ချက်ခြင်း အနိုင်ယူခြင်း

မင်ရွှမ်အင်မော်တယ်အရှင်၏ စကားကို ကြားသောအခါ မဟာ အကြီးအကဲ၏ မျက်နှာမှာ ပို၍ပင် ကြည့်မကောင်း ဖြစ်သွား၏။

မင်း ဘာကို ဆိုလိုတာလဲ

ရွှေအင်မော်တယ် အစောပိုင်း တပည့်တစ်ဦးကို လွှတ်ပြီး ငါတို့ရဲ့ ပိုမြင့်တဲ့ ကျင့်ကြံမှုအဆင့်ရှိတဲ့ ပါရမီရှင်တွေကို စိန်ခေါ်ခိုင်းတာလား

အကယ်၍ ထန်ထျန်းသာ ရှုံးသွားခဲ့ရင်တော့ တော်သေး၏၊ သို့သော် အကယ်၍ ထန်ထျန်းကသာ ထပ်ပြီး အနိုင်ရသွားမယ်ဆိုရင်တော့ အင်မော်တယ်နန်းတော်ရဲ့ ဩဇာအာဏာအတွက် ပိုပြီး ပြင်းထန်တဲ့ ထိုးနှက်ချက် ဖြစ်လာလိမ့်မည်။

ဒါပေမဲ့ သူ့မှာ တခြားနည်းလမ်း မရှိပေ၊ အဆင့်တူမှာ ပြိုင်ဘက်ကင်းပါဆိုတဲ့ ကျန်းမင်ယွမ် တောင် ပထမဆုံးပွဲမှာတင် ရှုံးနိမ့်သွားခဲ့တာ မဟုတ်လား။

မင်ရွှမ်အင်မော်တယ်အရှင်က အဲဒီအချက်ကိုပဲ ကိုင်ပေါက်လိုက်တာ ဖြစ်၏။

အခု မင်းမှာ ရွေးချယ်စရာ နှစ်ခုပဲ ရှိတယ်။ တစ်ခုက ရွှေအင်မော်တယ် အစောပိုင်း တပည့်ကိုပဲ ဆက်လွှတ်ပြီး ဆက်ပြီး အရှက်ကွဲမလား။

ဒါမှမဟုတ် အကွက်ကြီးကြီးချပြီး အဆင့်ပိုမြင့်တဲ့လူကို လွှတ်ကာ ထျန်းဖူနန်းတော်ကို တစ်ပွဲလောက် ပြန်နိုင်အောင် ကြိုးစားပြီး မင်းရဲ့ မျက်နှာကို ပြန်ဆယ်မလား။

ဒါက ပေါ်တင် ချောက်တွန်းတာ ဖြစ်ပြီး မဟာ အကြီးအကဲ ဘယ်လို ရွေးချယ်မလဲဆိုတာပဲ ကြည့်ရတော့မည်။

ခေတ္တမျှ နှုတ်ဆိတ်နေပြီးနောက် မဟာ အကြီးအကဲက မင်ရွှမ်အင်မော်တယ်အရှင်၏ တောင်းဆိုချက်ကို သဘောတူလိုက်၏။

"ရတယ်။"

"ဒါပေမဲ့ ငါ ကြိုပြီး ရှင်းရှင်းလင်းလင်း ပြောထားချင်တာ တစ်ခုရှိတယ်။"

"မင်းတို့ရဲ့ ဒီတပည့်က တိုက်ခိုက်နေစဉ်အတွင်းမှာ သူ့ရဲ့ ခွန်အားထက် ကျော်လွန်တဲ့ အခြား အပြင်အားတွေကို အသုံးမပြုရဘူး။"

"ဆိုလိုတာက သူဟာ ရွှေအင်မော်တယ် အစောပိုင်းရဲ့ ခွန်အားအစစ်အမှန်နဲ့ပဲ ရင်ဆိုင်ရမယ်။"

"အကယ်၍ စည်းကမ်းဖောက်ဖျက်တာကို ငါတွေ့ခဲ့ရင်တော့ မင်းနဲ့ ငါ ကောင်းကောင်း ဆွေးနွေးရလိမ့်မယ်။"

မဟာ အကြီးအကဲကလည်း မအပေ၊ မင်ရွှမ်အင်မော်တယ်အရှင်က ဒီလို တောင်းဆိုတာဟာ ဒီတပည့်မှာ တခြား နည်းလမ်းတွေ ရှိနေလို့လား၊ ဒါမှမဟုတ် တကယ့် ကျင့်ကြံမှုကို ဖုံးကွယ်ထားတာလားဆိုတာ သူ စိုးရိမ်နေခြင်း ဖြစ်၏။

မင်ရွှမ်အင်မော်တယ်အရှင်က မျက်ခုံးပင့်လိုက်ကာ မေးလိုက်သည်။ "ရွှေအင်မော်တယ် အစောပိုင်း ကျင့်ကြံမှုထက် ကျော်လွန်တဲ့ ခွန်အားကို မသုံးရင် ရပြီပေါ့"

မဟာ အကြီးအကဲက ခေါင်းညိတ်ပြ၏။

မင်ရွှမ်အင်မော်တယ်အရှင်က ခပ်ပြုံးပြုံးဖြင့် ထန်ထျန်းဘက်သို့ လှည့်ကြည့်ကာ "ထန်ထျန်း... ပြဿနာ ရှိလား"

ထန်ထျန်းက ပုခုံးတွန့်ပြကာ "အရှင်က အဆင်ပြေတယ်ဆိုရင် ကျွန်တော်လည်း အဆင်ပြေပါတယ်"

ရွှေအင်မော်တယ် အစောပိုင်း ခွန်အားကိုပဲ သုံးရမယ်ဆိုတာက သူ့အတွက်တော့ သိပ်ပြီး သက်ရောက်မှု မရှိပေ။

ဘာပဲဖြစ်ဖြစ် မင်းတို့က ဒီလို ကစားချင်မှတော့ ငါကလည်း အဆုံးအထိ လိုက်ပေးရမှာပေါ့။

မင်ရွှမ်အင်မော်တယ်အရှင်က ခေါင်းညိတ်လိုက်သည်။

အင်မော်တယ်နန်းတော် မဟာ အကြီးအကဲကလည်း နောက်ဆုံးမှာတော့ ဒီကိစ္စကို သဘောတူလိုက်၏။

သူ့ရဲ့ အမြင်အရတော့ ဒီထန်ထျန်းဆိုတဲ့ တပည့်က ဘယ်လောက်ပဲ သန်မာပါစေဦးတော့၊ သူ့ထက် တစ်ဆင့်မြင့်တဲ့ ပါရမီရှင် အနည်းငယ်ကို အနိုင်ယူနိုင်ရုံပဲ ရှိလိမ့်မယ်၊ အောင်ပွဲ ရရှိဖို့ကတော့ အနှေးနဲ့အမြန်ပဲ ဖြစ်မှာပါ။

အားလုံးက ပါရမီရှင်တွေချည်းပဲ ဖြစ်ရာ အဆင့်ကျော်ပြီး တိုက်ခိုက်နိုင်တဲ့လူက ဒီလောက်အထိ အများကြီး မရှိနိုင်ပေ။

ရွှေအင်မော်တယ် အစောပိုင်းနဲ့ အလယ်အလတ်အဆင့် ကြားမှာ ကွာခြားချက်က အလွန် ကြီးမားလှသဖြင့် အခြေအနေ အဆိုးဆုံး ဖြစ်လာခဲ့ရင်တောင် ရွှေအင်မော်တယ် နှောင်းပိုင်း အဆင့် ကို လွှတ်လိုက်ရင် ရပေသည်။

မင်ရွှမ်အင်မော်တယ်အရှင်ရဲ့ ရည်ရွယ်ချက်ကတော့ တစ်ခုတည်းသာ ရှိ၏၊ အဲဒါကတော့ ဤကမ္ဘာပေါ်ရှိ နေလအင်မော်တယ်နန်းတော်၏ ဩဇာအာဏာကို တတ်နိုင်သမျှ လျှော့ချပစ်ရန်ပင်။

သူက ထန်ထျန်း၏ ခွန်အားကို ကိုယ်တိုင် မြင်ဖူးထားသည် မဟုတ်လား။

ကျင့်ကြံမှု အဆင့်ကို ကျော်ပြီး ပြိုင်ဘက်အချို့ကို အနိုင်ယူ ဖို့ဆိုတာ လုံးဝ ပြဿနာ မရှိပေ။

ထို့ကြောင့် သူက ဒီနည်းလမ်းကို အဆိုပြုလိုက်ခြင်း ဖြစ်၏။

တစ်ဖက်တွင် အင်မော်တယ်နန်းတော်ကို ပို၍ အရှက်ကွဲစေနိုင်သလို၊ အခြားတစ်ဖက်တွင်လည်း ထန်ထျန်း၏ ခွန်အားက ဘယ်လောက်အထိ ရှိသလဲဆိုတာကိုပါ တစ်ပါတည်း ကြည့်နိုင်ပေမည်။

ထန်ထျန်း ကိုယ်တိုင်အတွက်မူ ပို၍ပင် ကိစ္စမရှိပေ။

ဘာပဲဖြစ်ဖြစ် ဒီတစ်ခေါက်က အပျော်ထွက်လာတာဆိုတော့ ပိုပြီး ပျော်ဖို့ကောင်းအောင် ကစားလိုက်တာက ပိုကောင်းသည် မဟုတ်လား။

ရှုံးနိမ့်ခြင်း

အဲဒီ စကားလုံးက သူ့ဆီမှာ မရှိပေ။

"ဒါဆိုရင် ဒီအတိုင်းပဲ ဆုံးဖြတ်လိုက်မယ်။"

"ထန်ထျန်း... သွားတော့"

မင်ရွှမ်အင်မော်တယ်အရှင်က ပြော ၏။

ထန်ထျန်းက လက်သီးဆုပ် ဦးညွှတ်လိုက်ပြီးနောက် တစ်ချက် ခုန်တက်ကာ ပြိုင်ကွင်း ပေါ်သို့ ပျံသန်း တက်လိုက်သည်။

ချက်ချင်းပင် မရေမတွက်နိုင်သော အကြည့်များက သူ့ဆီသို့ ကျရောက်လာသည်ကို သူ ခံစားလိုက်ရ၏။

သို့သော်လည်း သူက ဒီလိုခံစားချက်မျိုးကို ကျင့်သားရနေပြီ ဖြစ်ရာ စိတ်ထဲတွင် မည်သည့် လှုပ်ခတ်မှုမျှ မရှိပေ။

ထို့နောက် ပြိုင်ကွင်း ပေါ်ရှိ အရိုးသက်တမ်း စစ်ဆေးသူက ထူးခြားသော အင်မော်တယ် လက်နက် တစ်ခုကို အသုံးပြုပြီး ထန်ထျန်း၏ ခန္ဓာကိုယ်ကို စစ်ဆေးလိုက်၏။

ထိုလက်နက်မှာ အရိုးသက်တမ်းကိုသာ စစ်ဆေးနိုင်ပြီး အခြားအရာများကို မမြင်နိုင်သဖြင့် ထန်ထျန်းကလည်း အေးဆေးစွာ လက်ခံလိုက်သည်။

သို့သော် စစ်ဆေးမှု ရလဒ်ကို ကြည့်ပြီးနောက် စစ်ဆေးသူမှာ ခဏမျှ ကြောင်သွားကာ မယုံနိုင်သလို နှစ်ကြိမ်၊ သုံးကြိမ် ပြန်ကြည့်ပြီးမှ တုန်လှုပ်ချောက်ချားသော မျက်နှာဖြင့် ကြေညာလိုက်တော့သည်။

"ထန်ထျန်း၊ ထျန်းဖူနန်းတော်ရဲ့ နံပါတ် ၈ ပါရမီရှင်၊ ရွှေအင်မော်တယ် အစောပိုင်း အဆင့်... အရိုးသက်တမ်း..."

"၁၈ နှစ်"

ထိုစကားပင် မဆုံးသေးမီ ဟိုးလေးတကျော် အာမေဍိတ်သံများ ထွက်ပေါ်လာတော့၏။

အသက် ၁၈ နှစ်အရွယ် ရွှေအင်မော်တယ် ဆိုသည်မှာ ယနေ့ စင်ပေါ်တက်ခဲ့သူအားလုံးထဲတွင် အသက်အငယ်ဆုံးပင်

အသက် ၂၅ နှစ် မတိုင်မီဆိုသည်မှာ ကျင့်ကြံခြင်း၏ ရွှေရောင်အချိန်ဖြစ်ပြီး တိုးတက်မှု အမြန်ဆုံး အသက်အရွယ် ဖြစ်ကြောင်း အားလုံး သိကြ၏။

အသက် ၁၈ နှစ်မှာတင် ရွှေအင်မော်တယ် ဖြစ်နေပြီဆိုလျှင် အသက် ၂၀ မတိုင်မီမှာ မြင့်မြတ် ရွှေအင်မော်တယ် တောင် ဖြစ်နိုင်သည် မဟုတ်လား

ဒါက ဘယ်လို အဆင့်ရှိတဲ့ ပါရမီရှင်မျိုးလဲ

သူတို့ စိတ်ကူးနှင့်ပင် မမှန်းဆနိုင်တော့ပေ၊ ဤနယ်မြေတစ်ခုလုံးတွင် တစ်ခါမျှ မကြားဖူး၊ မမြင်ဖူးသော အရာပင်။

ထို့အပြင် မမေ့ပါနှင့်ဦး၊ သူက နံပါတ် ၈ သာ ရှိသေး၏။ စုန့်ယုံအန်း နဲ့ ဖန်ကျဲ့ ထက်တောင် ပိုသန်မာတဲ့ ဖြစ်တည်မှုကြီးပင်

လူတိုင်း အံ့သြနေစဉ်မှာပင် ပြိုင်ကွင်းဒိုင်က စည်းကမ်းအသစ်ကို ကြေညာလိုက်သည်။

"ထန်ထျန်းရဲ့ တောင်းဆိုချက်အရ နောက်ထပ် စိန်ခေါ်မယ့် ပြိုင်ဘက်တွေအတွက် ကျင့်ကြံမှု အဆင့်ကို ကန့်သတ်မထားပါဘူး"

"စိန်ခေါ်ချင်တဲ့လူတွေ အခွင့်အရေးကို လက်မလွှတ်ကြပါနဲ့။"

ထိုစကားကို ကြားသောအခါ လူတိုင်း ထပ်မံ ကြောင်အ သွားကြပြန်၏။

ကျင့်ကြံမှု အဆင့်ကို ကန့်သတ်မထားဘူး ဟုတ်လား

ဆိုလိုတာက သူက အဆင့်ကျော်ပြီး စိန်ခေါ်မှုကို လက်ခံမှာလား

တကယ်ကို မောက်မာ လွန်းတာပဲ

အားလုံးက ထိပ်တန်း ပါရမီရှင်တွေချည်းပဲကို၊ မင်းက ဘယ်လို ယုံကြည်မှုမျိုးနဲ့ ဒီလို ရွေးချယ်မှုကို လုပ်ရတာလဲ

လူတိုင်း ဆူညံသွားကြ၏၊ ဤကဲ့သို့သော မောက်မာမှုမျိုးမှာ တကယ်ကို ရဲတင်းလွန်းလှပေသည်။

ပြိုင်ကွင်း ပေါ်တွင် ရပ်နေသော ထန်ထျန်းမှာမူ နှာခေါင်းကို ပွတ်လိုက်မိ၏။

အေးလေ... ငါကိုယ်တိုင် တောင်းဆိုတာပဲ ဆိုတော့လည်း မင်းတို့နဲ့ ကောင်းကောင်း ကစားပေးရမှာပေါ့။

ပြိုင်ကွင်းဒိုင်၏ စကားမှာ အဓိပ္ပာယ် ပါနေခဲ့သည်။

မကြာမီမှာပင် အခြားသော အင်အားစုတစ်ခုက သူတို့ဂိုဏ်း၏ အတော်ဆုံး ပါရမီရှင်ကို စေလွှတ်လိုက်၏။

"လုံဝမ်နန်းတော်၊ ဖူချန်၊ ရွှေအင်မော်တယ် အလယ်အလတ်အဆင့်၊ အရိုးသက်တမ်း ၂၅ နှစ်"

အင်မော်တယ်နန်းတော် မဟာ အကြီးအကဲမှာ မလှုပ်မယှက် ထိုင်နေ၏။ အခြားဂိုဏ်းက တပည့်တွေ လာတက်တာကို မတားရဘူးလို့ မင်းတို့ မပြောခဲ့ဘူး မဟုတ်လား။

အခုတော့ မင်းရဲ့ ခွန်အားအစစ်အမှန်ကို စမ်းသပ်နိုင်ပြီပေါ့။

ထန်ထျန်းက ထိုအမည်ကို ကြားသောအခါ အနည်းငယ် အလေးအနက် ထားလိုက်၏။

လုံဝမ်နန်းတော် ဆိုသည်မှာ အထူး မှာကြားထားခြင်း ခံရသော အမည် နှစ်ခုထဲမှ တစ်ခု ဖြစ်ပေသည်။

သူက တိုက်ခိုက်တဲ့ ခွန်အားကို အနည်းငယ် ထိန်းညှိရမည် ဖြစ်၏၊ သေအောင်လည်း မသတ်ရသလို၊ သေလုမျောပါး ဖြစ်နေတဲ့ ပုံစံမျိုးတော့ ဖြစ်နေရမည်။

ဒါမှသာ တာဝန်ကို ပိုပြီး ကောင်းကောင်း ထမ်းဆောင်နိုင်မှာ မဟုတ်လား။

ခဏအကြာတွင် လုံဝမ်နန်းတော်မှ ဖူချန်မှာ ထန်ထျန်း၏ ရှေ့တွင် ရပ်နေပြီ ဖြစ်၏။

ဖန်ကျဲ့ နှင့် စုန့်ယုံအန်း တို့ကို မြင်ဖူးထားသဖြင့် ဖူချန်မှာ ထန်ထျန်းကို လျှော့မတွက်ဝံ့ပေ။ သူက တက်လာသည်နှင့် အာရုံစိုက်လျက် သူ့ကိုယ်သူ အကောင်းဆုံး အခြေအနေသို့ ပြင်ဆင်ထား၏။

ပို၍ သေချာစေရန်အတွက် ပြိုင်ကွင်းဒိုင်က တိုက်ပွဲစတင်ကြောင်း ကြေညာပြီးနောက်တွင်ပင် သူက မဆင်မခြင် တိုက်ခိုက်ခြင်း မပြုဘဲ အကာအကွယ် နည်းလမ်းအားလုံးကို ထုတ်သုံးလျက် ထန်ထျန်း၏ လှုပ်ရှားမှုတိုင်းကို အသေအချာ စောင့်ကြည့်နေခဲ့သည်။

သို့သော်လည်း ထန်ထျန်းမှာမူ အေးဆေးစွာ ရပ်နေဆဲပင်။

သူ့ကိုယ်သူ လိပ်ခွံလိုမျိုး ဖြစ်အောင် လုပ်နေသော ဖူချန်ကို ကြည့်ကာ သူက ညာဘက်လက်ကို မြှောက်ပြီး လက်ဖျောက် တစ်ချက် တီးလိုက်၏။

ချက်ချင်းပင် ကောင်းကင်နှင့် မြေကြီး၏ အခြေအနေမှာ ပြောင်းလဲသွားတော့သည်။

ကြောက်မက်ဖွယ်ကောင်းသော ဖိအားတစ်ခုမှာ ကောင်းကင်တွင် လျင်မြန်စွာ ဖြစ်ပေါ်လာ၏။

နောက်တစ်စက္ကန့်တွင် အလွန် ကြီးမားလှသော အင်မော်တယ် ဓားကြီး တစ်စင်းမှာ ထူထပ်သော တိမ်တိုက်များကို ခွင်းလျက် ကောင်းကင်မှ ကျဆင်းလာခဲ့တော့သည်။

ဖူချန်မှာ မော့ကြည့်ရုံသာ တတ်နိုင်ပြီး ပါးစပ် အဟောင်းသား ဖြစ်နေခဲ့၏။

"ဘုန်း"

ကြောက်မက်ဖွယ်ကောင်းသော ပေါက်ကွဲသံကြီးမှာ ပြိုင်ကွင်း ပေါ်တွင် ထွက်ပေါ်လာတော့သည်။

ထိုအင်မော်တယ် ဓားကြီးမှာ မည်သူမျှ မတားဆီးနိုင်ဘဲ ဖူချန်၏ ခေါင်းပေါ်သို့ တည့်တည့် ကျရောက်ကာ ဖိချလိုက်၏။

ပြိုင်ကွင်း တစ်ခုလုံးနှင့် ပတ်ဝန်းကျင်ရှိ ပွဲ ကြည့်စင်မြင့် များမှာ ပြင်းထန်သော ငလျင်တစ်ခုအလား လှုပ်ခါသွားခဲ့သည်။

အင်မော်တယ်အရှင်၏ စွမ်းအားဖြင့် ခိုင်ခံ့အောင် လုပ်ထားသော ပြိုင်ကွင်း ပင်လျှင် အလင်းများ တဖျတ်ဖျတ် လက်လာပြီး ပြိုကျလုနီးပါး ဖြစ်သွားခဲ့ရ၏။

အခြေအနေများ ပြန်လည် ငြိမ်သက်သွားသောအခါ စင်မြင့်ကို ကြည့်နေသော လူတိုင်းမှာ ထိတ်လန့်တုန်လှုပ်သွားကြတော့သည်။

ဖူချန် ပြင်ဆင်ထားသမျှသော အကာအကွယ်များမှာ အစအနပင် မကျန်တော့ဘဲ ပျောက်ကွယ်သွားခဲ့ပြီပင်။

သူက ပြိုင်ကွင်း ပေါ်တွင် သွေးအိုင်ထဲ၌ လဲလျောင်းနေပြီး အသက်ရှူရုံမျှသာ တတ်နိုင်တော့၏။

အဆင့်ကျော် တိုက်ခိုက်ခြင်း။

ချက်ခြင်း အနိုင်ယူခြင်း