ကမ္ဘာစိတ်အသိကို အစားထိုး၍ သတ်ဖြတ်ခြင်း....

ချိုင့်ဝှမ်းအတွင်း လူများစွာက ကြောက်ရွံ့စွာဖြင့် တုန်ယင်နေကြသည်။ ထိုအချိန်တွင် စစ်သည်အားလုံး ဆုတ်ခွာသွားပြီး လူငယ်တစ်ယောက်ဝင်ရောက်လာသည်ကို သူတို့ မြင်လိုက်ကြရသည်။ ထိုလူငယ်က ရာထူးမြင့်မားသူဖြစ်သည်မှာ ထင်ရှားသည်။

" မင်းက ဘယ်သူလဲ။ " ဆံပင်ဖြူနှင့် အဖိုးအိုတစ်ယောက်က ရှေ့သို့ တက်လာပြီး သတိထား၍ မေးလိုက်သည်။

" ငါ ဘယ်သူလဲဆိုတာ မင်းသိဖို့မလိုဘူး။ " လင်းယွမ်က ခေါင်းခါလိုက်သည်။ " လျန်ချင်းကို ဘယ်သူသိလဲ။ "

လျန်ချင်းက တဖုန်းဧကရာဇ်ကို နောက်ဆုံး အလုပ်အကျွေးပြုခဲ့သော မိန်းမစိုးဖြစ်သည်။

" ကျုပ်သိပါတယ်။ " ဆံပင်ဖြူအဖိုးအိုက ပြောလိုက်သည်။ " ကျုပ်က လျန်ချင်းရဲ့ မွေးစားသားပါ။ ဒါကြောင့် ဒီမှာပုန်းနေခဲ့တာပါ။ "

" လျန်ချင်းက မင်းကို တစ်ခုခု ပြောခဲ့သေးလား။ တဖုန်းဧကရာဇ်အကြောင်းပေါ့။ " လင်းယွမ်က မေးလိုက်သည်။ အမှန်တော့ သူက ထိုအဖိုးအို၏ အတိတ်အချိန်အတိုင်းအတာများကို စတင်ကြည့်ရှုနေပြီဖြစ်သည်။

"သူအချို့အရာတွေကိုတော့ ပြောပြခဲ့ပါတယ်။ " အဖိုးအိုက ပြောလိုက်သည်။

" ပြောပါ။ " လင်းယွမ်က သူ့ကို ကြည့်လိုက်သည်။

" နေရပ်ပြန်ရောက်တုန်းက ကျုပ်ရဲ့ မွေးစားအဖေက ဧကရာဇ်ရဲ့ စိတ်နေစိတ်ထားက နှစ်ကြိမ် ပြောင်းလဲခဲ့တယ်လို့ ပြောတယ်။ ပထမတစ်ခုက နန်းတက်ပြီး နှစ်နှစ်ကြာမှာ တဖုန်းဧကရာဇ်က ရုတ်တရက် တာအိုကျင့်ကြံမှုထဲမှာ နစ်မြှုပ်သွားခဲ့တယ်။ အချိန်အများစုကို တာအိုခန်းမထဲမှာပဲ နေခဲ့တယ်။ နောက်ပိုင်းမှာ ဧကရာဇ်က သူ့ရဲ့ စွမ်းအားတွေကို ထိန်းချုပ်တဲ့ တားမြစ်ပညာရပ်တွေကို အရမ်း စိတ်ဝင်စားလာခဲ့တယ်။ "

" ဒုတိယအပြောင်းအလဲက နောက်ထပ် ဆယ်နှစ်၊ နှစ်နှစ်ဆယ်လောက်လောက်မှာ ဖြစ်ခဲ့တာပဲ။ ကျုပ်မွေးစားအဖေက ဧကရာဇ်အစားထိုးခံလိုက်ရတယ်လို့ ခံစားခဲ့ရတယ်။ "

" နားလည်ပြီ။ " လင်းယွမ်က ခေါင်းညိမ့်လိုက်သည်။ သူသိလိုသော အချက်အလက်များကို ရရှိသွားပြီဖြစ်သည်။

" အရှင် သးတို့အယးလုံးက တယန်အင်ပါယာတည်ထောင်ပြီးမှ မွေးလာကြတာပါ။ သူတို့က တယန်ပြည်သူတွေပါ။ "

" စိတ်မပူပါနဲ့။ မင်းတို့အားလုံး အသက်ရှင်မှာပါ။ " လင်းယွမ်က ထိတ်လန့်နေသော လူများကို ကြည့်ပြီး ပြောလိုက်သည်။

ချိုင့်ဝှမ်း၏ အပြင်ဘက်တွင် လင်းယွမ်ထွက်လာသည်ကို မြင်သောအခါ လုကျူးက ချက်ချင်း ဦးညွှတ်လိုက်သည်။

" အရှင်မင်းကြီး။ "

" ငါသွားတော့မယ်။ " လင်းယွမ်က သူ့ကို တစ်ချက်ကြည့်ပြီး ပြောလိုက်သည်။

" အထဲက လူတွေကို ဘယ်လိုလုပ်ရမလဲ။ " လုကျူးက မေးလိုက်သည်။

" သူတို့ကို လွှတ်ပေးလိုက်ပါ။ " လင်းယွမ်က ပြောလိုက်သည်။

" ဟုတ်ကဲ့။ " လုကျူးက ဦးညွှတ်ပြီး ပြန်ပြောလိုက်သည်။ သူမော့ကြည့်လိုက်သောအခါ လင်းယွမ်က ပျောက်ကွယ်သွားသည်ကို တွေ့လိုက်ရသည်။

တောင်ကုန်းတစ်ခုပေါ်ရှိ ကျောက်တုံးကြီး တစ်ခုပေါ်တွင် လင်းယွမ်က ထိုင်နေသည်။

" ဒါဆို တဖုန်းဧကရာဇ်က မူလနတ်ဘုရားရွှေတွေအားလုံးကို သုံးပြီး ခေါင်းတလားလုပ်ခဲ့တာလား။ " လင်းယွမ်က တွေးလိုက်သည်။

နှစ်ပေါင်းရှစ်ဆယ်ကျော် ရှာဖွေပြီးနောက် သူက မူလနတ်ဘုရားရွှေများ ဘာဖြစ်သွားသည်ကို သိခဲ့ရသည်။ တဖုန်းဧကရာဇ်က ၎င်းတို့ကို ခေါင်းတလား ပြုလုပ်ခဲ့သည်ဟု သိရချိန်တွင် လင်းယွမ်က အံ့ဩခဲ့မိသည်။ မူလနတ်ဘုရားရွှေများဖြင့် သွန်းလုပ်ထားသော ခေါင်းတလားကို ပြင်ပစွမ်းအားဖြင့် ဖွင့်ရန် မဖြစ်နိုင်သလောက်ဖြစ်သည်။

"ပြီးတော့ သူက တားမြစ်ပညာရပ်အများကြီးကို စုပေါင်းပြီး သေချင်ယောင်ဆောင်တဲ့ နည်စစနစ်ကို ဖန်တီးခဲ့တယ်။ "

အကယ်၍ တဖုန်းဧကရာဇ်က သေချင်ယောင်ဆောင်ပြီး သူ့ကိုသူ ခေါင်းတလားထဲတွင် ပိတ်ထားခဲ့လျှင် သူ့ကို ဘယ်သူမှ သတ်နိုင်မည်မဟုတ်ပေ။ မူလနတ်ဘုရားရွှေ ခေါင်းတလားထဲတွင် သေချင်ယောင်ဆောင်ပြီး ပုန်းအောင်းနေခြင်းက အမှန်တကယ်သေခြင်းနှင့် ကွာခြားမည်မဟုတ်ပေ။

" ငါ့လက်ချက်နဲ့ အသတ်ခံရမယ့်အစား သူက ဒီလိုပုန်းနေတာလား။ တဖုန်းဧကရာဇ်က ငါလို့ပဲ အချိန်စက်ဝန်းကမ္ဘာထဲကို ကျရောက်နေတာလား။ ငါ့ရဲ့ စမ်းသပ်မှုက သူ့ကို သတ်ဖို့ဆိုတော့ သူ့ရဲ့ စမ်းသပ်မှုက အသက်ရှင်ဖို့လား။ " နှစ်ပေါင်းရှစ်ဆယ်အတွင်း လင်းယွမ်က အံ့ဩစရာကောင်းသော အချက်တစ်ချက်ကို တွေးမိသွားသည်။

" ဒါကမှ ငါရင်ဆိုင်နေရတဲ့ တကယ့်စမ်းသပ်မှုပဲ။ ငါ သူ့ကို သေချာပေါက် သတ်နိုင်လိမ့်မယ်ဆိုတာ ကြိုသိနေတဲ့ ပြင်ပကမ္ဘာက ငါ့လိုလူတစ်ယောက်လား။ "

အရှေ့ပင်လယ်တွင် လင်းယွမ်က လက်နှစ်ဖက်ကို နောက်ပစ်၍ အဝေးသို့ လှမ်းကြည့်နေသည်။ နှစ်ပေါင်းရှစ်ဆယ်အတွင်း သူက ကုန်မြေတစ်ခုလုံးနီးပါးကို သွားလာခဲ့သည်။ နေရာတိုင်းကို ရှာဖွေပြီးနောက် မူလနတ်ဘုရားရွှေ၏ အရိပ်အယောင်ကို မတွေ့ရပေ။ အကယ်၍ တဖုန်းဧကရာဇ်က မူလနတ်ဘုရားရွှေ ခေါင်းတလားထဲတွင် အမှန်တကယ်ပေါ်နေလျှင် သူက ကုန်မြေပေါ်တွင် မရှိသည်မှာ သေချာသလောက်ဖြစ်သည်။

" အရှေ့ပင်လယ်။ " လင်းယွမ်က အပြာရောင်ပင်လယ်ကြီးကို စိုက်ကြည့်လိုက်သည်။

နောက်ထပ်နှစ်လကြာလျှင် လင်းယွမ်၏ ရုပ်ခန္ဓာက သေဆုံးသွားတော့မည်ဖြစ်သည်။ အရှေ့ပင်လယ်က ကုန်မြေထက် အဆပေါင်းများစွာ ကျယ်ဝန်းလေသည်။

" အံ့ဩစရာပဲ။ " လင်းယွမ်က တဖုန်းဧကရာဇ်အပေါ် အနည်းငယ်ပင် လေးစားသွားသည်။

" သူ ပင်လယ်ရဲ့ ဘယ်နားမှာ နစ်မြုပ်သွားတယ်ဆိုတာ သိရင်တောင် ဘာမှထူးခြားလာမှာမဟုတ်ဘူး။ "

ပင်လယ်ကြမ်းပြင်က အလွန်ကြမ်းတမ်းပြီး မူလနတ်ဘုရားရွှေ ခေါင်းတလားကို ဆယ်ယူရန် နည်းလမ်းမရှိပေ။

" ငါ့ရဲ့ သက်တမ်းကန့်သတ်ချက် ပြည့်ဖို့က နှစ်လပဲ ကျန်တော့တယ်။ ငါ အဲ့ဒီနည်းလမ်းကို သုံးရတော့မယ်ထင်တယ်။ " လင်းယွမ်က ကျယ်ပြောသော ပင်လယ်ကြီးမှ အကြည့်လွှဲလိုက်သည်။

အဆုံးမဲ့ပင်လယ်ကြီးကို ရှာဖွေရန်မှာ မဖြစ်နိုင်သည်တော့မဟုတ်သော်လည်း မယုံကြည်နိုင်စရာကောင်းလောက်အောင် သန်မာသော စိတ်ဝိညာဉ်စွမ်းအားကို လိုအပ်သည်။ စိတ်ဝိညာဉ်စွမ်းအားက လုံလောက်အောင် သန်မာလျှင် အတွေးတစ်ချက်ဖြင့် ကမ္ဘာတစ်ခုလုံးကို လွှမ်းခြုံနိုင်ပေသည်။

လင်းယွမ်က သူ၏ ရုပ်ခန္ဓာကို ပိုမိုကောင်းမွန်အောင် မလုပ်နိုင်သော်လည်း သူ၏ ရုပ်ခန္ဓာကို အစားထိုးနိုင်သည်။ အကယ်၍ လင်းယွမ်က ကမ္ဘာစိတ်အသိ၏ နေရာကို သူ၏ စိတ်အသိနှင့် အစားထိုးရန်သာ လိုအပ်သည်။

" ဒီနည်းအတိုင်းပဲ လုပ်ကြတာပေါ့။ " လင်းယွမ်က စိတ်ထဲတွင် ဆုံးဖြတ်ချက်တစ်ခု ချလိုက်သည်။

အကယ်၍ ကမ္ဘာစိတ်အသိကို အစားထိုးမှုကျဆုံးခဲ့လျှင် သူက ကမ္ဘာဖျက်ဆီးခြင်းမူလစွမ်းအားကို အသုံးပြုပြီး သူ့ကို တိုက်ရိုက်သတ်ပစ်နိုင်လေသည်။ လင်းယွမ်က ကမ္ဘာစိတ်အသိိကို အောင်မြင်စွာ အစားထိုးနိုင်လိမ့်မည်ဟု မျှော်လင့်ထားသည်။

အချိန်များ ကုန်လွန်လာပြီး မျက်စိတစ်မှိတ်အတွင်း နှစ်လကြာသွားခဲ့သည်။ လင်းယွမ်က တောင်ထိပ်တစ်ခုပေါ်တွင် ထိုင်နေသည်။ သူ၏ ရုပ်ခန္ဓာက ကန့်သတ်ချက်နှင့် နီးကပ်နေပြီဖြစ်ကြောင်း ရှင်းရှင်းလင်းလင်း ခံစားနေရသည်။ နောက်ထပ်တစ်နာရီအတွင်း သူက အိုမင်းရင့်ရော်မှုကြောင့် သေဆုံးသွားတော့မည်ဖြစ်သည်။

" အချိန်ကျပြီ။ " လင်းယွမ်က အသက်ပြင်းပြင်းရှူပြီး သူ၏ စိတ်ဝိညာဉ်စွမ်းအားများကို ရုတ်တရက် တောက်လောင်စေလိုက်သည်။

ဝုန်း...

လင်းယွမ်၏ စိတ်ဝိညာဉ်စွမ်းအားများက အဆက်မပြတ် မြင့်တက်လာပြီး ကမ္ဘာအတွင်းသို့ ပေါင်းစည်းသွားသည်။

" စိတ်အသိကို အစားထိုးခြင်း...." နောက်ဆုံးတွင် လင်းယွမ်က စိတဝိဝညာဉ်စွမ်းအားများက ကမ္ဘာစိတ်အသိကို လုံးဝ အစားထိုင်နိုင်ခဲ့သည်။

ကမ္ဘာခုလုံး၏ ထောက်ပံ့မှုဖြင့် လင်းယွမ်၏ စိတ်ဝိညာဉ်စွမ်းအားက အကန့်အသတ်မရှိ ကျယ်ပြန့်လာခဲ့သည်။ ယခင် လင်းယွမ်က ထိုနယ်မြေများကို စူးစမ်းရန် နှစ်ပေါင်းရှစ်ဆယ်အချိန်ယူခဲ့ရသော်လည်း ယခုမူ ခဏသာ ကြာခဲ့သည်။ ကြောက်စရာကောင်းသော စိတ်ဝိညာဉ်စွမ်းအားက ဆက်လက်ကျယ်ပြန့်လာပြီး အဆုံးမဲ့ပင်လယ်ကြီးကို လွှမ်းခြုံသွားသည်။

" တွေ့ပြီ။ " လင်းယွမ်က ပင်လယ်ကြမ်းပြင်တွင် နက်မှောင်သော ခေါင်းတလားတစ်ခုရှိနေသည်။

ဝုန်း....

ကြောက်စရာကောင်းသော စိတ်ဝိညာဉ်စွမ်းအားများက တိုက်စားသွားပြီး ခေါင်းတလားကို ထိုးဖော်ကာ အတွင်းရှိ လဲလျောင်နေသော ပုံရိပ်ကို လွှမ်းခြုံသွားသည်။

" ဒါကဘာလဲ။ " တဖုန်းဧကရာဇ်က ရုတ်တရက် မျက်လုံးများ ဖွင့်လိုက်သည်။

" သေစမ်း..... " လင်းယွမ်က တွန့်ဆုတ်ခြင်းမရှိဘဲ စိတ်ဝိညာဉ်စွမ်းအားများကို အသုံးပြုပြီး တဖုတ်းဧကရာဇ်ကို သတ်ဖြတ်လိုက်သည်။

တဖုန်းဧကရာဇ် သေဆုံးသွားသောအခါ ကမ္ဘာတစ်ခုလုံးက ရပ်တန့်သွားသကဲ့သို့ ဖြစ်သွားသည်။ လင်းယွမ်က စဉ်းစားလိုက်ပြီး သူ၏ စိတ်အသိက ရုပ်ခန္ဓာထဲသို့ ပြန်လည်ဝင်ရောက်သွားသည်။ ကမ္ဘာ၏ အစွန်အဖျားက စတင်ပျက်စီးလာသည်။

" ငါ အချိန်စက်ဝန်းကို ချိုးဖျက်နိုင်ခဲ့ပြီ။ " လင်းယွမ်က ကောင်းကင်ကို မော့ကြည့်လိုက်သည်။

သူက လွန်ခဲ့သော နှစ်ပေါင်း ၁၅၀က အချိန်စက်ဝန်းထဲသို့ ကျရောက်ခဲ့ခြင်းဖြစ်သည်။ သူလုပ်ခဲ့သမျှ အရာအားလုံးက ဤအခိုက်အတန့်အတွက်သာ ဖြစ်သည်။ ယခု ၎င်းကို အောင်မြင်သွားခဲ့ပြီဖြစ်သည်။

"ကမ္ဘာကြီး ပြိုလဲနေပြီ။ " လင်းယွမ်က အချိန်စက်ဝန်းကမ္ဘာတစ်ခုလုံးကို ကြည့်လိုက်သည်။

စမ်းသပ်မှုကို အောင်မြင်ပြီးနောက် ကမ္ဘာကြီးမှ သူ့အပေါ် ဖိနှိပ်မှုများက လျင်မြန်စွာ ပျောက်ကွယ်သွားခဲ့သည်။ အချိန်စက်ဝန်းကမ္ဘာတစ်ခုလုံး၏ အသေးစိတ်အချက်အလက်များက လင်းယွမ်၏ စိတ်ထဲတွင် ပေါ်လာသည်။

" နိယာမတွေရဲ့ ထောက်ပံ့မှုမရှိတော့ရင် အရာအားလုံးက ပုံရိပ်ယောင်ဖြစ်လာလိမ့်မယ်။ ငါကလွဲရင်ပေါ့။ " လင်းယွမ်က သူ့ကိုသူ ငုံ့ကြည့်လိုက်သည်။

အခြားအရာအားလုံးက ပုံရိပ်ယောင်များ ဖြစ်လာသော်လည်း လင်းယွမ်ကတော့ အစစ်အမှန်အဖြစ် ကျန်ရှိနေသည်။

" ပြီးတော့ သူရောပဲ။ " လင်းယွမ်က အဆုံးမဲ့ပင်လယ်၏ အောက်ခြေသို့ ကြည့်လိုက်သည်။

သူက တဖုန်းဧကရာဇ်ကို စိတ်ဝိညာဉ်စွမ်းအားဖြင့် ချေမှုန်းခဲ့သည်။ သို့သော် သူက အလွန်သေးငယ်သော အမှုန်အမွှားများအဖြစ် ပြောင်းလဲသွားခြင်းဖြစ်ပြီး ထိုအမှုန်များက အစစ်အမှန်အတိုင်း တည်ရှိနေသည်။