အခန်း ၁၉၂

အခန်း (၁၉၂)

နိုင်ငံခြားဖြစ်ကို ကိုးကွယ်ပြီး နိုင်ငံခြားသားများကို ဖားယားတတ်သော မိန်းမများ

ထို့နောက် လျန်ထျန်းက စကားလမ်းကြောင်းကို အမြန်ပြောင်းလိုက်လေသည်...။

"ကျေးဇူးပြုပြီး ပစ္စည်းကို အမြန်ပေးပါ...၊ ဒီ အမှာစာက အချိန်တစ်နာရီကျော်လောက် ရသေးပေမဲ့ ဖောက်သည် ကို အရမ်းကြာအောင် စောင့်ခိုင်းလို့ မကောင်းဘူးလေ...။"

ရှောင်ယွဲ့က ရှင်းပြလိုက်လေသည်၊

"သူဌေး...၊ ဒါဆိုရင်တော့ နည်းနည်းလောက် ထပ်စောင့်ရလိမ့်မယ်...။ ဘာလို့လဲဆိုတော့ ကျွန်မတို့က ပစ္စည်းတွေ လုံခြုံဖို့အတွက် အလိုအလျောက် ပလပ်စတစ်ကပ်စက်တစ်လုံး ဝယ်ထားတယ် မဟုတ်လား...။"

"အခု ပစ္စည်းတွေကို အပြင်ဘက် ထုပ်ပိုးတဲ့ ဘူးတွေထဲ ထည့်ပြီး စက်ထဲမှာ ချိတ်ပိတ်နေပါတယ်...။ သေချာ ပိတ်ပြီးဖို့ မိနစ်အနည်းငယ်လောက် အချိန်ယူရဦးမှာမို့ သူဌေး ခဏလောက် ထိုင်စောင့်ပေးပါဦးနော်...။"

ထိုစကားကို ကြားသောအခါ လျန်ထျန်းက ခေါင်းညိတ်လိုက်လေသည်၊

"ဪ...၊ ဟုတ်သားပဲ...။ ဘာပဲဖြစ်ဖြစ် ဒါက ဇိမ်ခံပစ္စည်းပဲလေ...၊ ပို့ဆောင်ဖို့ အမှာစာ မတင်ခင်ကတည်းက ကျွန်တော်တို့ စဉ်းစားခဲ့ပြီးသားပါ...။ လမ်းခရီးမှာ မပျက်စီးရအောင် ထုပ်ပိုးမှုကို သေချာလုပ်ဖို့ လိုတယ်လေ...။"

"မဟုတ်ရင် ဒီပစ္စည်းတစ်ထုပ်ရဲ့ တန်ဖိုးက သာမန် အစားအသောက်ပို့ဆောင်သူတွေ တတ်နိုင်တဲ့ ပမာဏ မဟုတ် ဘူး...။ သူတို့အတွက် လချီ ဒါမှမဟုတ် နှစ်ဝက်လောက် အလကား အလုပ်လုပ်ပေးရသလို ဖြစ်သွားနိုင်တယ်...။"

"ပြီးတော့ လူတစ်ယောက်က သူတစ်ပါးကို ဒုက္ခပေးလိုစိတ် မရှိသင့်ပေမဲ့ သူတစ်ပါးကို ကာကွယ်စောင့်ရှောက် လိုတဲ့ စိတ်တော့ ရှိသင့်တယ်...။ အစားအသောက်ပို့ဆောင်သူ အများစုက လူကောင်းတွေလို့ ကျွန်တော် ယုံကြည်ပါတယ်...။"

"ဒါပေမဲ့ အလွန်နည်းပါးတဲ့ လူတချို့က ဒီလောက် တန်ဖိုးကြီးတဲ့ ပစ္စည်းတွေကို မြင်ပြီး မကောင်းတဲ့ ရည်ရွယ် ချက် ဝင်လာနိုင်တယ်...။ ပို့ဆောင်တဲ့ လမ်းခရီးမှာ ပစ္စည်းအစစ်တွေကို အတုတွေနဲ့ လဲလှယ်သွားနိုင်တဲ့ ဖြစ်နိုင် ခြေကိုတော့ ကျွန်တော်တို့ ဖယ်ထားလို့ မရဘူးလေ...။"

"ဒါကြောင့် ပစ္စည်းကို ချိတ်ပိတ်တဲ့အခါ အတုအပ ကာကွယ်ရေး အစီအမံ အမျိုးမျိုးကို သေချာလုပ်ဖို့ လိုတယ်... ။ ဒါက ဖောက်သည်လက်ထဲ ရောက်သွားတဲ့အခါ ကျွန်တော်တို့ဆိုင်က ပစ္စည်းအစစ် ဖြစ်ကြောင်း သေချာစေဖို့ အရမ်းအရေးကြီးတဲ့ အပိုင်းပဲ...။"

ထိုသို့ ပြောပြီးနောက် လျန်ထျန်းသည် စိတ်ရှည်လက်ရှည် ထိုင်စောင့်နေလိုက်လေသည်။ ဤသည်မှာ သူ့အတွက် ကောင်းမွန်သော အနားယူမှုတစ်ခုလည်း ဖြစ်ပေသည်။ သို့သော် သူ ထိုင်ပြီး၍ မကြာမီပင် ဖောက်သည် စုံတွဲ တစ်တွဲ ဝင်လာခဲ့လေသည်။

ထိုဖောက်သည်များမှာ အတော်ပင် ထင်ရှားနေလေသည်၊ အလွန် ဖက်ရှင်ကျသော အမျိုးသမီးငယ်တစ်ဦးသည် လူမည်းအမျိုးသားတစ်ဦးနှင့်အတူ တွဲလျက် ဝင်လာခြင်းဖြစ်သည်။ အသားဝါနှင့် အသားမည်းတို့၏ ပေါင်းစပ် မှုမှာ အနည်းငယ် ကြည့်ရဆိုးနေသည်ဟု ဆိုရပေမည်။

အတွင်းသို့ ဝင်လာသည်နှင့် တစ်ပြိုင်နက် ထိုဖက်ရှင်ကျသော အမျိုးသမီးငယ်က ရှောင်ယွဲ့ကို ဂုဏ်ယူဝင့်ကြွားစွာ ဖြင့် ပြောလိုက်လေသည်။

"ဝန်ထမ်း...၊ ငါ့ကောင်လေးက အီးဂဲလ်လူမျိုး...။ ပိုက်ဆံလည်း အရမ်းချမ်းသာတယ်...။ နင်တို့ဆိုင်က ဈေးအ ကြီးဆုံး အိတ်တွေကို မြန်မြန် ထုတ်လာခဲ့...၊ ငါ အိတ်နည်းနည်းလောက် ရွေးချင်လို့...။ "

ထိုအမျိုးသမီး၏ ဟန်ပန်မှာ သူဌေးတစ်ဦးနှင့် ချိတ်ဆက်မိသွားသကဲ့သို့ ဖြစ်နေပြီး ကြက်မငယ်တစ်ကောင်ပမာ ဘဝင်မြင့်နေလေသည်။ လူမည်းအမျိုးသား ဝင်လာသောအခါ သူကလည်း ဗလုံးဗထွေး တရုတ်စကားများကို ပြောဆိုနေခဲ့လေသည်...။ သို့သော် အများစုမှာ ဗန်းစကားများနှင့် ရောနှောနေပြီး အော်ဟစ်ဆူညံနေလေတော့ သည်။

"ဟေ့...၊ မင်း ငါနဲ့ စကားပြောတဲ့အခါ အီးဂဲလ်စကားကိုပဲ သုံးရမယ်...။ တရုတ်စကား မသုံးနဲ့...၊ သူမကို နားလည်ခွင့် မပေးနဲ့...၊ နားလည်လား...။"

သို့သော် ရှောင်ယွဲ့၏ အီးဂဲလ်စကားမှာ သိပ်မကောင်းလှပေ...။ ထိုလူမည်း၏ နားလည်ရခက်သော စကားများ ကြောင့် သူမမှာ ဘေးရှိ အမျိုးသမီးကိုသာ အနေခက်စွာဖြင့် ပြောလိုက်ရလေသည်။

"တောင်းပန်ပါတယ် အစ်မ...၊ သူ ဘာပြောနေတာလဲ ဆိုတာကို ကျွန်မ တကယ် နားမလည်လို့ပါ...။ သူ ဘာပြော နေလဲဆိုတာ အစ်မ သိပါသလား...။"

လူမည်းအမျိုးသား၏ လက်မောင်းကို ချိတ်ထားသော အမျိုးသမီးမှာ ခေါင်းခါပြရင်း ပြောလိုက်လေသည်။

"ငါလည်း နားမလည်ဘူး...။ ငါ တက္ကသိုလ်ကနေ ဘွဲ့မရသေးသလို စီအီးတီ-လေး ကိုလည်း မအောင်သေးဘူး လေ...။ ဒါကြောင့် ငါ့ရဲ့ အီးဂဲလ်စာ တိုးတက်လာအောင်လို့ နိုင်ငံခြားသား ကောင်လေးတစ်ယောက် ရှာထားတာ ပေါ့...။"

ထို့နောက် အမျိုးသမီးက သူမ၏ လူမည်းကောင်လေးအား ချွဲနွဲ့သော လေသံဖြင့် ပြောလိုက်လေသည်။

"အချစ်...၊ ရှင့်တရုတ်စကားက တော်တော်ကောင်းနေတာပဲ...။ ဘာလို့ တရုတ်လို မပြောတာလဲ...။ ဒီနေရာက တောမြို့လေးဆိုတော့ ဘယ်သူမှ အီးဂဲလ်စကား မပြောတတ်ကြဘူးလေ...။"

ထိုစကားကို ကြားသောအခါ လူမည်းအမျိုးသားက မျက်မှောင်ကြုတ်သွားကာ ဗလုံးဗထွေး တရုတ်စကားဖြင့် ဒေါသတကြီး ပြန်အော်လိုက်လေသည်။

"ဒါက ဘယ်အမှတ်တံဆိပ်က နိုင်ငံခြားဖြစ် မဟုတ်လို့လဲ...။ မင်းတို့က နိုင်ငံခြား အမှတ်တံဆိပ်တွေကို ရောင်းနေ ပြီးတော့ နိုင်ငံခြားစကားကိုတောင် မပြောတတ်ဘူးလား...။ ဒါဆို ဘာတွေ လာရောင်းနေတာလဲ...။”

"ဒီနေ့ ငါ့ကို ဝန်ဆောင်မှုပေးဖို့ အီးဂဲလ်စကား ပြောတတ်တဲ့သူ တစ်ယောက်ယောက်ကို ရှာပေးရမယ်...။ မဟုတ် ရင် မင်းအတွက် အိတ်ဝယ်မပေးဘူး...။"

သူမ၏ လူမည်းကောင်လေးက အိတ်ဝယ်မပေးဘူးဟု ကြားသောအခါ အမျိုးသမီးမှာ ချက်ချင်းပင် စိုးရိမ်သွား ကာ သူ့အား ချိုသာချွဲနွဲ့စွာဖြင့် တောင်းပန်လေတော့သည်။

"အချစ်...၊ စိတ်မဆိုးပါနဲ့...။ သူမနဲ့ ကိုယ် စကားပြောလိုက်ပါ့မယ်...။ ကိုယ့်ကို မလောပါနဲ့နော် ဟုတ်ပြီလား...။"

ထို့နောက် အမျိုးသမီးက ရှောင်ယွဲ့ဘက်သို့ လှည့်ကာ ရင့်သီးစွာ အော်ဟစ်လိုက်လေသည်။

"နင့်ကိုယ်နင်လည်း ပြန်ကြည့်ဦး...။ နင်က အီးဂဲလ်စကားကိုတောင် တကယ် မသိဘူးပဲ...၊ နိုင်ငံခြားသားကိုကော မြင်ဖူးရဲ့လား...။ ပညာက နင့်ရဲ့ ကံကြမ္မာကို ပြောင်းလဲပေးနိုင်တယ်ဆိုတာကို နင် မသိဘူးလား...။ အဲ့ဒါတောင် ဇိမ်ခံ ပစ္စည်းတွေ လာရောင်းနေသေးတယ်...။"

"ငါပြောမယ်...၊ နင်တို့ဆိုင်က ဒီလောက် ကြီးမားနေတာကို အီးဂဲလ်စကား ပြောတတ်တဲ့ ဝန်ထမ်း တစ်ယောက် လေးတောင် တကယ် မရှိဘူးလား...။ မရှိဘူးဆိုရင်လည်း ပြောတတ်တဲ့သူ တစ်ယောက်ယောက်ကို အမြန်သွား ရှာလေ...။ ငါတို့ တရုတ်လူမျိုးတွေကို အရှက်မခွဲစမ်းပါနဲ့...။"

ထိုသူနှစ်ဦး၏ ဆူပူကြိမ်းမောင်းမှုကို ခံရပြီးနောက် ရှောင်ယွဲ့မှာ အလွန်ပင် အရှက်ရသွားကာ အကြိမ်ကြိမ် တောင်းပန်နေရှာလေသည်။ သို့သော် လူမည်းအမျိုးသားမှာ အီးဂဲလ်ဘာသာစကားဖြင့် ဆဲရေးတိုင်းထွာမှုများကို ဆက်လက် ပြုလုပ်နေခဲ့လေသည်။

ထိုအချိန်တွင် ဘေး၌ ရပ်နေသော လျန်ထျန်းမှာ ဆက်လက်၍ ကြည့်မနေနိုင်တော့သဖြင့် မတ်တတ်ရပ်ကာ ပြော လိုက်လေသည်။

"ကျွန်တော် အီးဂဲလ်စကား တတ်တယ်...။ ကျွန်တော့်ကို လုပ်ခိုင်းလိုက်ပါ...။"

ထိုစကား ထွက်ပေါ်လာသည်နှင့် တစ်ပြိုင်နက် လူအားလုံး၏ အကြည့်များက သူ့ထံသို့ ရောက်ရှိသွားလေသည်။ သို့သော် လျန်ထျန်းက အစားအသောက်ပို့ဆောင်သူ၏ ယူနီဖောင်းကို ဝတ်ဆင်ထားသည်ကို မြင်သောအခါ အမျိုးသမီးက မထီမဲ့မြင် နှာခေါင်းရှုံ့လိုက်လေသည်။

"ဒီပို့ဆောင်ရေးသမားက ဘယ်က ရောက်လာတာလဲ...။ ဒီနေရာက ဇိမ်ခံပစ္စည်းဆိုင်ဆိုတာ နင် မသိဘူးလား...၊ နင့်လို ပို့ဆောင်ရေးသမားက ဘယ်လိုလုပ် ဝင်လာရဲတာလဲ...။"

"ပြီးတော့ ငါဆိုရင် ဒေါင်ရှန်းတက္ကသိုလ်က လက်ရှိ ကျောင်းသူ တစ်ယောက် ဖြစ်သလို ဆယ်ကြိမ်မြောက် တရုတ်-နိုင်ငံခြား လေ့လာရေးအဖော် အစီအစဉ်မှာ ပါဝင်နေတဲ့သူ ဖြစ်တာတောင်မှ နိုင်ငံခြားသား သူငယ်ချင်း တွေနဲ့ ကျွမ်းကျွမ်းကျင်ကျင် ဆက်သွယ် မပြောဆိုနိုင်သေးဘူးလေ...။"

"ငါ့ကောင်လေးက အီးဂဲလ် နိုင်ငံသားစစ်စစ်...၊ ပြီးတော့ သူက စစ်မှန်တဲ့ အီးဂဲလ်စကားကို ပြောတာ...။ အစား အသောက် ပို့ဆောင်ရေးသမား တစ်ယောက်ဖြစ်တဲ့ နင်က သူ့ကို ဘယ်လိုလုပ် နားလည်နိုင်မှာလဲ...။"

အမျိုးသမီး၏ နိုင်ငံခြားဖြစ်ကို မျက်ကန်းယုံကြည်နေသော အပြုအမူကို မြင်သောအခါ လျန်ထျန်းမှာ မကျေ မနပ် ဖြစ်သွားကာ မျက်မှောင်အနည်းငယ် ကြုတ်လိုက်လေသည်။ ဤအချိန်တွင် ရှောင်ယွဲ့က အခြေအနေကို ပြေလည်စေရန် အမြန် လျှောက်လာခဲ့လေသည်။

"အစ်မ...၊ သူက တကယ်တော့ ကျွန်မတို့ ဆိုင်ပိုင်ရှင်ပါ...။ သူက သူ့ရဲ့ ဝါသနာအရ ပို့ဆောင်ရေး ယူနီဖောင်းကို ဝတ်ထားတာမို့ ကျေးဇူးပြုပြီး အထင်မလွဲပါနဲ့နော်...။"

ထိုစကားကို ကြားသောအခါ အမျိုးသမီး၏ မျက်နှာအမူအရာမှာ ပြောင်းလဲသွားခဲ့လေသည်။

"တစ်ယောက်ယောက်က ဒီလို ဝါသနာမျိုး ရှိနေလိမ့်မယ်လို့ ငါ မယုံနိုင်ဘူး...။ အို...၊ ထားပါတော့...၊ သူက အီးဂဲလ်စကား ပြောတတ်ပြီး ငါ့အချစ်လေးကို သေချာ ဝန်ဆောင်မှု ပေးနိုင်ရင် ရပါပြီ...။"

လျန်ထျန်းက အီးဂဲလ်စကားကို အသုံးပြုနိုင်ကြောင်း သိသွားသောအခါ လူမည်းအမျိုးသားက ချက်ချင်းပင် လျှောက်လာကာ လျန်ထျန်းနှင့် အီးဂဲလ်စကားဖြင့် ဆက်သွယ်ပြောဆိုလေသည်။

"မင်းတို့ဆိုင်မှာ အပေါဆုံးအိတ်ကို ထုတ်လာခဲ့ပြီး သူမကို အဲ့ဒီ အပေါဆုံးအိတ်ကိုပဲ အကြံပေးလိုက်...၊ နားလည် လား...။"

ထိုစကားကို ကြားသောအခါ လျန်ထျန်းမှာ အံ့သြသွားပြီးနောက် နိုင်ငံခြားဖြစ်ကို ကိုးကွယ်နေသော အမျိုးသမီး အား ထူးဆန်းသော အကြည့်ဖြင့် ကြည့်ကာ လူမည်းအမျိုးသားကို ပြန်ဖြေလိုက်လေသည်။

"ဒါပေမဲ့ ခင်ဗျားရဲ့ ကောင်မလေးက အခုလေးတင် ပိုကောင်းတာကို လိုချင်တယ်လို့ ပြောခဲ့တယ်လေ...၊ ခင်ဗျား က အပေါဆုံးတစ်ခုကိုပဲ လိုချင်တာ သေချာရဲ့လား...။"

လူမည်းအမျိုးသားက စိတ်မရှည်စွာဖြင့် ပြောလိုက်လေသည်။

"ငါပြောတဲ့အတိုင်းသာ လုပ်စမ်းပါ...။ တခြားဟာတွေ ဝင်မစွက်ဖက်နဲ့...၊ နားလည်လား...။"

တစ်ဖက်လူမှာ ဖောက်သည်ဖြစ်နေသဖြင့် လျန်ထျန်းအနေဖြင့် ခေါင်းညိတ်ရုံမှလွဲ၍ အခြား ရွေးချယ်စရာ မရှိခဲ့ ပေ။ လူမည်းအမျိုးသားက နိုင်ငံခြားဖြစ်ကို စွဲလမ်းနေသော အမျိုးသမီးဘက်သို့ လှည့်ကာ သူ၏ ဗလုံးဗထွေး တရုတ်စကားဖြင့် ပြုံး၍ ပြောလိုက်လေသည်။

"အချစ်...၊ ကိုယ် မင်းအတွက် ဒီနေရာက အဈေးကြီးဆုံးအိတ်ကို ဝယ်ပေးထားတယ်...။"

နိုင်ငံခြားဖြစ်ကို ဖားယားတတ်သော အမျိုးသမီးမှာ ချက်ချင်းပင် ဝမ်းသာအားရဖြင့် ပြောလိုက်လေသည်။

"ကျေးဇူးပါ အချစ်...၊ ကိုယ် အခု အရမ်း ပျော်နေပြီ...။ ရှင့်ရဲ့ လေ့လာရေးအဖော် ဖြစ်ခွင့်ရတာက ကျောင်းက ငါ့အတွက် လုပ်ပေးခဲ့တဲ့ အကံကောင်းဆုံး ကိစ္စပဲ...။"

"ပြီးတော့ ရှင်က တကယ်ကို လူကောင်းတစ်ယောက်ပါ...။ ကျောင်းက ရှင့်အတွက် အမျိုးသမီး လေ့လာရေး အဖော် အများကြီး စီစဉ်ပေးခဲ့ပေမဲ့ ရှင်က ကိုယ့်ကိုပဲ ရည်းစားအဖြစ် ရွေးချယ်ခဲ့တယ်လေ...။"

"ကိုယ်က တကယ်ကို ဘုရားသခင်ရဲ့ ကောင်းချီးပေးမှုကို ခံရတာပါပဲ...။ ရှင့်ကို အရမ်း ချစ်တယ်...။"

ထိုသို့ ပြောရင်း နိုင်ငံခြားဖြစ်ကို ကိုးကွယ်သော အမျိုးသမီးမှာ အများပြည်သူရှေ့ ဖြစ်နေသည်ကိုပင် ဂရုမစိုက် ဘဲ သူမ၏ လူမည်းကောင်လေးအား အနမ်းတစ်ပွင့် ပေးလိုက်လေသည်။ လျန်ထျန်းမှာ ဤမြင်ကွင်းကို ကြည့်ရန် ပင် မခံမရပ်နိုင် ဖြစ်သွားရလေသည်။

တောင်းဆိုထားသည့်အတိုင်း ဆိုင်ရှိ အပေါဆုံးအိတ်ကို ရှောင်ယွဲ့ ယူလာပေးပြီးနောက် နိုင်ငံခြားဖြစ်ကို ကိုးကွယ် သော အမျိုးသမီးမှာ အိတ်ကို မြင်သည်နှင့် တစ်ပြိုင်နက် မျက်မှောင်ကြုတ်သွားလေရာ သူမ၏ မျက်ခုံးများပင် တွန့်လိမ်သွားလေသည်။ နိုင်ငံခြားဖြစ်ကို စွဲလမ်းနေသော အမျိုးသမီးက လျန်ထျန်းအား စိတ်ရှုပ်ထွေးစွာဖြင့် မေးလိုက်လေသည်။

"ဒီအိတ်က ဘာလို့ ဒီလောက် အရုပ်ဆိုးနေရတာလဲ...၊ ဒီအိတ်က နင်တို့ဆိုင်မှာ တကယ်ပဲ အဈေးကြီးဆုံး အိတ် ဆိုတာ သေချာရဲ့လား...။"

လျန်ထျန်းမှာ အလွန် အနေခက်သွားရလေသည်။ ဘာပဲဖြစ်ဖြစ် လူမည်းအမျိုးသားက သူ့ကို အပေါဆုံးအိတ် ယူ လာခိုင်းခဲ့ခြင်း ဖြစ်ရာ အပေါဆုံးအိတ်က လှပနေမည်ဆိုလျှင်သာ ထူးဆန်းနေပေလိမ့်မည်။ သို့သော် သူက နိုင်ငံခြားဖြစ်ကို ဖားယားတတ်သော အမျိုးသမီးအား စကားပြောရန် ပြင်လိုက်ချိန်တွင် လူမည်းအမျိုးသားက အကြည့်တစ်ချက်ဖြင့် တားမြစ်ကာ အီးဂဲလ်စကားဖြင့် ပြောလိုက်လေသည်။

"သူမကို အမှန်အတိုင်း မပြောနဲ့...၊ သူမ ဒီအိတ်ကို ရွေးချယ်လာအောင် မင်း နည်းလမ်းရှာရမယ်...။ မဟုတ်ရင် ငါ ပိုက်ဆံပေးမှာ မဟုတ်ဘူး...။"

လူမည်းအမျိုးသားက ခေါင်းလှည့်ကာ နိုင်ငံခြားဖြစ်ကို ဖားယားတတ်သော အမျိုးသမီးအား အလားတူပင် ပြောလိုက်လေသည်။

"အချစ်...၊ ဈေးကြီးတဲ့ အိတ်တွေက လှပချင်မှ လှပတာလေ...။ သူတို့ဆီမှာ သာမန်လူတွေ သတိမထားမိတဲ့ ထူးခြားတဲ့ ဒီဇိုင်းအလှတရားတွေ ရှိတယ်...။"

"ဟုတ်တယ်...၊ ဒီအိတ်က အဈေးကြီးဆုံးပဲ...။ ဒီတစ်ခုကိုပဲ ရွေးလိုက်ရအောင်...။"

သို့သော် လူမည်းအမျိုးသား စကားမဆုံးမီမှာပင် သူ၏ ဖုန်းက ရုတ်တရက် မြည်လာခဲ့လေသည်။ နိုင်ငံခြားဖြစ် ကို ကိုးကွယ်သော အမျိုးသမီး၏ လက်ထဲသို့ အိတ်ကို အတင်းထိုးထည့်ပြီးနောက် သူသည် ဖုန်းကို ထုတ်ကာ ဖုန်းဖြေရန် ထွက်သွားပြီး အီးဂဲလ်စကားဖြင့်သာ ဆက်သွယ်ပြောဆိုနေခဲ့လေသည်။

နိုင်ငံခြားဖြစ်ကို ဖားယားတတ်သော အမျိုးသမီးမှာ မျက်မှောင်ကြုတ်လျက် သူမလက်ထဲရှိ အိတ်ကို အချိန်အ တော်ကြာ ကြည့်နေပြီးနောက် နောက်ဆုံးတွင် ပြောလိုက်လေသည်။

"ဒါပေမဲ့ ဒီအိတ်က အရုပ်ဆိုးလွန်းတယ်လို့ ငါ ထင်တုန်းပဲ...၊ ငါ တကယ် မလိုချင်ဘူး...။ ဈေးနည်းနည်း ပိုပေါတဲ့ တစ်ခုခုကို ရွေးလိုက်ရင် ကောင်းမလား...။"

လျန်ထျန်းက ခေါင်းညိတ်လိုက်ပြီးနောက် ရှောင်ယွဲ့အား တိုးတိုးလေး ပြောလိုက်လေသည်။

"ဒီအိတ်ထက် ဈေးအနည်းငယ် ပိုကြီးတဲ့ နောက်ထပ် နှစ်လုံး သွားယူလာခဲ့ပြီး သူမဘာသာသူ ရွေးပါစေ...။"

ရှောင်ယွဲ့က အခြား အိတ်နှစ်လုံးကို ယူလာပေးသောအခါ နိုင်ငံခြားဖြစ်ကို စွဲလမ်းနေသော အမျိုးသမီးမှာ နောက် ဆုံးတွင် အနည်းငယ် ပို၍ ကျေနပ်သွားပုံပေါ်ပြီး ၎င်းတို့ကို ယူကာ တစ်လုံးပြီးတစ်လုံး စမ်းလွယ်ကြည့် နေလေသည်။

ရှောင်ယွဲ့က နိုင်ငံခြားဖြစ်ကို စွဲလမ်းနေသော အမျိုးသမီးအား အိတ်များ စမ်းလွယ်ကြည့်ရန် ကူညီပေးနေစဉ် လျန်ထျန်းသည် ဘေးရှိ လူမည်းအမျိုးသား၏ ဖုန်းပြောသံကို ကြားလိုက်ရပြီး သူ၏ မျက်နှာအမူအရာမှာ တဖြည်းဖြည်း ဆိုးရွားလာတော့သည်။ အဘယ်ကြောင့်ဆိုသော် လူမည်းအမျိုးသားက ဖုန်းထဲတွင် ဤသို့ ပြောနေသောကြောင့် ဖြစ်လေသည်။

"ဟေ့ အစ်ကို...၊ နောက်ဆုံးတော့ မင်းရဲ့ ဖုန်းကို ရပြီ...။ လတ်တလော အခြေအနေ ဘယ်လိုလဲ...။"

"အေး...၊ ငါ အခု အရမ်း အဆင်ပြေနေတယ်...။ တကယ်ပြောတာ...၊ မင်း အဲ့ဒီမှာ အဆင်မပြေဘူးဆိုရင် တရုတ် ကို လာခဲ့သင့်တယ်...။ ဒီနေရာက ဘဝက တကယ်ကို မိုက်တယ်...။"

"ငါတို့ နိုင်ငံတကာ ကျောင်းသားတွေအတွက် တရုတ်တက္ကသိုလ်တွေက ထောက်ပံ့ကြေးငွေ အများကြီး ပေးရုံ တင် မကဘူး...၊ သီးသန့် ဇိမ်ခံ အဆောင်တွေပါ စီစဉ်ပေးထားတာ...။"

"ပြီးတော့ တရုတ်-နိုင်ငံခြား လေ့လာရေးအဖော် အစီအစဉ်ဆိုတာကိုတောင် ဖွဲ့စည်းထားပြီး ငါတို့ တစ်ယောက် ချင်းစီကို ပြုစုစောင့်ရှောက်ဖို့ တရုတ်ကောင်မလေးတွေကို စီစဉ်ပေးသေးတယ်...။ တစ်ယောက်တည်း မဟုတ် ဘူး...၊ အနည်းဆုံး နှစ်ယောက် သုံးယောက်လောက်ကို ပေးထားတာ...။"

"ငါဆိုရင် ရှစ်ယောက်တောင် ဖြတ်သန်းခဲ့ပြီးပြီ ဟီးဟီး...၊ သေချာတာပေါ့ကွာ...။ ငါက တစ်ယောက်ချင်းစီကို ကစားပြီးတော့မှ လွှင့်ပစ်ခဲ့တာ...။ တကယ်ကို ပျော်စရာ ကောင်းတယ်...။"

"ဟုတ်တယ်...၊ ငါ မင်းကို လိမ်မပြောဘူး...။ တရုတ်ကောင်မလေးတွေက ငါတို့ကို အရမ်းကြိုက်တာ...၊ အာ မဟုတ်ဘူး...။ သူတို့က ငါတို့လို နိုင်ငံခြားသားတွေကို အရမ်းကြိုက်ကြတယ်လို့ ပြောရမှာပေါ့...။"

"စိတ်မပူပါနဲ့...၊ ဟိုတယ်ကို မင်း စီစဉ်လိုက်...။ မိန်းမတွေကို ငါ စီစဉ်ပေးမယ်...၊ မင်းကို အချိန်ကောင်းလေးတွေ ရစေရမယ်လို့ ငါ အာမခံတယ်...၊ ဒါပဲနော်...။"

ထိုစကားများကို ကြားသောအခါ လျန်ထျန်း၏ မျက်နှာအမူအရာမှာ ပို၍ ဆိုးရွားလာကာ နောက်ဆုံးတွင် သူ သည် မျက်လုံးများကို မှိတ်၍ နှာခေါင်းကို မပွတ်ဘဲ မနေနိုင်အောင် ဖြစ်သွားရလေသည်။

တစ်ချိန်တည်းမှာပင် နိုင်ငံခြားဖြစ်ကို အထင်ကြီးသော အမျိုးသမီးက အိတ်ရွေး၍ ပြီးသွားခဲ့လေပြီ...။ သူမသည် အပေါဆုံး သုံးလုံးထဲမှ တစ်လုံးကို ယူကာ လျန်ထျန်းအား ပြောလိုက်လေသည်။

"ဒီတစ်ခုပဲ ယူလိုက်တော့မယ်...။ ဟူး...၊ ရိုးရိုးသားသား ပြောရရင် နင်တို့ဆိုင်ရဲ့ အရည်အသွေးက နည်းနည်း နိမ့် တယ်...။ လှတဲ့အိတ်တွေ သိပ်မရှိပါလား...။"

"ဒါပေမဲ့ ဒီနေရာက တရုတ်နိုင်ငံမှာ ဖြစ်နေတော့ ငါတို့ အရမ်းကြီး တောင်းဆိုလို့ မရဘူးလေ...။ နောင်ကျရင် ငါ့ အချစ်လေးနဲ့အတူ နိုင်ငံခြားကို ခရီးသွားဖို့ အခွင့်အရေးရတဲ့အခါကျမှ နိုင်ငံခြားကို သွားပြီး ပိုကောင်းတာတွေကို ကြည့်ကြသေးတာပေါ့...။"

"နိုင်ငံခြားအိတ်တွေက ပြည်တွင်းဖြစ်တွေထက် သေချာပေါက် ပိုကောင်းတာပဲ...။ အမှတ်တံဆိပ်တွေ အားလုံး က နိုင်ငံခြားဖြစ်တွေမို့လို့လေ...၊ ပြည်တွင်းဖြစ်တွေကတော့ လုံလောက်တဲ့ အရည်အသွေး မရှိကြပါဘူး...။"

ထိုစကားများကို ကြားသောအခါ လျန်ထျန်းမှာ ဒေါသထွက်သွားရလေသည်။ ဤနိုင်ငံခြားဖြစ်ကို ကိုးကွယ်နေ သော အမျိုးသမီး သတိဝင်လာမလားဆိုသည်ကို သိရရန် သူမအား အကြိမ်အနည်းငယ်လောက် ပါးရိုက်ချင် စိတ်ပင် ပေါက်သွားလေသည်။

သို့သော် တစ်ဖက်လူမှာ ဖောက်သည်ဖြစ်နေသဖြင့် အကြောင်းမဲ့သက်သက် လူတစ်ယောက်ကို ရိုက်နှက်ရန်မှာ မှားယွင်းပေသည်။ လျန်ထျန်းအနေဖြင့် သူ၏ ဒေါသကို မြိုသိပ်ကာ အိတ်ကို ယူ၍ ဖုန်းပြော၍ ပြီးသွားသော လူမည်းအမျိုးသားအား ပြောရန်မှလွဲ၍ အခြား ရွေးချယ်စရာ မရှိခဲ့ပေ။

"ဒီအိတ်က ခင်ဗျားရဲ့ ကောင်မလေး ရွေးထားတဲ့ အိတ်ပဲ...။ အရင်က ကျွန်တော်တို့ဆီမှာ ရှိတဲ့ အပေါဆုံး အိတ်ထက် တစ်လီပဲ ပိုဈေးကြီးပြီး ဒီဆိုင်မှာ တတိယမြောက် အပေါဆုံးအိတ် ဖြစ်သွားတာပေါ့...။"