အခန်း ၁၈၀

အခန်း (၁၈၀) - ဟဲ့မိသားစု

ဟဲ့ဖန်းကျိမှာ ဖြူဖျော့နေသော မျက်နှာဖြင့် အားမလိုအားမရ ပြုံးလိုက်သည်။

လိုမိသားစုမှာ လေပြည်နယ်တွင် ရာစုနှစ်ပေါင်းများစွာ

အမြစ်တွယ်ထားသော အာဏာရှင်များ ဖြစ်သည်။ သူတို့၏ ရန်ငြိုးမှာ ယခင်က

လင်လန်ဂိုဏ်းနှင့် ကျန်းမိသားစုတို့က ဟဲ့မိသားစုကို

ပူးပေါင်းတိုက်ခိုက်ခဲ့စဉ်ကပင်

စတင်ခဲ့ခြင်း ဖြစ်သည်။ ယခုအခါ ဟဲ့ဖန်းကျိသည် တတိယအဆင့်သို့ တက်လှမ်းနိုင်ခဲ့ပြီ

ဖြစ်သော်လည်း လိုမိသားစု၏ မျက်စိစပါးမွှေးစူးမှုကြောင့် သူတို့မိသားစု

လေပြည်နယ်မှ ထွက်ခွာပေးမည်ဟု ကမ်းလှမ်းလိုက်သည်။

လိုရှီကျွင်းမှာ အံ့အားသင့်သွားသည်။ “မင်းရဲ့ စီးပွားရေးလုပ်ငန်းတွေကို တကယ်ပဲ

စွန့်လွှတ်မှာလား” “အသက်လောက် ဘာမှ အရေးမကြီးပါဘူး။ ညီအစ်ကိုလို

အဆင်ပြေရင် အားလုံးကို တစ်ဝက်စျေးနဲ့ လွှဲပေးပါ့မယ်။”

လိုရှီကျွင်းမှာ ကျေနပ်သွားပြီး သဘောတူလိုက်သည်။ သူ ပြန်သွားရန် ပြင်ဆင်နေစဉ်မှာပင်

ကောင်းကင်ထက်မှ အရှိန်အဝါကြီးတစ်ခု ရုတ်တရက် ဖိချလာသည်။ အနက်ရောင် ဝတ်စုံနှင့်

အဘိုးအိုတစ်ဦး ထွက်ပေါ်လာသည်။ “တတိယအဆင့် အမြင့်ဆုံးအဆင့်”

လိုရှီကျွင်းမှာ ထိတ်လန့်သွားသည်။

ထိုသူမှာ ကျန်းမိသားစု၏ ဘိုးအေ ‘ကျန်းယွမ်’ ဖြစ်သည်။ ဟဲ့ဖန်းကျိမှာမူ

သူ့ကိုမြင်လိုက်ရသည်နှင့် အမျက်ဒေါသဖြင့် သွားများကို

တင်းတင်းစေ့လိုက်မိသည်။ “ကျန်းယွမ်... မင်းလို ခိုးသားဓားပြကောင်” ကျန်းယွမ်မှာ

အေးဆေးစွာပင်။ “မင်းက တော်ပါပေတယ်။ အနှစ်တစ်ရာအတွင်းမှာပဲ ပဉ္စမအဆင့်ကနေ

တတိယအဆင့်အထိ ရောက်လာခဲ့တာ။ တကယ်ကို နှမြောစရာကောင်းလိုက်တာ”

ကျန်းယွမ်၏ လူသတ်ငွေ့မှာ ဟဲ့ဖန်းကျိထံ တန်းတန်းမတ်မတ် ကျရောက်လာသည်။

လိုရှီကျွင်းမှာ ချက်ချင်းပင် ဘေးသို့ ဆုတ်ခွာသွားသည်။ ဤသည်မှာ

သွေးကြွေးကိစ္စ ဖြစ်ကြောင်း သူရိပ်မိသွားသည်။

မြို့ထဲရှိ ကျင့်ကြံသူများသည် အဝေးမှနေ၍ စပ်စုနေကြသည်။ ကူဟဲ့နှင့် အဖွဲ့မှာမူ

လမ်းထောင့်တွင် ထိုင်ခုံလေးများဖြင့် ထိုင်ကာ ဖရဲသီးစေ့ ထိုင်စားရင်း

ပွဲကြည့်နေကြသည်။ “ဘာတွေ ဖြစ်နေတာလဲ။ ဟဲ့ကောင်က ကျန်းကောင်ကို သတ်ချင်နေတာပဲ။”

“သူတို့အဆင့်ချင်းက ကွာလွန်းပါတယ်။ ဟဲ့ကောင် သနားစရာပဲ၊ လိုရှီကျွင်းဆီက

ဒဏ်ရာရထားတာကို ကျန်းယွမ်က ထပ်လာတာ။”

ကျန်းယွမ်က လက်ကို မြှောက်လိုက်သည်။ ထိုအချိန်တွင် ခရမ်းရောင် ဝတ်စုံနှင့် လူတစ်ဦး

ရုတ်တရက် ပေါ်လာသည်။ လေပြည်နယ် စစ်ဌာနမှူး ‘ကျန်းအာဟဲ’ ပင် ဖြစ်သည်။ “စီနီယာ...

ကျွန်တော်တို့ လေပြည်နယ်မှာ ဒီလိုမျိုး မလုပ်သင့်ဘူး မဟုတ်လား။ အင်ပါယာရဲ့

ဥပဒေတွေကို ထည့်မတွက်တာလား” ကျန်းယွမ်က မထီမဲ့မြင် ပြုံးသည်။

“အင်ပါယာလား မင်းလို စစ်ဌာနမှူးလေးက ငါ့ကို ဟန့်တားမလို့လား”

ကျန်းယွမ်က လက်ကို ဝှေ့ယမ်းလိုက်ရာ ကျန်းအာဟဲမှာ ဝေးကွာသော နေရာသို့

လွင့်စင်သွားတော့သည်။

ဟဲ့ဖန်းကျိမှာ အားတင်း၍ ဓားကို ဝှေ့ယမ်းသည်။ “ကြယ်ကြွေနည်းစနစ်” သို့သော်

အဆင့်ချင်း ကွာခြားလွန်းသဖြင့် အားလုံးမှာ အချည်းနှီးပင်။

ကျန်းယွမ်၏ စွမ်းအားကြောင့် ဟဲ့ဖန်းကျိမှာ မြေပြင်ပေါ်သို့

အရှိန်ပြင်းစွာ လွင့်စင်သွားပြီး သွေးများ အန်ထုတ်လိုက်သည်။

ဟဲ့မိသားစုဝင်များမှာ လူအုပ်ထဲတွင် ရောနှောနေကြသည်။ “အဖေ... မသွားကြရအောင်၊

ဒီနေ့တော့ အဖေ အသက်ရှင်ဖို့ ခက်လိမ့်မယ်။” မိသားစုဝင် အကြီးအကဲ

အမျိုးသမီးတစ်ဦးမှာ မျက်ရည်စက်လက်ဖြင့် အမိန့်ပေးလိုက်သည်။ “ထွက်ပြေးကြ

မြို့ပြင်ကို ထွက်ပြေးကြတော့”