အခန်း ၇၇၆

အခန်း (၇၇၆) ကုရွှမ်၊ ဆန်းကြယ်ချောက်နက်၊ ထိုက်ဟောင်

ဆန်းကြယ်ချောက်နက် အသီးလား...

ငါက ဘယ်လိုလုပ်ပြီး အသီးတစ်လုံးအနေနဲ့ ဝင်စားခဲ့ရတာလဲ...

ကုအန် သည် သူ၏ရှေ့ရှိ အချက်ပေးစာတန်းများကို ကြည့်ရင်း နောက်ထပ် နှစ်ထောင်ပေါင်းများစွာကို သစ်ပင်တစ်ပင်ပေါ်တွင် မည်သည့် ရွေးချယ်ခွင့်မှ မရှိဘဲ ပိတ်မိနေတော့မည်ဟု ခံစားလိုက်ရပေ၏။

ဒါက တကယ်ကို ဆန်းသစ်နေတာပဲ...

ကုအန် ဆက်လက် ဖတ်ရှုနေခဲ့ပြီး အချက်ပေးစာတန်းများ အဆက်မပြတ် ထွက်ပေါ်လာခဲ့သည်။ ဆန်းကြယ်ချောက်နက် အသီး တစ်လုံးအနေဖြင့် သူသည် နောက်ပိုင်းနှစ်များတွင် ဖြတ်သွားဖြတ်လာ အမျိုးမျိုးနှင့် ကြုံတွေ့ခဲ့ရပေ၏။

တစ္ဆေအမတ များ၊ မိစ္ဆာများနှင့် လူသားများပင် ပါဝင်ပေသည်။ အချို့က ဖြတ်သွားရုံ သက်သက်သာဖြစ်ပြီး အချို့ကမူ ထို တစ္ဆေအမတ ကဲ့သို့ အချိန်အတန်ကြာ နေထိုင်သွားခဲ့ကြ၏။

သို့သော်...

စောင့်ဆိုင်းရခြင်းက သူ မျှော်လင့်ထားသည်ထက် ပိုမို ကြာရှည်ခဲ့ပေ၏။

နှစ်ပေါင်း တစ်သောင်းကျော် ကုန်လွန်သွားချိန်တွင် သူသည် ဆန်းကြယ်ချောက်နက် အသီး တစ်လုံး အဖြစ် ရှိနေဆဲပင် ဖြစ်လေသည်။

[အသက် ၁၂၇၃၂ နှစ်တွင် သဘာဝတရား၏ အနှစ်သာရကို သင် နားလည်သဘောပေါက်ခဲ့ပြီး ယင်ယန်လမ်းစဉ် ကို ဆုပ်ကိုင်နိုင်ခဲ့ကာ သင့်၏တာအိုကျင့်စဉ်ကို တိုးတက်စေခဲ့သည်...]

[အသက် ၁၂၈၀၃ နှစ်တွင် ကောင်းကင်ယံအောက်၌ မိုးသည်းထန်စွာ ရွာသွန်းခဲ့သည်။ ယခင်က မိုးရွာသည်ကို တစ်ခါမှ မခံစားဖူးသဖြင့် သင်သည် မိုးရေထဲတွင် ပျော်ရွှင်စွာဖြင့် သင့်ခန္ဓာကိုယ်ကို သန့်စင်ခဲ့သည်...]

[အသက် ၁၃,၁၄၆ နှစ်တွင် လေထဲ၌ လွင့်ယိမ်းနေရင်း သင်သည် နွယ်ပင်မှ ကွာကျကာ မြေပြင်ပေါ်သို့ ပြုတ်ကျသွားခဲ့သည်။ သဘာဝတရား၏ ဝိညာဉ်စွမ်းအင်များ သင့်ပတ်လည်တွင် စုစည်းလာသည်နှင့်အမျှ သင်သည် အသွင်ပြောင်းခြင်းကို စတင်ခဲ့သည်... သင့် လိင်အမျိုးအစားကို ရွေးချယ်ပါ...]

အချက်ပေးစာတန်းသည် ဤနေရာတွင် ရပ်တန့်သွားပြီး ကုအန် သည် သူ၏မျက်မှောင်ကို ကွေးညွတ်လိုက်၏။

ငါ ရွေးချယ်ဖို့ လိုအပ်လို့လား...

'ယောကျ်ား...'

ကုအန် သည် သူ၏ ဆုံးဖြတ်ချက်ကို ချလိုက်သည်။ လွန်ခဲ့သော နှစ်သောင်းပေါင်းများစွာ တစ်လျှောက်တွင် အသွင်ပြောင်းနေသော အသီးတစ်လုံးအနေဖြင့် သူသည် လိင်နှစ်ခုကြားမှ ကွာခြားချက်ကို လေ့လာစောင့်ကြည့်ခဲ့ပြီး ဤအရာကို နှစ်ပေါင်းများစွာ တွေးတောနေခဲ့ပုံ ရပေ၏။

ရွေးချယ်ပြီးနောက် သူ၏ ဝင်စားခြင်း ခန္ဓာကိုယ် သည် အသွင်ပြောင်းခြင်း မအောင်မြင်မီ နှစ်တစ်ရာ အပြည့် သန္ဓေတည်နေခဲ့ပြီး သူ၏ မူလဘူတ နတ်ဘုရားစွမ်းရည် ဖြစ်သော ဆန်းကြယ်ချောက်နက် ယင်ယန်အကာအကွယ် ကို သူ နားလည်သဘောပေါက်သွားခဲ့လေ၏။

သူသည် ဆန်းကြယ်ချောက်နက် ရှေးဟောင်းသစ်ပင် ထံမှ သစ်ကိုင်းတစ်ကိုင်းကို ယူကာ တုတ်ရှည်တစ်ချောင်းအဖြစ် အသွင်ပြောင်းလိုက်ပြီး ပိုင်အန်ကောင်းကင် ကို စူးစမ်းလေ့လာရန် ထွက်ခွာသွားခဲ့သည်။

[အသက် ၁၃၃၀၇ နှစ်တွင် ယင်ကိုးပါး နတ်ဘုရားစံအိမ် မှ လိုက်လံဖမ်းဆီးခြင်းကို ခံနေရသည်ဟု ဆိုကာ ၎င်းတို့ကို ရှောင်ရှားရန် သင့်လမ်းကြောင်းကို ပြောင်းလဲရန် အကြံပေးသည့် အထီးကျန် တောရိုင်းတစ္ဆေ တစ်ကောင်နှင့် သင် ကြုံတွေ့ခဲ့ရသည်။ ယင်ကိုးပါး နတ်ဘုရားစံအိမ် ကို ရှောင်ရှားရန် သင် ရွေးချယ်ပါသလား...]

'ရွေးချယ်မည်...'

မဟူရာဆန်းကြယ် ဧကရာဇ် အဖြစ် အတိတ်ဘဝတစ်ခုတွင် ကုအန် သည် ယင်ကိုးပါး နတ်ဘုရားစံအိမ် ၏ စွမ်းအားကို တွေ့ကြုံခံစားခဲ့ဖူးပေ၏။ ၎င်းတို့၏ တစ္ဆေအမတ အများစုသည် ကောင်းကင်တက်လှမ်းခြင်း နှောင်ဖွဲ့ကင်းအမတ အဆင့်ကို ကျော်လွန်နေကြသည်။

ကုအန် ၏ လက်ရှိ တာအိုကျင့်စဉ်အရ သူသည် မြေအောက်ကမ္ဘာ တစ်ခုလုံးကို နားမလည်နိုင်သော်လည်း ယင်ကိုးပါး နတ်ဘုရားစံအိမ် အတွင်းရှိ တာလော့အမတ များ၏ တည်ရှိနေမှုကို သူ အာရုံခံနိုင်ပေသည်။

ယင်ယန်လမ်းစဉ် ၏ အတားအဆီးများသည် တကယ်ကို ကြောက်မက်ဖွယ်ကောင်းပြီး ကောင်းကင်တာအို ကံကြမ္မာ ကို မြေအောက်ကမ္ဘာ အား လုံးလုံးလျားလျား လွှမ်းခြုံခြင်းမှ တားဆီးထားပေ၏။

အသစ်တဖန် အသွင်ပြောင်းလာသော ဆန်းကြယ်ချောက်နက် အသီး တစ်လုံးသည် ယင်ကိုးပါး နတ်ဘုရားစံအိမ် အတွက် ပြိုင်ဘက် ဖြစ်လာမည် မဟုတ်ချေ။

[တောရိုင်းတစ္ဆေ၏ အကြံပြုချက်ကို ယုံကြည်ရန် သင် ရွေးချယ်လိုက်သည်။ အချိန်ကြာမြင့်စွာ စကားပြောဆိုပြီးနောက် ဖော်ပြထားသည့်အတိုင်း ပိုင်အန် မြို့တော် သို့ သွားရောက်ရန် သင် ဆုံးဖြတ်လိုက်သည်။ တောရိုင်းတစ္ဆေက သင်နှင့်အတူ လိုက်ပါလိုသည်။ သင် သဘောတူပါသလား...]

' သဘောမတူပါ...'

[၎င်း၏ တောင်းဆိုမှုကို သင် ငြင်းဆိုခဲ့သော်လည်း ၎င်းက ဆက်လက် တောင်းဆိုနေခဲ့ပြီး ၎င်းကို သင် မောင်းထုတ်၍ မရနိုင်ခဲ့ပေ... ၎င်း၏ အမည်ကို သင် သိရှိခဲ့ရပြီး ၎င်းကိုယ်၎င်း တစ္ဆေ စန်လန် ဟု ခေါ်ဆိုခဲ့သည်။ ပဋိပက္ခ အနည်းငယ် ဖြစ်ပွားပြီးနောက် သင်သည် ဆန်းကြယ်ချောက်နက် ရှေးဟောင်းသစ်ပင် မှ မွေးဖွားလာခြင်းကြောင့် သင့်ကိုယ်သင် ကုရွှမ် ဟု အမည်ပေးရန် ဆုံးဖြတ်လိုက်ည်...]

[အသက် ၁၃၃၁၅ နှစ်တွင် သင်သည် တစ္ဆေ စန်လန် နှင့်အတူ ပိုင်အန် မြို့တော် သို့ ဝင်ရောက်ခဲ့သည်။ ထိုနှစ်တွင်ပင် ပိုင်အန်ကောင်းကင် မှ လာသည်ဟု ဆိုသော ကျူထျန်း တာအိုဆရာ အမည်ရှိ ကျင့်ကြံသူ တစ်ဦးနှင့် သင် တွေ့ဆုံခဲ့သည်။ သူသည် ဆန်းကြယ်ချောက်နက် အသီး တစ်လုံးဖြစ်သော သင့်အနှစ်သာရကို ထိုးဖောက်မြင်နိုင်ပြီး ကျင့်ကြံရန်အတွက် သင့်ကို ပိုင်အန်ကောင်းကင် သို့ ခေါ်ဆောင်သွားလိုသည်။ သင် သဘောတူပါသလား...]

'သဘောတူမည်...'

သူ၏ အနှစ်သာရကို ခွဲခြားသိမြင်နိုင်သူသည် သူ ခုခံနိုင်မည့်သူ မဟုတ်ဟု ကုအန် တွေးတောလိုက်၏။ အကယ်၍ သူတို့က မကောင်းသော ရည်ရွယ်ချက်များ ထားရှိပါက ငြင်းဆန်ခြင်းက ပြဿနာများကိုသာ ဖြစ်ပေါ်စေပေလိမ့်မည်။

ထို့ပြင် အမတ ကျင့်ကြံခြင်း ကို အမှန်တကယ် စတင်ရန် ကုရွှမ် အတွက် တာအိုကျင့်စဉ် လိုအပ်နေပေသည်။

နှစ်ပေါင်း တစ်သောင်းကျော် နေထိုင်ခဲ့ပြီးနောက် ကုရွှမ် သည် သက်တမ်း တစ်စုံတစ်ရာကိုမျှ မလုယူရသေးချေ။ ပိုင်အန်ကောင်းကင် သည် ငြိမ်းချမ်းပုံပေါ်ပြီး ခိုင်မာသော အခြေခံအုတ်မြစ် ရှိကြောင်း ညွှန်ပြနေလေသည်။

သို့ရာတွင် ကုအန် ၏ အခတ်တွင် ပိုင်အန်ကောင်းကင် အမည်ရှိ အင်အားစု မရှိခဲ့ပေ။ ယခု မြေအောက်ကမ္ဘာ ကို စောင့်ကြည့်နေချိန်တွင်ပင် ပိုင်အန်ကောင်းကင် ကို သူ မမြင်နိုင်ခဲ့ချေ။

ဤသည်က ပိုင်အန်ကောင်းကင် ပျက်သုဉ်းသွားကြောင်း အချက်ပြနေလေသည်။

၎င်းက ကောင်းမွန်လှပေ၏။ ကုရွှမ် ၏ ကျင့်ကြံခြင်း အောင်မြင်ပြီး သူ ထွက်ခွာသွားပြီးနောက် အကယ်၍ ပိုင်အန်ကောင်းကင် ပျက်သုဉ်းသွားခဲ့ပါက အကြောင်းအကျိုး အများအပြားကို ဖုံးကွယ်ထားနိုင်ပေလိမ့်မည်။

သေချာပေါက် ပိုင်အန်ကောင်းကင် ၏ ပျက်သုဉ်းမှုက ကုရွှမ် နှင့် ဆက်စပ်နေနိုင်ပေသည်။ အချိန်က စကား​ ပြောပြသွားပေလိမ့်မည်။

[ကျူထျန်း တာအိုဆရာ၏ ဖိတ်ကြားချက်ကို သင် လက်ခံခဲ့ပြီး တစ္ဆေ စန်လန် နှင့်အတူ ပိုင်အန်ကောင်းကင် သို့ သူ့နောက်မှ လိုက်ပါသွားခဲ့သည်။လမ်းတစ်လျှောက်တွင် သင်သည် ဗဟုသုတများစွာ ရရှိခဲ့ပြီး သင့်ဘဝသစ်ကို မျှော်လင့်နေခဲ့သည်။ ပိုင်အန်ကောင်းကင် ရှိ ကံကြမ္မာတာအိုနယ်မြေ သို့ ဝင်ရောက်ချိန်တွင် ကျူထျန်း တာအိုဆရာက သင့်ကို ပိုင်အန် ဧကရာဇ် နှင့် တွေ့ဆုံရန် ခေါ်ဆောင်သွားခဲ့သည်။ ထင်ရှားသည်မှာ သင် မွေးဖွားချိန်တွင် ပိုင်အန် ဧကရာဇ်က သင့်ဆက်နွှယ်မှုကို ကြိုတင်မြင်တွေ့ခဲ့ပြီး သင့်ကို တပည့်အဖြစ် ကိုယ်တိုင်လက်ခံရန် ဆုံးဖြတ်ခဲ့ခြင်း ဖြစ်သည်...]

[အသက် ၁၃၃၁၆ နှစ်တွင် ပိုင်အန် ဧကရာဇ်က ၎င်းသည် သင့်အတွက် အသင့်တော်ဆုံး တာအိုကျင့်စဉ် ဖြစ်သည်ဟု ဆိုကာ ပိုင်အန်ကောင်းကင်နတ်ဘုရား ကျင့်စဉ် ကို သင့်အား သင်ကြားပေးခဲ့သည်...]

နောက်ဆက်တွဲ အချက်ပေးစာတန်းများ အားလုံးမှာ ကျင့်ကြံခြင်း နှင့်သာ သက်ဆိုင်ပေ၏။ ကုရွှမ် သာမက တစ္ဆေ စန်လန် ပါ ကျင့်ကြံနေခဲ့သည်။ ပိုင်အန် ဧကရာဇ် သည် ၎င်းကိုလည်း နတ်ဘုရားကျင့်စဉ် တစ်ခု သင်ကြားပေးခဲ့ပြီး ကုရွှမ်၏ ထာဝရ အစေခံအဖြစ် သစ္စာဆိုစေခဲ့သည်။

ကုအန် သည် ကျေးဇူးတင်သော ခံစားချက်ကို ခံစားလိုက်ရ၏။ သူ၏ ဝင်စားခြင်း ခန္ဓာကိုယ် သည် အမြဲတမ်း ဆရာကောင်းများကို ရှာဖွေတွေ့ရှိခဲ့သည်။ လောလောဆယ်တွင် ပိုင်အန် ဧကရာဇ် သည် ရိုးသားပုံပေါ်ပေသည်။ အကယ်၍ သူက ဆန်းကြယ်ချောက်နက် အသီး ကို လိုချင်ပါက ဤမျှ အသေးစိတ်ကျသော အားထုတ်မှုများ ပြုလုပ်ရန် မလိုအပ်ချေ။

ဤကျင့်ကြံခြင်းက နှစ်ပေါင်း တစ်သိန်း ကြာမြင့်ခဲ့သည်။ နှစ်တစ်သိန်း အကြာတွင် ကုရွှမ် သည် မူလဘူတအနှောင်ဖွဲ့ကင်းအမတ အဆင့်သို့ ရောက်ရှိနေပြီ ဖြစ်၏။

ထိုနှစ်တွင် ပိုင်အန် ဧကရာဇ် သည် ပိုင်အန်ကောင်းကင် မှ အခြားတပည့်များနှင့်အတူ လေ့ကျင့်ရန်အတွက် ကုရွှမ် အား ယင်ကိုးပါး နတ်ဘုရားစံအိမ် သို့ စေလွှတ်ခဲ့သည်။

ပိုင်အန်ကောင်းကင် နှင့် ယင်ကိုးပါး နတ်ဘုရားစံအိမ် တို့သည် ရင်းနှီးသော ဆက်ဆံရေးရှိသည့် အိမ်နီးချင်း မြေအောက်ကမ္ဘာ တာအိုနန်းတော်များ ဖြစ်ကြပြီး ဆက်သွယ်မှုများ တိုးတက်စေရန် တပည့်များကို မကြာခဏ အပြန်အလှန် စေလွှတ်လေ့ရှိကြသည်။

သူတို့ ယင်ကိုးပါး နတ်ဘုရားစံအိမ် သို့ ရောက်ရှိချိန်တွင် မည်သည့် မတော်တဆမှုမျှ မဖြစ်ပွားခဲ့သဖြင့် ကုအန် အတွက် ပြုလုပ်ရန် ရွေးချယ်စရာများ မကျန်ရစ်ခဲ့ချေ။

ယင်ကိုးပါး နတ်ဘုရားစံအိမ် သို့ ဝင်ရောက်ပြီးနောက် ကုရွှမ် သည် တစ်ကိုယ်တည်း လေ့ကျင့်ရန် မြေအောက်ကမ္ဘာ သို့ မထွက်ခွာမီ နှစ်အနည်းငယ်ကြာ နေထိုင်ခဲ့သည်။

မြေအောက်ကမ္ဘာ သို့ ရောက်ရှိပြီး မကြာမီတွင် သူသည် ထိုက်ဟောင် အမည်ရှိ တာအိုမိတ်ဆွေ တစ်ဦးနှင့် မိတ်ဆွေဖွဲ့ခဲ့သည်။

သူတို့နှစ်ဦးသည် ချက်ချင်းပင် ရင်းနှီးသွားကြပြီး ထိုက်ဟောင် က မဟာစွမ်းအားရှင် တစ်ဦး ချန်ထားခဲ့သော ရှေးဟောင်း ရတနာတစ်ခု ရှိသည်ဟု ဆိုကာ ရတနာများ ရှာဖွေရန်အတွက် မြေအောက်ကမ္ဘာ ကို စူးစမ်းလေ့လာရန် ကုရွှမ် အား ဖိတ်ခေါ်ခဲ့၏။

ကုအန် သည် နောက်ဆုံးတွင် ရွေးချယ်မှု တစ်ခုနှင့် ရင်ဆိုင်လိုက်ရသည်။

ဘာရတနာလဲ... မြေအောက်ကမ္ဘာ က ဘေးကင်းဖို့ ဆိုတာ ဝေးကွာလွန်းတယ်...

သူ၏ လက်ရှိ အနေအထားမှ ကြည့်လျှင် ၎င်း၏ နက်ရှိုင်းသော နေရာများ၌ ကြောက်မက်ဖွယ်ကောင်းသော သံသရာ စွမ်းအားကို ကုအန် မြင်တွေ့နိုင်ပြီး အကယ်၍ သူတို့သာ အချိန်ကြာမြင့်စွာ နေထိုင်ခဲ့ပါက မြောင်ကျန်းတာလော့အမတ ကိုပင် ထိခိုက်စေနိုင်ပေသည်။

သူသည် ထိုက်ဟောင် ၏ ဖိတ်ကြားချက်ကို ငြင်းပယ်လိုက်၏။

[ထိုက်ဟောင် ၏ ဖိတ်ကြားချက်ကို သင် ငြင်းပယ်လိုက်သည်။ထိုက်ဟောင် သည် ဒေါသမထွက်ခဲ့ဘဲ မြေအောက်ကမ္ဘာ သို့ ရေငုပ်မဆင်းမီ မြစ်ကမ်းဘေးတွင် စောင့်နေရန် သင့်ကို ပြောခဲ့သည်။ ဤအရာက သင့်ကို သူ၏အပေါ်လေးစားမှုများဖြင့် ပြည့်နှက်သွားစေခဲ့သည်။ ထိုက်ဟောင် ၏ ရဲရင့်သော စိတ်ဓာတ်က သင့်ကို ဆွဲဆောင်သွားခဲ့ပြီး သင့်ကို သူ့ကဲ့သို့ ဖြစ်ချင်စိတ် ပေါ်လာစေခဲ့သည်။ မြစ်ကမ်း ဘေးတွင် သင် တရားထိုင်ကာ ကျင့်ကြံခြင်းကို စတင်ခဲ့သည်...]

[အသက် ၁၁၆,၅၄၂ နှစ်တွင် ကျင့်ကြံနေစဉ် သင်သည် ရုတ်တရက် တိုက်ခိုက်ခံခဲ့ရသည်။ တိုက်ခိုက်သူများမှာ သင့်၏ တစ္ဆေအစေခံ ဖြစ်သော တစ္ဆေ စန်လန် ကို လိုချင်နေသည့် ယင်ကိုးပါး နတ်ဘုရားစံအိမ် မှ ကျင့်ကြံသူ နှစ်ဦး ဖြစ်သည်။ ပြန်လည် တုံ့ပြန်ရန် ဖိအားပေးခံရသဖြင့် ပြင်းထန်သော တိုက်ပွဲတစ်ခု အပြီးတွင် ယင်ကိုးပါး နတ်ဘုရားစံအိမ် တပည့် နှစ်ဦးကို သင် သီသီလေး သတ်ဖြတ်နိုင်ခဲ့သည်။ သက်က်တမ်းကို လုယူနိုင်ကြောင်း သင် ရှာဖွေတွေ့ရှိခဲ့ပြီး လေ့လာမူ အချို့ ပြုလုပ်ပြီးနောက် ၎င်းကို အသုံးပြုကာ ပိုင်အန်ကောင်းကင်နတ်ဘုရား ကျင့်စဉ် ကို မြှင့်တင်ခဲ့ရာ ကျွမ်းကျင်မှုတွင် အဆင့်ချိုးဖျက်နိုင်ခဲ့ပြီး သင့်၏ စိတ်သဘောထားကို သိမ်မွေ့စွာ ပြောင်းလဲသွားစေခဲ့သည်...]

[အသက် ၁၁၆,၅၅၂ နှစ်တွင် ယင်ကိုးပါး နတ်ဘုရားစံအိမ် မှ နောက်ထပ် တပည့် သုံးဦး ရောက်ရှိလာပြီး သူတို့၏ ဂျူနီယာ တပည့် နှစ်ဦးကို သင် သတ်ခဲ့သလားဟု မေးမြန်းခဲ့သည်။ သင်သည် ဦးစွာ တိုက်ခိုက်ရန် ရွေးချယ်ခဲ့ပြီး သူတို့ကို ရှင်းလင်းပစ်ခဲ့သည်...]