အခန်း ၁၁၅၆

အခန်း (၁၁၅၆) အရင်ဆုံး ငါ့ရဲ့ကပ်ဘေးကို ကျော်ဖြတ်လိုက်စမ်း

ဘုန်း

လက်တစ်ထောင် ဗောဓိသတ္တ လေထဲတွင် လွင့်မျောနေသောကြာပန်းပလ္လင်ပေါ်၌ရပ်နေပြီး၊ သူ၏ လက်ဖဝါးနှစ်ဖက်ကိုဖြည်းညှင်းစွာ ပူးကပ်လိုက်သည်။

မျက်တောင်တစ်ခတ်အတွင်း ကောင်းကင်ယံတွင် လူးလွန့်နေသောအလင်းရောင်များ ပြည့်နှက်သွားပြီး တဖြည်းဖြည်းပုံသဏ္ဌာန်တစ်ခုအဖြစ် ပေါ်လွင်လာခဲ့၏။

၎င်းတို့င နှိုင်းယှဉ်၍မရနိုင်လောက်အောင် ကြီးမားလှသော ပုံရိပ်ယောင်ကြီးတစ်ခုအဖြစ် စုစည်းသွားကာ၊ ထောင်ပေါင်းများစွာသော လက်မောင်းများကို အထက်သို့မြှောက်ထားသည်။ ထိုကဲ့သို့ ဧရာမ ပုံရိပ်ကြီး၏ရှေ့တွင်တောင်တစ်လုံးကဲ့သို့ မြင့်မားလှသော အာဟတ်ရွှေရောင်ခန္ဓာကိုယ်က ထိုပုံရိပ်ယောင်၏ လက်ဖဝါးအရွယ်အစားခန့်သာ ရှိတော့သည်။

တိုက်ကြီးလေးခုအတွင်း လှုပ်ရှားမှုပြုလုပ်ရာတွင် နတ်ဘုရားမင်းဆက်၏အာရုံစိုက်မှုကို မဆွဲဆောင်မိစေရန် သတိထားရပါလိမ့်မည်။

သို့သော် လက်တစ်ထောင် ဗောဓိသတ္တက သူ၏ဓမ္မခန္ဓာကိုယ်အား ချက်ချင်းထုတ်ဖော်လိုက်ပြီး၊ သတ်ဖြတ်လိုသောရည်ရွယ်ချက်ကို ရှင်းလင်းစွာ ပြသကာ ဤအခိုက်အတန့်တွင် သူ၏ကြီးမားလှသော ဒေါသကို ဖော်ပြနေခဲ့ပါသည်။

အစောပိုင်းက ရှန်းယီကိုလူကြီးမင်း ဟု ခေါ်ဝေါ်သုံးနှုန်းခဲ့ခြင်းမှာလည်း လှောင်ပြောင်သရော်မှုများ ပါဝင်နေခဲ့ခြင်း ဖြစ်သည်။

အင်ပါယာခုံရုံးပ သာမန်သေမျိုးများ၏ခုံရုံးဖြစ်သော်လည်း၊ နတ်ဘုရားများနှင့် ဗုဒ္ဓများ၏ရှေ့တွင်မူ ၎င်းက သူတို့အတွက် သေမျိုးလောကကို စီမံခန့်ခွဲပေးနေသော အစေခံတစ်ဦးမျှသာဖြစ်သည်။

သာမန် အစေခံတစ်ဦးက ဤကဲ့သို့မောက်မာသော အမူအရာမျိုးကို မည်သို့ရဲတင်းစွာပြသရဲသနည်း ဟု တွေးစရာပင်။

လက်တစ်ထောင် ဗောဓိသတ္တက အောက်ဘက်သို့ အေးစက်စွာ စိုက်ကြည့်လိုက်၏။

အနက်ရောင်ဝတ်ရုံနှင့် လူငယ်ရ ထွက်ပြေးရန် ရည်ရွယ်ချက်အနည်းငယ်မျှမရှိဘဲ တည်ငြိမ်စွာ ရပ်နေပြီး၊ သူ၏လက်ချောင်းများကြားတွင် ရွှေရောင်ကျောက်စိမ်းပြားတစ်ခုကို ကိုင်ဆောင်ကာ လက်ကိုဆန့်ထုတ်လိုက်သည်ကို သူ မြင်တွေ့လိုက်ရပါသည်။

ဗောဓိသတ္တ တစ်ပါး၏အမြင်အာရုံဖြင့် ဤပစ္စည်း၏အရေးပါမှုကို နားလည်ရန် အခိုက်အတန့်လေးသာကြာမြင့်ခဲ့၏။

"ရိုင်းစိုင်းတဲ့ ရည်မှန်းချက်တွေရှိတဲ့ဝံပုလွေတစ်ကောင်ပဲ၊အရမ်းကို သိသာလွန်းတယ်" နတ်ဘုရားမင်းဆက်က မသေမျိုးတံဆိပ်တစ်ခုကို လျှို့ဝှက်စွာဖန်တီးရန် ဧကရာဇ်ချီကို အမှန်တကယ် အသုံးပြုနေခဲ့ခြင်းဖြစ်သည်။

သူသည် မျက်ခုံးတစ်ဖက်ပင့်လိုက်ပြီး ဤကောင်လေး၏ယုံကြည်မှုမြစ်ဖျားခံရာကို နောက်ဆုံးတွင် နားလည်သွားခဲ့ပါသည်။

ရုတ်တရက်ရရှိလာသော စွမ်းအားက လူတစ်ဦးကို မလွဲမသွေမောက်မာသွားစေပါလိမ့်မည်။

သို့သော် သာမန်သေမျိုးများက သူတို့၏ကိုယ်ပိုင် ကျင့်ကြံခြင်းနှင့် ပြင်ပအရာဝတ္ထုများ ကြားရှိ ကြီးမားလှသောကွာခြားချက်ကို မည်သို့ နားလည်နိုင်မည်နည်း။

မသေမျိုးတံဆိပ်တစ်ခုကို ပိုင်ဆိုင်ထားရုံဖြင့် အစစ်အမှန် တာ့လော်မသေမျိုးအရှင်တစ်ပါး ဖြစ်လာသည်ဟု သူတို့အမှန်တကယ်ထင်နေကြသည်လော။

ထို့ပြင် ၎င်းက သုံးနဲ့သုံးအသွင်ပြောင်းခြင်း အဆင့်တွင်သာ သီသီလေးရှိနေသေးပြီး သူ့အဆင့်နှင့်များစွာ ကွာဝေးနေသေးသည်။

"ညစ်ပတ်နေတဲ့သားရဲတွင်းကြီးပါလား၊ ဟိုးအဝေးကြီးကနေလာပြီး ဟိုဝံပုလွေအိုကြီးဆီမှာ ခိုလှုံဖို့ ကြိုးစားနေတဲ့ မင်းလို ဝံပုလွေပေါက်စလေးနဲ့ဆိုတော့ကွက်တိပဲ၊ အချိုစားရတာကိုပဲ မှတ်မိပြီး အရိုက်ခံရတာကိုမေ့နေတဲ့ သတ္တဝါတွေချည်းပဲ"

လက်တစ်ထောင် ဗောဓိသတ္တ လှောင်ပြောင်လိုက်ပြီး လက်ဟန်တစ်ခုကိုဖန်တီးလိုက်၏။

နောက်တစ်ခဏတွင် ကောင်းကင်ကို နေရာယူထားသော ဧရာမပုံရိပ်ယောင်ကြီးက ရုတ်တရက် ငုံ့လာပြီး၊ထောင်ပေါင်းများစွာသော လက်မောင်းများကကောင်းကင်ကန့်လန့်ကာမှကျဆင်းလာသည့် အဆုံးအစမဲ့တောင်တန်းများကဲ့သို့ ပြင်းထန်စွာ ကျဆင်းလာခဲ့သည်။

ဤကဲ့သို့ ကြောက်မက်ဖွယ်ကောင်းသော တိုက်ခိုက်မှုကိုရင်ဆိုင်ရချိန်တွင်..

ရှန်းယီ သူ၏အကြည့်ကို အနည်းငယ်ပင့်လိုက်ရာ၊ သူ၏ရှင်းလင်းသောမျက်လုံးများတွင် ထိတ်လန့်မှု အရိပ်အယောင်အနည်းငယ်မျှရှိမနေခဲ့ပေ။

အစောပိုင်းက အင်ပါယာမြို့တော်တွင် ရှိစဉ်က၊ သခင်ကြီးယန်က တာ့လော် မသေမျိုးတစ်ပါးအဖြစ် သုံးနဲ့သုံးအသွင်ပြောင်းခြင်းကိုပြီးမြောက်ခဲ့ကြောင်း စစ်သူကြီး ဖုန်းရှီ ပြောပြသည်ကို သူ ကြားသိခဲ့ရသည်။

အနောက်တောင်စီရင်စု ရှိ စီရင်စုတစ်ခု၏ဧကရာဇ်ချီ ဖိနှိပ်မှုကိုအားကိုးကာ၊ သူက လက်တစ်ထောင် ဗောဓိသတ္တ နှင့် နှစ်ဦးနှစ်ဖက်ထိခိုက်စေမည့် တိုက်ပွဲတစ်ခုကို မနည်းဆင်နွှဲနိုင်ခဲ့ခြင်း ဖြစ်သည်။

ယခု ကြည့်ရသည်မှာ၊ တိုက်ခိုက်မှုက အန္တရာယ်ကြီးပြီးကြောက်မက်ဖွယ်ကောင်းပုံ ရသော်လည်း၊ ၎င်းက နောက်ထပ်အသွင်ပြောင်းခြင်းအဆင့်သို့ သေချာပေါက် မရောက်ရှိသေးပေ။

ဒေသတွင်းဧကရာဇ်ချီက စီရင်စုမြို့တော်ရှိ ဧကရာဇ်ချီကဲ့သို့ မအားကောင်းသကဲ့သို့၊ ဖိနှိပ်မှုကို လှုံ့ဆော်ရန် စီရင်စုသခင်တစ်ဦး၏အကူအညီ ကင်းမဲ့နေသော်လည်း၊ ပြိုင်ဘက်၏စွမ်းအားအချို့ကို မနည်းထိန်းချုပ်နိုင်ပါသေးသည်။

သူ၏လက်ထဲတွင်လည်း နတ်ဆိုးသုတ်သင်ရေး အမိန့်ပြားရှိနေသေး၏။

ရှန်းယီက သူ၏လက်ဖဝါးထဲရှိ ရွှေရောင် ကျောက်စိမ်းပြားကို တစ်ချက် ကြည့်လိုက်ပြီး၊ သူ၏လက်ချောင်းငါးချောင်းကို ဖြည်းညှင်းစွာဆုပ်ကိုင်လိုက်သည်။

ချက်ချင်းပင် တူညီသောအလင်းရောင်က သူ၏အနောက်မှနေ၍ ထွက်ပေါ်လာပြီး၊ ပေတစ်ထောင်ခန့်ကျယ်ဝန်းသော ဗုဒ္ဓအလင်းရောင်အဖြစ်သို့ ပြောင်းလဲကာဖြန့်ကျက်သွားခဲ့၏။

တူညီစွာကျယ်ပြန့်လှသော ပုံရိပ်ယောင်ကြီးတစ်ခုက အချိန်ကြာမြင့်စွာအိပ်မောကျနေသော ကျားတစ်ကောင်ကဲ့သို့ မြေကြီးထဲမှနေ၍ရုတ်တရက် ခုန်ထွက်လာပြီး၊ ကောင်းကင်ယံဆီသို့ တည့်တည့် ထိုးတက်သွားခဲ့သည်။

မျက်တောင်တစ်ခတ်အတွင်း အချိန်များရပ်တန့်သွားခဲ့၏။

ပြီးပြည့်စုံသောကြွက်သားများနှင့် လက်မောင်းခြောက်ဖက်က ပြုတ်ကျလာသော တောင်တန်းများကို ခိုင်မြဲစွာဖမ်းဆုပ်လိုက်ပါသည်။

အချိန်ခေတ္တအကြာတွင် နားကွဲမတတ် ဟိန်းဟောက်သံကြီးရုတ်တရက် ထွက်ပေါ်လာခဲ့၏။

နတ်ဆိုးများနှင့် နတ်ဘုရားများကဲ့သို့ ဧရာမပုံရိပ်ယောင်ကြီးနှစ်ခုက လေထဲတွင် အသေအလဲ ရင်ဆိုင်နေကြ၏။

အထက်တွင် လက်တစ်ထောင်ဗောဓိသတ္တက လွှမ်းမိုးနိုင်သော အရှိန်အဝါဖြင့် ရပ်တည်နေပြီး၊ အောက်ဘက်တွင်မူ ထိုပုံရိပ်က မြေပြင်ပေါ်တွင် ရပ်တည်ကာ ထူထပ်သောအဝါရောင်တိမ်တိုက်တစ်ခုကို ထုတ်လွှတ်နေခဲ့၏။

"မင်း" လက်တစ်ထောင် ဗောဓိသတ္တက ပုံရိပ်ယောင်၏အလယ်ဗဟိုတွင် လွင့်မျောနေပြီး အောက်ဘက်ရှိလူငယ်ကို တည့်တည့် စိုက်ကြည့်နေခဲ့သည်။

ရှန်းယီထံမှထွက်ပေါ်နေသော ဗုဒ္ဓအလင်းရောင် ကို မြင်တွေ့လိုက်ရသောအခါ၊ သူ၏မျက်နှာအမူအရာသည် တဖြည်းဖြည်းသစ်သားကဲ့သို့ တောင့်တင်းသွားခဲ့သည်။

"မင်းက ဘာလို့ ဗောဓိသတ္တအသီးအပွင့်ကို ပိုင်ဆိုင်ထားရတာလဲ"

မဟာကျမ်းစာကို ခိုးယူခြင်းဖြစ်စေ၊ သို့မဟုတ် ဗောဓိသတ္တက တရားဟောကြားခြင်းဖြစ်စေ၊ ၎င်းတို့က နတ်ဘုရားမင်းဆက်အတွင်း ဆူပူအုံကြွမှုများဖြစ်ပေါ်စေရန် ဂိုဏ်းက တမင်တကာ လုပ်ဆောင်ချက်များသာဖြစ်သည်။

ထို့ကြောင့် အားလုံးကို စတုတ္ထအဆင့် နှင့် အောက် အမျိုးအစားများတွင်သာ ကန့်သတ်ထားခဲ့ခြင်း ဖြစ်သည်။

တတိယအဆင့်အထက်ရှိ မဟာကျမ်းစာများနှင့် ပတ်သက်၍မူ ၎င်းတို့က ဖြန့်ဝေခြင်းမရှိသော လျှို့ဝှက်ချက်များသာဖြစ်သည်။

တစ်ဖက်လူအနေဖြင့် ဗောဓိသတ္တအသီးအပွင့်မဟာကျမ်းစာကို ရရှိနိုင်သည့် တစ်ခုတည်းသော လမ်းကြောင်းမှာ ယခင်ကပို့ဆောင်ခဲ့သော ဝိညာဉ်စွမ်းအား အကာအကွယ်ကျမ်းစာမှတစ်ဆင့်သာ ဖြစ်နိုင်သည်။

သို့သော် ၎င်းက မပြည့်စုံသောကျမ်းစာတစ်ခုဖြစ်ကြောင်း ရှင်းလင်းလှပါသည်။

၎င်းတွင် တာအိုအကာအကွယ်စွမ်းအား နှင့် သက်ဆိုင်သော ကောင်းကင်တာအိုမူလရင်းပြစ် အချို့နှင့် ပတ်သက်သည့် အရေးအကြီးဆုံး အစိတ်အပိုင်း ကင်းမဲ့နေခဲ့သည်။

"..."

ရှန်းယီကလည်း ပုံရိပ်ယောင်အတွင်း၌ ရပ်နေပြီး မည်သည့် တုံ့ပြန်မှုမျှမပြုလုပ်ဘဲ သူ၏လက်ထဲရှိ နတ်ဆိုးသုတ်သင်ရေးအမိန့်ပြားအပေါ်သို့သာ အာရုံစိုက်နေခဲ့သည်။

လက်မောင်းခြောက်ဖက် နှင့် ပုံရိပ်ယောင်က ဖြည်းညှင်းစွာမတ်တပ်ရပ်လာပြီး၊ လက်တစ်ထောင်ပုံရိပ်ယောင်ကြီးကို အထက်သို့ တစ်စတစ်စ အတင်းအကျပ်တွန်းတင်လိုက်၏။

ဗောဓိသတ္တ နှစ်ပါးစလုံးက ဝိညာဉ်စွမ်းအား အကာအကွယ်ကျမ်းစာ မှ ဆင်းသက်လာခြင်းဖြစ်ပြီး တူညီသောမူလရင်းမြစ်ကို ကိုင်စွဲထားကြ၏။

အသွင်အပြင်အနည်းငယ်ကွဲပြားသည်မှလွဲ၍ ၎င်းက တပည့်လုပ်ဖော်ကိုင်ဖက်များဖြစ်ခြင်းထက် ပိုမိုနက်ရှိုင်းကာ သူတို့ကတူညီသော လမ်းစဉ်ကို လျှောက်လှမ်းနေကြခြင်းပင်။

"ဒါဆို ငါကိုယ်တိုင် ဖြစ်နေခဲ့တာပေါ့" လက်တစ်ထောင် ဗောဓိသတ္တက တီးတိုးရေရွတ်လိုက်ပြီး အသံမှာ တည်ငြိမ်နေပုံရသော်လည်း သူ၏မျက်နှာသွင်ပြင်က တဖြည်းဖြည်းတွန့်လိမ်သွားခဲ့၏။

ရှန်းယီက မူလရင်းမြစ်ကို မည်သို့ ရှာဖွေနိုင်ခဲ့ကြောင်းကို သူမသိသော်လည်း၊ တစ်ဖက်လူက သူ့ကို အတုယူကာ သူ၏နောက်ကွယ်မှ တစ်ဆင့်ပြီးတစ်ဆင့်လိုက်ပါလာခဲ့ကြောင်းကို သူ မြင်တွေ့နိုင်ခဲ့သည်။

အကြောင်းရင်းမှာ သူချီးမြှင့်ထားသော ထို ရွှေရောင်ချည်မျှင်အစအနလေးတွင် တည်ရှိနေလောက်ပါသည်။

သူ ကိုယ်တိုင်ကိုယ်ကျတပ်ဆင်ပေးခဲ့သော ခွေးလည်ပတ်ကြိုးက နောက်ဆုံးတွင် ဤသားရဲကို တတိယအဆင့်သို့ တက်လှမ်းနိုင်ရန် လမ်းပြပေးလိုက်သကဲ့သို့ဖြစ်သွားခဲ့၏။

"ဒါက ငါ့ရဲ့အမှားဆိုတော့ ငါကိုယ်တိုင်ပဲပြင်ဆင်ရမှာပေါ့" လက်တစ်ထောင် ဗောဓိသတ္တ လက်ဟန်များကိုအဆက်မပြတ်ဖန်တီးလိုက်ရာ၊ အထက်ရှိ ပုံရိပ်ယောင်ကြီးက ရုတ်တရက်တုန်ခါသွားပြီး ထောင်ပေါင်းများစွာသော ဧရာမလက်မောင်းကြီးများကပြင်းထန်သော မုန်တိုင်းတစ်ခုကဲ့သို့ ကျဆင်းလာကာခြိမ်းခြောက်မှု အပြည့်နှင့် ရက်စက်ကြမ်းကြုတ်စွာသောင်းကျန်းနေခဲ့သည်။

ဘုန်း...ဘုန်း

သူ၏ခြေအောက်ရှိ မြေကြီးက တဖြည်းဖြည်း အက်ကွဲသွားသော်လည်း၊ ရှန်းယီလှုပ်ရှားခြင်းမရှိဘဲ တိုက်ခိုက်မှုများကို ခုခံရန်ဗောဓိသတ္တအသီးအပွင့်ကိုသာ အားကိုးနေခဲ့၏။

ဤကဲ့သို့သော ယှဉ်ပြိုင်မှုပုံစံကို တိုက်ရိုက်ထိပ်တိုက်ရင်ဆိုင်ခြင်းများကိုနှစ်သက်မှုကြောင့် လူသိများသောဗောဓိဂိုဏ်း အတွင်း၌ပင်လျှင် မိုက်မဲသည်ဟုယူဆထားသည်။

နည်းစနစ်ကိုအလေးထားမှု မရှိဘဲ ကပ်ဘေးစွမ်းအားဖြင့် ရိုးရှင်းစွာထိပ်တိုက်တွေ့နေခြင်းသာ ဖြစ်သည်။

"မင်းရဲ့အခြေခံအုတ်မြစ်နဲ့ ငါ့ရဲ့ ငါးနဲ့သုံး အရေအတွက်ကို ကျော်လွန်နိုင်မယ်လို့ မင်း ထင်နေတာလား"