စိတ်ဝိညာဉ်ကျောက်တုံး

ကုန်းပတ်ပေါ်မှာ စမ်းသပ်ချက်စစ်‌ဆေးနေတဲ့အစစ်အမှန်နတ်ဘုရားနှစ်ယောက်က သက်ပြင်းချလိုက်တယ်၊ သူတို့ထဲက တစ်ယောက်က ပြောလိုက်တယ်" စိတ်ပျက်စရာကောင်းတဲ့အရည်အချင်းတွေပါလား၊ ကြယ်သုံးလုံးနဲ့ကြယ်လေးလုံးမပြောနဲ့၊ ကြယ်နှစ်လုံးအရည်အချင်းရှိတဲ့သူတစ်ယောက်ကိုတောင် မမြင်ရသေးဘူး"

ကြယ်တစ်လုံးအရည်ချင်းက ခရမ်းရောင်တိမ်နတ်ဘုရားကမ္ဘာမှာ အမှိုက်တွေဖြစ်တယ်၊ ကြယ်နှစ်လုံးအရည်အချင်းက သာမန်အရည်အချင်းဖြစ်ပြီး ကြယ်သုံးလုံးအရည်အချင်းကို ပါရမီရှင်အရည်အချင်းလို့ ခေါ်ဆိုတယ်။

သူတို့ကုန်သွယ်ရေးခန်းမရဲ့အနိမ့်ဆုံးသတ်မှတ်ချက်က ကြယ်သုံးလုံးအရည်အချင်းဖြစ်ပြီး ကြယ်သုံးလုံးအရည်အချင်း‌အောက်ကသူတွေကိုတော့ လုံးဝမစဉ်းစားပါဘူး။

"လူတွေအများကြီးပဲ"

လီဖူချန်းက ပထမဆုံးရောက်ရှိလာတဲ့အရှေ့နေဂိုဏ်းရဲ့အစစ်အမှန်နတ်ဘုရားဖြစ်တယ်။

"ဂျူနီယာညီလေးလီ၊ တစ်ချက် သွားကြည့်ရအောင်" ဖုန်းရှင်ကလဲ ပထမဆုံးရောက်ရှိလာတဲ့အစစ်အမှန်နတ်ဘုရားအုပ်စုက ဖြစ်တယ်။

"ကောင်းပြီလေ"

လီဖူချန်းနဲ့ဖုန်ရှင်းက ကုန်သည်သင်္ဘောဆီ ပျံသန်းသွားတယ်။

"အဆင့်နိမ့်နတ်ဘုရားအသုံးအဆောင်ပစ္စည်းက ဈေးကြီးလွန်းတယ်၊ ဒါပေမယ့် အဆင့်မြင့်နတ်ဘုရားအသုံးအဆောင်ပစ္စည်းက ပိုကောင်းတယ်"

ပျံသန်းလင်းယုန်ကုန်သွယ်ရေးခန်းမရဲ့တန်ဖိုးနဲ့အရှေ့နေဂိုဏ်းရဲ့လုပ်ဆောင်ချက်အမှတ်စနစ်က လုံးဝခြားနားတယ်။

အရှေ့နေဂိုဏ်းမှာ အဆင့်နိမ့်နတ်ဘုရားအသုံးအဆောင်ပစ္စည်းတွေက တန်ဖိုးမရှိဘူး၊ သာမန်အဆင့်အတွက် လုပ်ဆောင်ချက်အမှတ်နှစ်ရာ၊ ပျမ်းမျှအဆင့်အတွက် လုပ်ဆောင်ချက်အမှတ်ငါးရာ၊ ထူးကဲအဆင့်အတွက် လုပ်ဆောင်ချက်အမှတ်တစ်ထောင့်ငါးရာ၊ ပြီးပြည့်စုံခြင်းအဆင့်အတွက် လုပ်ဆောင်ချက်အမှတ်ငါးထောင်၊ အဆုံးစွန်းအဆင့်အတွက် လုပ်ဆောင်ချက်အမှတ်နှစ်သောင်းဆိုပြီး ရှိတယ်။

ပျံသန်းလင်းယုန်ကုန်သွယ်ရေးခန်းမရဲ့အဆင့်နိမ့်နတ်ဘုရားအသုံးအဆောင်ပစ္စည်းတွေရဲ့တန်ဖိုးက နတ်ဘုရားကျောက်တုံးတစ်သန်းနဲ့ငါးသန်းအကြားရှိတယ်။

"ဂျူနီယာညီလေးလီ၊ ပျံသန်းလင်းယုန်ကုန်သွယ်ရေးခန်းမရဲ့နတ်ဘုရားအသုံးအဆောင်ပစ္စည်းတွေရဲ့မတူညီတဲ့အဆင့်တွေကြားတန်ဖိုးကွာဟချက်က မကြီးမားဘူးဆိုတာ မင်း သတိပြုမိလား" ဖုန်ရှင်းက ရုတ်တရက် မေးလိုက်တယ်။

လီဖူချန်းက ခေါင်းညိတ်လိုက်တယ်"ဟုတ်ကဲ့"

အရှေ့နေဂိုဏ်းရဲ့အဆင့်နိမ့်နတ်ဘုရားအသုံးအဆောင်ပစ္စည်းတွေက လုပ်ဆောင်ချက်အမှန်နှစ်ရာမှနှစ်သောင်းအထိ ရှိပြီး အဆိုးဆုံးနဲ့အကောင်းဆုံးကြားခြားနားချက်က အဆတစ်ရာဖြစ်တယ်။

ပျံသန်းလင်းယုန်ကုန်သွယ်ရေးခန်းမက တစ်သန်းမှငါးသန်းအထိ ရှိပြီး ကွာဟချက်က ငါးဆသာ ရှိတယ်။

သူက အဆင့်နိမ့်နတ်ဘုရားအသုံးအဆောင်ပစ္စည်းတွေကို စိတ်မဝင်စားပါဘူး။ နှစ်ယောက်သား အခြားနတ်ဘုရားအသုံးအဆောင်ပစ္စည်းတွေရဲ့တန်ဖိုးကို ဆက်လက်စစ်ဆေးလိုက်တယ်။

အလယ်ဆင့်နတ်ဘုရားအသုံးအဆောင်ပစ္စည်းက နတ်ဘုရားကျောက်တုံးဆယ်သန်းမှသန်းငါးဆယ်ကြား ရှိတယ်။

အဆင့်မြင့်နတ်ဘုရားအသုံးအဆောင်ပစ္စည်းက သန်းတစ်ရာနဲ့သန်းငါးရာကြားမှာရှိတယ်။

အစစ်အမှန်နတ်ဘုရားအသုံးအဆောင်ပစ္စည်းတွေဆီ ရောက်တဲ့အခါ တန်ဖိုးက ရုတ်တရက် ခုန်တက်သွားပြီး ဆယ်ဆ၊အဆတစ်ရာ မကဘဲ အဆတစ်ထောင်အထိ ခုန်တက်သွားတော့တယ်။

အဆင့်နိမ့်အစစ်အမှန်နတ်ဘုရားအသုံးအဆောင်ပစ္စည်းရဲ့တန်ဖိုးက နတ်ဘုရားကျောက်တုံးဘီလီယံ၅၀၀မှ ၂.၅ထရီလီယံအကြား ရှိတယ်။

"ကျွတ်၊ ကျွတ်၊ ဒါ တကယ်‌ ဈေးကြီးတယ်" ဖုန်းရှင်က လျှာသပ်လိုက်မိတယ်၊ သူ့ရဲ့အသားတင်ကြွယ်ဝမှုတစ်ခုလုံးက နတ်ဘုရားကျောက်တုံးတစ်ဘီလီယံသာ ရှိပြီး သူက ဆံပင်မွှေးတစ်ပင်တောင် မဝယ်နိုင်ဘူး။

ဒါပေမယ့် သူက အစစ်အမှန်နတ်ဘုရားဖြစ်ကာစဖြစ်လို့ပဲ၊ သူက နှစ်တစ်သောင်းလောက် စုဆောင်းပြီးနောက် အသားတင်ကြွယ်ဝမှုတစ်ဆယ်ဘီလီယံက အလွယ်တကူရပါလိမ့်မယ်။

ပျံသန်းလင်းယန်ကုန်သွယ်ရေးခန်းမမှ အစစ်အမှန်နတ်ဘုရားအသုံးအဆောင်ပစ္စည်းရဲ့တန်ဖိုးကို မြင်ပြီးနောက် လီဖူချန်းနဲ့ဖုန်းရှင်တို့နှစ်ယောက်လုံးက ဝယ်ယူတာကို ရပ်လိုက်တယ်။ သူတို့က အစစ်အမှန်နတ်ဘုရားအသုံးအဆောင်ပစ္စည်းတွေအတွက် မတတ်နိုင်ဘူးလေ။

"ဆေးတွေကို သွားကြည့်ရ‌အောင်"

ဆိုင်တန်းတွေမှာ ပထမအထပ်က အသုံးအဆောင်ပစ္စည်းဖြစ်တယ်၊ ဒုတိယအထပ်က နတ်ဘုရားဆေးဖြစ်တယ်၊ သူတို့နှစ်ယောက်က ဒုတိယအထပ်ရှိ နတ်ဘုရားဆေးဆိုင်တွေထဲကတစ်ဆိုင်ကို ရောက်ရှိလာတယ်။

"ကြယ်နှစ်လုံးအဆင့်နိမ့်နတ်ဘုရားဆေးကြက်သွေးရောင်ကြယ်ဆေး၊ အဆင့်နိမ့်မီးတာအိုအစစ်အမှန်နတ်ဘုရားရဲ့မီးတာအိုဥပဒေသရဲ့နယ်ပယ်ကို တိုးစေနိုင်တယ်၊ နတ်ဘုရားကျောက်တုံးရှစ်ဘီလီယံ"

"ကြယ်နှစ်လုံးအလယ်ဆင့်နတ်ဘုရားဆေးဝူထျန်းဆေး၊ အချိန်တိုအတွင်းမှာ အလယ်ဆင့်အစစ်အမှန်နတ်ဘုရားတစ်ယောက်ရဲ့ထိုးထွင်းသိမြင်မှုကို တိုးစေနိုင်တယ်၊ နတ်ဘုရားကျောက်တုံးတစ်ရာဘီလီယံ"

"ကြယ်နှစ်လုံးအဆင့်မြင့်နတ်ဘုရားဆေးနှလုံးသန့်စင်ဆေး၊ အဆင့်မြင့်အစစ်အမှန်နတ်ဘုရားစိတ်ဝိညာဉ်ကို‌ လေ့ကျင့်ပေးနိုင်တယ်၊ နတ်ဘုရားကျောက်တုံး၁.၂ဘီလီယံ"

အစစ်အမှန်နတ်ဘုရားအသုံးအဆောင်ပစ္စည်းတွေနဲ့ ယှဉ်ရင် ကြယ်နှစ်လုံးနတ်ဘုရားဆေးရဲ့တန်ဖိုးက အများကြီးပိုဈေးပေါတယ်။

"နတ်ဘုရားဆေးတွေရဲ့ကြယ်သတ်မှတ်ချက်က ‌တောက်ပနတ်ဘုရားကမ္ဘာနဲ့ ဘယ်လိုကွဲပြားလဲ" ဖုန်းရှင်က သူ့ရဲ့သံသယကို ဖော်ပြလိုက်တယ်။

ဆိုင်ရှင်က ပြောလိုက်တယ်" ခရမ်းရောင်တိမ်နတ်ဘုရားကမ္ဘာမှာ ကြယ်တစ်လုံးနတ်ဘုရားဆေးတွေက သာမန်နတ်ဘုရားတွေနဲ့ သက်ဆိုင်တယ်၊ ကြယ်နှစ်လုံးနတ်ဘုရားဆေးတွေက အစစ်အမှန်နတ်ဘုရားတွေနဲ့ သက်ဆိုင်တယ်၊ ကြယ်သုံးလုံးနတ်ဘုရားဆေးတွေက စိတ်ဝိညာဉ်နတ်ဘုရားတွေနဲ့ သက်ဆိုင်တယ်။ ဒါက မင်းတို့ရဲ့အသေးစားချီလီယိုခါဇန်နတ်ဘုရားကမ္ဘာနဲ့ တကယ်ကို မတူဘူး"

"ငါ သိပြီ" ဖုန်းရှင်က ပြုံးလိုက်တယ်။ သူက နတ်ဘုရားဆေးအတွက် မတတ်နိုင်ဘူး၊ ဆေးတစ်လုံးတောင် မတတ်နိုင်ပါဘူး။

သုံးထပ်မြောက်၊ နတ်ဘုရားအတတ်ဆိုင်။

"ဟေး၊ ဒီနေရာမှာ တကယ်ကို နတ်ဘုရားစိတ်ဝိညာဉ်အတတ်တစ်ခုရှိနေတာပဲ" လီဖူချန်းရဲ့မျက်လုံးတွေက လင်းလက်သွားတယ်။

နတ်ဘုရားစိတ်ဝိညာဉ်နတ်ဘုရားအတတ်တွေက အသေးစားချီလီယိုခါဇန်နတ်ဘုရားကမ္ဘာမှာ ရှားလွန်းတယ်။ အဆင့်မြင့်နတ်ဘုရားစိတ်ဝိညာဉ်နတ်ဘုရားအတတ်တစ်ခုသာရှိရင် သူ့ရဲ့နတ်ဘုရားစိတ်ဝိညာဉ်တိုက်ခိုက်မှုက အလွန်ကြောက်စရာကောင်းတဲ့အဆင့်တစ်ခုကို ရောက်ရှိပေလိမ့်မယ်။

လီဖူချန်း ထင်ထားသလိုပဲ၊ နတ်ဘုရားစိတ်ဝိညာဉ်အတတ်ရဲ့တန်ဖိုးက ဈေးမပေါပါဘူး၊ တစ်ဘီလီယံနဲ့ငါးဘီလီယံကြားမှာ ရှိတယ်။ အစစ်အမှန်စိတ်ဝိညာဉ်နတ်ဘုရားအတတ်တွေအတွက်ကတော့ ပျံသန်းလင်းယုန်ကုန်သွယ်ရေးခန်းမမှာ မရှိပါဘူး။ အစစ်အမှန်စိတ်ဝိညာဉ်နတ်ဘုရားအတတ်တွေက ခရမ်းရောင်တိမ်နတ်ဘုရားကမ္ဘာမှာလဲ ရှားပါးမယ်လို့ ငါ ထင်တယ်။

"ဒါ၊ ဒါ၊ ငါ ဒါတွေအားလုံးကို ယူမယ်"

လီဖူချန်းက အဆင့်မြင့်နတ်ဘုရားစိတ်ဝိညာဉ်အတတ်သုံးခု၊ တိုက်ခိုက်ရေးနတ်ဘုရားစိတ်ဝိညာဉ်နတ်ဘုရားအတတ်နှစ်ခုနဲ့ခုခံမှုနတ်ဘုရားစိတ်ဝိညာဉ်နတ်ဘုရားအတတ်တစ်ခုကို ရွေးချယ်ခဲ့တယ်၊ အဲဒါက သူ့ကို နတ်ဘုရားကျောက်တုံးတစ်ဆယ်ဘီလီယံ ကျသင့်စေတယ်။

ဒါကို စဉ်းစားပြီးနောက် လီဖူချန်းက အလယ်ဆင့်နတ်ဘုရားစိတ်ဝိညာဉ်နတ်ဘုရားအတတ်အချို့ကို ဝယ်ယူခဲ့တယ်။ အဆင့်နိမ့်နတ်ဘုရားစိတ်ဝိညာဉ်နတ်ဘုရားအတတ်ကနေ အဆင့်မြင့်နတ်ဘုရားစိတ်ဝိညာဉ်နတ်ဘုရားအတတ်ကို တစ်ချက်တည်းနဲ့ ခုန်တက်ခြင်းက အလွန်အကျွံဖြစ်သွားနိုင်တယ်။ သူ့ရဲ့နတ်ဘုရားစိတ်ဝိညာဉ်နားလည်မှုက မလုံလောက်မှာကို လီဖူချန်းက ကြောက်ရွံ့မိတယ်။

"ဂျူနီယာညီလေးလီ၊ မင်း ဘာလို့ ဒီလောက်များတဲ့နတ်ဘုရားစိတ်ဝိညာဉ်နတ်ဘုရားအတတ်တွေကို ဝယ်ယူနေရတာလဲ။ ဒါ ဖြုန်းတီးတာပဲ" ဘေးနားရှိဖုန်းရှင်က အလွန်ပဟေဠိဖြစ်နေတယ်။ နတ်ဘုရားစိတ်ဝိညာဉ်နတ်ဘုရားအတတ်တွေက အလွန်ရှားပေမယ့် သူတို့က တိုက်ပွဲမှာ တကယ်တမ်း မကူညီနိုင်ပါဘူး။

လီဖူချန်းက ပြုံးကာ ပြောလိုက်တယ်" ငါ နတ်ဘုရားစိတ်ဝိညာဉ်နတ်ဘုရားအတတ်တွေကို အရမ်းစိတ်ဝင်စားလို့ပါ။ ငါ လေ့လာရင်းနဲ့ ကိုယ်ပိုင်နတ်ဘုရားစိတ်ဝိညာဉ်နတ်ဘုရားအတတ်တွေကို ဖန်တီးနိုင်ချင်နိုင်မှာလေ"

"မင်း ဖြစ်ချင်သလို ဖြစ်ပါစေကွာ"

နတ်ဘုရားစိတ်ဝိညာဉ်အတတ်ပြီးနောက် လီဖူချန်းက နေရာလပ်-အချိန် နတ်ဘုရားအတတ်ဆိုင်ကို ထပ်ရောက်လာခဲ့တယ်။

အရှေ့နေဂိုဏ်းမှာ နေရာလပ်-အချိန်အဆင့်မြင့်နတ်ဘုရားအတတ်တစ်ခုတစ်လေတောင် မရှိဘူး၊ ဒါပေမယ့် ပျံသန်းလင်းယုန်ကုန်သွယ်ရေးခန်းမမှာတော့ အနည်းငယ်ရှိတယ်၊ နေရာလပ်-အချိန်အစစ်အမှန်နတ်ဘုရားအတတ်တောင် ရှိတယ်။

ကံမကောင်းစွာနဲ့ နေရာလပ်-အချိန်အစစ်အမှန်နတ်ဘုရားအတတ်တွေရဲ့တန်ဖိုးကို မြင်ပြီးနောက် သူ မတတ်နိုင်မှန်း လီဖူချန်းက သိလိုက်တယ်။

နေရာလပ်-အချိန်အစစ်အမှန်နတ်ဘုရားအတတ်တွေရဲ့တန်ဖိုးက အဆင့်နိမ့်အစစ်အမှန်နတ်ဘုရားအတတ်တွေထက် ပိုဈေးကြီးပြီး ဈေးအပေါဆုံးကတောင် နတ်ဘုရားကျောက်တုံးအဆတစ်ထရီလီယံ ပိုတယ်။

နောက်ဆုံးမှာ လီဖူချန်းက ထူးကဲအဆင့်မြင့်နေရာလပ်-အချိန်နတ်ဘုရားအတတ်အနည်းငယ်ကို ရွေးချယ်ခဲ့တယ်။

နတ်ဘုရားစိတ်ဝိညာဉ်နတ်ဘုရားအတတ်တွေနဲ့နေရာလပ်-အချိန်နတ်ဘုရားအတတ်တွေက အလွန်ရှားပါးရင် ဖျက်ဆီးခြင်းဥပဒေသနတ်ဘုရားအတတ်တွေက အလွန်အမင်းရှားပါးလောက်မှာ။ ပျံသန်းလင်းယုန်ကုန်သွယ်ရေးခန်းမမှာ ဖျက်ဆီးခြင်းဥပဒေသနဲ့ဆက်စပ်တဲ့နတ်ဘုရားအတတ်တစ်ခုတစ်လေတောင် မရှိဘူး။  ဒါကို အနည်းငယ်မမျှော်လင့်ထားခဲ့ဘူးလို့ပဲ ဆိုရမယ်။ လီဖူချန်းက အံ့အားသင့်သွားတယ်။

"ဖျက်ဆီးခြင်းဥပဒေသက ငါ ထင်ထားတာထက် ပိုခက်ခဲပုံရတယ်" ယခင်က ဖျက်ဆီးခြင်းဥပဒေသက ထိပ်တန်းဥပဒေသတွေထဲကတစ်ခုလို့ လီဖူချန်းက ယုံကြည်ခဲ့တယ်။ အခု ကြည့်ရတာ အဲတာထက် ပိုပုံရတယ်။

ပြီးတော့ ဒါက နေရာလပ်-အချိန်ဥပဒေသထက် နားလည်ရတာ ပိုခက်ခဲတဲ့ အမျိုးအစားပဲ။

ဒဏ္ဍာရီလာကံကြမ္မာဥပဒေသကပဲ ၎င်းကို ယှဉ်နိုင်မယ်လို့ ခန့်မှန်းထားတယ်......

အကိုးအကားမရှိတဲ့အတွက် လီဖူချန်းက ဖျက်ဆီးခြင်းဥပဒေသနယ်ပယ်ကို တိုးတက်စေချင်ပေမယ့် ဒါက အလွန်အမင်းခက်ခဲတယ်။

"ထားလိုက်တော့။ လှေက တံတားဆီ တစ်နေ့နေ့တော့ ရောက်သွားမှာပဲလေ။ ငါ့ရဲ့စိတ်ဝိညာဉ်က စိတ်ဝိညာဉ်နတ်ဘုရားအဆင့်ကို ချိုးဖြတ်သွားတဲ့အခါကျရင် နားလည်ရတာ အဆများစွာ ပိုလွယ်ကူလာလောက်မယ်" လီဖူချန်းက စိတ်ထဲမှာ ရေရွတ်လိုက်တယ်။

ဆိုင်တန်းရဲ့စတုတ္ထအထပ်က ပစ္စည်းအမျိုးမျိုးရှိတဲ့ဆိုင်တစ်ခု ဖြစ်တယ်၊ အရာအားလုံးပေါ့၊ အစစ်အမှန်နတ်ဘုရားအသုံးအဆောင်ပစ္စည်းအစအနတွေ၊ ကြယ်တွေမှ ကျောက်မျက်တုံးတွေ၊ တိုက်ခိုက်ရေးရုပ်သေးတွေ၊ ဗဟုသုတအမျိုးမျိုးပါရှိတဲ့ကျောက်စိမ်းဖြတ်ပိုင်းတွေ။

"ဒီအခြေခံစိတ်ဝိညာဉ်ကျောက်စိမ်းဖြတ်ပိုင်း၊ ငါ့ကို တစ်ခုပေး"

လီဖူချန်းက နတ်ဘုရားစိတ်ဝိညာဉ်ကျောက်စိမ်းဖြတ်ပိုင်းတစ်ခုကို သဘောကျသွားတယ်။

သူ့ရဲ့နတ်ဘုရားစိတ်ဝိညာဉ်နဲ့ပတ်သက်တဲ့နားလည်မှုက မလုံလောက်သေးဘူး၊ အခြေခံက ကောင်းစွာမတည်ဆောက်ရသေးဘူးလို့ သူက အမြဲတမ်းခံစားနေရတယ်။

"ကောင်းပြီလေ၊ ‌နတ်ဘုရားကျောက်တုံးတစ်သန်း"

အခြေခံစိတ်ဝိညာဉ်ကျောက်စိမ်းဖြတ်ပိုင်းက အလွန်ဈေးပေါတယ်၊ ဘာလို့ဆို ဗဟုသုတကျောက်စိမ်းဖြတ်ပိုင်းက မင်းလိုချင်သလောက် ပွားလို့ရတယ်လေ။

"ဒါ၊ ဒါ ဒါ ၊ ဒီရုပ်ပုံပုံဆောင်ခဲတွေအားလုံး"

လီဖူချန်းက ရုပ်ပုံပုံဆောင်ခဲတွေကို အလွန်စိတ်ဝင်စားတယ်။ အထဲမှာ ဆရာသခင်တွေ ယှဥ်ပြိုင်တိုက်ခိုက်တဲ့ပုံရိပ်တွေရှိတယ်။ အစစ်အမှန်နတ်ဘုရားဆရာသခင်တွေနဲ့စိတ်ဝိညာဉ်နတ်ဘုရားဆရာသခင်တွေတောင် ပါရှိတယ်။ ဆရာသခင်တွေရဲ့အဆင့်က ပိုမြင့်လေလေ၊ ရုပ်ပုံပုံဆောင်ခဲတွေက ပိုဈေးကြီးလေပဲ။ အခြေခံအားဖြင့် ၎င်းက ဓားတာအိုအစစ်အမှန်နတ်ဘုရားတွေကြား အသေအကျေတိုက်ပွဲတစ်ခုဖြစ်တယ်။

ဓားတာအိုကို တစ်ယောက်တည်း ကျင့်ကြံတာက မသင့်လျော်ပါဘူး။ တစ်ခါတစ်ရံမှာ မင်းက အခြားသူတွေရဲ့ဓားတာအိုကို သင်ယူရမယ်၊ အခြားသူတွေရဲ့ဓားတာအိုအနှစ်သာရကို မင်းရဲ့ကိုယ်ပိုင်ဓားတာအိုထဲသို့ ပေါင်းစပ်ရမယ်။

"အမ်။ ဘယ်လိုတောင် သန်မာတဲ့ စိတ်ဝိညာဉ်စွမ်းအားမတည်မငြိမ်မှုလဲ"

ဆိုင်တစ်ဆိုင်ရဲ့အရှေ့မှာ လီဖူချန်းက ရပ်လိုက်တယ်၊ သူက တစ်ချက်ကြည့်လိုက်တယ်၊ စိတ်ဝိညာဉ်စွမ်းအားမတည်မငြိမ်ဖြစ်ခြင်းရဲ့ရင်းမြစ်ကို တွေ့ရှိခဲ့တယ်။

အဲဒါက အနက်ရင့်ရောင်ပုံဆောင်ခဲကျောက်တုံးတွေပါပဲ။ အပြင်ဘက်ကနေကြည့်ရင် သူတို့က အဆင့်နိမ့်ပုံဆောင်ခဲကျောက်တုံးတွေနဲ့ အနည်းငယ်တူတယ်။ သူတို့က သတ္တုနဲ့ပုံဆောင်ခဲတွေပေါင်းစပ်ထားသလိုမျိုး လုံးဝဖောက်ထွင်းမြင်နိုင်တာတော့ မဟုတ်ဘူး။

ဒါပေမယ့် ၎င်း ဖော်ထုတ်တဲ့စိတ်ဝိညာဉ်စွမ်းအားမတည်မငြိမ်ဖြစ်ခြင်းက အလွန်သိသာတယ်၊ လီဖူချန်းကတောင် အရှိန်အဝါအနည်းငယ်ကို ခံစားရတယ်။

ဒါက အနက်ရင့်ရောင်ပုံဆောင်ခဲကျောက်တုံးက အလိုအလျောက် ထုတ်လွှတ်တဲ့ စိတ်ဝိညာဉ်စွမ်းအားမတည်မငြိမ်ဖြစ်ခြင်းဆိုတာ လီဖူချန်းက မြင်နိုင်တယ်။ ၎င်းကို အသက်သွင်းနိုင်ရင် ဒီစိတ်ဝိညာဉ်စွမ်းအားမတည်မငြိမ်ဖြစ်ခြင်းက ဆယ်ဆပိုသန်မာလာနိုင်တယ်။

"ဈေးဝယ်သူက အမြင်ကောင်းတာပဲ။ ဒါက စိတ်ဝိညာဉ်ကျောက်တုံးတစ်တုံးပဲ။ နတ်ဘုရားဟင်းလင်းပြင်မှာ စိတ်ဝိညာဉ်ကြယ်တွေမှာပဲ တွေ့နိုင်ပြီး ခရမ်းရောင်တိမ်နတ်ဘုရားကမ္ဘာတစ်ခုလုံးမှာ စိတ်ဝိညာဉ်ကြယ်သုံးခုပဲ ရှိတယ်" နားလေးဖက်ပါတဲ့ဆိုင်ရှင်က အပြုံးနဲ့ မိတ်ဆက်ပေးလိုက်တယ်။

"ဒီစိတ်ဝိညာဉ် ကျောက်တုံးက စိတ်ဝိညာဉ်ကို တိုးမြှင့်စေနိုင်တာလား" လီဖူချန်းက မေးလိုက်တယ်။

မျက်လုံးလေးဖက်နဲ့ဆိုင်ရှင်က ခေါင်းညိတ်လိုက်တယ်"စိတ်ဝိညာဉ်ကျောက်တုံးမှာ စိတ်ဝိညာဉ်စွမ်းအားပါဝင်တယ်၊ ၎င်းအထဲရှိစိတ်ဝိညာဉ်စွမ်းအားကို စုပ်ယူတာက စိတ်ဝိညာဉ်ကို တိုးစေနိုင်တယ်"

"အထဲရှိစိတ်ဝိညာဉ်စွမ်းအားက အနည်းငယ်ရောနှောနေသလိုပဲနော်၊ ဟုတ်လားမသိ" လီဖူချန်းက မေးလိုက်တယ်။

"ဒါက အနက်ရောင်သံအဆင့်စိတ်ဝိညာဉ်ကျောက်တုံးပဲလေ၊ စိတ်ဝိညာဉ်စွမ်းအားက အရမ်းရှုပ်ထွေးတာပေါ့။ သို့မဟုတ်ရင် ဒိီလောက်ဈေးပေါပေါနဲ့ မရောင်းဘူး"

"ငါ့ကို တစ်ခု အရင်ပေး"

အနက်ရောင်သံအဆင့်စိတ်ဝိညာဉ်ကျောက်တုံးရဲ့စိတ်ဝိညာဉ်စွမ်းအားက အလွန်ရှုပ်ထွေးပြီး သာမန်လူတွေက ၎င်းကို တိုက်ရိုက်မစုပ်ယူရဲဘူး။ လီဖူချန်းမှာ ရွှေရောင်အဆောင်ရှိပြီး စိတ်ဝိညာဉ်ကျောက်တုံးထဲရှိစိတ်ဝိညာဉ်စွမ်းအားကို အပြည့်အဝသန့်စင်နိုင်ဖို့ ယုံကြည်ချက်ရှိတယ်ဆိုပေမယ့် တစ်ခုတော့ အရင်စမ်းကြည့်ရမှာပေါ့။

"ဘယ်လိုသန်‌မာတဲ့စိတ်ဝိညာဉ်လဲ"

သူ့လက်ထဲရှိစိတ်ဝိညာဉ်ကျောက်တုံးကို ကိုင်လျက် လီဖူချန်းက စိတ်ဝိညာဉ်ကျောက်တုံးထဲရှိ စိတ်ဝိညာဉ်စွမ်းအားကို စတင်စုပ်ယူခဲ့တယ်။

စိတ်ဝိညာဉ်ကျောက်တုံးထဲရှိစိတ်ဝိညာဉ်စွမ်းအားက သူစိတ်ကူးထားတာတက် ပိုသန်မာတယ်။ အသက်ရှုချိန်အနည်းငယ်အတွင်း သူ့ရဲ့စိတ်ဝိညာဉ်အမျှင်တစ်ခုက အား‌ဆေးတစ်လုံးကို သောက်လိုက်ရတဲ့အလား အဝါရောင်ဖျော့ဖျော့အဖြစ် ပြောင်းသွားတာကို လီဖူချန်းက ခံစားမိတယ်။

"ပစ္စည်းကောင်းတစ်ခုပဲ၊ အထဲမှာ မသန့်စင်မှုတွေမရှိရင် အနက်ရောင်သံအဆင့်စိတ်ဝိညာဉ်ကျောက်တုံးက နတ်ဘုရားကျောက်တုံးတန်ဖိုးရဲ့အဆတစ်ရာ ဘီလီယံအနည်းဆုံး ထိုက်တန်တယ်"

အခြားသူတွေအတွက်တော့ အနက်ရောင်သံအဆင့်စိတ်ဝိညာဉ်ကျောက်တုံးက တစ်ဘီလီယံပဲ ထိုက်တန်တယ် ဒါမှမဟုတ် လုံးဝမထိုက်တန်ဘူး။

ဒါပေမယ့် လီဖူချန်းအတွက်ကတော့ ဘီလီယံတစ်ရာထိုက်တန်တာ သံသယရှိစရာမလိုပါဘူး။

ဘယ်သူက သူ့ကို ရွှေရောင်အဆောင် ပေးခိုင်းလို့လဲ။

လီဖူချန်းက အလွန်ပျော်တယ် ဒါပေမယ့် သူ့မျက်နှာက အမူအရာမပျက်ပါဘူး။

အသက်ကို ရှုထုတ်ပြီးနောက် လီဖူချန်းက နားလေးဖက်ဆိုင်ရှင်ကို ကြည့်လိုက်တယ်"စိတ်ဝိညာဉ်စွမ်းအားက ငါ ထင်ထားတာထက် ပိုရှုပ်ထွေးတာပဲ"

နားလေးဖက်ဆိုင်ရှင်က ပြုံးကာ ပြောလိုက်တယ်" မင်းက အချိန်ပိုပေးရင် စိတ်ဝိညာဉ်စွမ်းအားထဲရှိမသန့်စင်မှုကို ဖယ်ရှားနိုင်မှာပါ" ဒါကို ပြောပြီးနောက် နားလေးဖက်ပိုင်ရှင်က တစ်ခုခုကို တွေးမိလာတယ်။ အချိန်ကို စိတ်ဝိညာဉ်စွမ်းအားထဲရှိမသန့်စင်မှုတွေကို ဖယ်ရှားဖို့ပဲ သုံးမယ်ဆိုရင် ကျင့်ကြံခြင်းက အလိုအလျောက် နှောင့်နှေးသွားပါလိမ့်မယ်၊ ရရှိမှုက ဆုံးရှုံးမှုဘက်ကို ပို အလေးသာသွားလိမ့်မယ်။

လီဖူချန်းက ခေါင်းညိတ်ကာ ပြောလိုက်တယ်"ဟုတ်တာပေါ့၊ ဒါဆို နောက်ထပ်ဆယ့်ကိုးခုလောက် ပေးပါအုံး။ ဘယ်လိုပဲပြောပြော၊ ငါက ငယ်သေးတယ်၊ သက်တမ်းက အများကြီးကျန်သေးတယ်။ ဒါနဲ့ အချိန်ဖြုန်းဖို့ အဆင်ပြေပါတယ်…"