အခန်း ၁၉၅

အခန်း ၁၉၅ - ကျင့်ကြံမှုလမ်းစဉ်သုံးခုလုံး၏ အထွတ်အထိပ်။ နတ်ဘုရားလှေကား၏ အဆုံးသတ်သို့ ရောက်ရှိခြင်း။

တာအိုပြည်နယ် ၃၀၀၀ အတွင်းရှိ ထောင်သောင်းမကသော သက်ရှိတို့၏ ထိတ်လန့်တုန်လှုပ်မှုများမှာ လင်းချန် အတွက်မူ ဘာမှအဓိပ္ပာယ်မရှိပေ။

အပေါ်ယံနာမည်ကျော်ကြားမှုကသူ၏ ကျင့်ကြံမှု ကို မလှုပ်ခတ်နိုင်ဘဲ သူ၏ တစ်ခုတည်းသော ရည်မှန်းချက်မှာ အစွမ်းထက်သော အင်အားကို ပိုင်ဆိုင်ရန်သာ ဖြစ်သည်။

လုံလောက်သောအင်အားရှိလျှင် ထိုကျော်ကြားမှုဆိုသည်မှာ အလိုလို ရောက်ရှိလာမည်သာ ဖြစ်သည်။

အချိန်မည်မျှ ကုန်ဆုံးသွားသည်မသိ...။

စမ်းသပ်မှုတစ်ခုကို ကျော်ဖြတ်ပြီးနောက် လင်းချန်သည် အံ့အားသင့်ဖွယ်ရာ တစ်ခုကို တွေ့ရှိလိုက်ရသည်။

သူ၏ ခန္ဓာကိုယ်ကျင့်ကြံမှု သည်လည်း ဝိညာဉ်စွမ်းအားကဲ့သို့ပင် ဧကရာဇ်တစ်ပိုင်း အထွတ်အထိပ်အဆင့်သို့ ရောက်ရှိသွားခြင်းပင်။

ယခုအခါသူ၏ လှုပ်ရှားမှုတိုင်းက ကောင်းကင်နှင့် မြေကြီးကို ဆွဲဖြဲနိုင်သလိုပင် ခံစားနေရသည်။

၎င်းသည် ဧကရာဇ်အစစ်အဆင့်သို့ မရောက်သေးသော်လည်း လက်ရှိတာအိုပြည်နယ် ၃၀၀၀ တွင်မူ မည်သည့် တားမြစ်နယ်မြေအရှင်သခင်မျှ သူ့ရှေ့တွင် မောက်မာဝံ့တော့မည်မဟုတ်ပေ။

ယခုအခါ လင်းချန်၏ လမ်းစဉ်သုံးခုအနက် ဝိညာဉ်ကျင့်ကြံမှု တစ်ခုသာ အထွတ်အထိပ်အဆင့်သို့ ရောက်ရန် ကျန်ရှိတော့သည်။

ဝိညာဉ်စွမ်းအားမပြည့်စုံခြင်းကြောင့် သူ၏ ကျန်ရှိသော အစွမ်းနှစ်ရပ်ကို အပြည့်အဝ ထိန်းချုပ်နိုင်စွမ်း မရှိသလို ခံစားနေရသည်။

လင်းချန်သည်စိတ်ကို တည်ငြိမ်အောင် ထားပြီး လှေကားထပ်များကို အရှိန်အဟုန်ဖြင့် ဆက်လက် တက်လှမ်းခဲ့သည်။

အထပ် ၂,၈၀၀ သို့ ရောက်ရှိချိန်တွင် သူ၏ ဝိညာဉ်ကျင့်ကြံမှုသည်လည်း အောင်မြင်စွာဖြင့် ဧကရာဇ်တစ်ပိုင်း အထွတ်အထိပ်အဆင့် သို့ ချိုးဖျက်ဝင်ရောက်သွားပြီ ဖြစ်သည်။

ဤတွင် လင်းချန်၏ ဝိညာဉ်စွမ်းအား ခန္ဓာကိုယ် နှင့် စိတ်ဝိညာဉ် လမ်းစဉ်သုံးခုလုံးမှာ ပြိုင်ဘက်ကင်းသော အထွတ်အထိပ်သို့ ရောက်ရှိသွားခဲ့သည်။

ထို့အပြင်သူ၏ ဝိညာဉ်စွမ်းအားမှာ ထိပ်ဆုံးအဆင့်ထက်ပင် ၅ လှမ်းခန့် ပိုမိုမြင့်မားနေပြီး ခန္ဓာကိုယ်မှာ ၃ လှမ်းခန့် ပိုနေပြီဖြစ်သည်။

ဤသည်မှာတားမြစ်နယ်မြေအရှင်သခင်များ၏ အဆင့်ကို ချဉ်းကပ်သွားခြင်းပင်။ အကယ်၍ သူတို့အားလုံး စုပေါင်းတိုက်ခိုက်လျှင်ပင် လင်းချန်က လက်တစ်ဖက်တည်းဖြင့် ခြေမှုန်းနိုင်သည့် အနေအထားသို့ ရောက်ရှိနေပြီဖြစ်သည်။

တာအိုပြည်နယ် ၃၀၀၀ လုံးမှာ လင်းချန်၏ အဆင့်သတ်မှတ်ချက် ပြောင်းလဲမှုများကို နေသားကျနေကြပြီ ဖြစ်သည်။

လင်းချန်သည်နတ်ဘုရားလှေကားထိပ်သို့ ပထမဆုံးရောက်ရှိမည့် ပါရမီရှင်ဖြစ်လာမည်ကို မည်သူမျှ သံသယမရှိကြတော့ပေ။

ရှေးဟောင်းလင်းမိသားစု အတွင်း၌မူ အောင်ပွဲခံရန် အားလုံးက ပြင်ဆင်နေကြသည်။

နတ်ဘုရားသားတော်လှေကားထိပ်ဆုံးသို့ ရောက်သည်နှင့်တစ်ပြိုင်နက် တစ်လောကလုံးရှိ အင်အားကြီးအဖွဲ့အစည်းများကို ဖိတ်ကြားကာ ကြီးကျယ်ခမ်းနားသော စားသောက်ပွဲကြီး ကျင်းပရန် စီစဉ်နေကြသည်။

လင်းချန်နတ်ဘုရားလှေကားပေါ်မှ ပြန်ဆင်းလာချိန်သည် တာအိုပြည်နယ် ၃၀၀၀ ၏ အင်အားစုများ အားလုံး အပြောင်းအလဲဖြစ်မည့် အချိန်ပင် ဖြစ်လိမ့်မည်။

“ဒေါက် ဒေါက်”

နတ်ဘုရားလှေကားထက်တွင် လင်းချန်သည် နောက်ထပ် ခြေလှမ်းတစ်လှမ်း ထပ်လှမ်းလိုက်သည်။

သို့သော်သူ၏ ခြေထောက်အောက်တွင် နောက်ထပ် တက်စရာ လှေကားထပ်များ မရှိတော့သည်ကို အံ့သြစွာ တွေ့လိုက်ရသည်။

လင်းချန်သည် သတိဝင်လာကာ ရှေ့တည့်တည့်သို့ မော့ကြည့်လိုက်သောအခါ သူ၏မျက်နှာတွင် နားလည်သဘောပေါက်သွားသော အမူအရာတစ်ခု ပေါ်လာသည်။

“ငါ... နတ်ဘုရားလှေကားရဲ့ ထိပ်ဆုံးကို တကယ်ပဲ ရောက်သွားပြီလား။”

လင်းချန်၏ ရှေ့တွင် မြင်တွေ့နေရသည်မှာ တိမ်တိုက်များအကြားတွင် ခန့်ညားထည်ဝါစွာ တည်ရှိနေသော မသေမျိုးနန်းတော် ကြီးပင် ဖြစ်သည်။