ရုပ်ခန္ဓာနတ်စွမ်းရည်များ...

Vol. 81 Ch. 1126

ကမ္ဘာအမျိုးမျိုးတွင် တာအိုများကို လေ့လာဖန်တီးခြင်း

ဝမ်ဝေဟင်းလင်းပြင်၏ အနက်ရှိုင်းဆုံးဧရိယာတွင် လင်းယွမ်က ဖရိုဖရဲဟင်းလင်းပြင်ကို အပြည့်အဝ သန့်စင်ပြီးနောက် သူ၏ စွမ်းအားက များစွာ တိုးတက်လာခဲ့သည်။

" မဟုတ်သေးဘူး။ ရှန်ထျန်းအသွင်ပြောင်းလဲခြင်း တတိယပုံစံရဲ့ ဦးတည်ချက်က မှားနေပြီ။ " လင်းယွမ်က တွေးလိုက်သည်။

လွန်ခဲ့သော နှစ်ပေါင်းငါးသောင်းကျော်ကတည်းက သူက ရှန်ထျန်းအသွင်ပြောင်းလဲခြင်း၏ ဒုတိယမြောက်ပုံစံ ထိုက်ရှီကို ဖန်တီးနိုင်ခဲ့သည်။ ပထမဆုံးပုံစံနှစ်ခုကို ဖန်တီးပြီးနောက် လင်းယွမ်က ထိုနှစ်ခုကို အခြေခံပြီး တတိယမြောက်ပုံစံကို ဆက်လက်ဖန်တီးချင်ခဲ့သည်။

သို့သော် သူက နောက်ဆုံးအဆင့်ကို မပြီးမြောက်နိုင်သေးဘဲ တစ်စုံတစ်ခု မှားယွင်းနေသည်ဟု ခံစားခဲ့ရသည်။ ယခု အချိန်အရှင်သခင်ဖြစ်လာချိန်တွင် သူ၏ နယ်ပယ်က ပိုမြင့်လာပြီး သူ၏ အမြင်က ကျယ်ပြန့်လာကာ ရှန်ထျန်းအသွင်ပြောင်းလဲခြင်းမှ တတိယပုံစံ၏ ဦးတည်ချက်မှာ ပြဿနာရှိနေသည်ကို ရှာတွေ့သွားခဲ့သည်။

" ရှန်ထျန်းအသွင်ပြောင်းလဲခြင်းရဲ့ တတိယပုံစံက ပထမနဲ့ဒုတိယပုံစံကနေ ဆက်ပြီးချဲ့ထွင်ရမှာမဟုတ်ဘဲ သူတို့ရဲ့ အစဖြစ်သင့်တာပဲ။ " လင်းယွမ်၏ မျက်လုံးများက တောက်ပသွားသည်။ " ဒါမှမဟုတ် ဒီပုံစံကမှ စစ်မှန်တဲ့ ပထမဆုံးပုံစံဖြစ်ပြီး ထိုက်ချူးနဲ့ ထိုက်ရှီတို့က ဒုတိယနဲ့ တတိယပုံစံတွေဖြစ်လိမ့်မယ်။ "

လင်းယွမ်က သူ၏ ညာလက်ကို ဆန့်ထုတ်လိုက်ရာ အသစ်စက်စက် စွမ်းအားတစ်ခုက သူ၏ လက်ချောင်းများကြားတွင် ဖြစ်ပေါ်လာပြီး စုစည်းသွားသည်။

" ငါဖန်တီးလိုက်တာက ရှန်ထျန်းအသွင်ပြောင်းလဲခြင်းထဲက စစ်မှန်တဲ့ ပထမဆုံးပုံစံ ထိုက်ယိပဲ။ " လင်းယွမ်၏ မျက်လုံးများထဲတွင် ရှန်ထျန်းအသွင်ပြောင်းလဲခြင်း၏ ထိုက်ယိ၊ ထိုက်ချူနှင့် ထိုက်ရှီတို့ကို ကိုယ်စားပြုသော အရှိန်အဝါသုံးမျိုးက အဆက်မပြတ် ရောယှက်နေသည်။

" စတုတ္ထမြောက်ပုံစံ..." လင်းယွမ်က ရှန်ထျန်းအသွင်ပြောင်းလဲခြင်း၏ ပထမဆုံးပုံစံသုံးခုကို ဖော်ထုတ်ပြီးနောက် စတုတ္ထပုံစံနှင့် မဝေးတော့သည်ကို အာရုံခံမိလိုက်သည်။

" နဂါးငွေ့တန်း ဂုဏ်ပြုပါတယ်။ " ခရမ်းရောင်အလင်းအရှင်သခင်၏ အသံက ထွက်ပေါ်လာသည်။

လင်းယွမ်၏ အချိန်အတိုင်းအတာအားလုံး စုစည်းသွားပြီး အချိန်အရှင်သခင်ဖြစ်လာသည်ကို ဒဏ္ဍာရီအဆင့် အချိန်အရှင်သခင်အားလုံးက သိလိုက်ရသည်။ သို့သော် ဒဏ္ဍာရီအချိန်အရှင်သခင်များက သူ့ကို အနှောက်အယှက်ပေးမိမည်စိုးသောကြောင့် ချက်ချင်း စကားမပြောခဲ့သည်။ လင်းယွမ်၏ အရှိန်အဝါများ တည်ငြိမ်သွားမှသာ စကားပြောခဲ့ခြင်းဖြစ်သည်။

" ငါ ဒီလောက်မြန်မြန် အချိန်အရှင်သခင်ဖြစ်လာတာ အားလုံးရဲ့ လမ်းညွှန်မှုတွေကြောင့်ပါ။ " လင်းယွမ်က ပြုံးပြီး ပြောလိုက်သည်။

" ငါတို့မရှိရင်တောင် မင်းက ဒီအဆင့်ကို ရောက်လာမှာပဲ။ " ခရမ်းရောင်အလင်းအရှင်သခင်က ပြောလိုက်သည်။

" နဂါးငွေ့တန်း ဂုဏ်ပြုပါတယ်။ " အခြားအချိန်အရှင်သခင်များကလည်း လင်းယွမ်ကို ဂုဏ်ပြုစကားပြောလိုက်ကြသည်။

လင်းယွမ်၏ အနာဂတ်က ကြောက်စရာကောင်းလောက်အောင် အရေးပါနေသောကြောင့် ဒဏ္ဍာရီအချိန်အရှင်သခင်အားလုံးက ရင်းနှီးဖော်ရွေမှုကို ပြသခဲ့ကြသည်။

" နဂါးငွေ့တန်း မင်းဘယ်လိုခံစားရလဲ။ " ခရမ်းရောင်အလင်းအရှင်သခင်က လင်းယွမ်ကို ကြည့်ပြီး မေးလိုက်သည်။

" အချိန်အရှင်သခင်ဖြစ်လာပြီးတဲ့နောက်မှာ ငါ့ရဲ့ သေးသိမ်မှုကို နားလည်သွားခဲ့တယ်။ " လင်းယွမ်က ခေါင်းခါလိုက်သည်။

အချိန်အရှင်သခင် ဖြစ်လာပြီးနောက် လင်းယွမ်၏ စိတ်အသိက ပြောင်းလဲသွားပြီး အဆုံးမရှိသော ဒိုင်မန်းရှင်းနယ်ပယ်၏ အဆုံးမဲ့မဟာတာအိုစိတ်အသိကို တိုက်ရိုက်ခံစားနိုင်ခဲ့သည်။ ၎င်း၏ ရှေ့တွင် ဒဏ္ဍာရီအချိန်အရှင်သခင်များပင် သေးသိမ်မှုကို ခံစားရပေလိမ့်မည်။

ဒိုင်မန်းရှင်းနယ်မြေတစ်ချင်းစီက အဆုံးမဲ့မဟာတာအိုစိတ်အသိအောက်တွင် လည်ပတ်နေကြခြင်းဖြစ်သည်။ အချိန်သက်ရှိတစ်ယောက် မွေးဖွားလာခြင်း၏ အချိန်စက်ဝန်းကပင် အဆုံးမဲ့မဟာတာအိုစိတ်အသိ၏ အလိုဆန္ဒအပေါ်တွင် မူတည်နေသည်။

" မှန်တယ်။ ဒဏ္ဍာရီအဆင့် အချိန်အရှင်သခင်တွေက အစွမ်းထက်ပြီး လျို့ဝှက်ဆန်းကြယ်ပုံပေါက်နေပေမယ့် တကယ်တမ်းတော့ သူတို့က တော်တော်လေး သနားစရာကောင်းတယ်။ " ခရမ်းရောင်အလင်းအရှင်သခင်က သူ့ကိုသူ လှောင်ပြုံးပြုံးလိုက်သည်။

ဒဏ္ဍာရီအဆင့် အချိန်အရှင်သခင်များက အခြေခံအားဖြင့် ထပ်ပြီး တိုးတက်စရာမရှိသောကြောင့် ဖြစ်နိုင်ခြေသုညနီးပါးရှိသော လွတ်မြောက်ခြင်းလမ်းစဉ်သုံးခုထဲမှ တစ်ခုကို ရွေးချယ်ရန် အတင်းအကျပ် တွန်းအားပေးခြင်း ခံခဲ့ရသည်။ ဝမ်ဝေအရှင်သခင်ကဲ့သို့ အစွမ်းထက်သူတစ်ယောက်ပင် နောက်ဆုံးတွင် ပျက်စီးသွားခဲ့ရသည်။

" အဆုံးမဲ့ကပ်ဘေး..." လင်းယွမ်၏ စိတ်အသိက အဆုံးမဲ့မဟာတာအိုကို အာရုံခံမိလိုက်ပြီး ၎င်း၏ လည်ပတ်မှုအောက်တွင် ဖြစ်ပေါ်နေသော အဆုံးမဲ့ကပ်ဘေးများကိုလည်း ခံစားလိုက်ရသည်။

သူ၏ စိတ်ကို အဆုံးမဲ့မဟာတာအိုစိတ်အသိနှင့် ဆက်သွယ်လိုက်လျှင် အဆုံးမဲ့ကပ်ဘေးများဟုခေါ်သော လွတ်မြောက်ခြင်းလမ်းစဉ်ကို ဖွင့်နိုင်မည်ဖြစ်ပြီး ကပ်ဘေးများကို ဖြတ်ကျော်နိုင်မည်ဖြစ်သည်။

" အချိန်အရှင်သခင်တွေက အဆုံးမဲ့ကပ်ဘေးကို လွတ်မြောက်ခြင်းလမ်းစဉ်အဖြစ် သတ်မှတ်ကြတာ မထူးဆန်းပါဘူး။ ဒါက အဆုံးမဲ့မဟာတာအိုစိတ်အသိကနေ တိုက်ရိုက်လာတာ မဟုတ်တာ သေချာလို့ပဲ။ " လင်းယွမ်က တွေးလိုက်သည်။

ကပ်ဘေးများ တစ်ခုပြီးတစ်ခုကို ဖြတ်ကျော်လာသည်နှင့် စွမ်းအားက တိုးတက်လာမည်ဖြစ်သည်။ အထူးသဖြင့် နောက်ဆုံးကပ်ဘေး သန်း၃၃၀မှ ကပ်ဘေးတစ်ခုကို ဖြတ်ကျော်သည့်အကြိမ်တိုင်း ရုပ်ခန္ဓာနှင့် စိတ်ဝိညာဉ်ကို မြှင့်တင်ပေးနိုင်ရုံသာမက အဆုံးမဲ့မဟာတာအိုစိတ်အသိမှ ပေးအပ်သော နတ်စွမ်းရည်များကိုပင် ရရှိစေနိုင်သည်။

" အချိန်အရှင်သခင်ဖြစ်လာပြီးတဲ့နောက်မှာ ငါ ရင်းမြစ်ကမ္ဘာတွေရဲ့ တည်နေရာကို နည်းနည်း အာရုံခံနိုင်လာပြီ။ " လင်းယွမ်က အရပ်မျက်နှာအချို့သို့ ကြည့်လိုက်သည်။

နှစ်ပေါင်းခြောက်သောင်းအတွင လင်းယွမ်က ပဉ္စမမြောက် ရင်းမြစ်ကမ္ဘာနှင့် ဆဋ္ဌမမြောက် ရင်းမြစ်ကမ္ဘာတို့ကိုလည်း ဆင်းသက်ခဲ့သည်။ ပဉ္စမရင်းမြစ်ကမ္ဘာက သာမန်ကျင့်ကြံခြင်းကမ္ဘာတစ်ခုဖြစ်သော်လည်း ဆဋ္ဌမရင်းမြစ်ကမ္ဘာက ထူးခြားလှသည်။

ဆဋ္ဌမရင်းမြစ်ကမ္ဘာက မကြီးမားပေ။ ဖရိုဖရဲင်းလင်းပြင်နှင့် မယှဉ်နိုင်ဘဲ သဘာဝစကြာဝဠာတစ်ခု၏ အရွယ်အစားလောက်သာ ရှိသည်။ ထို့အပြင် ထိုကမ္ဘာမှ သက်ရှိများက သန်မာခြင်းမရှိဘဲ အသန်မာဆုံးကပင် ဆဋ္ဌမအဆင့်သာရှိသည်။ သို့သော် ထိုရင်းမြစ်ကမ္ဘာမှ နိယာမများက ကြောက်စရာကောင်းလောက်အောင် အားကောင်းကြသည်။

ထိုကမ္ဘာတွင် အတုအယောင်နှင့် အစစ်အမှန်ဟူသော မဟာတာအိုနှစ်ခုက အပြည့်အဝ ပေါင်းစည်းနေသည်။ ထိုကမ္ဘာတွင် သက်ရှိများက မွေးကတည်းက သူတို့၏ စိတ်အသိကို အတုအယောင်ကမ္ဘာနှင့် ချိတ်တက်ထားကြသည်။

ရင်းမြစ်ကမ္ဘာမှ သက်ရှိများအတွက် အတုအယောင်ကမ္ဘာက စိတ်ကူးယဉ်မှုတစ်ခုဟု ထင်ကြသည်။ သို့သော် အမှန်တကယ်တွင် ၎င်းက အစစ်အမှန်ဖြစ်ပြီး ထိုရင်းမြစ်ကမ္ဘာ၏ အပြင်ဘက်မှ ကျယ်ပြောလှသော ဒိုင်မန်းရှင်းအက်ကြောင်းများကို ကိုယ်စားပြုနေသည်။

ရင်းမြစ်ကမ္ဘာမှ သက်ရှိများက အတုအယောင်ကမ္ဘာထဲသို့ ဝင်ရောက်သောအခါ သူတို့က ဒိုင်မန်းရှင်းအက်ကြောင်းများကြားမှ အစွမ်းထက်သော သက်ရှိများနေရာတွင် အစားထိုးဝင်ရောက်သွားပြီး ထိုခန္ဓာများကို အသုံးချကာ ကျင့်ကြံခြင်းနှင့် အမဲလိုက်ခြင်းတို့ကို လုပ်ကြသည်။

ဆဋ္ဌမရင်းမြစ်ကမ္ဘာ၏ အထွတ်အထိပ်ကာလတွင် အချိန်သက်ရှိ သောင်းချီနှင့် အချိန်အရှင်သခင်ဆယ်ယောက်ကျော်ရှိပြီး ဒိုင်မန်းရှင်းအက်ကြောင်းများစွာကို လွှမ်းမိုးနိုင်ခဲ့သည်။ လင်းယွမ်က ထိုကမ္ဘာသို့ မဆင်းသက်ခဲ့လျှင် အလွန်အစွမ်းထက်သော်လည်း အနှစ်သာရအားဖြင့် အလွန်ထိခိုက်လွယ်သော ထိုကဲ့သို့ ဒိုင်မန်းရှင်းနယ်မြေမျိုးရှိလိမ့်မည်ဟု စဉ်းစားမိမည်မဟုတ်ပေ။

ထိုရင်းမြစ်ကမ္ဘာကို ဆင်းသက်ခဲ့ခြင်းက လင်းယွမ်အတွက် အစစ်အမှန်နှင့် ပုံရိပ်ယောင်ကို နားလည်စေခဲ့ရုံသာမက လျို့ဝှက်ဆန်းကြယ်သော ရုပ်ခန္ဓာနတ်စွမ်းရည်ကိုလည်း နိုးထနိုင်ခဲ့သည်။

နာမည် - လင်းယွမ်

အဆင့်အတန်း - အနန္တကမ္ဘာများ၏ ဂိတ်တံခါး အရှင်သခင်

စွမ်းရည် - ကောင်းကင်ကိုဆန့်ကျင်သော နားလည်နိုင်စွမ်း

နတ်စွမ်းရည် - သွေးပြန်လည်မွေးဖွားခြင်း၊ တောင်ရွေ့လျားခြင်း၊ အားဖြည့်ခြင်း၊ ဒြပ်စင်ခန္ဓာ၊ ကမ္ဘာ၊ ကောင်းကင်ဆုတ်ဖြဲခြင်း၊ လီယန်နေမင်းဖွင့်လှစ်ခြင်း၊ အရှင်သခင်အခွင့်အာဏာ၊ အတိတ်ခန္ဓာ၊ မူလသို့ပြန်ခြင်း၊ အင်မော်တယ်တက်လှမ်းခြင်း၊ ပုံရိပ်ယောင်အစစ်အမှန်ခန္ဓာ။

ရုပ်ခန္ဓာနတ်စွမ်းရည်များထဲတွင် မူလသို့ပြန်ခြင်းက စတုတ္ထရင်းမြစ်ကမ္ဘာတွင် လင်းယွမ်နိုးထလာသော ရုပ်ခန္ဓာနတ်စွမ်းရည်ဖြစ်သည်။ ထိုရင်းမြစ်ကမ္ဘာက မွေးဖွားခါစ အဆင့်တွင် ရှိနေပြီး လင်းယွမ်က ရှန်ထျန်းနတ်ဘုရားကျောက်တုံးထဲသို့ ဆင်းသက်ကာ ထိုကမ္ဘာ၏ ပထမဆုံးသက်ရှိဖြစ်လာခဲ့သည်။

မူလသို့ပြန်ခြင်းနတ်စွမ်းရည်က အရာအားလုံးကို ၎င်းတို့၏ မူလအစဆီသို့ ပြန်သွားစေနိုင်သော သနံစင်ခြင်းစွမ်းရည်တစ်မျိုးဖြစ်သည်။ သီအိုရီအရ လင်းယွမ်သာ အချိန်ရလျှင် အဆုံးမဲ့ဒိုင်မန်းရှင်းများကို သူတို့၏ မူလအစဆီသို့ ပြန်သွားစေနိုင်သည်။ သို့သော် သီအိုရီက သီအိုရီသက်သက်သာဖြစ်သည်။

အင်မော်တယ်တက်လှမ်းခြင်းနတ်စွမ်းရည်က အသက်သွင်းလိုက်သည်နှင့် လင်းယွမ်၏ ကဏ္ဍာအားလုံးကို အကြီးအကျယ် မြှင့်တင်ပေးနိုင်သော စွမ်းရည်ဖြစ်ပြီး အားဖြည့်ခြင်းနတ်စွမ်းရည်နှင့် ဆင်တူသည်။