အခန်း ၆၁၀

အခန်း (၆၁၀)။

"ကောင်းကင်အပြင်ပ နယ်မြေ... ချန်ပီယံမြို့စား လာခဲ့တဲ့ ကောင်းကင်အပြင်ပ နယ်မြေ လား..."

ယွမ်ရှန်းရှန်းသည် သူမ၏ မှော်စွမ်းအားများ ပြန်လည်ပြည့်ဝလာပြီးနောက်၊ အဆင့်ခုနှစ် မိုးကြိုးကပ်ဘေးကို ဖြတ်ကျော်ထားသော “ဖန်ဆင်းရှင်” တစ်ပါး၏ တာအိုကျင့်စဉ်များနှင့် အတွေးစများ တည်ဆောက်ပုံကို နားလည်သဘောပေါက်ရန် ကြိုးစားနေသည်။ အခြား သူများအတွက် ထိုနက်နဲမှုမှာ ဝေဝါးနေနိုင်သော်လည်း၊ မိုးကြိုးကပ်ဘေး ခြောက်ကြိမ် ကျော်ဖြတ်ထားသည့် ဝါရင့်ပညာရှင်တစ်ဦး ဖြစ်သော သူမအတွက်မူ အလွန်ပင် ရှင်းလင်း လှသည်။ သူမ၏ စိတ်ဝိညာဉ်အတွင်းသို့ “ဖန်ဆင်းရှင်” တစ်ပါး၏ အတွေးစများ ရောက်ရှိ လာခြင်းသည် ရာစုနှစ်ပေါင်းများစွာ ကြိုးစားအားထုတ်ရမည့် ကျင့်ကြံမှုကို လမ်းဖြတ်မှ ရရှိလိုက်ခြင်းပင် ဖြစ်သည်။

၎င်းမှာ ခက်ခဲနက်နဲသော ပုစ္ဆာတစ်ပုဒ်ကို အဖြေရှာရန် နှစ်ရှည်လများ ကြိုးစားနေစဉ်မှာ တစ်စုံတစ်ယောက်က အဖြေမှန်ကို တိုက်ရိုက် လာရောက် ပြောပြလိုက်သကဲ့သို့ပင်။

ဤဉာဏ်အလင်းပွင့်မှုက သူမကို ချက်ချင်းပင် “ဖန်ဆင်းရှင်” အဆင့်သို့ မရောက်ရှိစေနိုင် သော်လည်း၊ ထိုနယ်ပယ်သို့ အကန့်အသတ်မရှိ နီးကပ်သွားစေရန်နှင့် ထိတွေ့နိုင်စေရန် အတွက်မူ များစွာ အထောက်အကူ ပြုခဲ့သည်။

"ငါသာ ဟုန်ယွိနဲ့ ရင်းနှီးမူ မရှိခဲ့ဘူးဆိုရင် ဒီလိုကြီးမားတဲ့ အောင်မြင်မှုမျိုးကို ဘယ်ကနေ ရနိုင်ပါ့မလဲ။ အရင်တုန်းက ငါဟာ ယန်ဖန်နဲ့ နီးစပ်ဖို့ ကြိုးစားခဲ့ဖူးပေမဲ့ ဘာမှ မရခဲ့ဘူး။ တကယ့် လူကြီးလူကောင်းတစ်ယောက်နဲ့ ဟန်ဆောင်ပန်ဆောင် လူယုတ်မာ တစ်ယောက် ကို နှိုင်းယှဉ်လို့တောင် မရပါလား..." ယွမ်ရှန်းရှန်းက တွေးတောနေမိသည်။

သို့သော် ကျိုးထိုက်ကျူ၏ “ဖျက်ဆီးခြင်း မဟာနတ်ဘုရားလက်သီး” က ချန်ပီယံ မြို့စား၏ “ကောင်းကင်အပြင်ပနယ်မြေ” မှ သင်ယူခဲ့ခြင်း ဖြစ်ကြောင်း ဟုန်ယွိက ပြောပြလိုက်သော အခါ သူမသည် အလွန်ပင် ထိတ်လန့်သွားခဲ့သည်။ သူမ၏ အာရုံစိုက်မှုအားလုံးက ထိုအကြောင်းအရာဆီသို့ ချက်ချင်း ရောက်ရှိသွားတော့သည်။

ချန်ပီယံမြို့စားမှာ သူမ၏ ယခင်ဘဝ ခန္ဓာကိုယ်မှ မွေးဖွားခဲ့သော သားတစ်ဦး ဖြစ်သည်။

သို့သော်လည်း ထို 'သား' ၏ စိတ်ဝိညာဉ်မှာ ကောင်းကင်အပြင်ပနယ်မြေရှိ လျှို့ဝှက် ဆန်းကြယ်သော ကမ္ဘာတစ်ခုမှ ရောက်လာသည်ကို သူမ သိရှိထားသဖြင့် ချန်ပီယံမြို့စား ကို သူမ၏ သားအရင်းကဲ့သို့ သဘောမထားခဲ့ပေ။

ယခင်ဘဝမှ ကိစ္စရပ်များမှာလည်း ပြီးဆုံးခဲ့လေပြီ ဖြစ်ရာ၊ အခြားသော စိတ်ဝိညာဉ်တစ်ခု အပေါ် သူမအနေဖြင့် သံယောဇဉ် မရှိတော့ပေ။

သို့သော် ချန်ပီယံမြို့စား လာရောက်ခဲ့ရာ “ကောင်းကင်အပြင်ပနယ်မြေ” မှာမူ သေးငယ် သော ကိစ္စမဟုတ်ပေ။ ပို၍ အရေးကြီးသည်မှာ ‘ဖန်ဟွမ်အသက်ဝိညာဉ်ဓား’ မှာလည်း ထိုနယ်မြေမှ ရောက်လာခြင်း ဖြစ်သည်။

ထိုကောင်းကင်အပြင်ပ ကမ္ဘာသည် ရှေးဟောင်းခေတ် သူတော်စင် ဧကရာဇ်များ၏ တက်လှမ်းခြင်း၊ ပျောက်ကွယ်သွားခြင်းတို့နှင့် ပတ်သက်၍ အစွမ်းထက်သော လျှို့ဝှက် ချက်များစွာ ကိန်းအောင်းနေနိုင်သည့် အထူးခြားဆုံး နေရာတစ်ခု ဖြစ်ပေလိမ့်မည်။

ထို့အပြင် ချန်ပီယံမြို့စား၏ လုပ်ရပ်များကို ကြည့်ခြင်းအားဖြင့် ထိုကမ္ဘာရှိ လူသားတို့၏ တိုးတက်မှုမှာ အလွန်ပင် မြန်ဆန်လှပြီး ကျယ်ပြောလှသော ဤမဟာကမ္ဘာကြီးကိုပင် ကျော်လွန်ကာ မည်မျှအထိ ပြောင်းလဲတိုးတက်နေသည်ကို မည်သူမျှ မသိနိုင်ပေ။

ယခုအခါ ချန်ပီယံမြို့စား သေဆုံးသွားပြီ ဖြစ်သော်လည်း သူနှင့် ပတ်သက်နေသော လျှို့ဝှက်ချက်များမှာမူ ဆက်လက် လေ့လာသင့်သော အရာများ ဖြစ်နေဆဲပင်။

ယခုအခါ “သူတော်စင်ပေါင်းစုံခန်းမ” အတွင်းရှိ ချီလင်အပါအဝင် လူတိုင်းသည် ဟုန်ယွိ ပြောပြသော လျှို့ဝှက်ချက်ကို စိတ်ဝင်တစား နားထောင်နေကြသည်။

“ကောင်းကင် အပြင်ပနယ်မြေ” တစ်ခု၏ လျှို့ဝှက်ချက်အားလုံးသည် ခန်းမအပြင်ဘက်ရှိ ကြယ်စင်စုအတွင်း၌ ရှိနေသည်။ လူတိုင်း၏ မျက်လုံးများမှာ တောက်ပပြီး မှော်ဆန်လှ သော ကြယ်အစုအဝေးများကို မြင်တွေ့နေရကာ လူတိုင်း၏ နှလုံးသားထဲတွင်လည်း နက်နဲ သော စိတ်ခံစားချက်များ ပဲ့တင်ထပ်နေ၏။

ကြယ်စင်စုအတွင်း၌ “ကောင်းကင်အပြင်ပနယ်မြေ” ပေါင်းများစွာ ရှိနေသည်ကို သိထား ကြသော်လည်း၊ ကြယ်တစ်လုံးနှင့် တစ်လုံးကြားရှိ အကွာအဝေးမှာ မိုင်ပေါင်း သန်းရာနှင့် ချီ၊ ထောင်နှင့်ချီကာ ဝေးကွာလှ၏။ မည်မျှပင် ကြိုးစား၍ ပျံသန်းစေကာမူ ထိုနေရာသို့ ရောက်ရှိရန်မှာ မဖြစ်နိုင်ပေ။ ဒဏ္ဍာရီများအရ “ဖန်ဆင်းရှင်” အဆင့် ရောက်ရှိမှသာ စိတ်ဝိညာဉ်ဖြင့် လှည့်လည် ကြည့်ရှုနိုင်မည် ဖြစ်သော်လည်း တိကျသော လမ်းကြောင်းနှင့် ဦးတည်ချက် ရှိရမည်ဖြစ်သည်။ ဦးတည်ရာ မရှိဘဲ ဟင်းလင်းပြင် အလွှာပေါင်းများစွာကို ဖြတ်ကျော်ပြီး ရောက်ရှိရန်မှာ မဖြစ်နိုင်သော ကိစ္စပင်။

သို့သော်လည်း လူတိုင်း သိထားသည်မှာ ဟုန်ယွိသည် ယခုအခါ “ဖန်ဆင်းရှင်” တစ်ပါး ဖြစ်နေပြီ ဖြစ်သလို “သူတော်စင်ပေါင်းစုံခန်းမ” ကိုလည်း ပိုင်ဆိုင်ထားသည်။ သူသာ ဦးတည်ချက်ကို အတိအကျ သိရှိသွားပါက ကြယ်တာရာများကို ဖြတ်ကျော်ကာ ချန်ပီယံ မြို့စား လာရောက်ခဲ့ရာ “ကောင်းကင်အပြင်ပနယ်မြေ” သို့ သွားရောက်နိုင်မည် ဖြစ်သည်။

"ချန်ပီယံမြို့စားရဲ့ “ကောင်းကင်အပြင်ပနယ်မြေ” က ဘာများ ဖြစ်နေမလဲ။" ရှဲ့ဝန်ယွမ်က မေးလိုက်သည်။

"ရှင်းပြဖို့တော့ ခက်တယ်၊ ဒါကြောင့် ကျိုးထိုက်ကျူရဲ့ မှတ်ဉာဏ်တွေကိုပဲ အားလုံး ကြည့်လိုက်ကြပါ။" ဟုန်ယွိက ဘာမှ ထပ်မပြောတော့ဘဲ “သူရဲကောင်းမှတ်တမ်း” စာအုပ် ကို ညွှန်ပြလိုက်သည်။

ရုတ်တရက် တောက်ပသော အလင်းတန်းတစ်ခုသည် စာအုပ်အတွင်းမှ ထွက်ပေါ်လာ သည်။ ထိုအလင်းတန်းမှာ လူတစ်ရပ်ခန့် မြင့်သော ဘဲဥပုံစံ မှန်ချပ်ကြီးတစ်ခုနှင့် အလား တူသည်။ ၎င်းအတွင်း၌ ပုံရိပ်ပေါင်းစုံ စီးဆင်းနေပြီး နောက်ဆုံးတွင် ကျိုးထိုက်ကျူ၏ ပုံရိပ် ထွက်ပေါ်လာသည်။ ထိုပုံရိပ်မှာ ပိုမို ကြီးမားလာပြီး မှန်ချပ်ထဲမှ လမ်းလျှောက် ထွက်လာ တော့မည့်အတိုင်း အလွန်ပင် သက်ဝင်လှသည်။

...

ရုတ်တရက် မြင်ကွင်းမှာ ပြောင်းလဲသွားပြီး လူတိုင်း၏ ရှေ့မှောက်တွင် တောက်ပလှသော ကြယ်စင်စုကြီး ပေါ်လာသည်။

၎င်းမှာ ကြယ်စုတန်း၏ ဗဟိုချက်ရှိ လျှို့ဝှက်ဆန်းကြယ်သော နေရာတစ်ခု ဖြစ်သည်။ ကျိုးထိုက်ကျူသည် ဟင်းလင်းပြင်ထဲတွင် လွင့်မြောနေပြီး သူနှင့် မိုင်ပေါင်း သန်းနှင့်ချီ ဝေးကွာသော နေရာတွင် ဧရာမ ဂြိုဟ်ကမ္ဘာကြီးတစ်လုံး ရှိနေသည်။ ထိုဂြိုဟ်ကြီးမှာ 'ရှေးဟောင်းနဂါးသချိုင်း' ရှိနေသည့် ဂြိုဟ်ကမ္ဘာကြီးထက်ပင် အဆပေါင်းများစွာ ပိုမို ကြီးမားလှသည်။ ဂြိုဟ်ကြီး၏ ပတ်ပတ်လည်တွင် အမည်မသိ စွမ်းအင်လှိုင်းများ ဝိုင်းရံနေ သဖြင့် မည်သည့် နတ်ဘုရားစွမ်းရည်ဖြင့်မျှ ထိုဂြိုဟ်ကြီး၏ ပုံသဏ္ဌာန်အစစ်အမှန်ကို မမြင်တွေ့နိုင်ပေ။

"ပုံရိပ်ယောင်နတ်ဘုရားလွန်းယာဉ်ပျံ။"

ကျိုးထိုက်ကျူသည် သူ၏ မှော်ရတနာကို ထုတ်ယူလိုက်ရာ နက်မှောင်သော အလင်းတန်း တစ်ခုက သူ့ကို လွှမ်းခြုံသွားပြီး ထိုဂြိုဟ်ဆီသို့ ဦးတည်ပျံသန်းသွားသည်။ သူသည် ဟင်းလင်းပြင်ကို ဖြတ်ကျော်ကာ သွားရန် ရွေးချယ်လိုက်ခြင်း ဖြစ်သည်။

သို့သော် သူသည် ဟင်းလင်းပြင်ကို ဖောက်ထွက်ကာ လျှို့ဝှက်ဆန်းကြယ်သော ဂြိုဟ်ဆီသို့ အရှိန်အဟုန်ဖြင့် သွားနေစဉ်မှာပင် ပတ်ဝန်းကျင်မှာ ရုတ်တရက် မှောင်အတိ ကျသွားပြီး သူသည် အမည်မသိ ဟင်းလင်းပြင် လေဟာနယ်တစ်ခုအတွင်းသို့ ကျဆင်းသွားတော့ သည်။

တစ်ဟုန်ထိုး မြင်တွေ့နေရသော ဟင်းလင်းပြင် တစ်ခုလုံးမှာ သွေးကဲ့သို့ နီမြန်းနေပြီး ကောင်းကင်နှင့် မြေပြင်ကိုပင် ခွဲခြား၍မရပေ။ သူသည် ပိတ်လှောင်ခံလိုက်ရသလို ခံစား လိုက်ရပြီး သူ၏ရှေ့မှ ဂြိုဟ်ကြီးမှာလည်း ပျောက်ကွယ်သွားခဲ့သည်။

အော်အီအီးအွတ်...

ကြက်တွန်သံကဲ့သို့သော အသံတစ်ခုသည် ကျိုးထိုက်ကျူ၏ နားထဲသို့ ပဲ့တင်ထပ် ဝင်ရောက်လာသည်။ တစ်ချိန်တည်းမှာပင် ထိုအသံသည် လူတိုင်း၏ နားထဲသို့လည်း ရောက်ရှိလာသည်။ ကျိုးထိုက်ကျူ၏ မှတ်ဉာဏ်များကို ကြည့်ရှုနေကြသော လူတိုင်းသည် ကိုယ်တိုင် ကျိုးထိုက်ကျူ ဖြစ်သွားသကဲ့သို့ ထူးဆန်းသော စွန့်စားခန်းကိုပင် ကိုယ်တိုင် ကြုံတွေ့နေရသကဲ့သို့ ခံစားနေကြရသည်။

ကျိုးထိုက်ကျူပင်လျှင် ထောင်ချောက်ထဲသို့ ကျရောက်သွားသဖြင့် ထိတ်လန့်သွားခဲ့ရာ ကြည့်နေသူ လူတိုင်းမှာလည်း အတူတူပင် ဖြစ်သည်။

"ဒါ ဘယ်လို ဟင်းလင်းပြင်မျိုးလဲ" လူတိုင်းမှာ ကျိုးထိုက်ကျူကဲ့သို့ပင် သံသယများ ရှိနေ ကြသည်။ ထူထပ်ပြီး လျှို့ဝှက်ဆန်းကြယ်သော လေထုကို ခံစားနေရသလို၊ ကြက်တွန်သံ မှာလည်း အလွန်ပင် စိတ်လှုပ်ရှားစရာ ကောင်းလှသည်။

"ကျယ်ပြောလှတဲ့ မဟာကမ္ဘာကြီးထဲက တစ်ယောက်ယောက်က တကယ်ပဲ ဒီနေရာကို ကျူးကျော်လာတာလား။ ငါ တကယ်ကို အံ့သြသွားမိတယ်။" ကြက်တွန်သံမှာ ရုတ်တရက် လူသားအသံအဖြစ် ပြောင်းလဲသွားသည်။ ထို့နောက် သွေးရောင်လွှမ်းနေသော ဟင်းလင်း ပြင်ကြီးလည်း ပျောက်ကွယ်သွားပြီး မြေပြန့်လွင်ပြင်ကြီး ပေါ်လာသည်။ ထိုလွင်ပြင်ပေါ် တွင် ဧရာမ ကျောက်စာတိုင်ကြီး တစ်ခု မားမားမတ်မတ် တည်ရှိနေသည်။

ထိုကျောက်စာတိုင်မှာ စတုရန်းပုံသဏ္ဌာန် ဖြစ်ပြီး ၎င်းပေါ်တွင် 'ငှက်ဦးခေါင်းနှင့် လူသား ခန္ဓာကိုယ်' ရှိသော နတ်ဆိုးနတ်ဘုရားတစ်ပါးအသွင် ထုလုပ်ထားသည်။ ထိုနတ်ဆိုးမှာ သွေးနီရောင် ကြက်မောက်တစ်ခု ရှိပြီး အရပ်အမောင်း မြင့်မားကာ လက်များမှာ ငှက်ခြေ သည်းများကဲ့သို့ ဖြစ်နေသည်။ သို့သော် ၎င်းဆီမှ အတိုင်းအဆမဲ့ နတ်ဘုရားတန်ခိုး အရှိန် အဝါများနှင့် နတ်ဆိုးနတ်ဘုရားပေါင်းများစွာကို အုပ်ချုပ်နိုင်သော မဟာအာဏာစက် တန်ခိုး အရှိန်အဝါများ ဖြာထွက်နေသည်။

"မဟာဖျက်ဆီးခြင်း နတ်ဘုရားဘုရင်။"

ဤကျောက်စာတိုင်မှဦ ‘ဧကရာဇ်ချန်းရှန်’ ဖန်တီးခဲ့သော “အင်မော်တယ်ကျောက်စာတိုင်” ငါးခုထဲမှ တစ်ခု ဖြစ်ကြောင်း လူတိုင်း သိလိုက်ကြသည်။ ထိုကျောက်စာတိုင်ပေါ်တွင် ထွင်းထုထားသော နတ်ဆိုးမှာ ကမ္ဘာဦးခေတ် နတ်ဘုရားဘုရင် ငါးပါးထဲမှ တစ်ပါးဖြစ်သည့် “မဟာဖျက်ဆီးခြင်း နတ်ဘုရားဘုရင်” ပင် ဖြစ်သည်။ ၎င်းမှာ ရိုးရိုး ကျောက်ထုရုပ် မဟုတ် ဘဲ “မဟာဖျက်ဆီးခြင်း နတ်ဘုရားဘုရင်” ၏ စစ်မှန်သော ခန္ဓာကိုယ်ကို ကျောက်စာတိုင် ၏ ဝိညာဉ်အဖြစ် ပိတ်လှောင်ထားခြင်း ဖြစ်သည်။

"ဟစ်... ဟစ်... ဟစ်... ဟစ်... ဟစ်... ဟစ်..." “မဟာဖျက်ဆီးခြင်း နတ်ဘုရားဘုရင်” က တစ်ဖန် ပြန်လည် ရယ်မောလိုက်သည်။

"ခင်ဗျား ဘယ်သူလဲ။" ကျိုးထိုက်ကျူက ထိတ်လန့်စွာ မေးလိုက်သည်။

"ငါလား…၊ မင်း ဒီနေရာကို ရောက်လာနိုင်ပေမဲ့ ငါ ဘယ်သူလဲဆိုတာ မသိဘူးလား။ ဒါပေမဲ့ မင်း ငါ့ကို မသိတာက ပိုကောင်းပါတယ်..." “မဟာဖျက်ဆီးခြင်း နတ်ဘုရားဘုရင်” က ကျိုးထိုက်ကျူနှင့် စကားပြောနေသော်လည်း ပတ်ဝန်းကျင်မှာ လျှို့ဝှက်ဆန်းကြယ်မှုများ ဖြင့် ပြည့်နှက်နေသည်။

"မင်း ဒီနေရာကို ရောက်လာတာဟာ ကံတရားပဲ။ ငါ မင်းကို လက်သီးကျင့်စဉ်လေးတစ်ခု သင်ပေးမယ်၊ “ဖျက်ဆီးခြင်း မဟာနတ်ဘုရားလက်သီး”" ကျောက်စာတိုင်အတွင်းမှ ဆန်းကြယ်သော အတွေးစတစ်ခုသည် အလင်းတန်းအဖြစ် ထွက်ပေါ်လာပြီး ကျိုးထိုက် ကျူ၏ မှတ်ဉာဏ်အတွင်းသို့ တိုက်ရိုက် စီးဝင်သွားတော့သည်။

တစ်ချိန်တည်းမှာပင် ထိုမှတ်ဉာဏ် အစအနကို ကြည့်နေကြသော လူတိုင်းသည်လည်း “ဖျက်ဆီးခြင်း မဟာနတ်ဘုရားလက်သီး” ၏ ကျင့်စဉ်အဆင့်ဆင့်ကို ရှင်းလင်းစွာ ခံစား သိရှိလိုက်ကြရသည်။

"သိပ်မကြာခင်မှာပဲ... အရေးကြီးတဲ့ ပုဂ္ဂိုလ်တစ်ယောက်ဟာ ‘ဖန်ဟွမ် အသက်ဝိညာဉ်ဓား’ ကို ကိုင်ဆောင်ပြီး မဟာကမ္ဘာကြီးဆီကို ရောက်လာလိမ့်မယ်။ အဲဒီ ပုဂ္ဂိုလ်ဟာ မဟာကမ္ဘာ ကြီးကို အဆင့်ဆင့် သိမ်းပိုက်သွားလိမ့်မယ်။ မင်း ငါ့ရဲ့ “ဖျက်ဆီးခြင်း မဟာနတ်ဘုရား လက်သီး” ကို ရရှိပြီးတဲ့နောက် သူ့ကို သွားပြီး ကူညီလိုက်ပါ..."

တစ်ချိန်တည်းမှာပင် “မဟာဖျက်ဆီးခြင်း နတ်ဘုရားဘုရင်” ၏ လျှို့ဝှက်ဆန်းကြယ်သော အမှာစကားမှာလည်း ကျိုးထိုက်ကျူ၏ မှတ်ဉာဏ်ထဲသို့ ရောက်ရှိသွားသည်။

ထို့နောက် “အင်မော်တယ်ကျောက်စာတိုင်” တစ်ခုလုံး တုန်ခါလာပြီး အသံတစ်ခု ထွက်ပေါ်လာသည်။ ကျိုးထိုက်ကျူသည် ပတ်ဝန်းကျင်ရှိ ဟင်းလင်းပြင်ကြီး တုန်ခါသွားပြီး အလွှာလိုက် အလွှာလိုက် ကွဲအက်သွားသည်ကို ခံစားလိုက်ရ၏။ ကွဲအက်သွားသော ဟင်းလင်းပြင် စွမ်းအင်များသည် နက်မှောင်သော ဥမင်လိုဏ်ခေါင်းကြီးတစ်ခုအဖြစ် ပြောင်းလဲသွားသည်။ သူ၏ ခန္ဓာကိုယ်မှာ ထိန်းမရအောင် တုန်ခါသွားပြီး ထိုနက်မှောင် သော ဥမင်အတွင်းသို့ ကျဆင်းကာ ပျောက်ကွယ်သွားတော့သည်။

သူ ပြန်လည် ထွက်ပေါ်လာသောအခါတွင်မူ သူသည် ဟင်းလင်းပြင် လေဟာနယ်မုန်တိုင်း နယ်မြေအတွင်းသို့ ပြန်လည် ရောက်ရှိနေပြီ ဖြစ်သည်။

ဖျစ်…

ထိုမှတ်ဉာဏ်မှာ ထိုနေရာတွင်ပင် အဆုံးသတ်သွားခဲ့သည်။

...

"လေဟာနယ် ဖျက်ဆီးခြင်းအဆင့်၊ “မဟာဖျက်ဆီးခြင်း နတ်ဘုရားဘုရင်” အသုံးပြုသွား တဲ့ နတ်ဘုရားတန်ခိုး စွမ်းအားက ဒဏ္ဍာရီလာ “လေဟာနယ် ဖျက်ဆီးခြင်းအဆင့်” ပဲ ဖြစ်ရမယ်" ချီလင်က ပထမဆုံး စတင် ပြောလိုက်သည်။

"မှန်တယ်၊ အဲဒါဟာ “လေဟာနယ် ဖျက်ဆီးခြင်းအဆင့်” ရဲ့ ပုံသဏ္ဌာန်တစ်ခုပဲ၊" ဟုန်ယွိ က ဆိုသည်။ "“မဟာဖျက်ဆီးခြင်း နတ်ဘုရားဘုရင်” ဟာ တကယ့်ကို အစွမ်းထက်တဲ့ ကမ္ဘာဦးခေတ်က နတ်ဆိုးနတ်ဘုရားတစ်ပါးပဲ။ ဒါဟာ ကျောက်စာတိုင်ရဲ့ စွမ်းအားနဲ့ သူ့ရဲ့ စွမ်းအား ပေါင်းစပ်မှုလည်း ဖြစ်နိုင်တယ်။ ဒါပေမဲ့ သူသာ စွမ်းအားအပြည့် ရှိနေမယ်ဆိုရင် ‘ခုန်း’ ထက်တောင် ပိုပြီး သန်မာမှာ သေချာတယ်။"

"ကမ္ဘာဦး နတ်ဆိုးနတ်ဘုရားတွေရဲ့ ဘုရင်ဖြစ်တဲ့ “မဟာဖျက်ဆီးခြင်း နတ်ဘုရားဘုရင်” အကြောင်း ငါ နာမည်ပဲ ကြားဖူးတာ၊ ကိုယ်တိုင် မမြင်ဖူးဘူး" ချီလင်က ဆိုသည်။ "ဒါပေမဲ့ ဒီကျောက်စာတိုင်မှာ “မဟာဖျက်ဆီးခြင်း နတ်ဘုရားဘုရင်” ကို ပိတ်လှောင်ထားတယ် ဆိုရင်၊ “ကောင်းကင်လေနိုင်ငံ” က ကျောက်စာတိုင်မှာရော ဘယ်သူ့ကို ပိတ်လှောင်ထား မလဲ၊ နတ်ဘုရားဘုရင်ငါးပါးရဲ့ အကြီးအကဲဖြစ်တဲ့ “အင်မော်တယ် နတ်ဘုရားဘုရင်” လား။"

"ဘာပဲဖြစ်ဖြစ်၊ ငါတို့ဟာ “အင်မော်တယ် ကျောက်စာတိုင်” တစ်ခုရဲ့ ပုံပန်းသဏ္ဌာန်ကို မြင်တွေ့ခဲ့ရပြီ။ ချန်ပီယံမြို့စား လာခဲ့တဲ့ “ကောင်းကင်အပြင်ပနယ်မြေ” ကိုလည်း မြင်ခဲ့ရ ပြီ။ ဒါဟာ ကြီးမားတဲ့ အောင်မြင်မှုတစ်ခုပဲ။ ငါတို့ “နတ်ဘုရားလေနိုင်ငံ” ကို သွားတဲ့အခါ အဲဒီကျောက်စာတိုင်ကို သေချာပေါက် ရအောင် ယူရမယ်။ ဒီလို အရာမျိုးဟာ အရမ်းကို အစွမ်းထက်သလို အရမ်းလည်း အန္တရာယ် များလွန်းတယ်။"

ကြင်ယာတော်ယွမ်က ထိတ်လန့်စွာ ဆိုသည်။

"ကျိုးထိုက်ကျူဟာ တကယ့်ကို ထူးခြားတဲ့ အတွေ့အကြုံမျိုးကို ပိုင်ဆိုင်ခဲ့တာပဲ။ ဒါပေမဲ့ သူဟာ အဲဒီဂြိုဟ်ပေါ်ကို တိုက်ရိုက် မရောက်ခဲ့ဘဲ “မဟာဖျက်ဆီးခြင်း နတ်ဘုရားဘုရင်” နဲ့ တွေ့ခဲ့တာပေါ့။ နတ်ဘုရားဘုရင် ပြောသွားတဲ့ အရေးကြီးတဲ့ ပုဂ္ဂိုလ်ဆိုတာ ချန်ပီယံမြို့စား ကို ပြောတာပဲ။ ဒါပေမဲ့ လျှို့ဝှက်ချက်တွေက ပိုပြီး များလာသလိုပဲ..." ယွမ်ရှန်းရှန်းက မျက်မှောင်ကြုတ်ရင်း ပြောလိုက်သည်။ "သိတာတွေများလေ မသိတာတွေက ပိုများလာ လေဆို” ဆိုတဲ့ သဘောတရားကို ငါ အခုမှ နားလည်တော့တယ်။"

"ဟုန်ယွိ... ကျိုးထိုက်ကျူက အဲဒီဂြိုဟ်ဆီကို ဘယ်လို ရောက်သွားတာလဲ မင်း သိသလား။ သူ ရောက်နိုင်ရင် ငါတို့လည်း ရောက်နိုင်မှာပါ။ အဲဒီနေရာဟာ ချန်ပီယံမြို့စားရဲ့ လျှို့ဝှက် ချက်၊ “ကောင်းကင်အပြင်ပနယ်မြေ” ပဲ။ အဲဒီကမ္ဘာကို လျှော့တွက်လို့ မရဘူး" ရှဲ့ဝန်ယွမ် က ဆိုသည်။

"ကျိုးထိုက်ကျူက အချိန်နဲ့ ဟင်းလင်းပြင် ဥမင်လိုဏ်ခေါင်းထဲကို မတော်တဆ ဝင်မိသွား တာပါ။ လပေါင်းများစွာ ကြာပြီးနောက်မှာ ကြယ်စင်စုရဲ့ ဗဟိုကို မတော်တဆ ရောက်သွား တာ။ သေချာတာက “မဟာဖျက်ဆီးခြင်း နတ်ဘုရားဘုရင်” ရဲ့ အသိစိတ် လမ်းညွှန်မှု လည်း ပါလောက်တယ်။ အခု ငါတို့ ပြန်ရှာဖို့ဆိုတာ မဖြစ်နိုင်တော့ဘူး။ ပထမအချက်က ဥမင်လိုဏ်ခေါင်းက ပျောက်ကွယ်သွားပြီ။ ဒုတိယအချက်က ငါတို့မှာ အဲဒီလောက် အချိန် အများကြီး မရှိဘူး။ တတိယအချက်က နတ်ဘုရားဘုရင်ရဲ့ လမ်းညွှန်မှု မပါဘဲ ရှာတွေ့ဖို့ဆို တာ ပိုပြီး ခက်ခဲလိမ့်မယ်။" ဟုန်ယွိက ခေါင်းခါရင်း ပြောလိုက်သည်။

"ဒါဆိုရင်တော့ ငါတို့ ကြိုးစားအားထုတ်မူတွေ အချည်းနှီး ဖြစ်သွားရတာပေါ့။ ချန်ပီယံ မြို့စားရဲ့ ဇာတိမြေဆိုတာ တကယ့်ကို စိတ်ဝင်စားစရာ ကောင်းမှာ။ အဲဒီနေရာကို သွားပြီး လေ့လာကြည့်ချင်စမ်းပါဘိ။" ရွှေပင့်ကူက အော်ပြောလိုက်သည်။

"အဲလိုလည်း မဟုတ်သေးပါဘူး။ အဲဒီဂြိုဟ်ရဲ့ ပုံသဏ္ဌာန်ကို ငါ မှတ်သားထားပြီးပြီ။ ညဘက်မှာ ကောင်းကင်ယံကို ကြည့်ပြီး ‘ပြောင်းလဲခြင်းကျမ်း’ နဲ့ သေချာ တွက်ချက်မယ် ဆိုရင် အနည်းဆုံး တစ်နှစ်၊ အများဆုံး သုံးနှစ်အတွင်းမှာ အဲဒီဂြိုဟ်ရဲ့ တည်နေရာကို ငါ အတိအကျ သိနိုင်မှာပါ။ အဲဒီအခါကျရင် ငါ့ရဲ့ စိတ်ဝိညာဉ်ကို လွှတ်ပြီး အမှန်တရားကို ရှာဖွေနိုင်မှာပါ။"

ဟုန်ယွိ၏ လက်ချောင်းများမှာ အဆက်မပြတ် လှုပ်ရှားရင်း သေချာ တွက်ချက်နေသည်။

"အနည်းဆုံး တစ်နှစ်၊ အများဆုံး သုံးနှစ်... အချိန်က သိပ်မနည်းသလို သိပ်လည်း မများပါ ဘူး။ ထာဝရလျှို့ဝှက်ချက်တွေနဲ့ ယှဉ်ရင်တော့ ဒါဟာ ပုံမှန် တွက်ချက်မှု အချိန်ပါပဲ။ ဒါပေမဲ့ ‘ဧကရာဇ်ချန်းရှန်’ က ကျောက်စာတိုင် ငါးခုကို သန့်စင်ခဲ့တယ်ဆိုတော့၊ “နတ်ဘုရားလေ နိုင်ငံ” က တစ်ခုနဲ့ “မဟာဖျက်ဆီးခြင်း နတ်ဘုရားဘုရင်” က တစ်ခုဟာ သေချာပေါက် ဆက်စပ်နေမှာပဲ။ ငါတို့သာ “နတ်ဘုရားလေနိုင်ငံ” က ကျောက်စာတိုင်ကို ရလိုက်ရင် ချန်ပီယံမြို့စားရဲ့ ဇာတိမြေ လျှို့ဝှက်ချက်ကို မကြာခင် သိရပါလိမ့်မယ်။" ချန်ယင်းရှာက စဉ်းစားရင်း ပြောလိုက်သည်။ "ချန်ပီယံမြို့စားဟာ ကြီးမားတဲ့ ကံတရားနဲ့ မွေးဖွားလာသူ ပဲ။ မင်းသာ ပေါ်မလာခဲ့ရင် သူဟာ တကယ့်ကို လောကကြီးကို သိမ်းပိုက်သွားနိုင်တယ်။ “မဟာဖျက်ဆီးခြင်း နတ်ဘုရားဘုရင်” ရဲ့ ကျောက်စာတိုင်ကို ကြည့်ရတာ ဒီ “အင်မော်တယ် ကျောက်စာတိုင်” ငါးခုလုံးဟာ ချန်ပီယံမြို့စားအတွက် ပြင်ဆင်ထားတာ ဖြစ်ပုံရတယ်။ ကံကောင်းတာက မင်း သူ့ကို စောစော သတ်လိုက်လို့ပဲ။ မဟုတ်ရင် သူသာ ဒီငါးခုလုံးကို ရသွားရင် ‘ဖန်ဆင်းခြင်းသင်္ဘော’ ကိုတောင် ပြန်ပြီး ယှဉ်နိုင်မှာ။"

"ကျောက်စာတိုင် ငါးခုရဲ့ စွမ်းအားကို ကြည့်ပါ။ ငါးခုစလုံးပေါင်းစည်းလိုက်ရင် တကယ့်ကို ကြောက်စရာကောင်းမှာပဲ။" ဟုန်ယွိက ခေါင်းညိတ်လိုက်သည်။

"သွားကြစို့၊ ဒါဆိုလည်း “နတ်ဘုရားလေနိုင်ငံ” ကို သွားကြစို့။ အချိန်မဖြုန်းကြနဲ့တော့" မုကလေးက ဆိုသည်။

"မလောပါနဲ့ဦး။ စောစောသွားရင် ရန်သူကို သတိပေးသလို ဖြစ်လိမ့်မယ်။ နောက်ပြီး အခု အဲဒီကျောက်စာတိုင်က ဘယ်မှာရှိမှန်း ငါတို့ မသိသေးဘူး။ မင်းတို့ မှော်စွမ်းအားတွေ ပြန်ရပြီဆိုပေမဲ့ ဒဏ်ရာတွေက ရှိနေသေးတယ်။ နားယူပြီး စိတ်ဝိညာဉ်တွေကို တည်ငြိမ် အောင် အရင်လုပ်ကြပါ။ ပြန်သွားပြီးမှ အသေးစိတ် တိုင်ပင်ကြတာပေါ့။ အမှားအယွင်း မရှိ အောင် စီစဉ်ရမယ်" ဟုန်ယွိက တည်ငြိမ်စွာ ပြောလိုက်သည်။ "ဒါ့အပြင် တာအိုဘိုးဘေး သုံးဦး ဘယ်မှာ အခြေချနေလဲဆိုတာကိုလည်း ငါ ရှာဖို့ လိုသေးတယ်။"

"ကောင်းပါပြီ၊ ဒါဆို ပြန်ကြတာပေါ့။ ဟုန်ယွိ... ဒီတိုက်ပွဲကြီး ပြီးတဲ့နောက်ပိုင်း ဒီလောက မှာ မင်းကို သတ်နိုင်တဲ့သူ မရှိတော့ဘူး။ ဒီသတင်းကို ဖြန့်လိုက်ရမလား။" ရှဲ့ဝန်ယွမ်က မေးလိုက်သည်။

"ဖြန့်ရမှာပေါ့၊ ဒါပေမဲ့ အများကြီးတော့ မဟုတ်ဘူး။ ငါ “ဖန်ဆင်းရှင်” အဆင့် ရောက်သွားပြီ ဆိုတဲ့ အချက်ကိုပဲ ဖြန့်လိုက်ပါ။ သိတဲ့သူတွေကတော့ အလိုလို သိသွားကြမှာပါ။" ဟုန်ယွိ က စကားပြောရင်း “သူတော်စင်ပေါင်းစုံခန်းမ” ကို လှုံ့ဆော်ကာ ကြယ်စုတန်း၏ အစွန်းမှ ထွက်ခွာခဲ့တော့သည်။

...

"ဘာ… ဒီလို အခြေအနေမျိုးမှာတောင် ဟုန်ယွိက မသေဘဲ လွတ်သွားတာလား။ ဒါ အစစ်အမှန်လား၊ အတုယောင်လား။"

နတ်ဘုရားဘိုးဘေးတောင်တန်း၏ အနက်ရှိုင်းဆုံး နေရာရှိ လျှို့ဝှက်အခန်းတစ်ခုအတွင်း၌ ထန်ဟိုင်လုံသည် ထိုင်ခုံသုံးလုံး၏ ရှေ့တွင် ရပ်နေရင်း၊ တာအိုဘိုးဘေး သုံးဦးဖြစ်သော ချန်းရှင်းကျိ၊ ယင်ယွင်ကျိနှင့် လျန်ယွင်ကျိတို့ကို ထိတ်လန့်တကြား မေးလိုက်သည်။

"မှန်တယ်၊ သူဟာ တကယ့်ကို အရင်က မကြုံဖူးလောက်အောင် အစွမ်းထက်သူပဲ။ သူဟာ အချိန်တိုအတွင်းမှာပဲ အားနည်းတဲ့ အချိန်ကာလမရှိဘဲ “ဖန်ဆင်းရှင်” ဖြစ်သွားခဲ့တယ်။ ငါ့အထင်တော့ သူသာ အားနည်းတဲ့ အချိန်ကို ဂရုမစိုက်ဘူးဆိုရင် မိုးကြိုးကပ်ဘေး ရှစ်ကြိမ်၊ ကိုးကြိမ်အထိတောင် တိုက်ရိုက် ကျော်ဖြတ်နိုင်မှာ။"

ချန်းရှင်းကျိသည် သူ၏လက်ထဲရှိ ကျောက်စိမ်းလိပ်ကို ကိုင်ထားသည်။ စိမ်းဖန့်ဖန့် ကျောက်စိမ်းပေါ်တွင် အနီရောင်နှင့် ကြေးရောင်စာလုံးများဖြင့် ရေးသားထားသည်။ သူသည် ထိုစာအုပ်ကို ဘယ်သောအခါမျှ လက်မှ မချပေ။ ၎င်းမှာ ‘ပြောင်းလဲခြင်းကျမ်း’ ပင် ဖြစ်သည်။

သူ့နည်းတူ ယင်ယွင်ကျိနှင့် လျန်ယွင်ကျိတို့သည်လည်း ‘ပြောင်းလဲခြင်းကျမ်း’ ကို တစ်ယောက် တစ်စောင်စီ ကိုင်ထားကြသည်။ ၎င်းတို့မှာ သူတို့ကိုယ်တိုင် တစ်လုံးချင်း ကူးယူထားသော ကျောက်စိမ်းလိပ်များ ဖြစ်ကြသည်။ သူတို့သည် နေ့တိုင်း ထိုစာအုပ်ကို ဖတ်ရှုလေ့လာပြီး သူတို့၏ ကိုယ်ပိုင်အမြင်များကို ရှာဖွေနေကြခြင်း ဖြစ်သည်။

"ငါတို့ရဲ့ ဒီတစ်ခေါက် အစီအစဉ်က ရှုံးနိမ့်သွားခဲ့ရပြီ၊ နောက်ပြီး အဲဒီလူနဲ့ ရန်သူတွေ ဖြစ်သွားခဲ့ပြီ။ သူ့ရဲ့နတ်ဘုရားပညာရပ်တွေနဲ့ဆိုရင် သူ သေချာပေါက် လက်စားချေလိမ့် မယ်။ ငါတို့ နတ်ဘုရားပညာရပ်တွေကို မြန်မြန် နားလည်အောင် လုပ်ပြီး၊ ခုနစ်ကြိမ် မြောက် မိုးကြိုးကပ်ဘေးကို ကျော်ဖြတ်ရမယ်။ ငါတို့ သုံးယောက်လုံး “ဖန်ဆင်းရှင်” တွေ ဖြစ်လာမှပဲ ဘယ်သူ့ကိုမှ ကြောက်နေစရာ မလိုတော့မှာ။" လျန်ယွင်ကျိက ဆိုသည်။

"ဟုန်ယွိရဲ့ လက်စားချေမှုကိုတော့ စိတ်ပူစရာ မလိုဘူးလို့ ငါ ထင်တယ်။ သူဟာ ကျိန့်ချိနဲ့ အကျင့်စာရိတ္တချင်း တူတယ်။ သူတို့နှစ်ယောက်လုံးဟာ ရန်ငြိုးကို ကျေးဇူးတရားနဲ့ တုံ့ပြန် တတ်ကြသူတွေပဲ။ ကျိန့်ချိဟာ သူ့ကို လုပ်ကြံတဲ့သူတွေကို အကြိမ်ကြိမ် လွှတ်ပေးခဲ့ဖူး တယ်။ ငါတို့က အမှန်တရားလမ်းစဉ်က လူတွေပဲ။ ဟုန်ယွိက သူ့ကိုယ်သူ ပညာရှင် သူတော်စင်တစ်ဦးလို့ သတ်မှတ်ထားတာဆိုတော့ သူဟာ ရက်ရက်စက်စက် လုပ်မှာ မဟုတ်ပါဘူး။ သူ့ကို ဂရုစိုက်နေမယ့်အစား ဧကရာဇ် ယန်ဖန်နဲ့ ဟုန်ရွှန်ကျိတို့ကိုပဲ သတိထားရမှာ။" ယင်ယွင်ကျိက ဆိုသည်။

"ယောက္ခမ... ခင်ဗျား မှားနေပြီ။ ဟုန်ယွိဟာ ကျေးဇူးတရားနဲ့ တုံ့ပြန်မယ့်သူ မဟုတ်ဘူး။ သူက ပြတ်သားတဲ့လူ၊ ရန်ငြိုးရှိရင် လက်စားချေတတ်တဲ့လူမျိုးပဲ။ သူ့ရဲ့ ညီအစ်ကို အရင်းတွေကိုတောင် သူ အလွတ်မပေးခဲ့ဘူး။ သူက ရက်စက်တယ်၊ ‘ကျိန့်ချိကျိ’နဲ့တော့ လုံးဝ မနှိုင်းယှဉ်ပါနဲ့။ သူဟာ သူ့ရန်သူတွေကို ဘယ်တော့မှ အလွတ်ပေးမှာ မဟုတ်ဘူး" ထန်ဟိုင်လုံက ယင်ယွင်ကျိ၏ စကားကို ကြားသောအခါ အမြန် သတိပေးလိုက်သည်။

ဤစကားများအရ ထန်ဟိုင်လုံက ဟုန်ယွိ၏ အကျင့်စရိုက်ကို အလွန်ပင် နားလည်ထား ကြောင်း ပြသနေသည်။

"အော်... သူနဲ့ ကျိန့်ချိက လမ်းစဉ်ချင်း မတူဘူးပေါ့... သူတို့နှစ်ယောက်လုံး မဟာပညာရှင် တွေ ဖြစ်ပေမဲ့ အကျင့်ချင်း မတူကြဘူးလား။" ယင်ယွင်ကျိက မျက်မှောင်ကြုတ်လိုက် သည်။

"ဟိုင်လုံ... မင်းမှာ အကြံအစည်တွေ အများကြီး ရှိတာပဲ။ ပြောပါဦး၊ မင်းမှာ ဘာအစီအစဉ် ရှိလဲ။" လျန်ယွင်ကျိက ရုတ်တရက် မေးလိုက်သည်။

"မကြာသေးခင်ကမှ “နတ်ဘုရားလေနိုင်ငံ” မှာ လူငယ်ပညာရှင်တွေ အများကြီး စုဝေးပြီး မက်မွန်နတ်ဘုရားဂိုဏ်းရဲ့ ဂိုဏ်းချုပ်နေရာအတွက် ပြိုင်ပွဲတစ်ခု လုပ်ကြတော့မယ်။ ဒီပြိုင်ပွဲက သာမန် မဟုတ်ဘူး။ “နတ်ဘုရားလေနိုင်ငံ” မှာ လူဦးရေ အများကြီး ရှိသလို၊ အဲဒီလူတွေဟာ သူတို့ရဲ့ အစွမ်းတွေကို ဝှက်ထားကြတယ်။ သူတို့ဟာ ကျေးကျွန်တွေကို ရောင်းဝယ်ကြတယ်၊ လူသားတွေကို စားသုံးကြတယ်၊ စည်းစိမ်တွေကို စုဆောင်းကြတယ်။ နိုင်ငံရဲ့အင်အားက ပိုပြီး ကြီးထွားလာနေပြီး လူဦးရေက သန်းရာနဲ့ချီ ရှိနေပြီ။ အဲဒီနေရာ ဟာ အခြေချဖို့ အကောင်းဆုံး နေရာပဲ၊ အခု အလယ်ပိုင်း ကောင်းကင်နိုင်ငံဒေသကို အထက်တန်းလွှာ မိသားစုကြီးတွေ၊ အကယ်ဒမီတွေနဲ့ နန်းတော်က သိမ်းပိုက်ထားကြပြီ။ အဖေ၊ ယောက္ခမနဲ့ ဆရာ... ခင်ဗျားတို့ အခြေခံအုတ်မြစ်ကို ခိုင်ခိုင်မာမာ တည်ဆောက်ချင် ရင် “ကောင်းကင်လေနိုင်ငံ” ဟာ အကောင်းဆုံး နေရာပါပဲ။"

ထန်ဟိုင်လုံက ပြောလိုက်သည်။

"မင်းရဲ့ အစီအစဉ်က ဘာလဲ။" ချန်းရှင်းကျိက မေးလိုက်သည်။

"သေချာပေါက် သူတို့နေရာကို အစားထိုးယူဖို့ပေါ့။ ဟုန်ယွိလည်း “နတ်ဘုရားလေနိုင်ငံ” ကို မျက်စိကျနေတယ်လို့ ကျွန်တော် ကြားထားတယ်။ သူဟာ ချန်ယင်းရှာကို လွှတ်ပြီး ကျန်းနန်မင်းသမီး လော်ယွင်နဲ့ မိတ်ဆွေဖွဲ့ခိုင်းထားတယ်။ သူမကို ဂိုဏ်းချုပ်နေရာ ရအောင် ကူညီပြီး ဘာသာရေးနဲ့ နိုင်ငံရေးကို ထိန်းချုပ်ဖို့ ကြိုးစားနေတာ။ ကျွန်တော်တို့က အရင်ဦးအောင် လှုပ်ရှားရမယ်" ထန်ဟိုင်လုံက နက်နဲသော အကြံအစည်တစ်ခု ရှိနေသကဲ့ သို့ ပြုံးလိုက်သည်။

"မက်မွန်နတ်ဘုရားဂိုဏ်း ပြိုင်ပွဲက ဘယ်တော့လဲ။ ဘယ်မှာလဲ။ မင်း ရှာတွေ့ပြီလား။" ယင်ယွင်ကျိက မေးလိုက်သည်။

"ဒါဟာ “နတ်ဘုရားလေနိုင်ငံ” ရဲ့ အထူး လျှို့ဝှက်ချက်ပါ။ ဒါပေမဲ့ မကြာခင်မှာပဲ ကျွန်တော် ရှာတွေ့ပါလိမ့်မယ်။"

ထန်ဟိုင်လုံက ယုံကြည်ချက် အပြည့်ဖြင့် ပြောလိုက်ပါသည်။

စာစဉ် (၅၈) ပြီးပါပြီ။

ဘာသာပြန်သူ နေဇင်။