လုပ်ဆောင်ချက်အမှတ်သန်းလေးရာ

ဒိလိုမြင့်မားတဲ့မီးတာအိုအဆင့်နဲ့အတူ လီဖူချန်းရဲ့မီးတာအိုနတ်ဘုရားစွမ်းအားက ဒုံးပျံပမာ မြင့်တက်လာတယ်။

နတ်ဘုရားစွမ်းအားအညွှန်းကိန်း: ၁၅၀၀၀၀၊ ၁၈၀၀၀၀၊ ၂၀၀၀၀၀၊ ၂၅၀၀၀၀။

မကြာမီမှာပဲ အဆင့်နိမ့်နတ်ဘုရားကျောက်တုံးအရေအတွက်များစွာရဲ့အကူအညီနဲ့အတူ လီဖူချန်းရဲ့မီးတာအိုနတ်ဘုရားစွမ်းအားတွေက အဆင့်မြင့်နတ်ဘုရားရဲ့အကန့်အသတ်ကို လျင်မြန်စွာ ချိုးဖြတ်သွားပြီး မီတာငါးဆယ်မြင့်တဲ့ချော်ရည်ကျောက်တုံးမွန်းစတားထက် မနိမ့်ကျတော့ပါဘူး။

ဒါက အဆုံးသတ်မဟုတ်သေးဘူး။

၃၀၀၀၀၀၊ ၃၅၀၀၀၀၊ ၄၀၀၀၀၀......

နတ်ဘုရားစွမ်းအားအညွှန်းကိန်းက ၅၅၀၀၀၀အထိ မြင့်တက်ပြီးမှ ရပ်သွားတယ်။

တစ်ချိန်တည်းမှာ လီဖူချန်းရဲ့နတ်ဘုရားစိတ်ဝိညာဉ်နဲ့မီးတာအိုနတ်ဘုရားစွမ်းအားပေါင်းစပ်မှုက ငါးဆယ်ရာခိုင်နှုန်းမှငါးဆယ့်ငါးရာခိုင်နှုန်းထိ တိုးလာတယ်။

နတ်ဘုရားစွမ်းအားခွန်အားက အကြီးအကျယ်တိုးလာပြီး ပိုအားနည်းတဲ့အဆင့်နိမ့်အစစ်အမှန်နတ်ဘုရားတွေထက် မနိမ့်ကျတော့ပါဘူး။

အသက်နယ်ပယ်ရဲ့မလုံလောက်တဲ့စုဆောင်းမှုကြောင့်မဟုတ်ရင် လီဖူချန်းက အဆင့်နိမ့်အစစ်အမှန်နတ်ဘုရားတစ်‌ယောက်အဖြစ် ချိုးဖြတ်နိုင်တယ်။

ဥပဒေသနယ်ပယ်က ဥပဒေသနယ်ပယ်ဖြစ်ပြီး အသက်နယ်ပယ်က အသက်နယ်ပယ်ဖြစ်တယ်။

အသက်နယ်ပယ်က နတ်ဘုရားအဆင့်ဖြစ်တယ်။ လီဖူချန်းက အဆင့်နိမ့်အစစ်အမှန်နတ်ဘုရားတစ်ယောက်ဖြစ်ဖို့ မီးတာအိုအပေါ်ပဲ မှီခိုရင် သူ့ရဲ့အဆင့်နိမ့်အစစ်အမှန်နတ်ဘုရားအသက်နယ်ပယ်က သူ့ရဲ့ဓားတာအို၊ နေရာလပ်-အချိန်တာအိုနဲ့ ဖျက်ဆီးခြင်းတာအိုတာအိုတို့ကိုလဲ တိုးမြင့်စေလိမ့်မယ်။

ဥပဒေသနယ်ပယ်နဲ့အသက်နယ်ပယ်က တစ်ခုကိုတစ်ခုဖြည့်စွက်တယ်။ သူတို့ထဲကတစ်ခုက တိုးတက်ခဲ့ရင် အခြားတစ်ခုလဲ လျင်မြန်စွာ တိုးတက်လိမ့်မယ်။

ဒါပေမယ့် နတ်ဘုရားတစ်ယောက်မှာ ဥပဒေသနယ်ပယ်မျိုးစုံရှိနိုင်တယ်။ အဲဒါက ဘယ်လောက်များတဲ့ဥပဒေသကို နတ်ဘုရားကျင့်ကြံထားတဲ့အပေါ်မှာပဲ အဓိကမူတည်တယ်။

နတ်ဘုရားတစ်ယောက်မှာ အသက်နယ်ပယ်တစ်ခုပဲ ရှိနိုင်တယ်။

နတ်ဘုရားတစ်‌ယောက်က အဆင့်နိမ့်အစစ်အမှန်နတ်ဘုရားတစ်ယောက်ရော၊ အဆင့်မြင့်အစစ်အမှန်နတ်ဘုရားတစ်ယောက်ရောဖြစ်နိုင်တယ်လို့ ပြောဖို့က မဖြစ်နိုင်ဘူး။

အသက်နယ်ပယ်ကို ချိုးဖြတ်ဖို့ ဘယ်ဥပဒေသအပေါ်မှာ နတ်ဘုရားတွေ မှီခိုသလဲက ကိစ္စမရှိပါဘူး။ အဆင့်နိမ့်အစစ်အမှန်နတ်ဘုရားတစ်ယောက်က အဆင့်နိမ့်အစစ်အမှန်နတ်ဘုရားတစ်ယောက်ဖြစ်ပြီး အဆင့်မြင့်အစစ်အမှန်နတ်ဘုရားတစ်ယောက်က အဆင့်မြင့်အစစ်အမှန်နတ်ဘုရားတစ်ယောက်ဖြစ်တယ်။

တကယ်တော့ နတ်ဘုရားတစ်ယောက်မှာ အသက်တစ်သက်ပဲ ရှိတာ၊ အသက်အများကြီးမရှိဘူးလေ။

သာမန်ထိုးထွင်းသိမြင်မှုရှိတဲ့သူတွေအတွက်ကတော့ ဥပဒေသနယ်ပယ်က အသက်နယ်ပယ်ထက် ချိုးဖြတ်ရတာ ပိုခက်ခဲတယ်။ သူတို့ရဲ့ဥပဒေသနယ်ပယ်ချိုးဖြတ်သွားတာနဲ့ သူတို့ရဲ့အသက်နယ်ပယ်က ချက်ချင်းတိုးသွားလိမ့်မယ်။ ဒါက အဓိကအားဖြင့် သူတို့က လုံလောက်တဲ့အသက်နယ်ပယ်ကို စုဆောင်းထားလို့ပါပဲ။

လီဖူချန်းကတော့ မတူပါဘူး။ လီဖူချန်းရဲ့ထိုးထွင်းသိမြင်မှုက သန်မာလွန်းပြီး သူ့ရဲ့ဥပဒေသနယ်ပယ်က လျင်မြန်စွာ တိုးမြင့်လာတယ်။ အသက်နယ်ပယ်ကို စုဆောင်းဖို့ သူ့မှာ လုံလောက်တဲ့အချိန်မရှိပါဘူး။

တကယ်တော့ သူက တောက်ပကမ္ဘာနတ်ဘုရားကမ္ဘာကို ရောက်ရှိလာတာ နှစ်အနည်းငယ်ပဲ ရှိသေးတယ်။

"အသက်နယ်ပယ်၊ အသက်နယ်ပယ်။ အလတ်စားချီလီယိုခါဇန်နတ်ဘုရားကမ္ဘာတွေမှာရှိတဲ့နတ်ဘုရားဆေးပင်အမျိုးအစားတွေက တောက်ပကမ္ဘာနတ်ဘုရားကမ္ဘာထက် အဆသန်းပေါင်းများစွာပိုတာကို ငါ ကြားခဲ့တယ်။ အထွတ်အထိပ်အဆင့်မြင့်နတ်ဘုရားတစ်ယောက်ကို အဆင့်နိမ့်အစစ်အမှန်နတ်ဘုရားနယ်ပယ်သို့ ချိုးဖြတ်စေနိုင်တဲ့ အစစ်အမှန်နတ်ဘုရားဆေးဖြစ်တဲ့ကြယ်သုံးလုံးနတ်ဘုရားဆေးရှိတယ်။ အထွတ်အထိပ်အဆင့်မြင့်အစစ်အမှန်နယ်ပယ်ကနေ အဆင့်နိမ့်စိတ်ဝိညာဉ်နတ်ဘုရားနယ်ပယ်သို့ ချိုးဖြတ်စေနိုင်တဲ့ ကြယ်ငါးလုံးနတ်ဘုရားဆေးဖြစ်တဲ့စိတ်ဝိညာဉ်နတ်ဘုရားဆေးလဲရှိတယ်။ ဒါပေမယ့် တစ်စုံတစ်ယောက်ရဲ့အသက်နယ်ပယ်ကို တိုးစေနိုင်တဲ့နတ်ဘုရားဆေးအမျိုးအစားက ကြယ်အဆင့်တူညီတဲ့နတ်ဘုရားဆေးပင်တွေထက် အဆတစ်ထောင်ပိုတန်ဖိုးရှိတယ်"

နတ်ဘုရားစွမ်းအားအညွှန်းတိုးမြှင့်တာ ရပ်သွားခဲ့ပေမယ့် လီဖူချန်းက ချက်ချင်း မထွက်ခွာခဲ့ပါဘူး။ သူ့ရဲ့မီးတာအိုနတ်ဘုရားအတတ်အားလုံးကို အဆုံးစွန်းအဆင့်မြင့်နတ်ဘုရားအတတ်တွေအဖြစ် ပြောင်းလဲဖို့ စီစဉ်ထားတယ်။

ချော်ရည်အရှင်သခင်က အန္တရာယ်များလွန်းတယ်။ သူက အပြည့်အဝပြင်ဆင်ထားရပါမယ်။

…

လိုဏ်ဂူအပြင်ဘက်မှာ မီတာတစ်ထောင်ရှည်တဲ့ချော်ရည်အရှင်သခင်က ခေါက်တုံ့ခေါက်ပြန်လျှောက်နေတယ်၊ သူ့ရဲ့ခရမ်းရောင်နေမျက်လုံးနှစ်လုံးက လိုဏ်ဂူကို မကြာခဏစိုက်ကြည့်နေတယ်။

ချော်ရည်အရှင်သခင်မှာ နတ်ဘုရားစိတ်ဝိညာဉ်တစ်ခုမရှိပေမယ့် သူ့မှာ ဘာအတွေးမှ မရှိဘူးလျို့တာ့ မဆိုလိုပါဘူး။ နတ်ဘုရားစွမ်းအားက လိုဏ်ဂူကို မစစ်ဆေးနိုင်ဘူး၊ အဲဒါက ချော်ရည်အရှင်သခင်ကို အတော်လေး စိုးရိမ်ကြောင့်ကြစေတယ်။ ဒါ့ပြင် အားကောင်းတဲ့တည်ရှိမှုတစ်ခုက အထဲမှာ ရှိသလို ဒီလိုဏ်ဂူက သူ့ကို အလွန်သက်သောင့်သက်သာမရှိတဲ့ခံစားချက်တစ်ခုကို ပေးစွမ်းတယ်။

အချိန်တစ်ခုကြာပြီးနောက် ချော်ရည်အရှင်သခင်က သူ့ရဲ့စိတ်ရှည်မှုကို ပျောက်ဆုံးသွားတဲ့အခါမှာ အနီရောင်ပုံရိပ်တစ်ခုက လိုဏ်ဂူမှ ထွက်လာတယ်။

"သူက ဒီနေရာမှာ စောင့်ကြပ်နေတာပဲ။ သူက တကယ်ကို ခေါင်းမာတဲ့လူပဲ"

ချော်ရည်အရှင်သခင်ကို မြင်ပြီးနောက် လီဖူချန်းက တုန်လှုပ်သွားပြီး ခါးသီးစွာ ပြုံးလိုက်မိတယ်။

သူက အဆင့်နိမ့်အစစ်အမှန်နတ်ဘုရားတစ်ယောက်နဲ့ တိုက်ခိုက်ဖို့ တကယ်ဆန္ဒမရှိပါဘူး၊ အထူးသဖြင့် အဆင့်နိမ့်အစစ်အမှန်နတ်ဘုရားတွေအကြားကကျွမ်းကျင်သူတစ်ယောက်ကိုပေါ့။

"ရဲရဲတောက်မီးလျှံပိုင်နက်"

ဂူထဲမှ ထွက်လာတာနဲ့ လီဖူချန်းက မီးတာအိုပိုင်နက်နတ်ဘုရားအတတ်တစ်ခုဖြစ်တဲ့‌ရဲရဲတောက်မီးလျှံပိုင်နက်ကို ထုတ်ဖော်ခဲ့တယ်။

လက်ရှိမှာ သူက သူ့ရဲ့မီးတာအိုနတ်ဘုရားအတတ်တွေအားလုံးကို အဆုံးစွန်းအဆင့်မြင့်နတ်ဘုရားအတတ်တွေအဖြစ် အဆင့်မြှင့်တင်ခဲ့တယ်။ သူ့ရဲ့နတ်ဘုရားစွမ်းအားအညွှန်းကိန်းငါးသိန်းငါးသောင်းနဲ့အတူ ရဲရဲတောက်မီးလျှံပိုင်နက်က သာမန်အဆင့်နိမ့်အစစ်အမှန်နတ်ဘုရားတွေကို သက်ရောက်ဖို့ လုံလောက်တယ်။

ဒါပေမယ့် ချော်ရည်အရှင်သခင်က သာမန်အဆင့်နိမ့်နတ်ဘုရားတစ်ယောက်မဟုတ်ပါဘူး။ ၎င်းရဲ့နတ်ဘုရားစွမ်းအားအညွှန်းကိန်းက အနည်းဆုံးတစ်သန်းရှိပြီး လီဖူချန်းရဲ့နှစ်ဆရှိတယ်။

ဒါကြောင့် နတ်ဘုရားစွမ်းအားတုန်ခါပြီးနောက် လီဖူချန်းရဲ့‌ရဲရဲတောက်မီးလျှံပိုင်နက်က ဆုတ်ပြဲသွားပြီး ဘာခြိမ်းခြောက်မှုတစ်ခုမှ မဖြစ်စေခဲ့ပါဘူး။

"ရဲရဲတောက်မီးလျှံတည်နေရာရွှေ့ပြောင်းခြင်း"

လီဖူချန်းက ချော်ရည်အရှင်သခင်နဲ့ တိုက်ခိုက်ဖို့ အစီအစဉ်မရှိပါဘူး။

လီဖူချန်းရဲ့ခန္ဓာကိုယ်က မီးလျှံအလင်းတစ်ခုအဖြစ် ပြောင်းသွားပြီး သူက မှင်တက်စရာအရှိန်နဲ့အတူ ပျံသန်းသွားတယ်။ သူက နေရာလပ်နတ်ဘုရားအတတ်ဖြစ်တဲ့အချိန်တောင်ပံကို ထုတ်ဖော်လိုက်တာထက် ဒီအရှိန်က ပိုမြန်တယ်။

"ဟီးဟီး"

ချော်ရည်အရှင်သခင်က ရက်စက်စွာ ပြုံးလိုက်ပြီး လီဖူချန်းထံ လက်ဝါးတစ်ချက်ရိုက်ခဆ

"ဒီလိုမြန်နှုန်း"

လီဖူချန်းရဲ့နတ်ဘုရားစိတ်ဝိညာဉ်က ချော်ရည်အရှင်သခင်ကို အဆက်မပြတ်စောင့်ကြည့်‌နေတယ်။

ချော်ရည်အရှင်သခင်က သူ့ရဲ့လက်ဝါးကို ရိုက်ချလိုက်တဲ့အခါ သူ့ရဲ့လက်မောင်းနဲ့လက်ဖဝါးက အနီရောင်ချော်ရည်အဖြစ် ပြောင်းသွားတယ်။

"ရဲရဲတောက်မီးလျှံအကာ"

"ရဲရဲတောက်နတ်ဘုရားခန္ဓာကိုယ်"

ချက်ချင်းပဲ လီဖူချန်းက မီးတာအိုနတ်ဘုရားအတတ်နှစ်ခုကို ထုတ်ဖော်ခဲ့တယ်။

သူတို့က မီးတာအိုခံစစ်နတ်ဘုရားအတတ်ဖြစ်တဲ့ရဲရဲတောက်မီးလျှံအကာနဲ့မီးတာအိုနတ်ဘုရားခန္ဓာကိုယ်အတတ်ဖြစ်တဲ့မီးလျှံနတ်ဘုရားခန္ဓာကိုယ်တို့ပါပဲ။

အုန်း........

ရဲရဲတောက်မီးလျှံအကာက ပေါက်ကွဲသွားပြီး လီဖူချန်းက လွင့်ထွက်သွားတယ်။ သူ့ခန္ဓာကိုယ်တစ်ပိုင်းက ပျက်ဆီးသွားပြီး ထိုပျက်ဆီးသွားတဲ့အစိတ်အပိုင်းတွေက ချက်ချင်း ပြာဖြစ်သွားတယ်။

သွေးခြ‌င်္သေ့ချပ်ဝတ်ကြောင့်မဟုတ်ရင် လီဖူချန်းက ဒီရိုက်ချက်ကြောင့် သေသွားလောက်ပြီ။

ဒါပေမယ့် သွေးခြင်္သေ့ချပ်ဝတ်က ပျက်ဆီးသွားတာကြောင့် လီဖူချန်းရဲ့နှလုံးသားက နာကျင်သွားရတယ်။

အဆင့်မြင့်ခံစစ်နတ်ဘုရားအသုံးအဆောင်ပစ္စည်းတစ်ခုက အဆင့်မြင့်တိုက်ခိုက်ရေးနတ်ဘုရားအသုံးအဆောင်ပစ္စည်းတစ်ခုထက် ပိုတန်ဖိုးရှိတယ်။ သာမန်အဆင့်နိမ့်နတ်ဘုရားတွေက ၎င်းကို ဖျက်ဆီးဖို့ ခက်ခဲတဲ့အချိန်ရှိတယ်။ ချော်ရည်အရှင်သခင်လိုအားကောင်းတဲ့အဆင့်နိမ့်အစစ်အမှန်နတ်ဘုရားတွေကသာ သွေးခြင်္သေ့ချပ်ဝတ်ကို ရိုက်ချက်တစ်ချက်တည်းနဲ့ ဖျက်ဆီးနိုင်လိမ့်မယ်။

သူ့ခန္ဓာကိုယ်သက်သာသွားပြီးနောက် လီဖူချန်းက ဆက်ပြေးခဲ့တယ်။ ချော်ရည်အရှင်သခင်က ဉာဏ်ရည်လုံးဝမြင့်မားတာတော့ မဟုတ်ဘူး။ ဒီရိုက်ချက်က လီဖူချန်းကို လွင့်ထွက်သွားစေပေမယ့် သူတို့နှစ်ယောက်ကြားအကွာအဝေးကိုလဲ ဆယ်ဆကျော်တိုးစေခဲ့တယ်။

ဒီလိုအကွာအဝေးတစ်ခုက ချော်ရည်အရှင်သခင်ရဲ့အကောင်းဆုံးအနီးကပ်တိုက်ခိုက်ရေးအကာအဝေးကို ကျော်လွန်သွားပါပြီ။ ၎င်းရဲ့မွေးရာပါနတ်ဘုရားအတတ်ကို ဖော်ထုတ်လျက် မီးလျှံကျောက်တုံးတွေရဲ့ကြီးမားတဲ့အရေအတွက်တစ်ခုက ကောင်းကင်မှ ဆင်းသက်လာပြီး လီဖူချန်းကို ရိုက်ချလာတယ်။

"အခွင့်အရေးတစ်ခုရှိတယ်"

ပြေးနေရင်း လီဖူချန်းက နတ်ဘုရားအဆီအနှစ်ဆေးကို သုံးစွဲခဲ့တယ်။ တစ်ချိန်တည်းမှာ သူက နေရာလပ်နဲ့အချိန်စွမ်းအားကို တိတ်တဆိတ်အသုံးပြုနေခဲ့တယ်။

"အောင်မြင်ပြီ"

အချိန်တစ်ခဏအတွင်းမှာ တံခါးတစ်ချပ်က လီဖူချန်းရဲ့အရှေ့မှာ ထွက်ပေါ်လာပြီး သူက ပြေးဝင်သွားတယ်။

အုန်း......

နေရာလပ်-အချိန်တံခါးက မီးလျှံကျောက်တုံးတွေကြောင့် မုန့်မုန့်ညက်ကြေသွားပြီး ကြောက်စရာကောင်းတဲ့မီးတာအိုဥပဒေသစွမ်းအားက နေရာလပ်နဲ့အချိန်ကို သက်ရောက်ခဲ့ပြီး လီဖူချန်းကို လန့်ဖျပ်သွားစေတယ်။

"ငါ့ရဲ့‌နေရာလပ်နဲ့အချိန်တာအိုကျွမ်းကျင်မှုက နိမ့်ကျလွန်းတယ်"

လီဖူချန်းရဲ့နှလုံးသားက နစ်မြုပ်သွားတယ်။

သူ့ရဲ့နေရာလပ်နဲ့အချိန်တာအိုကျွမ်းကျင်မှုက နိမ့်ကျလွန်းနေသေးပြီး နှောင်းပိုင်းအဆင့်မြင့်နတ်ဘုရားပဲ ရှိသေးတယ်။

ပြေးရင်းလိုက်ရင်း သူတို့နှစ်ယောက်က ရဲရဲတောက်ရွာတစ်ခုကို ရောက်ရှိလာတယ်။

ဒီရဲရဲတောက်ရွာက မီးလျှံတွေ၊ ပြင်းထန်တဲ့အပူလှိုင်းတွေနဲ့ ပြည့်နေတယ်။ လီဖူချန်းက သူ့ရဲ့နတ်ဘုရားစိတ်ဝိညာဉ်စွမ်းအားနဲ့ စစ်ဆေးကြည့်ခဲ့တယ်၊ မိုင်တစ်ထောင်အရှည်ရှိတဲ့မီးလျှံဖွတ်ပုတက်တစ်ကောင်ကို သတိပြုမိခဲ့လိုက်တယ်။

အဆင့်နိမ့်အစစ်အမှန်နတ်ဘုရားသားရဲ၊ ဒေါသမီးလျှံဖွတ်ပုတက်။

လီဖူချန်းရဲ့မျက်လုံးတွေက လင်းလက်သွားတယ်၊ ချီတည်ရှိမှုကို အပြည့်အဝဖုံးကွယ်ဖို့ သူ့ရဲ့နတ်ဘုရားစိတ်ဝိညာဉ်စွမ်းအားကို ချက်ချင်း ထုတ်ဖော်ခဲ့ပြီး ရဲရဲတောက်ရွာထဲသို့ တစ်ဟုန်ထိုး ပြေးဝင်သွားတယ်။

ဟိန်းသံ........

ဒေါသမီးလျှံဖွတ်ပုတက်က လီဖူချန်းကို သတိမပြုမိခဲ့ပါဘူး၊ သူ့ရဲ့အာရုံကို ချော်ရည်အရှင်သခင်က ဆွဲဆောင်ခဲ့တယ်။

ရဲရဲတောက်ရွာက သူ့ရဲ့ပိုင်နက်ဖြစ်ပြီး ချော်ရည်အရှင်သခင်က ကျူးကျော်ရဲတယ်ပေါ့လေ။

တုံ့ဆိုင်းမနေဘဲ ဒေါသမီးလျှံဖွတ်ပုတက်နဲ့ချော်ရည်အရှင်သခင်တို့က စတင်တိုက်ခိုက်ခဲ့ကြတယ်။

ချော်ရည်အရှင်သခင်က ဉာဏ်ရည်မမြင့်မားပါဘူး၊ သူက ရှင်းပြဖို့ ရည်ရွယ်ချက်မရှိဘဲ  ဒေါသမီးလျှံဖွတ်ပုတက်နဲ့ တိုက်ခိုက်ခဲ့တယ်။

နှောင်းပိုင်းမှာတော့ ချော်ရည်အရှင်သခင်က လီဖူချန်းရဲ့တည်ရှိမှုကို မေ့သွားခဲ့တယ်။

"ရဲရဲတောက်ရွာမှာ အဆင့်နိမ့်အစစ်အမှန်နတ်ဘုရသားရဲဒေါသမီးလျှံဖွတ်ပုတက်က တကယ်ကို ရှိနေတာပဲ" အဝေးမှ လီဖူချန်းက စိတ်သက်သာရာရစွာ အသက်တစ်ချက်ရှုထုတ်လိုက်တယ်။ ဒေါသမီးလျှံဖွတ်ပုတက်သာမရှိရင် သူက သူ့ရဲ့နတ်ဘုရားစွမ်းအားအားလုကို ထုတ်ဖော်ခဲ့ရင်တောင် ချော်ရည်အရှင်သခင်ရဲ့လိုက်လံမှုအောက်မှ လွတ်မြောက်နိုင်မှာမဟုတ်ဘူး။

ချော်ရည်အရှင်သခင်က အားကောင်းလွန်းပြီး လီဖူချန်းက ဉာဏ်မကောင်းရင် သူ အသတ်ခံလိုက်ရတာ ကြာလောက်ပြီ။

ရဲရဲတောက်ရွာထဲရှိမီးလျှံတွေက နတ်ဘုရားစွမ်းအားနဲ့ ကင်းထောက်ဖို့ အလွန်ခက်ခဲစေတယ်။ လီဖူချန်းရဲ့နတ်ဘုရားစိတ်ဝိညာဉ်စွမ်းအားကပဲ ကန့်သတ်ခံရခြင်းမရှိတာ။

သူ့ရဲ့နတ်ဘုရားစိတ်ဝိညာဉ်စွမ်းအားကို လျှို့ဝှက်အသုံးပြုလျက် ဒေါသမီးလျှံဖွတ်ပုတက်ရဲ့ခွန်အားက ချော်ရည်အရှင်သခင်ထက် နိမ့်ကျသေးတယ်ဆိုတာ လီဖူချန်းက သတိပြုမိခဲ့တယ်။ အစမှာ သူတို့က လက်ရည်ညီပေမယ့် တဖြည်းဖြည်းနဲ့ ဒေါသမီးလျှံဖွတ်ပုတက်က အသာစီးမရဖြစ်လာတယ်။ ၎င်းရဲ့ခန္ဓာကိုယ်ပေါ်ရှိကြေးခွံတွေက အက်ကွဲနေပြီး ‌သွေးတွေက စီးဆင်းနေတယ်။

"အရင်ထွက်သွားတာ ပိုကောင်းမယ်"

လီဖူချန်းက ရဲရဲတောက်ရွာမှ တိတ်တဆိတ် ထွက်ခွာလာခဲ့တယ်။

…

လီဖူချန်းက အရှေ့နေဂိုဏ်းမှ ချော်ရည်ရွာကို သွားဖို့ တစ်လကျော် အချိန်ယူခဲ့တယ်။ သူ ပြန်လာတဲ့အချိန်မှာ လဝက်ပဲ အချိန်ယူခဲ့ရတယ်။

အဆုံးစွန်းအဆင့်မြင့်မီးတာအိုနတ်ဘုရားအသုံးအဆောင်ပစ္စည်းဖြစ်တဲ့ဒေါသမီးလျှံတည်နေရာရွှေ့ပြောင်းခြင်းက အချိန်တောင်ပံထက် ပိုမြန်ဆန်တယ်။

အရှေ့နေဂိုဏ်းသို့ ပြန်ရောက်ပြီး မစ်ရှင်ကို တင်ပြပြီးနောက် လီဖူချန်းက လုပ်ဆောင်ချက်အမှန်သုံးသန်းနဲ့ လုပ်ဆောင်ချက်အဆင့်အမှတ်ငါးရာကို ရရှိခဲ့တယ်။

လက်ရှိသူ့မှာ လုပ်ဆောင်ချက်အမှတ်လေးသန်းကျော်ရှိတယ်။

ဒီလုပ်ဆောင်ချက်အမှတ်ပမာဏက သူလိုချင်တဲ့နေရာလပ်-အချိန်နတ်ဘုရားအသုံးအဆောင်ပစ္စည်းတစ်ခုကို လဲလှယ်ဖို့ မလုံလောက်ပါဘူး။

သူ့ရဲ့မီးတာအိုနတ်ဘုရားအတတ်အားလုံးကို အဆင့်မြှင်တင်ထားတာ ကံကောင်းသွားတယ်။ သူက ဂိုဏ်းဆီ သူတို့ကို ပေးအပ်လိုက်ရင် ကြီးမားတဲ့လုပ်ဆောင်ချက်အမှတ်ပမာဏကို ရရှိနိုင်လိမ့်မယ်။

လုပ်ဆောင်ချက်ခန်းမ.......

မီးတာအိုနတ်ဘုရားအတတ်တွေကို ပေးအပ်ပြီးနောက် လီဖူချန်းရဲ့လုပ်ဆောင်ချက်အမှတ်က သန်းလေးရာအထိ ရှိလာတယ်။

အဆင့်မြင့်နတ်ဘုရားအတတ်တွေရဲ့လုပ်ဆောင်ချက်အမှတ်အရ သာမန်အဆင့်မြင့်နတ်ဘုရားအတတ်တစ်ခုက လုပ်ဆောင်ချက်အမှတ်တစ်သိန်းထိုက်တန်တယ်။ ပျမ်းမျှအဆင့်မြင့်နတ်ဘုရားအတတ်တစ်ခုက လုပ်ဆောင်ချက်အမှတ်ငါးသိန်းထိုက်တန်တယ်။ ထူးကဲအဆင့်မြင့်က လုပ်ဆောင်ချက်အမှတ်သုံးသန်းထိုက်တန်ပြီး ပြီးပြည့်စုံခြင်းအဆင့်က လုပ်ဆောင်ချက်အမှတ်ဆယ့်ငါးသန်းထိုက်တန်ကာ အဆုံးစွန်းအဆင့်က လုပ်ဆောင်ချက်အမှတ်သန်းရှစ်ဆယ်ထိုက်တန်တယ်။

လီဖူချန်းက သိသာပေါ်လွင်လွန်းမှာ ကြောက်မိသလို သူ့ရဲ့ဝှက်ဖဲတွေအားလုံးကို တစ်ကြိမ်တည်းနဲ့ မထုတ်ချင်ပါဘူး။ ဒါကြောင့် သူက ရဲရဲတောက်မီးလက်သီး၊ ရဲရဲတောက်မီးအကာအကွယ်နဲ့ ရဲရဲတောက်နတ်ဘုရားလက်သည်းတို့လို သာမန်အဆုံးစွန်းအဆင့်မြင့်မီးတာအိုနတ်ဘုရားအတတ်ငါးခုကိုပဲ ရွေးချယ်ခဲ့တယ်။

ရဲရဲတောက်မီးလျှံပိုင်နက်၊ ရဲရဲတောက်မီးလျှံခန္ဓာကိုယ်နဲ့ရဲရဲတောက်မီးလျှံတည်နေရာရွှေ့ပြောင်းခြင်းတို့လို နတ်ဘုရားပိုင်နက်အတတ်တွေ၊ နတ်ဘုရားခန္ဓာကိုယ်နတ်ဘုရားအတတ်တွေ၊ တည်နေရာရွှေ့ပြောင်းခြင်းနတ်ဘုရားအတတ်တို့ကို ပေးအပ်ဖို့ လီဖူချန်းမှာ အစီအစဉ်မရှိပါဘူး။ ဘယ်လိုပဲပြောပြော လုပ်ဆောင်ချက်အမှတ်‌သန်းလေးရာက သူ့အတွက် လုံလောက်နေပြီလေ။

"နတ်ဘုရားအသုံးအဆောင်ပစ္စည်းအချို့ကို အရင်အလဲအလှယ်လုပ်ရမယ်"

လုပ်ဆောင်ချက်ခန်းမမှ ထွက်လာပြီးနောက် လီဖူချန်းက အခြားတောင်ထွတ်‌ပေါ်ရှိ နတ်ဘုရားအသုံးအဆောင်ပစ္စည်းခန်းမဆီ ပျံသန်းသွားခဲ့တယ်။