အခန်း (၃၇၉-၃၈၀)

အခန်း ၃၇၉ - နတ်ဆိုး၏ ရန်ငြိုး

ထိုအသံမှာ မိုးကြိုးပဲ့တင်သံကဲ့သို့ ပြင်းထန်လှပြီး ရှောင်လင်ကျောင်းတိုက် တစ်ခုလုံးကို တုန်ခဲသွားစေသည်။

အသံကို အကျယ်လောင်ဆုံး ကြားရသည့်နေရာမှာ အဓိကခန်းမဆောင်ကြီး အတွင်းပင် ဖြစ်​၏။

အသံမှာ အလွန်ကျယ်လောင်လွန်းလှသဖြင့် ကျင့်စဉ်အဆင့် အနည်းငယ်နိမ့်ပါးသူများမှာ ချက်ချင်းပင် ရင်တုန်သွားကြပြီး မျက်နှာများ ဖြူဖျော့ကုန်ကြသည်။

ကျင့်စဉ်အဆင့် အတန်ငယ် မြင့်မားသူများမှာမူ တည်ကြည်လေးနက်သော အမူအရာများ ရှိနေကြသည်။

၎င်းတို့အားလုံး ထိုဟိန်းဟောက်သံအတွင်းမှ စွမ်းအားကို သိရှိလိုက်ကြပြီး ၎င်းသည် အဘယ်အရာကို ဆိုလိုသလဲဆိုသည်ကိုလည်း နားလည်လိုက်ကြသည်။

ရှောင်လင်ကျောင်းတိုက် အတိုက်ခိုက်ခံနေရပြီဖြစ်ပြီး ကျောင်းတိုက်တံခါးဝတွင်လည်း ရုန်းရင်းဆန်ခတ် ဖြစ်နေချေပြီ။

စန်းဖော် နှင့် ကျဲ့ခုန်းတို့၏ အမူအရာများ ပြောင်းလဲသွားပြီး မျက်နှာပေါ်တွင် စိတ်အနှောင့်အယှက်ဖြစ်မှုများ ပေါ်ပေါက်လာသည်။

ယခုအချိန်တွင် ဒေါသအထွက်ဆုံးမှာ ရှောင်လင်ကျောင်းတိုက်ပင် ဖြစ်ရပေမည်။

အဘယ်ကြောင့်ဆိုသော် အင်အားစုများစွာကို ဆွေးနွေးပွဲအတွက် ဖိတ်ခေါ်ထားသည့်အချိန်တွင် ရန်သူမှာ တိတ်တဆိတ် ကျူးကျော်ဝင်

ရောက်လာသောကြောင့် ဖြစ်သည်။

ဤမျှ ဂုဏ်သိက္ခာကြီးမားလှသော နေရာတစ်ခုတွင် ဤသို့ဖြစ်ရခြင်းမှာ အမှန်တကယ်ပင် အရှက်ရစရာပင်။

ဗုဒ္ဓသုံးပါး ကိုယ်တော်တို့သည် ထိုင်နေရာမှထ၍ အပြင်သို့ အတူတူ ထွက်ခွာသွားကြသည်။

၎င်းကိုမြင်၍ အခြားသော ပညာရှင်များလည်း လိုက်ပါသွားကြသည်။

ခန်းမဆောင်ကြီးထဲမှ အပြင်သို့ ခြေလှမ်းလိုက်သည်နှင့် အဝေးကောင်းကင်ယံ၌ ပြင်းထန်သော တိုက်ပွဲတစ်ခုကို မြင်တွေ့လိုက်ရသည်။

ကိုယ်ခန္ဓာ ထွားကြိုင်းသော လူတစ်ယောက်သည် ပုဆိန်ကြီးတစ်လက်ကို ဝှေ့ယမ်းလျက် ဗုဒ္ဓသုံးပါးကို တစ်ကိုယ်တော် ရင်ဆိုင်နေပြီး အသာစီး ရနေသည်ကို မြင်ရ​၏။

ရှောင်လင်ဗုဒ္ဓသုံးပါး ထွက်ခွာသွားသည်မှာ တစ်မိနစ်ပင် မပြည့်သေးသော်လည်း ၎င်းတို့မှာ လုံးဝ ဖိနှိပ်ခြင်း ခံနေရချေပြီ။

လင်ချွမ်သည် အဝေးသို့ စိုက်ကြည့်နေမိသည်။

ထိုအချိန်တွင် ကောင်းကင်ယံ၌ ပြင်းထန်သော တိုက်ပွဲ ဖြစ်ပွားနေသည်။

ဗုဒ္ဓသုံးပါးမှာ ရွှေရောင်အလင်းတန်းများ ဝန်းရံထားသည့် တိုက်ပွဲဝင်ပုံစံကို ဖော်ဆောင်ထားကြသည်။

ထို့နောက် အရိပ်ရောင်သုံးခုမှာ တစ်ခုတည်းအဖြစ် ပေါင်းစည်းသွားပြီး မျက်ခုံးရှည်ရှည်နှင့် ဦးဆောင်သူ၏ ခန္ဓာကိုယ်အတွင်းသို့ ပျောက်

ကွယ်သွားသည်။

သူသည် ရုတ်တရက် ရှေ့သို့ အဟုန်ဖြင့် တိုးဝင်လိုက်ပြီး သူ၏ ညာလက်မှ ကြီးမားသော ရွှေရောင်လက်ဝါးရိပ် တစ်ခုကို ထုတ်ဖော်

လိုက်သည်။

၎င်းသည် လေထဲတွင် ဝေ့ဝဲသွားပြီး ရှေ့သို့ ပြင်းထန်စွာ ရိုက်ချလိုက်လေ​၏။

"ဝုန်း"

လေထုမှာ တုန်ခါသွားပြီး နားကွဲမတတ် အသံများ ထွက်ပေါ်လာသည်။

ထိုလူက လှောင်ပြုံးပြုံးလိုက်ပြီး သူ၏ ပုဆိန်ကြီးကို အောက်သို့ ဝှေ့ယမ်းချလိုက်သည်။

မည်သည့် အရိပ် သို့မဟုတ် တုန်ခါမှုမျှ မရှိဘဲ လေထဲရှိ လက်ဝါးရိပ်မှာ တိုက်ရိုက်ပင် နှစ်ပိုင်းကွဲသွားသည်။

မှန်ပါသည်၊ ရိုက်ခွဲလိုက်ခြင်းပင်။

ပုဆိန်ပေါ်တွင် မည်သည့် အတွင်းအားမျှ မမြင်တွေ့ရပေ။

ထိုနောက်ဆုံး တိုက်ကွက်မှာ သူ၏ သန့်စင်သော ခွန်အားသက်သက်သာ ဖြစ်ပြီး ၎င်းကို အပိုင်းပိုင်းဖြစ်အောင် ရိုက်ခွဲလိုက်ခြင်းပင်။

မျက်ခုံးရှည် ဘုန်းကြီးသည် ရုတ်တရက် သွေးတစ်လုတ် ထွေးထုတ်လိုက်ရပြီး သူ၏ ခန္ဓာကိုယ်မှာ နောက်သို့ လျင်မြန်စွာ ဆုတ်ခွာသွားသည်။

သူ၏ အရှိန်အဝါမှာလည်း ချက်ချင်းပင် အားနည်းသွားပြီး ပြင်းထန်သော တန်ပြန်ဒဏ်ရာကို ခံစားလိုက်ရသည်။

ထိုအချိန်တွင် သူ၏ ရင်ဘတ်နှင့် ဝမ်းဗိုက်ထဲမှ နာကျင်မှုတစ်ခု ဖြစ်ပေါ်လာသည်။

၎င်းမှာ ဝမ်းဗိုက်အတွင်းမှ ပြင်ပသို့ ထွက်ပေါ်လာသော ထူးခြားသည့် လေလှိုင်းတစ်ခုကဲ့သို့ပင်။

ထိုအရေးကြီးသော အချိန်တွင် ကျင့်စဉ်အဆင့် မြင့်မားသော ဝဖြိုးသည့် ဘုန်းကြီးသည် လေထဲသို့ ခုန်တက်လိုက်သည်။

သူသည် မျက်ခုံးရှည်ဘုန်းကြီး၏ လည်ပင်းနောက်စေ့ကို လှမ်းဖမ်းကာ နောက်သို့ ပစ်လိုက်ပြီး သူကိုယ်တိုင် တိုက်ပွဲဝင်ပုံစံ၏ ရှေ့ဆုံးတွင် အစားထိုး ဝင်ရောက်လိုက်သည်။

သို့သော် သူရင်ဆိုင်နေရသည်မှာ သိုင်းဘုရင် အဆင့်ရှိသော ပညာရှင်တစ်ဦး ဖြစ်သည်။

တိုက်ပွဲဝင်ပုံစံ၏ အကူအညီ ရှိနေသော်လည်း နယ်ပယ်အသုံးပြုသူမျှသာဖြစ်သော သူအဖို့ ထိရောက်သော ခုခံမှုကို ပြုလုပ်ရန် ခက်ခဲလှ​၏။

အပြန်အလှန် တိုက်ခိုက်မှု အနည်းငယ်အကြာတွင် သူသည် ပုဆိန်ရိုးဖြင့် ရင်ဘတ်ကို အထိုးခံလိုက်ရပြီး ကောင်းကင်ယံမှ ပြုတ်ကျသွားသည်။

မျက်စိတစ်မှိတ်အတွင်းမှာပင် ရှောင်လင်ဗုဒ္ဓသုံးပါးအနက် နှစ်ပါးမှာ ရှုံးနိမ့်သွားချေပြီ။

ကျန်ရှိနေသော တစ်ဦးမှာလည်း လိုအပ်သော အဆင့်သို့ မရောက်သေးသဖြင့် ဆက်လက်

တိုက်ခိုက်ရန် ပို၍ပင် ခက်ခဲနေသည်။

မကြာမီမှာပင် သူ၏ လည်ပင်းမှာ ထိုလူ၏ လက်ထဲသို့ ကျရောက်သွားပြီးလက်ကောက်ဝတ်မှ ထွက်ပေါ်လာသော စွမ်းအားမှာ သူ၏ လည်ပင်းကို အချိန်မရွေး ချိုးဖျက်ပစ်နိုင်သည့် အနေအထားတွင် ရှိနေသည်။

ထိုအန္တရာယ်ရှိသော အခြေအနေတွင် လူရိပ်တစ်ခုသည် မြေပြင်ကို နင်း၍ အရှိန်ယူကာ ကောင်းကင်ယံသို့ ပျံတက်သွားသည်။

ဟင်းလင်းပြင် တုန်ခါမှုတစ်ခုနှင့်အတူ နယ်ပယ်

စွမ်းအားက ထိုလူကို ချက်ချင်း လွှမ်းခြုံသွားသည်။

"ဒါ ဟန်ရှောင်း ပဲ"

လူအုပ်ကြီးထဲမှ အံ့အားသင့်သံများ ထွက်ပေါ်လာသည်။

ထိုအချိန်တွင် လင်ချွမ်နှင့် အခြားနှစ်ဦးကို ရန်စခဲ့ဖူးသော ဟန်ရှောင်းသည် သူ၏ နယ်ပယ်ကို ထုတ်ဖော်ကာ ရှေ့သို့ ပြေးဝင်သွားသည်။

သူ၏ ဘေးရှိ လွှသွားကဲ့သို့သော ဓားကြီးသည်

လည်း ပြင်းထန်စွာ ဝှေ့ယမ်းလာသည်။

မြေကြီးရောင် ဓားလေပြေများသည် ပင်လယ်လှိုင်းများကဲ့သို့ပင် အထက်သို့ အရှိန်ဖြင့် တက်လာသည်။

တစ်ချိန်တည်းမှာပင် သူ၏ အသံမှာ ကောင်းကင်ယံ၌ ဟိန်းထွက်လာ​၏။

"မှတ်ထားလိုက်၊ မင်းကို အဆုံးစီရင်မယ့်သူက ဟန်ရှောင်းပဲ"

ဟင်းလင်းပြင်ထဲတွင် ဝါကျင်ကျင် လျှပ်စီးတန်းများ ပေါ်ပေါက်လာသည်။

ဓားလေပြေနှင့် လျှပ်စီးတို့ ပေါင်းစည်းသွားပြီး အထက်သို့ စီးဝင်သွားသည်။

"အော်"

ထိုလူက လှောင်ပြုံးပြုံးကာ ပိန်လှီသော ဘုန်းကြီးကို ဘေးသို့ လွှင့်ပစ်လိုက်သည်။

သူသည် လေထဲတွင် ဝဲပျံနေရင်း အောက်သို့ ငုံ့ကြည့်ကာ သူ၏ ညာခြေထောက်ကို အမြင့်သို့ မြှောက်၍ ပြင်းထန်စွာ နင်းချလိုက်​၏။

တစ်ချိန်တည်းမှာပင် လှောင်ပြောင်သံတစ်ခု ပဲ့တင်ထပ်သွားသည်။

"မှတ်ထားလိုက်၊ မင်းကို သတ်တဲ့သူက ကလဲ့စားချေတဲ့ နတ်ဆိုးပဲ"

ကျယ်လောင်သော အော်ဟစ်သံနှင့်အတူ သူသည် အောက်သို့ နင်းချလိုက်သည်။

ဟင်းလင်းပြင်အတွင်းရှိ မရေမတွက်နိုင်သော အတွင်းအားများမှာ ကြီးမားသော ဝိညာဉ်ရိပ်ကြီးတစ်ခုအဖြစ် ပေါင်းစည်းသွားသည်။

၎င်းသည် ဟန်ရှောင်း ဖန်တီးထားသော လှိုင်းများကို အလွယ်တကူပင် ဖိနှိပ်ပစ်လိုက်ပြီး ဟန်

ရှောင်း​၏ ခန္ဓာကိုယ်ပေါ်သို့ ပြင်းထန်စွာ ကျရောက်သွားသည်။

"ချပ်"

နယ်ပယ်စွမ်းအားက ပြိုင်ဘက်ကို မလွှမ်းခြုံနိုင်မီမှာပင် အနင်းခံလိုက်ရခြင်း ဖြစ်သည်။

အစကတည်းက ကြည်လင်နေသော နယ်ပယ်မှာ ထိုအချိန်တွင် တုန်ခါသွားပြီး အပေါ်ပိုင်းမှာ မှန်ကွဲသကဲ့သို့ ကွဲအက်သွားကာ တစ်ချက်တည်းဖြင့် ပျက်စီးသွားရသည်။

ဟန်ရှောင်း​၏ ခန္ဓာကိုယ်မှာမူ ပို၍ ဆိုးရွားသော

ကံကြမ္မာနှင့် ကြုံလိုက်ရ​၏။

ကြောက်မက်ဖွယ်ကောင်းသော စွမ်းအားမှာ သူ၏ ခန္ဓာကိုယ်ကို ထိမှန်သွားပြီး ရင်ညွန့်ရိုးကို ကြေမွသွားစေကာ ဒဏ်ရာပြင်းထန်စွာ ရရှိသွားစေသည်။

"ဟင်"

၎င်းကို မြင်လိုက်ရသူ အားလုံးမှာ ထိတ်လန့်

တုန်လှုပ်သွားကြသည်။

နယ်ပယ်အဆင့် ရှိသော ပညာရှင်တစ်ဦးမှာ တစ်ချက်တည်းဖြင့် လုံးဝ ရှုံးနိမ့်သွားခဲ့ရသည်။

ဤမျှ ကြောက်စရာကောင်းသော စွမ်းအားမျိုးမှာ ကျင့်စဉ်၏ ထိပ်သီးအဆင့်ရှိသူများပင် တောင့်ခံနိုင်ရန် ခဲယဉ်းပေလိမည်။

ထိုသို့တွေးမိပြီးနောက် မည်သူမျှ ရှေ့သို့ မတိုးရဲကြတော့ပေ။

၎င်းတို့၏ အကြည့်များမှာ လင်ချွမ်ထံသို့ လျင်မြန်စွာ ရောက်ရှိသွားကြသည်။

လင်ချွမ်သည် အံ့အားသင့်စွာ သက်ပြင်းချလိုက်

မိ​၏။

ယာယီဆွေးနွေးပွဲတစ်ခုအတွက် လာခဲ့မိရာမှ ဤကဲ့သို့သော အဖြစ်အပျက်နှင့် ကြုံရလိမ့်မည်ဟု သူ မမျှော်လင့်ထားခဲ့ပေ။

သူ လှုပ်ရှားရန် ပြင်လိုက်စဉ်မှာပင် လင်ယန်ရွှယ်က သူ၏ ပုခုံးပေါ်သို့ လက်တင်၍ တားလိုက်သည်။

သူမ၏ မျက်ခုံးတန်းများတွင် ကြင်နာမှုများ ယှက်သန်းနေပြီး နှုတ်ခမ်းကို အနည်းငယ်ဟကာ ပြောလိုက်သည်။

"ရှင့်ရဲ့ ဒဏ်ရာတွေက မပျောက်သေးဘူး၊ အခုလို အကြီးအကျယ် တိုက်ပွဲမှာ မပါဝင်တာ အကောင်းဆုံးပဲ"

"ကျွန်မပဲ စမ်းကြည့်ပါရစေ"

လင်ချွမ်မှာ ခဏတာတွေဝေသွားသော်လည်း ခေါင်းငြိမ့်လိုက်သည်။

ချက်ချင်းပင် သူသည် ဝိညာဉ်နှိမ်နင်းခြင်း သံမှိုလေးချောင်းကို ထုတ်ယူပေးလိုက်သည်။

"ဒီလူက သိုင်းဘုရင်အဆင့် ပညာရှင်ပဲ"

"ဒါကို ဆောင်ထားပါ၊ ဒါက မင်းကို ဝိညာဉ်

တိုက်ခိုက်မှုတွေကနေ ကာကွယ်ပေးလိမ့်မယ်"

လင်ယန်ရွှယ်သည် အပ်ကို လက်ခံလိုက်ပြီး ချိုသာစွာ ပြုံးပြကာ လေထဲသို့ ပျံတက်သွားသည်။

သူမ၏ လှပသော ကဟန်များမှာ လေထဲတွင် ပေါ်လွင်နေ​၏။

'နတ်ဆိုး၏ ကလဲ့စားချေခြင်း' ဟု မိမိကိုယ်ကို ခေါ်ဆိုသူသည် ဤမြင်ကွင်းကို မြင်လျှင် မျက်လုံးထဲတွင် အနည်းငယ် မိန်းမောသွားသော အရိပ်အယောင် ပြသလာသည်။

သို့သော် သူသည် သိုင်းဘုရင်အဆင့်သို့ ရောက်ရှိနေသူ မဟုတ်ပါလား။

အဆင့်နိမ့် သိုင်းဘုရင် ဖြစ်လင့်ကစား ဝိညာဉ်စွမ်းအား တိုးမြင့်လာသည်နှင့်အမျှ စိတ်ပိုင်းဆိုင်ရာ တိုက်ခိုက်မှုများကို ခုခံနိုင်စွမ်းမှာလည်း များစွာ မြင့်မားလှ​၏။

သူသည် ခဏတာ မိန်းမောသွားပြီးနောက် ချက်ချင်းပင် ပြန်လည် သတိဝင်လာသည်။

"စိတ်ဝင်စားဖို့ ကောင်းသားပဲ"

နတ်ဆိုးက မကောင်းဆိုးဝါးဆန်စွာ ရယ်မောလိုက်ပြီး သူ၏ မျက်လုံးထဲတွင် ထူးဆန်းသော အရောင်များ တောက်ပလာသည်။

သူသည် လျှပ်စီးကဲ့သို့ မြန်ဆန်သော အရှိန်ဖြင့် လင်ယန်ရွှယ်ထံသို့ ရုတ်တရက် ထိုးဆင်းသွားသည်။

သူ၏ ညာလက်ဝါးကို လေထဲတွင် ဆုပ်လိုက်ရာ ကြီးမားသော လက်ကြီးတစ်ဖက် ပေါ်လာပြီး ဖမ်းဆုပ်ရန် ကြိုးစားလိုက်သည်။

လင်ယန်ရွှယ်၏ အကြည့်မှာ ပြောင်းလဲခြင်း မရှိသော်လည်း သူမ၏ ခန္ဓာကိုယ်ကို အနည်းငယ် လှည့်လိုက်သည်။

လက်ဝါးတစ်ချက် ရိုက်ချက်ဖြင့်ပင် မမြင်ရသော လေပြင်းများ စုစည်းသွားပြီး ၎င်းကို ပြင်းထန်စွာ ပြန်လည် ရိုက်ခတ်လိုက်သည်။

"လေထန်ချိန်"

သူမ၏ ပြတ်သားသော အော်ဟစ်သံနှင့်အတူ လက်ဝါးအနီးတွင် စုရုံးနေသော လေများသည် ရုတ်တရက် အေးစက်ပြီး ပြင်းထန်လာသည်။

လေလှိုင်း တစ်ခုချင်းစီမှာ နူးညံ့ရာမှ သွေးဆာနေသော မြားတစ်စင်းကဲ့သို့ ထက်မြက်လာပြီး မြင်သမျှအရာအားလုံးကို ဆုတ်ဖြဲပစ်တော့မည့်အတိုင်းပင်။

ထိုအရာနှစ်ခုနှင့်အတူ ထိပ်သီးအဆင့်၏ အတွင်းအားများ ပေါင်းစပ်လိုက်သောအခါ တစ်ခဏအတွင်းမှာပင် ဟင်းလင်းပြင်မှာ လက်မအလိုက် ကွဲအက်သွားသည်။

မရေမတွက်နိုင်သော အက်ကြောင်းများမှာ အဆက်မပြတ် ပေါ်ပေါက်လာပြီး ထိုလက်ကြီးကို အလွန်မြန်သော အရှိန်ဖြင့် ဆွဲဖြဲပစ်လိုက်​၏။

ထိုခဏမှာပင် လင်ယန်ရွှယ်၏ ပုံရိပ်မှာ ပျောက်ကွယ်သွားပြီး ပြန်လည်ပေါ်လာချိန်တွင် သူမသည် နတ်ဆိုး၏ ဘေးနားတွင် ရပ်နေချေပြီ။

အခန်း ၃၈၀ - ပြင်းထန်သောတိုက်ပွဲ

လင်ယန်ရွှယ်သည် သူမ၏ နုနယ်သောလက်ကလေးကို ဆန့်ထုတ်ကာ ဆွဲလိုက်ရာ သူမ၏လက်ဖဝါးထဲတွင် အေးစိမ့်သော အအေးဓာတ်တစ်ခု ချက်ချင်းပင် တိုးထွက်လာသည်။

၎င်းမှာ နှင်းခဲဓား မှ ဆင်းသက်လာပြီး ပုံဖော်ထားသည့် နှင်းခဲစွမ်းအားပင် ဖြစ်​၏။

တစ်ချက်ဝှေ့ယမ်းလိုက်ရုံဖြင့် ရေခဲနှင့်နှင်းများမှာ ဝုန်းဒိုင်းကြဲ ထွက်ပေါ်လာသည်။

သူတို့နှစ်ဦး ရပ်နေသည့်နေရာ အထက်ကောင်းကင်မှ မရေမတွက်နိုင်သော နှင်းပွင့်များ ရုတ်တရက် ကျဆင်းလာသည်။

ထိုနေရာအတွင်းရှိ အပူချိန်မှာ ခဏချင်းအတွင်း ဆယ်ဒီဂရီစင်တီဂရိတ်ထက်မက ကျဆင်းသွားသည်။

သိုင်းဘုရင်အဆင့် စွမ်းအားကို ပိုင်ဆိုင်ထားသော နတ်ဆိုးပင်လျှင် ထိုအခိုက်အတန့်တွင် အေးစိမ့်မှုကို မခံစားဘဲ မနေနိုင်ပေ။

သူ့မျက်လုံးထဲတွင် အေးစိမ့်သော အရောင်အဝါတစ်ခု လက်ခနဲ ဖြစ်သွားပြီး ကိုယ်ကိုလှည့်ကာ လက်ဖဝါးဖြင့် ရိုက်ချလိုက်သည်။

တိုက်ကွက်နှစ်ခုမှာ တမဟုတ်ချင်း ထိတွေ့မိကာ လေထုထဲတွင် ဖြူလွလွ မြူခိုးများအဖြစ် ပေါက်ကွဲထွက်သွားသည်။

နှင်းခဲများမှာလည်း မရေမတွက်နိုင်သော ရေခဲပွင့်များအဖြစ် ကြေမွသွားတော့​၏။

လင်ယန်ရွှယ်သည် သူမ၏ ကျောက်စိမ်းကဲ့သို့ ချောမွတ်သော လက်ကို ရင်ဘတ်သို့ပြန်ရုပ်ကာ လက်ကွက်တစ်ခုကို အလျင်အမြန် ဖော်ဆောင်

လိုက်သည်။

တစ်ခဏချင်းမှာပင် ဖြူလွလွ ရေခဲမြူခိုးများမှာ လည်ပတ်လာပြီး ဖြူဖွေးသော ခြင်္သေ့တစ်

ကောင်အဖြစ် ပြောင်းလဲကာ ရှေ့သို့ ခုန်အုပ်

လိုက်သည်။

တစ်ချိန်တည်းမှာပင် လေပြင်းများ ရုတ်တရက် တိုက်ခတ်လာပြီး မရေမတွက်နိုင်သော စွမ်းအားများ ဝန်းရံလာသည်။

ကောင်းကင်တစ်ခုလုံးကို လွှမ်းခြုံထားသည့် သဲမုန်တိုင်းသည် ထိုအခိုက်အတန့်တွင် သူ့မျက်စိရှေ့၌ ပေါ်လာပြီး ထိုလူ့အပေါ်သို့ အရှိန်အဟုန်ဖြင့် ကျဆင်းလာသည်။

"မဟာတောရိုင်း ကောင်းကင်မဲ့ခြင်း"

ကြောက်မက်ဖွယ်ကောင်းသော စွမ်းအားများသည် ထိုအခိုက်အတန့်တွင် လျင်မြန်စွာ စုစည်းသွားပြီး ဟိန်းဟောက်သံနှင့်အတူ ရှေ့သို့ ပေါက်ကွဲထွက်သွားသည်။

ဤအချိန်၌ သိုင်းဘုရင်အဆင့် ပညာရှင်တစ်ဦးဖြစ်သည့် မော့ယွမ်ပင်လျှင် မျက်နှာပျက်သွားရသည်။

"အချိန်ကိုက်ပဲ"

သို့သော် သူသည် အနည်းငယ်မျှ ကြောက်ရွံ့ခြင်းမရှိပေ။

အံ့သြသွားပြီးနောက် သူ၏ တိုက်ခိုက်လိုစိတ်မှာ ပိုမိုပြင်းထန်လာသည်။

နတ်ဆိုး​၏ မျက်လုံးထဲတွင် ရိုင်းစိုင်းကြမ်းကြုတ်မှုများ ပိုမိုတောက်ပလာကာ ဟိန်းဟောက်သံနှင့်အတူ သူ၏ ပုဆိန်ကြီးကို တစ်ဖန်ဝှေ့ယမ်းလိုက်သည်။

ဖြူဖွေးသော ခြင်္သေ့ကို ချက်ချင်းရိုက်ခွဲလိုက်ပြီး 'မဟာတောရိုင်း ကောင်းကင်မဲ့ခြင်း' တိုက်

ကွက်ကို ပြင်းထန်စွာ ရိုက်ချလိုက်သည်။

"ဝုန်း"

မိုးကြိုးသံကဲ့သို့ ပေါက်ကွဲသံကြီးမှာ လေထုထဲတွင် ဟိန်းထွက်သွားသည်။

သူတို့နှစ်ဦး ထိတွေ့မိသော နေရာမှ လျှပ်စစ်စီးကြောင်းကဲ့သို့ ထူးခြားသော အလင်းတန်းတစ်ခု ရုတ်တရက် ပွင့်ထွက်လာသည်။

၎င်းသည် ရန်သူ၊ မိတ်ဆွေ မခွဲခြားဘဲ နှစ်ဦးစလုံးကို တစ်ပြိုင်နက် တိုက်ခိုက်သည့်အပြင် အနီးနားရှိ ဟင်းလင်းပြင်ကိုလည်း ရိုက်ခတ်သွားလေ​၏။

တစ်ခဏအတွင်းမှာပင် လေထုမှာ စုတ်ပြဲသွားပြီး ဟင်းလင်းပြင်မှာ ဆန့်ထွက်ကာ မရေမတွက်

နိုင်သော အက်ကြောင်းလေးများ ပေါ်လာသည်။

လွင့်စင်နေသော လှိုင်းလုံးများအားလုံးမှာလည်း ထိုအခိုက်အတန့်တွင် ဝါးမြိုခြင်း ခံလိုက်ရသည်။

တိုက်ပွဲကြောင့် ဖြစ်ပေါ်လာသော ရုတ်ရုတ်သဲသဲ အခြေအနေများကို ရင်ဆိုင်ရာတွင် လင်ယန်ရွှယ်သည် မျက်လုံးကို အသာမှိတ်ကာ လက်နှစ်

ဖက်ကို ဆုပ်ကိုင်လိုက်သည်။

သူမ၏ ခန္ဓာကိုယ်မှ ဆန်းကြယ်သော စွမ်းအားတစ်ခု ထွက်ပေါ်လာပြီး အရေပြားကို ဝန်းရံသွားသည်။

လင်ချွမ်၏ လမ်းညွှန်မှုအောက်တွင် လေ့ကျင့်ထားသော ဤမူလစွမ်းအားများကို လူတိုင်းရှေ့တွင် ပထမဆုံးအကြိမ် ထုတ်ဖော်ပြသခြင်းပင် ဖြစ်သည်။

လင်ယန်ရွှယ်၏ မူလစွမ်းအားမှာ လင်းချွမ်ကဲ့သို့ နက်ရှိုင်းခြင်း မရှိသလို၊ ဟေးချင်းကဲ့သို့လည်း ထူးဆန်းခြင်း မရှိပေ။

ယင်းအစား ၎င်းမှာ အေးစိမ့်လှသော ပုံသဏ္ဌာန်

ဖြင့် သီးခြားရပ်တည်နေသည်။

သူမအမည်ထဲရှိ နှင်း ဆိုသည့် စာလုံးကဲ့သို့ပင် သူမသည် ရေခဲ၊ နှင်း၊ နှင်းခဲ တို့၏ စွမ်းအားကို ပိုင်ဆိုင်ထားသည်။

ခဏချင်းတွင် လျှပ်စစ်စီးကြောင်းကဲ့သို့ ကြမ်းတမ်းသော စွမ်းအားများသည် အကာအကွယ်ဒိုင်းကို အောင်မြင်စွာ တိုက်ခိုက်လာသည်။

လျှပ်စစ်စီးကြောင်းများမှာ ဒိုင်းမျက်နှာပြင်ပေါ်တွင် ပျံ့နှံ့သွားသော်လည်း အကာအကွယ်ဒိုင်း၏ လမ်းညွှန်မှုကြောင့် ဟင်းလင်းပြင်အတွင်းသို့ လျင်မြန်စွာ ပျောက်ကွယ်သွားသည်။

အခြားတစ်ဖက်တွင် မော့ယွမ်သည် လင်ယန်ရွှယ်၏ စွမ်းအားကို အံ့သြသွားပုံရပြီး သူ၏ မျက်လုံးထဲတွင် အေးစိမ့်သောအလင်းတစ်ခု လက်ခနဲ ပေါ်လာသည်။

သူသည် ပုဆိန်ကြီးကို ဝှေ့ယမ်းကာ ကြီးမားသော စွမ်းအားများဖြင့် ဟင်းလင်းပြင်ကို ပြင်းထန်စွာ ရိုက်ချလိုက်ရာ ဟင်းလင်းပြင်မှာ ကွဲအက်သွားပြီး ပျက်စီးနေသော အပိုင်းအစများ ပေါ်ထွက်လာသည်။

ကြီးမားသော အက်ကြောင်းကြီးမှာ လျှပ်စစ်ကဲ့သို့ တိုက်ကွက်များကို အောင်မြင်စွာ ဝါးမြိုလိုက်သည်။

သူသည် အခွင့်အရေးကို အရယူကာ ကိုယ်ကိုလှည့်၍ လေထဲသို့ လျင်မြန်စွာ ပျံတက်ပြီး ပုဆိန်ကို ရုတ်တရက် အောက်သို့ ရိုက်ချလိုက်

သည်။

လေဓားကဲ့သို့ ပြင်းထန်သော စွမ်းအားတစ်ခု ကျဆင်းလာရာ ဟင်းလင်းပြင်တွင် မရေမတွက်နိုင်သော အက်ကြောင်းများ ပေါ်လာပြီး ဝါကျင့်ကျင့် လျှပ်စီးကြောင်းများမှာလည်း သိပ်သည်းစွာ စုစည်းလာသည်။

လင်ယန်ရွှယ်သည် အေးစိမ့်စွာ နှာခေါင်းရှုံ့လိုက်ပြီး လက်ညှိုးကို အသာအယာ မြှောက်

လိုက်​၏။

ချက်ချင်းပင် နယ်ပယ်စွမ်းအားများမှာ ထိုဧရိယာတစ်ခုလုံးသို့ ပျံ့နှံ့သွားသည်။

အထွတ်အထိပ်နယ်ပယ် ၏ နယ်ပယ်စွမ်းအားမှာ သိသာထင်ရှားသော ကန့်သတ်ချုပ်ချယ်မှု စွမ်းအားရှိသည်။

အကယ်၍ တစ်စုံတစ်ယောက်၏ ကျင့်စဉ်အဆင့်မှာ သူမထက် နိမ့်ပါက သူမသည် ထိုသူ၏ ခန္ဓာကိုယ်ကို အပြည့်အဝ ထိန်းချုပ်နိုင်သည်။

သို့သော် သိုင်းဘုရင်အဆင့် ပညာရှင်များအတွက်မူ အတိုင်းအတာတစ်ခုအထိသာ ကန့်သတ်ထားနိုင်သည်။

လင်ယန်ရွှယ်က ချုပ်ချယ်မှုများကို ပြုလုပ်ကာ တန်ပြန်တိုက်ခိုက်ရန် ပြင်ဆင်နေစဉ် နတ်ဆိုး​၏ မျက်နှာပေါ်တွင် ယုတ်မာသော အပြုံးတစ်ခု ရုတ်တရက် လက်ခနဲ ပေါ်လာသည်။

ထိုအခိုက်အတန့်တွင် ဝိညာဉ်လှိုင်းထန်မှုတစ်ခုမှာ ဟင်းလင်းပြင်အတွင်း ရုတ်တရက် ပေါက်ကွဲထွက်လာသည်။

မုန်တိုင်းတစ်ခုကဲ့သို့ ကြောက်မက်ဖွယ်ကောင်းသော စွမ်းအားများသည် အောက်ဘက်သို့ တစ်ခဏချင်း တိုက်ခတ်လာသည်။

ဟင်းလင်းပြင်မှာ ချက်ချင်းပင် လိမ်တွန့်သွားပြီး ရှုပ်ထွေးပွေလီသော မြင်ကွင်းတစ်ခု ဖြစ်သွားသည်။

ဤဝိညာဉ်စွမ်းအား မုန်တိုင်းများသည် အဆင့်မြင့် သက်ရှိများထံမှ လာသော ရိုက်ခတ်မှုများပင် ဖြစ်​၏။

အကယ်၍ ဤတိုက်ကွက်ကို ထိမှန်ပါက သာမန် ထိပ်တန်းပညာရှင်များမှာ စိတ်လွတ်သွားနိုင်ပြီး တိုက်ခိုက်နိုင်စွမ်းပင် ဆုံးရှုံးသွားနိုင်သည်။

လင်ယန်ရွှယ်၏ တကယ့်တိုက်ခိုက်ရေးစွမ်းရည်မှာ သူ့ထက် မနိမ့်ကျသော်လည်း သူမသည် ဤအခြေအနေကို ရှောင်လွှဲနိုင်ခြင်း မရှိပေ။

ထိုအချိန်မှာပင် အခြေအနေမှာ တစ်ဖန် ပြောင်းလဲသွားပြန်သည်။

လင်ယန်ရွှယ်သည် သူမ၏ ရင်ဘတ်ထဲမှ သံမှိုအချို့ကို နုနယ်သော လက်ကလေးဖြင့် ထုတ်

လိုက်သည်။

၎င်းတို့မှာ လက်ညှိုးတစ်ချောင်းစာထက် မရှည်ဘဲ အချို့မှာ မျက်နှာပြင်တွင် သံချေးများပင် တက်နေသည်။

သို့သော် ထိုအခိုက်အတန့်တွင် ၎င်းတို့အားလုံးမှာ နက်မှောင်ပြီး နက်ရှိုင်းသော အလင်းရောင်များကို ထုတ်လွှတ်နေသည်။

ဝိညာဉ်နှိမ်နင်းခြင်း သံမှို များသည် ထောင့်

လေးထောင့်တွင် ရပ်တည်ကာ လင်ယန်ရွှယ်၏ ခန္ဓာကိုယ်ကို ဝန်းရံထားသည်။

ဝိညာဉ်မုန်တိုင်းသည် ၎င်းကို ရိုက်ခတ်မိရုံရှိသေးသော်လည်း ကြီးမားသော အတားအဆီးတစ်ခုနှင့် တွေ့သကဲ့သို့ ပြင်းထန်စွာ တုန်ခါသွားသည်။

ဝိညာဉ်နှိမ်နင်းခြင်း သံမှိုမှ စွမ်းအားများသည် နတ်ဆိုး​၏ တိုက်ခိုက်မှုကို အောင်မြင်စွာ တားဆီးလိုက်သည်။

၎င်းတွင်ပါရှိသော နက်ရှိုင်းသော ဝိညာဉ်စွမ်းအားသည် လင်ယန်ရွှယ်အား အဆင့်များကို ကျော်လွန်၍ တန်ပြန်တိုက်ခိုက်နိုင်စွမ်းကို ပေးစွမ်းသည်။

သူမ၏ လက်ကို အသာအယာ မြှောက်လိုက်ရာ ခရမ်းရောင် စွမ်းအင်တန်းများ စုစည်းလာသည်။

၎င်းတို့သည် ရေခဲဆူးများနှင့်တူသော ချွန်ထက်သော ပုံသဏ္ဌာန်များအဖြစ် ပြောင်းလဲကာ ရှေ့သို့ ရုတ်တရက် ပျံထွက်သွားလေ​၏။

ထိတွေ့၍မရသော ဝိညာဉ်စွမ်းအားမှာ ထိုအခိုက်အတန့်တွင် ထိတွေ့၍ရသော အရာတစ်ခုအဖြစ် ပြောင်းလဲသွားသည်။

၎င်းမှာ နတ်ဆိုးကို လန့်သွားစေသလို တစ်ချိန်တည်းမှာပင် သူ့မျက်လုံးထဲတွင် လောဘအရိပ်အယောင်များ ပေါ်လာသည်။

သူသည် အောင်ဟစ်ကာ အောက်သို့ ပြေးဆင်းလာပြီး ကျရောက်လာမည့် တိုက်ကွက်အတွက် လုံးဝပြင်ဆင်ထားခြင်း မရှိပေ။

"ဒီကောင်တော့ သွားပြီ"

"ဟုတ်တယ်၊ ဂိုဏ်းချုပ်လင်ရဲ့ တိုက်ကွက်က တော်တော်ထူးဆန်းတာ၊ အဲဒီလူက ကာကွယ်ဖို့တောင် မကြိုးစားဘူး"

"ဒါဟာ ကိုယ့်ကိုယ်ကိုယ် သေကြောင်းကြံနေတာ မဟုတ်ဘူးလား"

နတ်ဆိုး​၏ ထိုးဆင်းလာသော ပုံသဏ္ဌာန်ကို ကြည့်ရင်း ကွင်းအတွင်းရှိ ပညာရှင်အများအပြားမှာ ဝိုင်းဝန်းဆွေးနွေးလာကြသည်။

သူတို့၏ နားလည်မှုအဆင့်မှာ ကန့်သတ်ချက်ရှိသောကြောင့် ဝိညာဉ်စွမ်းအား၏ ဆန်းကြယ်မှုကို နားမလည်ကြသော်လည်း လက်ရှိအခြေအနေအရ လင်ယန်ရွှယ်၏ တိုက်ကွက်မှာ အားနည်းနိုင်မည်မဟုတ်ကြောင်း သိကြသည်။

ထိုလူကြီးမှာ ဤမျှ မောက်မာစွာ ထိုးဆင်းလာရဲခြင်းမှာ အသက်ရှင်ရတာ ငြီးငွေ့နေ၍ ဖြစ်ရမည်ဟု ထင်နေကြ​၏။

သို့သော် အခြားသူများ မြင်သည်နှင့် ဆန့်ကျင်ဘက်ဖြစ်ကာ သိုင်းနတ်ဘုရားတစ်ဦးဖြစ်သော လင်ချွမ်မှာမူ ထူးဆန်းသော အရာတစ်ခုကို မြင်လိုက်သည်။

ဝိညာဉ်နှိမ်နင်းခြင်း သံမှို၏ စွမ်းဆောင်ရည်ကို ကြည့်ခြင်းအားဖြင့် တစ်ဖက်လူမှာ ၎င်းကို လျစ်လျူရှုလောက်အောင် မိုက်မဲမည်မဟုတ်ပေ။

ထို့ကြောင့် တစ်ဖက်လူ၏ အပြုအမူတွင် ပိုမိုနက်ရှိုင်းသော အဓိပ္ပာယ်ရှိရမည်။

ဖြစ်နိုင်သည်မှာ သူသည် အထူးကာကွယ်ရေး မှော်ရတနာတစ်ခုခု ပိုင်ဆိုင်ထားသောကြောင့် ဝိညာဉ်နှိမ်နင်းခြင်း သံမှို၏ ရိုက်ခတ်မှုကို မကြောက်ခြင်း ဖြစ်နိုင်သည်။

လင်ချွမ်သည် ၎င်းကို သတိပြုမိသော်လည်း မည်သည့် သတိပေးချက်မျှ မပေးခဲ့ပေ။

သူက သူသာမြင်နိုင်လျှင် လင်ယန်ရွှယ်လည်း မမြင်ဘဲ မနေနိုင်ဟု ယုံကြည်သည်။

သူမသည် ချွမ်ရွှယ်ဂိုဏ်း၏ ဂိုဏ်းချုပ်ဖြစ်ပြီး တစ်ချိန်က နတ်ဆိုး ဂိုဏ်းချုပ်တစ်ဦးလည်း ဖြစ်ခဲ့သည်။

အကယ်၍ သူမသည် ဤကဲ့သို့သော အကြံအစည်ကိုပင် မရိပ်မိပါက ယခုအချိန်ထိ အသက်ရှင်နေမည် မဟုတ်ပေ။

မှန်ပေသည်၊ ထိုအခိုက်အတန့်တွင် လင်ယန်ရွှယ်၏ မျက်နှာအမူအရာမှာ အနည်းငယ် ပြောင်းလဲသွားပြီး တစ်ဖက်လူ ဘာတွေးနေသည်ကို သိသွားသည်။

သူမသည် လက်ကို လေထဲတွင် ဝှေ့ယမ်းလိုက်​၏။

နှင်းခဲကဲ့သို့ စင်ကြယ်သော မူလစွမ်းအားများသည် စုစည်းလာပြီး ကြီးမားသော ဓားသွားအဖြစ် ပြောင်းလဲသွားသည်။

အေးစိမ့်သော နှင်းပွင့်များ စုစည်းကာ လေအေးများ ရုတ်တရက် တိုက်ခတ်လာသည်။

၎င်းတို့သည် တစ်နေရာတည်းတွင် ပေါင်းဆုံကာ ကြီးမားသော ဓားကြီးတစ်လက်အဖြစ် ပြောင်းလဲသွားတော့သည်။