အခန်း (၂၃၅၃-၂၃၅၄)

အပိုင်း(၂၃၅၃)

"..."

ဝေ့ဝူယင်သည် လုံရှီယာ၏ လက်ဖြင့် တင်းကျပ်စွာ ဆုပ်ကိုင်ခံထားရသော သူ၏ လက်သီးဆုပ်ကို ခံစားချက် ကင်းမဲ့သော မျက်လုံးများနှင့် စိုက်ကြည့်နေခဲ့မိလေသည်။ လုံရှီယာ၏ ကိုယ်နေဟန်ထားမှာ သက်သောင့်သက်သာ ရှိမှု၏ ပြီးပြည့်စုံသော ဥပမာတစ်ခု ဖြစ်နေ၏။ သူ၏ အော်ရာမှာ အနှောင့်အယှက် အနည်းငယ်မျှပင် မရှိဘဲ စီးဆင်းနေပေသည်။ အစစ်အမှန် နဂါး အသွင်ပြောင်းလဲခြင်း နည်းလမ်းနှင့် မွမ်းမံထားသည့် သူ၏ ရုပ်ပိုင်းဆိုင်ရာ ခန္ဓာကိုယ် ခွန်အားကို စက်ဆုပ်ဖွယ် ကောင်းကင်ဟု လူသိများသော ဤဧရာမ အထွတ်အထိပ် သူတော်စင် က ပေါ့ပေါ့ပါးပါးပင် တားဆီးထားလိုက်ခြင်း ဖြစ်ပေသည်။

'စမ်းသပ်တဲ့ တိုက်ခိုက်မှု...'

ဝေ့ဝူယင်သည် အထွတ်အထိပ် သူတော်စင် တစ်ပါး ကျင့်ကြံထားသော ပဲ့တင်ထပ် ချီ ၏ ကြီးမားလှသည့် ခွန်အားကို ပထမဆုံးအကြိမ်အဖြစ် ခံစားလိုက်ရလေသည်။ ၎င်းသည် စွမ်းအားကြီးမားပြီး နက်ရှိုင်းကာ၊ ချီ၊ ကြယ်တာရာ အင်အား၊ လျှို့ဝှက်အင်အား နှင့် လျှို့ဝှက် စွမ်းအား တို့ထက် အတိုင်းအတာတစ်ခုအထိ များစွာ သာလွန်နေခဲ့ပေသည်။

သူသည် ဝိညာဉ်နှင့် ရုပ်ပိုင်းဆိုင်ရာ ခွန်အား တစ်ခုလုံးကို အမြင့်ဆုံး အတိုင်းအတာအထိ အသုံးပြုထားသော်လည်း၊ လုံရှီယာကတော့ မတုန်မလှုပ် ရှိနေခဲ့လေသည်။

ဝေ့ဝူယင်၏ ခန္ဓာကိုယ်မှာ မှုန်ဝါးလာလေ၏။ လုံရှီယာသည် သူ၏ လက်သီးကို လွှတ်မပေးခဲ့သော်လည်း၊ လက်သီးကို လွှမ်းခြုံထားသော ကောင်းကင်ဘုံ၏ ပဲ့တင်ထပ်ချီသည် သူ၏ ဆုတ်ခွာမှုကို မတားဆီးနိုင်ခဲ့ဘဲ၊ မျက်စိတစ်မှိတ်အတွင်း ပေ ရာဂဏန်းအနည်းငယ် အကွာသို့ ရောက်ရှိသွားစေရန် ခွင့်ပြုပေးလိုက်ရလေသည်။

ထိုဖြစ်စဉ် တစ်လျှောက်လုံးတွင် လုံရှီယာသည် အပြစ်ဆိုဖွယ်မရှိသော ခြေရာခံ စွမ်းရည်နှင့် အတူ စောင့်ကြည့်နေခဲ့ပြီး၊ ဟင်းလင်းပြင် ကို ဖြတ်သန်းသွားသော ရွှေ့ပြောင်းမှု တစ်လျှောက်လုံး သူ့နောက်သို့ လိုက်ပါသွားခဲ့ပေသည်။

"အာရုဏ်ဦး လောကရှန့်ထိုရဲ့ သိုင်းပညာက အချိန်နဲ့ အာကာသ အပေါ်မှာ အခြေခံထားပြီး ဟင်းလင်းပြင်ထဲကို လွတ်လွတ်လပ်လပ် ဝင်ရောက်နိုင်တယ်ပေါ့... တကယ်ကို အံ့ဖွယ်ကောင်းတဲ့ သွေးမျိုးဆက် စွမ်းအားပဲ..."

လုံရှီယာက မှတ်ချက် ပြုလိုက်၏။

"နောက်ပြီး အလွန်တရာ ရှေးကျပြီး လျှို့ဝှက်ဆန်းကြယ်တဲ့ စွမ်းအားတစ်ခုလည်း ပါဝင်နေသေးတယ်..."

ဝေ့ဝူယင်၏ အစစ်အမှန် နဂါး သွေးမျိုးဆက်ကို အာရုံခံရင်း လုံရှီယာ၏ စိတ်ဝင်စားမှုမှာ ပိုမို မြင့်တက်လာခဲ့ပေသည်။

"အဲ့တာက နည်းနည်းလေး ဖွံ့ဖြိုးမှု အားနည်းနေသေးတာ ကံဆိုးတာပဲ..."

သူက သနားကြင်နာမှု အရိပ်အယောင်လေး တစ်ခုဖြင့် မှတ်ချက်ပြုလိုက်လေသည်။

ဝေ့ဝူယင်က သူ၏ လက်သီးကို စစ်ဆေးလိုက်လေသည်။ ပိတ်ဆို့ခံလိုက်ရရုံသာ ဖြစ်သော်လည်း၊ သူ၏ လက်ရှိ အရိုးတိုင်းသည် အမှုန့်အဖြစ်သို့ ချေမွခံလိုက်ရခြင်း ဖြစ်ပေသည်။ အကယ်၍ သူ၏ ကြယ်တာရာ ပါရဂွန် ခန္ဓာကိုယ်၏ ထာဝရရှင်သန်ခြင်းနှင့် ပြန်လည် မွေးဖွားခြင်း ဂုဏ်သတ္တိများသာ မရှိခဲ့လျှင်၊ သူ၏ လက်သည် ရိုက်ခတ်မှုကြောင့် တစ်စစီ ပျက်စီးသွားမည်သာ ဖြစ်လေသည်။ ထို့အပြင် လုံရှီယာသည် သူ၏ လွတ်မြောက်ရာ နည်းလမ်းများကို ထိုးထွင်းမြင်နေခဲ့ပြီ ဖြစ်ရာ၊ အစစ်အမှန် တိုက်ပွဲတစ်ခု ဖြစ်ခဲ့ပါက၊ ဟင်းလင်းပြင် ကို ဖြတ်သန်းသွားမည့် အနာဂတ် ခရီးစဉ်များကို ဟန့်တားရန် တန်ပြန် လုပ်ဆောင်ချက် အနည်းငယ်ကို သူ ဖန်တီးထားမည်မှာ သေချာလှပေသည်။

'သူက ဟင်းလင်းပြင် ထဲကနေ ငါ့ကို ခြေရာခံနိုင်တယ်...'

ဤအရာကို စိတ်ထဲတွင် မှတ်သားထားရင်း ဝေ့ဝူယင် မသိစိတ်မှ သက်ပြင်းချလိုက်လေသည်။ အထွတ်အထိပ် သူတော်စင် တစ်ပါး၏ စွမ်းအားများသည် သာမန် လျှို့ဝှက် အာဏာရှင် အဆင့်များထက် များစွာ သာလွန်လှပေသည်။ သူ၏ တိုက်ခိုက်မှုတွင် မည်သည့် အပို ထပ်ဆောင်း အင်အားမျှ မပါဝင်သော်လည်း... သူ ပိုင်ဆိုင်ထားသည့် ကျင့်ကြံခြင်း အခြေခံ အုတ်မြစ် ခွန်အား အားလုံး ပါဝင်နေခဲ့သည်ဟု ဆိုရမည်။ သို့သော်လည်း... အထွတ်အထိပ် သူတော်စင် တစ်ပါးနှင့် ယှဉ်လျှင် ၎င်းသည် လုံးလုံးလျားလျား သနားစရာကောင်းပြီး အသုံးမဝင်လှချေ။

သို့သော် ဝေ့ဝူယင် သိပ်ပြီး စိတ်အနှောင့်အယှက် မဖြစ်ခဲ့ချေ။ အထွတ်အထိပ် သူတော်စင် အဆင့် လျှို့ဝှက်ပြစ်ဒဏ်များ ကို ဆန့်ကျင် တိုက်ခိုက်ရန် စုရီ အသုံးပြုခဲ့သော ခွန်အားသည်လည်း အခြားသော ခွန်အား ပုံစံများ အတွင်း၌ အခြေခံထားခြင်း ဖြစ်ပေသည်။ ထို့အပြင် သူသည် လျှို့ဝှက် အာဏာရှင် အဆင့် ၏ အစောဆုံး အဆင့်ဖြစ်သော လျှို့ဝှက် ကြယ်တာရာ အဆင့် တွင်သာ ရှိနေသည်ကို ထည့်သွင်းစဉ်းစားပါက ဝေ့ဝူယင် အနေဖြင့် ဤရလဒ်ကို လက်ခံရုံသာ တတ်နိုင်လေသည်။ အစကတည်းကပင် သူ၏ ကျင့်ကြံခြင်း အခြေခံ အုတ်မြစ် တစ်ခုတည်းဖြင့် အထွတ်အထိပ် သူတော်စင် တစ်ပါးကို ရင်ဆိုင်ရန် တွေးတောခြင်းကပင် ထင်ယောင်ထင်မှား ဖြစ်နေခြင်းပင် ဖြစ်လေသည်။

အကယ်၍ သူ့ထံတွင် ပဲ့တင်ထပ် ဝိညာဉ် အဆင့် နှင့် ယှဉ်ပြိုင်နိုင်စွမ်းရှိသည့် ထိုကဲ့သို့သော ခွန်အားမျိုး ရှိနေမည်ဆိုလျှင်၊ သူသည် မကြုံစဖူး ပြိုင်ဘက်ကင်း ဖြစ်နေမည်သာ ဖြစ်ပေသည်။

"ကျုပ်က ခင်ဗျားရဲ့ အဆင့်ကို စမ်းသပ်ကြည့်နေရုံ သက်သက်ပါ..."

ဝေ့ဝူယင်၏ အစစ်အမှန် နဂါးအသွင်သည် ဆုတ်ခွာသွားပြီး သူ့ကို ပုံမှန် အခြေအနေသို့ ပြန်လည် ရောက်ရှိသွားစေခဲ့လေသည်။

"တကယ်လို့ ခင်ဗျားသာ ဒီလောက် ခွန်အားလေးကိုတောင် မကာကွယ်နိုင်ဘူးဆိုရင်၊ အဲ့တာက အရမ်းကို စိတ်ပျက်စရာ ကောင်းလွန်းသွားလိမ့်မယ်..."

ယခုအချိန်တွင်မူ သူ၏ လက်သီးမှာ လုံးဝ ပျောက်ကင်းသွားခဲ့ပြီ ဖြစ်လေသည်။

"သဘောတူထားတဲ့အတိုင်း ခင်ဗျားရဲ့ မေးခွန်းကို မင်း မေးနိုင်တယ်..."

လုံရှီယာက မူလ သဘောတူညီချက်ကို ပြန်လည် အစဖော်လိုက်၏။ ဝေ့ဝူယင်၏ ပထမဆုံး တိုက်ခိုက်မှုကို လွယ်လွယ်ကူကူ တားဆီးနိုင်လိုက်သည့်တိုင် သူ နည်းနည်လေးမျှ စိတ်ကြီးမဝင်ရဲချေ။ ဝေ့ဝူယင်မှာ မေးခွန်းတစ်ခု မေးချင်သဖြင့် အရှက်ကင်းမဲ့စွာ သရုပ်ဆောင်နေခြင်း ဖြစ်လိမ့်မည်ဟု သူ တွေးထင် နေခဲ့ခြင်း ဖြစ်သည်။

"ကျုပ်ရဲ့ မေးခွန်းလား... ဘယ်လောက်တောင် ကံဆိုးလိုက်လဲ”

ဝေ့ဝူယင်က ခေါင်းခါယမ်းလိုက်သည်။

“အစကတော့ ကျုပ်က ခင်ဗျားကို ပဲ့တင်ထပ် ဝိညာဉ် အဆင့် အကြောင်း၊ အထူးသဖြင့် ကောင်းကင်ငယ် တမန်တော် အဆင့် အကြောင်း မေးမလို့ပဲ၊ ဒါပေမယ့် ခင်ဗျားရဲ့ နားလည်သဘောပေါက်မှု အတိမ်အနက် က ဒီလောကထဲကို စတင် ဝင်ရောက်လာပြီး ဘယ်လို အသက်ရှူရမယ်၊ ခြေလက်တွေကို ဘယ်လို လှုပ်ရှားရမယ် ဆိုတာကို ဗီဇအရသာ သိရှိနေတဲ့ ကလေးငယ် တစ်ယောက်လို တိမ်ကောနေနိုင်တယ် ဆိုတာကို ကျုပ် သဘောပေါက်သွားတယ်..."

“ခင်ဗျားရဲ့ နားလည်သဘောပေါက်မှုက ကျုပ်ကို လမ်းမှားဆီ ဦးတည်သွားစေနိုင်တယ်..."

ဝေ့ဝူယင်၏ အမူအရာက သိသာထင်ရှားစွာ ပြေလျော့သွား၏။ သူ၏ စကားလုံးများကို ချောမွေ့စွာ စီးဆင်းသွားစေခဲ့လေသည်။ အကယ်၍ သူသာ အလားတူပင် ပဲ့တင်ထပ် ဝိညာဉ် အဆင့် တွင် ရှိနေမည်ဆိုလျှင်၊ သူ၏ ကျင့်ကြံခြင်း အဆင့် နှင့် ပတ်သက်၍ လုံရှီယာ၏ နားလည်သဘောပေါက်မှုက သူ၏ ကိုယ်ပိုင် လမ်းကြောင်းကို ရှာဖွေရာတွင် အထောက်အကူ ပြုနိုင်မည် ဖြစ်သည်။ သို့သော်လည်း... သာမန် လျှို့ဝှက် ကြယ်တာရာ အဆင့် ကျင့်ကြံသူ တစ်ဦးအနေဖြင့်မူ၊ မိမိ၏ ဖြစ်တည်မှု အတိမ်အနက် ထက် များစွာ ကျော်လွန်သော သတင်းအချက်အလက်များကို ရှာဖွေခြင်း၏ နောက်ဆက်တွဲ အကျိုးဆက်များကို ဝေ့ဝူယင် နားလည်ထားပြီး ဖြစ်သည်။ ထို့ကြောင့်ပင်... ပွင့်လင်းသော စိတ်ထားဖြင့် မိမိ၏ အသိပညာ အတိမ်အနက် အပေါ် အခြေခံကာ စောင့်ကြည့်ပြီး ကောက်ချက်ချခြင်းကသာ ပို၍ ကောင်းမွန်လေသည်။

ဤအရာက ဝေ့ဝူယင်၏ စိတ်ထဲရှိ ဝန်ထုပ်ဝန်ပိုးကို ပေါ့ပါးသွားစေခဲ့လေသည်။

"ဒါကြောင့် အဲဒီအစား ဒါကိုပဲ ကျုပ် မေးမယ်... သူတို့က ခင်ဗျားကို ဘာတွေ ကမ်းလှမ်းခဲ့သလဲ..."

ဝေ့ဝူယင်၏ မျက်လုံးများ မှေးမှိန်သွားလေသည်။

"မိုးကုပ်စက်ဝိုင်း တွေကလား..."

လုံရှီယာက ဝေ့ဝူယင်၏ ပထမ စကားလုံးများကို လျစ်လျူကာ အဓိက အချက်ကိုသာ အာရုံစိုက်လိုက်သည်။

"ဒီနယ်မြေထဲကနေ ဘာမှ ထွက်သွားနိုင်မှာ မဟုတ်တဲ့အတွက် ကျုပ် ခင်ဗျားကို ပြောပြမယ်..."

သူက လက်ညှိုး၊ လက်ခလယ် နှင့် လက်သူကြွယ် ဟူသော လက်ချောင်း သုံးချောင်းကို ထောင်ပြလိုက်ပြီး၊ လက်မနှင့် လက်သန်းကို အောက်သို့ ချထားလိုက်လေသည်။

"...လျှို့ဝှက်-ကောင်းကင် အဆင့် အဂ္ဂိရတ် ထုတ်ကုန် သုံးခု၊ ဝိညာဉ် ဆေးလုံး နှစ်လုံးနဲ့ ကောင်းကင်-သန့်စင်ခြင်း နိုဗာအမြုတေ သိပ်သည်းဆီ တို့ပဲ..."

ကောင်းကင်-သန့်စင်ခြင်း နိုဗာအမြုတေ သိပ်သည်းဆီ သည် မိုးကုပ်စက်ဝိုင်း သန့်စင်ခြင်း အဂ္ဂိရတ် ရှန့်ထို ၏ အမှတ်အသား ထုတ်ကုန် ပင် ဖြစ်လေသည်။ ၎င်းသည် လူတစ်ဦး၏ ခန္ဓာကိုယ်ကို သန့်စင်ကာ အာဟာရ ဖြည့်တင်းပေးနိုင်ပြီး ချောမွေ့သွားစေနိုင်သော အံ့ဖွယ် ထုတ်ကုန်တစ်ခု ဖြစ်ပေသည်။ ပြောရလျှင်... ၎င်းသည် သိုင်းကျင့်ကြံသူများ အတွက် နတ်ဘုရားဆန်သော အဂ္ဂိရတ် ထုတ်ကုန်တစ်ခု ဖြစ်လေသည်။

တစ်ချိန်တည်းမှာပင် ဝိညာဉ် ဆေးလုံးများ မှာလည်း ပဲ့တင်ထပ် ဝိညာဉ် အဆင့် ကျင့်ကြံသူများ အတွက် အမတေ ဆေးလုံးများ အဖြစ် လုပ်ဆောင်ပေးနိုင်စွမ်း ရှိလေရာ သူတို့နည်း သူတို့ဟန်ဖြင့် အံ့မခန်း တန်ဖိုးရှိလှပေသည်။

အကယ်၍ ဆင်ကျား အရှင်သခင် တွင်သာ ဝိညာဉ်ဆေးလုံး တစ်လုံး ရှိခဲ့မည်ဆိုလျှင်၊ သူမသည် ကုန်ခမ်းပြီး မောပန်းနေသော ကောင်းကင် ပဲ့တင်ထပ်ချီကို များစွာ ပိုမို လွယ်ကူစွာဖြင့် ပြန်လည် နာလန်ထူလာစေနိုင်မည် ဖြစ်ပေသည်။ ထို့နောက် သူမသည် ထိုစုဆောင်းထားသော ချီ ကို သူမ၏ ဒဏ်ရာများကို ကုသရန် အသုံးပြုနိုင်မည် ဖြစ်လေသည်။ ၎င်းသည် တန်ဖိုးဖြတ်၍ မရနိုင်ချေ။ အကယ်၍ အစစ်အမှန် သူတော်စင် သို့မဟုတ် အစစ်အမှန် ဝိညာဉ် အဆင့် ကျင့်ကြံသူများ အတွက် အသုံးပြုခဲ့မည်ဆိုပါက၊ ၎င်းသည် ပဲ့တင်ထပ် ဝိညာဉ် အဆင့် သို့ တက်လှမ်းရန် အခွင့်အရေး တစ်ခုကို စတင်ပေးနိုင်ပေသည်။

“မသန့်စင်တဲ့ အဆင့်လား..."

ဝေ့ဝူယင်က ရှင်းလင်းမှု ရရှိရန် မေးမြန်းလိုက်လေသည်။

လုံရှီယာက တိုတုတ်စွာ ခေါင်းညိတ်ပြလိုက်လေသည်။

"ဟုတ်ပါတယ်... အညစ်အကြေးက အနည်းဆုံး ရာခိုင်နှုန်း နှစ်ဆယ် ပါ..."

***

အပိုင်း(၂၃၅၄)

မသန့်စင်ခြင်း အရည်အသွေးရှိ ထုတ်ကုန်များ သည် အတွင်း၌ ပါဝင်သော အညစ်အကြေး ရာခိုင်နှုန်းများအလိုက် ခွဲခြားထားလေ့ ရှိသည်။ လုံရှီယာ၏ 'ရာခိုင်နှုန်း နှစ်ဆယ်' ဆိုသည်မှာ အတွင်း၌ အများဆုံး အညစ်အကြေး ရာခိုင်နှုန်း နှစ်ဆယ် ပါဝင်သည့် ထုတ်ကုန်တစ်ခုကို ညွှန်ပြနေခြင်း ဖြစ်ပေသည်။ ဤသည်မှာ အဆင့်နိမ့် အဂ္ဂိရတ် ထုတ်ကုန်များနှင့် ယှဉ်လျှင်ပင် စက်ဆုပ်ဖွယ်ကောင်းလောက်အောင် ယုတ်ညံ့နေသည်။ ပုံမှန်အားဖြင့် အညစ်အကြေး ၉ ရာခိုင်နှုန်းထက် ပိုမို ပါဝင်နေပါက အဂ္ဂိရတ် ထုတ်ကုန်များ သည် အများအားဖြင့် ပယ်ချခံရလေ့ ရှိပေသည်။

သို့သော်လည်း... ထုတ်ကုန်များ၏ အဆင့်နှင့် အတန်းအစားများ မြင့်တက်လာသည်နှင့်အမျှ ထိုကိန်းဂဏန်းမှာ ရှောင်လွှဲ၍မရနိုင်အောင် ကျဆင်းသွားလေ့ ရှိလေသည်။ သို့သော် အစွမ်းကုန် သန့်စင်ခြင်း ဂလက်ဆီ မှာမူ စံနှုန်းများထက် ကျော်လွန်နေသည်ဟု ကျယ်ကျယ်ပြန့်ပြန့် သတ်မှတ်ခံထားရပြီး၊ သူတို့သည် ၉ ရာခိုင်နှုန်းထက်ပိုသော အညစ်အကြေးပါဝင်သည့် ထုတ်ကုန်များကို ရှားရှားပါးပါးသာ လက်ခံလေ့ရှိပေသည်။ သို့တိုင်အောင် မရေမတွက်နိုင်သော ကျင့်ကြံသူများသည် သူတို့၏ ကျင့်ကြံခြင်းအတွက် မသန့်စင်သည့် ထုတ်ကုန်များကို အသုံးပြုကြမည်သာ ဖြစ်ပြီး၊ အချိန် ကန့်သတ်ချက်များ ရှိနေကာ ပြိုင်ဆိုင်မှု ဖိအားများက တစ်နေ့တခြား မြင့်တက်လာချိန်တွင် အရည်အသွေးကို အမှန်တကယ် ထည့်သွင်းစဉ်းစားနိုင်စွမ်း မရှိကြချေ။

သို့သော် ၂၀ ရာခိုင်နှုန်း သို့မဟုတ် ယင်းထက်နည်းသော လျှို့ဝှက်-ကောင်းကင် အဆင့် ထုတ်ကုန်များမှာမူ အံ့မခန်း ဖြစ်ပြီး၊ ပထမ အဆင့်ရှိ မည်သည့် ပဲ့တင်ထပ် ဝိညာဉ် အဆင့် ကျင့်ကြံသူ ကမျှ ဤမျှ ကြီးမားသော ရတနာမျိုးကို ငြင်းဆန်လိမ့်မည် မဟုတ်ချေ။ ဝိညာဉ် ဆေးလုံး တစ်လုံးတည်းကပင် နှစ်ပေါင်း ထောင်သောင်းချီသော အားထုတ်မှုများကို ဖယ်ရှားပေးနိုင်စွမ်းရှိပြီး၊ အခြား ထုတ်ကုန်များမှာမူ နှစ်ပေါင်း သိန်းချီသော အားထုတ်မှုများနှင့် ညီမျှနိုင်ပေသည်။

ဥပမာအားဖြင့်... ဆင်ကျား အရှင်သခင် သည် နှစ်ပေါင်း သိန်းချီကြာ ပဲ့တင်ထပ် ဝိညာဉ် အဆင့် ကျွမ်းကျင်သူ တစ်ဦး ဖြစ်ခဲ့သော်လည်း သူမ၏ ကျင့်ကြံခြင်း အဆင့် ကို ခိုင်မာအောင် မလုပ်ဆောင်နိုင်ခဲ့သေးချေ။ လုံရှီယာသည်လည်း မကွာခြားလှပေ။

ကျင့်ကြံခြင်း၏ ကြီးမားလှသော အခက်အခဲများကို သူတို့ထက် ပို၍ နားလည်သူ မရှိချေ။ မသန့်စင်ခြင်း အဆင့် အရည်အသွေး ရှိ ဝိညာဉ် ဆေးလုံး တစ်လုံးတည်းကပင် အထွတ်အထိပ် အဆင့်ရှိ လျှို့ဝှက် လောက အဆင့် ထုတ်ကုန် သောင်းဂဏန်းနှင့် ညီမျှနိုင်ပေသည်။ ထိုထက် တိုးရုံသာ ရှိပြီး လျော့နည်းသွားဖို့ မဖြစ်နိုင်ပါချေ။

"တခြား ဘာမေးစရာရှိသေးလဲ... ကျုပ် သဘောကောင်းချင်စိတ် ပေါက်နေတယ်..."

လုံရှီယာက အပြုံး အရိပ်အယောင်လေး တစ်ခုဖြင့် ပြောလိုက်လေသည်။

ဝေ့ဝူယင်က ခေါင်းကို ညင်သာစွာ ခါယမ်းလိုက်၏။

"နှမြောစရာပဲ..."

သူ ဤသို့ ပြောလိုက်စဉ်မှာပင် သူ၏ လက်က သူ၏ ဆေဘာ ဓားရိုးဆီသို့ ရောက်ရှိသွားပေသည်။ ၎င်းကို သူ ညင်သာစွာ ထိတွေ့လိုက်သောအခါ၊ ဆေဘာ က သူ၏ ဝိညာဉ်အတွင်း၌ ဟိန်းဟောက်နေသည်ကို သူ ခံစားလိုက်ရလေသည်။ ဘုရင်မှာ အဆင်သင့် ဖြစ်နေခဲ့ပြီ ဖြစ်သည်။

ဓားရိုးကို ထိတွေ့လိုက်ချိန်တွင် ဒြပ်စင်၏ ခံစားချက်များ တဟုန်ထိုး မြင့်တက်လာသည်ကို ဝေ့ဝူယင် ခံစားနိုင်ပေသည်။ ၎င်းသည် ဓားအိမ်မှ ဆွဲထုတ်ခံရရန် တမ်းတနေခဲ့လေသည်။

ဝေ့ဝူယင်သည် ဘုရင်၏ ဆန္ဒများကို ဆက်လက် ဖိနှိပ်ထားနိုင်စွမ်း မရှိတော့ချေ။ သူ၏ ခံစားချက်များအတွက် အကြောင်းပြချက် တစ်ခုတည်းသာ ရှိလေသည်။ ဤလုပ်ရပ်၊ ဤမြင်ကွင်း၊ ပြဇာတ်၏ ဤအစိတ်အပိုင်းသည် နိဂုံးချုပ်တော့မည် ဖြစ်ပေသည်။

၎င်းမှာ ရိုးရှင်းစွာပင်... ယခု အချိန် ပင် ဖြစ်လေသည်။

ကလန့်...

အသံတစ်ခု ထွက်ပေါ်လာ၏။ နိုးထခြင်း အဆင့် ဆေဘာရည်ရွယ်ချက်ပင်။ ဝေ့ဝူယင်၏ မျက်ဝန်းများ အတွင်းရှိ ကြယ်များသည် အသွင်ပြောင်းသွားကာ ဆေဘာများ အဖြစ်သို့ ပြောင်းလဲသွားကြလေသည်။ ကြယ်တာရာ ဝိညာဉ် လေးခုစလုံး ပေါင်းစည်းသွားကာ ခရာတို ၏ အစစ်အမှန် နဂါး အသွင်ပြောင်းခြင်းတုန်းကလိုမျိုး တစုတစည်းတည်းသော အရာတစ်ခုအဖြစ်သို့ ပြောင်းလဲသွားကြပေသည်။

လောက နှလုံးသား၊ ဆေဘာ ရည်ရွယ်ချက် လောက...

ထာဝရ ပဲ့တင်ထပ် နယ်မြေ သည် လောကနယ်မြေ အတွင်းရှိ အရာခပ်သိမ်းနှင့် မကြုံစဖူးသော ပဲ့တင်ထပ်မှုကို ပေးသနားထားပေသည်။ ၎င်းတို့သည် ကောင်းကင်ဖြစ်စေ၊ မြေကြီးဖြစ်စေ၊ အားလုံးသည် အိုမီဂါ ဆေဘာ အလင်း ပင်လယ်ကြီး တစ်ခုအဖြစ်သို့ ပြောင်းလဲသွားကြလေသည်။

ပျက်သုဉ်းခြင်း...

အင်ပါယာ...

ဆေဘာ...

ဝေ့ဝူယင်၏ ဝိညာဉ်အတွင်းရှိ ဥပဒေသများ သည် အသက်ဝင် ဟိန်းဟောက်လာကြလေသည်။ အကြွင်းမဲ့ အဆုံးသတ်ခြင်း ဟူသော ဆန္ဒအောက်တွင်၊ အရာခပ်သိမ်းကို ဆေဘာ တစ်လက်၏ အသွားဖြင့် နိဂုံးချုပ်ရန်၊ ကာကွယ်ရန်ဖြစ်စေ သတ်ဖြတ်ရန်ဖြစ်စေ အငြိုးအတေးများနှင့် ဘဝကိစ္စရပ်များ အားလုံးကို ဖြေရှင်းရန် တစ်ချက်တည်းသော ခုတ်ပိုင်းမှုဖြင့်၊ ဥပဒေသ သုံးခုစလုံးကို သူ အပြစ်ကင်းစင်စွာ အသုံးပြုလိုက်လေသည်။

ဆေဘာ သည် ၎င်း၏ ဓားအိမ်မှ တစ်လက်မခန့် အပြင်သို့ ထွက်ပေါ်လာလေသည်။ အိုမီဂါ ဆေဘာ ဝိညာဉ် အလင်း တည်းဟူသော ဝိညာဉ် တောက်ပမှု တစ်ခုမှာ ဝေ့ဝူယင်ထံမှ ပေါက်ကွဲလာခဲ့၏။

ဒြပ်စင်၏ ဓားရိုးကို ဆုပ်ကိုင်ထားသော သူ၏ လက်ချောင်းများ ပတ်လည်တွင် မီးခိုးရောင် ကြည်လင်သော အလင်းတန်းများ စုစည်းလာသည်နှင့်အမျှ၊ သူ၏ ထွက်သက်ဝင်သက် တစ်ကြိမ်စာကပင် ဖန်တီးခြင်း၊ အာကာသ နှင့် အချိန် အားလုံးကို ဆုတ်ဖြဲပစ်လိုက်လေသည်။

ဆေဘာ ရည်ရွယ်ချက် က သူ၏ ခန္ဓာကိုယ် အတွင်း၌ တဖြည်းဖြည်း စုဆောင်းလာသည်ကို ဝေ့ဝူယင် အာရုံခံလိုက်ရလေသည်။ ၎င်းသည် ပြိုင်ဘက်ကင်းသော ခံစားချက်တစ်ခု ပင် ဖြစ်ပေသည်။

လုံရှီယာ၏ မျက်လုံးများသည် မယုံကြည်နိုင်သော တုန်လှုပ်မှုဖြင့် ပြူးကျယ်သွားလေ၏။ ချက်ချင်းပင် သူသည် ကျင့်ကြံခြင်း နည်းလမ်းများနှင့် ကာကွယ်ရေး မှော်အစီအရင် များစွာကို ဆက်တိုက် အသုံးပြုလိုက်ပြီး၊ သူ၏ ခန္ဓာကိုယ်ကို အရေအတွက်ပေါင်း သုံးထောင်သော ကာကွယ်မှု အလွှာများဖြင့် ဖုံးလွှမ်းလိုက်ပေသည်။

အထွတ်အထိပ် သူတော်စင် တစ်ပါး ဖြစ်လာပြီးကတည်းက ပထမဆုံးအကြိမ်အဖြစ်၊ သူသည် မကြုံစဖူးသော အကျပ်အတည်း တစ်ခုကို ခံစားလိုက်ရ၏။ ဤကျရောက်လာမည့် တိုက်ခိုက်မှုကို ခုခံ ကာကွယ်ရန် အတွက် သူ၏ ကာကွယ်ရေး ခွန်အားများကို စုစည်းရာတွင် မည်သည့် အရာကိုမျှ နှမြောတွန့်တိုနေခြင်း မရှိတော့ချေ။

သူ၏ ခေါင်းထဲတွင် မရေမတွက်နိုင်သော အရာများ ဖြတ်သန်းသွားနေလေသည်။ ၎င်းက ဥပဒေသ ၏ အော်ရာ တစ်ခု ပါဝင်နေသော ဆေဘာ အလင်း တစ်ခုလော ။ ဤနယ်ခြားသား ပတ်လည်ရှိ အရာရာတိုင်းသည် တစ်ခုပြီးတစ်ခု လျှို့ဝှက်ဆန်းကြယ်နေသကဲ့သို့ ခံစားနေရပြီး၊ ကျင့်ကြံခြင်း နှင့် ပတ်သက်၍ သူ၏ အသိပညာ ရှုထောင့်များစွာကို လုံးလုံးလျားလျား မှောက်လှန်ပစ်နေပေသည်။

သို့သော် ဤကိစ္စရပ်များထဲမှ မည်သည့်အရာကိုမျှ သူ သေချာစွာ မစဉ်းစားနိုင်မီမှာပင်၊ ဝေ့ဝူယင်သည် ရှေ့သို့ ခြေတစ်လှမ်း လှမ်းလိုက်ပြီး၊ ဒြပ်စင် ကို ချောမွေ့သော လှုပ်ရှားမှု တစ်ခုတည်းဖြင့် ဆွဲထုတ်လိုက်လေသည်။ ၎င်းသည် ဆွဲထုတ်ရုံသက်သက် မဟုတ်ဘဲ၊ တစ်ပြိုင်နက်တည်းမှာပင် ခုတ်ပိုင်းလိုက်ခြင်း လည်း ဖြစ်ပေသည်။

ရွှမ်း...

လောကကြီးသည် တိတ်ဆိတ်သွားခဲ့၏။

ဆေဘာ က ဟိန်းဟောက်လိုက်လေသည်။

ကောင်းကင်နှင့် မြေကြီးကြားရှိ အိုမီဂါ ဆေဘာ အလင်း အားလုံးသည် ခုတ်ပိုင်းမှု တစ်ချက်တည်း အတွင်းသို့ စုစည်းသွားကြလေသည်။ ၎င်းသည် ပါးလွှာပေသည်။ ၎င်းသည် ရှည်လျားပြီး ကောင်းကင်မှ မြေကြီးအထိ ဆန့်တန်းနေလေသည်။ ၎င်း၏ အရှိန်နှုန်းသည် အာကာသ၊ အချိန် နှင့် အကွာအဝေး တို့ကို ဖီဆန်နေပေသည်။ ဆေဘာ ကို ခုတ်ပိုင်းလိုက်သည်နှင့် ၎င်းသည် ထိမှန်သွားခဲ့လေသည်။

မည်သည့် နှောင့်နှေးမှုမျှ မရှိခဲ့ချေ။

ဝေ့ဝူယင်သည် ၎င်းကို သူ၏ ဝိညာဉ်ဖြင့် ခံစားလိုက်ရလေသည်။ သူ၏ ဆေဘာ ဥပဒေသသည် သာမည အဆင့်ကို ကျော်လွန်ကာ၊ လုံးဝ အသစ်ဖြစ်သော အာဏာ နယ်ပယ် တစ်ခုသို့ ဝင်ရောက်သွားပြီ ဖြစ်သည်။ ၎င်း၏ အသွားကို အားကိုးခြင်းဖြင့် ပျက်သုဉ်းခြင်း နှင့် အင်ပါယာ တို့က ချောမွေ့စွာ လိုက်ပါလာခဲ့ကြပေသည်။ ၎င်းမှာ ရိုးရှင်းလှပြီး၊ လွယ်ကူလွန်းလုနီးပါးပင် ဖြစ်နေလေသည်။ သို့သော်လည်း ကံကြမ္မာ ဖန်တီးထားသည့်အလား လုံးဝ သဘာဝကျနေခဲ့ပေသည်။

သူ ဒြပ်စင် ကို ဓားအိမ်ထဲသို့ တည်ငြိမ်စွာ ပြန်သွင်းလိုက်လေ၏။

"တကယ်ကို နှမြောစရာပဲ..."

ပြင်ပရှိ လောကကြီးသည် ရလဒ်ကို စောင့်ဆိုင်းနေကြလေသည်။ လုံရှီယာသည် တိုက်ကွက် သုံးကွက်စလုံးကို အပြစ်ကင်းစင်စွာ ခံနိုင်ရည် ရှိမည်လော၊ သို့မဟုတ် အနည်းငယ်မျှသော ဒဏ်ရာများကို ခံစားရမည်လော။ သို့တည်းမဟုတ်... သူသည် ပိုမို ပြင်းထန်သော ဒဏ်ရာများကို ခံစားရနိုင်မည်လော။

သို့သော် အခွံ ကမ္ဘာ ပုလဲ ကို ပိတ်ဆို့လိုက်ပြီးကတည်းက တစ်မိနစ်နှင့် စက္ကန့်အနည်းငယ်မျှသာ ကုန်ဆုံးခဲ့သေးသည်။ ထို့နောက် ၎င်းသည် အမြဲတစေ ပျက်သုဉ်းစေကာ အကန့်အသတ်မဲ့ အာဏာရှင်ဆန်သော ထက်မြက်သည့် ဆေဘာ အလင်း တစ်ခုအဖြစ်သို့ လုံးလုံးလျားလျား စတင် ပြောင်းလဲသွားခဲ့ပြီး၊ လောကနယ်မြေ၏ အခွံသည်လည်း ပြန်လည် ပြုပြင်၍မရနိုင်သော အသွင်ပြောင်းလဲမှု တစ်ခုကို စတင်ခဲ့လေသည်။

မရေမတွက်နိုင်သော စောင့်ကြည့်သူများ၏ မျက်စိရှေ့မှောက်တွင်ပင်၊ အခွံ ကမ္ဘာ ပုလဲ သည် တဖြည်းဖြည်း စတင် ကြေမွ ပျက်စီးသွားခဲ့လေတော့သည်။

...

အခွံ ကမ္ဘာ ပုလဲ ၏ လောကနယ်မြေ ပြိုကွဲပျက်စီးသွားမှုသည် ပြင်ပမှ စောင့်ကြည့်နေသူများ အားလုံးအတွက် မြင်တွေ့နိုင်စွမ်း ရှိနေပြီး၊ ကျယ်ပြောလှသော ဂလက်ဆီ နယ်မြေ တစ်ခွင်လုံးတွင် အသက်အောင့်ကာ စောင့်ဆိုင်းနေကြသော လူအုပ်ကြီး၏ အာရုံစိုက်မှုကို ဖမ်းစားထားနိုင်ခဲ့လေသည်။

အထွတ်အထိပ် သူတော်စင်များ အကြားရှိ တိုက်ပွဲများတွင် ဤသည်မှာ အစပျိုးမှု တစ်ခုမျှသာ ဖြစ်သော်လည်း၊ ၎င်းက ကြီးမားသော စိတ်အားထက်သန်မှုနှင့် စိတ်လှုပ်ရှားမှုများကို ဖြစ်ပေါ်စေခဲ့ပေသည်။

ဝေ့ဝူယင်သည် အခြား ဂလက်ဆီ တစ်ခုမှ နယ်ခြားသား တစ်ဦး ဖြစ်ပြီး၊ ဂလက်ဆီ လက်အောက်ခံများ ပါဝင်သော ကျယ်ပြန့်လာသည့် အင်ပါယာ တစ်ခု၏ တည်ထောင်သူ ဖြစ်သည်။ ထို့အပြင်... အာရုဏ်ဦး အဂ္ဂိရတ် မျိုးဆက် ဟု လူသိများသော အံ့မခန်း အဂ္ဂိရတ် တာအို ကို ပိုင်ဆိုင်ထားသည့် ထူးကဲသော လောကရှန့်ထို အဂ္ဂိရတ်ပညာရှင် တစ်ဦး ဖြစ်သည်။ ထို့အပြင်... တောက်ပသောကြယ် နန်းတော် နှင့် ပင့်ကူ အဖွဲ့ တို့နှင့်လည်း စူးစမ်းချင်စရာ ကောင်းသော ဆက်သွယ်မှုများ ရှိနေသူ ဖြစ်လေသည်။ ပင့်ကူ အဖွဲ့ သည် လူသိရှင်ကြားပင် လျှို့ဝှက်-ကောင်းကင် အဆင့် ဖော်စပ်နည်း တစ်ခုဖြစ်သည့် နက်နဲသော ဝိညာဉ်အင်အား ဆေးလုံး ကိုပင် လက်ဆောင်အဖြစ် ပေးအပ်ခဲ့ဖူးပေသည်။

တိုက်ကွက် သုံးကွက်သာ ပါဝင်သော ဤဒဏ္ဍာရီလာ တိုက်ပွဲကို အခြားသူများ မမြင်တွေ့နိုင်စေရန် အတွက် လောကနယ်မြေ ကို ပိတ်ဆို့ထားခဲ့သည်မှာ တကယ်ကို နှမြောစရာ ကောင်းလှသော်လည်း၊ ၎င်းမှာ နားလည်ပေးနိုင်သော ကိစ္စတစ်ခုပင် ဖြစ်လေသည်။ အထွတ်အထိပ် သူတော်စင်များ ၏ လျှို့ဝှက်ချက်များကို ပေါ့ပေါ့တန်တန် ကြည့်ရှုခွင့် မရှိသကဲ့သို့၊ သူတို့၏ အားသာချက်များနှင့် အားနည်းချက်များကို သတိလက်လွတ် ဖော်ထုတ်ပြသလိုသူ ဆိုသည်မှာ အလွန် ရှားပါးလှပေသည်။

၎င်းမှာ ဤနေရာတွင် ရှိနေသူ မည်သူတစ်ဦးတစ်ယောက်ကမျှ တိုက်ပွဲကို ကြည့်ရှုရန် ဝေ့ဝူယင် တည်ဆောက်ထားသော ဖုံးကွယ်မှုကို အကြမ်းဖက် ဖောက်ထွင်းရန် မကြိုးစားခဲ့ကြသည့် အဓိက အကြောင်းရင်းပင် ဖြစ်လေသည်။

***