အခန်း (၁၄၅-၁၄၆)

အပိုင်း ၁၄၅

ဝန်ကြီးဌာနကို ရှေ့ထွက်ခိုင်းလိုက်

"သူဌေး... မိတ်ဆက်ပွဲကို ဘယ်တော့လောက် ကျင်းပဖို့ လျာထားပါသလဲ"

​လုံထန်လုပ်ငန်းစု၏ စီအီးအို ကျန်းဖန်က စကားကို ခဏရပ်ပြီး မေးလိုက်သည်၊၊

​"အင်း... နောက်ထပ် ရက်အနည်းငယ်ဆိုရင် နွေဦးကာလရောက်တော့မယ် မဟုတ်လား"

​လင်းဖန်က ခဏမျှ စဉ်းစားပြီးနောက် တည်ငြိမ်စွာ ပြောလိုက်သည်။

"ရှေးခေတ်တုန်းကတော့ မန်ရှလို့ခေါ်တဲ့ နွေဦးအစရက်မှာ ကောင်းကင်နဲ့ မြေကြီး စတင်ဆုံစည်းပြီး အရာအားလုံးဟာ လှပတင့်တယ်လာတယ်လို့ ဆိုကြတယ်၊ ဒါဟာ နွေရာသီရဲ့ အစဖြစ်သလို သက်ရှိအရာအားလုံး စိမ်းလန်းစိုပြည်လာတဲ့ အချိန်ပေါ့"

​"ခိုင်ထျန်းတက်ဘလက်ဟာ ကျွန်တော်တို့ အဖွဲ့အစည်းအတွက် နှစ်သစ်မှာ နယ်ပယ်သစ်ကို ချဲ့ထွင်ဖို့ ပထမဆုံး ခြေလှမ်းပဲ ဒါကြောင့် သူဟာလည်း နွေဦးအစလိုပဲ စည်ပင်ဝပြောလာလိမ့်မယ်၊၊"

​တရုတ်ပြည်တွင် မည်သည့်အရာကိုမဆို လုပ်ဆောင်သည့်အခါ နေ့ကောင်းရက်သာ ရွေးချယ်ခြင်းမှာ အလွန်အရေးကြီးသည်၊၊

​၎င်းမှာ အနည်းငယ် ရှေးရိုးစွဲဆန်သည်ဟု ထင်ရသော်လည်း လူတိုင်းကတော့ 'ခိုင်ထျန်း' (ကောင်းကင်ကို ဖွင့်ဟခြင်း) အတွက် ဤကဲ့သို့သော နေ့ရက်ကို ရွေးချယ်ကာ စိတ်ခွန်အား ရယူလိုကြသည်၊၊

​အမှန်စင်စစ် လုံထန်လုပ်ငန်းစု၏ အဆင့်မြင့်အရာရှိကြီးများသည် တန်ရွမ်စနစ်ကို အခြေခံကာ ထုတ်လုပ်ထားသည့် ဤထိပ်တန်း တက်ဘလက်အပေါ် အပြည့်အဝ ယုံကြည်မှု ရှိနေကြသည်၊၊ စော၍ဖြစ်စေ၊ အချိန်မီဖြစ်စေ မိတ်ဆက်ခြင်းက အဖွဲ့အစည်း၏ ဖွံ့ဖြိုးတိုးတက်မှုကို ထိခိုက်စေမည် မဟုတ်ပါ၊၊

​ဤကမ္ဘာပေါ်တွင် ပစ္စည်းတစ်ခုကို ဝယ်ယူရန် အကြောင်းပြချက် မလိုဘဲ မိမိနှစ်သက်၍သာ ဝယ်ယူလိုသည့် ငွေကြေးချမ်းသာသူများစွာ ရှိနေသည် မဟုတ်ပါလော၊၊

​"ဟောင်ကောင်မှာ ဖြစ်ပေါ်နေတဲ့ နီဗားနားအိတ်ရဲ့ ရေပန်းစားမှုကို အသုံးချပြီး ခိုင်ထျန်းအတွက် အရှိန်အဟုန် ထပ်ယူလို့ ရမလား"

လုံထန်လုပ်ငန်းစု၏ စီအိုအို (COO) ယွီလဲ့၏ မျက်လုံးများတွင် အမြော်အမြင်ရှိတဲ့ အရောင်အဝါများ တောက်ပနေသည်၊၊

​ယခင်က ပြည်တွင်း နံပါတ်တစ် မိုဘိုင်းဖုန်းတံဆိပ်ဖြစ်သော ကျင်းလီကုမ္ပဏီ၏ မားကတ်တင်း ဒုတိယဥက္ကဋ္ဌဟောင်း ဖြစ်ခဲ့သူ ယွီလဲ့သည် ဈေးကွက်ကို ထိန်းချုပ်ရာတွင် အလွန်ပင် တိကျသေချာလှသူ ဖြစ်သည်၊၊

​ထိုသို့မဟုတ်ပါက ကျင်းလီကုမ္ပဏီ အခြေအနေမကောင်းဖြစ်နေချိန်တွင် သူ၏ စွမ်းဆောင်မှုဖြင့် အိန္ဒိယဈေးကွက်ကို အောင်မြင်စွာ သိမ်းပိုက်နိုင်ပါမည်လော၊၊

​ထို့ကြောင့်လည်း လင်းဖန်သည် ယွီလဲ့ကို လုန့်ထန်းလုပ်ငန်းစု၏ စီအိုအို (အမှုဆောင်အရာရှိချုပ်) အဖြစ် ခန့်အပ်ခဲ့ခြင်း ဖြစ်သည်၊၊

လက်တွေ့တွင်လည်း ယွီလဲ့၏ လက်ထက်တွင် နီဗားနားဖုန်းများသည် ပြည်တွင်း၌ အောင်မြင်စွာ ရောင်းချနိုင်ခဲ့သည်၊၊

​"ခင်ဗျားပြောတာ အရမ်းကောင်းတယ်၊ အဲဒီအတိုင်းပဲ လုပ်ကြမယ်"

လင်းဖန်က ခေါင်းညှိမ့်ထောက်ခံလိုက်ပါသည်၊၊ လက်တွေ့တွင်လည်း လုံထန်လုပ်ငန်းစုအတွင်း၌ မားကတ်တင်းနှင့် ကြော်ငြာလုပ်ငန်းများတွင် ယွီလဲ့ထက် ပိုတော်သူ မရှိချေ၊၊

​ယွီလဲ့ကလည်း ချက်ချင်းပင် တုံ့ပြန်ဆောင်ရွက်ပါတော့သည်၊၊

​"ကျွန်တော်တို့ အရှေ့အာရှနဲ့ အရှေ့တောင်အာရှဘက်ကို ချဲ့ထွင်တဲ့နေရာမှာ ပြဿနာအသစ်တွေ အများကြီး ပေါ်လာနေပါတယ်၊၊"

လုံထန်လုပ်ငန်းစု စီအီးအို ကျန်းဖန်က လေးနက်သော အသံဖြင့် ပြောလိုက်သည်။

"အရှေ့အာရှနိုင်ငံတွေမှာရော၊ အရှေ့တောင်အာရှမှာပါ ဒေသတွင်း ကာကွယ်ရေးဝါဒက အတော်လေး ပြင်းထန်နေတယ်၊၊"

​"အထူးသဖြင့် ဂျပန်နဲ့ ကိုရီးယားမှာပေါ့၊ သူတို့ရဲ့ ထုတ်ကုန်တွေကိုတော့ ကျွန်တော်တို့ နိုင်ငံထဲကို အတားအဆီးမရှိ တင်သွင်းပြီး ဈေးကွက်ကို ယှဉ်ပြိုင်နေကြတယ်၊ ဒါပေမဲ့ ကျွန်တော်တို့ရဲ့ ထုတ်ကုန်တွေ သူတို့ဆီ ဝင်ဖို့ကျတော့ ပုံစံအမျိုးမျိုးနဲ့ နှိပ်ကွပ်ခံနေရတယ်၊၊"

​"အခုချိန်ထိ ကိုရီးယားဌာနခွဲနဲ့ ဂျပန်ဌာနခွဲတွေဟာ ရုန်းကန်နေရတုန်းပါပဲ၊ တရားဝင်ရောင်းချဖို့ နေနေသာသာ ဌာနခွဲတွေရဲ့ နေ့စဉ်လုပ်ငန်းလည်ပတ်မှုတွေမှာတောင် အနှောင့်အယှက်တွေ အများကြီး ကြုံနေရတယ်၊၊"

​လက်ရှိတွင် ဒေသတွင်း ကာကွယ်ရေးဝါဒမှာ ကမ္ဘာတစ်ဝှမ်းတွင် အတွေ့ရများသော အခြေအနေ ဖြစ်သည်၊၊ ဥပမာအားဖြင့် အမေရိကန်တွင် ၎င်းတို့၏ ဈေးကွက်အားလုံးကို ကိုယ်တိုင်သာ ကြီးစိုးထားပြီး မည်သူ့ကိုမျှ ကျူးကျော်ခွင့် မပြုပေ၊၊

ကမ္ဘာ့ထိပ်တန်း အင်တာနက်ကုမ္ပဏီ သုံးခုစလုံးမှာ အမေရိကန်မှ ဖြစ်ပြီး ပထမမှာ GOOGLE၊ ဒုတိယမှာ Amazon နှင့် တတိယမှာ FACE တို့ ဖြစ်ကြသည်၊၊

​တစ်ချိန်တည်းမှာပင် ကမ္ဘာ့နံပါတ်တစ် ဖုန်းထုတ်လုပ်သူ Apple သည်လည်း အမေရိကန်ကုမ္ပဏီ ဖြစ်သည်၊၊ ၎င်းမှာ တစ်ကမ္ဘာလုံးကို လွှမ်းမိုးထားသည့် ထူးခြားသော ကုမ္ပဏီကြီး ဖြစ်နေသည်၊၊

​စမတ်ဖုန်း လည်ပတ်ရေးစနစ် (OS) နယ်ပယ်တွင်လည်း Android ဖြစ်စေ၊ Apple ဖြစ်စေ Silicon Valley (Guigu) မှ ပေါက်ဖွားလာသော နည်းပညာများ ဖြစ်ကြသည်၊၊ ကမ္ဘာပေါ်ရှိ ဖုန်းထက်ဝက်မှာ Android ကို အသုံးပြုနေကြပြီး ဂျပန်နှင့် ကိုရီးယားတွင်လည်း ထိုနည်းတူပင် ဖြစ်ပါသည်၊၊ ကိုရီးယားတွင် Samsung (Four Star) နှင့် ဂျပန်တွင် Sony တို့ကဲ့သို့သော ပြိုင်ဘက်ကြီးများ ရှိနေသဖြင့် လုံထန်လုပ်ငန်းစုအနေဖြင့် နီဗားနားကို ထိုးဖောက်ရန်မှာ မလွယ်ကူလှချေ၊၊

​လုံထန်လုပ်ငန်းစု အရှေ့အာရှသို့ ချီတက်ရာတွင် ကြုံတွေ့နေရသည့် အတားအဆီးများမှာ အမေရိကန်၏ တိုက်ခိုက်မှုနှင့် ဂျပန်၊ ကိုရီးယားတို့မှ ဒေသတွင်း အင်အားစုများ၏ နှောင့်ယှက်မှုများကြောင့် ဖြစ်သည်၊၊ မည်သူမျှ မိမိတို့၏ အကျိုးအမြတ်ကို အဆုံးရှုံးမခံလိုကြ၊၊

​"သူတို့က ကျုပ်တို့ကို တိုက်ရိုက် တိုက်ခိုက်နေကြတာလား"

လင်းဖန်က မျက်မှောင်ကြုတ်ကာ အဓိပ္ပာယ်ပါပါ မေးလိုက်သည်၊၊

​တရုတ်နိုင်ငံသည်လည်း WTO အဖွဲ့ဝင် ဖြစ်သည်၊၊ ဒေသတွင်း ကာကွယ်ရေးဝါဒ ရှိနိုင်သော်လည်း နိုင်ငံများအနေဖြင့် တရုတ်ကုမ္ပဏီများကို တိုက်ရိုက် တိုက်ခိုက်၍ မရပါ၊၊ ထိုသို့လုပ်ဆောင်ပါက ဆိုးရွားသော ရလဒ်များ ဖြစ်ပေါ်လာနိုင်သည်၊၊

​အခြေအနေများ တင်းမာလာပါက ၎င်းမှာ ကုမ္ပဏီအချင်းချင်း ပြိုင်ဆိုင်မှုမျှသာ မဟုတ်တော့ဘဲ အမေရိကန်နှင့် တရုတ်တို့ကဲ့သို့ အကြီးစား ကုန်သွယ်ရေးစစ်ပွဲကြီး ဖြစ်လာနိုင်သည်၊၊ မင်းက ငါ့ရဲ့ အီလက်ထရွန်နစ် ပစ္စည်းတွေကို မပေးဝင်ဘူးဆိုရင် ငါကလည်း မင်းရဲ့ စိုက်ပျိုးရေး ထွက်ကုန်တွေကို အဝင်မခံတော့ဘူး၊ ဘယ်သူက ပိုခံနိုင်မလဲ ကြည့်ကြတာပေါ့ ဆိုသည့် သဘောမျိုး ဖြစ်သွားပါလိမ့်မည်၊၊

​"တိုက်ရိုက်တော့ မဟုတ်ပါဘူး၊၊"

ကျန်းဖန်က ခေါင်းခဲစွာ ပြောလိုက်သည်။

"ဂျပန်နဲ့ ကိုရီးယားမှာတော့ ကျွန်တော်တို့ ထုတ်ကုန်တွေအတွက် အရောင်းလိုင်စင် ထုတ်ပေးဖို့ကို အချိန်ဆွဲနေကြတယ်၊ ဒါကြောင့် အရောင်းဆိုင်တွေ ဖွင့်ဖို့ ခက်ခဲနေတာပါ၊၊"

​"အရှေ့တောင်အာရှဘက်မှာတော့ လူမိုက်အင်အားစုတွေနဲ့ ဆုံနေရတယ်၊ ယိုးဒယားနဲ့ တခြားနေရာတွေက မြေအောက်လောက လူပုဂ္ဂိုလ်တွေကို ဘယ်သူက ခေါ်ပြီး ကျွန်တော်တို့ လုံထန်ဌာနခွဲတွေကို ပြဿနာလာရှာခိုင်းလဲ မသိဘူး၊၊"

​မိုဘိုင်းစက်ပစ္စည်း ထုတ်လုပ်သူအဖြစ် လုံထန်လုပ်ငန်းစုသည် ထုတ်ကုန်များကို ဈေးကွက်အတွင်း ရောင်းချလိုပါက ဒေသတွင်း အရောင်းလိုင်စင် သို့မဟုတ် ခွင့်ပြုချက် လုပ်ငန်းစဉ်များ ရရှိရန် လိုအပ်သည်၊၊ ၎င်းမရှိပါက လိုင်စင်မဲ့ လုပ်ကိုင်ခြင်း ဖြစ်သွားမည်ဖြစ်ပြီး 'မှောင်ခိုပစ္စည်း' အဖြစ် သတ်မှတ်ခြင်း ခံရနိုင်သည်၊၊

​"ဒီကောင်တွေက ကျုပ်တို့လုံထန်ကို တကယ်ပဲ အထင်ကြီးနေကြတာပဲ၊ လူကြီးလူကောင်းနည်းလမ်းရော၊ လူမိုက်နည်းလမ်းပါ အစုံသုံးနေကြတာပေါ့"

လင်းဖန်၏ နှုတ်ခမ်းဖျားတွင် လှောင်ပြုံးတစ်ခု ပေါ်လာသည်၊၊

​"အရှေ့အာရှဘက်က ဂျပန်နဲ့ ကိုရီးယားကိစ္စအတွက် စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနကို ရှေ့ထွက်ပြီး အကြောင်းကြားခိုင်းလိုက်၊၊"

​"ကျုပ်တို့ လုံထန်လုပ်ငန်းစုက နိုင်ငံတော်ကို နှစ်စဉ် အခွန်ငွေ အမြောက်အမြား ပေးဆောင်နေတာ၊ ဝန်ကြီးဌာနအနေနဲ့ ကျုပ်တို့ အပြင်မှာ ဒီလို အနိုင်ကျင့်ခံနေရတာကို ဒီအတိုင်း ထိုင်ကြည့်နေလို့ မရဘူး"

​တရုတ်နိုင်ငံရှိ လုံထန်လုပ်ငန်းစု ဌာနချုပ်တွင် လုံထန်နည်းပညာ၊ လုံထန်မိုဘိုင်းဖုန်း၊ လုံထန်ဂိမ်း၊ လုံထန်စက်မှုလက်မှုနှင့် လုံထန်ကွန်ပျူတာ ကုမ္ပဏီဟူ၍ ဌာနခွဲကြီး ၅ ခု ရှိသည်၊၊

အဆိုပါ ဌာနခွဲ ၅ ခုပေါင်းက ပြီးခဲ့သည့်နှစ်တွင် အခွန်ငွေ ယွမ် ဘီလီယံပေါင်း ဆယ်ချီ ပေးဆောင်ခဲ့သည်၊၊

​ဝန်ကြီးဌာနအနေဖြင့် ဤကဲ့သို့သော ကိစ္စအသေးအမွှားလေးကိုပင် မဖြေရှင်းပေးနိုင်ပါက လုံထန်လုပ်ငန်းစုကို မည်သို့ မျက်နှာမူနိုင်ပါမည်နည်း၊၊

​ထို့အပြင် လုံထန်လုပ်ငန်းစုသည် ယခုအခါ ပြည်မကြီးမှ ထွက်ခွာပြီး ဟောင်ကောင်၊ အရှေ့အာရှနှင့် အရှေ့တောင်အာရှ ဈေးကွက်များကို ဖွင့်လှစ်ကာ ကမ္ဘာ့အဆင့်သို့ ချီတက်နေခြင်း ဖြစ်သည်၊၊

​အကယ်၍ လုံထန်လုပ်ငန်းစုသည် ကမ္ဘာ့အဆင့်မီ ကုမ္ပဏီတစ်ခု ဖြစ်လာပါက တရုတ်နိုင်ငံအတွက် ကာလရှည်ကြာစွာ လိုအပ်နေသော ကမ္ဘာ့သြဇာလွှမ်းမိုးမှုရှိသည့် လုပ်ငန်းကြီးတစ်ခု ပိုင်ဆိုင်ခြင်းဆိုသည့် ဟာကွက်ကို ဖြည့်ဆည်းပေးနိုင်မည် ဖြစ်သည်၊၊

​ထို့ကြောင့် အထက်လူကြီးများအနေဖြင့် ၎င်းတို့ကို ဤအတိုင်း အကူအညီမဲ့စွာ ထားရှိမည် မဟုတ်သည်မှာ သေချာသည်၊၊

.......................................................

​

အပိုင်း ၁၄၆

ဂိမ်းတခုထုတ်မယ် ဆိုရင်ကော

"သူဌေး... အရှေ့တောင်အာရှကိစ္စအတွက်ကော စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနကို အကူအညီ တောင်းချင်ပါသလား"

​ကျန်းဖန်က အနည်းငယ် တွန့်ဆုတ်စွာဖြင့် မေးလိုက်သည်၊၊

​ဒီနှစ်အစောပိုင်းမှာပဲ ဝန်ကြီးဌာနရဲ့ ဝန်ကြီးဟောင်း အနားယူသွားခဲ့ပြီး၊ ဝန်ကြီးသစ်အဖြစ် ခန့်အပ်ခံရသူကတော့ ရှန်းကျန့်မြို့ရဲ့ ပါတီအတွင်းရေးမှူးဟောင်း ဖြစ်သည်၊၊ သူက လုံထန်နဲ့ အဆက်အသွယ် အလွန်ကောင်းသူဖြစ်လို့ ဝန်ကြီးဌာနရဲ့ အရှိန်အဝါကို အသုံးချဖို့ကတော့ လွယ်ကူသည်ဟု ဆိုနိုင်သည်၊၊

​ဒါပေမဲ့ ဒီနည်းလမ်းက ဂျပန်နဲ့ ကိုရီးယားမှာ အလုပ်ဖြစ်နိုင်ပေမဲ့ အရှေ့တောင်အာရှမှာတော့ အခြေအနေတွေက အရမ်းကွဲပြားနေတာမို့ သူ သိပ်မသေချာပေ၊၊

​【ဒင် အဓိက မစ်ရှင် (Main Mission) စတင်ပါပြီ】

【ပိုင်ရှင် - လင်းဖန်】

【အဓိက မစ်ရှင် - နယ်ပယ်သစ်ကို ချဲ့ထွင်ပါ။ တက်ဘလက် အရောင်းရဆုံး အရေအတွက် ၁၀ သန်း ကျော်ပါက အမွေဆက်ခံခွင့် အခွင့်အရေး ရရှိပါမည်】

​"အင်း"

​လင်းဖန် စဉ်းစားခန်းဝင်နေစဉ်မှာပဲ စိတ်ထဲမှာ ရင်းနှီးနေတဲ့ စက်ရုပ်ဆန်ဆန် အသံကို ကြားလိုက်ရပြန်သည်၊၊ ဒါပေမဲ့ သူကတော့ ဒီလိုစနစ်ရုတ်တရက် ပေါ်လာတာကို အကြိမ်ကြိမ် ကြုံဖူးနေပြီမို့ အသားကျနေပါပြီ၊၊

​သူက စနစ်ရဲ့ မစ်ရှင်ကို စိတ်ထဲမှာပဲ မှတ်ထားလိုက်ပြီး ခုနက အကြောင်းအရာကို ဆက်ပြောလိုက်သည်။

​"မလိုဘူး၊ စီးပွားရေးဝန်ကြီးဌာနက အရှေ့တောင်အာရှက ဒီလို လူမိုက်အင်အားစုတွေကို သွားပြီး သြဇာမသက်ရောက်နိုင်ဘူး၊ မှောင်မိုက်တဲ့လောကရဲ့ ဥပဒေကတော့ မှောင်မိုက်တဲ့လောကသားတွေနဲ့ပဲ ဖြေရှင်းရလိမ့်မယ်၊၊"

​လင်းဖန်က ကျန်းဖန်ရဲ့ အကြံပြုချက်ကို ပယ်ချလိုက်ပြီး မိုရှင်းယာဘက်ကို လှည့်ကာ မေးလိုက်သည်။

"ရှင်းယာ... ငါတို့ လုံခြုံရေးကုမ္ပဏီမှာ လူအင်အား ဘယ်လောက်ရှိပြီလဲ"

​"ဟုတ်ကဲ့... စစ်တပ်ဘက်ကနေ အနားယူထားတဲ့ အထူးတပ်ဖွဲ့ဝင် ၅,၀၀၀ ကို ကျွန်မတို့ဆီ မိတ်ဆက်ပေးထားပါတယ်၊ အရှေ့တောင်စစ်ဌာနချုပ်က ထိပ်တန်း ကင်းထောက်ဟောင်းတွေနဲ့ ပေါင်းလိုက်ရင် အခု လုံခြုံရေးကုမ္ပဏီမှာ လူအင်အား တစ်သောင်းကျော် ရှိနေပါပြီ၊၊"

​မိုရှင်းယာက တိုက်ရိုက် ပြန်ဖြေလိုက်သည်၊၊

​ဒီစကားက တက်ရောက်လာသူ အားလုံးကို အံ့အားသင့်သွားစေသည်၊၊ လုံထန်လုပ်ငန်းစုရဲ့ အရာရှိကြီးတွေက သူတို့ဆီမှာ အထူးလုံခြုံရေးကုမ္ပဏီ ရှိမှန်းသိပေမဲ့ ဒီလောက်အထိ ထိပ်တန်းစစ်သည်ဟောင်းတွေနဲ့ ဖွဲ့စည်းထားမှန်းတော့ မသိခဲ့ကြချေ၊၊

​"အရှေ့တောင်အာရှက ငါတို့ဌာနခွဲ ဘယ်နှစ်ခု အနှောင့်အယှက် ခံနေရတာလဲ"

​လင်းဖန်က ကျန်းဖန်ကို ဆက်မေးလိုက်သည်၊၊

​"သူဌေး... ယိုးဒယား၊ မလေးရှားနဲ့ ဖိလစ်ပိုင်က ဌာနခွဲတွေ အားလုံး ဒေသခံ လူမိုက်အင်အားစုတွေရဲ့ နှောင့်ယှက်မှုကို ခံနေရပါတယ်၊၊"

​ဒီအချိန်မှာတော့ လင်းဖန် ဘာလုပ်မလဲဆိုတာ ကျန်းဖန်ရိပ်မိသွားလေပြီ။

​"ကောင်းပြီ၊ ရှင်းယာ... ငါတို့လူတွေကို အဲဒီနိုင်ငံတွေထဲ ဝင်ဖို့ စီစဉ်လိုက်တော့၊ နိုင်ငံတစ်နိုင်ငံကို နှစ်ဖွဲ့စီလွှတ်မယ်၊ လုံထန်လုပ်ငန်းစုကို လာထိတဲ့ ဘယ်အင်အားစုကိုမဆို အမြစ်ပြတ်အောင် ရှင်းပစ်လိုက်၊၊"

လင်းဖန်ရဲ့ မျက်လုံးထဲမှာ လူသတ်လိုတဲ့ အရောင်အဝါတွေ ပေါ်လာပြီး

"လက်နက်ကိစ္စအတွက်တော့ သူတို့လိုအပ်သမျှကို ဘယ်လောက်ပေးရပေးရ အဆင်သင့် ပြင်ထားပေးလိုက်၊၊"

​အထူးတပ်ဖွဲ့ရဲ့ အဖွဲ့ငယ်တစ်ဖွဲ့မှာ ခေါင်းဆောင်၊ စနိုက်ပါ၊ အကဲခတ်သမား၊ မိုင်းကျွမ်းကျင်သူနဲ့ စက်သေနတ်ကိုင် ဆိုပြီး ၆ ယောက်နဲ့ ဖွဲ့စည်းထားတာမို့ တိုက်ခိုက်နိုင်စွမ်းက အရမ်းကို မြင့်မား​သေည်၊၊ တစ်ဖွဲ့တည်းနဲ့တင် အရှေ့တောင်အာရှမှာ သွေးချောင်းစီးအောင် လုပ်နိုင်တာမို့ နှစ်ဖွဲ့ဆိုရင်တော့ ပြောစရာ မလိုတောပေ။

​"ဟုတ်ကဲ့ပါ"

မိုရှင်းယာက ချက်ချင်းပဲ အမိန့်ကို အကောင်အထည်ဖော်ဖို့ ထွက်သွားသည်၊၊

​"လောလောဆယ် ကျုပ်တို့ ပလက်ဖောင်းပေါ်မှာ အပလီကေးရှင်း အရေအတွက်က ၅ သိန်းပဲ ရှိသေးတယ်၊ ဒါက လုံးဝ မလုံလောက်သေးဘူး၊၊"

လူတိုင်း အံ့သြနေတုန်းမှာပဲ လင်းဖန်က ဆက်ပြောပြန်သည်။

"တန်ရွမ်စနစ်က ကျုပ်တို့ လုံထန်လုပ်ငန်းစု ကမ္ဘာမှာ ခြေကုပ်ယူနိုင်ဖို့ အခြေခံပဲ၊၊"

​"အက်ပ်တွေ များလာပြီး အသုံးပြုသူတွေ လက်မလွှတ်နိုင်အောင် ဖြစ်လာမှသာ ကျုပ်တို့ရဲ့ သြဇာက ပိုကြီးလာမှာ အခု အက်ပ်ထုတ်လုပ်သူတွေက ကျုပ်တို့ကို စိတ်ဝင်စားပေမဲ့ သူတို့က Android နဲ့ iOS ပေါ်မှာပဲ အခြေပြုနေကြတုန်းပဲ၊၊"

​ဒီစကားကို ကြားတော့ ကျန်းဖန်က စဉ်းစားပြီး ပြန်ပြောလာသည်။

"သူဌေး... နီဗားနား အက်စ် သုံးစွဲသူက သန်းတစ်ထောင် ကျော်နေပါပြီ၊ တန်ရွမ်စနစ်ကလည်း လူတွေကြားမှာ အမြစ်တွယ်နေပြီ၊ ဒီပြဿနာကို ဖြေရှင်းဖို့ဆိုရင် ကျုပ်တို့ကိုယ်တိုင် မိုဘိုင်းဂိမ်းဈေးကွက်ထဲကို အားစိုက်ပြီး ဝင်သင့်တယ်လို့ ထင်တယ်၊၊"

​၂၁ ရာခိုင်စုရဲ့ အင်တာနက်ခေတ်မှာ ကွန်ပျူတာနဲ့ လုပ်သမျှကို ဖုန်းနဲ့ လုပ်နိုင်လာပါပြီ၊၊ ဗီဒီယိုကြည့်တာ၊ ဝတ္ထုဖတ်တာနဲ့ ဂိမ်းကစားတာတွေက အကြီးမားဆုံး ဖျော်ဖြေရေးတွေ ဖြစ်လာသည်၊၊ အဲဒီထဲမှာ ဂိမ်းဈေးကွက်ကတော့ အကြီးမားဆုံးပါပဲ၊၊

​"မိုဘိုင်းဂိမ်း ထုတ်လုပ်ဖို့လား"

လင်းဖန်က မျက်မှောင်ကြုတ်ပြီး စဉ်းစားနေသည်၊၊

​ဂိမ်းဈေးကွက်က တကယ့် မုန့်လုံးကြီး ဖြစ်သလို၊ စမတ်ဖုန်းခေတ်ဆိုတာ မိုဘိုင်းဂိမ်းခေတ်လည်း ဖြစ်သည်၊၊ တမီ (Rice) လို ကုမ္ပဏီတွေတောင် ဝင်နေပြီဆိုတော့ လုံထန်မှာလည်း ကိုယ်ပိုင်ဂိမ်းကုမ္ပဏီ ရှိနေတာကို အသုံးမချရင် နှမြောစရာပါပဲ၊၊

​"သူဌေး... ကြည့်ပါ၊ အကယ်၍ ကျုပ်တို့က ဂိမ်းထုတ်မယ်ဆိုရင် မျက်ကြည်လွှာနဲ့ လော့ဂ်အင် (Login) ဝင်တဲ့ စနစ်ကို သုံးလို့ရတယ်၊ အသုံးပြုသူက ဘာမှရိုက်စရာမလိုဘဲ တန်းပွင့်သွားမယ်၊၊"

ကျန်းဖန်က စိတ်လှုပ်ရှားစွာနဲ့ ဆက်ပြောပြန်သည်။

"ဒီလောက် အဆင်ပြေမြန်ဆန်နေရင် တခြား ဂိမ်းထုတ်လုပ်သူတွေထက် အသာရပြီး အသုံးပြုသူတွေရဲ့ ယုံကြည်မှုကို ရနိုင်မှာပါ၊၊"

​ဥပမာ Penguin လို အဖွဲ့အစည်းတွေက အကောင့်တစ်ခုတည်းနဲ့ အရာအားလုံး သုံးလို့ရအောင် လုပ်ထားသလိုမျိုးပေါ့၊၊

​"ဟားဟားဟား... ခင်ဗျားကတော့ အကြံကောင်း ထုတ်နိုင်သားပဲ၊၊"

လင်းဖန်က သဘောကျစွာ ရယ်မောလိုက်ပြီး

"ဒါပေမဲ့ ကျုပ်တို့ရဲ့ အဓိကအလုပ်က ထုတ်ကုန်ရောင်းဖို့ဆိုတာကိုတော့ မမေ့နဲ့ဦး၊၊"

​"ဂိမ်းရဲ့ ဖျော်ဖြေမှုနဲ့ ဖုန်းရဲ့ စွမ်းဆောင်ရည်ကို အခြေခံပြီး ဂိမ်းကောင်းကောင်း ထုတ်နိုင်ရင်၊ အသုံးပြုသူတွေ အဲဒီဂိမ်းကို စွဲလမ်းသွားတာနဲ့ နီဗားနား အိတ်ကိုလည်း သေချာပေါက် ဝယ်ကြလိမ့်မယ်၊၊"

​ကျန်းဖန် မှင်တက်သွားရသည်၊၊ ဂိမ်းကိုသုံးပြီး ဖုန်းအရောင်းမြှင့်တင်မယ်ဆိုတဲ့ ဒီလို အဆင့်မြင့်တဲ့ အတွေးမျိုးကို တစ်ခါမှ မကြားဖူးခဲ့၊၊

ဖုန်းဆိုတာ ဂိမ်းကစားဖို့ ကိရိယာတစ်ခုပဲ ဖြစ်ပြီး ဂိမ်းကသာ အသုံးပြုသူကို တကယ် ဆွဲဆောင်နိုင်တဲ့ အရာ မဟုတ်ပါလား၊၊