အခန်း ၁၁၂၆

အခန်း (၁၁၂၆) ကျောက်စိမ်းရေကန်မသေမျိုးဂိုဏ်း၏အသီးအပွင့်တွေကို ခူးဆွတ်သွားတဲ့သူက မင်းဖြစ်နေတာကိုး ၂

[ပဉ္စမအဆင့် အဖြူရောင်မီးတောက်ခြင်္သေ့ ကို သတ်ဖြတ်ပြီး။ စုစုပေါင်း အသက်တမ်း ကပ်ဘေး ခြောက်ဆယ့်ရှစ်ခု၊ လက်ကျန်သက်တမ်း ကပ်ဘေး သုံးဆယ့်ခုနစ်ခု၊ စုပ်ယူပြီး]

...

ရှန်းယီပြန်လည်စေလွှတ်လိုက်သော နတ်ဆိုး သူလျှိုမှလွဲ၍ ကျန်ရှိနေသော သတ္တဝါများအားလုံး ဤနေရာတွင် ရှိနေပြီး၊ ပြည့်နှက်နေသော အသိပေးချက်လေးဆယ့်သုံးခု ပေါ်ထွက်လာသည်။

၎င်းတို့အနက်၊ စတုတ္ထအဆင့် နတ်ဆိုးမသေမျိုး ရှစ်ကောင်က နတ်ဆိုးသက်တမ်း ကပ်ဘေး တစ်ထောင့်သုံးရာကို ပေးအပ်ခဲ့ပြီး၊ ပဉ္စမအဆင့် နတ်ဆိုး သုံးဆယ့်ငါးကောင်က ကပ်ဘေး တစ်ထောင့်ခုနစ်ရာကျော်ကိုပေးခဲ့၏။

အပိုဝင်ငွေရှာရန် ဤတစ်ကြိမ်ထွက်လာခြင်းကပင် နတ်ဆိုးသက်တမ်း ကပ်ဘေး သုံးထောင်ကို ရရှိစေခဲ့သည်။

အတိတ်ကို ပြန်လည်တွေးတောကြည့်လျှင်၊ ဟုန်ကျယ်ကို သုတ်သင်ရှင်းလင်းလုနီးပါးပြုလုပ်ပြီးနောက် သူ ထွက်ခွာလာချိန်တွင် ကျန်ရှိသောသက်တမ်းမှာ ကပ်ဘေး နှစ်ထောင်ထက်ပင် မပိုခဲ့ချေ၏။

သို့သော် ရှန်းယီ၏အာရုံစိုက်မှုမှာ နတ်ဆိုးသက်တမ်းပေါ်တွင် လုံးလုံးလျားလျားရှိမနေခဲ့ပေ။

ယခုအချိန်တွင် သူ အလိုအပ်ဆုံးအရာမှာ ထိုနတ်ဆိုးများပင်။

အကယ်၍ သူသာ ၎င်းတို့အားလုံးကို နတ်ဆိုးကျောက်တုံးများအဖြစ် ပြောင်းလဲနိုင်မည်ဆိုလျှင်...

ယခင်က မဟာတောင်ပိုင်းတိုက်ကြီးရှိ နတ်ဆိုးသုတ်သင်ရေးဌာန၏အစီအစဉ်က မည်သို့ ရှိခဲ့သနည်း။

စီရင်စုတစ်ခုစီတွင် ဆဋ္ဌမအဆင့် နတ်ဆိုးသုတ်သင်ရေးအရာရှိ တစ်ဦးနှင့် သတ္တမအဆင့် နတ်ဆိုးသုတ်သင်ရေးသမား နှစ်ဦးစီရှိကြပြီး၊ ယဲ့လန်ကဲ့သို့သော ပဉ္စမအဆင့် ထိုက်ယီမသေမျိုး နယ်ပယ်ရှိအမည်ခံစစ်သူကြီးများဆိုလျှင် လူတစ်ဦးတည်းက စီရင်စုသုံးခု၏ကိစ္စရပ်များကို ကိုင်တွယ်ဖြေရှင်းရသည်။

နတ်ဆိုးကျောက်တုံးများအားလုံး အပြည့်အဝ ဖွဲ့စည်းပြီးသွားသည်နှင့် တစ်ပြိုင်နက်.

ထိုအခါ နတ်ဆိုးသုတ်သင်ရေးဌာန၏နောက်ဆက်တွဲ အစီအစဉ်မှာ... စီရင်စုတစ်ခုစီအတွက် ပဉ္စမအဆင့် အမည်ခံစစ်သူကြီး နှစ်ဦးဖြစ်လာမည်ဖြစ်ပြီး၊ စီရင်စုသုံးခုတိုင်းတွင် အစွမ်းထက်သော စတုတ္ထအဆင့် စွမ်းအားရှင်တစ်ဦးစီရှိလာမည်ဖြစ်ရာ မြို့စောင့်အင်အားမှာ ပေါက်ကွဲထွက်မတတ် တိုးလာပါလိမ့်မည်။

ပို၍ကြောက်မက်ဖွယ်ကောင်းသောအရာမှာ ဤမြို့စောင့်စစ်သူကြီးများက အသက်သေဆုံးရမည်ကို မကြောက်ရွံ့ကြသည့်အပြင်၊ အချိန်နေရာမရွေး တစ်ဦးနှင့်တစ်ဦး ဆက်သွယ်နိုင်ပြီး၊ ဒုတိယအတွေးမရှိဘဲ လူတစ်ဦးတည်း၏အမိန့်အောက်တွင် ညီညွတ်စွာထိန်းချုပ်နိုင်ခြင်းပင်။

ယခု ရှန်းယီ ထိန်းချုပ်ထားသော စွမ်းအားက တတိယအဆင့် မသေမျိုးအရာရှိ တစ်ဦးသာ ကိုင်စွဲရန်အရည်အချင်းပြည့်မီမည့် အရာဖြစ်ပြီး၊ မသေမျိုးဂိုဏ်းများမှ ထိုဘိုးဘေးကြီးများကိုပင် ကျော်လွန်နေပြီဟု ဆိုနိုင်လေ၏။

သူတစ်ယောက်တည်းကပင် ထိပ်တန်း တာ့လော် မသေမျိုးဂိုဏ်း တစ်ခုနှင့် ညီမျှနေပါသည်။

သေချာသည်မှာတော့... တတိယအဆင့်ကိုသာ ဖယ်ထုတ်ထားမှသာဖြစ်လေ၏။

သို့သော်၊ မဟာတောင်ပိုင်းတိုက်ကြီးကို စောင့်ကြပ်ရန် ဤကဲ့သို့သော နတ်ဆိုးစစ်တပ်တစ်ခုရှိနေခြင်းက အခြားကျူးကျော်လာမည့် နတ်ဆိုးများထံမှ သက်တမ်းများအားလုံး ရှန်းယီ၏အိတ်ကပ်ထဲသို့ ကျရောက်လာမည်ဟု ဆိုလိုခြင်းဖြစ်ပါသည်။

တောင်ပိုင်းတိုက်ကြီးမှ နတ်ဆိုးများအားလုံးက လူတစ်ယောက်တည်းကို ထောက်ပံ့ပေးရန်ဖြစ်သည်။

ဤအရာဖြင့် တတိယအဆင့်သို့ မရောက်နိုင်သေးလျှင်၊ ရှန်းယီက သူ့ကိုယ်သူ တိုဟူးတုံးနှင့် ရိုက်သတ်လိုက်ခြင်းက ပိုကောင်းပေလိမ့်မည်။

"လူစုခွဲ" ရှန်းယီ အစိုးရရုံးအတွင်းသို့ ခြေလှမ်းဝင်ရောက်သွားချိန်တွင်၊ လမ်း၏တစ်ဖက်တစ်ချက်စီတွင် တန်းစီနေသော စစ်တပ်ဖွဲ့စည်းပုံများက နောက်ဆုံးတွင် သူတို့၏နေရာယူမှုကို ရပ်တန့်လိုက်ကြပြီး၊ဤကဲ့သို့သောဖြစ်ရပ်အောက်တွင် စုန့်ဖုန်းစီရင်စုမြို့တော်မှ ပြည်သူများက လမ်းမများပေါ်သို့ အုံ့ကြွလာကြကာ၊ အစိုးရရုံးဆီသို့ လည်ပင်းရှည်ငေးကြည့်နေကြလေသည်။

ကောင်းကင်ယံအပြည့်ရှိနေသော နတ်ဆိုးမသေမျိုးများကို မောင်းထုတ်နိုင်စွမ်းရှိပြီး၊ မိစ္ဆာများထက်ပင် ပိုမိုကြမ်းကြုတ်သည့် စစ်သူကြီးနန်ယန်က မည်ကဲ့သို့သော ရက်စက်ပြီးကြောက်မက်ဖွယ်ကောင်းသည့် သတ္တဝါမျိုးဖြစ်မည်ကို သူတို့ မြင်တွေ့ချင်ခဲ့ကြသည်။

မြို့ရိုးပေါ်တွင်မူ..

ထျန်းတုန်း နတ်သမီးက အစိုးရရုံးသို့ လည်ပတ်ရန်နှင့်၊ သူမ၏မျက်စိကို ပွင့်စေခဲ့သော ဤလူငယ် ပါရမီရှင်နှင့် မိတ်ဖွဲ့ရန် ရည်ရွယ်ထားခဲ့သည်။

သို့သော် သူမကို အမည်ခံစစ်သူကြီး သုံးဦးက တိတ်ဆိတ်စွာ တားဆီးခဲ့ချေ၏။

"ထျန်းတုန်းနတ်သမီး မိုင်ပေါင်းထောင်ချီ အဝေးကနေ ကူညီဖို့ လာရောက်တဲ့အတွက် ကျေးဇူးတင်ပါတယ်။ ဒါပေမယ့် နတ်ဘုရားမင်းဆက်က အခု မနည်းတောင့်ခံနေရပြီး ကျွန်တော်တို့မှာ အရေးတကြီး လုပ်စရာကိစ္စတွေ ရှိနေလို့ နတ်သမီးကို ဆက်ပြီး ဧည့်မခံနိုင်တော့ပါဘူး။ နှုတ်ဆက်ပါတယ်။ လိုက်ပို့စရာ မလိုပါဘူး" မုတ်ဆိတ်နက်နှင့် လူက လက်ယှက်ကာ ဂါရဝပြုရင်း အပြုံးတစ်ခုကိုပြုံးပြလိုက်သည်။

ရွှေရောင်အလင်းစီရင်စု၏ယခင်ဖြစ်ရပ်များကြောင့် လမ်းစဉ်သုံးသွယ်၏ရည်ရွယ်ချက်များကို လူတိုင်း သိရှိထားကြသော်လည်း၊ ဤမျှမြင့်မြတ်ပြီး မွန်မြတ်ပုံရသော ချီသန့်စင်သူများကလည်း ထိုသူခိုးဘုန်းကြီးများ၏ အောက်တန်းကျသော နည်းဗျူဟာများကို အသုံးပြုလိမ့်မည်ဟု မမျှော်လင့်ထားခဲ့ချေ။

ထို့ထက်မက ပို၍ပင်ကြီးကျယ်ခမ်းနားနေသေးသည်။

ယနေ့ နတ်ဆိုးဘေးအန္တရာယ်က ကျောက်စိမ်းရေကန်မသေမျိုးဂိုဏ်းနှင့် မည်သို့မျှ မပတ်သက်ပါဟု ဆိုပါက၊ သူ၏ခေါင်းကို ဖြတ်ပြီး ဤနတ်သမီးအား ဘောလုံးလိုကန်ခိုင်းလိုက်ခြင်းက ပိုကောင်းပေလိမ့်မည်။

"ရှင်တို့..." ထျန်းတုန်း နတ်သမီးက နောက်တစ်ကြိမ် မျက်မှောင်ကြုတ်လိုက်သည်။

ယခုမှသာ တစ်စုံတစ်ခုမှားယွင်းနေကြောင်းကို သူမ နောက်ဆုံးတွင် သတိပြုမိသွားခဲ့၏။ နတ်ဘုရားမင်းဆက်က လူများကိုအသုံးချပြီးနောက် ပစ်ပယ်တတ်သည်ဟုဆိုခြင်းနှင့် နတ်ဆိုးဘေးအန္တရာယ်ပြေလည်သွားသည်နှင့် သူတို့၏ သဘောထားများကြီးမားစွာ ပြောင်းလဲသွားသည်ဟု ဆိုခြင်းမှာ မမှန်ကန်ပုံပင်။ အဘယ်ကြောင့်ဆိုသော် အစကတည်းက ဤလူများက နတ်ဆိုးများကိုတွန်းလှန်ရန် သူမနှင့် ပူးပေါင်းမည့် ရည်ရွယ်ချက် လုံးဝ မရှိခဲ့သောကြောင့် ဖြစ်လေ၏။

ဆန့်ကျင်ဘက်အနေဖြင့်... သူမကိုပင်လျှင် စောင့်ကြပ်ကာကွယ်ရမည့် နတ်ဆိုးတစ်ကောင်အဖြစ် သတ်မှတ်ထားပုံရပါသည်။

သူမက တစ်ခဏမျှတိတ်ဆိတ်သွားပြီး နောက်ထပ် စကားပြောရန် အားထုတ်မနေတော့ဘဲ၊ လက်ယှက်ကာ တုံ့ပြန်လိုက်၏။ "ကျွန်မ သွားခွင့်ပြုပါဦး"

ထိုသို့ပြောပြီးနောက် ထျန်းတုန်းနတ်သမီးက မြို့ရိုးပေါ်မှ ခုန်ဆင်းသွားကာ၊ စီရင်စုမြို့တော် အလယ်သို့ ပြန်သွားခဲ့သည်။

သူမက တိမ်တိုက်များကို စီးနင်းကာ ကျွီယန် မျှော်စင်၏အပေါ်ဆုံးထပ်သို့ ရောက်ရှိလာပြီး၊ အငွေ့ထွက်နေဆဲဟင်းလျာများကို မြင်လိုက်ရသောအခါ စိတ်လှုပ်ရှားမှုကို မထိန်းနိုင်ခဲ့ချေ။

ဟင်းလျာများမအေးသေးသော်လည်း၊ ထိုနတ်ဆိုးမသေမျိုးများ၏အလောင်းများမှာမူ အေးစက်နေပြီဖြစ်လေ၏။

ဤကဲ့သို့သော လူငယ်ပါရမီရှင်တစ်ဦးနှင့် တာအိုအကြောင်းဆွေးနွေးခွင့် မရခဲ့လျှင်၊ သူမအတွက်တစ်သက်တာနောင်တတစ်ခု ဖြစ်လာပေလိမ့်မည်။

ထိုအခိုက်အတန့်တွင်၊ သူမ၏ကျောက်စိမ်းပြားမှ ရုတ်တရက် အသံထွက်ပေါ်လာ၏။

ထျန်းတုန်းနတ်သမီးက မျက်ခုံးအနည်းငယ် ပင့်လိုက်ပြီး၊ သူမတွင် ဂျူနီယာတစ်ယောက် ရှိကြောင်းကို ယခုမှ သတိရသွားသည်။

"စီနီယာအစ်မ၊ အခြေအနေ ဘယ်လိုလဲ။ ကျွန်တော် စစ်တပ်တွေကိုစုစည်းပြီးပြီ၊ ဘယ်နေရာကနေ စတိုက်ကြမလဲ" စီရင်စုမြို့တော်၏အပြင်ဘက် ဝေးကွာသော နေရာတွင် ရှိနေသော ဟုန်ကျင်းက အချိန်ကို တွက်ချက်ကာ၊ နတ်ဘုရားမင်းဆက်မှ စွမ်းအားရှင်များ ယခုအချိန်လောက်ဆိုလျှင်ရောက်ရှိသင့်ပြီဟု ခံစားမိသဖြင့် သတင်းစကားပေးပို့လိုက်ခြင်းဖြစ်သည်။

ဆရာက အရာအားလုံးကို ပြင်ဆင်ပေးထားသော်လည်း၊အမှန်တကယ် ထိရောက်မှုမှာ စီနီယာအစ်မ၏စွမ်းဆောင်ရည် အပေါ်တွင်သာ မူတည်နေသည်။

ဤစကားကို ကြားသောအခါ၊ ထျန်းတုန်းနတ်သမီးက အနည်းငယ် ကူကယ်ရာမဲ့သလို ခံစားလိုက်ရ၏။ "မလိုတော့ပါဘူး၊ နတ်ဆိုးဘေးအန္တရာယ်က ပြေလည်သွားပါပြီ"

မသေမျိုးခုံရုံးက တုံ့ပြန်ရန် နှေးကွေးလွန်းသည်ဟု သူမ အပြစ်မတင်ခဲ့ပေ။ မည်သို့ပင်ဆိုစေ နတ်ဆိုးများကို သတ်ဖြတ်ရာတွင် ဤကဲ့သို့သော အမြန်နှုန်းမျိုးဖြင့်ဆိုလျှင် မည်သူမျှမီအောင်လိုက်နိုင်မည် မဟုတ်ချေ။

သူမ မမျှော်လင့်ထားသောအရာမှာ၊ ကျောက်စိမ်းပြား၏ အခြားတစ်ဖက်က အချိန်အတော်ကြာ တိတ်ဆိတ်သွားခြင်းပင်။

"အစ်မ... အစ်မ ကျင့်ကြံခြင်းအဆင့်တက်သွားတာလား"

"ချီးကိုအဆင့်တက်" ထျန်းတုန်းနတ်သမီးက စိတ်အနှောင့်အယှက်လည်းဖြစ်ကာ ရယ်လည်းရယ်ချင်သွားပြီး၊တိုးညှင်းစွာ မကျိန်ဆဲဘဲ မနေနိုင်ခဲ့ချေ။

သူမ ပါးစပ်ကိုညင်သာစွာ အုပ်လိုက်ပြီးနောက် တစ်ဖန် ရှင်းပြလိုက်၏။ "နတ်ဘုရားမင်းဆက်က ပျင်းရိနေတယ်လို့ ငါ ထင်ခဲ့တာ၊ ဒါပေမယ့် တကယ်တမ်းကျတော့ သူတို့မှာ လုံလောက်တဲ့ ယုံကြည်မှုရှိနေပြီး ဘယ်သူ့အကူအညီမှ မလိုအပ်ခဲ့ဘူး။ စစ်သူကြီးနန်ယန် တစ်ယောက်တည်းနဲ့တင် နတ်ဆိုးတွေ အားလုံးကိုသတ်ပစ်လိုက်ပြီး၊ ငါ လှုပ်ရှားဖို့ အခွင့်အရေးလေးတောင် ချန်မထားခဲ့ဘူး"

ကျောက်စိမ်းပြားမှတစ်ဆင့်၊ ဟုန်ကျင်း၏မျက်နှာပေါ်ရှိမှောင်မိုက်ပြီး မုန်တိုင်းထန်နေသောအမူအရာကို ထျန်းတုန်းနတ်သမီး မမြင်နိုင်ခဲ့ချေ။

သူက ကျောက်စိမ်းပြားကို တင်းကျပ်စွာ ဆုပ်ကိုင်ထားပြီး၊ သူ၏နားကိုပင် မယုံနိုင်အောင် ဖြစ်နေသည်။

ကျောက်စိမ်းရေကန်မသေမျိုးဂိုဏ်းက ဤမျှ အသေးစိတ်ကျသောစင်မြင့်ကို ဖန်တီးထားခဲ့ရသည်မှာ၊ အခြားသူတစ်ယောက်အတွက် သတို့သမီးဝတ်စုံဖန်တီးပေးရန် သက်သက်သာ ဖြစ်သွားရသည်လော။

ထို့ပြင်၊ အချိန် အနည်းငယ်လေးမျှပင် မကြာလိုက်ချေ။

ဟုန်ကျင်း ထိုနတ်ဆိုးများက နတ်ဘုရားမင်းဆက်နှင့် ပူးပေါင်းကာ၊လမ်းစဉ်သုံးသွယ်ကို ကျောချမ်းအောင်လုပ်ခဲ့ကြသည်ဟုပင် သံသယဝင်လာခဲ့သည်။

ဒါက ဘယ်လို နောက်ပြောင်မှုမျိုးလဲ။

ကျောက်စိမ်းရေကန်မသေမျိုးဂိုဏ်းက အလွယ်တကူ ချေမှုန်းနိုင်သောပစ်မှတ်တစ်ခုအဖြစ်သတ်မှတ်၍ မရနိုင်သကဲ့သို့၊ ဤကြိုးပမ်းအားထုတ်မှု အားလုံးကလည်း အလဟဿ အဖြစ်မခံနိုင်ချေ။

အရင်က တစ်ခါမှမကြားဖူးတဲ့ သောက်ကျိုးနည်း စစ်သူကြီးနန်ယန်ဆိုသူက ကျောက်စိမ်းရေကန်မသေမျိုးဂိုဏ်းရဲ့အသီးအပွင့်တွေကို ရဲရဲတင်းတင်း ခူးဆွတ်ရဲတယ်ပေါ့။

အကယ်၍ ဆရာသာဤအကြောင်းကို ကြားသိသွားပါက၊သေချာပေါက် မိုးမီးလောင်သကဲ့သို့ဒေါသထွက်ပေလိမ့်မည်။