အခန်း (၂၃၆၁-၂၃၆၂)

အပိုင်း(၂၃၆၁)

ဝေ့ဝူယင်သည် ဘဝကို မေးခွန်းထုတ်နေသည့်အလား ခေတ္တမျှ တွေဝေနေခဲ့၏။

"ဒီလိုလုပ်ရင်ကော ဘယ်လိုလဲ..."

ထိုအချိန်တွင်ပင် မိုးကုပ်စက်ဝိုင်း သန့်စင်ခြင်းက အသံနေအသံထားနှင့် လေသံတွင် ပြီးပြည့်စုံသော မိတ္တူတစ်ခုအလား၊ ဝေ့ဝူယင် ယခင်က အသုံးပြုခဲ့သော မောက်မာသည့် လေသံမျိုးကို အသုံးပြုလိုက်လေသည်။

"...တကယ်လို့ မင်းက တိုက်ပွဲတစ်ခုမှာ ငါတို့ထဲက တစ်ယောက်ယောက်ကို အနိုင်ယူနိုင်ခဲ့မယ် ဆိုရင်၊ ရှုံးနိမ့်သူရဲ့ ကောင်းကင် အဆင့် အဂ္ဂိရတ် သွေးမျိုးဆက် တွေကို မင်း ရယူဖို့ ထိုက်တန်ပါတယ်..."

"နေပါဦး..."

မိုးကုပ်စက်ဝိုင်း ပေါင်းစပ်ခြင်း က ကြားဖြတ် ပြောလိုက်လေသည်။

"ဒါက ငါတို့ထဲက တစ်ယောက်တည်းနဲ့ တိုက်ရမယ့် တိုက်ပွဲ မဟုတ်ဘူး... ငါတို့ အားလုံး ပါဝင်လိမ့်မယ်... အဲဒီလိုမှ မဟုတ်ရင်၊ အစွမ်းကုန် သန့်စင်ခြင်း ဂလက်ဆီ ရဲ့ ပြည့်စုံတဲ့ အဂ္ဂိရတ် တာအို ကို ငါတို့ ဘယ်လိုလုပ်ပြီး ကောင်းကောင်း ကိုယ်စားပြုနိုင်မှာလဲ..."

ရုတ်တရက် မှေးမှိန်သည့် ပုံရိပ်တစ်ခုသည် တောက်ပမှုတစ်ခုနှင့်အတူ ထွက်ပေါ်လာပြီး၊ ကျောက်စိမ်း စားပွဲ၏ အထက်တည့်တည့်တွင် ရပ်တည်လာခဲ့သည်။ မိုးကုပ်စက်ဝိုင်း များထဲမှ မည်သူ တစ်ဦးတစ်ယောက်ကမျှ ဤပေါ်ထွက်လာမှုကြောင့် တုန်လှုပ်သွားခြင်း သို့မဟုတ် အံ့အားသင့်သွားခြင်း မရှိခဲ့ချေ။ ဤသူသည် ထိပ်သီး နိမိတ်ဖတ်သူ တစ်ဦး ပင် ဖြစ်လေသည်။

ညဉ့်ဦးယံ နိမိတ်ဖတ်သူများ၏ ခေါင်းဆောင်ပင်...။

"ငါ သဘောတူတယ်..."

စကားလုံး နှစ်လုံးတည်းကိုသာ ပြောဆိုပြီးနောက်၊ သူသည် မည်သည့် အော်ရာ အကြွင်းအကျန်မျှ မချန်ရစ်ဘဲ ပျောက်ကွယ်သွားခဲ့လေသည်။

"..."

စူးဟောင်ရန် နှင့် ထျန်းရှီကျောက်ရွှမ် တို့သည် အလွန်ပင် အံ့အားသင့် မှင်တက်သွားကြပြီး၊ မသိစိတ်ကနေ အချင်းချင်း အကဲခတ်ကြည့်လိုက်မိကြလေသည်။ ထိုအခြေအနေက ပုံမှန် မဟုတ်သလိုပင်။ ဝေ့ဝူယင်က အရေးပေါ် အစီအစဉ်များကို ချမှတ်ထားခဲ့လေသလား ဟု သူတို့ ပို၍ သံသယ ဝင်လာခဲ့ကြလေသည်။

စူးဟောင်ရန် သည် အကောင်းဆုံး အဆုံးသတ်တစ်ခုကို ဖန်တီးပေးရန် ပြင်ဆင်နေဆဲမှာပင်၊ စူးခိုင်မင် က စကားပြောလိုက်သောကြောင့် သူ နောက်ကျသွားခဲ့ပေသည်။

"ငါတို့ အားလုံး ပါဝင်မယ့် အဂ္ဂိရတ် ဥဿုံ တိုက်ပွဲတစ်ခုက ရှောင်လွှဲလို့မရဘူး ထင်ပါတယ်... အဲဒီလိုဆိုရင်တော့ ငါက လောင်းကြေးတစ်ခု အဆိုပြုချင်တယ်..."

သူမ၏ စကားများက လူတိုင်း၏ စိတ်ဝင်စားမှုကို ချက်ချင်း ရရှိသွားစေခဲ့လေသည်။

"တကယ်လို့ မင်းသာ ရှုံးနိမ့်ခဲ့မယ် ဆိုရင်၊ အာရုဏ်ဦး အင်ပါယာ ရဲ့ အဂ္ဂိရတ် သွေးမျိုးဆက် တွေ အားလုံးက ငါတို့ပိုင် ဖြစ်လာရမယ်... ဒါ့အပြင်၊ ငါတို့ တစ်ယောက်ချင်းစီက မင်းရဲ့ အင်ပါယာ အတွင်းမှာ ငါတို့ရဲ့ သွေးမျိုးဆက် ဌာနခွဲ တစ်ခုစီ တည်ထောင်ခွင့် ရရှိရမယ်..."

ချက်ချင်းပင်၊ မိုးကုပ်စက်ဝိုင်း များ နှင့် တာအို ဥပဒေ ထိန်းသိမ်းသူများ အကြားရှိ မျက်လုံးအစုံတိုင်းသည် တက်ကြွသော တောက်ပမှုတစ်ခုဖြင့် လင်းလက်သွားခဲ့ကြလေသည်။

"ကျုပ်..."

ဝေ့ဝူယင်သည် နောက်ဆုံးတွင် အသိစိတ် အနည်းငယ် ပြန်လည် ကြည်လင်လာပုံ ရကာ၊ အလွန် ရှားပါးလှသော တွန့်ဆုတ်မှု အရိပ်အယောင် တစ်ခုဖြင့် စူးခိုင်မင် ကို လှမ်းကြည့်လိုက်လေသည်။ စိတ်အာရုံ ကိုယ်ပွား မှနေ၍ ရည်ရွယ်ချက်ရှိရှိ ထုတ်လွှတ်နေသည့် သူ၏ အင်ပါယာ ကောင်းကင် အော်ရာမှာ စက္ကန့်နှင့်အမျှ ခွန်အား လျော့ကျလာနေခဲ့ပေသည်။ ပြိုင်ဘက်များ၏ အမြင်တွင်... စူးခိုင်မင် ၏ ဖိနှိပ်မှုအပြီး၌ သူ၏ အင်ပါယာ ဥပဒေသ သည် ပြိုကျပျက်စီးလုနီးပါး အစွန်းရောက်သော အပြောင်းအလဲများကို ခံစားနေရခြင်း ဖြစ်ပေသည်။ မည်သို့ပင်ဆိုစေ၊ တွန့်ဆုတ်ခြင်း ဆိုသည်မှာ အရှိန်အဟုန် ကို ရပ်တန့်သွားစေတတ်သည် မဟုတ်ပါလော ဟု မှန်းဆရပေသည်။

"ကျုပ်... ကျုပ်..."

ဝေ့ဝူယင်သည် သူ၏ ထစ်ငေါ့နေသော စကားလုံးများကို ရပ်တန့်လိုက်ပြီး၊ လေကို ပြင်းပြင်း ရှူသွင်းလိုက်လေသည်။

"ခင်ဗျားတို့က ကျုပ်ရဲ့ အင်ပါယာ ထဲမှာ ဌာနခွဲ တစ်ခု တည်ထောင်ချင်တယ်ပေါ့..."

ရုတ်တရက်... သူသည် မူလ တက်ကြွမှုနှင့် အင်ပါယာ ဟန်ပန်ကို ပြန်လည် ရရှိသွားပြီး၊ အုပ်စိုးသူ ဘုရင်များ အားလုံး စနစ်တကျ ကျင့်ကြံထားသင့်သော ဘုရင်တစ်ပါး၏ အော်ရာကို ပြန်လည် ထုတ်လွှတ်လိုက်လေသည်။

"ဌာနခွဲ ခုနစ်ခု ပါ..."

မိုးကုပ်စက်ဝိုင်း သန့်စင်ခြင်း က မဲ့ပြုံးတစ်ခုဖြင့် ရှင်းလင်းပြောဆိုလိုက်လေသည်။

"ရပါတယ်... တကယ်လို့ မင်းက ကြောက်ရွံ့နေပြီး ယုံကြည်မှု ကင်းမဲ့နေမယ် ဆိုရင်တော့... တရားမျှတမှု ရှိသွားအောင် မင်းကို အားသာချက်လေး တစ်ခု ပေးလို့ ရပါတယ်... မင်းဆီကနေ အများကြီး အမြတ်မထုတ်ချင်ပါဘူး..."

"..."

လူတိုင်းက ဝေ့ဝူယင်ကို တိတ်ဆိတ်စွာ အကဲခတ်နေကြလေသည်။ ထိုစကားလုံးများမှာ ထက်မြက်လှပြီး၊ နှလုံးသားကို ရှာဖွေတိုက်ခိုက်သော လက်နက်တစ်ခု အလား သူ၏ အတ္တဆီသို့ တည့်တည့်မတ်မတ် ဦးတည်နေခဲ့ပေသည်။

အချိန်အတန်ကြာပြီးနောက်၊ ဝေ့ဝူယင်၏ မျက်လုံးများ ကျဉ်းမြောင်းသွားကာ စူးခိုင်မင် ကို စူးရဲစွာ ကြည့်လိုက်လေသည်။

"တစ်နေ့နေ့ တစ်ချိန်ချိန်ကျရင်... မင်း ငါ့အောက်မှာ ရောက်နေစေရမယ်... အထိန်းအကွပ်မဲ့တဲ့ သာယာမှုတွေနဲ့ ညည်းတွားနေစေရမယ်... ရပ်မသွားဖို့ ငါ့ကို တောင်းပန်နေစေရမယ်..."

သူသည် ထိုစကားလုံးများကို စိတ်ပိုင်းဆိုင်ရာ ဆက်သွယ်မှုမှတစ်ဆင့် ပြောဆိုခဲ့ခြင်း ဖြစ်သော်လည်း၊ တာအို ဥပဒေ ထိန်းသိမ်းသူများ နှင့် မိုးကုပ်စက်ဝိုင်း ကြီးထွားခြင်း တို့က ဖမ်းဆုပ်မိသွားခဲ့ကြ၏။ သူတို့၏ မျက်နှာအမူအရာများမှာ ဒေါသနှင့် ရယ်မောချင်စိတ်များ ရောယှက်နေခဲ့ပေသည်။ တာအို ဥပဒေ ထိန်းသိမ်းသူများက သူတို့၏ မိုးကုပ်စက်ဝိုင်းများ ကို အသိပေးလိုက်ရာ၊ အရောင်အသွေး စုံလင်သော မျက်နှာအမူအရာများ ဆက်တိုက် ဖြစ်ပေါ်လာစေခဲ့လေသည်။

စူးခိုင်မင်ကလည်း ဂရုမစိုက်သည့်အလား ပြုံးလိုက်လေသည်။ မည်မျှ စိတ်ကူးယဉ်ဆန်လိုက်သနည်း။

"ခင်ဗျားတို့က ဒါကို လောင်းချင်တယ်ပေါ့လေ... ကောင်းပြီလေ... ဒါဆိုရင် တန်းတူညီမျှတဲ့ အရာတစ်ခုကို လောင်းဖို့ ခင်ဗျားတို့ ဆန္ဒရှိမရှိ ဆိုတာကို ကြည့်ကြတာပေါ့..."

ဝေ့ဝူယင်က ပြောလိုက်သော်လည်း တည်ငြိမ်မှု အချို့ကို ဆုံးရှုံးသွားခဲ့ကြောင်း ရှင်းလင်းနေခဲ့ပေသည်။

"တကယ်လို့ ကျုပ်က ခင်ဗျားတို့ရဲ့ အဂ္ဂိရတ်ပညာ ကို အနိုင်ယူနိုင်ခဲ့ရင်၊ အာရုဏ်ဦး အဂ္ဂိရတ် ရှန့်ထို ဖြစ်တဲ့ ကျုပ်က မျှော်စင် တစ်ခု တည်ဆောက်ခွင့် ရရမယ်... ကျုပ်ရဲ့ မျှော်စင် ပေါ့..."

"အာရုဏ်ဦး မိုးကုပ်စက်ဝိုင်း မျှော်စင် နဲ့ ကျုပ်က ကျုပ်ရဲ့ အင်ပါယာ အတွက် ဂလက်ဆီ နယ်မြေ အစိတ်အပိုင်း တစ်ခုကို သိမ်းပိုက်မယ်... ဂလက်ဆီဇုံ အသစ် တစ်ခုပေါ့..."

"ကျုပ် လိုချင်တဲ့ ဘယ်နေရာမှာမဆိုပဲ..."

"..."

"..."

"...”

'ဒီကောင်းကင် ရှန့်ထို အဂ္ဂိရတ်ပညာရှင်တွေက သူတို့ရဲ့ ကိုယ်ကျိုးစီးပွားကိုပဲ ဂရုစိုက်တဲ့ အကျင့်ပျက်တွေနဲ့ လောင်းကစားသမားတွေပဲ... မျှော်လင့်ထားပြီးသား ဖြစ်ပေမယ့်၊ သူတို့ကို လမ်းကြောင်းပြောင်းရတာ လွယ်ကူတယ်... သူရဲကောင်း တာအို နန်းတော်နဲ့ ပတ်သက်ပြီး သူတို့ ကျင်းပခဲ့တဲ့ လျှို့ဝှက် ကစားပွဲက အခြားသူတွေရဲ့ အသက်တွေနဲ့ ကံကြမ္မာတွေကို ထည့်သွင်းစဉ်းစားတဲ့ နေရာမှာ သူတို့ရဲ့ အေးစက်မှု၊ ရက်စက်မှုတွေက အဲ့တာကို သက်သေပြနေတဲ့ လက္ခဏာတစ်ခုပဲ... ရယ်စရာကောင်းတာက သူတို့ဟာ သူတို့ရဲ့ စည်းစိမ်ချမ်းသာနဲ့ နည်းလမ်းတွေအပေါ် အလွန်အမင်း ယုံကြည်ချက် ရှိနေကြတာပဲ... ကြီးမားတဲ့ လောင်းကြေးတွေနဲ့ ကစားပွဲတွေကို ဆော့ကစားရတာကို သဘောကျပြီး သူတို့ကိုယ်သူတို့ တားဆီးလို့မရဘူးလို့ ထင်မှတ်နေကြတယ်...'

ဝေ့ဝူယင် စိတ်ထဲမှ ပြုံးလိုက်မိလေ၏။

အစွမ်းကုန် ပေါင်းစည်းခြင်း စိတ်အာရုံ နယ်မြေ အတွင်း၌၊ မိုးကုပ်စက်ဝိုင်း ခုနစ်ပါးစလုံးတွင် သူတို့၏ တာအို ဥပဒေ ထိန်းသိမ်းသူများ အပါအဝင် အခြားသူများ မသိရှိသော အထူးပြုချက် တစ်ခု ရှိနေသည်။ ၎င်းမှာ နယ်မြေ အတွင်း စိတ်ပိုင်းဆိုင်ရာ ဆက်သွယ်မှုများမှတစ်ဆင့် ဆက်သွယ်နိုင်သော ထူးခြားသည့် နည်းလမ်းတစ်ခု ပင် ဖြစ်လေသည်။ စိတ်ပိုင်းဆိုင်ရာ ဆက်သွယ်မှု ပြုလုပ်ခြင်း ဆိုသည်မှာ လျှို့ဝှက် အာဏာရှင် အဆင့်များ အတွက်ပင် အလွန်အမင်း လက်ခံနိုင်ဖွယ် မရှိသော လုပ်ရပ်တစ်ခု ဖြစ်သည်။ အဘယ်ကြောင့်ဆိုသော် စိတ်ပိုင်းဆိုင်ရာ စွမ်းအင် ဖလှယ်ခြင်းသည် စိတ်ပိုင်းဆိုင်ရာ ပျက်စီးယိုယွင်းမှုများနှင့် ပြင်ပမှ သဘာဝမကျသော အတွေးအမြင်များကို ပါဝင်လာစေနိုင်သောကြောင့် ပင် ဖြစ်ပေသည်။

ပုံမှန်အားဖြင့်၊ အသံမဲ့ ဆက်သွယ်မှုများ ပြုလုပ်နိုင်စွမ်းရှိသော အဆင့်ရှိ ကျင့်ကြံသူများသည် ဝိညာဉ် အာရုံ နှင့် ဝိညာဉ် စွမ်းအင် တို့ကို အားကိုးလေ့ရှိကြသည်။ ဝိညာဉ် သတင်းစားကို လက်ခံရရှိပြီးနောက် ကျင့်ကြံသူများသည် ကျင့်ကြံခြင်း ဝိညာဉ် မှတစ်ဆင့် လုပ်ဆောင်ကာ၊ ဖြစ်လာနိုင်ချေရှိသော အဆိပ်အတောက်များကို စစ်ထုတ်ပေးသည့် ခန္ဓာကိုယ် အင်္ဂါအစိတ်အပိုင်း တစ်ခုအလား၊ အသိစိတ် ပင်လယ် အတွင်းသို့ ဘေးကင်းစွာ ပြောင်းလဲ သယ်ဆောင်သွားလေ့ ရှိကြလေသည်။

သို့သော် အဂ္ဂိရတ် ဝိညာဉ် တစ်ခု ရှိသော အဂ္ဂိရတ်ပညာရှင်များသည်၊ ပြင်ပ စိတ်ပိုင်းဆိုင်ရာ စွမ်းအင်များကို လက်ခံရရှိမှုကြောင့် ဖြစ်ပေါ်လာနိုင်သော စိတ်ပိုင်းဆိုင်ရာ ဝေဒနာများ သို့မဟုတ် သဟဇာတ မဖြစ်မှုမျိုး လုံးဝ မရှိဘဲ၊ နှစ်ဖက်စလုံးအတွက် အမြင့်ဆုံးသော ဘေးကင်းမှုဖြင့် စိတ်ပိုင်းဆိုင်ရာ ဆက်သွယ်မှုများကို လုပ်ဆောင်နိုင်စွမ်း ရှိကြပေသည်။ ၎င်းမှာ အဓိကအားဖြင့် သူတို့၏ အဂ္ဂိရတ် စွမ်းအင်များ၏ အန္တရာယ် မရှိသော သဘာဝ ကြောင့် ပင် ဖြစ်လေသည်။

ဧဒင်သည် ဤစွမ်းရည်ကို လွန်ခဲ့သည့် နှစ်ပေါင်းများစွာကတည်းက ပိုင်ဆိုင်ထားခဲ့ပြီး ဖြစ်သည်။ ဤသည်မှာ စိတ် တာအို တွင် ဧဒင် ၏ မွေးရာပါ ပါရမီ နှင့် ဝေ့ဝူယင်၏ ထူးကဲသော အဂ္ဂိရတ် ပါရမီ တို့ ပေါင်းစပ်ထားသည့် လက္ခဏာတစ်ခု ဖြစ်ပြီး၊ ၎င်းကို သဘာဝအလျောက်နှင့် ဗီဇအရ ပွင့်လန်းလာစေရန် ခွင့်ပြုပေးခဲ့ခြင်း ပင် ဖြစ်ပေသည်။

သို့သော်... သာမန် အဂ္ဂိရတ်ပညာရှင်များ အတွက်မူ၊ စိတ်ပိုင်းဆိုင်ရာ ဆက်သွယ်မှုများနှင့် အဂ္ဂိရတ် စွမ်းအင်များ မှတစ်ဆင့် ဆက်သွယ်နိုင်ရန်အတွက် လုံလောက်သော နားလည်သဘောပေါက်မှု အဆင့်တစ်ခုသို့ ရောက်ရှိရန် လိုအပ်သည်။ ယေဘုယျအားဖြင့် ကောင်းကင် ရှန့်ထို အဂ္ဂိရတ်ပညာရှင်များ သာလျှင် ထိုအတိမ်အနက်နှင့် စွမ်းရည် ကို ပိုင်ဆိုင်ထားကြပေသည်။ ဤကဲ့သို့သော ဆက်သွယ်မှု အမျိုးအစားများသည် သဘာဝအရ စိတ်ချင်းဆက်သွယ်ခြင်း မျိုး ဖြစ်သောကြောင့်၊ ခြေရာခံ၍ မရနိုင်ချေ။ အထွတ်အထိပ် သူတော်စင်များ ၏ ဝိညာဉ် အာရုံခံနိုင်စွမ်း ဖြင့်ပင်လျှင် ခြေရာခံ၍ မရနိုင်ပေ။

ဤသည်မှာ အမြင့်ဆုံးသော လျှို့ဝှက်မှုဖြင့် ဆက်သွယ်ရန် မိုးကုပ်စက်ဝိုင်းများ ၏ နည်းလမ်း ပင် ဖြစ်လေသည်။ အစွမ်းကုန် ပေါင်းစည်းခြင်း စိတ်အာရုံ နယ်မြေ ကို အန္တရာယ်ကင်းသော စိတ်ပိုင်းဆိုင်ရာ နယ်မြေ တစ်ခု တည်ဆောက်ခြင်း ဟူသော အခြေခံ သဘောတရားအပေါ်တွင် တည်ဆောက်ထားခြင်း ဖြစ်ပေသည်။ ဤအရာကပင် ဝေ့ဝူယင်ကို စွဲဆောင်သွားစေပြီး သူ၏ အာရုံစိုက်မှုကို ဖမ်းစားသွားခဲ့ခြင်း ပင် ဖြစ်လေသည်။

သူတို့အတွက် ကံဆိုးစွာပင် ဧဒင် အာကာရှစ် အဂ္ဂိရတ် ဝိညာဉ် တစ်ခု ဖြစ်သည်။ ၎င်းက မည်သည့် စိတ်ပိုင်းဆိုင်ရာ ဆက်သွယ်မှုမျိုးကို မဆို အလွယ်တကူပင် ခြေရာခံနိုင်စွမ်း ရှိသည်။ ပြောရလျှင်... စိတ်ပိုင်းဆိုင်ရာ ဆက်သွယ်မှုများ ဆိုသည်မှာ စိတ်၏ အတွေးများ သက်သက်သာ ဖြစ်ပေသည်။

***

အပိုင်း(၂၃၆၂)

ဝေ့ဝူယင် တစ်ယောက် အင်ပါယာ ဥပဒေသ ကျင့်ကြံသူ တစ်ဦးနှင့် လိုက်ဖက်ညီစွာပင် ရန်လိုသည့် တောင်းဆိုမှုကို ထုတ်ဖော်လိုက်စဉ်... မိုးကုပ်စက်ဝိုင်းများသည် တိတ်ဆိတ်ကာ တွေးတောနေပုံ ရသည့်တိုင် စိတ်ပိုင်းဆိုင်ရာ ဆက်သွယ်မှုများမှတစ်ဆင့် အလွန် လျှင်မြန်စွာ ဆက်သွယ်နေခဲ့ကြပေသည်။

'ဟား ဟား ဟား... မြင်လား... ခန့်မှန်းရ လွယ်ပါတယ်...'

မိုးကုပ်စက်ဝိုင်း သန့်စင်ခြင်း သည် အရှိန်အဟုန်ကို ပြန်လည် ရယူရန် ဝေ့ဝူယင် လုံးပန်းနေရသည့် မြင်ကွင်းကို ကြည့်ရှုခံစားနေခဲ့လေသည်။ သူ၏ မျက်စိထဲတွင် ဝေ့ဝူယင်သည် စွမ်းအားကြီးမားနိုင်သော်လည်း၊ သူ၏ အတ္တ ကြောင့် ချည်နှောင်ခံထားရသည်။ ထို့ကြောင့် အနည်းငယ် ပို၍ သန်မာသော မျောက်ဝံ တစ်ကောင်ထက် ပိုမိုခြင်း မရှိဟု မြင်နေပေသည်။

'မင်း သူ့ကို နည်းနည်းလေး ဖိနှိပ်လိုက်တာနဲ့ သူက ငါတို့ရဲ့ ထောင်ချောက်ထဲကို ကျဆင်းဖို့ အဆင်သင့် ဖြစ်နေပြီ... သူ ဒီနေ့အထိ ဘယ်လိုများ အသက်ရှင်နေနိုင်ခဲ့လဲ ဆိုတာ တကယ်ကို အံ့သြစရာပဲ... ဒါ့အပြင် သူ့ရဲ့ အကြံအစည်တွေ ဆိုတာကလည်း... အခြေခံကျလွန်းပြီး အမှားတွေ ပြည့်နေတာပဲ...'

မိုးကုပ်စက်ဝိုင်း ပေါင်းစပ်ခြင်း က စိတ်ပျက်မှုဖြင့် စိတ်ထဲတွင် ခေါင်းခါယမ်းလိုက်လေသည်။

'ဒါတွေ အားလုံးက ကောင်းကင် ရှန့်ထို ကြီးထွားခြင်းရဲ့ ကျေးဇူးတွေပါပဲ... မင်း ပြောတာ မှန်တယ်... ငါ လုပ်ရမှာက သာလွန်မှု နည်းနည်းလေး ပြသလိုက်ဖို့ပဲ၊ ပြီးတော့ သူ့ရဲ့ ကိုယ်ရည်ကိုယ်သွေး က နောက်ဆုတ်ဖို့ ငြင်းဆန်လိမ့်မယ်၊ သူ့ရဲ့ သံချပ်ကာမှာ ဟာကွက်တစ်ခု ဖန်တီးပေးလိမ့်မယ်... သူက နောက်ဆုတ်လို့မရတဲ့ အနေအထား တစ်ခုကို ရောက်နေပြီ...'

စူးခိုင်မင်သည် ဤနယ်ခြားသားကို အစွန်းတစ်ဖက်သို့ တွန်းပို့ရာတွင် တာဝန်ရှိသူကို လေးစားစွာဖြင့် ဂုဏ်ပြုစကား ပြောကြားလိုက်လေသည်။

'အင်ပါယာ ဘုရင်တွေ ဆိုတာက... သေးငယ်တဲ့ သတ္တဝါလေးတွေ သက်သက်ပါပဲ... မင်းဘာသာမင်းလည်း ဒါကို တွေးမိနိုင်ပါတယ်... ကောင်းကင်ရှန့်ထို အဆုံးမဲ့ ထိန်းချုပ်ခြင်း...'

မိုးကုပ်စက်ဝိုင်း ကြီးထွားခြင်း ၏ အသံသည် ကျား၊ မ ခွဲခြားရ ခက်သော်လည်း၊ ၎င်းသည် ပူပြင်းသော နွေရာသီ အလယ်ရှိ ရေအေး တစ်ခွက်၊ သို့မဟုတ် ဆီးနှင်းမုန်တိုင်း အလယ်ရှိ ချောကလက်ပူပူ တစ်ခွက်အလား သက်သောင့်သက်သာ ရှိလှပေသည်။

'တာအိုမိတ်ဆွေ စု ရဲ့ တည်နေရာက အရေးကြီးသလို သူ့ရဲ့ လျှို့ဝှက်ချက်တွေကို ရယူဖို့ကလည်း အရေးကြီးပါတယ်... ဒါပေမယ့် သိသာထင်ရှားတဲ့ အန္တရာယ် မရှိဘဲ သူ့ရဲ့ စွမ်းဆောင်ရည်ကို အလွယ်တကူ ပုံတူကူးယူနိုင်ဖို့ အခွင့်အရေး အများကြီး မရှိနိုင်ဘူး... ဝင်စားခြင်း ကို ဘယ်သူက မကြိုးစားဖူးလို့လဲ... တာအိုမိတ်ဆွေစုက အောင်မြင်ခဲ့တဲ့ တစ်ဦးတည်းသော ပုဂ္ဂိုလ် မဟုတ်ဘူး ဆိုပေမဲ့ နောက်ပိုင်းမှာ ကျယ်ကျယ်ပြန့်ပြန့် ပျံ့နှံ့လာတဲ့ တခြား နည်းလမ်းတွေက အများဆုံးမှ အောင်မြင်နိုင်ခြေ အပုံတစ်သန်းပုံ တစ်ပုံလောက်နဲ့သာ ရရှိနိုင်တာမျိုးပဲ... '

‘ဘာပဲ ဖြစ်ဖြစ်... အခု ဒီဘဝင်ရူးက ငါတို့ သေချာ ပြင်ဆင်ထားတဲ့ တွင်းဝရဲ့ အစွန်းကို ရောက်နေပြီ... ပြီးတော့ သူက သူ့သဘောဆန္ဒ အလျောက် ခုန်ဆင်းဖို့ အသင့်ဖြစ်နေပြီ...'

မိုးကုပ်စက်ဝိုင်း ပေါင်းစပ်ခြင်း က ကြမ်းတမ်းစွာ မှတ်ချက်ပြုလိုက်လေသည်။

'တာအိုမိတ်ဆွေစု ရဲ့ လျှို့ဝှက်ချက်တွေက အရေးပါတယ် ဆိုပေမဲ့ အခြေအနေတိုင်းမှာ အသုံးဝင်နေတာ မဟုတ်ဘူးလို့ ငါတောာ့ ထင်တယ်... တကယ်တမ်း ငါ လိုချင်တာက တဒင်္ဂ နယ်မြေ ဓား ပဲ... အဲဒီအဆင့်ရှိတဲ့ ဓား တစ်လက်ကို သန့်စင်နိုင်မယ်ဆိုရင်၊ အဂ္ဂိရတ် ဝိညာဉ်တွေ ရှိတဲ့ ငါတို့အတွက် ပဲ့တင်ထပ် ဝိညာဉ် အဆင့် ကို တက်လှမ်းရမယ့် စိန်ခေါ်မှုကို ခုခံဖို့ ပိုလွယ်ကူတဲ့ အချိန်တစ်ခုကို ရရှိစေနိုင်တယ်...'

မိုးကုပ်စက်ဝိုင်း ထုတ်ယူခြင်း က သူ၏ ကျင့်ကြံခြင်း တိုးတက်စေမည့် လမ်းကြောင်းတစ်ခုကို ရှာဖွေရင်း တုံ့ပြန်လိုက်လေသည်။ အဂ္ဂိရတ် ဝိညာဉ် ကျင့်ကြံသူ တစ်ဦးအနေဖြင့်၊ ကပ်ဘေးများမှာ စိတ်ကူးဖြင့်ပင် မှန်းဆ၍မရနိုင်လောက်အောင် ခက်ခဲလှသည်။ မိုးကုပ်စက်ဝိုင်းများ သည် ထူးကဲသော ကျင့်ကြံသူများ ဖြစ်ကြသော်လည်း၊ ကျင့်ကြံခြင်း အဆင့်များ တွင် ပြင်းထန်သော ကွာဟချက် တစ်ခု ရှိနေခဲ့ပေသည်။

မကြာသေးမီကမှ သမိုင်းတစ်လျှောက် အသက် အငယ်ဆုံး ကောင်းကင် ရှန့်ထို အဂ္ဂိရတ်ပညာရှင် ဖြစ်သော မိုးကုပ်စက်ဝိုင်း အသွင်ပြောင်းခြင်းသည် မူလ တရားသူကြီး တစ်ပါးဖြစ်သည့် ကောင်းကင် ရှန့်ထို အဆင့် တွင်သာ ရှိနေသေးသည်။ ကျန်ရှိသူများမှာလည် လျှို့ဝှက် အရှင်များ သို့မဟုတ် အာဏာရှင် ရှန့်ထို အဆင့် တွင်သာ ရှိနေကြလေသည်။ သူတို့အထဲတွင် အစစ်အမှန် သူတော်စင် တစ်ပါးမျှ မရှိခဲ့ချေ။ မိုးကုပ်စက်ဝိုင်း ကြီးထွားခြင်းမှာ တစ်ခုတည်းသော ခြွင်းချက် ဖြစ်သည်။

အစစ်အမှန် သူတော်စင် အဆင့် အဂ္ဂိရတ်ပညာရှင်များ မရှိဘူးဟု ဆိုလိုခြင်း မဟုတ်ချေ။ အမှန်တကယ် ရှိလေသည်။ ကောင်းကင် သူတော်စင် မျှော်စင် ခုနစ်ခု သည် အတိအကျပင် ထိုအရာများ ဖြစ်ကြသည်။ သူတို့ထဲမှ အများစုသည် သူတော်စင်များ၊ ဉာဏ်အလင်းရ သူတော်စင်များ နှင့် အထွတ်အထိပ် သူတော်စင်များ ဖြစ်ကြပေသည်။ ထိုအထဲတွင် ယင်-ယန် ကောင်းချီး ဆေးလုံးများ ၏ ပိုမို ခမ်းနားသည့် မျိုးကွဲဖြစ်သည့် ယင်-ယန် တာအို ပေါင်းစည်းခြင်း ဆေးလုံးများ ကို ဖန်တီးခဲ့သော မဟာ ပေါင်းစည်းခြင်း သူတော်စင် မျှော်စင် လည်း ပါဝင်သည်။ ထိုဆေးလုံးများက နက်ပစ် ကို နတ်ပရီ ၏ နဂါး ရင်ခွင်ပေါ်တွင် သက်သောင့်သက်သာ စီးနင်းလိုက်ပါရင်း သူတော်စင် တစ်ပါးအဖြစ် တက်လှမ်းနိုင်ရန် ခွင့်ပြုပေးခဲ့ခြင်း ပင် ဖြစ်လေသည်။

သို့သော်လည်း... ကောင်းကင် သူတော်စင် မျှော်စင်များသည် သူတို့၏ သွေးမျိုးဆက်များ နှင့် အဂ္ဂိရတ် ဝိညာဉ်များ ကင်းမဲ့နေမှု နှစ်ခုစလုံးကြောင့် ယုတ်ညံ့သည်ဟု သတ်မှတ်ခံခဲ့ရပေသည်။

သို့သော်... အဂ္ဂိရတ် ဝိညာဉ် တစ်ခုနှင့်ဆိုလျှင်၊ လျှို့ဝှက် တက်လှမ်းခြင်း အဆင့် ၏ အစစ်အမှန် သူတော်စင် အဆင့် သို့ တက်လှမ်းရန်မှာ ငရဲဘုံအလား ခက်ခဲလွန်းလှပြီး၊ မဖြစ်နိုင်လုနီးပါးပင် ရှိလေသည်။ မိုးကုပ်စက်ဝိုင်းများသည် အနားယူသွားသောအခါ၊ ပိုမို မြင့်မားသော အဆင့်သို့ တက်လှမ်းရန် နည်းလမ်းများကို မကြာခဏ ရှာဖွေလေ့ရှိကြသည်။ ဤသည်မှာ မိုးကုပ်စက်ဝိုင်း အများစုက သူတော်စင်အဆင့် ၏ အောက်တွင် ရှိနေရခြင်း၏ အကြောင်းရင်း ပင် ဖြစ်ပေသည်။ ထို့အပြင်... အစွမ်းကုန် သန့်စင်ခြင်း ဂလက်ဆီ တွင် လူသိများသော်လည်း နှုတ်မှ မထုတ်ဖော်ကြသော လျှို့ဝှက်ချက် တစ်ခုလည်း ရှိသည်။

ယခင် မိုးကုပ်စက်ဝိုင်းများသည် အနားယူသွားသောအခါ၊ သူတို့သည် ပိုမို မြင့်မားသော အဆင့်သို့ တက်လှမ်းရန်နှင့် သူတို့၏ သက်တမ်း နှင့် ဝိညာဉ် သက်တမ်း ကို တိုးချဲ့ရန်အတွက် သူတို့၏ အဂ္ဂိရတ် ဝိညာဉ်များကို အသွင်ပြောင်းခြင်းများ ပြုလုပ်ကာ၊ ခြားနားသည့် လမ်းစဉ် ကျင့်ကြံသူများ အဖြစ်သို့ ကူးပြောင်းသွားကြလေသည်။ အကျိုးဆက် အနေဖြင့်... သူတို့သည် သူတို့၏ အဂ္ဂိရတ်တာအို၏ အစွန်းရောက်သော အားသာချက်များကို ဆုံးရှုံးသွားကြပြီး မကြာခဏဆိုသလို အစစ်အမှန် ကောင်းကင် အဂ္ဂိရတ် ရှန့်ထို အဖြစ်မှ ကျဆင်းသွားလေ့ ရှိကြပေသည်။

သမိုင်းကြောင်းအရ... ကောင်းကင် သူတော်စင် မျှော်စင် ခုနစ်ခုကို အဂ္ဂိရတ် ဂုဏ်ကျက်သရေမှ ကျဆင်းသွားခဲ့သော မိုးကုပ်စက်ဝိုင်းဟောင်း တစ်ပါးက တည်ထောင်ခဲ့ခြင်း ဖြစ်သည်။ သွေးမျိုးဆက်များ မွေးဖွားလာသည်နှင့်အမျှ ၎င်းသည် နောက်ပိုင်းတွင် မိုးကုပ်စက်ဝိုင်း မျှော်စင် ခုနစ်ခုကို အနည်းငယ် ရန်လိုသော အင်အားစု တစ်ခု ဖြစ်လာခဲ့လေသည်။

ဂလက်ဆီ၏ ကျင့်ကြံသူ အများစုက ၎င်းတို့ကို မျှော်စင်များအဖြစ် တရားဝင် အသိအမှတ် မပြုကြသော်လည်း... အဂ္ဂိရတ် အားသာချက်များ အတွက် ကိုယ်ပိုင် စွမ်းအားကို စွန့်လွှတ်ရန် မလိုသော ထူးခြားသည့် အစားထိုး ရွေးချယ်စရာ လမ်းကြောင်း တစ်ခုကို သူတို့က ပေးစွမ်းခဲ့ပေသည်။ ၎င်းသည် လူအများစု ကျင့်သုံးကြသော အစွမ်းကုန် သန့်စင်ခြင်း ဂလက်ဆီ ၏ အမှတ်တံဆိပ် မဟုတ်သည့် အဂ္ဂိရတ် တာအို တစ်ခုအဖြစ် လုပ်ဆောင်ပေးလေသည်။

သူတို့၏ အဂ္ဂိရတ်ပညာရှင် အရေအတွက် အကြမ်းဖျင်းမှာ မိုးကုပ်စက်ဝိုင်း မျှော်စင် ခုနစ်ခု ထက် ကျော်လွန်နေသော်လည်း၊ သူတို့သည် အထက်ပိုင်း အဆင့်များရှိ တိုက်ပွဲတိုင်းတွင် ထပ်ခါတလဲလဲ ရှုံးနိမ့်နေခဲ့ကြပြီး မိုးကုပ်စက်ဝိုင်း မျှော်စင် ခုနစ်ခု ၏ အဂ္ဂိရတ် ဝိညာဉ် ကျင့်ကြံခြင်း လမ်းကြောင်းသည်သာ အဂ္ဂိရတ် တာအို ၏ အစစ်အမှန် လမ်းကြောင်း ဖြစ်ကြောင်းကို ပိုမို ခိုင်မာသွားစေခဲ့လေသည်။ ဤသို့ဖြစ်လင့်ကစား... သူတို့၏ တည်ရှိမှုက အဂ္ဂိရတ် တာအို ယဉ်ကျေးမှုကို ပိုမို အားကောင်းလာစေရန် ကူညီပေးခဲ့ပေသည်။

မိုးကုပ်စက်ဝိုင်းများ ၏ မျက်လုံးများထဲတွင်... ဝေ့ဝူယင်သည်လည်း အလားတူ အဂ္ဂိရတ် ရှန့်ထို တစ်ပါးသာ ဖြစ်သည်။ သူသည် အသန့်စင်ဆုံး အဂ္ဂိရတ် တာအိုထက် ခွန်အားနှင့် နယ်မြေကိုသာ လိုက်စားနေသောကြောင့် သူတို့၏ အဆင့်အတန်းနှင့် အနည်းငယ်မျှပင် နီးစပ်ခြင်း မရှိချေ။ သူ့အတွက် အနိုင်ရရန် အခွင့်အရေး လုံးဝ မရှိခဲ့ပေ။

'ငါတို့က တာအိုမိတ်ဆွေ စု ရဲ့ တည်နေရာထက် ပိုမြင့်တဲ့ လောင်းကြေးတစ်ခုကို လောင်းဖို့ သူ့ကို တွန်းအားပေးခဲ့ပြီးပြီ... ပြီးတော့ မိုးကုပ်စက်ဝိုင်း ကြီးထွားခြင်း ပြောခဲ့သလိုပဲ၊ သူက သူ့ရဲ့ အကျိုးအမြတ်တွေကို ငါတို့ကို မောက်မာစွာ ဆုံးဖြတ်ခိုင်းချင်နေပေမယ့် လောင်းကြေးကို အဆက်မပြတ် မြှင့်တင်နေတယ်... သူ့ကိုယ်သူ ရူးနေတဲ့ အကြောင်း သဘောပေါက် မသွားခင် ငါတို့ မြန်မြန် လုပ်ကြစို့...'

မိုးကုပ်စက်ဝိုင်း သန့်စင်ခြင်းသည် အစွန်းရောက်လွန်းအောင် စိတ်အားထက်သန်နေပြီး၊ ဝေ့ဝူယင်၏ မျက်နှာကို ကြည့်ကာ ရယ်မောချင်သော သူ၏ ဆန္ဒကို အနိုင်နိုင် ထိန်းချုပ်ထားရလေသည်။

အစပိုင်းတွင် ဝေ့ဝူယင်သည် ညှိနှိုင်းမှုများ၌ အားသာချက် တစ်ခုဖြင့် လောင်းကြေးထပ်နေခဲ့သော်လည်း၊ သူတို့သည် သူ၏ အရှိန်အဟုန်ကို ဖြိုခွဲပစ်ခဲ့ပြီး တိုးမြှင့်ထားသော လောင်းကြေးတစ်ခုကို လက်ခံလာစေရန်ပင် မျှားခေါ်နိုင်ခဲ့လေသည်။ ဤသည်မှာ မြေကြီးကို ကြီးစိုးအုပ်ချုပ်ပြီး ကောင်းကင်ဘုံ၏ အာဏာပိုင်များကိုပင် ယှဉ်ပြိုင်နိုင်စွမ်းရှိသည်ဟု ယုံကြည်နေကြသော အင်ပါယာ ဆိုသူများကို ကြိုးကိုင်ခြယ်လှယ်ရာတွင် အကောင်းဆုံးသော သာဓကတစ်ခု ပင် ဖြစ်ပေသည်။

မိုးကုပ်စက်ဝိုင်း အသွင်ပြောင်းခြင်း သည် မျက်တောင်တစ်ချက် ခတ်လိုက်လေသည်။ အငယ်ဆုံးသူ တစ်ဦးအနေဖြင့်၊ သူသည် အခြေအနေများကို အကဲခတ်နေသည့် တစ်ပြိုင်နက်တည်းမှာပင် အဂ္ဂိရတ် တာအို ရှိ သူ၏ လုပ်ဖော်ကိုင်ဖက်များသည် ပုံမှန်မဟုတ်လောက်အောင် ကောက်ကျစ်စဉ်းလဲပြီး ကြိုးကိုင်ခြယ်လှယ်တတ်ကြောင်းကို သဘောပေါက်သွားခဲ့လေသည်။ အတွေ့အကြုံ မရှိမှုကြောင့် သူ ဒုက္ခမရောက်ရလေအောင် အနာဂတ်တွင် သတိထားရန် လိုအပ်ပေသည်။

"တန်းတူညီမျှတယ် ဟုတ်လား..."

မိုးကုပ်စက်ဝိုင်း ပေါင်းစပ်ခြင်း က ခေါင်းခါယမ်းရင်း ပြောလိုက်လေသည်။

"အဲဒါက တန်းတူညီမျှတယ်လို့ သတ်မှတ်ဖို့ ငါတို့ဘက်က ဆုံးရှုံးမှု အရမ်း များလွန်းတယ်... ဘယ်လိုပဲ ဖြစ်ဖြစ် မင်းရဲ့ အင်ပါယာက မျှော်စင် ဆိုတဲ့အရာ တစ်ခု တည်ဆောက်လိုက်တာနဲ့ ငါတို့ရဲ့ အဂ္ဂိရတ် တာအို ကို မှေးမှိန်သွားစေလိမ့်မယ်... ကောင်းကင် ရှန့်ထို အဂ္ဂိရတ်ပညာရှင် ခုနစ်ပါးဖြစ်တဲ့ ငါတို့က မင်းရဲ့ အင်ပါယာထဲမှာ ဌာနခွဲတွေ တည်ထောင်တာက မင်းရဲ့ အင်ပါယာကို မယုံကြည်နိုင်လောက်တဲ့ အဆင့်တွေအထိ တိုးတက်လာစေဖို့ပဲ ခွင့်ပြုပေးလိမ့်မယ်..."

ထိုစကားလုံးများကို နားထောင်ရသည်မှာ စူးရှနာကျင်စေသော်လည်း၊ မိုးကုပ်စက်ဝိုင်းများသည် ထိုယုံကြည်ချက်ကို တညီတညွတ်တည်း စွဲကိုင်ထားခဲ့ကြလေသည်။ တာအို ဥပဒေ ထိန်းသိမ်းသူများပင်လျှင် အလားတူပင် ဖြစ်ပေသည်။ တစ်နည်းအားဖြင့် ဤနယ်ခြားသားသည် ထိုချီးမြှင့်မှုကို တွေးတောနေသင့်ပြီး၊ သူ့ အင်ပါယာ၏ ကံကြမ္မာအတွက် တမင်သက်သက် အရှုံးပေးသင့်လေသည်။ ဤသည်မှာ မိုးကုပ်စက်ဝိုင်း ပေါင်းစပ်ခြင်း က ရည်ညွှန်းနေသည့်အရာ ဖြစ်ပြီး၊ သူ၏ စိတ်ဓာတ်ကို ချိုးနှိမ်ကာ တွက်ချက်မှုဆိုင်ရာ ချဉ်းကပ်မှု တစ်ခုကို ဖြစ်ပေါ်စေရန် အလိုရှိနေခြင်း ပင် ဖြစ်လေသည်။

ဝေ့ဝူယင်က ခေါင်းကို ခါယမ်းလိုက်၏။

"ခင်ဗျားတို့ရဲ့ အဂ္ဂိရတ် တာအို က အလားအလာ အပိုင်းမှာ ယုတ်ညံ့တယ်၊ ကာလရှည်ကြာ တည်ရှိနေတဲ့ အမွေအနှစ် နဲ့ အရေအတွက် ပိုင်းမှာသာ သာလွန်တယ် လို့ ကျုပ် ရဲရဲကြီး ပြောရဲတယ်... ကျုပ်ရဲ့ အင်ပါယာ ထဲမှာဆိုရင် သေမျိုး တစ်ယောက် အနေနဲ့ လောကရှန့်ထို အဂ္ဂိရတ်ပညာရှင် တစ်ယောက် ဖြစ်လာနိုင်ခဲ့တဲ့ အဂ္ဂိရတ်ပညာရှင် တစ်ယောက် ရှိဖူးတယ်၊ ခင်ဗျားတို့ရဲ့ ဖော်စပ်ခြင်း စံနှုန်းတွေနဲ့အညီ သာလွန်ခြင်း အဆင့် အရည်အသွေးရှိ သေမျိုး အဆင့် အဂ္ဂိရတ် ထုတ်ကုန်တွေကို တသမတ်တည်း အောင်မြင်မှုနဲ့ ဖော်စပ်နိုင်တာ အပါအဝင်ပေါ့... အသက် တစ်ရာတောင် မပြည့်သေးတဲ့ သေမျိုး တစ်ယောက် အနေနဲ့ အားလုံးကို လုပ်ဆောင်နိုင်ခဲ့တာပါ..."

***