အခန်း ၁၉၉

အခန်း ၁၉၉ - တာအိုပြည်နယ် ၃၀၀၀ ၏မဟာမိတ်အဖွဲ့ကြီး။

အချိန်သည် တရွေ့ရွေ့ကုန်ဆုံးသွားရာ နှစ်နာရီခန့် ကြာမြင့်သွားခဲ့ပြီဖြစ်သည်။ မသေမျိုးနန်းတော်အတွင်း၌ လင်းချန်သည် ပြည့်စုံသော နိယာမစွမ်းအားများကို သိမြင်နားလည်နိုင်ရန် အာရုံစိုက်နေပြီး ထိုအထဲတွင် လုံးဝနစ်မွန်းနေခဲ့သည်။

ယခင်က ဧကရာဇ်တစ်ပိုင်း ထိပ်ဆုံးအဆင့်သို့ ရောက်လျှင် ကျင့်ကြံမှုလမ်းစဉ်မှာ အဆုံးသတ်သွားပြီဟု ထင်ခဲ့ရသော်လည်း ယခုအခါ ရှေ့ဆက်တက်လှမ်းနိုင်မည့် လမ်းသစ်ကြီးကို သူမြင်တွေ့နေရပြီဖြစ်သည်။

တာအိုပြည်နယ်၃၀၀၀ ၏ နိယာမများ ပျက်စီးနေခြင်းကြောင့်သာ ယခင်က မည်သည့်ပါရမီရှင်မျှ ရှေ့မဆက်နိုင်ခဲ့ခြင်း ဖြစ်သည်။

ယခုအခါမဟာဧကရာဇ် ကျင့်ကြံမှု အသီး ၏ အကူအညီဖြင့် ထိုအတားအဆီးများ ပျောက်ကွယ်သွားခဲ့ပြီ ဖြစ်သည်။

နှစ်နာရီအတွင်းမှာပင် လင်းချန်၏ ဖရိုဖရဲနိယာမ မှာ ၃၀ ရာခိုင်နှုန်းခန့် စစ်မှန်သော နိယာမစွမ်းအား အဖြစ်သို့ ပြောင်းလဲသွားခဲ့ပြီ ဖြစ်သည်။

မကြာမီတွင်သူသည် မဟာဧကရာဇ်အဆင့်သို့ အောင်မြင်စွာ တက်လှမ်းနိုင်တော့မည်ဟု ယုံကြည်နေသည်။

ကောင်းကင်ဘုံတာအိုသည်လည်း လင်းချန်၏ တိုးတက်မှုကို ကြည့်ကာ ကျေနပ်စွာ ပြုံးနေတော့သည်။

လင်းချန် နန်းတော်ထဲတွင် ကျင့်ကြံနေစဉ် ပြင်ပလောကရှိ ရှေးဟောင်းလင်းမိသားစု ထံသို့ တာအိုည်နယ် ၃၀၀၀ အနှံ့အပြားမှ အင်အားကြီး ပုဂ္ဂိုလ်များ တသီတတန်းကြီး ရောက်ရှိလာကြသည်။

ရောက်လာသူများထဲတွင် အနိမ့်ဆုံးမှာ သူတော်စင်ဘုရင် အဆင့်ဖြစ်ပြီး အများစုမှာ နတ်ဘုရားအဆင့် ပညာရှင်များ ဖြစ်ကြသည်။

လင်းမိသားစုဝင်များ အံ့အားသင့်ရသည်မှာ ထိုမာနကြီးလှသော အဖွဲ့အစည်းများမှာ အလွန်ပင် ရိုသေကိုင်းညွတ်သော အမူအရာများဖြင့် ရောက်ရှိလာခြင်းပင်။

ယခင်ကရန်ငြိုးရှိခဲ့ဖူးသော အဖွဲ့အစည်းခေါင်းဆောင်များပင် ကိုယ်တိုင်လာရောက်၍ ဒူးထောက်တောင်းပန်ကြသည်။

လင်းမိသားစု မျိုးနွယ်စုခေါင်းဆောင် လင်းဟောက်ရန် သည် ခဏတာ အံ့သြသွားသော်လည်း ချက်ချင်းပင် စိတ်ကို ပြန်လည်ထိန်းချုပ်ကာ ကြီးကျယ်ခမ်းနားသော စားသောက်ပွဲကြီး ကျင်းပ၍ ဧည့်ခံခဲ့သည်။

လင်းမိသားစု၏ မူဝါဒမှာ သူတစ်ပါးကို အကြောင်းမဲ့ မနှောင့်ယှက်သော်လည်း လာရောက်စော်ကားလျှင် အပြတ်အသတ် နှိမ်နင်းမည်။ သို့သော် ပြုံးရွှင်စွာဖြင့် မိတ်ဖွဲ့လာသူများကိုမူ အရင်းနှီးဆုံး မိတ်ဆွေများအဖြစ် လက်ခံမည်။

ယနေ့မှစ၍ တာအိုပြည်နယ် ၃၀၀၀ တွင် လင်းမိသားစု၏ ရန်သူဟူ၍ မရှိတော့ဘဲ မဟာမိတ်များသာ ရှိတော့မည်ဖြစ်သည်။

အင်အားစုအားလုံးကလင်းမိသားစုကို တာအိုပြည်နယ် ၃၀၀၀ ၏ အထွတ်အထိပ်အဖြစ် အသိအမှတ်ပြုလိုက်ကြပြီ ဖြစ်သည်။

စားသောက်ပွဲအတွင်းတွင် လင်းဟောက်ရန်သည် ဘေးပတ်ဝန်းကျင်ရှိ ထင်ရှားကျော်ကြားသော ပုဂ္ဂိုလ်များကို ကြည့်ကာ ပြုံးလိုက်မိသည်။

ဤအပြောင်းအလဲအားလုံးမှာသူ၏သားဖြစ်သူ လင်းချန်ကြောင့်သာ ဖြစ်သည်မဟုတ်ပါလား။

လင်းဟောက်ရန်သည် ကောင်းကင်ယံရှိ မသေမျိုးနန်းတော်ကမ္ဘာကို မော့ကြည့်ရင်း တိုးတိုးလေး ရေရွတ်လိုက်သည်။

“ငါ့သား ချန်အာ... အထဲမှာ ဘယ်လိုနေမလဲ မသိဘူး...”

သူ၏ဇနီး ယွမ်ချင်းရို မှာလည်း စိုးရိမ်စိတ်ဖြင့် လက်သီးကို တင်းတင်းဆုပ်ထားမိသည်။

လင်းဟောက်ရန်၏ စကားသံကို ကြားလိုက်ရသော စားသောက်ပွဲရှိ ပညာရှင်အားလုံးမှာလည်း အကြည့်ချင်းဆုံကာ ကောင်းကင်ယံသို့ မော့ကြည့်လိုက်ကြသည်။

အားလုံး၏ စိတ်ထဲတွင် မေးခွန်းတစ်ခုစီ ရှိနေကြသည်။

၁။ လင်းချန်သည် မည်သည့် အံ့ဖွယ်အခွင့်အရေးကို ရရှိထားသနည်း။

၂။ သူ နန်းတော်ထဲမှ ပြန်ထွက်လာချိန်တွင် မည်မျှအထိ အစွမ်းထက်လာမည်နည်း။

ထိုမေးခွန်းကို ဖြေနိုင်မည့်သူမှာ နန်းတော်အတွင်း၌ ဖရိုဖရဲ နိယာမစွမ်းအား ကို စိတ်ရောကိုယ်ပါ နှစ်မြှုပ်ကာ သိမြင်နားလည်နေသည့် လင်းချန် တစ်ဦးတည်းသာ ရှိပါတော့သည်။