အခန်း (၁၃၁၅-၁၃၁၇)

အခန်း ၁၃၁၅: ငါ့သမီးကိုလွှတ်! ၂

ထို့နောက် စိတ်ဝင်စားစရာတွေဖြစ်လာသည်။

ချင်ဖုန်းလေးရှေ့တွင် ကလေးမလေးသုံးယောက်ဓာတ်ပုံရှိသည်။

"ချင်လင်''

လီရှင်းက ချက်ချင်းပင်_

"မင်းသားက ငါ့သမီးကိုယူတယ်... အခုငါ့သားမက်ပဲ''

"ဟုတ်တယ်.. ဒီတစ်ခါအားပြိုင်တာ သူယူတဲ့သမီးကအပိုင်ပဲ''

ချန်ရှန်းဖေကလည်းဖြည့်ပြောသည်။

"ဒါပဲ''

မာလဲ့ဝမ်ခေါင်းညိမ့်သည်_

"ရွေးရမှာ ချင်ဖုန်းလေးပဲ''

"ကျွတ် ကျွတ်''

ချင်လင်ပြောစရာစကားမရှိတော့။

ချင်ဖုန်းလေးက တစ်နှစ်ပဲရှိသေးတာ။ မိန်းကလေးပုံကိုစိတ်ဝင်စားရကောင်းမှန်းသိမလား?

သူတို့သမီးပုံကို သူ့သားကယူမည်မထင်။

သို့သော် သူ့အတွေးမဆုံးခင် ချင်ဖုန်းလေးကဓာတ်ပုံသုံးပုံဆီတွားသွားပြီး လီရှင်းသမီးပုံကိုလက်လှမ်းလိုက်သည်။

“????”

ချင်လင်ကြောင်သွားသည်။ ချင်ဖုန်းလေးကတော့ သူ့ကိုအရှက်ရအောင်လုပ်ပြီ။

ဒီကောင်လေး အဖေကိုမျက်နှာသာမပေးပါလား?

လီရှင်းကပြုံးရွှင်ပြီး_

"ချင်လင် တွေ့လား? ချင်ဖုန်းလေးက သူ့ဘာသာရွေးမှာ... ကလေးတွေကိုစေ့စပ်ထားလို့ရပြီ?''

သို့သော် သူပြောရုံရှိသေး၊ ချင်ဖုန်းလေးက ချန်ရှန်းဖေသမီးဓာတ်ပုံကိုလှမ်းဆွဲပြန်သည်။

ချန်ရှန်းဖေကထပ်ပြီး_

"လီရှင်း အဲဒါထည့်မတွက်ဘူး... အခုချင်ဖုန်းလေးက ငါ့သမီးဓာတ်ပုံမှာ... မင်းသမီးကကျန်ခဲ့ပြီ''

ချင်ဖုန်းလေးက ချန်ရှန်းဖေနဲ့လီရှင်းသမီးဓာတ်ပုံကို မာလဲ့ဝမ်သမီးဓာတ်ပုံပေါ်ထပ်လိုက်မည်ဟုမထင်မိ။

ဓာတ်ပုံသုံးပုံထပ်လျက်သားဖြစ်သွားသည်။

ချင်ဖုန်းလေးက အိမ်ဆောက်ဂိမ်းဆော့နေသလိုမြူးတူးပြီး သူ့လက်သေးသေးလေးနှင့် ဓာတ်ပုံသုံးပုံကိုလိုက်ပွတ်သပ်သည်။

မဟုတ်ရင် ကလေးမှာဘာအတွေးရှိမလဲ?

ထိုမြင်ကွင်းကြောင့် ချန်ရှန်းဖေ၊မာလဲ့ဝမ်နှင့်လီရှင်းတို့က အချင်းချင်းကြည့်လိုက်ကြသည်။

"ကောင်လေးက သုံးယောက်လုံးလိုချင်တာတော့မဟုတ်ပါဘူးနော်?''

ချန်ရှန်းဖေကအံ့ဩသံနှင့်ပြောသည်။

"လောဘကြီးလိုက်တာ?''

လီရှင်းက ရေရွတ်သည်။

"ဒါဆို ဘယ်သူ့အပိုင်လဲ?''

မာလဲ့ဝမ်ကမေးသည်။

သူတို့သုံးယောက်သားစကားပြောနေစဉ် နောက်ဆုံးသည်းမခံနိုင်သူတစ်ယောက်ထွက်လာသည်။ လီခိုင်က ဖြောင့်မတ်မှန်ကန်သောအသံနှင့်_

"မင်းတို့သုံးယောက် ကိုယ့်ကိုယ်ကိုယ်အရှက်မခွဲပါနဲ့တော့လား? ချင်ဖုန်းလေးနဲ့မင်းတို့သမီးကြားဆက်ဆံရေးက ဘာလဲ? သူက ငါ့သားမက်ဖြစ်လာမယ့်သူပဲ... မင်းတို့ဆက်ဆံရေးက ငါနဲ့ညီလေးချင်လောက်ကောင်းဦးမလား?''

ထိုသို့ပြောပြီး သူ့သမီးကိုထန်ရှိုးဝမ်လက်ထဲမှဆွဲချီကာ ပြကွက်တစ်ခုစတော့သည်။

သူ့သမီးကို ချင်ဖုန်းလေးနားတန်းချလိုက်၏။ ကလေးကိုကျိုးဖမ်းသောပစ္စည်းတစ်ခုလိုသဘောထားနေသည်။

ချင်လင်ကိုလည်း_

"မင်းရောအဲလိုမထင်ဘူးလား ညီလေးချင်? ငါတို့က အရင်းနှီးဆုံးလေ'' ဟု ပြောဖြစ်အောင်ပြောလိုက်သေးသည်။

"ကျွတ် ကျွတ်''

ချင်လင် မျက်နှာကိုအုပ်ထားလိုက်သည်။

ဒီအစ်ကိုလီက အဆင့်အတန်းမြင့်၊ပညာတတ်ဖြစ်ပါလျက်နဲ့ လောင်ချန်၊လောင်မာတို့ထက်ပိုရူးရသေးလား?

ထန်ရှိုးဝမ်မှာ သူမစီနီယာအစ်ကိုလုပ်ရပ်ကြောင့် မျက်နှာနီသွားသည်။

သူ့သမီးကိုမလိုချင်မှာစိုးပြီး အလောတကြီးလိုက်ပေးနေသလိုပင်။

ဒါပေမဲ့ တွေးကြည့်မှ ချင်ဖုန်းလေးသာဆိုရင်၊ မိုချင်းတို့သဘောတူရင် စေ့စပ်ထားတာကောင်းမည်။

ရုတ်ချည်းဆိုသလို စီနီယာအစ်ကိုလီရဲ့လုပ်ရပ်ကိုရူးသည်မထင်တော့။

ချင်ဖုန်းလေးမှာ သူ့နားကလေးမလေးရုတ်တရက်ရောက်လာသောကြောင့် လန့်သွားသည်။

ကလေးတွေကပျော်တတ်၊ခင်တတ်သည်။ သူကမြူးတူးပြီး လီခိုင်သမီးကိုဆွဲကာ ခိုးခိုးခစ်ခစ်ရယ်သည်။

လီခိုင်၏အနိုင်ပိုင်းကွက်ကြောင့် ချန်ရှန်းဖေ၊မာလဲ့ဝမ်၊လီရှင်းတို့လမ်းပျောက်သွားသည်။

သုံးယောက်သားအချင်းချင်းကြည့်ပြီး အစ်ကို ၆ ရောက်လာပြီဟုသဘောပေါက်လိုက်ကြသည်။

သုံးယောက်သားကစိတ်မြန်လက်မြန်ရှိပြီး သာမန်လူတွေနဲ့မတူတာ တွေးသာကြည့်။

ဒီအချိန်မှာ ဘယ်လိုလုပ်အနိုင်ခံမလဲ?

ချန်ရှန်းဖေက သူ့မိန်းမနားကပ်ပြီးသမီးကိုချီကာ ချင်ဖုန်းလေးနားချလိုက်သည်။

လီရှင်းနှင့်မာလဲ့ဝမ်ကလည်း အားကျမခံ။ သူတို့သမီးချီပြီး ချင်ဖုန်းလေးနားချသည်။

အခုချင်ဖုန်းလေးနားမှာ ကလေးမလေး ၄ ယောက် ပတ်လည်ဝိုင်းနေ၏။

ချင်ဖုန်းလေး ပိုပျော်သွားသည်။ သူကခိုးခိုးခစ်ခစ်ရယ်သလို လက်ခုပ်လက်ဝါးလည်းတီးသည်။

အထူးသဖြင့် ဒီကောင်လေးက မျှမျှတတရှိရမှန်းနားလည်သည်။ အစ်မကြီးတစ်ယောက်ပြီးတစ်ယောက်ဆွဲခေါ်၏။

သီးနှံများခွဲဝေပေးသလို ကလေးမလေး ၄ ယောက်လက်ထဲပစ္စည်းများထည့်ပေးရကောင်းမှန်းသိသည်။

ကစားဖော်အများကြီးတွေ့ဖူးတာ ဒါပထမဆုံးဖြစ်မည်။

အခုကျိုးဖမ်းပွဲက ဘယ်လိုဖြစ်သွားပြီလဲ?

ကလေးကစားကွင်းလား?

ချန်ရှန်းဖေ၊မာလဲ့ဝမ်၊လီရှင်းနှင့်လီခိုင်က တစ်ယောက်မျက်လုံးတစ်ယောက်မကြည့်ကြဘဲ အချင်းချင်းထေ့ငေါ့ကြ၏။

လင်းဖန်နှင့်ချန်ရှောက်ကကြည့်ပြီး အရမ်းဝမ်းသာနေသည်။

ချင်ဖုန်းလေးက ကလေးမလေးတွေကြားမှာနာမည်ကြီးနေပြီ။ ကြီးလာရင်မိန်းမမရမှာ ပူစရာမလိုတော့။

တကယ်တော့ သူတို့အဘွားဖြစ်သူအမြင်မှာ အရင်စေ့စပ်ထားတာကောင်းသည်။ အနည်းဆုံးတော့ ချင်ဖုန်းလေးအတွက်ချစ်သူရွေးထားနိုင်သည်။

မော်ဒန်ခေတ်မှာ ဒါမျိုးမရှိသော်လည်း ၄ ယောက်လုံးရှိတာကောင်းမည်ဟု သူတို့ထင်သည်။

သူတို့အသက်အရွယ်နဲ့ နည်းနည်းလောဘကြီးလည်းရတယ်မလား?

ချင်လင်က ချင်ဖုန်းလေးနှင့်ပျော်ပျော်ရွှင်ရွှင်ကစားနေသောကလေးမလေး ၄ ယောက်ကိုကြည့်ပြီး နည်းနည်းစိုးရိမ်နေသည်။

ငယ်ဘဝရည်းစားတွေများပြီး စိတ်ပိုင်းဆိုင်ရာအကြွေးတွေတင်လေမလား?

ပြီးမှ သူ့ကိုယ်သူရယ်လိုက်သည်။

ဒီကောင်လေးအသက်ဘယ်လောက်ရှိသေးလို့လဲ? သူဘာလို့ဒါကိုစိုးရိမ်နေရတာလဲ?

ချန်ရှန်းဖေ၊မာလဲ့ဝမ်၊လီခိုင်၊လီရှင်းတို့ကြောင့် ချင်ဖုန်းလေးကျိုးဖမ်းပွဲက စည်ကားနေသည်။

ပြီးနောက် ကျောက်မိုချင်းနှင့်လင်းဖန်လည်း ဧည့်သည်တချို့ကိုစံအိမ်နှင့်မွေးမြူရေးခြံသို့အလည်အပတ်လိုက်ပို့သည်။

ချင်ဖုန်းလေးမွေးနေ့ပွဲဖိတ်ထားမှတော့ စားပြီးတန်းပြန်မပို့နိုင်။ အိမ်ရှင်ဧည့်ဝတ်ကျေရဦးမည်။

ညနေပိုင်းတွင် ဦးလေးတရှန်းနှင့်ဦးလေးရွှေ့ကန်းကိုလိုက်ပို့သည်။

ချန်ရှန်းဖေတို့က ဆက်နေကြ၏။

နောက်တစ်နေ့_

ချင်ဖုန်းလေးက ရှောင်ရန်စီးပြီး ဧည့်ခန်းထဲကစားနေသည်။

အခုလင်းဖန်နှင့်ကျောက်မိုချင်းက ရှောင်ရန်ကိုလုံးလုံးစိတ်ချထားပြီ။ သူတို့မကြည့်ရင်တောင် ရှောင်ရန်က သူ့သခင်လေးကိုသေချာဂရုစိုက်မည်မှန်းသိသည်။

ဘေးတွင်_

လင်းလျိုတို့ကလည်း သမီးလေးများချီပြီး ထိုမြင်ကွင်းကိုစူးစမ်းကြည့်နေကြသည်။

သူတို့အဖို့ မိချောင်းကအလွန်အန္တရာယ်များသောတိရစ္ဆာန်ဖြစ်သည်။ အထူးသဖြင့် ဒီလောက်ကြီးသောအကောင်ပင်။

ဒါပေမဲ့ သူဌေးချင်ကဒီလောက်မိချောင်းကြီးကိုယဉ်ပါးအောင်လုပ်ပြီး ချင်ဖုန်းလေးစိတ်တိုင်းကျစီးခိုင်းမည်ဟုလုံးဝမထင်မိ။

ဒီတော့မှ သူဌေးချင်က ဉာဏ်ကြီးရှင်၊ စားဖိုမှူး၊ အင်တာနက်ဆယ်လီမြင်းစီးသူဖြစ်သည့်အပြင် သုံးပွင့်ဆိုင်ဇီးပန်းပင်လယ်တွင် ရှဉ့်များကိုယဉ်ပါးအောင်လုပ်ဖူးကြောင်းသတိရကြသည်။

သူဌေးချင်က မိချောင်းကိုဒီလောက်ယဉ်ပါးအောင်လုပ်ထားမှန်း အပြင်လူတွေလုံးဝထင်မှာမဟုတ်။

လင်းလျိုတို့လက်ထဲမှသမီးလေးများကလည်း ချင်ဖုန်းလေးနှင့်ရှောင်ရန်ကိုစူးစမ်းနေကြသည်။ ပျော်နေသလိုလိုတောင်ရှိသည်။ သူတို့လည်းကစားချင်သလို ချင်ဖုန်းလေးကိုလက်လှမ်းကြ၏။

လင်းလျိုတို့က သူတို့သမီးကိုမလွှတ်ရဲ။

မိချောင်းက ချင်ဖုန်းလေးနဲ့ယဉ်ပါးသလို သူတို့သမီးတွေနဲ့ယဉ်ပါ့မလား?

တစ်ရက်ပြီးတစ်ရက် အချိန်ကုန်လွန်သည်နှင့်အမျှ ရာသီဥတုအေးလာပြီး ပြည်တွင်းခရီးသွားလုပ်ငန်းတဖြည်းဖြည်းကျဆင်းလာသည်။

အေးသောနေ့တွင် ဆောင်းရာသီကြိုက်သောခရီးသည်များမှလွဲ၍ ခရီးသည်အများစုကအပြင်မထွက်ကြ။

အပြောင်းအလဲမရှိသောရှုမျှော်ခင်းနေရာများမှာ ဆောင်းရာသီပွဲတော်ကျင်းပသောနေရာများသာဖြစ်သည်။

ရုံချန်းခရီးသွားလုပ်ငန်းမှာမူ သက်ရောက်မှုမရှိဘဲ ပိုပြီးရေပန်းစားလာသည်။

ဆောင်းမှာအေးပြီး နွေမှာနွေးသောကြောင့် ရုံချန်းခရီးသွားရန်အသင့်တော်ဆုံးအချိန်ဖြစ်သည်။

ချင်းလင်စံအိမ်နှင့်ချင်းလင်မွေးမြူရေးခြံမှာ ပိုပြီးသက်ရောက်မှုနည်းသည်။ ရုံချန်းရာသီဥတုမပြောင်းလဲခင်ကတည်းက ဆောင်းတွင်းမှာတောင် ခရီးသည်များပြည့်နေသည်။

နောက်ပြီး ချင်းလင်စံအိမ်က ပရောဂျက်တစ်ခုထပ်ဖွင့်တော့မည်။ နတ်သမီးပုံပြင်တောင်ပင်။

နတ်သမီးပုံပြင်တောင်_

ချင်လင်ရော ကျောက်မိုချင်းပါရောက်နေပြီး လင်းလန်ဇီကမိတ်ဆက်ပေးသည်။

နတ်သမီးပုံပြင်တောင်တစ်တောင်လုံးအသွင်ပြောင်းထားသည်မှာ ပြီးလုနီးနီးဖြစ်ကြောင်းတွေ့ရသည်။

မကြာမီ နတ်သမီးပုံပြင်တောင်ထိပ်သို့ ချင်လင်နှင့်ကျောက်မိုချင်းရောက်သွားပြီး အံ့ဩစရာမြင်ကွင်းကိုမြင်ရသည်။

ပန်းအိမ်က ထူးခြားလှပပြီး ဂိမ်းအရည်အသွေးများပါသည်။

တောင်ထိပ်ပေါ်ရှိပန်းအိမ်ကို လင်းဟန်တို့ဒီဇိုင်နာများအထူးရေးဆွဲထားခြင်းဖြစ်သည်။ အစိတ်အပိုင်းများဖြန့်ကျက်ထားပုံကသင့်တင့်မျှတပြီး အပြင်အဆင်ပြီးပြည့်စုံသည်။ အစိမ်းရောင်အပင်များနှင့်လိုက်ဖက်နေ၏။

ပန်းအိမ်ထဲဝင်ပြီး ပန်းအိမ်အာနိသင်ကိုမခံစားဖူးရင်တောင် အမြင်နှင့်တင်အတော်လှသည်ဟုဆိုရမည်။

ဒါအလှဆုံးအချိန်မဟုတ်သေး။ မျိုးပြောင်းအာကာသနွယ်နှင့်ညဘုရင်မကဏ္ဍကျန်သေးသည်။

မျိုးပြောင်းအာကာသနွယ်နှင့်ညဘုရင်မအစွမ်းပြရင် ဒီနေရာက နတ်သမီးကမ္ဘာဖြစ်သွားမည်။

ဘေးတွင် ယွီရွှေ့ကလူအင်အားနှင့် မျိုးပြောင်းအာကာသနွယ်ပင်၊ညဘုရင်မပင်ပေါ်မှလိုက်ကာများကိုဆွဲဖယ်နေသည်။

နတ်သမီးပုံပြင်တောင်မပြီးခင် ဒီအပင်များထူးခြားပုံကိုလူသိမည်စိုး၍ လိုက်ကာများနှင့်အုပ်ထားသည်။

အခုနတ်သမီးပုံပြင်တောင်ပြင်ဆင်ပြီးဖြစ်သောကြောင့် ချပြနိုင်ပြီ။

ဒီည နတ်သမီးပုံပြင်တောင်က ခရီးသည်အားလုံးကိုအံ့အားသင့်စေလိမ့်မည်။

အခန်း ၁၃၁၆: နတ်သမီးပုံပြင်ကမ္ဘာ!

ယွီရွှေ့က မျိုးပြောင်းအာကာသနွယ်နှင့်ညဘုရင်မပင်ပေါ်မှလိုက်ကာများကိုဖယ်လိုက်သည်။

ချင်လင်၊ကျောက်မိုချင်းနှင့်လင်းလန်ဇီတို့က ပန်းအိမ်ထဲဝင်လိုက်ရာ လင်းဟန်က သူ့စီနီယာအစ်ကိုအစ်မများနှင့်အတူ မြင်ကွင်းရှင်းလင်းနေသည်။

အားလုံးပြုံးရွှင်ပြီး ပန်းအိမ်ကိုကျေကျေနပ်နပ်ကြည့်နေကြသည်ကိုတွေ့ရသည်။

ဒါသူတို့​ပူးပေါင်းအားထုတ်ထားတဲ့ရလဒ်။

သူတို့လုပ်ဖူးသမျှထဲတွင် အကောင်းဆုံးအိမ်ရာပရောဂျက်လည်းဖြစ်သည်။

ထိုတောင်ထိပ်မှာ ကောင်းကင်ဘုံနှင့်တူနေ၏။

သူတို့ဒီဇိုင်းဆွဲနေစဉ်က နောက်ဆုံးဒီလောက်လှမည်ဟုမထင်မိ။

ပန်းအိမ်မှာဂိမ်းအရည်အသွေးရှိမှန်း သူတို့မသိပေ။

ဒီနေရာက နေထွက်ရှုခင်းကြည့်ရင် ဘယ်လောက်ကြည်နူးအံ့ဩစရာကောင်းမလဲ စိတ်ကူးကြည့်နိုင်သည်။

နောက်ပြီး ချင်းလင်စံအိမ်ကကြော်ငြာသည့်အတောအတွင်း ဒီဇိုင်နာနာမည်များကိုသုံးမည်ဟုကတိပေးထားသည်။ အပြီးသတ်ထုတ်ကုန်ကြော်ငြာသည့်အခါ နတ်သမီးပုံပြင်တောင်နာမည်ကိုလည်းသုံးခွင့်ပြုသည်။

နတ်သမီးပုံပြင်တောင်နာမည်ကြီးလာရင် သူတို့အကျိုးအမြတ်များမည်။

လင်းဟန်က ချင်လင်၊ကျောက်မိုချင်း၊လင်းလန်ဇီတို့ကိုမြင်ပြီး ချက်ချင်းရောက်လာကာနှုတ်ဆက်သည်_

"ဥက္ကဌချင် ဥက္ကဌကျောက် ဥက္ကဌလင်း.. ရောက်လာပြီလား... ပန်းအိမ်တွေလိုက်ပြရမလား?''

သုံးယောက်သား ခေါင်းညိမ့်လိုက်သည်။

လင်းဟန်က ပန်းအိမ်များလိုက်ပြသည်။ သူမကလမ်းလျှောက်ရင်း မိတ်ဆက်ပေး၏_

"ပန်းအိမ်ကိုအပိုင်းသုံးပိုင်းခွဲထားတယ်... မိုးကုပ်စက်ဝိုင်းပုံ... ပန်းအိမ်ထဲကနေတောင် နေထွက်ရှုခင်းကိုကြည့်နိုင်အောင်စီစဉ်ရမယ်''

"ပန်းအိမ်ထဲမှာလည်း ညဘုရင်မနဲ့မျိုးပြောင်းအာကာသနွယ်ကိုရောယှက်ထားတယ်... မော်ဒန်အနီရောင်မြူခိုးသုံးထားတယ်''

လင်းဟန်က သူမဒီဇိုင်းဆင်ထားသောပန်းအိမ်အကြောင်းသေချာသိသည်။ လမ်းလျှောက်ရင်း အာပေါင်အာရင်းသန်သန်နှင့်ရှင်းပြ၏။

ပန်းအိမ်အကြောင်းအသေးစိတ်နားလည်ပြီးနောက် ချင်လင်ပိုကျေနပ်သွားသည်။ အမှန်ပင် အားလုံးကိုသေချာလုပ်ထားသည်။

ထို့နောက် ချင်လင်နှင့်ကျောက်မိုချင်းက ကေဘယ်ကားနှင့်နတ်သမီးပုံပြင်တောင်ပေါ်မှဆင်းသည်။

ကေဘယ်ကားပေါ်မှ နတ်သမီးပုံပြင်တောင်ပြင်ဆင်ချက်အမျိုးမျိုးကိုရှင်းရှင်းလင်းလင်းမြင်ရသည်။ တောင်ထိပ်ပေါ်တွင် ပန်းအိမ်အပြင် စခန်းချစရာနေရာများရှိသည်။

စခန်းချနေရာများတွင် ရွက်ဖျက်တဲများရှိပြီး မျိုးပြောင်းအာကာသနွယ်နှင့်ညဘုရင်မပင်များလည်းစိုက်ထားသည်။

စခန်းချနေရာနှင့်ပန်းအိမ်ဖွင့်လျှင် ခရီးသည်တည်းခိုစရာရှားသောပြဿနာမှာ အတိုင်းအတာတစ်ခုအထိလျော့နည်းသွားမည်။

ချင်းလင်ရှုမျှော်ခင်းနေရာမှာတန်းအိပ်နိုင်ရင် ခရီးသည်အများစုက ရုံချန်းမှာတည်းခိုတော့မည်မဟုတ်။

ဒီတော့ စခန်းချနေရာက နာမည်မကြီးမှာမပူရ။

ချင်းလင်အပန်းဖြေစံအိမ်_

လင်းဖန်က ချင်ဖုန်းလေးနှင့်ကစားနေသည်ကို ချင်လင်တွေ့ရသည်။ သူတို့နားတွင် ကလေးမလေးများရှိသည်။ ချန်ရှန်းဖေတို့သမီးလေးများပင်။

ချန်ရှန်းဖေတို့က မင်မြို့တော်ပြန်သွားကြပြီ။ မည်သို့ဆိုစေ အားလုံးသူဌေးကြီးများဖြစ်၍ နေ့စဉ်ဖြေရှင်းစရာကိစ္စများသည်။ လင်းလျိုတို့သာ ကလေးများနှင့်အနားယူရန် စံအိမ်မှာနေရစ်သည်။

သူတို့လိုမိသားစုအဖို့ ချင်းလင်အပန်းဖြေစံအိမ်မှာအနားယူတာ သာမန်ကိစ္စပင်။ သူတို့မှာပိုက်ဆံမရှား။

လူတကာအားကျစရာပင်။

ဘာပဲဖြစ်ဖြစ် ချင်းလင်အပန်းဖြေစံအိမ်မှာ တစ်နိုင်ငံလုံးတွင်နာမည်ကြီးသည်။ ပြည်တွင်းအကောင်းဆုံးအပန်းဖြေနေရာမှန်း လူတိုင်းသိကြသည်။ လာချင်တိုင်း လာလို့မရ။ ဘယ်လောက်ချမ်းသာချမ်းသာ သူဌေးချင်သဘောမတူရင် မလာနိုင်ချေ။

သို့သော် သူတို့က မကြာခဏနေနိုင်သည်။ သူတို့ယောက်ျားက လူတကာအားကျရသူနှင့်မိတ်ဆွေဖြစ်၍ဟုသာပြောရမည်။

လင်းလျိုတို့ရှိသောကြောင့် ချင်ဖုန်းလေးမှာကစားဖော်များနေသည်။ ကြမ်းကိုပျော့ပျော့အိအိခင်းထား၍ ကလေးများပျော်ပျော်ရွှင်ရွှင်တက်ကစားနိုင်သည်။

ကျောက်မိုချင်းကတိတ်တိတ်လေးရောက်လာပြီး ကလေးကြည့်ရင်း လင်းလျိုတို့နှင့်စကားဝိုင်းဖွဲ့သည်။

ချင်လင်က ရုံးခန်းထဲပြန်ပြီး ငါးမျှား၊ဇာတ်ကွက်ရှာစသော နေ့စဉ်တာဝန်များလုပ်သည်။

ဖြစ်ချင်တော့ ဒီနေ့လည်းကံမကောင်း။

သို့သော် ဒီနှစ်ရုံချန်းကံအလွန်ကောင်းသည်။ ခရီးသည်များတသဲသဲဝင်ခြင်း၊ ရာသီဥတုပြောင်းလဲခြင်းနှင့် နိုင်ငံ့ရတနာဘေးမဲ့တောကြောင့် ခရီးသည်များကြည့်ရှုစရာများနေသည်။

မြို့တစ်မြို့မှာ ဒီလိုပြဿနာမျိုးရှိတာမယုံနိုင်စရာ။ မြို့မှာခရီးသွားလုပ်ငန်းဖွံ့ဖြိုးလွန်း၍ ပြည်တွင်းဘယ်မြို့မှမယှဉ်နိုင်သည့်သဘောရှိသည်။

ကျူးယွမ်ယွမ်နှင့်ဝမ်လီလီမှာ သူငယ်ချင်းကောင်းများဖြစ်သည်။ ဓာတ်ပုံမော်ဒယ်များဖြစ်ပြီး ကြည့်ကောင်းခြင်း၊သရုပ်ဆောင်ကောင်းခြင်းကြောင့် တစ်နှစ်တစ်နှစ်ပိုက်ဆံအများကြီးရှာနိုင်သည်။

ရုံချန်းအကြောင်းသတင်းများတွေ့ဖူးပြီး သူတို့စူးစမ်းချင်နေကြသည်။ ဒီနှစ် ရုံချန်းမှာအပန်းဖြေကြရန် သူတို့နှစ်ယောက်ချိန်းထား၏။

ပထမရက်၊ဒုတိယရက်တွင် ချင်းလင်စံအိမ်သတို့သမီးခန်းရသောကြောင့်ကံကောင်းသည်။ ရုံချန်းတွင်လဝက်လောက်စတည်းချရန် အခန်းလည်းယူထားသည်။

ဒီလိုရာသီဥတုမျိုးရှိသောမြို့မှာ ကောင်းကောင်းနားရမည်။ နောက်ပြီး သူတို့အလုပ်အများစုက ဖုန်းတစ်လုံးနှင့်အလုပ်လုပ်နိုင်သည်။ ဖုန်းနှင့်ဓာတ်ပုံ၊ဗီဒီယိုများရိုက်ပြီးပို့ပေးနိုင်သည်။

ချင်းလင်စံအိမ်ရောက်ရောက်ချင်း ID ကတ်ပြကာ စာရင်းသွင်းသည်။

သတို့သမီးခန်းထဲပစ္စည်းများရွှေ့ပြီးနောက် ကျူးယွမ်ယွမ်ကမေးသည်_

"လီလီ.. အရင်ဆုံး ဘယ်သွားကြမလဲ?''

"ရွက်လွှင့်ကြတာပေါ့.. အဲဒါမစီးရတာကြာပြီ''

ဝမ်လီလီက တန်းပြောသည်_

"ချင်းလင်စံအိမ်ရွက်လွှင့်က ကမ္ဘာမှာပျော်စရာအကောင်းဆုံးလို့ပြောကြတယ်''

"အင်း.. ငါလည်းကြားဖူးတယ်''

ကျူးယွမ်ယွမ်ကပြောသည်။

ချင်းလင်စံအိမ်ရွက်လွှင့်က ပြည်တွင်းရောပြည်ပမှာပါ နာမည်ကြီးသည်။

ပြည်တွင်းခရီးသည်များပါမက ပြည်ပခရီးသည်များကိုပါဆွဲဆောင်နိုင်သည်အထိ ချင်းလင်စံအိမ်ကနာမည်ကြီးသည်။

နိုင်ငံခြားသားများမှာ စိတ်လှုပ်ရှားစရာဂိမ်းများသဘောကျသောကြောင့် မဖြစ်မနေရွက်လွှင့်ကြသည်။

အခန်း ၁၃၁၇: နတ်သမီးပုံပြင်ကမ္ဘာ! ၂

ထို့ကြောင့် နိုင်ငံခြားခရီးသည်များမှာ ချင်းလင်စံအိမ်တွင်ရွက်လွှင့်ပြီးနောက် မြစ်ထဲတွင်ပျော်ခြင်း +၃ အာနိသင်လွှမ်းမိုးခြင်းခံရသည်။

ထိုခရီးသည်များမှာ ပထမဆုံးအကြိမ်စီးပြီးလျှင် မနေနိုင်ဘဲဆက်တန်းစီကြသည်။ ဒုတိယအကြိမ်၊ တတိယအကြိမ်...

ဘယ်လိုပဲဖြစ်ဖြစ် နိုင်ငံခြားခရီးသည်များပျော်ကြသည်။

ထိုခရီးသည်များပြန်သောအခါ ချင်းလင်စံအိမ်ရွက်လွှင့်ကိုကမ္ဘာ့ပျော်စရာအကောင်းဆုံးဟုကြော်ငြာပေးကြသည်။

မယုံကြည်သူတချို့လည်း ဒီအတွက်သက်သက်လာကစားပြီး စွဲလန်းသွားကြသည်။ ဂိမ်းအရည်အသွေးကိုဘယ်သူမှမခုခံနိုင်။

ကျူးယွမ်ယွမ်နှင့်ဝမ်လီလီမှာ သူတို့အလှည့်မကျခင် အကြာကြီးတန်းစီရသည်။ ကာကွယ်ရေးဝတ်စုံများဝတ်ပြီး မြစ်ထဲဆင်းကြ၏။

ထို့အတူပင် နှစ်ယောက်သားမြစ်ထဲဆင်းဆင်းချင်း Kappa ပျော်ရွှင်ခြင်းကျောက်၏လွှမ်းမိုးမှုကိုခံရသည်။

နှစ်ယောက်သားအပျော်လွန်ပြီး ဓာတ်ပုံ၊ဗီဒီယိုရိုက်ဖို့တောင်မေ့နေကြသည်။ အဆုံးသတ်မျဉ်းရောက်သောအခါ ကယက်လှေပေါ်မှဆင်းလိုက်ရ၏။

"လီလီ''

ကျောက်ယွမ်ယွမ်ကမနေနိုင်ဘဲ_

"ချင်းလင်စံအိမ်ရွက်လွှင့်က သူများတွေပြောတဲ့အတိုင်းပျော်စရာကောင်းတာပဲ''

"အင်း''

ဝမ်လီလီကခေါင်းညိမ့်ပြီး_

"မိုးချုပ်သွားလို့.. မဟုတ်ရင် ထပ်စီးပြီးပြီ''

မိန်းကလေးနှစ်ယောက် နှမြောနေကြသည်။

ထို့နောက် ချင်းလင်တောင်တန်းစံအိမ်စားသောက်ဆိုင်ထဲသွားသည်။ သူတို့နောက်ကျသောကြောင့် အလှအပသခွားသီး၊ အလှအပဥလိုပစ္စည်းများဝယ်ရန် ချင်းလင်စျေးဝယ်စင်တာသို့မသွားနိုင်။ နောက်နေ့မနက်စောစောမှသွားရမည်။

ဒီနေ့ ချင်းလင်စံအိမ်မှာ ပုံမှန်အစားအသောက်သာစားရမည်။

ပုံမှန်အစားအသောက်ဆိုရင်တောင် စိုက်ခင်းထဲမှအရည်အသွေး ၁ ဟင်းသီးဟင်းရွက်များဖြစ်၍ တခြားစားသောက်ဆိုင်မှဟင်းပွဲများထက်ပိုကောင်းသေးသည်။

ချင်းလင်စားသောက်ဆိုင်တွင်ညစာစားပြီးနောက် ကျူးယွမ်ယွမ်နှင့်ဝမ်လီလီကအပြင်ထွက်လမ်းလျှောက်လာသည်။ ရုတ်တရက် တစ်ယောက်ယောက်အော်သံကြားရသည်_

"အာ.. အဲဒါဘာလဲ?''

"ဟိုတောင်ပေါ်မှာလင်းနေတာ.. ဘာဖြစ်တာလဲ?''

နောက်ခရီးသည်တစ်ယောက်ကပြောသည်။

ထို့နောက် အံ့ဩသံများဆက်ကြားရသည်။

"ရွက်လွှင့်ကောင်းလိုက်တာ... ဟိုဟာဒီဟာတွေကဘာလဲ?''

"အံ့ဩစရာပဲ.. နတ်သမီးပုံပြင်ထဲကတောင်နဲ့တူတယ်!''

"ချင်းလင်စံအိမ်ကဖွင့်တဲ့တောင်ထင်တယ်''

ကျောက်လီယွမ်နှင့်ဝမ်လီလီက အာမေဋိတ်သံများကြောင့် ဇဝေဇဝါနှင့်ထွက်လာသည်။ ခရီးသည်များကြည့်နေသောဘက်လိုက်ကြည့်ပြီးမှ မှင်သက်သွား၏။ ထို့နောက် တဖြည်းဖြည်းအံ့ဩပုံပေါက်သွားသည်။

ညမိုးချုပ်အချိန် ခပ်လှမ်းလှမ်းတောင်ထိပ်မှာ မဲမှောင်ပြီး မမြင်ရနိုင်။

သို့သော် ထိုခပ်လှမ်းလှမ်းတောင်ထိပ်မှာ စိတ်ကြည်နူးစေသောအံ့ဖွယ်အလင်းတစ်မျိုးထွက်နေသည်။

မှောင်နှင့်မည်းမည်းတွင် ရုတ်တရက် နတ်သမီးပုံပြင်ထဲကတောင်ပေါ်လာသလိုပင်။

"လှလိုက်တာ!''

ကျူးယွမ်ယွမ်မှာမည်သို့ဖော်ပြရမည်မသိဘဲ ထိုစကားသုံးလုံးသာပြောနိုင်သည်။

ဝမ်လီလီကခေါင်းညိမ့်ပြီး တောင်ကိုငေးကြည့်နေ၏။

ဒါပေမဲ့ အဲဒီတောင်ပေါ်မှာဘာဖြစ်နေတာလဲ?

ဘာလို့အဲလိုလင်းနေတာလဲ?

နည်းပညာနဲ့ဖန်တီးထားတဲ့အလင်းမဟုတ်။ အလင်းကဖျော့ပြီး သဘာဝဆန်သည်။ ပြောမပြတတ်အောင်စိတ်ကြည်နူးစရာမျိုးပင်။

လူတိုင်းအံ့ဩပြီးစူးစမ်းနေကြသည်။

ထို့နောက် ထိုမြင်ကွင်းမြင်သောခရီးသည်အများစုက ဖုန်းထုတ်ပြီးတောင်ကိုဓာတ်ပုံများရိုက်ကြသည်။

ဘာပဲဖြစ်ဖြစ် ဒီလိုအံ့ဖွယ်မြင်ကွင်းမျိုးကိုဗီဒီယိုရိုက်ပြီး Wechat အခိုက်အတန့်များမှာတင်ရမည်။

နောက်ပြီး ချင်းလင်စားသောက်ဆိုင်တင်မဟုတ်။ ချင်းလင်စံအိမ်နှင့်မွေးမြူရေးခြံအနှံ့မှခရီးသည်အားလုံးမြင်ပြီး ဖုန်းနှင့်ဓာတ်ပုံရိုက်နေကြသည်။

ရုံချန်းတွင် တတိယပတ်လမ်းဖွင့်ပြီးနောက် မြို့တော်အရှေ့နှင့်အနောက်သို့တိုက်ရိုက်သွားနိုင်သောကြောင့် ရုံချန်းသားအများစုက ထိုလမ်းကိုရွေးကြသည်။

မြို့ဖြတ်ပြီးကုန်သွယ်သူများအဖို့ ဒီလမ်းကြောင်းကအကောင်းဆုံးဖြစ်သည်။

ကောချီရှန်းမှာ ဒီလိုကားမောင်းသူဖြစ်သည်။ တတိယပတ်လမ်းဖွင့်ပြီးနောက် သူ့အလုပ်ကပိုအဆင်ပြေသွားသည်။ ကျေးလက်လမ်းပိတ်ခြင်းမရှိတော့ဘဲ လိုရာဌာနသို့တိုက်ရိုက်မောင်းနိုင်သည်။

ဒီည ရေပို့ရမည်။ တတိယပတ်လမ်းအတိုင်း သူမောင်းလာပြီး ခပ်လှမ်းလှမ်းသို့ကြည့်လိုက်ရာ မယုံနိုင်ပုံပေါက်သွား၏။

ဟိုးတောင်ပေါ်မှာ ဘာဖြစ်နေတာလဲ?

တောင်က အရောင်ထွက်နေတာလား?

တတိယပတ်လမ်းဖွင့်ပြီးကတည်းက သူလျှောက်သွားဖူးသည်။ အရင်ကတောင်ပေါ်မှာ လုံးဝဒီလိုမဟုတ်။ အခုရုတ်တရက်လင်းလာသည်။

မယုံနိုင်စရာကောင်းလွန်း၍ မနေနိုင်ဘဲဖုန်းထုတ်ပြီး တောင်ကိုဓာတ်ပုံလှမ်းရိုက်လိုက်သည်။

ဘာပဲဖြစ်ဖြစ် သူကသူ။ လမ်းတလျှောက်တွင် မရပ်ဘဲမနေနိုင်သောကားအများကြီးရှိသည်။

ဒီည တခြားတောင်တစ်တောင် ရုတ်တရက်လင်းလာရင် ဒီလောက်အာရုံစိုက်ခံရမှာမဟုတ်။

အချိန်တိုအတွင်း ရုံချန်းသားများ၏ Wechat အခိုက်အတန့်များတွင်တက်လာသည်။ အတော်များများ Wechat ထဲဝင်ကြည့်လျှင် လင်းနေသောတောင်ပုံများတက်လာသည်။

နောက်ပြီး လင်းနေသောတောင်က စိတ်ကူးယဉ်သိပ္ပံကမ္ဘာထဲမှထွက်လာသလိုလှလွန်းသည်။

ရုံချန်းတင်မဟုတ်။

လိုင်းပေါ်တွင်လည်း Tiktok မှာ အမှောင်ထဲလင်းနေသောတောင်က ချက်ချင်းပြန့်သွားသည်။

ဗီဒီယိုရိုက်ပြီးတင်သောခရီးသည်အများကြီးရှိသည်။ ထို့အပြင် ချင်းလင်စံအိမ်စာတန်းထိုးထားသောဗီဒီယိုမှာ နာမည်ကြီးစာရင်းထဲမဝင်ဘဲမနေ။

ချန်ရွှယ်မှာ ချင်းလင်စံအိမ်အခြေအနေကိုအမြဲတမ်းအာရုံစိုက်ထားသည်။ ချင်းလင်စံအိမ်တွင်အလုပ်သင်ဆင်းခွင့်ရထားပြီဖြစ်ပြီး နောက်နှစ်အလုပ်သင်ဆင်းရမည်။ ထို့ကြောင့် ချင်းလင်စံအိမ်အခြေအနေကိုအရင်ထက်ပိုပြီးအာရုံစိုက်ထားသည်။

ပထမဆုံးမြင်ရသောဗီဒီယိုမှာ ချင်းလင်စံအိမ်ခရီးသည်တစ်ဦးတင်သောဗီဒီယိုပင်။

အမှောင်ထဲလင်းနေသောအံ့ဖွယ်တောင်ကိုကြည့်ရင်း မနေနိုင်ဘဲအဆောင်ထဲမှသူငယ်ချင်းများအား_

"လာကြည့်ပါဦး.. ချင်းလင်စံအိမ်မှာ ပရောဂျက်အသစ်ရှိတယ်ထင်တယ်... တစ်တောင်လုံးလင်းနေတာ''

အဆောင်ထဲမှသူမသူငယ်ချင်းများဝိုင်းအုံလာပြီး ဗီဒီယိုကိုကြည့်ကြသည်။

ချန်ရွှယ်ကြောင့် တချို့က ချင်းလင်စံအိမ်ကိုအာရုံစိုက်ထားကြသည်။

ဗီဒီယိုမှာ ချင်းလင်စံအိမ်ခရီးသည်တစ်ဦးက ခပ်လှမ်းလှမ်းမှရိုက်ထားခြင်းဖြစ်သည်။ အမှောင်ထဲတွင် တောင်ကလင်းနေပြီး တကယ်လှသည်။

သာမန်နည်းပညာအလင်းရောင်မဟုတ်ဘဲ သဘာဝကျကျ၊လိုက်ဖက်ညီညီနှင့် မယုံနိုင်စရာကောင်းသည်။

"ချင်းလင်စံအိမ်ရဲ့ဘာပရောဂျက်လဲ? ရှောင်ရွှယ် အမြန်မေးလိုက်''

တစ်ယောက်က လောလိုက်သည်။ ထိုမြင်ကွင်းကို သူမစိတ်ဝင်စားနေပြီ။

ချန်ရွှယ်မှာ ချင်းလင်စံအိမ်တွင်နွေရာသီအချိန်ပိုင်းဆင်းခဲ့သောကြောင့် ဝန်ထမ်းအတော်များများနှင့်သိသည်။

သူမက အလယ်တန်းအဆင့်မန်နေဂျာတစ်ဦးကိုတန်းမေးလိုက်သည်။ မကြာမီ ဖြစ်ကြောင်းကုန်စင်သိရပြီး သူမသူငယ်ချင်းများအား_

"နတ်သမီးပုံပြင်တောင်တဲ့... ချင်းလင်စံအိမ်ကဖွင့်မယ့်ပရောဂျက်ပဲ... ပြီးတော့ ချင်းလင်စံအိမ်က မကြာခင်ကြေညာမှာတဲ့''

သူမသူငယ်ချင်းများစိတ်ဝင်စားသွားသည်။

နတ်သမီးပုံပြင်တောင်ဆိုသောနာမည်က အလင်းရောင်ထွက်နေသောတောင်နှင့်အလွန်လိုက်ဖက်သည်။

သူတို့ကချက်ချင်း ချင်းလင်စံအိမ်တရားဝင်အကောင့်ထဲဝင်လိုက်သည်။ အမှန်ပင်။ ခဏအကြာ ဗီဒီယိုအသစ်တက်လာသည်။

ခေါင်းစဉ်မှာ: 'ချင်းလင်စံအိမ်နတ်သမီးပုံပြင်တောင်ပရောဂျက်'

ချန်ရွှယ်က ချက်ချင်းဗီဒီယိုဖွင့်လိုက်သည်။

ဗီဒီယိုဖွင့်ဖွင့်ချင်း အံ့ဩသွား၏။ ကောင်းကင်ပေါ်မှဒရုန်းနှင့်ရိုက်ထားသောပုံဖြစ်ပြီး တစ်တောင်လုံးမြင်ရသည်။ ခပ်လှမ်းလှမ်းမှတဖြည်းဖြည်းနီးလာပြီး တောင်အတွင်းပိုင်းကိုမြင်လာသည်။

ဒီလိုအံ့ဩစရာမျိုးကို ခရီးသည်များခပ်လှမ်းလှမ်းမှဖုန်းနှင့်ရိုက်ထားသည့်ပုံက မယှဉ်နိုင်။

မကြာမီ ဗီဒီယိုထဲတွင် တောင်ကြားတစ်ခုပေါ်လာသည်။ ချန်ရွှယ်တို့လည်း တောင်ကြားကိုစိတ်ဝင်စားပြီး မျက်စိမခွာနိုင်အောင်ဖြစ်နေကြသည်။

တောင်ကြားတွင် လှလှပပရွက်ဖျင်တဲများဆောက်ထားပြီး စိမ်းစိမ်းစိုစိုအပင်များဝန်းရံထားသည်။ အပင်စိမ်းစိမ်းများကြားတွင် နွယ်ပင်များ၊ညဘုရင်မပင်များရှိသည်။

သူတို့ထုတ်လွှတ်သောအလင်းဖျော့ဖျော့က ပတ်ဝန်းကျင်ကိုခြုံငုံပြီး အပင်စိမ်းစိမ်းများနှင့်တောင်ကြားတစ်ခုလုံးကို နတ်သမီးပုံပြင်ကမ္ဘာနှင့်တူစေသည်။

ဒီတောင်ကို ဘာကြောင့်နတ်သမီးပုံပြင်တောင်လို့ခေါ်လဲ သူတို့နားလည်သွားပြီထင်သည်။

လှလိုက်တာ။ တောင်ကြားကအဲဒီရွက်ဖျင်တဲထဲမှာနေရရင် နတ်သမီးပုံပြင်ထဲကလူဖြစ်သွားမယ်မလား?

ဗီဒီယိုကဆက်သွားပြီး မကြာမီတောင်ထဲဝင်လာသည်။ တောင်ပေါ်တွင်လမ်းကြောင်းများစွာရှိသည်ကိုလည်းတွေ့ရသည်။ လမ်းကြောင်းများတွင် စိမ်းစိမ်းစိုစိုအပင်များပြည့်နေသည်။ ဗီဒီယိုထဲမှမြင်ကွင်းမှာ ရုက္ခဗေဒဥယျာဉ်ထက်ပိုလှပြီးပိုဆွဲဆောင်မှုရှိသည်။

ရုတ်တရက် ချန်ရွှယ်တို့မှာ နတ်သမီးပုံပြင်တောင်ပေါ်သွားပြီးခဏနေရန်စိတ်ကူးမိသည်။ တောင်တက်လမ်းတလျှောက် သူတို့လျှောက်သွားချင်သည်။

သူတို့တင်မဟုတ်။ ခရီးသည်များ၏ဗီဒီယိုကိုမြင်သူများက ချင်းလင်စံအိမ်တရားဝင်အကောင့်ကိုသွားကြည့်ကြသည်။

ကြော်ငြာဗီဒီယိုထွက်လာပြီး အားလုံးသိသွားသည်။ တောင်ကြားနှင့်တောင်တက်လမ်းကိုမြင်သောအခါ မြင်သူတိုင်းစိတ်ဝင်စားကြသည်။

မကြာမီ ဗီဒီယိုတွင် စခန်းချနေရာနှစ်ခုပါလာသည်။ ထိုနေရာနှစ်ခုကလည်း အလွန်လှပြီးဆွဲဆောင်မှုရှိသည်။

နောက်ဆုံး ပုံရိပ်ကတောင်ပေါ်အမြန်ရွှေ့သွားပြီး တောင်ထိပ်ပေါ်လာ၏။

တောင်ထိပ်ပေါ်မှပန်းအိမ်ပေါ်လာသောအခါ အားလုံးအကြည့်မခွာနိုင်အောင်အံ့ဩသွားသည်။

ကိုယ့်ရှေ့ကို တကယ့်နတ်သမီးပုံပြင်ကမ္ဘာရောက်လာသလိုပင်။