ရှေးဟောင်းကာလ

"သင့်ရဲ့ မျိုးဆက် 'ကုရှန့်အန်း' ဟာ ဆေးလုံးတစ်လုံးကို သောက်သုံးခဲ့ပြီး သူ၏ ကျင့်စဉ်အဆင့် တိုးတက်လာခဲ့ပါတယ်"

"သင့်ရဲ့ မျိုးဆက် 'ကုရှန့်အန်း' ဟာ နတ်ဘုရားအသွင်ပြောင်းခြင်းနယ်ပယ် ကျင့်ကြံသူတစ်ဦးရဲ့ လမ်းညွှန်မှုကို ရရှိခဲ့ပြီး သူ၏ ခွန်အားများလည်း လိုက်လျောညီထွေ တိုးတက်လာပါတယ်"

"သင့်ရဲ့ မျိုးဆက် 'ကုရှန့်ရှင်း' ဟာ အပြင်းအထန် ကျင့်ကြံရန် တံခါးပိတ် ကျင့်ကြံခြင်းသို့ ဝင်ရောက်သွားပြီး သူ၏ ကျင့်စဉ်မှာ များစွာ တိုးတက်လာပါတယ်"

"သင့်ရဲ့ မျိုးဆက် 'ကုရှန့်အန်း' ဟာ သိုင်းသခင်နယ်ပယ် ပြည့်စုံခြင်းအဆင့် သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၁၂၀"

"သင့်ရဲ့ မျိုးဆက် 'ကုရှန့်အန်း' ဟာ သိုင်းအရှင်သခင်နယ်ပယ်သို့ တက်လှမ်းရန် ကြိုးစားခဲ့သော်လည်း ယာယီအားဖြင့် မအောင်မြင်ခဲ့ပေ"

"သင့်ရဲ့ မျိုးဆက်..."

"သင့်ရဲ့ မျိုးဆက် 'ကုရှန့်ရှင်း' ဟာ သိုင်းသခင်နယ်ပယ် ပြည့်စုံခြင်းအဆင့်သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၁၂၀"

"သင့်ရဲ့ မျိုးဆက် 'ကုရှန့်အန်း' ဟာ သိုင်းအရှင်သခင်နယ်ပယ် အစောပိုင်းအဆင့် သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၂၀၀"

"သင့်ရဲ့ မျိုးဆက် 'ကုယွန်းဖုန်' ဟာ တာအိုနန်းတော်နယ်ပယ် ကိုးဆင့်ရှိ ကျင့်ကြံသူတစ်ဦးရဲ့ လမ်းညွှန်မှုကို ရရှိခဲ့ပြီး သူ၏ ခွန်အားများ များစွာ တိုးတက်လာကာ အရိုးသန့်စင်ခြင်းနယ်ပယ် အစောပိုင်းအဆင့်သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၃၀"

"သင့်ရဲ့ မျိုးဆက် 'ကုယွန်းယွဲ့' ကတာအိုနန်းတော်နယ်ပယ် ကိုးဆင့်ရှိ ကျင့်ကြံသူတစ်ဦးရဲ့ လမ်းညွှန်မှုကို ရရှိခဲ့ပြီး သူမ၏ ခွန်အားများ များစွာ တိုးတက်လာကာ အရိုးသန့်စင်ခြင်းနယ်ပယ် အစောပိုင်းအဆင့်သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၃၀"

"သင့်ရဲ့ မျိုးဆက် 'ကုယွန်းယွဲ့' ဟာ ကိုယ်တိုင်ထိုးထွင်းသိမြင်မှု ရရှိခဲ့ပြီး 'အစိမ်းရောင်ပဒုမ္မာဓားကျမ်း' အပေါ် သူမ၏ နားလည်မှုမှာ များစွာ တိုးတက်လာကာ 'အစိမ်းရောင်ပဒုမ္မာဓားရည်ရွယ်ချက်' ကို အောင်မြင်စွာ နားလည်သဘောပေါက်သွားပါတယ်"

"သင့်ရဲ့ မျိုးဆက် 'ကုယွန်းယွဲ့' ဟာ အရိုးသန့်စင်ခြင်းနယ်ပယ် အလယ်အလတ်အဆင့်သို့ တက်လှမ်းနိုင်ခဲ့ပါတယ်"

"ဆုလာဘ်မှတ် *၃၀"

...

နောက်ထပ် နောက်ပိုင်း ခြောက်လအတွင်းမှာ သိုင်းနတ်ဘုရားမင်းဆက် တစ်ခုလုံးဟာ အေးချမ်းသာယာမှုတွေဆီ ပြန်လည်ရောက်ရှိသွားခဲ့ပါသည်။ ကုချင်းဖန်ကတော့ ကုမိသားစုစံအိမ်မှာပဲ နေထိုင်ရင်း တပည့်တွေကို ကျင့်စဉ်တွေ လမ်းညွှန်ပေးသလို သူ့ကိုယ်သူလည်း ကျင့်ကြံအားထုတ်နေခဲ့သည်။

ဒီကာလအတွင်းမှာ ကုရှန့်ရှင်းက ကုရှန့်အန်းက သူ့သားကို ကုမိသားစုစံအိမ်ဆီ ပို့ထားတယ်ဆိုတာ သိသွားပြီးနောက်မှာ သူလည်း အကြောင်းပြချက်တစ်ခု ရှာပြီး သူ့သား ကုယွန်းဖုန်ကို စံအိမ်ဆီ ပို့လိုက်ပါတောသည်။

ရွှီယူလန်ကတော့ ဒါကို အတိုင်းထက်အလွန် ဝမ်းသာနေခဲ့သည်။

သူမအတွက်ကတော့ စံအိမ်ထဲမှာ တစ်ယောက်တည်းနေရတာ အတော်လေး ပျင်းစရာကောင်းနေတာဖြစ်လို့ အဖော်လုပ်ပေးမယ့် မြစ် နှစ်ယောက်ရှိလာတာက အလွန်ကောင်းတဲ့ အရာတစ်ခု ဖြစ်လာခဲ့သည်။

ကုချင်းဖန်ကတော့ ဒီကိစ္စတွေကို မသိကျိုးကျွံပြုထားခဲ့သည်။

သို့သော်လည်း ကုချင်းဖန်က အချက်အလက်ပြဇယားပေါ်က အပြောင်းအလဲတွေကိုတော့ မကြာခဏ အနီးကပ် စောင့်ကြည့်နေခဲ့သည်။

မူလက ကုရှန့်ရှင်းနဲ့ ကုရှန့်အန်း ညီအစ်ကိုနှစ်ယောက်ရဲ့ ပါရမီက အတော်လေး ဆင်တူတယ်လို့ ထင်ရပေမဲ့ အသေအချာ စေ့စေ့စပ်စပ် ကြည့်လိုက်တဲ့အခါမှာတော့ ကွာခြားချက်တွေ ရှိနေတာကို တွေ့ရသည်။

အရင်တုန်းကတော့ ဒီကွာခြားချက်တွေက သိပ်ပြီး မသိသာခဲ့ပေမဲ့ အခု သူတို့နှစ်ယောက်လုံးက အဆင့်မြင့်နယ်ပယ်တွေကို ရောက်ဖို့ အစွမ်းကုန် ကြိုးစားပြီး တံခါးပိတ် ကျင့်ကြံနေကြတဲ့ အချိန်မှာတော့ ပါရမီကွာခြားမှုက အလိုလို ပေါ်ထွက်လာခဲ့သည်။

ဒီနှစ်ယောက်ထဲမှာ ကုရှန့်အန်းက သံသယဖြစ်စရာမလိုဘဲ ပါရမီ ပိုပြီး ထူးချွန်သည်။

သူက သိုင်းအရှင်သခင်နယ်ပယ်ကို တက်လှမ်းဖို့ ကြိုးစားနေတဲ့ အချိန်မှာ ကုရှန့်ရှင်းက သိုင်းအရှင်နယ်ပယ် ပြည့်စုံခြင်းအဆင့်ကိုတောင် မရောက်သေးပေ။

အခုဆိုရင် ကုရှန့်အန်းက သိုင်းအရှင်သခင်နယ်ပယ်ကို အရင်ဆုံး ခြေချနိုင်ခဲ့ပြီဖြစ်ပြီး ကုရှန့်ရှင်းကတော့ သိုင်းအရှင်နယ်ပယ် ပြည့်စုံခြင်းအဆင့်မှာပဲ ရှိနေသေးသည်။

ဒါပေမဲ့လည်း သတ်မှတ်ထားတဲ့ တစ်နှစ်အချိန်က မကုန်သေးပေ။

မျှော်လင့်ထားသလိုပါပဲ။

ကုရှန့်ရှင်းဟာလည်း နောက်ဆုံးမှာတော့ ဘာပြဿနာမှမရှိဘဲ သိုင်းအရှင်သခင်နယ်ပယ်ကို တက်လှမ်းနိုင်မှာ ဖြစ်ပါသည်။

ဒီနှစ်ယောက်နဲ့ နှိုင်းယှဉ်ရင် ကုချင်းဖန်ဟာ သူ သိပ်ပြီး မတွေ့ဖြစ်သေးတဲ့ သူ့ရဲ့ တီထွတ်မလေးအပေါ်မှာ ပိုပြီး စိတ်ဝင်စားမှု ရှိလာခဲ့သည်။

"ဒီလောက် ငယ်ငယ်ရွယ်ရွယ်လေးနဲ့ 'အစိမ်းရောင်ပဒုမ္မာဓားကျမ်း' ကို နားလည်နိုင်ရုံတင်မကဘဲ 'အစိမ်းရောင်ပဒုမ္မာဓားရည်ရွယ်ချက်' ကိုပါ သဘောပေါက်နိုင်တယ်ပေါ့။ ပါရမီ ပျမ်းမျှလောက်ပဲရှိတဲ့ ရှန့်ရှင်းမှာ ဒီလောက် တော်တဲ့ သမီးလေးတစ်ယောက် ရှိလိမ့်မယ်လို့ ဘယ်သူ ထင်ထားမှာလဲ"

ကုချင်းဖန်ရဲ့ မျက်လုံးတွေက အနည်းငယ် လက်ခနဲ ဖြစ်သွားသည်။

ရည်ရွယ်ချက်အမှန်ကို နားလည်သဘောပေါက်ဖို့ဆိုတာ ဘယ်သူမဆို လုပ်နိုင်တဲ့အရာ မဟုတ်ပေ။

သိုင်းအရှင်နယ်ပယ် ကျင့်ကြံသူအများစုတောင် ဓားရည်ရွယ်ချက်အမှန်ကို မသိရှိနိုင်ကြတာဖြစ်လို့ တခြားသူတွေဆိုရင် ပြောနေစရာတောင် မလိုပေ။

အရေးကြီးဆုံး အချက်ကတော့ ကုယွန်းယွဲ့ဟာ အသက် ရှစ်နှစ်၊ ကိုးနှစ် ဝန်းကျင်လောက်ပဲ ရှိသေးတာဖြစ်ပြီး အစိမ်းရောင်ပဒုမ္မာဓားရည်ရွှယ်ချက်ကို နားလည်နေပြီ ဆိုတာကတော့ သူမရဲ့ ပါရမီဟာ အလွန်တရာကို ထူးချွန်ပြောင်မြောက်နေတာ ဖြစ်သည်။

ဒီကိစ္စနဲ့ ပတ်သက်ပြီး ကုချင်းဖန် အလွန် ကျေနပ်မိသည်။

ကုမိသားစုရဲ့ မျိုးဆက်သစ်တွေရဲ့ ပါရမီတွေက ပိုပြီး အားကောင်းလေလေ ပိုပြီး ကောင်းလေလေပါပဲ။

ဒါပေမဲ့ ကုချင်းဖန်က ကုယွန်းယွဲ့ရဲ့ ကြီးထွားမှုမှာ ဝင်ရောက် မစွက်ဖက်ခဲ့ပေ။ သူက သူမရဲ့ ကျင့်ကြံမှုတွေကိုတော့ ကိုယ်တိုင် လမ်းညွှန်ပေးခဲ့သည်။

ကုချင်းဖန်ကိုယ်တိုင်က အစိမ်းရောင်ပဒုမ္မာဓားကျမ်းကို မကျင့်ကြံခဲ့ပေမဲ့ သူ့အတွက်တော့ ဒီလို သိုင်းအရှင်သခင်အဆင့် သိုင်းပညာမျိုးက တစ်ချက်ကြည့်ရုံနဲ့ အလွယ်တကူ နားလည်နိုင်တာဖြစ်ပြီး လမ်းညွှန်ပေးဖို့ကလည်း အလွန်ကို ရိုးရှင်းသည်။

ကုယွန်းယွဲ့ကို အစိမ်းရောင်ပဒုမ္မာဓားကျမ်း ကျင့်ကြံခိုင်းရတဲ့ အကြောင်းရင်းကတော့ သူမရဲ့ ကျင့်စဉ်အဆင့်က အလွန်နိမ့်နေသေးတာကြောင့် ဖြစ်သည်။ နတ်ဘုရားအသွင်ပြောင်းခြင်းနယ်ပယ်နဲ့ အထက်က သိုင်းပညာတွေဟာ နတ်ဘုရားစွမ်းရည်တွေအဖြစ် တဖြည်းဖြည်း ပြောင်းလဲလာတာဖြစ်လို့ လုံလောက်တဲ့ ကျင့်စဉ်အဆင့် အခြေခံ မရှိဘဲနဲ့ အဲဒါတွေကို အောင်မြင်အောင် ကျင့်ကြံဖို့က ခက်ခဲသည်။

အဲဒါနဲ့ နှိုင်းယှဉ်ရင် အစိမ်းရောင်ပဒုမ္မာဓားကျမ်းက ကျင့်ကြံရတာ ပိုပြီး လွယ်ကူသည်။

ထို့အပြင် အစိမ်းရောင်ပဒုမ္မာဓားကျမ်းဟာ အတော်လေးကို နက်နဲသည်။ အနည်းဆုံးတော့ သိုင်းအရှင်သခင်အဆင့် သိုင်းပညာတွေထဲမှာတော့ အဆင့်မြင့်တယ်လို့ ယူဆနိုင်သည်။

…

"အဘိုးကို ဂါရဝပြုပါတယ်"

ကုမိသားစုစံအိမ်ရဲ့ ပင်မခန်းမထဲမှာ ကုရှန့်ရှင်းနဲ့ ကုရှန့်အန်းတို့ နှစ်ယောက် ထပ်မံ ရောက်ရှိလာကြသည်။

ကုချင်းဖန်က သူတို့ကို ကြည့်ပြီး အနည်းငယ် ခေါင်းညိတ်ပြလိုက်သည် "ကောင်းပြီ... မင်းတို့ ရောက်လာပြီဆိုတော့ အရင်ဆုံးဖြတ်ထားတဲ့အတိုင်း ရှန့်ရှင်းက အတွင်းခန်းမသခင်၊ ရှန့်အန်းက ဥပဒေစိုးမိုးရေးခန်းမသခင် ဖြစ်စေ... ကုပန်"

"ကျွန်တော်မျိုး ရှိပါတယ်"

ကုပန်က လက်အုပ်ချီပြီး ဦးညွှတ်လိုက်သည်။

ကုချင်းဖန်က ပြောလိုက်သည် "သူတို့ကို အတွင်းခန်းမနဲ့ ဥပဒေစိုးမိုးရေးခန်းမတွေအကြောင်း သိအောင် လိုက်ပြပေးလိုက်။"

"ဟုတ်ကဲ့ပါ"

ကုပန်က ခေါင်းညိတ်ပြပြီး ကုရှန့်ရှင်းနဲ့ ကုရှန့်အန်းတို့ကို ပြုံးပြလိုက်သည်။

"ခန်းမသခင်တို့... ကျွန်တော်မျိုးတို့ နောက်ကို လိုက်ခဲ့ကြပါဦး"

"ကျေးဇူးတင်ပါတယ် အိမ်တော်ထိန်းကြီးကု"

ကုရှန့်ရှင်းနဲ့ ကုရှန့်အန်းတို့ကလည်း ကုပန်အပေါ်မှာ အလွန် ရိုရိုသေသေနဲ့ ပြန်လည်နှုတ်ဆက်ကြသည်။

ကုမိသားစုစံအိမ်ရဲ့ အိမ်တော်ထိန်းကြီး အနေနဲ့ ကုဖုန်ဟာ ကုချင်းဖန်နောက်ကို ဆယ်စုနှစ်ပေါင်းများစွာ လိုက်ပါလာခဲ့သူ ဖြစ်သလို အလွန် ယုံကြည်အားကိုးခံရသူ ဖြစ်တာကြောင့် ဘယ်သူကြည့်ကြည့် သိနိုင်သည်။

ကုပန်ဟာ ကုမိသားစု သွေးချင်းမျိုးနွယ် မဟုတ်ပေမဲ့လည်း ကုဆိုတဲ့ မျိုးရိုးအမည်ကို ပေးအပ်ခြင်း ခံထားရသလို၊ အရေးကြီးဆုံးကတော့ ကုချင်းဖန်ရဲ့ ယုံကြည်မှုဟာ တခြားအရာအားလုံးထက် ပိုပြီး တန်ဖိုးရှိလှသည်။

ကုရှန့်ရှင်းနဲ့ ကုရှန့်အန်းတို့ဟာ ကုမိသားစုရဲ့ တိုက်ရိုက်မျိုးဆက်တွေ ဖြစ်ကြပေမဲ့လည်း ကုဖုန်အပေါ်မှာ မရိုမသေ မလုပ်ဝံ့ကြပေ။

ထို့အပြင် သူတို့ ကြီးပြင်းလာတဲ့ အချိန်တုန်းကလည်း ကုဖုန်က သူတို့ကို စောင့်ရှောက်ခဲ့တာဖြစ်လို့ သူ့အပေါ်မှာ လေးနက်တဲ့ လေးစားမှုတွေ သဘာဝအတိုင်း ရှိနေကြတာဖြစ်သည်။

အဲဒီနောက်မှာတော့ ကုပန်က သူတို့နှစ်ယောက်ကို ခေါ်သွားသည်။

ကုချင်းဖန်က သူတို့ ထွက်သွားတာကို ခဏလောက် ကြည့်နေပြီးမှ အကြည့်ကို ပြန်လွှဲလိုက်သည်။

တစ်နှစ်တာ အချိန်ကာလ။

သူ ထင်ထားခဲ့တဲ့အတိုင်း ကုရှန့်အန်းရဲ့ ပါရမီက အနည်းငယ် ပိုပြီး အားကောင်းသည်။ အခုဆိုရင် သူက သိုင်းအရှင်သခင်နယ်ပယ် အလယ်အလတ်အဆင့်ကို ရောက်နေပြီ ဖြစ်ပြီး ကုရှန့်ရှင်းကတော့ သိုင်းအရှင်သခင်နယ်ပယ်ကို အခုလေးတင် ဝင်ရောက်နိုင်ခဲ့တာပဲ ရှိပါသေးသည်။