တန်ရွမ်စနစ်ကို စတင်မိတ်ဆက်ခြင်း အခမ်းအနား

လင်းဖန်ဟာ ယန်ကျင်းတက္ကသိုလ်၌ ကျောင်းတက်ပြီး တစ်ပတ်မပြည့်ခင်မှာပဲ ကျောင်းကနေ ထွက်ခွာကာ ကိုယ်ပိုင်လမ်းကြောင်းကို လျှောက်လှမ်းဖို့ ဆုံးဖြတ်ခဲ့တာကြောင့် ဒဿနိကဗေဒဌာနက လူတွေကြားမှာ သူဟာ အတော်လေး နာမည်ကြီးသွားခဲ့သည်။

စက်တင်ဘာ ၁၄ ရက်နေ့မှာတော့ ရှန်းကျန့်မြို့ မှာရှိတဲ့ လုံထန်အဆောက်အဦးရဲ့ ထိပ်ဆုံးထပ် ဥက္ကဋ္ဌရုံးခန်းထဲ၌ လင်းဖန်တစ်ယောက် ရပ်နေသည်။

သူက မှန်ပြတင်းပေါက်မှတစ်ဆင့် အပြင်ဘက်မှ ရှုခင်းများကို ကြည့်ရင်း ကိုယ်ပိုင်ရုံးခန်းရှိတာက တကယ်ကို ခံစားချက်ကောင်းသည်လို့ တွေးနေမိသည်။

အဆောက်အဦးမှာ မူလက ကျင်းလီကုမ္ပဏီပိုင်ဖြစ်ပြီး ငွေကြေးပြတ်လပ်မှုကြောင့် မပြီးစီးဘဲ ရပ်နားထားရာကနေ လုံထန်အုပ်စုက ဝယ်ယူပြီး ပြန်လည်မွမ်းမံခဲ့တာ ဖြစ်သည်။

လုံထန်အုပ်စုရဲ့ CEO ကျန်းဖန်က အဆောက်အဦး ဆောက်လုပ်ရေးကို ကြီးကြပ်ခဲ့ပြီး အချိန်တိုအတွင်းမှာပင် ရှန်းကျန့်မြို့ရဲ့ အထင်ကရ အဆောက်အဦးတစ်ခု ဖြစ်လာခဲ့သည်။

ထိုအချိန် မိုရှင်းယာရောက်လာပြီး

လင်းဖန်ကို မေးသည်။

"သူဌေး ၊ အားလုံး အဆင်သင့်ဖြစ်ပါပြီ ပွဲကို တက်ရောက်ပြီး အဖွင့်အမှာစကား မပြောချင်ဘူးလား"

လင်းဖန်က ပြုံးပြီး ငြင်းလိုက်သည်။ သူက အစောကြီး လူသိရှင်ကြား ထွက်မလာချင်သေး။ အခုပွဲက တန်ရွမ် စမတ်ဖုန်းစနစ် မိတ်ဆက်ပွဲပဲ ဖြစ်ပြီး၊ နောက်မှလာမယ့် 'Nirvana X' မိတ်ဆက်ပွဲမှသာ သူကိုယ်တိုင် ပါဝင်ဖို့ စီစဉ်ထားသည်။

လုံထန်အုပ်စုက သူတို့ရဲ့ အမှတ်တံဆိပ်ကို စောစောစီးစီး တည်ဆောက်နိုင်ဖို့ 'ထန်လုံ' စမတ်ဖုန်းစနစ်ကို အရင်ဆုံး ထုတ်လုပ်ဖို့ ဆုံးဖြတ်ခဲ့တာပါ။

မိတ်ဆက်ပွဲကိုတော့ ဖူထျန်ခရိုင်မှာရှိတဲ့ ခမ်းနားတဲ့ Atour S ဟိုတယ်မှာ ကျင်းပသည်။

လင်းဖန်က စင်ပေါ်မတက်ပေမယ့် ဥက္ကဋ္ဌတစ်ယောက်အနေနဲ့ အခြေအနေကြည့်ဖို့ မိုရှင်းယာနဲ့အတူ ပွဲထဲကို ရောက်လာခဲ့သည်။

ပွဲခင်းအလယ်မှာတော့ ခြေသည်းငါးချောင်းပါတဲ့ ရွှေရောင်နဂါးရုပ်ကြီးနဲ့ လုံထန်းဂရု ဆိုတဲ့ စာသားကို ခန့်ညားစွာ တွေ့ရသည်။ နည်းပညာနဲ့ အနုပညာ ပေါင်းစပ်ထားတဲ့ ဒီဇိုင်းက လူတိုင်းကို ဆွဲဆောင်နေသည်။

လင်းဖန်နဲ့ မိုရှင်းယာတို့က လူမသိအောင် နောက်ဆုံးတန်းမှ ထောင့်တစ်ခု၌ ဝင်ထိုင်လိုက်ကြသည်။

ပွဲစဖို့ နီးကပ်လာတာနဲ့အမျှ လူတွေ ပိုများလာပြီး People's Daily၊ Global News နဲ့ တခြား နာမည်ကြီး မီဒီယာပေါင်း ရာနဲ့ချီ ရောက်ရှိနေပြီးRice (Xiaomi)၊ Warwick (Huawei) နဲ့ Lizu လို ဖုန်းလောကရဲ့ ထိပ်သီးကုမ္ပဏီတွေက ကိုယ်စားလှယ်တွေတောင် စူးစမ်းဖို့ ရောက်နေခဲ့ကြသည်။

ပျက်စီးတော့မယ့် ကျင်းလီကုမ္ပဏီထဲကနေ ရုတ်တရက် ပေါ်ထွက်လာတဲ့ လုံထန်အုပ်စုကို အားလုံးက စိတ်ဝင်တစား စောင့်ကြည့်နေကြတာပါ။

မနက် ၁၀ နာရီမှာတော့ CEO ကျန်းဖန် စင်ပေါ်တက်လာပြီး နှုတ်ခွန်းဆက်စကား စတင်ပြောသည်။

"ဒီနေ့ ကျွန်တော်တို့ ကျင်းပတဲ့ ဒီပွဲဟာ တရုတ်နိုင်ငံရဲ့ စမတ်ဖုန်းလောကကို တစ်ဆစ်ချိုး ပြောင်းလဲပစ်တော့မယ့် အကြောင်းအရာတစ်ခု ဖြစ်ပါတယ်"

လို့ သူက ကြေညာလိုက်တဲ့အခါမှာတော့ သတင်းထောက်တွေ အားလုံး စိတ်လှုပ်ရှားသွားကြသည်။

ပရိုဂျက်တာကို ဖွင့်လိုက်ချိန် စခရင်ပေါ်၌ အားမာန်ပါတဲ့ နဂါးပျံတစ်ကောင် ပေါ်လာသည်။

စခရင်ပေါ်၌ တန်ရွန် ဆိုတဲ့ တရုတ်စာလုံးကြီး ပေါ်လာပြီး ကျန်းဖန်က ဆက်လက် ရှင်းပြသည်။

"တချို့က မေးကြလိမ့်မယ်။ ငါတို့မှာ Hongmeng (HarmonyOS)၊ MIUI တွေ ရှိနေတာပဲ၊ ဒီစနစ်က ဘာထူးခြားမှာလဲလို့။ ဒါပေမဲ့ တန်ရွန်စနစ်က ကမ္ဘာပေါ်မှာရှိတဲ့ တခြားစနစ်တွေနဲ့ မတူပါဘူး။ ဘာလို့လဲဆိုတော့ ဒါဟာ အတွင်းပိုင်းရော အပြင်ပိုင်းပါ လုံးဝ လွတ်လပ်ပြီး ကိုယ်ပိုင်ဖန်တီးထားတဲ့ ပြည်တွင်းဖြစ် စနစ်အစစ်အမှန် ဖြစ်လို့ပါပဲ"

ကျန်းဖန်ရဲ့ လေသံက အလွန်တည်ကြည်ပြီး ယုံကြည်ချက် အပြည့်ရှိနေပါသည်။