အခန်း ၅၉၅

အခန်း ၅၉၅ - ပြီးပြည့်စုံသည့်အဆင့် သတ္တဝါလေးပါး ဝိညာဉ်အင်း၊ သတ္တဝါလေးပါး နယ်ပယ်ကို စုစည်းဖန်တီးခြင်း (၂)

သူ၏ ဒန်တျန်နှင့် ချီပင်လယ် နက်ရှိုင်းရာရှိ မူလရွှေအမြုတေ ကို သူ အာရုံခံလိုက်ရာ၊ ၎င်းအပေါ်တွင် အသက်သွေးကြောအင်း တစ်ခုစီတိုင်းသည် ထူးဆန်းသော အလင်းတန်းလေး တစ်ခုဖြင့် တဖျပ်ဖျပ် လင်းလက်နေသည်ကို သူ တွေ့ရှိလိုက်၏။

အထူးသဖြင့် စိမ်းပြာရောင် နဂါး သစ်သား သံချပ်ကာ အင်း၊ ကြက်တူရွေးနီ ကောင်းကင် လောင်ကျွမ်းခြင်း အင်း၊ ကျားဖြူ ကန်းရွှေ အင်း နှင့် လိပ်နက် ရေချောက်နက် အင်း။ ဤ သတ္တဝါလေးပါး ဝိညာဉ်အင်းများသည် မူလရွှေအမြုတေပေါ်တွင် ထွက်ပေါ်လာခဲ့ပြီး စိမ်းပြာရောင် နဂါး၊ ကြက်တူရွေးနီ၊ ကျားဖြူ နှင့် လိပ်နက် ဟူသော နတ်ဘုရားသားရဲ လေးပါး၏ အရိပ်များကို ထုတ်ဖော်ပြသနေခဲ့သည်။

ဤအခိုက်အတန့်တွင် သူသည် သတ္တဝါလေးပါး၏ စွမ်းအားကို ကျွမ်းကျင်ပိုင်နိုင်စွာ ဆုပ်ကိုင်ထားနိုင်ပြီဟု ထင်မှတ်ရပေသည်။

သူ၏ ခန္ဓာကိုယ်ကို ဗဟိုပြု၍ ရွှေ၊ သစ်သား၊ ရေ နှင့် မီး ဟူသော ဓာတ်ကြီးလေးပါး ၏ စွမ်းအားများသည် စုစည်းလာကြပြီး ထူးခြားသော ပဲ့တင်ထပ်မှုတစ်ခုကို ဖန်တီးလိုက်ကြ၏။

ဝုန်း ဒိုင်း~~

ဤအချိန်တွင် သူသည် အတွေးတစ်ချက်ဖြင့် သူ၏ ပကတိ မြင်ကွင်းချပ် ကို သက်ဝင်လှုပ်ရှားစေလိုက်ရာ၊ အချက်အလက်များသည် ချက်ချင်း အစီအရီ ထွက်ပေါ်လာခဲ့သည်။

[အမည် - ကျန်းဖန်]

[ကံဇာတာ - ကောင်းကင်နှင့် ညီမျှသော ကြီးမားသည့် ကောင်းချီးမင်္ဂလာ၊ ဝိသေသလက္ခဏာ - ကြီးမားသော ဘေးဒုက္ခများမှ လွတ်မြောက်ပြီးနောက် ကောင်းချီးမင်္ဂလာများ ဆက်လက် ရောက်ရှိလာမည်]

[သက်တမ်း - ၁၀,၀၀၀ နှစ်]

[ဝိညာဉ်အမြစ် - ကောင်းကင် ဝိညာဉ်အမြစ်]

[ကံကောင်းခြင်း အမှတ် - ၇၀၀,၀၀၀]

[ကြွယ်ဝမှု - ဝိညာဉ်ကျောက်တုံး ၃၅ သန်း]

[ကျင့်ကြံခြင်း ကျင့်စဉ် - မြွေပျံ ကျင့်စဉ်၊ ရွှေအမြုတေ အပိုင်း (အဆင့် ၃ နှောင်းပိုင်း အဆင့်)]

[ကျင့်ကြံခြင်း ကျင့်စဉ် - ရောနှောစွမ်းအင် အင်းကျမ်း၊ တတိယအလွှာ]

[မွေးရာပါ နတ်ဘုရား စွမ်းအားများ - ဧကရာဇ်၏ အကြည့်၊ မြေကမ္ဘာကို လက်မအဖြစ် ကျုံ့ပစ်ခြင်း၊ လက်ဝါးလေဟုန်၊ ရေကို ထိန်းချုပ်ခြင်း]

[အသက်သွေးကြောအင်း - ကြာညိုမြေကမ္ဘာမီးလျှံအင်း (ကြီးမားသော အောင်မြင်မှု အဆင့်)၊ ယင်ယန် မန်ဒရင်းဘဲ အင်း (ပိုင်နိုင်အဆင့်)၊ နိမိတ်ဖတ်အင်း (ကြီးမားသော အောင်မြင်မှု အဆင့်)၊ လိပ်နက် ကာကွယ်ရေးအင်း (ပိုင်နိုင်အဆင့်)၊ ဓားတစ်သောင်း ဂိုဏ်းသို့ ပြန်လည်ရောက်ရှိခြင်း အင်း (ကြီးမားသော အောင်မြင်မှု အဆင့်)၊ ဓာတ်ကြီးငါးပါး အစီအရင် ဖျက်ဆီးခြင်း အင်း (ကျွမ်းကျင်အဆင့်)]

[နယ်ပယ် - ရွှေအမြုတေ သတ္တမအလွှာ (၆၀%)]

[အသက်မွေးဝမ်းကျောင်း - အဆင့် ၃ အဆင့်မြင့် အင်းဆရာ (၁၀%)]

သတ္တဝါလေးပါး ဝိညာဉ်အင်းများ၏ ကျွမ်းကျင်မှု အဆင့်သည် ပြီးပြည့်စုံသည့်အဆင့်သို့ ရောက်ရှိသွားခဲ့ပြီဖြစ်ရာ ပကတိ မြင်ကွင်းချပ် မှ ပျောက်ကွယ်သွားခဲ့ပြီ ဖြစ်၏။

လွန်ခဲ့သော တစ်နှစ်တာ ကာလအတွင်း သူသည် သတ္တဝါလေးပါး ဝိညာဉ်အင်းများ ၏ ကျွမ်းကျင်မှု အဆင့်ကို ဤနယ်ပယ်အထိ မြှင့်တင်ရန်အတွက် ကံကောင်းခြင်း အမှတ် အမြောက်အမြားကို သုံးစွဲခဲ့ရသည်။

ထို့ကြောင့် လောလောဆယ်တွင် ကံကောင်းခြင်း အမှတ် ၇၀၀,၀၀၀ သာ ကျန်ရှိတော့၏။

သို့သော် အရာအားလုံးမှာ အမှန်တကယ်ပင် တန်ဖိုးရှိလှပေသည်။

"သတ္တဝါလေးပါး ပေါင်းစည်းခြင်း၊ ဒါက သတ္တဝါလေးပါး နယ်ပယ် လား။"

မျက်တောင်တစ်ခတ်အတွင်းမှာပင် ကျန်းဖန်၏ အတွေးများ လှုပ်ရှားသွားပြီး သူ၏ခန္ဓာကိုယ်ပေါ်ရှိ သတ္တဝါလေးပါး ဝိညာဉ်အင်းများ ကို ချက်ချင်း သက်ဝင်လှုပ်ရှားစေလိုက်၏။

စိမ်းပြာရောင် နဂါး သစ်သား သံချပ်ကာ အင်း၊ ကြက်တူရွေးနီ ကောင်းကင် လောင်ကျွမ်းခြင်း အင်း၊ ကျားဖြူ ကန်းရွှေ အင်း နှင့် လိပ်နက် ရေချောက်နက် အင်း တို့သည် လေထဲတွင် လွင့်မျောလာပြီး သူတို့၏ စွမ်းအားများသည် တစ်ခုနှင့်တစ်ခု ပဲ့တင်ထပ်ကာ တစ်ခုတည်းအဖြစ်သို့ ပေါင်းစည်းသွားခဲ့ကြသည်။

သူ၏ ခန္ဓာကိုယ်ကို ဗဟိုပြု၍ ဥပဒေသ နယ်ပယ်၏ ကြီးမားကျယ်ပြန့်လှသော စွမ်းအားတစ်ရပ်သည် ကီလိုမီတာ ထောင်နှင့်ချီ ကျယ်ပြန့်သော ဧရိယာတစ်ခုကို လွှမ်းခြုံသွားခဲ့၏။

ဤ ဥပဒေသ နယ်ပယ်၏ လွှမ်းခြုံမှုအောက်တွင် စိမ်းပြာရောင် နဂါး၊ ကျားဖြူ၊ ကြက်တူရွေးနီ နှင့် လိပ်နက် တို့၏ စွမ်းအားများသည် ၎င်းအတွင်းသို့ စုစည်းလာသကဲ့သို့ပင် ဖြစ်နေခဲ့သည်။

ဝုန်း။

နောက်တစ်စက္ကန့်တွင် ကျန်းဖန်၏ ကြီးမားသော လက်ဝါးကြီးက ညင်သာစွာ ရိုက်ခတ်လိုက်ရာ ကောင်းကင်နှင့်မြေကြီးမှ ရွှေ၊ သစ်သား၊ ရေ နှင့် မီး ဟူသော ဓာတ်ကြီးလေးပါး၏ ဝိညာဉ်စွမ်းအင်များကို စုစည်းလာစေပြီး၊ ဤလေဟာနယ် အစိတ်အပိုင်းမှ ဝိညာဉ်စွမ်းအင်များကို အကုန်အစင် စုပ်ယူပစ်လိုက်သကဲ့သို့ ဧရာမ ကောင်းကင်ဘုံ လက်ဝါးကြီး တစ်ခုကို ဖန်တီးလိုက်၏။

ဤကြီးမားကျယ်ပြန့်လှသော စွမ်းအားကြီးသည် မြေပြင်ပေါ်သို့ ပြင်းထန်စွာ ရိုက်ခတ်သွားပြီး ရှင်းလင်းစွာ မြင်တွေ့နိုင်သော ဧရာမ လက်ဝါးရာကြီး တစ်ခုကို မြေကမ္ဘာပေါ်တွင် ချန်ထားရစ်ခဲ့၏။ ရွှေ၊ သစ်သား၊ ရေ နှင့် မီး ဟူသော စွမ်းအားများ တစ်ပြိုင်နက်တည်း ပေါက်ကွဲထွက်ပေါ်လာခြင်းက အရာအားလုံးကို ဖျက်ဆီးပစ်နိုင်စွမ်းရှိသော ကြောက်မက်ဖွယ်ကောင်းသည့် စွမ်းအားတစ်ရပ်ကို ဖန်တီးလိုက်သည်။

ဤကဲ့သို့ ကြောက်မက်ဖွယ်ကောင်းသော တိုက်ခိုက်မှုမျိုးကို မည်သည့် ရွှေအမြုတေ ကျင့်ကြံသူကမျှ ခုခံနိုင်စွမ်း ရှိမည်မဟုတ်ချေ။

မျက်တောင်တစ်ခတ်အတွင်းမှာပင် သူတို့သည် ဖိချေခံရပြီး သေဆုံးသွားကာ ပြာအဖြစ်သို့ ပြောင်းလဲသွားနိုင်ခြေ များလှပေသည်။

"တကယ်ကို အစွမ်းထက်တာပဲ။"

ကျန်းဖန်၏ မျက်လုံးများတွင် တောက်ပသော အရောင်အဝါလေးတစ်ခု ထွက်ပေါ်လာခဲ့သည်။ သတ္တဝါလေးပါး နယ်ပယ်၏ စွမ်းအားကို စုစည်းဖန်တီးရန်အတွက် ဤအင်းလေးခု၏ ကျွမ်းကျင်မှု အဆင့်ကို ပြီးပြည့်စုံသည့်အဆင့် အထိ ကျင့်ကြံရန် သူ လိုအပ်ခဲ့ခြင်းမှာ အံ့သြစရာ မဟုတ်တော့ချေ။

အဘယ်ကြောင့်ဆိုသော် ဤစွမ်းအားလေးခုကို ပြီးပြည့်စုံစွာ ဟန်ချက်ညီစေမှသာလျှင် ယွမ်ယင်းနယ်ပယ် ၏ စွမ်းအားကို ကျင့်ကြံနိုင်မည် ဖြစ်သောကြောင့်တည်း။

ဤသည်မှာ ရွှေအမြုတေနယ်ပယ် နှင့် ယှဉ်ပြိုင်နိုင်စွမ်းရှိသော အရာတစ်ခု လုံးဝမဟုတ်ချေ။

ရွှေအမြုတေ နယ်ပယ်ဖြင့် ယွမ်ယင်း စွမ်းအားကို ကြိုတင်၍ ကျွမ်းကျင်ပိုင်နိုင်စွာ ဆုပ်ကိုင်ထားနိုင်ခြင်းနှင့် ညီမျှပေသည်။

ထို့ကြောင့် သတ္တဝါလေးပါး ဝိညာဉ်အင်း၏ ပေါင်းစပ်စွမ်းအားသည် အဆင့်များကို ကျော်လွန်စိန်ခေါ်နိုင်ပြီး ယွမ်ယင်းကျင့်ကြံသူများကိုပင် ယှဉ်ပြိုင်နိုင်စွမ်း ရှိပေသည်။

"ဒီ သတ္တဝါလေးပါး ဝိညာဉ်အင်းတွေရဲ့ စွမ်းအားကို အသုံးချပြီးတော့ အစောပိုင်းအဆင့် ယွမ်ယင်း ကျင့်ကြံသူတွေကိုတောင် ငါ ယှဉ်ပြိုင်နိုင်စွမ်း ရှိတယ်။"

ကျန်းဖန် သူ၏ လက်သီးများကို ဆုပ်လိုက်ပြီး အလွန်အမင်း ကျေနပ်အားရနေခဲ့၏။

သို့သော် သတ္တဝါလေးပါး ဝိညာဉ်အင်းများ၏ ဖျက်ဆီးခြင်း စွမ်းအားသည် ကြီးမားကျယ်ပြန့်လှသော်ငြားလည်း၊ သိသာထင်ရှားသော အားနည်းချက်တစ်ခု ရှိနေကြောင်း ရှင်းလင်းလှပေသည်၊ ၎င်းမှာ ဝိညာဉ်စွမ်းအား အမြောက်အမြားကို သုံးစွဲပစ်ရခြင်းပင် ဖြစ်၏။

ကံကောင်းထောက်မစွာဖြင့် သူသည် ဒုတိယမြောက် ရွှေအမြုတေ တစ်ခုကို ပိုင်ဆိုင်ထားသဖြင့် သူ၏ မူလဝိညာဉ်စွမ်းအားကို နှစ်ဆ တိုးပွားလာစေသည့် အတွက် သတ္တဝါလေးပါး ဝိညာဉ်အင်းများကို အကြိမ်ပေါင်းများစွာ သက်ဝင်လှုပ်ရှားစေရန် သူ့ကို ခွင့်ပြုပေးနိုင်ပေသည်။

ယွမ်ယင်းကျင့်ကြံသူ တစ်ဦးကဲ့သို့ ပုံမှန် တိုက်ခိုက်ရေး နည်းဗျူဟာ တစ်ခုအနေဖြင့် ၎င်းကို သူ အသုံးမပြုနိုင်သော်ငြားလည်း၊ ၎င်းကို တစ်ကြိမ်တည်းသာ အသုံးပြုနိုင်သည်ဟူ၍ ကန့်သတ်မထားချေ။

သို့သော် ယွမ်ယင်းအဆင့် နည်းစနစ်များကို သူ ကျွမ်းကျင်ပိုင်နိုင်စွာ ဆုပ်ကိုင်ထားနိုင်ပြီ ဆိုလျှင်တောင်မှ ယွမ်ယင်းကျင့်ကြံသူ တစ်ဦးကို သူမိုက်မဲစွာ တိုက်ခိုက်မည် မဟုတ်ပေ။

အမှားအယွင်း တစ်စုံတစ်ရာ မဖြစ်ပေါ်စေရန်အတွက် သူ၏ နယ်ပယ်ကို အသုံးပြု၍ ဖိနှိပ်ခြင်းနှင့် သေးငယ်သူများကို အနိုင်ကျင့်ခြင်းကိုသာ သူ ပိုမို နှစ်သက်ပေသည်။

ရှောင်လွှဲ၍မရနိုင်သော ဘေးဒုက္ခများနှင့် ရင်ဆိုင်ရခြင်း မရှိပါက ယွမ်ယင်းကျင့်ကြံသူ တစ်ဦးနှင့် ရင်ဆိုင်ရခြင်းကို သူ အမြဲတမ်း ရှောင်လွှဲမည် ဖြစ်သည်။

"ဒီတော့ ငါ့ရဲ့ ကျင့်ကြံခြင်း တိုးတက်မှုက ၆၀% အထိ ရောက်သွားပြီပေါ့။ တိုးတက်မှုက တော်တော်လေး ကောင်းမွန်တဲ့ပုံပါပဲ။"

ကျန်းဖန် သူ၏ မေးစေ့ကို ပွတ်သပ်လိုက်၏။

သံသယဖြစ်ဖွယ်မရှိအောင်ပင် တိုးတက်သွားခဲ့သည်မှာ အသက်သွေးကြောအင်းများ၏ ကျွမ်းကျင်မှု အဆင့်သက်သက် မဟုတ်ချေ။

ဤတစ်နှစ်အတွင်း သူ၏ ကျင့်ကြံမှုသည်လည်း လျင်မြန်စွာ တိုးတက်လာခဲ့သည်။

ဤလျင်မြန်သော တိုးတက်မှုသည် ယခင်က အပြည့်အဝ ဝါးမျိုစုပ်ယူခြင်း မရှိသေးသော နှစ်တစ်ထောင် သက်တမ်းရှိ ဝိညာဉ်ဆေးဝါး ဖြစ်သည့် အရောင်ခုနစ်မျိုးလပြည့် သစ်ခွပင် နှင့် ခွေနွား အနှစ်သာရ သွေးတို့ထံမှ အကျိုးကျေးဇူးများကို ရရှိခဲ့သောကြောင့် ဖြစ်သည်။

ဤ ဆေးစွမ်းအာနိသင်များကို သန့်စင်ဖန်တီးခြင်းက သူ၏ ကျင့်ကြံမှုကို လျင်မြန်စွာ တိုးတက်လာစေခဲ့၏။

တစ်နှစ်တာ အချိန်လေးအတွင်းမှာပင် သူသည် တိုးတက်မှု ၆၀% အထိ ရရှိခဲ့သည်။

ထင်ရှားလှသည်မှာ ဤသည်က အရင်းအမြစ်များ ရှိခြင်း၏ အရေးပါမှုပင် ဖြစ်သည်။

အကယ်၍ ပြင်းပြင်းထန်ထန် ပင်ပင်ပန်းပန်း ကျင့်ကြံအားထုတ်မှု အပေါ်တွင်သာ မှီခိုနေရမည်ဆိုပါက လက်ရှိ တိုးတက်မှုသို့ ရောက်ရှိရန်အတွက် နှစ်ပေါင်း မည်မျှကြာမည်ကို မည်သူ သိနိုင်မည်နည်း။

သို့သော် ဤသည်မှာ အမှန်တကယ်တော့ နှေးကွေးသည်ဟု ယူဆရပေသည်။

အဘယ်ကြောင့်ဆိုသော် သူ၏ ဒုတိယမြောက် ရွှေအမြုတေကြောင့် အရင်းအမြစ် ကုန်ကျစရိတ်သည် ယခင်ကထက် နှစ်ဆ တိုးလာသောကြောင့်ပင် ဖြစ်သည်။

အကယ်၍ သူသာ ဒုတိယမြောက် ရွှေအမြုတေကို မပိုင်ဆိုင်ထားခဲ့ပါက သူသည် ရွှေအမြုတေ သတ္တမအလွှာ ပြီးပြည့်စုံသည့်အဆင့် သို့ လျင်မြန်စွာ ရောက်ရှိသွားနိုင်ပေလိမ့်မည်။

ထိုအချိန်ကျလျှင် သူသည် အဋ္ဌမအလွှာ ရွှေအမြုတေ နယ်ပယ်ဆီသို့ အပြင်းအထန် ထိုးဖောက် ဝင်ရောက်နိုင်ကောင်း ဝင်ရောက်နိုင်ပေလိမ့်မည်။

"အကြီးအကဲဖူ၊ ဒီကာလအတွင်း မူလအင်းဂိုဏ်း ရဲ့ ဖွံ့ဖြိုးတိုးတက်မှုက ဘယ်လိုနေလဲ။"

ကျန်းဖန်က မေးမြန်းလိုက်၏။

"အတော်လေး ကောင်းမွန်ပါတယ်။"

"သာမန်သေမျိုးတွေက သားရဲတစ်သောင်း လျှို့ဝှက်နယ်မြေ ထဲမှာ မြဲမြံစွာ အခြေချနေထိုင်နိုင်ခဲ့ကြပြီး ပတ်ဝန်းကျင်မှာ လယ်ကွင်းတွေ ဖွင့်လှစ်ကာ သူတို့ဘာသာ သူတို့ အပြည့်အဝ ရပ်တည်လာနိုင်ကြပြီ။"

"ဒါပေမယ့် ဝိညာဉ်အမြစ် ပါတဲ့ သာမန်သေမျိုးတွေက အနည်းစုဘဲ ‌ရှိသေးတာဆိုတော့ လောလောဆယ်မှာတော့ အပြင်စည်း တပည့် ဒါဇင် အနည်းငယ်လောက်ဘဲ ငါတို့ စုဆောင်းနိုင်သေးတယ်။"

မူလအင်းစုတ်တံက ပြန်လည် ဖြေကြားလိုက်၏။

သံသယဖြစ်ဖွယ်မရှိအောင်ပင် ဝိညာဉ်အမြစ် ပါရှိသူများမှာ ရှားပါးနေဆဲဖြစ်ပြီး အခြေခံအားဖြင့် လူတစ်သောင်းတွင် တစ်ယောက်သာ ရှိပေသည်။

သေချာသည်မှာ သာမန်သေမျိုးများသည် သိုင်းပညာ ကျင့်စဉ်များကိုလည်း ကျင့်ကြံနိုင်ပြီး ၎င်းမှတစ်ဆင့် သိုင်းပညာတာအို ထဲသို့ ဝင်ရောက်နိုင်ကြ၏။

ပြဿနာမှာ ၎င်းသည် ဆယ်စုနှစ်များနှင့်ချီ၍ ကြိုးပမ်းအားထုတ်မှုများကို လိုအပ်ခြင်းပင် ဖြစ်သည်။

ထို့အပြင် သိုင်းပညာ ပါရမီရှိသော သာမန်သေမျိုးများမှာလည်း ရှားပါးလှပေသည်။

သို့သော် ၎င်းသည် အစပိုင်း သက်သက်သာ ဖြစ်သဖြင့် ကိစ္စမရှိချေ။

"ဒါဆို ကောင်းတာပေါ့။"

ကျန်းဖန် ခေါင်းညိတ်လိုက်သည်၊ မူလအင်းဂိုဏ်း၏ လျင်မြန်သော ဖွံ့ဖြိုးတိုးတက်မှုအတွက် သူ အလောတကြီး မဖြစ်ခဲ့ချေ။

မည်သို့ပင် ဆိုစေကာမူ၊ တပည့်အရေအတွက် လျင်မြန်စွာ တိုးလာခြင်းသည် အမြဲတမ်း အကျိုးရှိလှသည်တော့ မဟုတ်ချေ။

ထို့အပြင် အနောက်ပိုင်းတိုက်ကြီးတွင် ခြေကုပ်စခန်းတစ်ခုကို အမှန်တကယ် တည်ဆောက်နိုင်ရန်အတွက် အဆင့်နိမ့် ကျင့်ကြံသူ အများအပြား ရှိနေခြင်းက သိသာထင်ရှားမှု မရှိလှပေ။

ပို၍အရေးကြီးသည်မှာ ယွမ်ယင်း နှင့် ဟွာရှန် အဆင့်များကဲ့သို့သော အဆင့်မြင့် ကျင့်ကြံသူ အများအပြား ထွက်ပေါ်လာရန် လိုအပ်ခြင်းပင် ဖြစ်သည်။

မဟုတ်ပါက ၎င်းသည် လေထဲတွင် တည်ဆောက်ထားသော ရဲတိုက်တစ်ခု သက်သက်သာ ဖြစ်ပေလိမ့်မည်။

အနည်းငယ် ပို၍ အစွမ်းထက်သော ရန်သူများနှင့် ဆုံတွေ့ရခြင်းက ဂိုဏ်းအတွက် ဧရာမ ဘေးဒုက္ခကြီးတစ်ခုကို ဖြစ်ပေါ်လာစေနိုင်၏။

"စကားမစပ်၊ မကြာသေးမီက ကောင်းကင်ထင်းရူး တောင်တန်း မှာ ကောင်းကင် ပန်ငှက်မျိုးနွယ် ကျင့်ကြံသူ တချို့ကို ရံဖန်ရံခါ မြင်တွေ့နေရတယ်၊ တခြား မိစ္ဆာမျိုးနွယ် ကျင့်ကြံသူ တွေနဲ့အတူ သူတို့က ကြီးမားတဲ့ ရှာဖွေမှုတွေ ပြုလုပ်နေကြတယ်။"

"ပြီးခဲ့တဲ့ တစ်ခေါက်က မင်း သတ်ခဲ့တဲ့ ကောင်းကင် ပန်ငှက် အဆင့် ၃ မိစ္ဆာကျင့်ကြံသူ တွေထဲမှာ၊ တစ်ယောက်က ကောင်းကင် ပန်ငှက်မျိုးနွယ် က ယွမ်ယင်းအကြီးအကဲ တစ်ယောက်ရဲ့ တိုက်ရိုက် သွေးသားဆွေမျိုး ဖြစ်နေတော့ အဲဒီ အကြီးအကဲကို ဒေါသထွက်စေခဲ့ပြီး ပြစ်မှုကျူးလွန်သူကို ရှာဖွေစုံစမ်းဖို့ လူတွေကို စေလွှတ်လိုက်တဲ့ပုံပဲ။"

"ကံကောင်းထောက်မစွာနဲ့ သားရဲတစ်သောင်း လျှို့ဝှက်နယ်မြေ က ပိတ်သွားပြီဖြစ်လို့ ငါတို့ရဲ့ နေရာကို သူတို့ ရှာမတွေ့နိုင်တော့ဘူး။"

မူလအင်းစုတ်တံက တည်ကြည်လေးနက်စွာ ပြောလိုက်၏။

"အမှန်ပဲ၊ မက်မွန်ပွင့် တောင်ကြားကနေ လျင်မြန်စွာ ထွက်ခွာလာခဲ့တာက မှန်ကန်တဲ့ ရွေးချယ်မှုပဲ။"

"အဲဒီမှာ ဆက်နေမယ် ဆိုရင် ကြီးမားတဲ့ ဘေးဒုက္ခကြီးတစ်ခု ယူဆောင်လာလိမ့်မယ်။"

"ကောင်းကင် ပန်ငှက်မျိုးနွယ် ရဲ့ တိုက်ခိုက်တာကိုတောင် ရင်ဆိုင်ရနိုင်ခြေ ရှိတယ်။"

ကျန်းဖန်၏ မျက်လုံးများတွင် နက်ရှိုင်းသော သိမြင်နားလည်မှုများ တောက်ပနေခဲ့၏။

ထင်ရှားလှသည်မှာ သားရဲတစ်သောင်း လျှို့ဝှက်နယ်မြေကို ထိန်းချုပ်လိုက်ခြင်းသည် အကောင်းဆုံး ရွေးချယ်မှုတစ်ခုဖြစ်၏။ အလွန်အမင်း အန္တရာယ်များသည့် ဆုံးရှုံးနိုင်ခြေများ မရှိဘဲ မည်သည့် ကိစ္စရပ်ကိုမဆို လုပ်ဆောင်ရန်အတွက် လုံခြုံသော ခိုလှုံရာတစ်ခုကို ပံ့ပိုးပေးထားခြင်းပ င်ဖြစ်သည်။

ရ

"သခင်၊ တကယ်တော့ အဲဒီ ကောင်းကင် ပန်ငှက်မျိုးနွယ်ရဲ့ ကျင့်ကြံသူတွေကို ဖမ်းဆီးဖို့ ငါတို့ အခွင့်ကောင်း ယူလို့ ရတယ်။"

"သားရဲတစ်သောင်း ပန်းချီကား က သားရဲတွေကို ကျေးကျွန်အဖြစ် ဖမ်းဆီးနိုင်တယ် မဟုတ်ဘူးလား။"

"အဲဒီ ကောင်းကင် ပန်ငှက်မျိုးနွယ် ကျင့်ကြံသူ တွေ အားလုံးကို ငါတို့အတွက် ကျွဲ၊ နွား တွေလို အလုပ်လုပ်ပေးဖို့ ဖမ်းဆီးလိုက်ကြစို့။"

အသွင်သောင်းပြောင်း ဆေးမီးဖိုက ရဲတင်းစွာ ပြောလိုက်၏။

မူလအင်းဂိုဏ်း သည် သားရဲများကို အလွန်အမင်း လိုအပ်နေသည်ဟု ၎င်း ခံစားနေရသည်။

မည်သို့ပင် ဆိုစေကာမူ၊ အချင်း ကီလိုမီတာ ၃၀,၀၀၀ ရှိသော သားရဲတစ်သောင်း လျှို့ဝှက်နယ်မြေ တစ်ခုလုံးသည် မြေသြဇာကောင်းသော မြေဆီလွှာများဖြင့် ပြည့်နှက်နေ၏။

၎င်းကို ဝိညာဉ်ဆေးဝါး တွေ စိုက်ပျိုးရန်၊ လယ်ကွင်းတွေ ဖွင့်လှစ်ရန်၊ မြို့တွေ တည်ဆောက်ရန်နှင့် အခြားအရာများအတွက် အသုံးပြုနိုင်ပေသည်။

အကယ်၍ ထို ကောင်းကင် ပန်ငှက်မျိုးနွယ် ကျင့်ကြံသူ များကို ဖမ်းဆီးပြီး အပြည့်အဝ ကျေးကျွန်များအဖြစ် စေခိုင်းနိုင်မည်ဆိုပါက လျှို့ဝှက်နယ်မြေ ကို ကြီးမားကျယ်ပြန့်စွာ ဖွံ့ဖြိုးတိုးတက်အောင် လုပ်ဆောင်နိုင်မည် ဖြစ်သည်။

ဤသည်မှာ ခဲတစ်လုံးတည်းဖြင့် ငှက်နှစ်ကောင် ကို ပစ်သတ်နိုင်မည့် အခွင့်အရေးပင်။

"အဲဒါက အဲဒီလောက် မရိုးရှင်းဘူး။"

"ယုန်က အနီးအနားက မြက်ကို မစားဘူး တဲ့။ (မလိုလားအပ်တဲ့ ပြဿနာတွေကို ရှောင်ရှားဖို့အတွက် ကိုယ့်ပတ်ဝန်းကျင်နဲ့ အနီးနားက လူတွေကို မထိခိုက်စေရဘူး ဆိုတဲ့ တရုတ်စကားပုံတစ်ခုပါ။)"

"အကယ်၍ ကောင်းကင် ပန်ငှက်မျိုးနွယ် ကျင့်ကြံသူတွေသာ ကောင်းကင်ထင်းရူး တောင်တန်း မှာ ကြီးမားတဲ့ အတိုင်းအတာတစ်ခုအထိ ပျောက်ဆုံးသွားမယ် ဆိုရင် ကောင်းကင် ပန်ငှက်မျိုးနွယ်ကို လုံးလုံးလျားလျား ဒေါသထွက်အောင် ဆွပေးလိုက်သလို ဖြစ်သွားမှာ မဟုတ်ဘူးလား။"

"အဲဒီအချိန်ကျရင် ကောင်းကင် ပန်ငှက်မျိုးနွယ် ရဲ့ ဟွာရှန်ကျင့်ကြံသူတွေတောင်မှ ဒေါသထွက်လာနိုင်တယ်။"

"အကယ်၍ သူတို့ကို ငါတို့ ဖမ်းဖို့ စီစဉ်ထားတယ် ဆိုရင်တောင်မှ၊ အဲဒါက ကောင်းကင်ထင်းရူး တောင်တန်း မှာ မဟုတ်ဘဲ တခြားနေရာမှာပဲ ဖြစ်သင့်တယ်။"

ကျန်းဖန်က အနည်းငယ် စိတ်ပျက်လက်ပျက်ဖြင့် ပြောလိုက်၏။

သဘာဝကျကျပင် သူသည်လည်း ထို မောက်မာလှသော ကောင်းကင် ပန်ငှက်မျိုးနွယ် ကျင့်ကြံသူများ အုပ်စုကို ဖမ်းဆီးလိုသော်ငြားလည်း၊ ယခုအချိန်တွင် သတိကြီးကြီးထားပြီး လှုပ်ရှားရမည်ကို သူ သိရှိထားပေသည်။

မဟုတ်ပါက ကောင်းကင် ပန်ငှက်မျိုးနွယ် ကို အင်အားအပြည့်ဖြင့် လှုပ်ရှားလာအောင် ဒေါသထွက်စေခြင်းက သူ့မှလွဲ၍ မည်သူကမျှ သားရဲတစ်သောင်း လျှို့ဝှက်နယ်မြေ မှ ထွက်ခွာနိုင်မည် မဟုတ်ကြောင်းကို ဆိုလိုပေလိမ့်မည်။

ရလဒ်အနေဖြင့် ၎င်းသည် အနောက်ပိုင်းတိုက်ကြီး ရှိ မူလအင်းဂိုဏ်း ၏ ဖွံ့ဖြိုးတိုးတက်မှုကို အဟန့်အတား ဖြစ်စေမည်ဖြစ်ရာ တန်ဖိုးရှိမည် မဟုတ်ချေ။

ထို့ကြောင့် ကောင်းကင်ထင်းရူး တောင်တန်း တွင် ကောင်းကင် ပန်ငှက်မျိုးနွယ် ကျင့်ကြံသူများ ရှိနေကြောင်း သိရှိထားသော်ငြားလည်း သူတို့ကို သူ လုံးဝ အာရုံစိုက်မည် မဟုတ်ပေ။

……..