ကုန်သွယ်ရေးခန်းမ

"အိုး၊ ဘယ်တစ်ယောက်လဲ"

ခလော့ရဲ့မျက်လုံးတွေက လင်းလက်သွားတယ်။

အဆင့်မြင့်နတ်ဘုရားက ဥပဒေသနယ်ပယ်ကို အဆင့်နိမ့်အစစ်အမှန်နတ်ဘုရာအဆင့်ထိ မြှင့်တင်ခဲ့တယ်ပေါ့။ ဒါက သာမန်ပါရမီရှင်တစ်ယောက်မဟုတ်ဘူး။ တောက်ပနတ်ဘုရားကမ္ဘာက ဒါက နှစ်ထောင်ချီတောင် ရှားတဲ့ ပါရမီရှင်တစ်ယောက်ပဲ။ ပါးဟိုင်နတ်ဘုရားကမ္ဘာမှာ‌တောင် အရမ်းရှားတဲ့ပါရမီရှင်တစ်ယောက်ပဲ။

""လီဖူချန်း၊ အကြီးအကဲခလော့ကို နှုတ်ဆက်လိုက်ပါအုံး" လိုင်ဒုန်ဟဲက လီဖူချန်းကို ပြောလိုက်တယ်။

"တပည့်လီဖူချန်း၊ အကြီးအကဲခလော့ကို နှုတ်ဆက်ပါတယ်" လီဖူချန်းက ရှေ့တိုးလာပြီး ဦးညွှတ်လိုက်တယ်။

ခလော့က လီဖူချန်းကို ကြည့်ကာ အကြိမ်ကြိမ်ခေါင်းညိတ်လိုက်တယ်"ကောင်းတယ်၊ အရမ်းကောင်းတယ်၊ ပါးဟိုင်နတ်ဘုရားကမ္ဘာတစ်ခုလုံးမှာတောင် မင်းနဲ့ယှဉ်နိုင်တဲ့သူက နှစ်ယောက်သုံးယောက်လောက်ပဲရှိမယ်"

ဒါကို ကြားပြီး လိုင်ဒုန်ဟဲရဲ့အမူအရာက ပြောင်းသွားတယ်"ခလော့၊ မင်း ဆိုလိုတာက  ပါးဟိုင်နတ်ဘုရားကမ္ဘာမှာ ဥပဒေသနယ်ပယ်ကို အဆင့်နိမ့်အစစ်အမှန်နတ်ဘုရားအထိ မြှင့်တင်ခဲ့တဲ့ဂျူနီယာတွေ နှစ်ယောက်သုံးယောက်တောင် ရှိတယ်ပေါ့လေ" အရင်က ဒီလိုပါရမီရှင်တစ်ယောက်ပဲ ရှိခဲ့တာပါ၊ ဒီအကြိမ်ကျမှ နှစ်ယောက်သုံးယောက်လောက်ရှိနေတာပဲ။

ခလော့ရဲ့မျက်နှာက အနည်းငယ်လေးလံသွားပြီး သူက ခေါင်းညိတ်လိုက်တယ်" နှစ်ယောက်ကတော့ သေချာတယ်၊ တစ်ယောက်က ကာဒီလက်၊ တိုင်ယန်ဓားဂိတ်ရဲ့ဓားသမား၊ အခြားတစ်ယောက်က ကြယ်တစ်ထောင်ဘုရားကျောင်းရဲ့ချုံးကျိုး။ နောက်တစ်ယောက်က ပင်လယ်နတ်ဘုရားဂိတ်ရဲ့လေ့ပုရမ်၊ သူလဲ ဒီအနေအထားကို ရောက်ရှိထားတယ်လို့ သံသယရှိတယ်"

လိုင်ဒုန်ဟဲနဲ့သူ့နောက်ရှိအစစ်အမှန်နတ်ဘုရားတွေက အကူအညီမဲ့တဲ့မျက်နှာတွေနဲ့ တစ်ယောက်ကိုတစ်ယောက် ကြည့်လိုက်ကြတယ်။ ဒီတစ်ခါမှာတော့  အရှေ့နေဂိုဏ်းက ဦးဆောင်သွားမယ်လို့ သူ ထင်ထားခဲ့တာ။ ပါးဟိုင်နတ်ဘုရားကမ္ဘာမှာ ဒီလိုပြိုင်ဘက်ကင်းပါရမီရှင်တွေ တစ်ပြိုင်နက်တည်း ထွက်ပေါ်လာမယ့်လို့ ဘယ်သူက ထင်ထားမှာလဲ။ သူတို့က ပူးပေါင်းတိုက်ခိုက်ရင် လီဖူချန်းက အန္တရာယ်ရှိပါလိမ့်မယ်။

စိတိဝိညာဉ်နတ်ဘုရသင်္ချိုင်းမဖွင့်ခင် သုံးရက်ကျန်သေးတယ်။ လိုင်ဒုန်ဟဲက လီဖူချန်းနဲ့အခြားသူတွေကို အားလပ်ရက်တစ်ရက်ပေးခဲ့ပြီး သူတို့ကို တုန်းယန်မြို့ထဲမှာ လည်ပတ်ခွင့်ပြုခဲ့တယ်။ သူတို့ကို တုန်းယန်မြို့က‌နေ ခြေတစ်လှမ်းတောင် ထွက်ခွာခွင့်မပြုပါဘူး။

……

"နတ်ဘုရားတွေရဲ့အသက်အားက အရမ်းကြွယ်ဝတာပဲ၊ ဒါက တောက်ပနတ်ဘုရားကမ္ဘာရဲ့နှစ်ဆ အနည်းဆုံး ရှိတယ်"

တုန်းယန်မြို့ရဲ့လမ်းပေါ်မှာ လျှောက်နေရင်း လီဖူချန်းက နတ်ဘုရားတွေရဲ့အသက်အားက နေရာတိုင်းမှာ ရှိတာကို ခံစားမိခဲ့တယ်။

နတ်ဘုရားတွေရဲ့အသက်အားက နတ်ဘုရားတစ်ယောက်ရဲ့ခွန်အားကို အကောင်းဆုံးထင်ဟပ်စေနိုင်တယ်။ ပါးဟိုင်နတ်ဘုရားကမ္ဘာရဲ့နတ်ဘုရားအသက်အားက တောက်ပနတ်ဘုရားကမ္ဘာရဲ့နှစ်ဆရှိတယ်"

"ပုံမှန်အားဖြင့် ပြောရရင် အသေးစားချီလီယိုခါဇန်နတ်ဘုရားကမ္ဘာရဲ့အရွယ်အစားက ဆယ်ဆမကျော်ရင် နတ်ဘုရားကမ္ဘာရဲ့အသက်အားသိပ်သည်းမှုက တူတယ်။ တောက်ပနတ်ဘုရားကမ္ဘာရဲ့ရင်းမြစ်က ထိခိုက်သွားပုံရတယ်၊ အဲဒါက တောက်ပနတ်ဘုရားကမ္ဘာရဲ့အသက်အားကို နှစ်ဆလျော့ကျသွားစေတယ်"

လီဖူချန်းက တွေးလိုက်တယ်။

……

တုန်းယန်မြို့၊ အဆင့်၃နတ်ဘုရားမြို့တစ်မြို့အနေနဲ့ အ‌လွန်စည်ကားသိုက်မြိုက်တယ်။

လီဖူချန်း၊ တုန်းယန်ချမ်ယုနဲ့ တုန်းယန်မိသားစုရဲ့အခြားကလေးနှစ်ယောက်တို့က ရက်အနည်းငယ် လည်ပတ်နေခဲ့တယ်။

တုန်းယန်စားသောက်ဆိုင်။

"မင်း ကြာပြီးပြီလား၊ ဓားနတ်ဘုရားကာဒီလက်ကို ခရမ်းရောင်တိမ်နတ်ဘုရားကမ္ဘာရဲ့အဆင့်၁ကုန်သွယ်ရေးခန်းမဖြစ်တဲ့ပျံသန်းလင်းယုန်ငှက်ကုန်သွယ်ရေးခန်းမက ခေါ်ယူတော့မယ်ဆို။ ပျံသန်းလင်းယုန်ကုန်သွယ်ရေးခန်းမက ကာဒီလက်ကို လူအချို့ကို စေလွှတ်ခဲ့တယ်တဲ့"

"တိုင်ယန်ဓားဂိတ်ရဲ့အဆင့်မြင့်အစစ်အမှန်နတ်ဘုရားဖြစ်တဲ့ဇို‌ရော့ပြောတာ ငါလဲ ကြားတယ်။ ကြည့်ရတာ တစ်ဖက်လူတွေက ကာဒီလက်ရဲ့ပါရမီနဲ့ထိုးထွင်းသိမြင်မှုကို ‌အရမ်းသဘောကျသွားတာထင်တယ်"

"ဟာသလုပ်နေတာလား၊ ဓားနတ်ဘုရားကာဒီလက်က နှစ်သန်းချီမှာ တစ်ကြိမ်ထွက်ပေါ်တဲ့ နံပါတ်၁ဓားသမားလေ။ သူ့ရဲ့ပါရမီနဲ့ထိုးထွင်းသိမြင်မှုက ဘယ်လောက်တောင် ကြောက်စရာကောင်းလဲ။ ပျံသန်းလင်းယုန်ကုန်သွယ်ရေးခန်းမက သဘောမကျစရာ ဘာအကြောင်းရှိမှာလဲ"

"ခရမ်းရောင်တိမ်နတ်ဘုရားကမ္ဘာရဲ့အဆင့်၁ကုန်သွယ်ရေးခန်းမကို အထင်မသေးကြနဲ့။ ခရမ်းရောင်တိမ်နတ်ဘုရားကမ္ဘာမှာ ကုန်သွယ်ရေးခန်းမတစ်ခုကို တည်ဆောက်ဖို့ ဘာအခြေအနေတွေ လိုအပ်သလဲဆိုတာ မင်း သိလား"

"ဘာအခြေအနေတွေလဲ"

"ငါလဲ ပါတာအိုဂိုဏ်းကလူတွေ ပြောတာကို ကြားလာခဲ့တာ။ ခရမ်းရောင်တိမ်နတ်ဘုရားကမ္ဘာမှာ မင်းက ကုန်သွယ်ရေးခန်းမတစ်ခုကို တည်ဆောက်ချင်ရင် စိတ်ဝိညာဉ်နတ်ဘုရားက အနည်းဆုံးတစ်ရာ၊ စိတ်ဝိညာဉ်နတ်ဘုရားနယ်ပယ်ကိုကျော်လွန်တဲ့တည်ရှိမှုက အနည်းဆုံးသုံးယောက်ရှိရမယ်"

"ဒိီလောက်တောင်လား။ စိတ်ဝိညာဉ်နတ်ဘုရားတစ်ရာမပြောနဲ့၊ တစ်ယောက်နဲ့တင် ပါးဟိုင်နတ်ဘုရားကမ္ဘာရဲ့အစစ်အမှန်နတ်ဘုရားဂိုဏ်းငါးဂိုဏ်းကို ဖျက်ဆီးဖို့ လုံလောက်နေပြီ"

"စိတ်ဝိညာဉ်နတ်ဘုရားတွေကတောင် ဒီလောက်အားကောင်းတာ။ စိတ်ဝိညာဉ်နတ်ဘုရားတွေထက် သာလွန်တဲ့တည်ရှိမှုတွေဆိုရင် ဘယ်လောက်တောင် ကြောက်စရာကောင်းလိမ့်မလဲ"

စားသောက်ဆိုင်ရဲ့ဒုတိယအထပ်အလယ်မှာ စားပွဲကြီးတစ်လုံးဘေးနားမှာ အလယ်ဆင့်နတ်ဘုရားခုနှစ်ယောက်ရှစ်ယောက်က လွတ်လွတ်လပ်လပ်စကားပြောနေကြတယ်။

"ပျံသန်းလင်းယုန်ကုန်သွယ်ရေးခန်းမ၊ ခရမ်းရောင်တိမ်နတ်ဘုရားကမ္ဘာရဲ့နံပါတ်၁ကုန်သွယ်ရေးခန်းမတဲ့လား" လီဖူချန်းက မေးငေါ့လိုက်လေတယ်။

"ငါ တကယ်ကို အားကျမိပါတယ်ကွာ။ ပုံမှန်အခြေအနေမှာ အသေးစားချီလီယိုခါဇန်နတ်ဘုရားကမ္ဘာမှခရမ်းရောင်တိမ်နတ်ဘုရားကမ္ဘာကို ရောက်ရှိဖို့အတွက် နှစ်ပေါင်းမရေမတွက်များစွာ ကြာတယ်။ မင်းက လမ်းမှာ တစ်ခုခုနဲ့ ရင်ဆိုင်မရင် ပိုတောင် ကြာအုံးမယ်၊ ကြောက်စရာကောင်းတဲ့သက်ရှိတွေနဲ့ ရင်ဆိုင်ရမှာကို ပြောစရာတောင် မလိုဘူး" ပြောတဲ့သူက တုန်းယန်ပိုင်‌ဟေးပါပဲ။

ဘေးက တုန်းယန်ချမ်ယုနဲ့အသက်တူတဲ့တုန်းယန်ဒိုင်လန်က သက်ပြင်းချလိုက်တယ်"နတ်ဘုရားဟင်းလင်းပြင်က အန္တရာယ်များလွန်းတယ်။ မင်းက အစစ်အမှန်နတ်ဘုရားတစ်ယောက်ဖြစ်ပြီး နတ်ဘုရားဟင်းလင်းပြင်မှာ ခရီးနှင်နိုင်တယ်ဆိုရင်တောင် မင်းရဲ့ကိုယ်ပိုင်အသေးစားချီလီယိုခါဇန်နတ်ဘုရားကမ္ဘာရဲ့အနီးဝန်းကျင်မှာပဲ သွားလာနိုင်မယ်။ မင်းက အခြားအသေးစားချီလီယိုခါဇန်နတ်ဘုရားကမ္ဘာတစ်ခုကို သွားချင်ရင် အလယ်ဆင့်အစစ်အမှန်နတ်ဘုရားအဆင့်ကို အနည်းဆုံး ရောက်ရှိနေဖို့ လိုအပ်တယ်။ မင်းက အလတ်စားချီလီယိုခါဇန်နတ်ဘုရားကမ္ဘာတစ်ခုကို သွားချင်ရင် အဆင့်မြင့်အစစ်အမှန်နတ်ဘုရားတစ်ယောက်ဖြစ်ရမယ်"

အနှီနှစ်ယောက်နဲ့ယှဉ်ရင် တုန်းယန်ချမ်ယုရဲ့စိတ်ပိုင်းဆိုင်ရာက ပိုကောင်းတယ်။ သူမက လီဖူချန်းကို ပြောလိုက်တယ်"ဒီဓားနတ်ဘုရားကာဒီလက်က တကယ်ကို အရမ်းကံကောင်းတယ်"

လီဖူချန်းက ပြောလိုက်တယ်"နှစ်အနည်းငယ်တိုင်းမှာ ခရမ်းရောင်တိမ်နတ်ဘုရားကမ္ဘာရဲ့ဂိုဏ်းတွေက အသေးစားချီလီယိုခါဇန်နတ်ဘုရားကမ္ဘာကို လာပြီး ပါရမီရှင်တွေ လာရောက်စုဆောင်းတယ်လို့ ပြောကြတယ်"

တုန်းယန်ဟုတ်ကိုင်ဒိုက ပြောလိုက်တယ်" နှစ်ဘယ်လောက်တောင် ဖြတ်သန်းပြီးလဲကို မင်း သိလား။ တောက်ပနတ်ဘုရားကမ္ဘာကို နောက်ဆုံးအကြိမ်လာတုန်းက လွန်ခဲ့တဲ့နှစ်ရှစ်သန်းကပဲ။ အဲကတည်းကနေ အခုထိ တစ်ယောက်မှ ရောက်မလာတော့ဘူး"

တုန်းယန်ချမ်ယုက ပြောလိုက်တယ်"အဓိကအကြောင်းရင်းကတော့ ခရမ်းရောင်တိမ်နတ်ဘုရားကမ္ဘာပတ်လည်မှာ အသေးစားချီလီယိုခါဇန်နတ်ဘုရားကမ္ဘာတွေ သန်းချီပြီးရှိနေတာ။ တည်နေရာရွှေ့ပြောင်းရေးအစီအရင်မရှိတဲ့အခါမျိုးမှာဆိုရင် သူတို့က နတ်ဘုရားဟင်းလင်းပြင်မှာပဲ ခရီးသွားနိုင်မယ်။ ဒါကြောင့် ဂိုဏ်းတစ်ဂိုဏ်းက နှစ်ဆယ်သန်းနဲ့ ‌ရောက်လာတာကတင် အရမ်းကံကောင်းနေပြီ။ မင်းက ကံကောင်းရင် နှစ်သိန်းလောက်မှာ ဂိုဏ်းတစ်ဂိုဏ်းရောက်လာမယ်။ မင်းက ကံဆိုးရင်တော့ နှစ်သန်းတစ်ရာ၊ နှစ်သန်းနှစ်ရာမှာတောင် တစ်ယောက်မှ ရောက်လာမှာမဟုတ်ဘူး"

"ဒါပေမယ့် အရေးကြီးဆုံးအရာက‌တော့ အလတ်စားချီလီယိုခါဇန်နတ်ဘုရားကမ္ဘာက  အသေးစားချီလီယိုခါဇန်နတ်ဘုရားကမ္ဘာရဲ့ပါရမီရှင်တွေကို သိပ်အာရုံမလာတာပဲ။ ရှေးဟောင်းမိသားစုလက်စွဲစာအုပ်တွေမှာ ငါ ဖတ်ဖူးတယ်၊ ခရမ်းရောင်တိမ်နတ်ဘုရားကမ္ဘာက ပါရမီရှင်တွေကို အဆင့်အမျိုးမျိုးခွဲခြားထားတယ်တဲ့။ သူတို့က သာမန်ပါရမီရှင်တွေ၊ အလယ်ဆင့်ပါရမီရှင်တွေ၊ အဆင့်မြင့်ပါရမီရှင်တွေ၊ ထိပ်တန်းအဆင့်ပါရမီရှင်တွေနဲ့ ပြိုင်ဘက်ကင်းပါရမီရှင်တွေဆိုပြီးတော့ပေါ့။ ပုံမှန်အခြေအနေမှာ အသေးစားချီလီယိုခါဇန်နတ်ဘုရားကမ္ဘာတွေမှာမွေးဖွားတဲ့ပါရမီရှင်တွေအများစုက ခရမ်းရောင်တိမ်နတ်ဘုရားကမ္ဘာမှာဆိုရင် သာမန်ပါရမီရှင်တွေသာဖြစ်ကြတယ်။ ဒိီလောက်နဲ့ သူတို့က ဘယ်လာချင်ကြပါ့မလဲ"

"ဒါ ဟုတ်ပါတယ်လေ" လီဖူချန်းက ခေါင်းညိတ်လိုက်တယ်။

တုန်းယန်ချမ်ယုက ဆက်ပြောလိုက်တယ်" ခရမ်းရောင်တိမ်နတ်ဘုရားကမ္ဘာကဂိုဏ်းတွေ ပါရမီရှင်တွေလာစုဆောင်းတာကို စောင့်ဆိုင်းတာက လက်တွေ့မဆန်လှပါဘူး။ နှိုင်းယှဉ်ရရင် မင်း နတ်ဘုရားဟင်းလင်းပြင်မှာ ပျံသန်းလင်းယုန်ကုန်သွယ်ရေးခန်းမရဲ့တစ်ယောက်ယောက်ကို တွေ့တာက ပိုလက်တွေ့ဆန်အုံးမယ်။ တကယ်တော့ ပျံသန်းလင်းယုန်ကုန်သွယ်ရေးခန်းမက ကြွယ်ဝမှုကို လိုချင်တယ်။ အသေးစားချီလီယိုခါဇန်နတ်ဘုရားကမ္ဘာအချို့ရဲ့အရင်းအမြစ်တွေက ‌ဈေးပေါတယ်လေ။ ဒါပေမယ့် ပျံသန်းလင်းယုန်ကုန်သွယ်ရေးခန်းမက ပါရမီရှင်တွေ စုဆောင်းတယ်ဆိုပေမယ့် သူတို့က အနည်းဆုံး အလယ်ဆင့်ပါရမီရှင်တွေ ဖြစ်ရမှာပါ"

လူအချို့က ပြောနေစဉ်မှာ ဒုတိယမြောက်အထပ်မှာလဲ လှိုင်းထန်နေတယ်။

"မင်းရဲ့သတင်းအချက်အလက်က မပြည့်စုံသေးဘူးပဲ။ ဓားနတ်ဘုရားကာဒီလက်ကို ပျံသန်းလင်းယုန်ကုန်သွယ်ရေးခန်းမက သဘောကျခဲ့သလို ကြယ်တစ်ထောင်ကျောင်းရဲ့ချုံးကျိုးကို ကြယ်လေးလုံးဂိုဏ်းဖြစ်တဲ့ယန်ရှန်ဂိုဏ်းက သဘောကျခဲ့တာ။ မကြာမီမှာ ယန်ရှန်ဂိုဏ်းက ချုံးကျိုးကို ခေါ်ယူဖို့ တစ်ယောက်ယောက်ကို ‌စေလွှတ်လိမ့်မယ်"

အနီးနားရှိစားပွဲမှာ အလယ်ဆင့်နတ်ဘုရားမတစ်ယောက်က ပြောလိုက်တယ်။

"ဘာ၊ ကြယ်လေးလုံးဂိုဏ်းယန်ရှန်ဂိုဏ်း"

လူအုပ်ကြီးက တုန်လှုပ်သွားတယ်။

အဆင့်အားဖြင့် ကြယ်လေးလုံးဂိုဏ်းက အဆင့်၁ကုန်သွယ်ရေးခန်းမနဲ့ အဆင့်တူတယ်လို့ ပြောပေမယ့် တကယ်တော့ ကြယ်လေးလုံးဂိုဏ်းက အဆင့်၁ကုန်သွယ်ရေးခန်းမထက် ပိုသန်မာတယ်။

ကြယ်လေးလုံးအဆင့်ရောက်မှာသာ အဖွဲ့တစ်ဖွဲ့ကို ဂိုဏ်းတစ်ခုလို့ ခေါ်ဖို့ အရည်အချင်းမှီတယ်။ ကြယ်လေးလုံးအောက်မှာ သိုင်းအဖွဲ့ဆိုတာပဲ ရှိတယ်။ ကြယ်တစ်လုံးသိုင်းအဖွဲ့၊ ကြယ်နှစ်လုံးသိုင်းအဖွဲ့၊ ကြယ်သုံးလုံးသိုင်းအဖွဲ့ဆိုပြီးတော့ပေါ့။

"အနာဂတ်က အဆုံးမရှိတော့ဘူး။ ဂိုဏ်းက ပါရမီရှင်တွေကျင့်ကြံဖို့အတွက် နေရာတစ်ခုပဲ။ ကြယ်တစ်ထောင်ခန်းမက ယန်ရှန်ဂိုဏ်းနဲ့ ဘယ်လိုချိတ်ဆက်မိသွားသလဲဆိုတာ ငါ မသိပါလား"

"ကြယ်တစ်ထောင်ဘုရားကျောင်းက ယန်ရှန်ဂိုဏ်းကို ဆက်သွယ်ခဲ့တာမဟုတ်ဘူး၊ ဒါပေမယ့် ယန်ရှန်ဂိုဏ်းက ကြယ်တစ်ထောင်ဘုရားကျောင်းကို ဆက်သွယ်ခဲ့တာ။ ငါ ရထားတဲ့သတင်းအချက်အလက်အရဆိုရင် လွန်ခဲ့တဲ့နှစ်ရှစ်သန်းက ယန်ရှန်ဂိုဏ်းက ပါးဟိုင်နတ်ဘုရားကမ္ဘာကို ပါရမီရှင်တွေ စုဆောင်းဖို့ ရောက်လာခဲ့တယ်။ အထူးချွန်ဆုံးပါရမီရှင်က ရွေးချယ်ခံရပြီး ယန်ရှန်ဂိုဏ်းနဲ့အတူ ခရမ်းရောင်တိမ်နတ်ဘုရားကမ္ဘာသို့ လိုက်သွားတယ်။ ပြီး‌နောက် အဲ‌လူက အဆင့်မြင့်စိတ်ဝိညာဉ်နတ်ဘုရားဖြစ်လာပြီး ယန်ရှန်ဂိုဏ်းမှာ စွမ်းအားတွေအမြောက်အများရှိလာတယ်" အလယ်ဆင့်နတ်ဘုရားမရဲ့သတင်းက အတော်လေးစုံလင်တယ်။

"ယန်ရှစ်နတ်ဘုရားဂိုဏ်းက လွှတ်လိုက်တဲ့သူတွေ၊ ဂျူနီယာလီ၊ မင်းရဲ့ပါရမီနဲ့ထိုးထွင်းသိမြင်မှုအရဆိုရင် ရန်ရှန်နတ်ဘုရားဂိုဏ်းက မြင်ရင် မင်းကို သေချာပေါက် ခေါ်သွားကြလိမ့်မယ်" တုန်းယန်ပိုင်ဟေးက လီဖူချန်းကို ရုတ်တရက် ပြောလိုက်တယ်။

ဒါကို ကြားပြီး လီဖူချန်းနဲ့တုန်းယန်ဒိုင်လန်က ခေါင်းညိတ်လိုက်တယ်။

လီဖူချန်းရဲ့ပါရမီနဲ့ထိုးထွင်းသိမြင်မှုက ဓားနတ်ဘုရားကာဒီလက်နဲ့ချုံးကျိုးတို့ထက် မနိမ့်ကျပါဘူး။ အသက်အရ လီဖူချန်းက ပိုငယ်တယ်။ တစ်ခုတည်းသောပြဿနာက တုန်းယန်ဂိုဏ်းမြင်အောင် ဘယ်လိုလုပ်ရမလဲဆိုတာပဲ။ တကယ်တော့ တစ်ယောက်မှ ရန်ရှန်ဂိုဏ်းနဲ့ပတ်သက်ပြီး မသိဘူး။ ပါးဟိုင်နတ်ဘုရားကမ္ဘာကို ဘယ်အချိန်ကျမှ လာမှာလဲ၊ တောက်ပနတ်ဘုရားကမ္ဘာကိုရော သွားမှာလား။ မသွားဘူးဆိုရင် လီဖူချန်းက တုန်းယုန်မြို့မှာပဲ ‌နေပြီး စောင့်ရမယ်။

"တစ်နည်းနည်းနဲ့ ဖြစ်လာမှာပါ။ ငါက စိတ်ဝိညာဉ်နတ်ဘုရားတစ်ယောက်ဖြစ်ဖို့ အဝေးကြီးလိုပါသေးတယ်၊ ဒါကြောင့် အလျင်လိုစရာမလိုပါဘူး"

လီဖူချန်းက ဂရုမစိုက်ပါဘူး။

အဆင့်နိမ့်အစစ်အမှန်နတ်ဘုရားတစ်ယောက်ဖြစ်လာပြီးနောက် သူက အသေးစားချီလီယိုခါဇန်နတ်ဘုရားကမ္ဘာမှာပဲ ဆက်လက်ကျင့်ကြံနိုင်တယ်၊ သူ အဆင့်မြင့်အစစ်အမှန်နတ်ဘုရားရဲ့အကန့်အသတ်ကို ရောက်တဲ့အထိပေါ့။

အပွင့်လင်းဆုံးပြောရရင် ကြယ်လေးလုံးဂိုဏ်းက လီဖူချန်းအတွက် စမှတ်တစ်ခုဖြစ်ဖို့ နိမ့်ကျလွန်းပါတယ်လေ။

အလတ်စားချီလီယိုခါဇန်နတ်ဘုရားကမ္ဘာက အသေးစားချီလီယိုခါဇန်နတ်ဘုရားကမ္ဘာမဟုတ်ပါဘူး။

အသေးစားချီလီယိုခါဇန်နတ်ဘုရားကမ္ဘာရဲ့အသန်မာဆုံးအဖွဲ့က ကြယ်နှစ်လုံးအဖွဲ့ဖြစ်တဲ့အစစ်အမှန်နတ်ဘုရားအဆင့်ဂိုဏ်းတွေဖြစ်တယ်။

ကြယ်လေးလုံးဂိုဏ်းတွေရဲ့အထက်မှာ ကြယ်ငါးလုံးဂိုဏ်းဆိုတာ ရှိတယ်လေ။ ကြယ်လေးလုံးဂိုဏ်းထဲမှာ‌တောင် အားနည်းတာ၊ သန်မာတာ ရှိပါသေးတယ်။

လီဖူချန်းက ဂိုဏ်းတစ်ခုကို မျက်စိမှိတ်ကာ မပူးပေါင်းချင်ပါဘူး၊ သို့မဟုတ်ရင် သူက နောက်ကျရင် နောင်တရလိမ့်မယ်။