အရှေ့ပိုင်း နဂါးနန်းတော်၏ ရောက်ရှိလာမှု ၂

သူက ပြင်းထန်စွာအသက်ရှူသွင်းလိုက်ပြီး နောက်ဆုံးတွင် ဆင်ခြင်တုံတရားအနည်းငယ်ကို ပြန်လည်ရရှိလာခဲ့သည်။

ရွှယ်ယန် ဤကဲ့သို့ဒေါသထွက်နေရခြင်း၏ အကြောင်းရင်းမှာ ယွဲ့မိသားစု၏ ပြဿနာများနှင့် ထိုလူငယ်လေး၏ လျစ်လျူရှုခြင်းကို ခံလိုက်ရခြင်းအပြင်၊ ပို၍ အရေးကြီးသည်မှာ လောဘဝံပုလွေကြယ်တာရာအစီအရင်သည် ထိုအသုံးမကျသောလူများဆီတွင် ရှိနေဆဲဖြစ်သောကြောင့်ပင်။

သူ၏ ပေါ့ဆမှုကြောင့် ဆုံးရှုံးသွားရသည်မှာ အနန္တတာအိုအင်ပါယာဂိုဏ်း၏ ရတနာတစ်ခုပင်။

"နေဦး။"

ရုတ်တရက်၊ ရွှယ်ယန်တစ်စုံတစ်ခုကို စဉ်းစားမိသွားပြီး၊အသက်ကယ်ကြိုးတစ်ချောင်းကို ဆုပ်ကိုင်မိလိုက်သကဲ့သို့ သူ၏ မျက်လုံးများမှာ ကြမ်းကြုတ်သွားကာ "မင်းဘယ်သူဘယ်ဝါဆိုတာကို တစ်ယောက်ယောက်ကတော့ သိလိမ့်မယ်။ မင်း လွတ်လမ်းမရှိပါဘူး"

ဤအနောက်ပိုင်းဟုန် ကျင့်ကြံသူများကို စုဆောင်းနေစဉ်အတွင်း၊ကျစ်ရှန်းက ထိုသူထံရောက်လာခဲ့သည်။

ထိုသို့ တွေးမိသည်နှင့် ရွှယ်ယန်သည် ရုတ်တရက် မတ်တတ်ရပ်လိုက်ပြီး ခန်းမ၏ ထွက်ပေါက်ဆီသို့ ပြေးထွက်သွားလေ၏။

"..."

ချီပဉ္စမမြောက် သားတော်သည် တင်းမာသော မျက်နှာထားဖြင့် သူ၏အဝတ်အစားများပေါ်မှ ဖုန်များကို ခါထုတ်လိုက်ပြီး တစ်ဖက်လူထွက်ခွာသွားသည်ကို တိတ်တဆိတ်ကြည့်နေလိုက်သည်။

ယွဲ့မိသားစု၏ ဖြစ်ရပ်နှင့် ရွှယ်ယန်၏ တုံ့ပြန်မှုက မြောက်ပိုင်းဟုန်အပေါ် သူ၏ အမြင်ကို ပြောင်းလဲသွားစေခဲ့၏။

မသေမျိုးများ၏ ဤခွေးများသည် သူ ထင်မှတ်ထားသလောက်နားလည်ရခက်ခဲသူများ မဟုတ်ပေ။

ယင်းအစား နတ်ဆိုးတစ်သောင်းခန်းမကသာ

ချီပဉ္စမမြောက်သားတော်၏ မျက်ခွံများ တုန်လှုပ်သွားပြီး၊ သူ၏ သူငယ်အိမ်များတွင် အကြောက်တရားများဖြည်းညှင်းစွာ လှိုက်တက်လာခဲ့၏။

...

တစ်ချိန်တည်းမှာပင်၊ ခြေပြတ်လက်ပြတ်များနှင့် ရောနှောနေသည့် သွေးမိုးများ အနောက်ပိုင်းဟုန် အထက်တွင် ရွာသွန်းနေလေသည်။

ရှန်းယီသည် သိပ်သည်းလှသောတိမ်နက်ကြီးများကြားတွင် ရပ်နေဆဲဖြစ်ပြီး၊ နီရဲသောမိုးရေများ သူ့ပတ်ဝန်းကျင်တွင် ရွာသွန်းနေသော်လည်း၊ သူ၏ အနက်ရောင်ဝတ်ရုံပေါ်တွင် တစ်စက်မျှပင် စွန်းထင်းခြင်း မရှိပေ။

ယခုတိုင်အောင်၊ ထျန်းယန် ၄၉ မှာ ယခင်ကကဲ့သို့ပင် ယုံကြည်စိတ်ချရဆဲဖြစ်သည်။

သူသည် သူ၏လက်ဖဝါးထဲရှိ အဝါရောင်ကြေးမုံအပိုင်းအစကို ငုံ့ကြည့်လိုက်ပြီး သူ၏ မျက်နှာအမူအရာမှာ ပြောင်းလဲခြင်း မရှိပေ။

မလှုပ်ရှားမီကပင်၊ ရှန်းယီသည် သူမည်သူဖြစ်ကြောင်းထွက်ပေါ်သွားနိုင်ခြင်းအပေါ် ပြင်ဆင်ထားပြီးဖြစ်သည်။

သေချာသည်မှာ၊ ဤသို့ထွက်ပေါ်သွားခြင်းသည် နန်ယန်ဂိုဏ်းချုပ်၏ ကိုယ်ပိုင်လက္ခဏာနှင့် ပတ်သက်မည် မဟုတ်ပေ။ လောကတွင် သူ၏ အချိန်တိုတောင်းမှုကြောင့်၊ အနောက်ပိုင်းဟုန်တွင် သူ့ကို မြင်ဖူးသူအလွန်နည်းပါးသည်အနည်းငယ်မျှသာ ရှိလေ၏။

ထိန်းချုပ်၍မရသောတစ်ခုတည်းသော အချက်မှာ ရေအောက်ရှိ ယွီတောင်၏ နဂါးကြင်ယာတော် ပင်။

ယွဲ့မိသားစုတွင် ဤမျှကြီးမားသောပြဿနာကြီး ဖြစ်ပွားနေသဖြင့်၊ အနောက်ပိုင်း နဂါးဘုရင်သည် သူရနိုင်သမျှသော အကူအညီအားလုံးကို ဆင့်ခေါ်မည်မှာအသေအချာပင်။

ချီကျောက်ယီ ကျဆုံးသွားမှုသည် အချိန်ကြာမြင့်စွာလျှို့ဝှက်ထားနိုင်မည် မဟုတ်သောကြောင့် ထွက်ပေါ်သွားခြင်းမှာ ရှောင်လွှဲ၍မရနိုင်ပေ။

ရှန်းယီသည် အရှေ့ပိုင်းနဂါးနန်းတော်နှင့် မဟာမိတ်ဖွဲ့ရန် တွေးတောနေပြီးဖြစ်ရာ၊ သူမကို နောက်တစ်ကြိမ်စမ်းသပ်ရန် ဤအခွင့်အရေးကို အသုံးချခြင်းက ပိုကောင်းပေမည်။

ထို့အပြင်၊နတ်ဆိုးတစ်သောင်းခန်းမနှင့် သက်ဆိုင်သော သူ၏ကိုယ်ရေးကိုယ်တာမှာ အနောက်ပိုင်း နဂါးနန်းတော်၏ တင်းကျပ်စွာ စောင့်ကြည့်ခြင်းကို ခံနေရပြီးဖြစ်ရာ၊ ခန်းမခွဲသခင်များ၏ တာဝန်များတွင် ကူညီရန်အခြေအနေများကို ပိုမိုလှုပ်ခတ်ပေးမည့် နောက်ထပ်လူတစ်ယောက် လိုအပ်နေသည်။

လောလောဆယ်တော့... ရှန်းယီသည် လက်ယမ်းလိုက်ပြီး ကပ်ဘေးချီလင် အလောင်းများ အားလုံးကို သူ၏ လက်စွပ်ထဲသို့ စုဆောင်းလိုက်၏။

[ကောင်းကင်ဘုံနယ်ပယ် နှောင်းပိုင်းအဆင့်ရှိ ကပ်ဘေးချီလင်အား သတ်ဖြတ်ပြီး။ စုစုပေါင်း သက်တမ်း ၇၂၀၀၀၀၊ လက်ကျန်သက်တမ်း ၁၄၀၀၀၀။ စုပ်ယူခြင်းပြီး။]

[မြေကမ္ဘာနယ်ပယ် နောက်ဆုံးအဆင့်ရှိ ကပ်ဘေးချီလင်အား သတ်ဖြတ်ပြီး။ စုစုပေါင်း သက်တမ်း ၅၂၀၀၀၀၊ လက်ကျန်သက်တမ်း ၃၇၀၀၀၀။ စုပ်ယူခြင်းပြီး။]

အသိပေးချက် ဆယ်ခုထက်မက ပေါ်ထွက်လာပြီး၊ ၎င်းတို့အနက်ခြောက်ခုမှာ တာအိုပေါင်းစည်းခြင်း အဆင့်တွင် ရှိကြသည်။ ကျောက်စိမ်းဖြူမြို့တော်မှ ကျန်ရှိသောနတ်ဆိုးငယ်လေးများတွင် အလွန်တရာပေါများပြည့်စုံသော သက်တမ်းများ ရှိကြသည်။

သူတို့သည် ယွဲ့မိသားစု၏ ထိအ်တန်းအဖွဲ့ဝင်များ အမှန်တကယ်ဖြစ်ထိုက်ကြောင်း ထင်ရှားစွာမြင်တွေ့နိုင်သည်။

သူသည် နတ်ဆိုးသက်တမ်း ၁.၆ သန်းကျော် ရယူနိုင်ခဲ့ပြီး၊ နတ်ဆိုးဧကရာဇ်တံဆိပ်တုံးနှစ်ခု စုဆောင်းရန်အတွက် နောက်ထပ်သိသာထင်ရှားသော ခြေလှမ်းတစ်လှမ်းဖြစ်သည်။

တိမ်နက်များ လုံးဝပြယ်လွင့်သွားသောအခါ၊ ရှန်းယီ မျက်လုံးများကိုပင့်ကာကြည့်လိုက်၏။ သူသည် ပို၍လိုချင်တပ်မက်ဖြစ်လာကာ မိုးကုတ်စက်ဝိုင်းဆီသို့ လှမ်းကြည့်ကာမျက်မှောင်ကြုတ်လိုက်သည်။

"ရှီးး"

ဂိုဏ်းချုပ်များစွာသည် သူတို့၏ ရင်ထဲတွင် နာကျင်မှုတစ်ခုကို ခံစားလိုက်ရ၏။ သွေးမိုးရွာကျခြင်းမှာမြင်တွေ့ရသည်နှင့်ပင် ကြက်သီးမွေးညင်းထစရာ ကောင်းနေပြီဖြစ်သော်လည်း၊လူငယ်ကျင့်ကြံသူ၏ ထင်ရှားသော သွေးဆာမှုမှာ မပြေပျောက်သေးသဖြင့်၊ ဤလူငယ်မှာ နတ်ဆိုးတစ်သောင်းခန်းမ၏ တပည့်များအားလုံးနှင့် စာရင်းရှင်းအုံးမည်လော။

အကယ်၍ မှန်ကန်ပါက ယနေ့ ခရီးစဉ်သည် အလဟဿဖြစ်မည်မဟုတ်ပေ။

သို့တိုင် ကောင်းကင်မှ မက်မွန်ပန်းများမှာ ကျန်ရှိနေဆဲဖြစ်ပြီး၊ထိုသိမ်မွေ့သော ပုံရိပ်လေးသာ ပျောက်ဆုံးနေသည်။

"ဒီနတ်ဆိုးတစ်သောင်းခန်းမက... လောဘဝံပုလွေကြယ်တာရာမြေပုံထဲကနေ လွတ်မြောက်ဖို့ နည်းလမ်းရှိတယ်ပေါ့"

အလွန်ရင်းနှီးကျွမ်းဝင်နေသော ဤနယ်မြေမှာ ရုတ်တရက်လွန်စွာစိမ်းသက်သွားခြင်းကြောင့် အလွန်တုန်လှုပ်သွားကြပြီး၊ဂိုဏ်းချုပ်များ၏ မျက်နှာများမှာ ဖြူလျော်သွားကြသည်။

အခြေအနေဆိုးပြီ အကယ်၍ နတ်ဆိုးတစ်သောင်းခန်းမသာ အမှန်တကယ်လွတ်မြောက်သွားနိုင်ခဲ့လျှင်၊ ထိုကြမ်းတမ်းသော လူရမ်းကားများ၏ လက်စားချေလိုသော သဘာဝအရ...

သူတို့၏ အကြည့်များကို တွေဝေစွာပြန်လည်ရုပ်သိမ်းလိုက်သောအခါ၊ လူတိုင်း တညီတညွတ်တည်း နောက်သို့ခြေလှမ်းအနည်းငယ် ဆုတ်လိုက်ကြ၏။

ထိုအနက်ရောင် ဝတ်ရုံနှင့် ပုံရိပ်သည် သူတို့ မသိလိုက်ခင်မှာပင် အနီးသို့ ချဉ်းကပ်လာပြီး ဖြစ်သည်။

ယခုအခါ အနောက်ပိုင်းဟုန်မှ ဤနာမည်ကြီး ဂိုဏ်းချုပ်များအားလုံး၏ မျက်နှာများမှာ ဖြူလျော်နေပြီး၊တံတွေးကို ခဲယဉ်းစွာမျိုချလျက် မည်သို့ စကားပြောရမည်ကို မသေချာဖြစ်နေကြ၏။

သို့သော်လည်း၊ သူတို့ကို အံ့အားသင့်စေခဲ့သည်မှာ ကောင်းကင်ဘုံနယ်ပယ် နှောင်းပိုင်းအဆင့် မဟာနတ်ဆိုးများ၏ သွေးများစွန်းထင်းနေသော လက်ပိုင်ရှင် ဤလူငယ်လေးက ဤမျှရှင်းလင်းပြတ်သားပြီးကြည်လင်သောအသံဖြင့် စကားပြောလာခြင်းပင် ဖြစ်သည်။

"ကျေးဇူးပြုပြီး အဲဒီအစီအရင်မြေပုံကို ပေးပါ။"

"ဒါက.."

သူတို့ အံ့အားသင့်စွာ တိတ်ဆိတ်နေစဉ်အတွင်း၊ ဟွမ်ဝမ်ဖာသည် လျင်မြန်စွာရှေ့သို့ ထွက်လာပြီး ရှေ့ဆုံးရှိလူ၏ သိုလှောင်အိတ်ဆီသို့ လှမ်းယူလိုက်၏။

"ဒီအတိုင်းကြီး ရပ်မနေနဲ့လေ။ မြန်မြန်ပေးလိုက် မင်းတို့ကပဲ နားလည်မယ့်အတိုင်းပဲ"

မသေမျိုးနိယာမ နှင့်ပင် နှိုင်းယှဉ်နိုင်လောက်သော ဤသို့သောအစီအရင်မျိုးကို ဂိုဏ်းချုပ်ရှန်းတစ်ဦးတည်းသာ ကျင့်ကြံရန်အရည်အချင်းပြည့်မီသည်မှာ အမှန်ပင်။

"..."

ရှန်းယီသည် အဘိုးအိုကို စကားတစ်ခွန်းမျှ မဆိုဘဲ လှမ်းကြည့်လိုက်၏။ သူတို့ ပထမဆုံး တွေ့ဆုံခဲ့ချိန်က၊ ဤစီနီယာဟွမ်တွင် သူလေးစားရသော ရဲရင့်သည့် စစ်သည်တော်စိတ်ဓာတ်အရိပ်အယောင်များ ရှိသည့် တသီးတသန့်နေတတ်သောကျွမ်းကျင်သူတစ်ဦး၏ အရှိန်အဝါမျိုး ရှိနေသည်ကို သူ မှတ်မိသည်။

ယခုအချိန်တွင် သူက လူရမ်းကားတစ်ယောက်ကဲ့သို့ ပိုမိုပြုမူလာသည်မှာ မည်မျှကြာပြီဖြစ်သနည်း။

သူသည် ကမ်းပေးလာသော အစီအရင်မြေပုံအထပ်ကိုလက်ခံလိုက်ပြီးနောက် ခေါင်းအနည်းငယ်ငြိမ့်ပြကာ၊ မတော်တဆမှုများ မဖြစ်စေရန်အတွက် လူတိုင်းရှေ့တွင် ဆက်လက်ပြောဆိုခြင်းမှ ရှောင်ကြဉ်လိုက်၏။

ထို့အပြင်၊ အဘိုးကြီးဟွမ်သည် ပန်ရှန်း ဂိုဏ်းချုပ်ဖြစ်ပြီး အတွေ့အကြုံမရှိသေးသည့် လူသစ်တစ်ယောက် မဟုတ်ပေ။ အခြားသူများထံမှ ညွှန်ကြားချက်မလိုဘဲ မိမိကိုယ်ကို မည်သို့ ကာကွယ်ရမည်ကို သူ သိထားလေ၏။

အစီအရင်မြေပုံများကို သိမ်းဆည်းပြီးနောက်၊ ရှန်းယီသည် မိုးပြာရောင်ကောင်းကင်ယံထဲသို့ ပျော်ဝင်သွားပြီး ထိုနေရာမှပျောက်ကွယ်သွားလေသည်။

များပြားလှသော ဂိုဏ်းချုပ်များသည်သာ အချင်းချင်း အကဲခတ်ကျန်ရစ်ခဲ့သည်။

ခေတ္တမျှတိတ်ဆိတ်သွားပြီးနောက်၊ ဟွမ်ဝမ်ဖာကို ပြန်လည်ကြည့်ရှုလိုက်ကြသောအခါ သူတို့၏ ရင်ထဲတွင်ရိုသေလေးစားမှု အနည်းငယ်ပိုမိုခံစားလိုက်ရ၏။

ဤကဲ့သို့ ရက်စက်ကြမ်းကြုတ်သူတစ်ဦးနှင့် ရောနှောပေါင်းသင်းနိုင်ခြင်းကြောင့်၊ ဂိုဏ်းချုပ်ဟွမ်သည် အမှန်တကယ်ပင် ပိုမိုအထင်ကြီးစရာ ကောင်းလာခဲ့သည်။

...

အနောက်ပိုင်းဟုန်၊ ယွီတောင်

ဓားပျံတစ်လက်ကို စီးနင်းလာသည့် ရွှယ်ယန်သည် ရေနတ်ဆိုးစစ်သည်များစွာကို လျစ်လျူရှုကာ ခန်းမကြီးဆီသို့ အပေါ်သို့တဟုန်ထိုး တိုးဝင်သွားခဲ့လေ၏။

"ကျစ်ရှန်း၊ မင်းကို ငါ မေးစရာရှိတယ်"

ယခင်က၊ အနန္တတာအိုအင်ပါယာဂိုဏ်းနှင့် အရှေ့ပိုင်းနဂါးနန်းတော်တို့မှာ သဘောထားကွဲလွဲနေကြသော်လည်း၊သူသည် သူမကို စီနီယာတစ်ဦးအဖြစ် ခေါ်ဝေါ်ခဲ့သော်လည်း ယခုတစ်ကြိမ်တွင်မူ သူမ၏နာမည်ကို တိုက်ရိုက်ခေါ်ဆိုလိုက်လေသည်။