အခန်း ၁၇၉၂

အခန်း (၁၇၉၂ )

ဝိညာဉ်ညှို့ဓာတ် သဟဇာတကျမ်းစာ

ရင်းနှီးသော ထိတွေ့မှုများ ရှိပြီးနောက် လုချန်း၏ အခွင့်အရေးယူမှုကို ယွမ်ယုတိ သိမြင်သွားလျှင် သူမ၏ ဒေါသများ ဝုန်းခနဲ မြင့်တက်လာခဲ့၏။

ဤလူယုတ်မာက စည်းကျော်လာခဲ့ပေပြီ။

နတ်စွမ်းအားဖြင့် ယွမ်ယုတိ၏ အာရုံခံစားမှု ချိပ်ပိတ်ထားခြင်းကို ဖောက်ထွင်းရန် ဖီးနစ်တစ်ရာ ဂါရဝပြုကျင့်စဉ်ကို လုချန်း စတင် အသုံးပြုလိုက်သည်။

သူမ ဤကဲ့သို့ လှည့်ကွက်မျိုးကို ဆက်လက် အသုံးပြုနေသည်ကို သူ မလိုလားပေ။ ယွမ်ယုတိသာ သူမ၏ အာရုံများကို ချိပ်ပိတ်ထားပါက ဤကိစ္စ အလွန်ပင် ပျင်းရိဖွယ် ကောင်းနေပေလိမ့်မည်။

သို့သော် ဖီးနစ်တစ်ရာ ဂါရဝပြုကျင့်စဉ်ကို လုချန်း အသုံးပြုနေသော်လည်း ယွမ်ယုတိအား မည်သို့မှ သက်ရောက်မှု မရှိသည်ကို တွေ့လိုက်ရသဖြင့် သူ အနည်းငယ် ဇဝေဇဝါ ဖြစ်သွားခဲ့၏။

ဘာကြောင့်များပါလိမ့်.....

ယွမ်ယုတိအပေါ် ဖီးနစ်တစ်ရာ ဂါရဝပြုကျင့်စဉ်က အဘယ်ကြောင့် သက်ရောက်မှု မရှိရသနည်း။

ဤကျင့်စဉ်၏ အဆင့်အတန်းက နိမ့်ကျလွန်းနေတာကြောင့်လား။

ကစဉ့်ကလျား သားရဲ၏ ဝမ်းဗိုက်အတွင်း သူ ရရှိခဲ့သော ကျင့်စဉ်အများစုမှာ ကစဉ့်ကလျား ပင်လယ်မှ ထွက်ခွာပြီးနောက် အသုံးမဝင်သလောက် ဖြစ်သွားခဲ့သည်။ အဓိကအားဖြင့် ထိုကျင့်စဉ်များ၏ အဆင့်မှာ နိမ့်ကျနေပြီး နတ်စွမ်းအားနှင့် ကိုက်ညီမှု မရှိသောကြောင့်ဖြစ်၏။

ဤလောကတွင်လည်း စွမ်းအားအဆင့်အတန်းများ ရှိနေပြီး စွမ်းအားအမျိုးအစားတစ်ခုစီကို ထိန်းချုပ်ရန် မတူညီသော ကျစဉ်များ လိုအပ်သည်။ ထင်ရှားသည်က နတ်စွမ်းအားသည် စိတ်ဝိညာဉ် စွမ်းအားထက် အဆင့်အတန်း မြင့်မားခြင်းဖြစ်၏။

နတ်စွမ်းအားကို မောင်းနှင်ရန် ပိုမြင့်မားသော အဆင့်ရှိသည့် ကျင့်စဉ်များ တစ်နည်းအားဖြင့် နတ်နိယာမများ လိုအပ်သည်။

သို့သော် သူ ထျန်းရန် နတ်ဘုရား နယ်မြေသို့ ရောက်ရှိလာပြီးနောက် ရှောင်ရွှီရင်နှင့် ကောက်ရှီယွမ်တို့အပေါ် စုံတွဲကျင့်စဉ် ကျင့်ကြံစဉ်တွင် သက်ရောက်မှု ရှိခဲ့ဖူး၏။ ယနေ့တွင်တော့ ယွမ်ယုတိအပေါ် အဘယ်ကြောင့် အသုံးမဝင်ရသနည်း။

ဖီးနစ်တစ်ရာ ဂါရဝပြုကျင့်စဉ်သာ ယွမ်ယုတိအပေါ် သက်ရောက်မှု မရှိပါက သူမကို အပြည့်အဝ အောင်နိုင်ရန် မလွယ်ကူလှပေ။ ယွမ်ယုတိက သူမ၏ အာရုံခံစားမှုများကို ချိပ်ပိတ်ထားပါက ဤလုပ်ရပ်သည် သာမန် ကိစ္စတစ်ခုကဲ့သို့ ဖြစ်နေလိမ့်မည်။ သူမသည်လည်း ဤအရာအပေါ် မည်သည့်အခါမှ စိတ်ဝင်စားလာမည် မဟုတ်ပေ။

ဤအရာက ပြဿနာတစ်ခုဖြစ်၏။

သူမ ဘာမှမခံစားရလျှင်လည်း သူ ကျေနပ်နေလျှင် အဆင်ပြေပြီဟုသာ နောက်ဆုံးတွင် လုချန်း စဉ်းစားလိုက်သည်။

နာရီအနည်းငယ် ကြာပြီးနောက် ယွမ်ယုတိ ရုတ်တရက် ထလိုက်ပြီး လုချန်းကို အထက်စီးမှ ငုံ့ကြည့်လိုက်သည်။ မကြာမီ ပြီးဆုံးသွားလိမ့်မည်ဟု အစက သူမ ထင်မှတ်ခဲ့သော်လည်း ဤလူယုတ်မာသည် သူမကို နာရီပေါင်းများစွာကြာအောင် နမ်းရှုံ့နေခဲ့သည်။ ထို့ပြင် ဤလူယုတ်မာ ဆက်လက် လုပ်ဆောင်ရန် ရည်ရွယ်နေချိန်တွင် သူမ၏ ခန္ဓာကိုယ်အတွင်းသို့ စီးဝင်လာသော နတ်စွမ်းအားများကိုလည်း သူမ သိသိသာသာ ခံစားနေရ၏။

လုချန်း

“ဆရာ...ဒါက ဘာကို ဆိုလိုတာလဲ။”

ယွမ်ယုတိက ခပ်အေးအေးပင်

“ဒါတွေ အဆုံးသတ်သင့်ပြီ။”

ယွမ်ယုတိ၏ လေသံတွင် အမိန့်ပေးဟန် ပါဝင်နေ၏။ လုချန်း ကျေနပ်သွားပြီဖြစ်ကြောင်း သူမ သိထားသဖြင့် သူမ၏ ကတိကို တစ်ကြိမ် ဖြည့်ဆည်းပေးပြီးပြီဟု ယူဆလိုက်သည်။

လုချန်းက ပေါ့ပေါ့ပါးပါးပင်

“ဆရာက နှစ်ကြိမ်လို့ ပြောခဲ့ပေမဲ့ တစ်ကြိမ်ကို ဘယ်လောက်ကြာရမယ်လို့တော့ မပြောခဲ့ဘူးလေ။”

ယွမ်ယုတိ လုချန်းကို အေးစက်စွာ စိုက်ကြည့်နေမိသည်။ ဤလူယုတ်မာက သူမကို အချိန်မည်မျှကြာအောင် ပြုစုခိုင်းစေလိုသနည်း။

ယွမ်ယုတိ ဘာမှ မပြောတော့ပဲ မလှုပ်မယှက်ပဲ ထိုင်နေလိုက်သည်။

လုချန်းက ပြုံးလျက်

“ဆရာက ကတိဖျက်ဖို့ စဉ်းစားနေတာလား။”

ယွမ်ယုတိ တိတ်ဆိတ်နေဆဲ ဖြစ်၏။ အေးစက်လှပသော နတ်မိမယ်က သူ့ကို သတ်ချင်သကဲ့သို့ ကြည့်နေသည်ကို မြင်လျှင် သူ၏ ခန္ဓာကိုယ်ကို လုချန်း အနည်းငယ် လှုပ်ရှားလိုက်ရာ ယွမ်ယုတိ၏ မျက်လုံးများထဲတွင် အေးစက်သော အရိပ်အယောင်တစ်ခု ထပ်မံ ဖြတ်သန်းသွားခဲ့သည်။

ထိုအခိုက်အတန့်တွင် သူ၏ စနစ်မျက်နှာပြင်ကို ကြည့်လိုက်ပြီး ယခုအကြိမ် ရရှိမည့် ဆုလာဘ်များကို လုချန်း သိလိုစိတ် ပြင်းပြနေခဲ့၏။ ယွမ်ယုတိဘက်က ဆက်မလုပ်တော့ဟု ဆုံးဖြတ်လျှင်လည်း သူတို့နှစ်ဦး ဤအခြေအနေအတိုင်းသာ ဆက်ရှိနေကြရပေလိမ့်မည်။

စနစ်မျက်နှာပြင်ကို ဖွင့်လိုက်လျှင် ဆုလာဘ်များ ထွက်ပေါ်လာခဲ့သည်။

“ဇနီးတစ်ဦး ရရှိသည့်အတွက် သခင့်ကို ဂုဏ်ပြုပါသည်။ ဆုလာဘ်အဖြစ် သူတော်စင်အဆင့် နတ်ကျင့်စဉ်ဖြစ်သော ဝိညာဉ်ညှို့ဓာတ် ကျမ်းစာကို ပေးအပ်လိုက်ပါသည်။”

ထိုနတ်ကျင့်စဉ်ကို မြင်လျှင် လုချန်း၏ စိတ်များ လှုပ်ရှားသွား၏။ ထို့‌နောက် ကျင့်စဉ်၏ မိတ်ဆက် သူ၏ ရှေ့တွင် ပေါ်လာခဲ့၏။

ဝိညာဉ်ညှို့ဓာတ် ကျမ်းစာ: အမျိုးသားနှင့် အမျိုးသမီး ကျင့်ကြံသူများအကြား လမ်းစဉ်ကို နားလည်သဘောပေါက်မှု အပါအဝင် မည်သည့် အာရုံခံစားမှုမျိုးကိုမဆို တစ်ထပ်တည်း ဖြစ်စေနိုင်သော သူတော်စင်အဆင့် စုံတွဲ နတ်ကျင့်စဉ်။

ဝိညာဉ်ညှို့ဓာတ် ကျမ်းစာကို မြင်လျှင် လုချန်း အံ့အားသင့်သွားခဲ့သည်။ အာရုံခံစားမှုများကို တစ်ထပ်တည်း ဖြစ်စေခြင်း၌ ဖီးနစ်တစ်ရာ ဂါရဝပြုကျင့်စဉ်နှင့် အတန်ငယ် ဆင်တူသော်လည်း ဤကျမ်းစာ၏ အကြီးမားဆုံးသော အားသာချက်မှာ အာရုံခံစားမှုများသာမက လမ်းစဉ် နားလည်သဘောပေါက်မှုကိုပါ တစ်ထပ်တည်း ဖြစ်စေနိုင်ခြင်း ဖြစ်၏။

တစ်နည်းအားဖြင့် စုံတွဲကျင့်စဉ် ကျင့်ကြံနေစဉ်အတွင်း လမ်းစဉ်စွမ်းအားကို အသုံးပြုခဲ့လျှင် လမ်းစဉ်ကို နားလည်သဘောပေါက်မှုမှာ ယွမ်ယုတိနှင့် တစ်ထပ်တည်း ဖြစ်သွားပေလိမ့်မည်။ သူ၏ လမ်းစဉ် နားလည်သဘောပေါက်မှုကို ရရှိပြီးနောက် ယွမ်ယုတိလည်း အခြားသော လမ်းစဉ်များကို နားလည်လာပြီး လမ်းစဉ်စွမ်းအားများစွာကို အသုံးပြုနိုင်လာပေလိမ့်မည်။

ထိုအခိုက်အတန့်တွင် လုချန်း၏ စိတ်ထဲ၌ အတွေးတစ်ခု ပေါ်လာခဲ့ပြီး သူ၏ နှုတ်ခမ်းများမှာ အလိုအလျောက် တွန့် သွားခဲ့၏။ အကယ်၍ မျိုးဆက်ပြန့်ပွားခြင်း လမ်းစဉ်၏ စွမ်းအားကို အသုံးပြု၍ ယွမ်ယုတိကို ထိုလမ်းစဉ်အပေါ် နားလည်အောင် လုပ်ဆောင်လိုက်ပါက သူမ မည်သို့သော အမူအရာမျိုး ပြုလုပ်မည်နည်း။

ထိုသို့ တွေးတောပြီးနောက် လုချန်း တွန့်ဆုတ် မနေတော့ပဲ ဝိညာဉ်ညှို့ဓာတ်ကျမ်းစာ၏ အကြောင်းအရာများကို တိုက်ရိုက် စုပ်ယူလိုက်သည်။ မကြာမီမှာပင် ဝိညာဉ်ညှို့ဓာတ် ကျမ်းစာကို သူ စတင် မောင်းနှင်လိုက်၏။

ခဏချင်းမှာပင် သူတို့နှစ်ဦး၏ ခန္ဓာကိုယ်ပေါ်တွင် ကျမ်းစာ စာလုံးဝိုင်းများ ပေါ်ထွက်လာခဲ့သည်။ ထိုမြင်ကွင်းကို မြင်လျှင် ယွမ်ယုတိ ချက်ချင်းပင် သတိ ထားလိုက်၏။ ထိုသူ တစ်ခုခု ထပ်လုပ်တော့မည်ဟု သူမ ယူဆလိုက်ခြင်းဖြစ်သည်။

သူမ တုံ့ပြန်ရန် အချိန်မရခင်မှာပင် သူမ၏ ဦးနှောက် ရုတ်တရက် ထုံကျဉ်သွားခဲ့ပြီး ဆန်းကြယ်သော ခံစားချက်တစ်ခု သူမ၏ နှလုံးသားဆီသို့ စီးဝင်လာကာ သူမ၏ ကိုယ်တွင်းရှိ နတ်စွမ်းအားများလည်း အလွန်ပင် မတည်မငြိမ် ဖြစ်လာခဲ့၏။ သူမ၏ အာရုံခံစားမှု ချိပ်ပိတ်ထားခြင်း ပျက်စီးသွားပြီး လုချန်းအပေါ်တွင် စိတ်ခံစားချက်များ နိုးကြားလာကြောင်း သူမ ချက်ချင်းပင် သိလိုက်ရသည်။

ယွမ်ယုတိသည် လူအ မဟုတ်ပေ။ ဤအရာက လုချန်း၏ လက်ချက်ဖြစ်ကြောင်း သူမ လျင်မြန်စွာ နားလည်လိုက်သည်။

ယွမ်ယုတိက

“လူယုတ်မာ...ရှင် ဘာလုပ်လိုက်တာလဲ”

လုချန်းက ပြုံးလျက်

“ဆရာ... အာရုံတွေကို ချိပ်ပိတ်ထားတာက မမှန်ဘူးလေ။ အဲ့ဒီလိုဆိုရင် ဆရာက ကျုပ်ကို ပြုစုပေးနေရသလိုမျိုး ဖြစ်မသွားဘူးလား။”

ယွမ်ယုတိ

“ရှင်...”

ယွမ်ယုတိ တစ်စုံတစ်ခု ထပ်ပြောရန် ပြင်လိုက်သော်လည်း သူမ၏ ခန္ဓာကိုယ်အတွင်းရှိ နတ်စွမ်းအားများ ပိုမိုလှုပ်ခတ်လာပြီး သူမကိုယ်သူမ ထိန်းချုပ်ရန် ခက်ခဲလာကြောင်း သတိပြုမိလိုက်သည်။ ဝိညာဉ်ညှို့ဓာတ်ကျမ်းစာသည် သူတို့၏ လက်ရှိခံစားချက်များကို တစ်ထပ်တည်း ဖြစ်စေခဲ့သည်။

ဆိုလိုသည်မှာ လုချန်းက သူမကို ပို၍အောင်နိုင်လိုလေလေ သူမလည်း ပို၍ဆွဲဆောင်ခံရပြီး လုချန်းနှင့် ပို၍နီးကပ်လိုလေလေ ဖြစ်လာခြင်းပင်။

ယွမ်ယုတိသည် လျင်မြန်စွာ ထွက်ပြေးရန် ကြိုးစားလိုက်သော်လည်း မည်သည့်အချိန်ကတည်းက ဖြစ်‌နေခဲ့မှန်းမသိ လုချန်း၏ လက်မောင်းများက သူမ၏ ခါးကို သိမ်းကျုံးဖက်တွယ်ထားပြီး ဖြစ်နေ၏။

လုချန်းက ဆက်လက်၍

“ဆရာ ထွက်သွားမယ်ဆိုရင်တော့ ဒီတစ်ကြိမ်ကို ထည့်မတွက်တော့ဘူးနော်။”

လုချန်းကို အေးစက်စွာ ကြည့်နေသော်လည်း ယွမ်ယုတိ၏ ချောမောသော ပါးပြင်များထက်၌ ရှက်သွေးများ အလိုအလျောက် ပေါ်ပေါက်လာခဲ့၏။

ဒီ လူယုတ်မာ...

ဒေါသများ တောက်လောင်နေသော်လည်း ယွမ်ယုတိ မထဖြစ်ခဲ့ပေ။ မကြာမီမှာပင် ဆက်လက် အောင့်အည်းမထားနိုင်တော့ပဲ သူမ၏ ခန္ဓာကိုယ်လည်း အလိုအလျောက် လှုပ်ရှားလာခဲ့သည်။ ဝိညာဉ်ညှို့ဓာတ်ကျမ်းစာ၏ မောင်းနှင်မှုအောက်တွင် အေးစက်လှပသော နတ်မိမယ်၏ ပါးပြင်များ ပန်းရောင်သန်းလာခဲ့တော့၏။

မကြာမီမှာပင် ယွမ်ယုတိလည်း စွမ်းအားကုန်ခမ်းကာ လုချန်း၏ ရင်ခွင်အတွင်းသို့ ပျော့ခွေကျသွားခဲ့၏။

ဒေါသထွက်ပြီး စိတ်တိုနေသော ယွမ်ယုတိသည် သူမ၏ အာရုံများကို နတ်စွမ်းအားဖြင့် ထပ်မံ ချိပ်ပိတ်ရန် ကြိုးစားလိုက်သော်လည်း သူမ၏ နတ်စွမ်းအားသည် လုချန်း၏ နတ်စွမ်းအားနှင့် ဆက်နွယ်နေသကဲ့သို့ ဖြစ်နေပြီး အသက်မဝင်တော့ကြောင်း တွေ့ရှိလိုက်ရသည်။ သူမ အာရုံများကို ချိပ်ပိတ်ရန် ကြိုးစားလိုက်တိုင်း လုချန်း၏ နတ်စွမ်းအားက ထိုချိပ်ပိတ်မှုကို ဖျက်ဆီးပစ်နေ၏။

ဤအတိုင်းသာ ဆက်သွားပါက အိပ်မက်ထဲကအတိုင်း သူမ လုံးဝ ကျဆုံးသွားပေလိမ့်မည်။ သို့သော် ယွမ်ယုတိ ရုန်းကန်နေစဉ်မှာပင် လုချန်းက သူမ၏ ခါးကို ဖက်လိုက်ပြီး သူမကို ပက်လက်လှန် လှဲချလိုက်၏။

ယွမ်ယုတိ၏ စိတ်များ ဗလာဖြစ်သွားခဲ့ပြီး သူမ တုံ့ပြန်ရန် အချိန်မရခင်မှာပင် လုချန်း၏ တိုက်စစ်များက စတင်လာခဲ့သည်။ သတိပြန်ဝင်လာလျှင် ယွမ်ယုတိ ချက်ချင်းပင် အော်ဟစ်လိုက်သည်။

ယွမ်ယုတိက

“လူ... လူယုတ်မာ...ရှင်”

လုချန်းက

“ဆရာ... ကျုပ်ကိုယ်တိုင်ပဲ ဦးဆောင်ပါရစေ။ ဆရာသာ ဦးဆောင်နေရင် ဘယ်တော့မှ ပြီးဆုံးမှာလဲ။”

ယွမ်ယုတိ၏ မျက်ခုံးများ တွန့်သွားခဲ့သည်။ သူမသာ ဦးဆောင်နေပါက လုချန်းသည် မည်သည့်အခါမှ ကျေနပ်မည်မဟုတ်ပေ။ ထိုအခါ မည်သည့်အချိန်မှ ပြီးဆုံးမလဲ ဆိုတာကို သူမလည်း သိနိုင်မည် မဟုတ်ပေ။

ထိုသို့ တွေးတောပြီးနောက် သူမ၏ ခေါင်းကို တစ်ဖက်သို့ လွှဲလိုက်ပြီး ဘာမှ ထပ်မပြောတော့ရန် ယွမ်ယုတိ ဆုံးဖြတ်လိုက်၏။

ယွမ်ယုတိက ဦးဆောင်ခြင်းကို လက်လျှော့လိုက်သည်ကို မြင်လျှင် လုချန်း၏ နှုတ်ခမ်းများ အနည်းငယ် တွန့် သွားခဲ့သည်။ ဦးဆောင်မှုကို လက်လွှတ်လိုက်ရဲသည်ဆိုမှတော့ သူမအတွက် ခက်ခဲသော အချိန်များ ရှေ့တွင် စောင့်ကြိုနေပေတော့မည်။

…..

မျက်တောင်တစ်ခတ်အတွင်း သုံးနှစ်တာ အချိန်ကာလ ကုန်ဆုံးသွားခဲ့၏။

ထိုအတောအတွင်း လျှို့ဝှက်လဝန်းနန်းတော်သည် အရိုင်းနယ်မြေအတွင်း ခိုင်မာစွာ ခြေကုပ်ယူနိုင်ခဲ့သည်။

တစ်ဖက်တွင်လည်း ယွမ်ယုတိသည် အိပ်မက်များအတွင်း တဖြည်းဖြည်း ကျဆုံးလာခဲ့ပြီး သူမကိုယ် သူမပင် မသိလိုက်ပဲ ‘ဘဝဆိုသည်မှာ အိပ်မက်တစ်ခု’ ကျင့်စဉ်ကို နိုးကြားစေခဲ့သည်။

သူမ၏ ‘ဘဝဆိုသည်မှာ အိပ်မက်တစ်ခု’ နှင့် လုချန်း၏ ‘ဝိညာဉ်ညှို့ဓာတ် ကျမ်းစာ’ တို့ ပေါင်းစပ်မိသွားလျှင် သူတို့နှစ်ဦး၏ သိစိတ်နှင့် ခန္ဓာကိုယ်စွမ်းအားများ လျင်မြန်စွာ မြင့်တက်လာခဲ့၏။

--