အခန်း (၄၇၁-၄၇၂)

အခန်း ၄၇၁ ကမ္ဘာပေါ်မှာ ဒုတိယမြောက်လူ ရှိပါသေးလား။

သွေးအကျဥ်းထောင်သူတော်စင်က ကုအန်ရှေ့သို့ ရောက်လာပြီး အရိုအသေပြုရန ဦးချမတတ်ပင် ဒူးထောက်လိုက်သည်။ ဤအချိန်၌ ဤသို့သော သဘောထားကို ထိန်းသိမ်းထားသည်ကို မြင်ရသဖြင့် ကုအန်၏ နှလုံးသား နွေးထွေးသွားသည်။ သူ့ကို ပြုစုပျိုးထောင်ရာတွင် သူ၏ ကြိုးပမ်းမှုများ အချည်းနှီး မဖြစ်ခဲ့ပေ။

"သူ့နာမည်က နွားမိစ္ဆာဘုရင် ဟုတ်လား။ စွန်ဝူခုန်း လည်း ရှိသေးတယ်လို့တော့ မပြောနဲ့နော်"

"ဟားဟားဟား သူ့ကို အထင်မသေးနဲ့ သူက တော်တော်ပလီပလာများတာကွ "

"ဟုတ်တယ်။ ငါ သူ့ချိုကို ပထမဆုံး စမ်းကိုင်တုန်းက သူက ငါ့ကို ပြန်တိုက်ချင်နေတာ!"

”ဒီလိုကိစ္စတွေ ပြောလို့မရဘူး"

"ဘာလို့ နွားတစ်ကောင်ကို ခေါ်လိုက်တာလဲ။ အမတဖန်တီးခြင်း အထိမ်းအမှတ်ပွဲရဲ့ တစ်စိတ်တစ်ပိုင်းအဖြစ် သူ့ကို သတ်ဖို့လား"

အောက်မှ ကျင့်ကြံသူများနှင့် တပည့်များက ကြည့်ရှုရင်း ထင်ကြေးပေးနေကြသည်။ အချို့သော မှတ်ချက်များက သွေးအကျဥ်းထောင်သူတော်စင်၏ အမွေးအမှင်များကို ဒေါသကြောင့် ထောင်မက်သွားစေခဲ့သည်။

ကုအန်က ဒါကို ဂရုမစိုက်ပေ။ အကြောင်းမှာ သွေးအကျဥ်းထောင်သူတော်စင်၏ သဘောထားသည် သူ၏ ကြမ်းတမ်းသော စကားလုံးများနှင့် ခွဲမရသောကြောင့် ဖြစ်သည်။ ကုအန်မှလွဲ၍ ဘယ်သူကမှ သူတို့ကို မကြိုက်ကြပေ။ သူက ဝိညာဥ်ဖြူကြွက် နှင့် တူလှသည်။

စတင်ဖို့ အချိန်တန်ပြီ။ ကုအန်က ထိုသို့ တွေးလိုက်ပြီး သူ၏ မျက်လုံးများက စူးရှသွားသည်။

လူအုပ်ကြီး၏ စူးစမ်းကြည့်ရှုမှုအောက်တွင် ကုအန်က ကံကြမ္မာဆုံးဖြတ်ကလောင်တံ ကို ထုတ်ယူလိုက်ပြီး ၎င်းကို သူ၏လက်ထဲတွင် လှည့်ပတ်စေကာ ခိုင်မြဲစွာ ဆုပ်ကိုင်လိုက်သည်။ ထိပ်ဖျားက သွေးအကျဥ်းထောင်သူတော်စင်ကို ညွှန်ပြ၏။ လူတိုင်း၏ အကြည့်ကလည်း သွေးအကျဥ်းထောင်သူတော်စင်ပေါ်သို့ ကျရောက်သွားပြီး ကုအန် ဘာလုပ်တော့မည်ကို မသေချာကြပေ။

"ဒီနေ့ ငါ့ရဲ့စီးတော်ယာဥ်ကို အမတနယ်ပယ်အဖြစ် ပြောင်းလဲစေမယ်။ လူတိုင်း သေချာကြည့်ထားကြပါ"

ကုအန်၏ အသံသည် တတိယဆေးတောင်ကြားတစ်လျှောက် ပဲ့တင်ထပ်သွားသည်။ ဤစကားကို ကြားသောအခါ လူတိုင်း၏ မျက်လုံးများ မယုံနိုင်စွာ ပြူးကျယ်သွားကြသည်။

သူက ဒီနွားမိစ္ဆာကို အမတနယ်ပယ်အထိ မြှင့်တင်ပေးမလို့လား။ မဖြစ်နိုင်ဘူး

ထိုအခိုက်အတန့်တွင် ကျွယ်လော့ဓားသခင် နှင့် ဝတ်ရုံဖြူအဘိုးအိုပင် မျက်မှောင်ကြုတ်သွားကြသည်။

ကျိရှောင်ယု နှင့် နေလမြေအောက်လောကဧကရာဇ် တို့လည်း ထိုနည်းတူ မယုံနိုင်ဖြစ်နေကြသည်။ သူတို့၏ ပိုမိုမြင့်မားသော တည်ရှိမှုဘုံများကြောင့် ရွှေအမြုတေအဆင့်မှ နိဗ္ဗာန်အဆင့် သို့ ခုန်တက်ရန် မည်မျှ ခက်ခဲကြောင်း သူတို့ ကောင်းစွာ သိရှိကြသည်။ ကြီးမြတ်သော စွမ်းအားရှင်များက သူတို့၏ အနှစ်သာရများကို သွန်းလောင်းပေးခြင်း သို့မဟုတ် ကျင့်ကြံမှုအဆင့်များကို ပေးအပ်ခြင်းပင် ဖြစ်စေ လုံးဝ မဖြစ်နိုင်ပေ။

သူတို့ ဘယ်လိုပဲ ကြည့်ကြည့် သွေးအကျဥ်းထောင်သူတော်စင်က ကြီးမြတ်သော စွမ်းအားရှင်တစ်ဦး ပြန်လည်မွေးဖွားလာခြင်းပုံ မပေါ်ပေ။ ပြန်လည်မွေးဖွားခြင်းကပ်ဘေး ၏ အကြောင်းတရားနှင့် အကျိုးဆက် သဲလွန်စများ မရှိသလို ပိုမိုအားကောင်းသော ကျင့်ကြံမှုအဆင့်ကို ဖုံးကွယ်ထားသည့် လက္ခဏာများလည်း မရှိပေ။

လုပိုင်ထျန်း သည် မှင်သက်သွားပြီး ရယ်စရာပင် ကောင်းသည်ဟု ထင်မိသွားသည်။ ဒီယဥ်ကျေးမှုမရှိတဲ့ နွားကလည်း အမတဖြစ်နိုင်တာလား။

အောက်မှ လူအုပ်ကြီး တိတ်ဆိတ်သွားပြီး မည်သူမျှ မတုံ့ပြန်နိုင်မီတွင် ကုအန်က သူ၏ကလောင်တံကို ဝှေ့ယမ်းကာ သွေးအကျဥ်းထောင်သူတော်စင်၏ ကိုယ်ပေါ်သို့ မင်များ ဖြန်းပက်လိုက်သည်။

ချက်ချင်းပင် သွေးအကျဥ်းထောင်သူတော်စင် အတွင်းရှိ ကမ္ဘာဦးဝိညာဥ်ပြန်လည်ခြင်းလမ်းစဥ် ၏ တံဆိပ်မှာ ပျောက်ကွယ်သွားပြီး သူသည် ထိုကြာရှည်စွာ ပျောက်ဆုံးနေသော စွမ်းအားများ သူ့ထံသို့ ပြန်လည် စီးဝင်လာသည်ကို ခံစားလိုက်ရသည်။

သူ၏ နွားခန္ဓာကိုယ်တစ်ခုလုံး မီးတောက်လောင်သွားသည်။

ကမ္ဘာဦးပြန်လည်မွေးဖွားခြင်းကျင့်စဉ် ပွင့်ထွက်စမ်း။

သွေးအကျဥ်းထောင်သူတော်စင်က စိတ်ထဲမှဟိန်းလိုက်သည်။ သူသည် သူ၏ မဟာယာနအဆင့်အရှိန်အဝါကို ထုတ်လွှတ်လိုက်သည်နှင့် သူ၏ ကျင့်ကြံမှုအဆင့်သည် ထိုးတက်သွားပြီး သူ၏ တည်ရှိမှုသည် တာကျိုးသော ရေလွှမ်းမိုးမှုကဲ့သို့ ပေါက်ကွဲထွက်ကာ ကောင်းကင်ဘုံသို့ ရောက်ရှိသွားသည်။

ဘုန်း

ကြောက်မက်ဖွယ် အရှိန်တစ်ခု သူ၏အတွင်းမှ ပေါက်ကွဲထွက်လာပြီး မီးလျှံတိုင်တစ်ခုအဖြစ် ဖြစ်ပေါ်ကာ တိမ်တိုက်များထဲသို့ ထိုးတက်သွားသည်။ စုပုံနေသော မြူခိုးများကို ဖြန့်ကျက်စေပြီး မီးလျှံလှိုင်းများကို ကောင်းကင်ယံသို့ ဖြန့်ကျက်စေကာ တတိယဆေးတောင်ကြားကို ရောင်နီသန်းစေခဲ့လေသည်။

လူတိုင်း မော့ကြည့်လိုက်ကြပြီး ကျွယ်လော့ဓားသခင်ပင် မတည်မငြိမ် ဖြစ်သွားသည်။

"ဒါ ဘယ်လို ဖြစ်နိုင်မှာလဲ..."

ကျွယ်လော့ဓားသခင်၏ မျက်လုံးများ တုန်ရီသွားပြီး သူ၏ နှလုံးသားထဲတွင် မုန်တိုင်းတစ်ခု တိုက်ခတ်သွားသည်။

သွေးအကျဥ်းထောင်သူတော်စင်၏ တဟုန်ထိုး တက်လာသော အရှိန်အဝါအရ ဤမိစ္ဆာသားရဲသည် နိဗ္ဗာန်အဆင့်ကို ကျော်လွန်သွားဖွယ်ရှိသည်။

ရွှေအမြုတေအဆင့်ကနေ အချုပ်အနှောင်မဲ့အမတအဆင့်ကို တစ်ကြိမ်တည်းနဲ့တက်လှမ်းတာလား။

ဒါ ဘယ်လို ဖြစ်နိုင်မှာလဲ။ ကျင့်ကြံခြင်းလမ်းစဥ်က ဒါကို ခွင့်ပြုလို့ရလား။

ကျွယ်လော့ဓားသခင်က စင်မြင့်ပေါ်ရှိ သွေးအကျဥ်းထောင်သူတော်စင်ကို နောက်တစ်ကြိမ် ကြည့်လိုက်သည်။ သို့တိုင် သူက ပြန်လည်မွေးဖွားခြင်း အကြောင်းတရား သဲလွန်စ တစ်စုံတစ်ရာကို မတွေ့ရှိခဲ့ပေ။

ဒီမိုက်ကောင်က သူ့ရဲ့ ကျင့်ကြံမှုအဆင့်ကို ဖုံးကွယ်ထားတာ ဖြစ်နိုင်မလား။

ဒါပေမဲ့ ဒါလည်း မဖြစ်နိုင်ပြန်ဘူး။

သူက အသေးငယ်ဆုံး သဲလွန်စကိုတောင် ဘယ်လိုလုပ် မမြင်နိုင်ရတာလဲ။

ကျွယ်လော့ဓားသခင်၏ စိတ်သည် လှုပ်ခတ်သွားသည်။

ပြန်လည်မွေးဖွားခြင်းကပ်ဘေးတွင် ပိတ်မိနေဆဲဖြစ်သော ဝတ်ရုံဖြူအဘိုးအိုသည်လည်း သွေးအကျဥ်းထောင်သူတော်စင်ကို အံ့အားတသင့် ကြည့်ရှုနေသည်။

"အရှင်မ ဒါက..." နေလမြေအောက်လောကဧကရာဇ် က သူ့ဘေးရှိ ကျိရှောင်ယု ဘက်သို့ လှည့်ကာ သူမက ရှင်းပြချက်တစ်ခု ပေးနိုင်ရန် မျှော်လင့်တကြီး မေးလိုက်သည်။

ကျိရှောင်ယုက အသက်ကို ပြင်းပြင်းရှူလိုက်ပြီး "တကယ်ကို နားလည်ရခက်တယ်။ဒီလို ကံကောင်းမှုမျိုးက ငါတို့ နားလည်နိုင်စွမ်းထက် ကျော်လွန်နေတယ်"

သွေးအကျဥ်းထောင်သူတော်စင်နှင့် ကြုံတွေ့ခဲ့ဖူးသော ရှကျဲ သည်လည်း မှင်သက်စွာ ရပ်နေမိသည်။ သူသည်လည်း သွေးအကျဥ်းထောင်သူတော်စင်နှင့် ဆက်ဆံခဲ့ဖူးသည်။ သွေးအကျဥ်းထောင်သူတော်စင်က သူ၏ ပါရမီရှင်အမူအရာကို လှောင်ပြောင်ကာ သူ မည်မျှပင် ပါရမီရှိစေကာမူ သူ့ထက် အဆပေါင်းများစွာ ပိုမို ကြောက်မက်ဖွယ်ကောင်းသူများ မရေမတွက်နိုင်အောင် ရှိနေကြောင်း ပြောခဲ့သောကြောင့် သူက ကိုယ်ကိုကိုယ်သက်သေပြချင်ခဲ့သည်။

ထို့ကြောင့် ရှကျဲက ကုအန်က သူ့ကို အထင်သေးပြီး သွေးအကျဥ်းထောင်သူတော်စင်မှတစ်ဆင့် ထိုသဘောထားကို ဖော်ပြခိုင်းသည်ဟု ထင်ခဲ့သည်။

ယခု သူ သွေးအကျဥ်းထောင်သူတော်စင်ကို ပြန်ကြည့်လိုက်သောအခါ သွေးအကျဥ်းထောင်သူတော်စင် လိမ်မပြောခဲ့ကြောင်း ရုတ်တရက် သဘောပေါက်သွားသည်။ သူ မည်မျှပင် ပါရမီရှိစေကာမူ နိဗ္ဗာန်အဆင့်သည် သူ့အတွက် ထာဝရ ဝေးကွာနေပုံရသည်။

ကုအန်က အမတနယ်ပယ်ကို လွယ်လွယ်ကူကူ ဖန်တီးလိုက်ခြင်းက သူ့ကို အဆုံးမရှိသော ရှုပ်ထွေးမှု ပင်လယ်ထဲသို့ ကျဆင်းသွားစေသည်။

သူက တကယ်ပဲ ပါရမီရှင် မဟုတ်ခဲ့ဘူးလား။ သူက အဓိပတိဂိုဏ်း ၏ တပည့်တွေထက် ပိုသာရုံလေးပဲလား။ တကယ်တမ်းကျတော့ ဘာမှမဟုတ်ဘူးလား။

နောက်ထပ် ပါရမီရှင်တစ်ဦးလည်း မှင်သက်နေဆဲဖြစ်သည် ။ကျူးရှီးပင်။

သူမကိုယ်သူမ အသိပညာ ကြွယ်ဝသည်ဟု ယူဆထားသော်လည်း ဤသို့သော လုပ်ရပ်မျိုးကို တစ်ခါမျှ မကြားဖူးခဲ့ပေ။

သူ ဒါကို ဘယ်လို လုပ်လိုက်တာလဲ။ သူ့ရဲ့ တာအိုနယ်ပယ်က ဘယ်လောက်တောင် နက်ရှိုင်းနေပြီလဲ။

လုရှန် သည် ခေတ္တမျှ တုန်လှုပ်သွားပြီးနောက် စိတ်လှုပ်ရှားလာကာ သူကိုယ်တိုင် အဆင့်တက်နေသကဲ့သို့ လက်သီးများကို ဆုပ်ထားလိုက်သည်။

သူက ကုအန်၏ နည်းလမ်းများကို အံ့ဩမိသော်လည်း ကုအန် အသိအမှတ်ပြုသည့် တစ်ဦးတည်းသော ပါရမီရှင်မှာ သူဖြစ်သည်ဟူသော အတွေးက သူ့ကို ဂုဏ်ယူမှုဖြင့် တောက်ပစေသည်။

အမတများကို စိတ်တိုင်းကျ ဖန်တီးနိုင်စွမ်း ရှိနေသည့်တိုင် ကုအန်က သူ့ပါရမီကို အသိအမှတ်ပြုဆဲဖြစ်သည်။ ဒါက ဘာကို ဆိုလိုတာလဲ။

လုရှန်၏ ကိုယ့်ကိုယ်ကိုယ် ယုံကြည်မှု ထိုးတက်သွားသည်။ သူက ရင်ကော့လိုက်ပြီး အခြားသူများကို ရယ်မောကာ အထင်သေးစွာ ကြည့်ရှုနေသည်။

"သူက တကယ်ပဲ ဆရာသခင်ဓားအရှင် ဖြစ်နိုင်မလား"

ဝူကျဲ ၏ မျက်လုံးများ ပြူးကျယ်သွားပြီး သူ၏ ခန္ဓာကိုယ် တောင့်တင်းသွားသည်။ သူက သူ့ရဲ့ တာအိုနယ်ပယ်အတွက် အလွန် ကြိုးစားခဲ့ရသော်လည်း တစ်ခဏအတွင်းမှာပင် သွေးအကျဥ်းထောင်သူတော်စင်က သူ့ကို ကျော်တက်သွားခြင်းက သူ့ဘဝကို မေးခွန်းထုတ်စရာ ဖြစ်စေသည်။

ရှန်ကျန်း ၏ အကြည့်များက တောက်ပစွာဖြင့် ကုအန်ကို စိုက်ကြည့်နေပြီး သူမ၏ မျက်လုံးများတွင် ချစ်ခင်နှစ်သက်မှုများ ပြည့်နှက်နေခဲ့သည်။ သူမက ဆရာသခင်ဓားအရှင်ကို အလေးစားဆုံးဖြစ်ပြီး သူမ အကြိုက်ဆုံး သူငယ်ချင်းမှာ ကုအန်ဖြစ်သည်။

ဆရာသခင်ဓားအရှင်၏ ဂုဏ်ပုဒ် မရှိဘဲနှင့်ပင် သူမက ကုအန်၏ ပါရမီကို အလွန်လေးစားမိသည်။ ကုအန်၏ ဂုဏ်ပုဒ်သည် ဆရာသခင်ဓားအရှင်နှင့် တိုက်ဆိုင်သွားသောအခါ ရှန်ကျန်း၏ လေးစားမှုနှင့် ချစ်ခင်မှုသည် အထွတ်အထိပ်သို့ ရောက်ရှိသွားသည်။

သွေးအကျဥ်းထောင်သူတော်စင်၏ ခံ့ညားထည်ဝါသောအရှိန်အဝါသည် ကုအန်၏ ဝတ်ရုံနှင့် ဆံပင်များကို တဖျပ်ဖျပ် လွင့်စေသော လေပြင်းတစ်ချက်ကို ဖြစ်ပေါ်စေသည်။ သူက ခေါင်းလှည့်ကာ သွေးအကျဥ်းထောင်သူတော်စင်ကို ကြည့်လိုက်ပြီး သူ၏ နှုတ်ခမ်းထောင့်များ ကွေးတက်သွားသည်။

အောက်မှ လူအုပ်ကြီး မြင်တွေ့လိုက်ရသော ဤမြင်ကွင်းက သူ့ကို အလွန် တက်ကြွလန်းဆန်ပြီး မြင့်မားသော စိတ်ဓာတ်ရှိသူအဖြစ် ထင်စေသည်။ ကမ္ဘာပေါ်တွင် အမတများကို ဖန်တီးနိုင်သူ ဒုတိယတစ်ယောက် ရှိနိုင်ပါဦးမည်လား။

လူတိုင်းက ကုအန်၏ နည်းလမ်းများကြောင့် တုန်လှုပ်သွားကြပြီး သွေးအကျဥ်းထောင်သူတော်စင်၏ အရှိန်အဝါ သည် အဓိပတိဂိုဏ်းတစ်ခုလုံးကို နှောင့်ယှက်လိုက်သဖြင့် ကျင့်ကြံသူများ ပိုမိုများပြားစွာ တတိယဆေးတောင်ကြားဆီသို့ ပျံသန်းလာကြသည်။

ကျိဟန်ထျန်း က သတိပြန်ဝင်လာပြီး အခြားတပည့်များ မလာစေရန် ချက်ချင်း သွားရောက်တားဆီးသည်။ ကုအန်၏ နည်းလမ်းများမှာ အလွန် နားလည်ရခက်ပြီး ၎င်းတို့ကို မဖော်ထုတ်သင့်ဟု သူ ခံစားမိသည်။ သူတစ်ယောက်တည်း ထိုသို့ ထင်သည် မဟုတ်ဘဲ လုပိုင်ထျန်း နှင့် အခြား အကြီးအကဲများလည်း ထပ်တူအမြင် ရှိကြသည်။

ဒီသတင်းသာ ပျံ့နှံ့သွားရင် တပည့်တွေက အေးအေးချမ်းချမ်း ဆက်လက် ကျင့်ကြံနိုင်ပါ့မလား။ သတင်းကြားလျှင် တပည့်အများအပြားက ကုအန်၏ မျက်နှာသာပေးမှုကို ရရှိရန် လာရောက် ရှာဖွေကြမှာ သေချာပြီး အခြားဂိုဏ်းများကလည်း ကုအန်ကို ကျေနပ်အောင် ကြိုးစားရင်း ရူးသွပ်သွားကြလိမ့်မည်။

လုပိုင်ထျန်းသည်လည်း အခြေအနေကို ထိန်းချုပ်ရန် ကောင်းကင်သို့ ပျံတက်သွားသည်။ သူက လေထဲတွင် ခေါင်းလှည့်ကာ စင်မြင့်ပေါ်တွင် ရပ်နေသော ကုအန်ကို ကြည့်လိုက်သည်။ သွေးအကျဥ်းထောင်သူတော်စင်၏ ခံ့ညားသောအရှိန်အဝါ ပင်လျှင် သူ၏ တည်ရှိမှုကို မလွှမ်းမိုးနိုင်ပေ။

လုပိုင်ထျန်းသည် ရုတ်တရက် အနည်းငယ် ကြောင်သွားသည်။

ကုအန်ကို မထိန်းသိမ်းနိုင်လျှင် သူက အဓိပတိဂိုဏ်းက မထိုက်တန်ဟုပင် ခံစားလိုက်ရသည်။

အခန်း ၄၇၂ ငါကိုရန်စချင်တာလား

ဆရာသခင်ဓားအရှင်သာ မရှိလျှင် အဓိပတိဂိုဏ်းသည် ယခုအချိန်ထိ အကြိမ်မည်မျှ ပျက်စီးသွားပြီနည်း။ ဤသို့ တွေးမိသောအခါ လုပိုင်ထျန်းသည် ရုတ်တရက် စိတ်သက်သာရာ ရသွားသည်။

ဘာလို့ ဆက်ပြီး ဖိနှိပ်ထားရမှာလဲ။ ဒီလို ထူးကဲတဲ့ ဖြစ်ရပ်မျိုးကို သေချာပေါက် ဖုံးကွယ်ထားနိုင်မှာ မဟုတ်ဘူး။

"ကုအန် မင်းက အဓိပတိဂိုဏ်းထက် အသက်ပိုရှည်မှာမို့လို့ ဂိုဏ်းချုပ်ရာထူးကို မထီမဲ့မြင် လုပ်နေတာလား" လုပိုင်ထျန်းက ကုအန်ကို ကြည့်ရင်း ညင်သာစွာ သက်ပြင်းချလိုက်သည်။ သူ၏ အသံက သူကိုယ်တိုင်သာ ကြားနိုင်လောက်အောင် အလွန်တိုးညင်းနေသည်။

မိုးခြိမ်းသံများ ပါဝင်သော တိမ်တိုက်များက ကောင်းကင်ယံမှ လှိမ့်ဝင်လာပြီး သူ၏ ခေါင်းထက်တွင် စုဝေးလာကာ ကောင်းကင်ဘုံ၏ တန်ခိုးအာဏာကို စုစည်းလိုက်ပြီး မြေကြီးနှင့် ကောင်းကင်ကို လျင်မြန်စွာ အမှောင်ချလိုက်သည်။

ကြီးမားကျယ်ပြန့်ပြီး တန်ခိုးကြီးသောအရှိန်အဝါ ကြားတွင် သွေးအကျဥ်းထောင်သူတော်စင်သည် ဖြည်းညှင်းစွာ ထရပ်လိုက်သည်။ သူ၏ အမွေးအမှင်များ ပေါက်ကွဲထွက်ကာ သူ၏ ပုံသဏ္ဌာန် ပြောင်းလဲသွားသည်။ သွေးနီရောင် ဝတ်ရုံတစ်ထည် ဘယ်ကမှန်းမသိ ပေါ်ထွက်လာပြီး နွားခန္ဓာကိုယ်က ပုံသဏ္ဌာန် အပြည့်အဝ မပြောင်းမီမှာပင် ပတ်ရစ်လိုက်ကာ လူ့ပုံစံသို့ ပြောင်းလဲခြင်းကို ကူညီပေးလိုက်သည်။

နွားခေါင်းသည် လျင်မြန်စွာ ကျုံ့ဝင်သွားပြီး ခန့်ညားပြီး မတူမညီသော မျက်နှာတစ်ခု ပေါ်ထွက်လာသည်။ သူ၏ မာနထောင်လွှားမှုသည် အန်ဟောင် နှင့် လုရှန် တို့ထက်ပင် ပိုမို ထင်ရှားလှသည်။

တစ်ချိန်က သူ၏ ကိုယ်ပိုင် မဟာကောင်းကင်နှင့်မြေပြင်ကို စိုးမိုးခဲ့သော ရှုံးနိမ့်ခြင်းမရှိသည့် သွေးအကျဥ်းထောင်သူတော်စင် ပြန်လည် ရောက်ရှိလာပြီဖြစ်သည်။

ဆန်းကြယ်သန့်စင်သောသစ်ပင် အောက်တွင် ဝဖြိုးသော 'ဝိညာဥ်ဖြူကြွက် က အသီးတစ်လုံးကို ကိုင်ဆောင်ထားရင်း သွေးအကျဥ်းထောင်သူတော်စင်၏ ပုံရိပ်ကို ကြောင်တောင်တောင် ကြည့်နေမိသည်။ အသီးက မြေပြင်ပေါ်သို့ ပြုတ်ကျသွားသည်ကိုပင် သတိမမူမိလိုက်ပေ။

အန်ရှင်း က စင်မြင့်အစွန်းတွင် ရပ်ကာ သွေးအကျဥ်းထောင်သူတော်စင်၏ ပုံစံအမှန်ကို ကြည့်ရင်း "ဒါက သူ့ပုံစံအမှန်လား။ ဒါမှမဟုတ် ဆရာကို အတုခိုးနေတာလား"

"ဒါပေမဲ့ ဘယ်လိုပဲ ကြည့်ကြည့် ဆရာက ပိုခန့်ညားတယ်။ အဲ့ဒီနွားခေါင်းက ခန့်ညားတဲ့ ပုံစံကို ဖြစ်နေရင်တောင် ထိုးချင်စရာ ကောင်းနေတုန်းပဲ"

သွေးအကျဥ်းထောင်သူတော်စင်၏ လျင်မြန်စွာ ပြင်းထန်လာသောအရှိအဝါကို ခံစားမိရင်း အန်ရှင်း၏ ယှဥ်ပြိုင်လိုစိတ်ကို လှုံ့ဆော်လိုက်သည်။

တစ်နေ့နေ့တွင် သူမသည် သွေးအကျဥ်းထောင်သူတော်စင်ထက် ပိုမို အားကောင်းလာမည်ဖြစ်ပြီး သူမ၏ အစ်ကိုကြီး အန်ဟောင်ကိုပင် ကျော်လွန်သွားမည်ဖြစ်သည်။

ကောင်းကင်ကပ်ဘေး ကျရောက်တော့မည်ဖြစ်ပြီး တောင်ကြားရှိ လူအားလုံးသည် ၎င်း၏ တန်ခိုးအာဏာကို မကြောက်ရွံ့ကြဘဲ အားလုံးက သွေးအကျဥ်းထောင်သူတော်စင်ကို ကြောင်တောင်တောင် စိုက်ကြည့်နေကြသည်။

ဘယ်သူက အရင် စပြောလိုက်မှန်း မသိသော်လည်း တတိယဆေးတောင်ကြားသည် ချက်ချင်း ပွက်ပွက်ဆူနေသော အိုးတစ်လုံးကဲ့သို့ ဖြစ်သွားပြီး ဆူညံသံများ ပေါက်ကွဲထွက်ကာ ကောင်းကင်ကို မှောက်လှန်ပစ်မတတ် ဖြစ်သွားသည်။

"ဒါ ဘယ်လို ဖြစ်နိုင်မှာလဲ။ နွားမိစ္ဆာက တကယ် အမတ ဖြစ်သွားတာလား။"

"သူက ဆရာသခင်ဓားအရှင်ရဲ့ တပည့်တစ်ယောက်တင် မဟုတ်ဘူး၊ သူက ဆရာသခင်ဓားအရှင် ကိုယ်တိုင်ပဲ!"

" ကောင်းကင်ဘုံ။ သူ ဒါကို ဘယ်လို လုပ်လိုက်တာလဲ။ ဒီနွားက အမြဲတမ်း အမတတစ်ပါး ဖြစ်နေခဲ့တာလား"

"အမတဟုတ်လား။ ငါ နွားမိစ္ဆာဘုရင်ကို သိတာ နှစ်ငါးရာတောင် ရှိပြီ။ နေ့တိုင်း အိပ်ပျော်နေတာပဲတွေ့တာ အမတတစ်ပါးက အဲ့ဒီလို လုပ်လို့လား"

"ဟုတ်တယ်။ ဒီနွားက တကယ်ပဲ ဒီမှာ ရှိနေတာ ကြာပြီ။ မကြာသေးခင်ကမှ ပေါ်လာတာ မဟုတ်ဘူး"

လူတိုင်း အလွန်အမင်း စိတ်လှုပ်ရှားကာ သွေးအကျဥ်းထောင်သူတော်စင်နှင့် ကုအန်အကြောင်းကို အပူတပြင်း ဆွေးနွေးနေကြသည်။ကုအန်၏ အကြည့်က ကောင်းကင်ဘုံဆီသို့ လှည့်သွားပြီး အသံမဲ့အပျက်အဆီးနယ်မြေ မှ အစွမ်းထက်သော တည်ရှိမှုတစ်ခု အလျင်အမြန် ချဥ်းကပ်လာသည်ကို အာရုံခံလိုက်ရသည်။

၎င်းသည် ကျွယ်လော့ဓားသခင် ထက် ပိုမို အားကောင်းသော ကောင်းကင်မိစ္ဆာအရှိန်အဝါ ဖြစ်သည်။ အမှန်တကယ်ပင် တာအိုသစ်သီးနယ်ပယ် သို့ ခြေတစ်လှမ်းဝင်နေသူ ဖြစ်သည်။

"ကောင်းကင်မိစ္ဆာဧကရာဇ်... စိတ်ဝင်စားဖို့တော့ကောင်းပြီ"

ကုအန်၏ မျက်လုံးများ တောက်ပလာပြီး သူ၏ အတွေးများက ကစားချင်နေမိသည်။

မှောင်မိုက်သော ခန်းမကျယ်ကြီးထဲတွင် နာမကျန်းဖြစ်နေသော အစိမ်းရောင် ဖယောင်းတိုင်မီးသည် နတ်ဆိုးများက သူတို့၏ အစွယ်များကို ထုတ်ပြပြီး ခြေသည်းများကို ဝှေ့ယမ်းနေသကဲ့သို့ တုန်ခါနေသည်။ သတ်ဖြတ်ခြင်းနတ်ဘုရား သည် ကြီးမားသော အိုးကြီးတစ်ခုပေါ်တွင် တင်ပလ္လင်ခွေ ထိုင်နေပြီး သူ့ပတ်လည်တွင် လှည့်ပတ်နေသော တစ္ဆေများကို မသဲမကွဲ ဖော်ပြနေသည့် မြူခိုးများ ဝန်းရံနေသည်။

သူ၏ မျက်နှာသည် တွင်းနက်ကြီးတစ်ခုကဲ့သို့ မည်းနက်နေဆဲဖြစ်ပြီး သူ၏ မျက်နှာအမှန်ကို မမြင်ရပေ။

"ဝင်ခဲ့"

သတ်ဖြတ်ခြင်းနတ်ဘုရားဧကရာဇ်က အေးစက်သော လေသံဖြင့် ပြောလိုက်သည်။ သူ့စကားဆုံးသည်နှင့် ရှေ့မှ အမှောင်ထုထဲမှ မိစ္ဆာချီ လှိုင်းတစ်ခု ပွက်ပွက်ဆူလာပြီး သူ့ထံသို့ လျင်မြန်စွာ ချဥ်းကပ်လာသည်။ ၎င်းမှာ ကောင်းကင်မိစ္ဆာဧကရာဇ် ဖြစ်သည်။

ကောင်းကင်မိစ္ဆာဧကရာဇ်က အိုးကြီးရှေ့တွင် ရပ်ကာ အပေါ်တွင် ထိုင်နေသော သတ်ဖြတ်ခြင်းနတ်ဘုရားဧကရာဇ်ကို မော့ကြည့်ရင်း "နတ်ဧကရာဇ်၊ ခင်ဗျား နဂါးမျိုးနွယ်ရဲ့ မျိုးဆက်တစ်ယောက်ကို စောင့်နေတာလား"

"အင်း"

သတ်ဖြတ်ခြင်းနတ်ဘုရားဧကရာဇ်က 'အင်း' ဟု တုံ့ပြန်လိုက်ပြီး သူ၏ ထိုင်နေသော ကိုယ်ဟန်က သူ၏ စိတ်ခံစားချက်များကို မဖော်ပြပေ။

ကောင်းကင်မိစ္ဆာဧကရာဇ်က "အကယ်၍ ခင်ဗျားက အဲ့ဒီလူက မဟာကောင်းကင်စိတ်ဝိညာဉ်နယ်မြေ မှာ ရှိနေတယ်လို့ သံသယရှိရင် ဘာလို့ မဟာကောင်းကင်နဲ့မြေပြင်ကို တိုက်ရိုက် ချေမှုန်းမပစ်တာလဲ။ သက်ရှိအားလုံးရဲ့ အသက်တွေနဲ့ ကျယ်ပြောလှတဲ့ စကြဝဠာရဲ့ ငြိမ်းချမ်းမှုကို လဲလှယ်တာက မထိုက်တန်လို့လား"

သတ်ဖြတ်ခြင်းနတ်ဘုရားဧကရာဇ်၏ ခေါင်းက အနည်းငယ် စောင်းသွားပြီး ကောင်းကင်မိစ္ဆာဧကရာဇ်ကို ကြည့်လိုက်သည်။

ကောင်းကင်မိစ္ဆာဧကရာဇ်က မကြောက်ဘဲ "ခင်ဗျားက သီလတရားနဲ့ ပြည့်စုံသူ မဟုတ်ဘူး။ ခင်ဗျား မရေမတွက်နိုင်တဲ့ မဟာကောင်းကင်နဲ့မြေပြင်တွေကို ဖျက်ဆီးခဲ့တယ်။ ခင်ဗျားက အဲ့ဒီလူကို တကယ် မသတ်ချင်တာ ဒါမှမဟုတ် သူ့ကို ကာကွယ်ပေးချင်နေတာလား"

"ပြောကြတာတော့ နဂါးမျိုးနွယ်ရဲ့ ကမ္ဘာဦးဘိုးဘေးက ဧကရာဇ်လုံရှင်း မဟုတ်ဘဲ သူ့ရဲ့ ဖခင် ကောင်းကင်နဂါးဧကရာဇ်လို့ လူသိများသူ ဖြစ်တယ်တဲ့။ သူက စစ်ခုံရုံး ကို တည်ထောင်ခဲ့ပေမယ့် မြန်မြန် ကျဆုံးသွားခဲ့တယ်။ ဧကရာဇ်လုံရှင်းက သူ့ရဲ့ အမွေကို ဆက်ခံသက်သက်ပဲ။ ဒါ့အပြင်ဧကရာဇ်လုံရှင်းက ခင်ဗျားရဲ့ တပည့်လို့ ကြားတယ်။ အဲဒါ ဟုတ်လား"

သတ်ဖြတ်ခြင်းနတ်ဘုရားဧကရာဇ်က ကောင်းကင်မိစ္ဆာဧကရာဇ်ကို စိုက်ကြည့်ရင်း "ကောင်းကင်မိစ္ဆာဧကရာဇ် မင်း ဧကရာဇ်တစ်ပါးဖြစ်လာလို့ မင်း ငါ့ကို ရန်စချင်တာလား"