ရန်သူရဲ့တိုက်ခိုက်မှု

ငွေရင့်ရောင်သင်္ဘောရဲ့အရှိန်က အလွန်မြန်တယ်။

ယေဘုယျပြောရရရင် ပျံသန်းရေးနတ်ဘုရားအသုံးအဆောင်ပစ္စည်းတွေက အဆင့်တူညီတဲ့နတ်ဘုရားတွေထက် ပိုမြန်တယ်။

ဥပမာအားဖြင့် အဆင့်နိမ့်ပျံသန်းရေးနတ်ဘုရားအသုံးအဆောင်ပစ္စည်းရဲ့အရှိန်က အဆင့်နိမ့်နတ်ဘုရားထက် ပိုမြန်တယ်။

အဆင့်နိမ့်ပျံသန်းရေးအစစ်အမှန်နတ်ဘုရားအသုံးအဆောင်ပစ္စည်းရဲ့အရှိန်က အဆင့်နိမ့်အစစ်အမှန်နတ်ဘုရားထက် ပိုမြန်တယ်။

အလားတူစွာပင်၊ အဆင့်နိမ့်ပျံသန်းရေးစိတ်ဝိညာဉ်နတ်ဘုရားအသုံးအဆောင်ပစ္စည်းရဲ့အရှိန်က အဆင့်နိမ့်စိတ်ဝိညာဉ်နတ်ဘုရားထက် ပိုမြန်တယ်။

နတ်ဘုရားဟင်းလင်းပြင်မှာ ခရီးသွားတဲ့အခါ လက်ထဲမှာ ပျံသန်းရေးအသုံးအဆောင်ပစ္စည်းမရှိရင် အလွန်စိတ်ညစ်စရာပဲ၊ တစ်ယောက်ကမှ သူတို့ရဲ့အချိန်နဲ့စွမ်းအင်အများစုကို လမ်းခရီးပေါ်မှာပဲ မဖြုန်းတီးချင်ဘူးလေ။

"ပါးဟိုင်ပင်လယ်နတ်ဘုရားကမ္ဘာမှာ အနီးနားမှာရှိတယ်၊ အားလုံး ထွက်ရှာကြည့်ကြ"

ဘယ်လောက်ကြာသလဲကို မသိဘူး၊ ငွေရင့်ရောင်သ‌‌င်္ဘောက ရပ်သွားတယ်၊ လူတိုင်းက ခန်းမမှ ထွက်လာတယ်၊ လန်လို့က ပြောလိုက်တယ်။

"ဟုတ်ကဲ့"

ဒါကို ကြားပြီး လူတိုင်းက သူတို့ရဲ့ကိုယ်ပိုင်ပျံသန်းရေးနတ်ဘုရားအသုံးအဆောင်ပစ္စည်းတွေကို ယူထုတ်ကာ ငွေရင့်ရောင်သ‌င်္ဘောကနေ လျင်မြန်စွာ ထွက်ခွာသွားတယ်။

တစ်ခဏကြာပြီးနောက် ကုန်း‌ပတ်ပေါ်မှာ စိတ်ဝိညာဉ်နတ်ဘုရားသုံးယောက်သာ ကျန်ရှိတော့တယ်။

ကျောရွှယ်က ဟိုဟိုသည်သည်ကြည့်လိုက်တယ်၊ သူ့မြင်ကွင်းထဲမှာ အရောင်အမျိုးမျိုးရှိတဲ့ကျောက်မျက်တုံးတွေက နတ်ဘုရားဟင်းလင်းပြင်ထဲမှာ လွင့်မျောနေတယ်။

ဒါတွေက အသေးစားချီလီယိုခါဇန်နတ်ဘုရားကမ္ဘာတွေမှန်း ကျောရွှယ်က သိတယ်။

"ဟိုအသေးစားချီလီယိုခါဇန်နတ်ဘုရားကမ္ဘာက ဘာဖြစ်ခဲ့တာလဲ။ ဘာလို့ ထောင့်တစ်ထောင့်က ပျောက်ဆုံးနေတာလဲ"

ရုတ်တရက် ကျောရွှယ်က ထူးခြားတဲ့အသေးစားချီလီယိုခါဇန်နတ်ဘုရားကမ္ဘာတစ်ခုကို မြင်လိုက်ရတယ်။

ဒီအသေးစားချီလီယိုခါဇန်နတ်ဘုရားကမ္ဘာက ကျောက်မျက်တုံးတစ်ခုဖြစ်ပေမယ့် ထောင့်တစ်ခုက ပြတ်ထွက်နေပုံရတယ်။

မန်ထင်က ပြောလိုက်တယ်"ခရမ်းရောင်တိမ်နတ်ဘုရားကမ္ဘာမှာ အသေးစားချီလီယိုခါဇန်နတ်ဘုရားကမ္ဘာတွေရာကျော်ရှိတယ်၊ ထူးခြားတဲ့အသေးစားချီလီယိုခါဇန်နတ်ဘုရားကမ္ဘာတွေက အမြဲတမ်းရှိမှာပဲ"

လန်လို့က ပြောလိုက်တယ်"တစ်ယောက်ယောက် ခုတ်ပိုင်းထားတာလို့ ငါ ထင်တယ်"

"ဒဏ္ဍာရီလာနတ်ဘုရားဘုရင်တစ်ယောက်ကတောင် အသေးစားချီလီယိုခါဇန်နတ်ဘုရားကမ္ဘာကို ဓားတစ်ချက်နဲ့ ခုတ်ဖြတ်ဖို့ ခက်ခဲတာ" မန်ထင်က သဘောမတူပါဘူး။

အသေးစားချီလီယိုခါဇန်နတ်ဘုရားကမ္ဘာတွေက နတ်ဘုရားဟင်းလင်းပြင်မှ မွေးဖွားလာပြီး တစ်ဦးချင်းစီအဆင့်အရ နတ်ဘုရားဘုရင်တွေနဲ့ အဆင့်တူတယ်၊ ဒါပေမယ့် ၎င်းတို့က မရွေ့လျားနိုင်ဘူး၊ အခြားသူတွေကို မတိုက်ခိုက်နိုင်ဘူး။

ကျောရွှယ်က ပြောလိုက်တယ်" ထိပ်တန်းအဆင့်နတ်ဘုရားဘုရင်ကပဲ အဲလိုလုပ်နိုင်မှာ"

နတ်ဘုရားဘုရင်မှာ ပြီးပြည့်စုံတဲ့ဥပဒေသတစ်ခုရှိပြီး ထိပ်တန်းအဆင့်နတ်ဘုရားဘုရင်က ပြီးပြည့်စုံတဲ့ထိပ်တန်းအဆင့်ဥပဒေသတစ်ခုရှိတယ်။

ပြီးပြည့်စုံတဲ့ထိပ်တန်းအတင့်ဥပဒေသတွေနဲ့ဆိုရင် အသေးစားချီလီယိုခါဇန်နတ်ဘုရားကမ္ဘာကို မဖြတ်နိုင်စရာအကြောင်းမရှိဘူး။

လအနည်းငယ်ကြာပြီးနောက် ပါးဟိုင်နတ်ဘုရားကမ္ဘာကို တွေ့ရှိသွားခဲ့ပြီး ငွေရင့်ရောင်သင်္ဘောက ပါးဟိုင်နတ်ဘုရားကမ္ဘာရှိ ပျံသန်းသွားတယ်။

……

"လုပ်ဆောင်ချက်အမှတ်တွေကို အကုန်လုံးနီးပါးသုံးသွားပြီ။ ကံကောင်းစွာနဲ့ ငါ့ရဲ့အဆင့်မြင့်နတ်ဘုရားအသုံးအဆောင်ပစ္စည်းလိုအပ်ချက်က လက်ရှိမှာ အရမ်းမကြီးမားတာပဲ"

မီးတာအိုအစစ်အမှန်နတ်ဘုရားအတတ်တွေ၊ ဓားတာအိုအစစ်အမှန်တတ်ဘုရားအတတ်တွေအတွက် လီဖူချန်းက လုပ်ဆောင်ချက်အမှတ်ငါးဆယ့်လေးဘီလီယံကုန်ကျခဲ့တယ်၊ ပြီးရင် နတ်ဘုရားစိတ်ဝိညာဉ်နတ်ဘုရားဆေးတွေကိုလဲ ဖလှယ်ခဲ့တယ်။ လက်ရှိလီဖူချန်းမှာ လုပ်ဆောင်ချက်အမှတ်တစ်ဘီလီယံအောက်သာ ကျန်တော့တယ်။ လက်ရှိမှာ သူအနေနဲ့ လဲလှယ်နိုင်စရာမရှိတော့ဘူး။

ဒါပေမယ့် လီဖူချန်းက ဂိုဏ်းကို သူဖန်တီးထားတဲ့အစစ်အမှန်နတ်ဘုရားအတတ်တွေကို ပေးအပ်နိုင်တယ်။

အလယ်ဆင့်မီးတာအိုအစစ်အမှန်နတ်ဘုရားအတတ်တစ်ခုကို ဂိုဏ်းကို ပေးအပ်ရင် လုပ်ဆောင်ချက်အမှတ်တစ်ဆယ်ဘီလီယံကို ရရှိနိုင်တယ်။ အလယ်ဆင့်ဓားတာအိုအစစ်အမှန်နတ်ဘုရားအတတ်တစ်ခုကို ဂိုဏ်းကို ပေးအပ်ရင် လုပ်ဆောင်ချက်အမှတ်နှစ်ဆယ်ဘီလီယံကို ရရှိနိုင်တယ်။

ဒါပေမယ့် လီဖူချန်းက အဲဒါကို လက်ရှိအချိန်မှာ မလုပ်ချင်ပါဘူး။

လက်ရှိအချိန်မှာ သူအနေနဲ့ ဖလှယ်စရာလဲ ဘာမှ  မလိုအပ်သေးဘူးလေ။ သူ့ခန္ဓာကိုယ်ပေါ်ရှိအဆင့်မြင့်နတ်ဘုရားအသုံးအဆောင်ပစ္စည်းတွေအားလုံးက အရမ်းအဆင့်မမြင့်ပေမယ့် သူတို့အားလုံးက ပျမ်းမျှအဆင့်ရှိတယ်။ အချို့က စိတ်ဝိညာဉ်နတ်ဘုရားသင်္ချိုင်းမှ ရလာပြီး အချို့က ဂိုဏ်းမှ ဖြစ်တယ်။ အသုံးမပြုဘဲကျန်နေတာတွေအားလုံးကို လုပ်ဆောင်ချက်အမှတ်အဖြစ် ပြောင်းခဲ့တယ်။

အစစ်အမှန်နတ်ဘုရားအသုံးအဆောင်ပစ္စည်းတွေအတွက်ကတော့ အစစ်အမှန်နတ်ဘုရားအကြီးအကဲတွေရဲ့ကိုးဆယ်ရာခိုင်နှုန်းလောက်မှာ မရှိပါဘူး။

ဒုန်း ဒုန်း ဒုန်း ဒုန်း......

ခေါင်းလောင်းက ကိုးချက်တိတိ မြည်လာတယ်၊ တစ်ခုခုကြီးမားတာ ဖြစ်နေတာပဲ။

လီဖူချန်းက အနီးဆုံးစုဝေးရာကွက်လပ်ဆီ ပျံသန်းသွားခဲ့တယ်။

စုဝေးရာကွက်လပ်မှာ မရင်းမနှီးတဲ့မျက်နှာတွေအမြောက်အများ ထွက်ပေါ်လာနေခဲ့တယ်။

"ဘာဖြစ်တာလဲ။ ငှက်မွေးတစ်ထောင်တိုင်းပြည်က လာတိုက်ခိုက်နေတာလား"

"မဖြစ်နိုင်ဘူး၊ အစစ်အမှန်နတ်ဘုရားက ကြားမဝင်ရင် ငှက်မွေးတစ်ထောင်တိုင်းပြည်က တိုက်ခိုက်ရဲမှာမဟုတ်ဘူး"

"တုန်းယန်ခေါင်းလောင်းကိုးကြိမ်တိတိမမြည်တာ အချိန်အတော်ကြာပြီ။ တစ်ခုခုကြီးမားတာ ဖြစ်ပျက်တော့မယ်လို့ ငါ ခံစားမိတယ်"

"မင်း ပြောတာ ဖြစ်နိုင်တယ်"

"တိတ်တိတ်နေကြ၊ အကြီးအကဲလုံ ရောက်လာပြီ"

လူတိုင်းဆွေးနွေးနေတဲ့အချိန်မှာ နဖူးပေါ်မှာ နဂါးဦးချိုနဲ့ လူအိုကြီးတစ်ယောက်က ကွက်လပ်ပေါ်ကို ဆင်းသက်လာတယ်။

အချိန်က မိနစ်နှစ်ဆယ်‌လောက် ကြာသွားတယ်။

အရှေ့နေဂိုဏ်းရဲ့တည်နေရာရွှေ့ပြောင်းရေးခန်းမထဲရှိတည်နေရာရွှေ့ပြောင်းရေးအစီအရင်က အလိုအလျောက် လှုပ်ရှားနေပြီး အလင်းတစ်ခုက ဆင်းသက်လာတယ်။

အလင်းက ပျောက်ကွယ်သွားပြီး တုန်းယန်မြို့အရှင်အပါအဝင် အစစ်အမှန်နတ်ဘုရားတွေရဲ့ပုံရိပ်က ထွက်ပေါ်လာတယ်။

"အကြီးအကဲခလော့၊ မင်း ဘာလို့ ဒီကို ရောက်လာတာလဲ"

တည်နေရာရွှေ့ပြောင်းရေးခန်းမကို စောင့်ကြပ်နေတဲ့ အစစ်အမှန်နတ်ဘုရားအကြီးအကဲတစ်ယောက်က အံ့အားသင့်သွားတယ်။

‌ခလော့က အလောတကြီးပြောလိုက်တယ်" အကြီးအကဲထိုက်ရှန့်အပါအဝင်အကြီးအကဲတွေအကုန်လုံး ဆွေးနွေးခန်းမကို လာဖို့ ချက်ချင်း အကြောင်းကြားလိုက်။ ငါ့မှာ ကိစ္စကြီးတစ်ခု ပြောစရာရှိတယ်"

……

ဆွေးနွေးခန်းမ။

"တုန်းယန်မြို့က ပျက်ဆီးသွားတာလား" တုန်းယန်ကျန်က ထိတ်လန့်သွားတယ်။

တုန်းယန်မြို့ရဲ့အကာအကွယ်ဝင်္ကပါက အဆင့်မြင့်ကြယ်သုံးလုံးဝင်္ကပါဖြစ်တဲ့နေနတ်ဘုရားဝင်္ကပါဖြစ်တယ်။ ယေဘုယျပြောရရင် အဆင့်မြင့်အစစ်အမှန်နတ်ဘုရားနှစ်ဆယ်ပူးပေါင်းတိုက်ခိုက်ရင်တောင် ချိုးဖြတ်ဖို့ မဖြစ်နိုင်ဘူး။ ပြီးတော့ ပါးဟိုင်နတ်ဘုရားကမ္ဘာတစ်ခုလုံးမှာ အဆင့်မြင့်အစစ်အမှန်နတ်ဘုရားအနည်းငယ်သာ ရှိတယ်။

"လူဘယ်လောက် လာတိုက်ခိုက်လို့လဲ" လိုင်ဒုန်ဟဲက မေးလိုက်တယ်။

ချလာ့က ဖြည်းညှင်းစွာ ပြောလိုက်တယ်"တစ်ယောက်တည်း"

မဖြစ်နိုင်ဘူး" အစစ်အမှန်နတ်ဘုရားအကြီးအကဲနိုင်ဟဲက မယုံကြည်နိုင်ပါဘူး။

အဆင့်မြင့်နတ်ဘုရားအကြီးအကဲတစ်ယောက်က ‌နေနတ်ဘုရားဝင်္ကပါကို ချိုးဖြတ်နိုင်မယ်လို့ သူ ဘယ်တုန်းကမှ မယုံကြည်ခဲ့ဘူး။ အဆုံးစွန်းအလယ်ဆင့်အစစ်အမှန်နတ်ဘုရားအသုံးအဆောင်ပစ္စည်းတစ်ခုကိုပိုင်ဆိုင်တဲ့ထိုက်ရှန့်အကြီးအကဲတုန်းယန်ဟောင်ရီကတောင် မလုပ်နိုင်ဘူး။

"ငါလဲ မယုံကြည်ချင်ပေမယ့် ဒါက အမှန်တရားပဲ။ ဒီအဆင့်မြင့်နတ်ဘုရားကို ငါ မသိဘူး။ သူက မြွေခေါင်းနဲ့လူတစ်ယောက်ဖြစ်ပြီး သူ့အရှိန်အဝါက အလွန်သန်မာတယ်၊ အကြီးအကဲထိုက်ရှန့်ထက် ဆယ်ဆပိုသန်မာတယ်၊ သူ့လက်ထဲရှိအစစ်အမှန်နတ်ဘုရားအသုံးအဆောင်ပစ္စည်းက အကြီးအကဲထိုက်ရှန့်ရဲ့အစစ်အမှန်နတ်ဘုရားအသုံးအဆောင်ပစ္စည်းထက် ပိုသန်မာတယ်၊ အဆင့်မြင့်အစစ်အမှန်နတ်ဘုရားအသုံးအဆောင်ပစ္စည်းဖြစ်မယ်လို့ ငါ ထင်တယ်။ ကြယ်တစ်ထောင်ခန်းမရဲ့အကြီးအကဲတွေ ရိုသေလေးစားကို ကြည့်ရင်း သူက နောက်ခံကြီးမားမှာကို ငါ ကြောက်ရွံ့မိတယ်။ ငါ့အထင် သူတို့တွေက ကြယ်လေးလုံးရန်ရှန်ဂိုဏ်းက ဖြစ်မယ်" ခလော့က ပြောလိုက်တယ်။

"သူက ရန်ရှန်ဂိုဏ်းရဲ့အဆင့်မြင့်နတ်ဘုရားတစ်ယောက်ဆိုတာ အံ့ဩစရာမရှိဘူးပဲ" တုန်းယန်ဟောင်ရန်က ခေါင်းညိတ်လိုက်တယ်၊ သူ့မျက်နှာအမူအရာက လေးနက်နေတော့တယ်။

သူက ရန်ရှန်ဂိုဏ်းကို မကြောက်ဘူးလို့ ပြောခဲ့ပေမယ့် ရန်ရှန်ဂိုဏ်းက အနီးဝန်းကျင်ကို တကယ် ရောက်လာတဲ့အချိန်မှာတော့ သူ့ကို ဖိအားအများကြီးပေးခဲ့တယ်။

တကယ်တော့ အသေးစားချီလီယိုခါဇန်နတ်ဘုရားကမ္ဘာရဲ့အဆင့်မြင့်အစစ်အမှန်နတ်ဘုရားတွေနဲ့ နှိုင်းယှဉ်ရင် အလတ်စားချီလီယိုခါဇန်နတ်ဘုရားကမ္ဘာရဲ့အဆင့်မြင့်အစစ်အမှန်နတ်ဘုရားတွေက သူတို့ရဲ့ကိုယ်ပိုင်ခွန်အားနဲ့အစစ်အမှန်နတ်ဘုရားအသုံးအဆောင်ပစ္စည်းတွေအရ အကြွင်းမဲ့အသာစီးရတယ်။

နေနတ်ဘုရားဂိုဏ်းက ကြယ်သုံးလုံးအဆင့်မြင့်နတ်ဘုရားဝင်္ကပါတစ်ခုဖြစ်ပေမယ့် အလတ်စားချီလီယိုခါဇန်နတ်ဘုရားကမ္ဘာရှိကြယ်နှစ်လုံးအဆင့်နိမ့်နတ်ဘုရားဝင်္ကပါနဲ့ ညီမျှပေမယ့် အားကောင်းတဲ့အဆင့်မြင့်အစစ်အမှန်နတ်ဘုရားတစ်ယောက်ကို တားဆီးဖို့ ခက်ခဲနေပါသေးတယ်။

"အခြားသူတွေကရော"

တုန်းယန်ကျန်က ခလော့အနောက်ကို ကြည့်လိုက်တယ်။ တုန်းယန်မြို့မှာ အစစ်အမှန်နတ်ဘုရားတစ်ရာလောက်ရှိပြီး သူတို့အထဲကတစ်ဝက်လောက်ကပဲ ဒီအချိန်ရောက်လာတယ်။

"နေနတ်ဘုရားဝင်္ကပါပျက်ဆီးသွားတာနဲ့ တည်နေရာရွှေ့ပြောင်းရေးအစီအရင်ကနေ ချက်ချင်း ထွက်လာခဲ့တယ်။ ငါ ကြောက်မိတယ်....အခြားသူတွေက......" ခလော့က ဆက်မပြော‌တော့ဘဲ ရပ်လိုက်တယ်။ တုန်းယန်မြို့ကနေ အရှေ့နေဂိုဏ်းသို့ တည်‌နေရာရွှေ့ပြောင်းရေးအစီအရင်က တစ်ကြိမ်မှာ ငါးဆယ်ပဲ ပို့ဆောင်နိုင်တာ။ ကျန်ငါးဆယ်ကတော့ ကံကြမ္မာအလိုအရပေါ့။

"တုန်းယန်ခေါင်းလောင်းကို တီးလိုက်။ ရန်သူနဲ့ တွေ့ဆုံဖို့ ပြင်ဆင်ပါ" တုန်းယန်ဟောင်ရီက ပြောလိုက်တယ်။

ဒါကို ကြားပြီး တုန်းယန်ကျန်က ခေါင်းညိတ်လိုက်တယ်။

……

တောက်ပနတ်ဘုရားကမ္ဘာရဲ့အပြင်ဘက်မှာ ငွေရင့်ရောင်သ‌င်္ဘောတစ်စင်းက ထွက်ပေါ်လာတယ်ယ

"မျက်နှာနှစ်ဖက်မွန်းစတား၊ လိပ်ပြာမလေး၊ ဘက်ဂီယို၊ အိုဖီယူခပ်(မြွေခေါင်းနဲ့လူ)၊ မင်းတို့လေးယောက် သွားပြီး အရှေ့နေဂိုဏ်းကို ဖျက်ဆီးလိုက်" ကျောရွှယ်က မျက်နှာနှစ်ဖက်မွန်းစတားတို့လေးယောက်ကို ပြောလိုက်တယ်။

"ဟုတ်ကဲ့"

သူတို့လေး‌ယောက်က သင်္ဘောမှ ထွက်လာပြီး ‌တောက်ပနတ်ဘုရားကမ္ဘာသို့ ပျံသန်းသွားတယ်။

မန်ထင်က ဝိုင်တစ်ခွက်ငှဲ့ကာ တစ်ငုံသောက်ပြီးပြောလိုက်တယ်" ဒီအရှေ့နေဂိုဏ်းက တကယ်ကို ကံမကောင်းတာပဲ။ လူသတ်ရတာ မကောင်းပေမယ့် သူတို့က ကြယ်တစ်ထောင်ခန်းမရဲ့ပါရမီရှင်ကို သတ်ခဲ့တာကိုး" ကြယ်တစ်ထောင်ခန်းမရဲ့ချုံးကျိုးကို ရန်ရှန်ဂိုဏ်းသို့ ခေါ်လာရမယ်။ ချုံးကျိုးက အသတ်ခံရမယ်လို့ ဘယ်လိုလုပ် သိမှာလဲ။

သူတို့က ချုံးကျိုးရဲ့သေခြင်းနဲ့ ပတ်သက်ပြီး ဘာမှ မခံစားရပေမယ့် သူတို့က ထိုအရှင်ကို တစ်ခုခုရှင်းပြရမယ်၊ ဒီရှင်းပြချက်ကတော့ လူသတ်တရားခံနဲ့တရားခံရဲ့ဂိုဏ်းတစ်ခုလုံးကို အပြတ်ရှင်းခြင်းပါပဲ။

သူတို့က အရှေ့နေဂိုဏ်းကို ဖျက်ဆီးနိုင်မလားကိုတော့ လုံးဝမစိုးရိမ်ဘူး။ သူတို့လေးယောက်လုံးက အထွတ်အထိပ်အဆင့်မြင့်နတ်ဘုရားတွေဖြစ်ကြပြီး သူတို့လက်ထဲရှိအစစ်အမှန်နတ်ဘုရားအသုံးအဆောင်ပစ္စည်းတွေအားလုံးက ထူးကဲဒါမှမဟုတ်ပြီးပြည်စုံခြင်းအဆင့်မြင့်အစစ်အမှန်နတ်ဘုရား‌တွေပါပဲ။

အရှေ့နေဂိုဏ်းရဲ့ကာကွယ်ရေးဝင်္ကပါကို အသက်သွင်းထားပြီးပါပြီ။ အပြင်ဘက်နေကြည့်ရင် ၎င်းက ခရမ်းရောင်ဖလားတစ်ခုနဲ့ တူတယ်။

"ရောက်လာကြပြီ"

ပုံရိပ်လေးခုက ကောင်းကင်မှ ဆင်းသက်လာတာကို မြင်ပြီး အရှေ့နေဂိုဏ်းရဲ့အစစ်အမှန်နတ်ဘုရားတွေရဲ့နှလုံးသားက တင်းကြပ်သွားတယ်။

"နတ်ဘုရားစွမ်းအားအညွှန်းကိန်းက သန်းတစ်ဆယ်နီးပါးပဲ"

စုဝေးရာကွက်လပ်တွေထဲကတစ်ခုမှာ လီဖူချန်းရဲ့နတ်ဘုရားစိတ်ဝိညာဉ်စွမ်းအားက လှုပ်ရှားလာတယ်။ အကြိုစိတ်ဝိညာဉ်နတ်ဘုရားအဆင့်ကို ရောက်ရှိနေတဲ့ သူ့ရဲ့နတ်ဘုရားစိတ်ဝိညာဉ်နဲ့အတူ သူက ထိုလူလေးယောက်ရဲ့နတ်ဘုရားစွမ်းအားအတက်အကျကို အလွယ်တကူ အာရုံခံစားနိုင်တယ်။ နတ်ဘုရားစွမ်းအားအတက်အကျကို အလွယ်တကူ အာရုံခံစားနိုင်သရွေ့ သူက နတ်ဘုရားစွမ်းအားအညွှန်းကိန်းကို အကြမ်းဖျင်း ခန့်မှန်းနိုင်တယ်။

"အကြီးအကဲထိုက်ရှန့်ရဲ့နတ်ဘုရားစွမ်းအားအညွှန်းကိန်းက ခုနှစ်သန်းခန့်ရှိတယ်၊ ကွာဟချက်က မသေးဘူးပဲ"

လီဖူချန်းက စိတ်ထဲမှာ ပြောလိုက်တယ်။

"မြွေ(အိုဖီယူခပ်)၊ မင်း သွားရမလား ငါ သွားရမလား" အနက်ရောင်ဝတ်စုံနဲ့လူအိုကြီးဘက်ဂီယိုက အိုဖီယူခပ်ကို ပြောလိုက်တယ်။

‌မြွေခေါင်းနဲ့လူက ပြောလိုက်တယ်"ပြီးခဲ့တဲ့တစ်ခေါက်က ငါ၊ အခု မင်း အလှည့်ပဲ"

"ကောင်းပြီလေ"

ဘက်ဂီယိုက ရွေ့လျားသွားပြီး နတ်ဘုရားဝင်္ကပါရဲ့အရှေ့ကို ရောက်ရှိလာတယ်။

သူ့လက်ဝါးကို လှန်လိုက်ရာ အနက်ရောင်တောခုတ်ဓားတစ်လက်က သူ့လက်ထဲမှာ ထွက်ပေါ်လာတယ်။ ဘက်ဂီယိုက အနက်ရောင်တောခုတ်ဓားကို လက်နှစ်ဖက်လုံးနဲ့ ကိုင်ထားတယ်။ အနက်ရောင်မိုးကြိုးက တောခုတ်ဓားမှာ စုဝေးလာတယ်၊ ကောင်းကင်က မည်းမှောင်သွားပြီး လေက တဟူးဟူးတိုက်ခတ်လာတယ်။

"မိုးကြိုးနဂါးခုတ်ချက်....."

ဘက်ဂီယိုက ဝင်္ကပါကို ဓားနဲ့ ခုတ်ပိုင်းလိုက်တယ်။

အနက်ရောင်ဓားသွားအလင်းက အနက်ရောင်ဒေါသနဂါးတစ်ကောင်ပမာ လေထဲမှာ မြင့်တက်လာပြီး ၎င်းက နတ်ဘုရားဝင်္ကပါကို ချဉ်းကပ်လာတဲ့အချိန်မှာ နတ်ဘုရားဝင်္ကပါရဲ့တစ်ဝက်လောက် ကြီးမားနေပြီဖြစ်ကာ ၎င်းရဲ့အရှိန်အဟုန်က ကြောက်စရာကောင်းလှတယ်။

ဇွက်......

လျှပ်စီးစက်ဝန်းတစ်ခုက လေထဲမှာ ပြည့်သွားတယ်၊ နတ်ဘုရားဝင်္ကပါက ဖြည်းဖြည်းချင်း လှည့်ပတ်လာတယ်။ လှည့်ပတ်တဲ့မိနစ်တိုင်းမှာ အနက်ရောင်ဓားသွားအလင်းက မှေးမှိန်သွားတယ်။ အသက်ရှုချိန်အနည်းငယ်ကြာပြီးနောက် အနက်ရောင်ဓားသွားအလင်းက ပျက်ဆီးသွားခဲ့တယ်၊ နတ်ဘုရားဝင်္ကပါက ဘာမှမဖြစ်ခဲ့ပါဘူး။

"ဘက်ဂီယို၊ မင်း မလုပ်နိုင်ဘူးလား။ ငါ လုပ်လိုက်မယ်"

မြွေခေါင်းနဲ့လူက ဘက်ဂီယိုပြန်ဖြေတာကို မစောင့်ပါဘူး၊ သူ့လက်ထဲရှိလှံရှည်က နတ်ဘုရားဝင်္ကပါကို ခုတ်ပိုင်းချလာတယ်။

အုန်း......

သန်မာတဲ့တုန်ခါမှုအားက အိုဖီယူခပ်ကို လွင့်ထွက်သွားစေတယ်။

"ဒါ ကြယ်နှစ်လုံးအဆင့်မြင့်နတ်ဘုရားဝင်္ကပါတစ်ခုပဲ"

ခေါင်းပေါ်မှာစက်ကွင်းတွေနဲ့လိပ်ပြာမလေးက ပြောလိုက်တယ်။

ကြယ်နှစ်လုံးအလယ်ဆင့်နတ်ဘုရားဝင်္ကပါတစ်ခုဆိုရင် သူတို့လေးယောက်က ပူးပေါင်းပြီး ချိုးဖြတ်ဖို့ အပြည့်အဝယုံကြည်ချက်ရှိတယ်၊ ဒါပေမယ့် ကြယ်နှစ်လုံးအဆင့်မြင့်နတ်ဘုရားဝင်္ကပါတစ်ခုဆိုရင်တော့ သူတို့မှာ ယုံကြည်ချက်မရှိပါဘူး။

"ပူးပေါင်းတိုက်ခိုက်ကြရအောင်"

လိပ်ပြာမလေးရဲ့နောက်မှ လိပ်ပြာတောင်ပံတစ်စုံက ဆန့်ထွက်လာတယ်။ လိပ်ပြာတောင်ပံတွေက တုန်ခါသွားပြီး အဆုံးမဲ့တောက်ပတဲ့အမှုန့်တွေက နတ်ဘုရားဝင်္ကပါဆီ လွင့်မျောလာတယ်။

ယား....

အမှုန့်တွေ မချဉ်းကပ်နိုင်ခင် နတ်ဘုရားဝင်္ကပါက ခရမ်းရောင်မီးလျှံ‌တွေ ဖော်ထုတ်လိုက်ပြီး အမှုန့်ကို ပြာအဖြစ် လောင်ကျွမ်းသွားစေတယ်။

"နတ်ဘုရားကြယ်ဥက္ကာခဲ"

မျက်နှာနှစ်ဖက်မွန်းစတားရဲ့ခွန်အားက လေးယောက်ထဲမှာ အသန်မာဆုံးဖြစ်တယ်။ သူက လှုပ်ရှားလိုက်တာနဲ့ ကောင်းကင်မှာ ကြီးမားတဲ့ဥက္ကာခဲတစ်ခုက ဝင်္ကပါပေါ်  ကျဆင်းလာတယ်။

ကံမကောင်းစွာနဲ့ အရာအားလုံးက အလဟဿပါပဲ၊ နတ်ဘုရားဝင်္ကပါက ဥက္ကာခဲရဲ့သက်ရောက်မှုကို အလွယ်တကူရင်ဆိုင်လိုက်တယ်။

"ငါတို့ ဘာလုပ်ရမလဲ" လေးယောက်လုံး အံ့အားသင့်သွားတယ်။

"ငါ မင်းတို့ကို ငါ့ရဲ့ဓားငှားပေးမယ်" ကောင်းကင်မှ အလင်းစီးကြောင်းတစ်ခုက ဆင်းသက်လာတယ်။

ဒါက ဓား၊ ကြီးမားတဲ့ရွှေရောင်ဓားတစ်လက်ပဲ။

အိုဖီယူခပ်က သူ့ရဲ့လှံတံကို သိမ်းကာ ရွှေရောင်ဓားကို ဖမ်းဆုပ်လိုက်တယ်။

"အရှင်လန်လို့" အိုဖီယူခပ်က ပြုံးလိုက်တယ်။

အရှင်လန်လို့ရဲ့အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းဓားနဲ့ဆိုရင် သူက နတ်ဘုရားဝင်္ကပါကို ချိုးဖြတ်နိုင်သေးတယ်လို့ ယုံကြည်ချက်ရှိတယ်။