အခန်း ၁၁၄၃

အခန်း(၁၁၄၃) မသေမျိုးများအားလုံးထိပ်လန့်တုန်လှုပ်ခြင်း

သို့သော် လူသားများ၏နှလုံးသားသည်ပင် နားလည်ရခက်ခဲလွန်းလှရာ၊ မြစ်များနှင့် သမုဒ္ဒရာများကိုမှောက်လှန်နိုင်စွမ်းရှိသော မဟာအာဟတ် တစ်ပါး၏နှလုံးသားကို ဆိုဖွယ်ရာပင် မရှိတော့ပေ။

အကယ်၍ ၎င်းက ဗုဒ္ဓအပေါ် အမှန်တကယ် ဆီးကပ်မြှုပ်နှံမည်ဆိုပါက၊ ထိုအချိန်မှစ၍ ဗောဓိဂိုဏ်း၏လူငယ်တပည့်များကြားတွင်၊ ၎င်းက ရွှေဖားပြုတ်အာဟတ်၏အောက်တွင် ထိပ်ဆုံးနေရာအဖြစ် ရပ်တည်မည်ဖြစ်ပြီး၊ ကပ်ဘေးတွင် ကိုယ်စားပြုတစ်ဦးဖြစ်ရန် အရည်အချင်းပြည့်မီကာ၊အနည်းဆုံးတော့ ၎င်းက ဗောဓိသတ္တ တစ်ပါး၏အဆင့်အတန်းကို သေချာပေါက် ရရှိမည်ဖြစ်ပြီး၊မိမိတို့ကဲ့သို့သော ပုဂ္ဂိုလ်များနှင့်အတူ ဤသေမျိုးလောက၏ ဧကရာဇ်ချီကို မျှဝေခံစားခွင့်ရရှိပါလိမ့်မည်။

သို့သော် အကယ်၍ ၎င်းက အတွင်းစိတ်ထဲတွင် အခြားသောရည်ရွယ်ချက်များကို ဖုံးကွယ်ထားကာ၊အညံ့ခံသယောင် ဟန်ဆောင်နေခြင်းသာ ဖြစ်မည်ဆိုလျှင်။

ထိုသို့ဆိုပါက အချုပ်အနှောင်သံကြိုးများမှ ရုန်းထွက်ရန် ဤအခွင့်အရေးကို သေချာပေါက် လက်လွတ်ခံမည် မဟုတ်ပေ။

သူကလည်း ကျားနဂါးဖိနှိပ်ခြင်းအလင်းဘုရင်၏ဝံပုလွေကဲ့သို့သော ရည်မှန်းချက်များကို စောစီးစွာအသိအမှတ်ပြုသင့်ပြီး၊ အနာဂတ်တွင် သူ့ကိုဒုက္ခပေးနိုင်မည့် ပြဿနာတစ်စုံတစ်ရာ မပေါ်ပေါက်မီ ၎င်းကို ဖြေရှင်းသင့်သည်။

လေ့ကျင့်သင်ကြားမထားသော ခွေးတစ်ကောင်ကို မွေးမြူထားခြင်းက ဘာအကျိုးရှိမည်နည်း။

ထိုသို့ တွေးတောရင်း၊ လက်တစ်ထောင် ဗောဓိသတ္တ သူ၏လက်ထဲရှိ ခွေးနက်ကို ညင်သာစွာ ဆွဲလိုက်ရာ၊တိုးညှင်းသော အော်ဟစ်သံလေးက သူ့နှလုံးသားကိုများစွာ သက်သာရာရစေပြီး၊ သူ၏ မျက်နှာပေါ်ရှိ အပြုံးမှာ ပိုမိုစစ်မှန်လာသည်။ "ဒါ့အပြင်၊အဲဒါက မပြည့်စုံတဲ့ ကျမ်းစာ ဖြစ်နေရင်တောင်မှ၊ဘိုးဘေး အနေနဲ့ အဲဒါကို ကြည့်ရှုဖို့ အခွင့်အရေး ရချင်မှ ရမှာပါ"

နောက်တစ်ခဏတွင်၊ သူ၏မျက်နှာ တင်းမာသွားပြီး၊ ဗုဒ္ဓအသံတော်မှတစ်ဆင့် သတင်းစကားကို ပေးပို့လိုက်သည်။ "အစစ်အမှန် ကျမ်းစာကို အခုချက်ချင်းပြန်ယူပြီး၊ မသေမျိုးသုံးပါးဂိုဏ်းရဲ့ဘိုးဘေးကို ငါ့ဗောဓိဂိုဏ်းက အလင်းဘုရင်ရဲ့ စွမ်းအားကို ပြသလိုက်စမ်း"

"နင် သူ့အပေါ်မှာ တော်တော်လေး ယုံကြည်ချက် ရှိနေပုံပဲ" ကျောက်စိမ်းရေကန်ဘိုးဘေးက အေးစက်စွာ လှောင်ပြောင်လိုက်သော်လည်း၊ သူမ ထိုက်ရွှီ ဆေးဧကရာဇ် နှင့် ကျားနဂါးဖိနှိပ်ခြင်းအလင်းဘုရင်တို့ကို ရင်းနှီးကျွမ်းဝင်မှု မရှိသဖြင့်၊ ထပ်မံ မှတ်ချက်မပေးနိုင်တော့ပေ။

ဤနေရာသို့ လာရောက်ခြင်းက၊ ထို သူခိုးဘုန်းကြီးအိုများက မတရားပြီးလူငယ်မျိုးဆက်များအပေါ် လက်ရောက်ကျူးလွန်ခြင်းကို တားဆီးရန်အပြင်၊ အပြင်ဘက်မှနေ၍ အင်ပါယာခုံရုံး၏တတိယအဆင့်တစ်ဦးကိုခြုံခိုတိုက်ခိုက်ပြီး သတ်ဖြတ်ရန် ဖြစ်နိုင်ခြေ ရှိမရှိကို ကြည့်ရှုရန်လည်း ဖြစ်သည်။

ယခုအခါ အင်ပါယာခုံရုံးက ဝင်ရောက်စွက်ဖက်ခြင်းမရှိတော့ရာ၊ နောက်ထပ် ဆက်နေရန် အကြောင်းမရှိတော့ပေ။

"အဲဒါက သဘာဝကျပါတယ်" လက်တစ်ထောင် ဗောဓိသတ္တက အရာအားလုံးကို ထိန်းချုပ်ထားနိုင်သည့်အလား အပြုံးတစ်ခုဖြင့် ပြန်လည် တုံ့ပြန်လိုက်သည်။

သံကြိုးကို ဆုပ်ကိုင်ထားသော သူ့လက်သာလျှင် သတိမထားမိလောက်အောင် ပိုမိုတင်းကျပ်လာနေသည်။

သူတို့ဘက်မှ ကျားနဂါးဖိနှိပ်ခြင်းအလင်းဘုရင် က... အကြောင်းမပြန်သေးပေ။

...

အရှိန်အဝါများ ပေါက်ကွဲနေသော နတ်ဘုရားမင်းဆက်အပြင်ဘက်တွင်..

အလင်းတန်းများက နေရာတစ်ခုဆီသို့ အလျင်အမြန် ဦးတည်သွားကြသည်။

သို့သော် သူတို့အမှန်တကယ် မချဉ်းကပ်နိုင်မီမှာပင်၊ ကျင့်ကြံခြင်းအနည်းငယ် နိမ့်ကျသူများ၏ မျက်နှာများ ဖြူရော်သွားကြ၏။

မိုစကောင်းကင်နှင့်မြေပြင်၏ အစစ်အမှန်ရည်ရွယ်ချက်ကို စတင် နားလည်လာပြီဖြစ်သော ပဉ္စမအဆင့်ထိုက်ယီအစစ်အမှန်မသေမျိုး တစ်ဦးကို၊ကောင်းကင်ယံကို ဖြတ်ကျော်ပြီး မြေပြင်ထဲသို့ အလိုရှိသလို ဝင်ရောက်နိုင်စွမ်းရှိသော အစစ်အမှန် မသေမျိုးတစ်ပါးအဖြစ် သတ်မှတ်နိုင်ပါသည်။

သို့သော် ယခုအခါတွင်၊ သူတို့၏ခန္ဓာကိုယ်များကို ကာကွယ်ရန်မှော်ရတနာများ ရှိနေသော်လည်း၊ သူတို့သည် မိုင်တစ်သောင်းအကွာအဝေးမှနေ၍ သူတို့၏ ခြေလှမ်းများကို ရပ်တန့်ရန် အတင်းအကျပ် ဖိအားပေးခံလိုက်ရ၏။

ဆက်လက် ဝင်ရောက်သွားပါက သူတို့၏တာအို အသီးအပွင့်ကို ထိခိုက်ပျက်စီးစေမည့် အန္တရာယ် ရှိနိုင်သည်။

သို့သော် ဤအကွာအဝေးက သူတို့အတွက် အရာအချို့ကို သဲကွဲစွာ မြင်တွေ့နိုင်ရန် လုံလောက်သည်။

မျက်တောင်တစ်ခတ်အတွင်းမှာပင်၊ လူတိုင်း၏ခန္ဓာကိုယ်များက သူတို့ တစ်စုံတစ်ခုကို အမြင်သွားရာ ထိတ်လန့်ကာမထိန်းချုပ်နိုင်အောင် တုန်ရီလာကြသည်။

ဝေးကွာသော မြေပြင်တွင်၊ ဧရာမ ပုံရိပ်ရှစ်ခုက ခမ်းနားသောတောင်တန်းများကဲ့သို့ မြေကြီးပေါ်တွင် ဒူးထောက်နေကြပြီး၊ သူတို့၏ခန္ဓာကိုယ်များက အက်ကွဲကြောင်းများပြည့်နှက်နေသော ကျောက်ရုပ်တုများကဲ့သို့ အသက်မဲ့ပြီး ဖြူပြာရောင်အဖြစ်သို့ ပြောင်းလဲသွားကာ၊ သူတို့သည် မဟာအာဟတ်များဖြစ်ကြောင်း သက်သေပြနေသည့် တောက်ပနေသော ရွှေရောင် အစက်အပြောက်အနည်းငယ်သာ ကျန်ရှိတော့သည်။

သူတို့၏ဆန့်ကျင်ဘက်တွင် ထူထပ်ပြီးခွဲခြား၍မရနိုင်သော မသေမျိုးအလင်းရောင် တစ်ခုရှိနေပြီး၊ ၎င်းမှာ ကျဆုံးသွားသော အားကောင်းသည့် စတုတ္ထအဆင့် ထိုက်ယင်အစစ်အမှန်မသေမျိုး တစ်ဦး၏လက္ခဏာပင်။

ဤသို့ဖြစ်ပေါ်နေသည့်နေရာမှာ အလွန်ကျယ်ပြန့်ရာ ၎င်းကိုတည်ဆောက်ရန်အသက်မည်မျှ စတေးခဲ့ရသည်ကို မသေချာပေ။

မူလက အမည်မသိသော မြေတစ်နေရာက ယခုအခါကျဆုံးသွားသော မသေမျိုးများအတွက် သင်္ချိုင်းမြေတစ်ခု ဖြစ်လာခဲ့ပြီ ဖြစ်သည်။

အခြားသူများကို မဆိုထားနှင့်၊ ထျန်းတုန်း နတ်သမီး နှင့် ရှန်းရွှီတောင်၏ တောင်ထိပ်သခင်များပင်လျှင် အခြေအနေက ဤမျှဆိုးရွားလိမ့်မည်ဟု တစ်ခါမျှ မမျှော်လင့်ထားခဲ့ကြပေ။

ကျမ်းစာခိုးယူခြင်း သို့မဟုတ် ကာကွယ်ခြင်း တာဝန်ကျရှုံးသွားလျှင်ပင်၊ ၎င်းက သေသည်အထိ တိုက်ခိုက်သည့် အခြေအနေသို့ ရောက်ရှိမသွားသင့်ပေ။ သူတို့ ရှုံးနိမ့်နေလျှင် ထွက်ပြေး၍ မရနိုင်ဘူးလောဟု တွေးမိလိုက်ကြသည်။

သူတို့အားလုံး မျှော်လင့်ချက်မဲ့နေခဲ့ကြတာများလား။

ထျန်းတုံး နတ်သမီး အုပ်စုကိုဦးဆောင်ကာ အာဟတ်အလောင်းများဆီသို့ ချဉ်းကပ်သွားချိန်တွင်၊ သူမအနီးသို့ ရောက်သောအခါ သူမ၏ခြေလှမ်းများ ရပ်တန့်သွား၏။

သူ၏ခန္ဓာကိုယ်ကို ကာကွယ်ရန် မသေမျိုးတံဆိပ်တုံး တစ်ခု ရှိနေသဖြင့်၊ ဟုန်ကျင်း အခြားသော ပဉ္စမအဆင့်ထိုက်ယီအစစ်အမှန်မသေမျိုးများထက် သိသိသာသာ ပိုမိုအားကောင်းပြီး၊ သူအာဟတ် အလောင်း ရှစ်လောင်း၏ရှေ့တွင် ကြောင်အစွာလွင့်မျောနေကာ၊ ဤလူများ အဘယ်ကြောင့် ထွက်မပြေးခဲ့ကြောင်းကို နောက်ဆုံးတွင် နားလည်သွားခဲ့သည်။

၎င်းသည် လူတိုင်း စိတ်ကူးယဉ်ထားခဲ့သကဲ့သို့ နှစ်ယောက်ချင်းစီတိုက်ခိုက်နေကြသော ပရမ်းပတာ ရောနှောတိုက်ခိုက်မှုမျိုး မဟုတ်ပေ။

အာဟတ်ရှစ်ပါးလုံးက လူတစ်ယောက်တည်း၏လက်ချက်ဖြင့်၊ တူညီသော နည်းလမ်းဖြင့် သေဆုံးသွားခဲ့ခြင်း ဖြစ်သည်။

ဟုန်ကျင်း အာဟတ် ရှစ်ပါး၏နဖူးများရှိ မသိမသာသော အပေါက်ငယ်လေးများကို သေချာစွာ စိုက်ကြည့်နေခဲ့သည်။ သတိပြုမိရန် ခက်ခဲသော ဤကဲ့သို့ သေးငယ်သည့် ဒဏ်ရာများက အားကောင်းသောမဟာအာဟတ်များအတွက် သေဆုံးရခြင်း အကြောင်းရင်း လုံးဝ မဖြစ်နိုင်ပေ။

သို့သော် သူက ဤဒဏ်ရာများကိုဟုန်ကျယ် နယ်မြေတွင် ရှိနေစဉ်က ကောင်းကင်စစ်သည်တော်၏စွမ်းအားနှင့် စတုတ္ထအဆင့် မသေမျိုးတံဆိပ်တုံးကို ကိုင်ဆောင်ထားသော ချင်းလွမ် တိုက်ခိုက်ခံရမှု၊ ထိုကွဲအက်သွားသော ရွှေရောင်အလုံးမှတ်ဉာဏ်များနှင့် တွဲဖက်ကြည့်လိုက်သောအခါ...

ဟုန်ကျင်းက ချက်ချင်းပင်ကြောက်မက်ဖွယ်ကောင်းသောထိတ်လန့်မှုများဖြင့် တောင့်တင်းသွားပြီး၊အေးစက်သော ခံစားချက်တစ်ခုက သူ့ကို လွှမ်းခြုံသွားခဲ့သည်။

သူ၏ခေါင်းကို တောင့်တင်းစွာ လှည့်လိုက်၏။ "အဲဒါက ထိုက်ရွှီဆေးဧကရာဇ် ပဲ"

လူတစ်ယောက်တည်းဖြင့် ဗောဓိဂိုဏ်း၏ထိပ်တန်း မဟာအာဟတ် ရှစ်ပါးလုံးကို သတ်ဖြတ်ခဲ့သည်။

မသေမျိုးသုံးပါးဂိုဏ်း အတွက်၊ ဤသည်မှာ ဝမ်းမြောက်စရာအကြောင်းရင်းတစ်ခု ဖြစ်သင့်သည်။

ဤမျှကြောက်မက်ဖွယ်ကောင်းသော စစ်သူကြီး တစ်ဦးရှိနေမှတော့၊ လောကကို လွှမ်းမိုးရန်နှင့် ဗောဓိဂိုဏ်းကိုမဖိနှိပ်နိုင်မည်ကို အဘယ်ကြောင့် စိုးရိမ်နေရမည်နည်း။

သို့သော် ပြဿနာမှာ၊ တစ်ဖက်လူက ဤမဟာအာဟတ်များကို သတ်ဖြတ်ခဲ့သော်လည်း၊ နောက်ဆုံးတွင်ဝေါယာဉ်ကို သယ်ဆောင်သွားသူမှာ ကျားနဂါးဖိနှိပ်ခြင်းအလင်းဘုရင်ဖြစ်နေခြင်းပင်။

ထို့နောက် ဤထူထပ်သော မသေမျိုးအလင်းရောင် ရှိသေးသည်။

ထျန်းတုံး နတ်သမီးအပါအဝင် ရောက်ရှိနေသူ အားလုံးက သူတို့၏စိတ်ကူးထဲတွင် အလွန်တုန်လှုပ်ဖွယ်ကောင်းသောမြင်ကွင်းတစ်ခုကို ပုံဖော်လိုက်ကြ၏။

ကျမ်းစာခိုးယူရာတွင် ထိုက်ရွှီဆေးဧကရာဇ် က ဦးဆောင်ပြီး၊ကျမ်းစာ ကာကွယ်ရာတွင် ကျားနဂါးဖိနှိပ်ခြင်းအလင်းဘုရင်က ဦးဆောင်ခဲ့သည်။

ပြိုင်ဘက်ကင်းစွမ်းအားရှင် နှစ်ဦးက လူသူကင်းမဲ့သောနယ်မြေတစ်ခုသို့ ဝင်ရောက်သွလာချိန်တွင် နှစ်ဖက်စလုံးမှကျန်ရှိနေသော လူများကို လျင်မြန်စွာ သတ်ဖြတ်ခဲ့ကြပြီး၊ထို့နောက် ပြန်လည်တိုက်ခိုက်ခဲ့ကြရာ၊ အစောပိုင်းက လူတိုင်း မျက်မြင်တွေ့ခဲ့ရသော မြင်ကွင်းကို ဖြစ်ပေါ်စေခဲ့သည်။

အခြေအနေသည် ရှင်းလင်းသွားပုံရပါသည်။

သို့သော် သူတို့အုပ်စု၏မျက်နှာများမှာ ဗလာဖြစ်နေကြလေ၏။

အဘယ်ကြောင့်ဆိုသော် အရေးမပါဟုယူဆရပြီး အလွယ်တကူအသတ်ခံလိုက်ရသူများထဲတွင်၊ ဆင်ဖြူတော်၊ ဆွမ်နီကဲ့သို့သော မဟာအာဟတ်များနှင့်၊ထျန်းဝူရွှမ်းဝူ ကဲ့သို့သော မသေမျိုးသုံးပါးဂိုဏ်း၏ဒုတိယ မျိုးဆက် တပည့်များကြားရှိ ပြိုင်ဘက်ကင်းပါရမီရှင်များ ပါဝင်နေသောကြောင့်ပင်။

သို့သော် ဤနှစ်ဦး၏ရှေ့တွင် သူတို့က ကျောက်ရုပ်တုများနှင့် မသေမျိုးအလင်းရောင်များအဖြစ်သို့ ပြောင်းလဲသွားခဲ့ကြသည်။

လက်ရှိအချိန်မှာတော့ တာအိုသခင် ကျင်းလဲ့ ပင်လျှင် သူ၏မျက်နှာ ထုံကျဉ်သွားကာ ရှင်းပြ၍မရအောင် ခံစားလိုက်ရ၏။ "..."

ငါ့ရဲ့နည်းစနစ်တွေ အားလုံးကိုအသုံးပြုထားရင်၊မသေမျိုးတံဆိပ်တုံးကို ကိုင်ဆောင်ထားတဲ့ ချင်းလွမ် နဲ့ ယှဉ်ပြိုင်နိုင်လောက်ပေမယ့်၊ ထျန်းဝူရွှမ်းဝူ ဆီကနေ အင်အားအပြည့်နဲ့တိုက်ခိုက်တာကို ထိုက်ရွှီနယ်ပယ်ထဲကို ထွက်ပြေးတာကလွဲရင် ခုခံနိုင်မယ့် နည်းလမ်း ငါ့မှာသေချာပေါက်မရှိသေးဘူး။