အခန်း ၁၁၄၁

အခန်း(၁၁၄၁) ထိုက်ရွှီဆေးဧကရာဇ် ထွက်ပေါ်လာခြင်း ၂

ဥပမာအားဖြင့်၊ပြီးခဲ့သည့်အကြိမ်က စစ်သူကြီးယန်လှုပ်ရှားခဲ့စဉ်က အဆုံးအစမဲ့ဧကရာဇ်ချီဖြင့် အရာအားလုံးကို ဖိနှိပ်ခဲ့သော်လည်း၊ နောက်ဆုံးတွင် လက်တစ်ထောင် ဗောဓိသတ္တ နှင့် သရေပွဲ တစ်ခုသာ ဆင်နွှဲနိုင်ခဲ့သည်။

သို့သော် ၎င်းကို နားလည်နိုင်သည်။

မည်သို့ပင်ဆိုစေ၊ ပုံမှန်အားဖြင့် တတိယအဆင့် နယ်ပယ်သို့ ဝင်ရောက်သူများက တာ့လော် မသေမျိုးအရှင်များနှင့် ဗောဓိသတ္တများကဲ့သို့သော သူများသာဖြစ်ကြပြီး၊ အင်ပါယာခုံရုံးအတွက် သူတို့၏အသက်များကို စွန့်စားနေစရာအကြောင်းမရှိပေ။

သူတို့၏လမ်းကြောင်းက ပြန်လည် ပုံတူကူးယူရန် မဖြစ်နိုင်ခြေများသည်။

ထိုသို့မဟုတ်ပါက၊ဤကဲ့သို့သော အခြေအနေမျိုးတွင်၊ သူတို့က သူတို့၏ကိုယ်ပိုင် လျှို့ဝှက်ချက်များကို ဆက်လက်၍ဖုံးကွယ်ထားတော့မည် မဟုတ်ပေ။

ထို့နောက် မသေမျိုးခုံရုံးရှိသေး၏။

တစ်စုံတစ်ယောက်က သူတို့၏ခန္ဓာအသွေးအသားကို စွန့်လွှတ်ပြီး ရွှေရောင်ခန္ဓာကိုပြန်လည်ရယူရန် ဆန္ဒရှိလျှင်ပင်၊ တတိယအဆင့် မသေမျိုးတံဆိပ်တုံးကို အောင်မြင်စွာရရှိရန်စုဆောင်းထားသောကုသိုလ်များကို အားကိုးရခြင်းက ပြင်ပ အရာဝတ္ထုတစ်ခုသာဖြစ်နေဆဲဖြစ်ပြီး၊ အသုံးပြုရန် လုံခြုံမှုမရှိဟု ခံစားရသည်။

ကျန်ရှိနေသောအရာများမှာ မသေမျိုးသုံးပါးဂိုဏ်းနှင့် ဗောဓိဂိုဏ်းတို့ဖြစ်ကြပြီး၊ ရှန်းရွှီဘိုးဘေးက သူ့ကိုဝါးမျိုရန် ရည်ရွယ်ထားသော်လည်း၊ ဗောဓိဂိုဏ်းတစ်ခုတည်းကသာ ကျားနဂါးဖိနှိပ်ခြင်း မဟာအလင်းဘုရင်ကို ကပ်ဘေးထဲသို့တွင်ပြုစုပျိုးထောင်ရန် အမှန်တကယ် စီစဉ်ထားသည်။

ဗောဓိဂိုဏ်းအပေါ် မုန်းတီးမှုကို ဘေးဖယ်ထားမည်ဆိုလျှင်၊အကယ်၍ သူ မဟာအလင်းဘုရင် နေရာတွင် အမှန်တကယ်ကောင်းမွန်စွာ သရုပ်ဆောင်နိုင်ပါက၊ ရှန်းယီ ဤအဆင့်အတန်းကို အားကိုးပြီး သူ၏ရွယ်တူများကို ကျော်လွန်သွားနိုင်ခြေ အမှန်တကယ် ရှိနေကာ၊ အဆုံးတိုင်အောင် သွားနိုင်ပါသည်။

"ကောင်းကင်ဧကရာဇ်"

ရှန်းယီ တီးတိုးရေရွတ်လိုက်ပြီး၊ ဤအခိုက်အတန့်တွင် ဤလူများအဘယ်အရာအတွက် တိုက်ခိုက်နေကြသည်ကို နောက်ဆုံးတွင် သူနားလည်သွားခဲ့၏။

စစ်သူကြီးယန် ခန့်မှန်းတာ မှားယွင်းခဲ့ပါသည်။

လမ်းစဉ်သုံးသွယ်သည် လူသားဧကရာဇ်အသစ်တစ်ပါးကို ရွေးချယ်ရန်ရှာဖွေနေခြင်း မဟုတ်ဘဲ၊ ယခုမှစ၍သေမျိုးလောကတွင် လူသားဧကရာဇ် မရှိတော့ရန် သူတို့အလိုရှိခဲ့ခြင်းဖြစ်သည်။

ထို့အပြင် အစားထိုးမှုတစ်ခု အနေဖြင့်၊ လမ်းစဉ်သုံးသွယ်က အမြဲတစေပူးတွဲစီမံအုပ်ချုပ်ခဲ့သော မသေမျိုးခုံရုံးအား သခင်အသစ်တစ်ပါးကို ရွေးချယ်မည်ဖြစ်ပြီး၊၎င်းမှာ မိုးနှင့်မြေနှစ်ခုစလုံး၏စစ်မှန်သော အုပ်စိုးရှင်တစ်ပါးပင်။

ဤအဖြေတစ်ခြတည်းဖြင့်သာ နှစ်ပေါင်းများစွာကြာ လမ်းစဉ်သုံးသွယ်၏လုပ်ရပ်များက အဘယ်ကြောင့် ဤမျှထူးဆန်းနေခဲ့ရသည်ကို နားလည်နိုင်သည်။

သူတို့က နတ်ဘုရားမင်းဆက်ကို တိုက်ရိုက်ဖြုတ်ချနိုင်ခဲ့သော်လည်း၊ ကိစ္စရပ်များကို နောက်ကွယ်မှ ဖိအားပေးရန်သာ ရွေးချယ်ခဲ့ကြသည်။

အဘယ်ကြောင့်ဆိုသော် သေမျိုးလောကက ပြိုကွဲသွားနိုင်ပြီး၊ကြီးမားသော သေကျေပျက်စီးမှုများကို ခံစားနိုင်သော်လည်း၊ နောက်ကြောင်းပြန်လှည့်၍မရနိုင်သော အခြေအနေသို့အမှန်တကယ် ရောက်ရှိသွား၍ မရသောကြောင့်ပင်။

ဤနတ်ဘုရားများ၊ ဗုဒ္ဓများနှင့် မသေမျိုးအရှင်များ လိုချင်သောအရာမှာ နောက်ဆုံးတွင် ဧကရာဇ်ချီပင်ဖြစ်သည်။

သူတို့က လူသားဧကရာဇ်ကို လူတိုင်းမုန်းတီးသော အာဏာရှင်တစ်ဦးအဖြစ် ပြောင်းလဲပစ်လိုရုံသာဖြစ်ပြီး၊ သေမျိုးလောက၏ယုံကြည်မှုကို မသေမျိုးဧကရာဇ်အသစ်တစ်ပါးထံသို့ လွှဲပြောင်းကာ၊ ထို့နောက် မိုးကောင်းကင်နှင့် မြေပြင် နှစ်ခုစလုံး၏ ဤအုပ်စိုးရှင်ကို သေမျိုးလောက၏ကန့်သတ်ချက်များကိုကျော်လွန်၍ ဧကရာဇ်ချီအား ပြန်လည် ခွဲဝေခွင့်ပေးလိုခြင်းဖြစ်သည်။

မိုးကောင်းကင်နှင့် မြေပြင် နှစ်ခုစလုံး၏အုပ်စိုးရှင်ပင်။

ဤဘွဲ့အမည်ကို တွေးကြည့်ရုံဖြင့်ပင်၊ ထို လူငယ် ကောင်းကင်ပါရမီရှင်များကို မဆိုထားနှင့်၊ ရှန်းယီပင်လျှင် သူ၏စိတ်လှုပ်ရှားလာသည်ကို ခံစားလိုက်ရသည်။

သို့သော် နှမြောစရာကောင်းသည်မှာ သူကမိုက်မဲသူ တစ်ဦး မဟုတ်ပေ။

အကယ်၍ သူတို့သည် မိုးကောင်းကင်နှင့် မြေပြင်နှစ်ခုစလုံး၏အုပ်စိုးရှင် တစ်ပါးကို အမှန်တကယ် ရွေးချယ်နေခြင်းဖြစ်မည်ဆိုပါက၊ သူတို့အပေါ်တွင် အချုပ်အနှောင်များချန်ထားစရာ အကြောင်းပြချက် မရှိပေ။

သံကြိုးများဖြင့်ချည်နှောင်ခံထားရသော ဧကရာဇ်တစ်ပါးအကြောင်းကို မည်သူမျှကြားဖူးမည် မဟုတ်ပေ။ ၎င်းက အုပ်စိုးရှင်တစ်ပါး မဟုတ်ဘဲ အစောင့်ခွေး တစ်ကောင်သာဖြစ်သည်။

၎င်းကို နားလည်ရန်တွက် အလွန်ရိုးရှင်းသည်။

ဤကဲ့သို့ကြီးမားသော အခွင့်အရေးဖြစ်နေသော်လည်း၊ တတိယအဆင့်အထက်ရှိ ထိုကျင့်ကြံသူများက အနည်းငယ်မျှပင်သွေးဆောင်မခံရဘဲ၊ ၎င်းအစားစမ်းသပ်မှုများကို ရင်ဆိုင်ရန် တပည့်များကိုသာ စေလွှတ်ရန် ရွေးချယ်ခဲ့ကြသည်။

အားလုံး ရှင်းလင်းနေပုံရသည်မှာ ထိုနေရာကို အမှန်တကယ် ရယူလိုက်ခြင်းက ထိုအချိန်မှစ၍ လွတ်လပ်ခွင့်ဆုံးရှုံးသွားခြင်းဖြစ်ပြီး လမ်းစဉ်သုံးသွယ်အတွက် ဧကရာဇ်ချီကို ခွဲဝေပေးရန် ကိရိယာတစ်ခုဖြစ်လာရုံသက်သက်သာ ဖြစ်ကာ၊ မိုးကောင်းကင်နှင့် မြေပြင်ကို ထိန်းချုပ်ရန် ဆိုသည်မှာ ဝေးကွာလွန်းလှပါသည်။

ထို့ပြင်၊အသက်ဆုံးရှုံးရမည့် အန္တရာယ်လည်း ရှိနေသည်။

အကယ်၍ သူက ကျမ်းစာကို ကာကွယ်ရန် သူ၏နှလုံးသားတစ်ခုလုံးကို အမှန်တကယ်မြှုပ်နှံထားပြီး ဗောဓိသတ္တအသီးအပွင့်အဆင့် ကျမ်းစာ ကိုရရှိခဲ့မည်ဆိုလျှင်ပင်၊ သူ၏ခန္ဓာကိုယ်ပေါ်ရှိ သံကြိုးများက လက်တစ်ထောင် ဗောဓိသတ္တ ထက်ထဲမှဗုဒ္ဓ တစ်ပါးထံသို့ ပြောင်းလဲသွားရုံသာဖြစ်ပြီး၊ နောက်ဆုံးတွင် ဂိုဏ်းခေါင်းဆောင်များက အတူတကွကိုင်ဆောင်ထားသည်အထိဖြစ်လာမည် မဟုတ်လော ဟု ရှန်းယီ ခံစားမိသည်။

နောက်ဆုံးတွင်၊ ပြင်းထန်စွာ တိုက်ခိုက်ပြီး သူ၏အသက်ကိုစွန့်စားရခြင်းက ပိုမိုကြောက်မက်ဖွယ်ကောင်းသော သခင်တစ်ဦးထံသို့ ပြောင်းလဲသွားရန် သက်သက်သာဖြစ်လိမ့်မည်။

ထိုကဲ့သို့သော အတွေးမျိုးများ အမှန်တကယ် ပေါ်လာမည်ဆိုပါက၊ တိုဟူးတုံးတစ်တုံးကို ရှာပြီး သူ၏ခေါင်းကို ပြေးဆောင့်သတ်သေလိုက်ခြင်းက ပိုကောင်းမည်ဟု ရှန်းယီ ခံစားမိသည်။

သူ၏ဘေးရှိ တောက်ပစွာ လင်းလက်နေသော ဝေါယာဉ်ကို တစ်ချက်ကြည့်လိုက်ပြီး၊ ဘုရားစေတီမှ အစစ်အမှန်ကျမ်းစာကို ဖြုတ်ချရန် အလျင်စလို မလုပ်ဘဲ၊ခမ်းနားသော ဝေါယာဉ်ကြီးကို အမြင့်သို့ မတင်ရန် သူ၏ခွန်အားကို ရုတ်တရက်အသုံးပြုလိုက်၏။

ထို့နောက်၊ သူ၏ပုံရိပ်ကို ဖုံးကွယ်ထားခြင်း မရှိဘဲ၊ သူက နတ်ဘုရားမင်းဆက်ရှိရာ အရပ်ဆီသို့ တိုက်ရိုက် ထိုးဆင်းသွားခဲ့သည်။

ပေလျိုမြစ်သို့ ရောက်လာခဲ့သည်။

အချိန်အတော်ကြာ စောင့်ဆိုင်းနေခဲ့ကြသူများက ချီစစ်ဆေးခြင်းနည်းစနစ်မှတစ်ဆင့် အဝေးမှ ကမ္ဘာမြေကို တုန်လှုပ်စေသော တိုက်ပွဲ၏စွမ်းအင်လှုပ်ရှားမှုကို မြင်တွေ့ထားခဲ့ပြီးဖြစ်သည်။

ရောက်ရှိနေသူအားလုံး အံ့အားသင့်သွားကြ၏။

ဒုတိယမျိုးဆက် တပည့်များကြားရှိ ရင်ဆိုင်မှုတစ်ခုက ဤမျှကြီးကျယ်ခမ်းနားသော အရှိန်အဝါ အတက်အကျကို ဖြစ်ပေါ်စေလိမ့်မည်ဟု ထျန်းတုန်း နတ်သမီးပင်လျှင် မျှော်လင့်မထားခဲ့ပေ။

နောက်ဆုံးတွင် မည်သည့်ဘက်က အနိုင်ရသွားသည်ကို မသိရှိနိုင်ပေ။

ထိုအချိန်မှာပင်၊ ကောင်းကင်ယံ၏အဆုံးတွင် အစက်အပြောက်လေးတစ်ခု ပေါ်လာခဲ့သည်။

လူတိုင်းက သူတို့၏မျက်လုံးများထဲရှိ နတ်ဘုရားစွမ်းအင်ကို အသက်သွင်းလိုက်ကြပြီး၊ထို ခမ်းနားထည်ဝါသော ရွှေရောင်ခန္ဓာကိုယ်နှင့် ၎င်း မြှောက်ကိုင်ထားသည့်ဝေါယာဉ်ကို မြင်လိုက်ရသောအခါ သူတို့အားလုံး အသက်ရှူရပ်သွားကြသည်။

"အဲဒါက ကျားနဂါးဖိနှိပ်ခြင်း မဟာအလင်းဘုရင် ဖြစ်ရမယ်" ပြောလိုက်ကြသည်။

"ဗောဓိဂိုဏ်း အနိုင်ရသွားပြီ" မျက်တောင်တစ်ခတ်အတွင်းမှာပင်၊ မသေမျိုးသုံးပါးဂိုဏ်းမှ တပည့်များ၏အသားအရေများက အတော်လေးဖြူဖျော့သွားခဲ့ပြီး၊ ပုံရိပ်အနည်းငယ်ကသာ မှိန်ဖျော့ဖျော့အပြုံးများကို ထုတ်ဖော်နေကြ၏။

"မဟုတ်ဘူး၊ မပြီးသေးဘူး" ထျန်းတုန်း နတ်သမီး ရုတ်တရက် မျက်မှောင်ကြုတ်လိုက်ပြီး၊ မဟာအလင်းဘုရင်က သူ၏ပခုံးကိုကျော်၍နောက်သို့ ပြန်လည်ကြည့်ရှုနေသောလှုပ်ရှားမှုကို သတိပြုမိလိုက်ရာ၊ သူအလွန်သတိထားနေကြောင်းသေချာသည်။

ဒါဆိုရင်... သူ ဘာကို သတိထားနေတာလဲ ဟု တွေးစရာ ဖြစ်လာ၏။

နောက်တစ်ခဏတွင်၊ မဟာအလင်းဘုရင်၏ရှေ့ရှိ ကောင်းကင်ကန့်လန့်ကာက တည်ငြိမ်နေသော ရေကန်ထဲသို့ကျောက်စရစ်ခဲများ ပစ်ချလိုက်သကဲ့သို့ လှိုင်းဂယက်ထသွားပြီး၊ ထို့နောက် လျင်မြန်စွာချောမွေ့သွားကာ ဧရာမမှန်ကြီး တစ်ချပ်ကဲ့သို့ ဖြစ်သွားသည်။

အခြားသူများတုံ့ပြန်မှု မပြုလုပ်နိုင်မီမှာပင်၊ ကျင့်ကြံခြင်းနိမ့်ကျသော ဟုန်ကျင်းက ရုတ်တရက် အသက်ပြင်းပြင်း ရှူသွင်းလိုက်၏။

ဤကဲ့သို့သော နည်းလမ်းများကို သူ ကိုယ်တိုင်ကိုယ်ကျမျက်မြင်တွေ့ခဲ့ဖူးပြီး၊ ၎င်းတို့ကို မေ့ဖျောက်ရန်မဖြစ်နိုင်ပေ။

ထိုအချိန်က ဟုန်ကျယ်နယ်မြေတွင်၊ ချင်းလွမ်၏ကောင်းကင်ကိုပိုင်းခြားနိုင်သော ငှက်တစ်ရာ နတ်ဘုရားလှံကြီးကိုဝါးမျိုခဲ့သည်မှာ ဤမှန်ပင်။

"အဲဒါက ထိုက်ရွှီဆေးဧကရာဇ် ပဲ" သူက ကျယ်လောင်စွာ အော်ဟစ်လိုက်၏။

သူ၏စကားလုံးများ မဆုံးခင်မှာပင်၊တောက်ပသော အရှိန်အဝါများဖြင့် လင်းလက်နေသောဝေါယာဉ်ပ ကောင်းကင်ကန့်လန့်ကာထဲသို့ ပျောက်ကွယ်သွားခဲ့၏။

ကျားနဂါးဖိနှိပ်ခြင်း မဟာအလင်းဘုရင်က ရုတ်တရက် သူ၏လက်ကိုဆုပ်ကိုင်ကာ မည်သည့် တုံ့ဆိုင်းမှုမျှ မရှိဘဲ၊လူးလွန့်နေသော ရွှေရောင်မြစ်နှင့်အတူ ထိုက်ရွှီနယ်ပယ်ထဲသို့ တည့်တည့် ခြေလှမ်းဝင်ရောက်သွားသည်။