်လင့်ထားသော အခြေအနေများဖြစ်ပေါ်လာလျှင် အချိန်မရွေး လှုပ်ရှားရန် အသင့်ပြင်ထားသည်။

" ဒိုင်မန်းရှင်းအက်ကြောင်း..." လင်းယွမ်က ကျယ်ပြောလှသော ဒိုင်မန်းရှင်းအက်ကြောင်းကြီးကို စိုက်ကြည့်နေသည်။

ဒိုင်မန်းရှင်းအတွင်း မဟာတာအို၏ နိယာမများ လည်ပတ်နေသဖြင့် ကျင့်ကြံရန်အတွက် အကောင်းဆုံး ပတ်ဝန်းကျင်တစ်ခုဖြစ်သည်။ သို့သော ဒိုင်မန်းရှင်းအက်ကြောင်းမှာမူ မဟာတာအို၏ နိယာမများမရှိဘဲ ဒိုင်မန်းရှင်းများမှ ထွက်ပေါ်လာသော ဖိအားများကိုသာ ခံရမည်ဖြစ်သည်။

ဒိုင်မန်းရှင်းအက်ကြောင်းအတွင်းမှ သက်ရှိများက အလွန်သန်မာကြသည်။ အမှန်တကယ်တော့ ဒိုင်မန်းရှင်းအက်ကြောင်းများက အလွှာဆယ့်သုံး အချိန်သက်ရှိများ၏ တိုက်ပွဲမြေပြင်ဖြစ်သည်။

" နိယာမမူလသစ်ပင်။ " လင်းယွမ်က သူ၏ လက်ထဲမှ နိယာမမူလသစ်ပင်ကို ကြည့်လိုက်သည်။ " ဒါက တကယ် စိတ်ဝိညာဉ်ဖြစ်တည်နေတာလား။ "

သေချာစစ်ဆေးကြည့်သောအခါ လင်းယွမ်က နိယာမမူလသစ်ပင်အတွင်း၌ စိတ်ဝိညာဉ်လှိုင်းများကို ခံစားလိုက်ရသည်။

" အရှင်..." နိယာမမူလသစ်ပင်က ကြောက်ရွံ့သော စိတ်ဝိညာဉ်လှိုင်းတစ်ခုကို ထုတ်လွှတ်လိုက်သည်။

" အတော်လေး ကြောက်တတ်တာပဲ။ " လင်းယွမ်က ပြုံးလိုက်သည်။

" နိယာမမူလသစ်သီး တစ်လုံးယူမယ်။ မင်း စိတ်မရှိဘူးမဟုတ်လား။ "

" စိတ်မရှိပါဘူး။ စိတ်မရှိပါဘူး။ " နိယာမမူလသစ်ပင်က ပြန်ဖြေလိုက်သည်။ " ကျွန်တော်မှာ သစ်သီးတွေ အများကြီးရှိပါတယ်။ "

များပြားသော နိယာမမူလသစ်သီးများက လျင်မြန်စွာ စုစည်းလာပြီး သစ်ကိုင်းနှင့် သစ်ရွက်များကြားတွင် တွဲလောင်းကျလာသည်။

" ကောင်းပြီ။ " လင်းယွမ်က ခေါင်းညိမ့်လိုက်သည်။ သူက လမ်းစဉ်တစ်သောင်းမျက်လုံးကို နိယာမမူဘသစ်သီးတစ်လုံး ယူပေးမည်ဟု ကတိပေးထားခဲ့သည်။

" ဒါဆို ငါအရင်ပြန်တော့မယ်။ " လင်းယွမ်က နိယာမမူလသစ်ပင်ကို သိမ်းဆည်းလိုက်ပြီး ဖုန်းကျူးနှင့် အခြားသူများကို ကြည့်လိုက်သည်။

လင်းယွမ် ကိုယ်ပွား၏ စွမ်းအားကို မြင်တွေ့ခဲ့ရသဖြင့် ထိုနေရာရှိ ပြိုင်ဘက်ကင်းမဟာသူတော်စင်များက ကြီးမားသော ဖိအားကို ခံစားနေကြရသည်။

" နဂါးငွေ့တန်းမဟာသူတော်စင် ကျေးဇူးတင်ပါတယ်။ " လမ်းစဉ်တစ်သောင်းမျက်လုံးက နိယာမမူလသစ်သီးကို ကြည့်ပြီး စိတ်လှုပ်ရှားစွာ ပြောလိုက်သည်။

" ဒါက အသေးအမွှားကိစ္စလေးပါ။ " လင်းယွမ်က ပြုံး၍ ပြောလိုက်သည်။ " အဲ့ဒီနိယာမမူလသစ်ပင်ကိုတော့ ငါယူသွားလိုက်တော့မယ်။ "

" ကောင်းပါပြီ။ " လမ်းစဉ်တစ်သောင်းမျက်လုံးက ပြောလိုက်သည်။ " မင်းရဲ့ ဆင့်ကဲပြောင်းလဲခြင်းလမ်းစဉ်က ချောချောမွေ့မွေ့နဲ့ ပျံ့နှံ့နေပါတယ်။ မင်း အချိန်စက်ဝန်းထဲ ရောက်သွားရင်တောင် ငါရှိနေသရွေ့ အဲ့ဒါက ဆက်ပြီး ပျံ့နှံ့နေလိမ့်မယ်။ "

" ကျေးဇူးတင်ပါတယ်။ " လင်းယွမ်က ပြုံး၍ ပြောလိုက်သည်။

လင်းယွမ်၏ မူလခန္ဓာကိုယ်က ခြေချိတ်ထိုင်နေပြီး သူ၏ ရှေ့တွင် ကိုယ်ပွားတစ်ခုပေါ်လာသည်။ သူ၏ အတွေးတစ်ချက်နှင့်အတူ နိယာမမူလသစ်ပင်က အတွင်းစကြာဝဠာထဲသို့ ရောက်ရှိသွားသည်။

" ဒီအတွင်းစကြာဝဠာကြီးက..." နိယာမမူလသစ်ပင်က မယုံကြည်နိုင်ဖြစ်သွားသည်။ " ပြည့်စုံလိုက်တာ တကယ် ပြည့်စုံလွန်းတယ်။ ဒီဒိုင်မန်းရှင်းဟင်းလင်းပြင်ထက်တောင် ပိုပြီး ပြည့်စုံနေသေးတယ်။ "

" ဒါက ဘယ်လိုလုပ်ဖြစ်နိုင်မှာလဲ။ " နိယာမမူလသစ်ပင်က မယုံကြည်နိုင်ဖြစ်နေသည်။

ဖရိုဖရဲဟင်းလင်းပြင်က ဧရာမတည်ရှိမှုကြီးတစ်ခုဖြစ်ပြီး အချိန်သက်ရှိများ၏ ဖြည့်စွက်မှုများလည်း ရှိနေသည်။ ၎င်းကို ဘယ်လိုလုပ် ကျော်လွန်နိုင်တာလဲ။

" ဒီအရှင်က ဘယ်လိုနောက်ခံမျိုး ရှိနေတာလဲ။ "

ဖရိုဖရဲဟင်းလင်းပြင်မှ ပျိုးထောင်ထားတသာ စကြာဝဠာများက အခြေခံအုတ်မြစ်များ သတ်မှတ်ပြီးသားဖြစ်ပြီး ဖရိုဖရဲဟင်းလင်းပြင်ကို ကျော်လွန်ရန် အခြေခံအားဖြင့် မဖြစ်နိုင်ပေ။ သို့သော် လင်းယွမ်၏ အတွင်းစကြာဝဠာက ထိုအချက်ကို ချိုးဖျက်သွားခဲ့သည်။

အကယ်၍ လင်းယွမ်၏ နောက်ခံက အခြားဒိုင်မန်းရှင်းမှ အချိန်သက်ရှိတစ်ယောက်ဖြစ်ပြီး ဖရိုဖရဲဟင်းလင်းပြင်သို့ ခိုးဝင်လာခြင်းလား။ ဖရိုဖရဲဟင်းလင်းပြင်ထဲသို့ ဝင်ရောက်ရန် အနည်းဆုံး အချိန်အရှင်သခင်ဖြစ်ရမည်ဖြစ်ပြီး ၎င်းအတွက် ကြီးမားသော ပေးဆပ်မှု ပြုလုပ်ရမည်ဖြစ်သည်။

" အချိန်အရှင်သခင်လား။ " နိယာမမူလသစ်ပင်က ထိတ်လန့်တုန်လှုပ်သွားသည်။

အချိန်အရှင်သခင်များက သူတို့၏ အချိန်အတိုင်းအတာကို အတိတ်၊ ပစ္စုန်ပ္ပန်နှင့် အနာဂတ် တစ်သားတည်းဖြစ်အောင် စီစဉ်ကြပြီး သူတို့၏ အချိန်အတိုင်းအတာကို ချိတ်ပိတ်ကာ အရာအားလုံးမှ သီးခြားခွဲထုတ်၍ ပြည့်စုံသော အဆင့်သို့ ရောက်ရန် ​ကြိုးစားကြသည်။

ထိုကဲ့သို့သော တည်ရှိမှုမျိုးက ပြည့်စုံသော အချိန်သက်ရှိများ၏ စွမ်းရည်အချို့ကိုပင် ပိုင်ဆိုင်ထားပြီး အတိတ်သို့ သွားကာ အတိတ်ကိုပင် ပြောင်းလဲနိုင်သည်။ သို့သော် အလွှာဆယ့်လေးသို့ မရောက်သေးလျှင် အတိတ်ကို ပြောင်းလဲရန် ကြီးမားသော ပေးဆပ်မှုကို ပြုလုပ်ကြရသည်။