အခန်း ၆၁၃

အခန်း (၆၁၃)။

“ဟင်…၊ ခမည်းတော်က ငါ့ကို နန်းတော်ထဲ လာဖို့ ဖိတ်ခေါ်တယ် ဟုတ်လား။ သိပြီ။ ရှောင်တီး... ငါ့ရဲ့ ရွှေချည်ထိုး ကျောက်စိမ်း ဝေါယာဉ်ကို ပြင်လိုက်တော့။”

အပြင်ဘက်က အသံတွေကို ကြားလိုက်ရသည့်အခါ ကျန်းနန်မင်းသမီး လော်ယွင်ဟာ ဟုန်ယွိ၊ ချန်ယင်းရှာနှင့် ဟွမ်ယန်ယန်တို့ဘက်ကို လှည့်ကြည့်လိုက်ပြီး... “နင်တို့ရော နန်းတော်ထဲကို လိုက်ခဲ့ချင်သလား။ ငါ့ခမည်းတော်ရဲ့ နောက်ခံအင်အား ဘယ်လောက် ရှိနေလဲဆိုတာကို သွားကြည့်ကြမလား။ ငါတော့ ပိုပြီး ဝေခွဲမရ ဖြစ်လာပြီ။ သူ ဘာကြောင့် ဧကရာဇ်တစ်ပါးအဖြစ် ကြေညာချင်နေတာလဲဆိုတာကို တကယ်ကို နားမလည်တော့ဘူး။ ဒါက ငါတို့ နတ်ဘုရားလေနိုင်ငံကို စစ်မီးထဲ ပစ်သွင်းလိုက်တာပဲ။ လူတွေ ဘယ်လောက် တောင် သေကြေဦးမလဲ မသိဘူး။”

“သေချာပေါက် လိုက်ခဲ့မှာပေါ့။ အနောက်ဘက်ဒေသက ဧကရာဇ်အာသောကဟာ ရိုးရှင်းတဲ့လူ မဟုတ်ဘူး။ ယွန်မင် ဧကရာဇ် နာလန်ယိဟုန်ကလည်း အစွမ်းထက်တဲ့ ဧကရာဇ် တစ်ပါးပဲ။ ယွမ်တူးနိုင်ငံရဲ့ အုပ်ချုပ်သူကလည်း သူ့အင်အားကို ဝှက်ထားတဲ့သူပဲ။ ငါလည်း နတ်ဘုရားလေနိုင်ငံရဲ့ အုပ်ချုပ်သူနဲ့ တွေ့ချင်နေတာ ကြာပြီ၊ ဒါပေမဲ့ ငါ့ရဲ့ အဆင့်အတန်းက အရမ်း ထင်ရှားလွန်းတယ်။ ‘ကျိုးယွိအကယ်ဒမီ’ကို တည်ထောင်သူ တစ်ယောက်အနေနဲ့ရော၊ ပညာရှင်သူတော်စင် တစ်ပါးအနေနဲ့ပါ ငါသာ နတ်ဘုရားလေ နိုင်ငံကို တရားဟောဖို့ ရောက်လာရင် အကြီးအကျယ် ရုတ်ရုတ်သဲသဲ ဖြစ်သွားလိမ့်မယ်။ နန်းတော်ထဲကို ရုတ်တရက် ပေါ်လာဖို့ဆိုတာ ပိုတောင် မဖြစ်နိုင်သေးတယ်။ ဒီသတင်းသာ ပြန့်သွားရင် တခြား မကောင်းတဲ့ ရည်ရွယ်ချက် ရှိသူတွေရဲ့ ဝေဖန်မှုကို ခံရနိုင်တယ်။ ဒါကြောင့် ပုန်းကွယ်ပြီး သွားတာက ပိုကောင်းလိမ့်မယ်။”

ဟုန်ယွိက ခေတ္တစဉ်းစားပြီးနောက် ပုန်းကွယ်သွားဖို့ ဆုံးဖြတ်လိုက်သည်။ သူသည် ဧကရာဇ်အဖြစ် ဘိသိက်ခံလိုသော နတ်ဘုရားလေနိုင်ငံ၏ အုပ်ချုပ်သူနှင့် တွေ့ဆုံလိုသော် လည်း လူလူမသိစေရန် ရွေးချယ်လိုက်ခြင်း ဖြစ်သည်။

သူက ပြောရင်းနှင့် ခန္ဓာကိုယ်ကို တစ်ချက် လှုပ်ယမ်းလိုက်ရာ ‘သူတော်စင်ပေါင်းစုံခန်းမ’ မူလစွမ်းအင်လှိုင်းတစ်ခု ထွက်ပေါ်လာပြီး သူ့ကိုရော ချန်ယင်းရှာကိုပါ လွှမ်းခြုံသွားခဲ့ သည်။

ထို့နောက် ‘သူတော်စင်ပေါင်းစုံခန်းမ’ သည် ဆန်စပါးတစ်စေ့ခန့်အထိ သေးငယ်သွားပြီး လော်ယွင်၏ မျက်ခုံးနှစ်ခုကြား (နဖူး) ထဲသို့ တိုးဝင်ကာ အပြည့်အဝ ပုန်းကွယ်သွားတော့ သည်။

‘ဘယ်လောက်တောင် အစွမ်းထက်လိုက်လဲ...!’ လော်ယွင်သည် သူမ၏ မျက်ခုံးကြားတွင် ထူးဆန်းသော အရာတစ်ခု ပေါ်လာသည်ကို ခံစားလိုက်ရသည်။ သူမ၏ အသက်ရှူသံနှင့် အတူ ထိုအရာသည် ကြီးမားသော စွမ်းအင်လှိုင်းများကို ထုတ်လွှတ်နေသည်။ ဤစွမ်းအင် မှာ အလွန်ပင် ကြီးမားလှသဖြင့် သူမ၏ လက်တစ်ချက် ဝှေ့ယမ်းလိုက်ရုံဖြင့် တောင်တန်း များကို ပြိုလဲစေနိုင်ပြီး ဆူနာမီလှိုင်းတံပိုးများကို ဖျက်ဆီးနိုင်မည့်အဆင့်အထိပင် ခံစားနေ ရသည်။

“‘သူတော်စင်ပေါင်းစုံခန်းမ’ ဆိုတာ မဟာနတ်ဘုရားလက်နက်တွေရဲ့ ဘုရင်ပဲ၊ နိဗ္ဗာန အဆင့်လက်နက်တစ်ခုရဲ့ မြစ်ဖျားခံရာလည်း ဖြစ်တယ်။ ‘ဧကရာဇ်ချန်းရှန်’ ရဲ့ ကျောက်စာ တိုင် ငါးခုလုံးကို စုစည်းနိုင်ရင်တောင် ဒီခန်းမကို ကျော်တက်နိုင်ဖို့ မလွယ်ဘူး။ ဒါကြောင့် မင်းရဲ့ ခမည်းတော်ဟာ ကျောက်စာတိုင် တစ်ခုတည်းနဲ့တော့ ဧကရာဇ်တစ်ပါးအဖြစ် ဘိသိက်ခံဖို့ မဖြစ်နိုင်ပါဘူး။ မင်းအနေနဲ့ ‘သူတော်စင်ပေါင်းစုံခန်းမ’ ရဲ့ စွမ်းအားအချို့ကို သုံးပြီး သူ့ကို သတိပေးလို့ ရသလို၊ သူ့ရဲ့ ရူးသွပ်တဲ့ အကြံအစည်တွေကိုလည်း စွန့်လွှတ်နိုင် အောင် လုပ်လို့ ရတယ်။”

ဟုန်ယွိက သူ၏အတွေးစကို ပို့လွှတ်ပြီး လော်ယွင်ထံသို့ သတင်းစကား ပါးလိုက်သည်။

“နင်ရဲ့ ‘သူတော်စင်ပေါင်းစုံခန်းမ’က စွမ်းအားတွေနဲ့ဆိုရင် ငါ မက်မွန်နတ်ဘုရားဂိုဏ်းရဲ့ ဂိုဏ်းချုပ် ဖြစ်လာဖို့ ဘာပြဿနာမှ ရှိတော့မှာ မဟုတ်တော့ဘူး။” လော်ယွင်သည် သူမ၏ ခန္ဓာကိုယ်အနှံ့ စီးဆင်းနေသော အစစ်မှန် မူလစွမ်းအင်များကို ခံစားနေရသည်။ ထိုစွမ်းအင် များက သူမ၏ ခန္ဓာကိုယ်တွင်း အပ်စိုက်မှတ်တိုင်းကို လှုံ့ဆော်ပေးနေပြီး အတွေးစတိုင်းကို လည်း အာဟာရ ဖြည့်တင်းပေးနေသည်။ သူမ၏ ခန္ဓာကိုယ် အစိတ်အပိုင်းတိုင်း၏ ပြောင်းလဲမှုကို ဂရုတစိုက် ခံစားကြည့်ရင်း အချို့သော အရာများကိုလည်း သူမ နားလည် လာခဲ့သည်။

“သတိမလွတ်စေနဲ့ဦး၊ အခု အခြေအနေအရ မင်းနဲ့အတူ ဂိုဏ်းချုပ်နေရာကို ပြိုင်နေတဲ့ လူသစ်တွေဟာ လျှော့တွက်လို့မရတဲ့ လူတွေပဲ။ အခု ငါ မင်းကို ကိုယ်တွင်း အပ်စိုက်မှတ် တွေ စုစည်းတဲ့ နည်းလမ်းကို သင်ပေးမယ်၊ ပြီးတော့ မင်းရဲ့ ခန္ဓာယ်ကို ကြံ့ခိုင်မှုကို မြှင့်တင် ဖို့ ‘မြေအနှစ်သာရဆေးလုံး’ တစ်လုံးကိုလည်း ပေးမယ်။ မင်းရဲ့ သွေးစွမ်းအင်နဲ့ ခွန်အားကို ပြည့်ဝနေပါစေ။ သိုင်းသူတော်စင်အဆင့် ခန္ဓာကိုယ်နဲ့ မင်းရဲ့ စိတ်ဝိညာဉ်ကိုသာ ပေါင်းစပ် လိုက်ရင်၊ မိုးကြိုးကပ်ဘေး ၆ ကြိမ် ကျော်ဖြတ်ထားတဲ့ သာမန် ကျွမ်းကျင်သူတစ်ယောက် ကိုတောင် မင်း ယှဉ်နိုင်လိမ့်မယ်။”

လော်ယွင်၏ မျက်ခုံးကြားရှိ နန်းတော်အတွင်း၌ ဟုန်ယွိသည် ‘မြေအနှစ်သာရဆေးလုံး’ တစ်လုံးကို လက်ထဲတွင် ကိုင်ထားပြီး ချေဖျက်လိုက်သည်။

ဗုန်း…

‘မြေအနှစ်သာရဆေးလုံး’ သည် ဆေးစွမ်းအင် မြူခိုးများအဖြစ် ကြေမွသွားသည်။ ထို့နောက် ၎င်းတို့သည် ‘ထိုက်ကျိ မိုးကြိုးကန်’ ထဲသို့ ပျံဝင်သွားပြီး၊ မရေမတွက်နိုင်သော မိုးကြိုးအစီအရင်များ၏ သန့်စင်မှုကို ခံယူကာ ပိုမိုသန့်စင်သော စွမ်းအင်များအဖြစ် ပြောင်းလဲသွားပြီးနောက် လော်ယွင်၏ နဖူးမှတစ်ဆင့် ပေါက်ကွဲထွက်ပေါ်လာသည်။

တစ်ချိန်တည်းမှာပင် လော်ယွင်၏ ခန္ဓာကိုယ်ရှိ အပ်စိုက်မှတ် ၂၂၁ ခု၊ အထူးသဖြင့် သူမ၏ ဒန်တန်ထဲရှိ မျိုးစေ့ ၈၁ ခုတို့မှာ အမြစ်တွယ်ပြီး အစို့အညှောက်များ ထွက်လာကြသည်။

သူမ၏ ခန္ဓာကိုယ်မှ မွှေးပျံ့သော ချွေးစက်များ ထွက်ပေါ်လာပြီး သွေးများ ဆူပွက်လာခဲ့ သည်။ သို့သော် နောက်တစ်စက္ကန့်မှာပင် ရေကဲ့သို့သော မိုးကြိုးစွမ်းအင်များက သူမ၏ တစ်ကိုယ်လုံးသို့ ပျံ့နှံ့သွားပြီး၊ ခန္ဓာကိုယ်အတွင်းမှ ထွက်ပေါ်လာသော အညစ်အကြေး အားလုံးကို ဆေးကြောပစ်လိုက်သည်။

၎င်းမှာ သူမ၏ နှလုံးသား အနက်ရှိုင်းဆုံးနေရာမှ တစ်ဖန် ပြန်လည် မွေးဖွားလာသကဲ့သို့ ပင်။

...

“ဟုန်ယွိ... ရှင် သူမခန္ဓာကိုယ်ကို သန့်စင်ပေးနေတာလား... သူမရဲ့ တာအိုကျင့်စဉ်က တစ္ဆေ အင်မော်တယ်တောင် မရှိသေးဘူး။ သူမအတွက် အတွေးစပေါင်း ၄၈,၀၀၀ ကျော်ကို ထိန်းချုပ်ဖို့တောင် အနိုင်နိုင်ဖြစ်နေတာ။ နတ်ဆိုးဝင်္ကပါကို စုစည်းဖို့ဆိုတာ ပိုလို့တောင် မလွယ်သေးဘူး။ တကယ်လို့ ရှင်သာ အဲဒီ နတ်ဆိုးအငွေ့သက်တွေကို မနှိမ်နင်းပေးခဲ့ရင် သူမလည်း ရူးသွပ်ပြီး သေဆုံးသွားမှာပဲ။ အခု ရှင်က မူလစွမ်းအင်တွေနဲ့ သူမရဲ့ ရိုးတွင်း ခြင်ဆီကို သန့်စင်ပေးပြီး အပ်စိုက်မှတ်တွေကို စုစည်းပေးနေတာ၊ ဒါက သူမကို တစ်ချက် တည်းနဲ့ သိုင်းသူတော်စင်အဆင့်ကို တွန်းပို့ပေးလိုက်တာပဲ။ ဒါက တကယ်ကို... တခြား လူတွေဆိုရင် ‘မြေအနှစ်သာရဆေးလုံး’ သောက်ပြီးရင် အားနည်းတဲ့ ကာလတစ်ခု ရှိတတ် ပေမဲ့၊ မင်းက ဒီဆေးစွမ်းအင်ကို ဒီလိုမျိုး ထိန်းချုပ်ပေးနေတာပဲ။ ဒါဟာ ကောင်းကင်ဘုံရဲ့ နိယာမကို ဆန့်ကျင်ပြီး ရှင့်ကံကြမ္မာတွေ ကုန်ဆုံးသွားမှာ မကြောက်ဘူးလား။”

ဟွမ်ယန်ယန်သည် ဤမြင်ကွင်းကို ကြည့်ရင်း တစ်ကိုယ်လုံး တုန်လှုပ်နေမိသည်။ မူလက လော်ယွင်မှာ သာမန် ကျင့်ကြံသူတစ်ဦးသာ ဖြစ်သော်လည်း၊ ဟုန်ယွိ၏ နည်းလမ်း အမျိုးမျိုးကြောင့် သူမ၏စွမ်းအားမှာ အဆင့်ခြောက်မိုးကြိုးကပ်ဘေး ကျော်ဖြတ်ထားသော ကျွမ်းကျင်သူများနှင့် ယှဉ်နိုင်သည့်အဆင့်သို့ တစ်ခဏချင်း ရောက်ရှိသွားခဲ့သည်။

ဒါဟာ တကယ်ကို ကောင်းကင်ဘုံကို ဆန့်ကျင်ပြီး မဆင်မခြင် လုပ်ဆောင်ခြင်းမျိုး ဖြစ်နေ သည်။

“ကံကြမ္မာဟုတ်လား။ ကံကြမ္မာဆိုတာ ကိုယ့်ဘာသာ တိုက်ယူရတဲ့ အရာပဲ။ ကျင့်ကြံပြီ ဆိုကတည်းက သဘာဝတရားရဲ့ စီးဆင်းမှုကို ဆန့်ကျင်ပြီး လုပ်ဆောင်ရတာပဲ မဟုတ် လား။ သဘာဝတရားရဲ့ မျိုးစေ့၊ နေနဲ့ လရဲ့ အနှစ်သာရတွေဟာ သဘာဝကို ဆန့်ကျင်ပြီးမှ လူသား ဖြစ်လာရသလို၊ အဲဒီကနေ တစ်ဆင့် သဘာဝကို ဆန့်ကျင်ပြီး အင်မော်တယ် ဖြစ်လာကြတယ်ဆိုတာ မင်း မသိဘူးလား။” ဟုန်ယွိက ဟွမ်ယန်ယန်ကို ကြည့်ပြီး ပြောလိုက်သည်။ “ငါ တာအိုဘိုးဘေးသုံးပါးကို တားဆီးနေတဲ့ အရေးကြီးဆုံး အချိန်မှာ မင်း ဝင်မပါခဲ့တဲ့အတွက် မင်းဟာ မူလဝိညာဉ်နတ်ဘုရားရဲ့ အတွေးစတွေကို မရရှိခဲ့ဘူး။ အဲဒီ အတွေးစတွေကိုသာ ရသွားခဲ့ရင် မင်းလည်း ခြောက်ကြိမ်မြောက် မိုးကြိုးကပ်ဘေးရဲ့ အထွက်အထိပ်အထိ တက်လှမ်းနိုင်ခဲ့ပြီး နှစ်ပေါင်းရာနဲ့ချီ ကျင့်ကြံရမယ့်အချိန်တွေကို သက်သာစေမှာပဲ။”

ဟုန်ယွိ ခုနှစ်ကြိမ်မြောက် မိုးကြိုးကပ်ဘေးကို ကျော်ဖြတ်စဉ် ဝိုင်းရံတိုက်ခိုက်ခံရချိန်၌ ဟွမ်ယန်ယန်သည် တာအိုဘိုးဘေးသုံးဦး၏ နောက်ဆုံး တိုက်ကွက်ကို ဝင်ရောက် မတားဆီးခဲ့သဖြင့် သူမ ဒဏ်ရာမရခဲ့ပေ။ သို့ဖြစ်ရာ သူမသည် မူလဝိညာဉ်နတ်ဘုရား၏ အတွေးစတွေကို ဝေစု မရရှိခဲ့ပေ။

ယခုမူ သူမသည် လော်ယွင်၏ စွမ်းအားများ အဆက်မပြတ် မြင့်တက်လာသည်ကို မြင်နေရ သည်။ သူမသည် တစ္ဆေအင်မော်တယ်ပင် မဖြစ်သေးသော်လည်း ဟုန်ယွိ၏ အတင်းအဓမ္မ မြှင့်တင်ပေးမှုကြောင့် ယခုကဲ့သို့ ဖြစ်လာရခြင်းမှာ တုန်လှုပ်စရာပင်။

ကမ္ဘာဦးခေတ်ကတည်းက ဤမျှ မြန်ဆန်စွာ စွမ်းအင်တိုးတက်လာသော ကျင့်ကြံသူမျိုး ရှိခဲ့ဖူးမည် မဟုတ်ပေ။

“ဟွန်း…၊ နှမြောစရာပဲ၊ ယန်အန်းသာ ရှင့်လက်ချက်နဲ့ မသေခဲ့ရင်... ပြီးတော့ သူ မွေးလာကတည်းက ချန်ဧကရာဇ် ယန်ဖန်က သူ့ကို တာအိုကျင့်စဉ်တွေ မကျင့်နိုင်အောင် တားဆီးမထားခဲ့ရင် သူဟာ အလွန်နက်နဲတဲ့ တာအိုကျင့်စဉ်တွေကို ကျင့်ကြံနိုင်ခဲ့မှာ။ သူ တာအိုပညာရပ်တွေကို သင်ယူနိုင်တဲ့ အချိန်မှာပဲ ရှင်သတ်တာ ခံလိုက်ရလို့ လျှို့ဝှက်ပညာရပ်တွေကို ကျင့်ကြံခွင့် မရတော့တာ။ မဟုတ်ရင် သူ့ရဲ့ အောင်မြင်မှုက ရှင့်ထက် မနိမ့်ကျနိုင်ဘူး။ ငါကိုယ်တိုင်တောင် ဖန်ဆင်းရှင်တစ်ပါး ဖြစ်ဖို့ မျှော်လင့်ချက် ရှိမှာ။”

ဟွမ်ယန်ယန်သည် ဟုန်ယွိ၏ စကားကို ကြားသောအခါ နှာခေါင်းတစ်ချက် ရှုံ့ရင်း ခပ်အေးအေး ပြောလိုက်သည်။

“အို… ယန်အန်း မလေ့ကျင့်လိုက်ရတဲ့ တခြား ဘယ်လို လျှို့ဝှက်ပညာရပ်တွေ ရှိနေလို့လဲ။ အဲဒီပညာရပ်တွေက ငါ့ထက်တောင် မနိမ့်ဘူးလား။ ‘ပြောင်းလဲခြင်းကျမ်း’ ထက်တောင် ပိုသာလို့လား။” ဟုန်ယွိက လော်ယွင်၏ ခန္ဓာကိုယ်ကို သန့်စင်ပေးရင်း ပေါ့ပေါ့ပါးပါးပင် မေးလိုက်သည်။ သူသည် ချန်ပီယံမြို့စား ယန်အန်း၏ တာအိုပညာရပ်များကို သိသော် လည်း၊ သူ မလေ့ကျင့်ခဲ့ရသည့် ပို၍မြင့်မားသော ပညာရပ်များ ရှိနေဦးမည်ဟု မယုံကြည် ပေ။

အကြောင်းမှာ ဖန်ဆင်းရှင် အဆင့်ကို ရောက်ရန် ကြီးမားသော ဇွဲလုံ့လ၊ ဝိရိယ၊ ပညာနှင့် သတ္တိတို့ လိုအပ်သည်။ ထိုအချက်များ မပါဘဲ မည်သည့် လျှို့ဝှက်ပညာရပ်မဆို အလွန်ဆုံး ရှိမှ အဆင့်ခြောက် မိုးကြိုးကပ်ဘေးအထိသာ ပို့ဆောင်ပေးနိုင်သောကြောင့်သည်။

“အဲဒါက ‘ကမ္ဘာဦးခေတ်က ယင်ယန် တူနှစ်ဖော်ကျင့်စဉ်’ ရဲ့ အမြင့်ဆုံး လျှို့ဝှက်ချက်ပဲ။”

ဟွမ်ယန်ယန်သည် ဟုန်ယွိ၏ ပြီးဖြီးဖြီး အထင်သေးဟန် မျက်နှာကို မြင်သောအခါ သူမ၏ မျက်နှာဖုံး ပုဝါလေး တုန်ခါသွားပြီး မနေနိုင်ဘဲ ထုတ်ပြောလိုက်တော့သည်။

ဟုန်ယွိက ခေါင်းခါရင်း ဆိုသည်။ “ယင်ယန် တူနှစ်ပါးဖော်ကျင့်စဉ် ဟုတ်လား။ အမြင့်ဆုံး လျှို့ဝှက်ချက် ဟုတ်လား။ “မင်းက ကြွားပြောနေတာပဲ။” ယင်ယန် တူနှစ်ဖော်ကျင့်စဉ်ဆို တာ လမ်းစဉ် အသေးလေးတစ်ခုပဲ။ အလွန်ဆုံးရှိမှ အကြံဉာဏ်သစ်အချို့ ပေးနိုင်ရုံပဲ ရှိမှာ ပါ။ အဲဒါနဲ့ ဖန်ဆင်းရှင်တစ်ပါး ဖြစ်ဖို့ ကြိုးစားတာကတော့ စိတ်ကူးယဉ်တာပဲ။”

“ရှင် နားလည်ထားတဲ့ ယင်ယန် တူနှစ်ပါးဖော်ကျင့်စဉ်တာ ခန္ဓာကိုယ်ချင်း ဆက်ဆံတဲ့ လမ်းစဉ် အသေးလေးပဲ ရှိသေးတာ။ ရှင် ‘ပြောင်းလဲခြင်းကျမ်း’ ကို ရေးခဲ့တာ အလကားပဲ၊ ဟေက်စ်ဇာဂရမ်ပုံစံနှစ်ခုရဲ့ ဆုံမှတ်ကနေ ပြောင်းလဲမှုပေါင်း သောင်းနဲ့ချီ ဖြစ်ပေါ်လာနိုင် တယ်ဆိုတာကို ရှင် သိရမှာပေါ့။ တူနှစ်ပါးဖော်ကျင့်စဉ်ဟာ ရှင်ရဲ့ ‘ပြောင်းလဲခြင်းကျမ်း’ ထဲ မှာ ပုန်းကွယ်နေတာ။ ခန္ဓာကိုယ်ချင်း ဆက်ဆံခြင်း၊ စိတ်ဝိညာဉ်ချင်း ဆက်ဆံခြင်းတွေဟာ ‘ဖန်ဆင်းခြင်းလမ်းစဉ်’ကို ဖြစ်ပေါ်စေတယ်၊ ‘ရုပ်’ နဲ့ ‘နာမ်’ တို့ ဆုံစည်းခြင်းကနေ ယန်နတ်ဘုရားအဆင့်အထိ ရောက်စေနိုင်တယ်။ ရှင်ရဲ့ ‘ပြောင်းလဲခြင်းကျမ်း’ ဟာ ရုပ်နဲ့ နာမ်တို့ ပေါင်းစပ်ခြင်းရဲ့ အမြင့်ဆုံးလမ်းစဉ်ပဲ။ ဒါကို ရှင် နားမလည်ဘူးလား။”

ဟွမ်ယန်ယန်က ဆက်ပြောသည်... “ရှေးဟောင်းခေတ်က ‘ဧကရာဇ်ဖန်’ ဟာ အနောက် နန်းဆောင်ကို တည်ဆောက်ပြီး ကိုယ်လုပ်တော်တွေ နောက်ပိုင်း ဧကရာဇ်တွေမှာလည်း မရေမတွက်နိုင်တဲ့ ကိုယ်လုပ်တော်ပေါင်း များစွာ၊ သုံးထောင်ကနေ သောင်းနဲ့ချီတဲ့ မိန်းမ တွေ အနောက်ဘက် နန်းဆောင်ထဲမှာ ရှိခဲ့ကြတယ်။ အဲဒါကို မင်းက ယဉ်ကျေးမှု ထုံးတမ်း စဉ်လာသက်သက်လို့ ထင်နေတာလား။ အဲဒါဟာ ကျင့်ကြံခြင်း လမ်းစဉ်တစ်ခုပဲ။ အဲဒါဟာ ‘ရုပ်’ နဲ့ ‘နာမ်’ တို့ရဲ့ ပေါင်းစပ်မှုကို နားလည်သဘောပေါက်ပြီး ‘ယန်နတ်ဘုရား’ အဆင့်ကို ရောက်ဖို့အတွက် အမြင့်ဆုံး လျှို့ဝှက်နည်းစနစ်တစ်ခုပဲ။”

“အို? မင်း ပြောတာလည်း ကျိုးကြောင်းဆီလျော်မှု ရှိသားပဲ... 'ကောင်းကင်ဘုံက ရုပ်နဲ့ နာမ်ဟာ နတ်ဘုရားတွေရဲ့ နေအိမ်ပဲ' ဆိုလို့ 'ဧကရာဇ်ချန်ရှန်း' ရဲ့ ကဗျာထဲမှာလည်း ပါတာ ပဲ။ အဲဒါဟာ တူနှစ်ဖော်ကျင့်စဉ်ရဲ့ အနက်အဓိပ္ပာယ်ကို ဆိုလိုပုံရတယ်” ဟုန်ယွိ ခေတ္တ စဉ်းစားလိုက်သည်။ “‘ပြောင်းလဲခြင်းကျမ်း’ ထဲမှာလည်း ဟေက်စ်ဇာဂရမ် သင်္ကေတနှစ်ခု ပေါင်းဆုံခြင်းဟာ တူနှစ်ဖော်ကျင့်စဉ်ရဲ့ လမ်းစဉ်ပဲ။ 'ရုပ်နှင့် နာမ်' ဆိုတဲ့ စကားလုံးက တကယ်ကို နက်နဲဆန်းကြယ်တာပဲ။"

“လိင်ဆက်ဆံခြင်း လမ်းစဉ် ဟုတ်လား၊ "အမျိုးသမီးတွေကို ဝမ်းယွမ်တစ်ခုအနေနဲ့ ထိန်းချုပ်တာလား။ ဝမ်းယွမ်တစ်ခုဆိုတာ အတွေးစပေါင်း ၁၂၉,၆၀၀ ရှိတာလေ။" ချန်ယင်းရှာက ဝင်ပြောလိုက်သည်။

...

“မင်းတို့က အခုထိ တူနှစ်ဖောက်ကျင့်စဉ်အကြောင်း ပြောနေတုန်းလား။ ငါ့ခန္ဓာကိုယ်ကို သန့်စင်ပြီးသွားပြီ။”

သူတို့ စကားပြောနေစဉ်မှာပဲ လော်ယွင်၏ ခန္ဓာကိုယ်မှာ တုန်ခါသွားပြီး သူမက စကား ပြောလာသည်။ သူမ၏ တစ်ကိုယ်လုံးတွင် စွမ်းအင်များ ပြည့်ဝနေပြီး သန့်စင်သော သွေးစွမ်းအင်များမှာ အဆုံးမရှိ လည်ပတ်နေကာ ခန္ဓာကိုယ်အတွင်း ပုန်းကွယ်သွား၏။

“သွားကြစို့” ဟုန်ယွိက စကားစ ဖြတ်လိုက်သည်။

တာအိုပညာရပ်ရော၊ ခန္ဓာကိုယ် ကြံ့ခိုင်မှုပါ သိသိသာသာ တိုးတက်လာသော ကျန်းနန် မင်းသမီး လော်ယွင်သည် သူမ၏ နေအိမ်မှ ထွက်လာခဲ့သည်။ သူမသည် ရွှေချည်ထိုးထား ပြီး ကျောက်စိမ်းများဖြင့် အလှဆင်ထားသော ဝေါယာဉ်ကြီးပေါ်သို့ တက်လိုက်သည်။ သူမ၏ အခြွေအရံများ၊ မြင်းစီးစစ်သည်များနှင့် ကျွမ်းကျင်သူများ ဝန်းရံလျက် နန်းတော်ဆီ သို့ ဦးတည်ထွက်ခွာလာခဲ့ကြသည်။

“လော်ယွင်... မင်းရဲ့ အင်အားကို မင်း ကောင်းကောင်း စီမံထားနိုင်တာပဲ။”

လော်ယွင်၏ အခြွေအရံများ၊ စစ်သည်များ၊ ကျွမ်းကျင်သူများ၊ အစေခံများနှင့် ကျွန်များ အားလုံးမှာ ‘ရှန်တန်သိုင်းသခင်အဆင့်’ ကျွမ်းကျင်သူများ ဖြစ်ကြသည်။ အချို့မှာ တာအို ပညာရပ်တွင် အလွန် မြင့်မားသော အဆင့်အထိ ကျင့်ကြံထားသူများပင် ဖြစ်သည်။ လော်ယွင်၏ အခြွေအရံထဲမှ သာမန်လူတစ်ယောက်ပင် အလယ်ပိုင်း ကောင်းကင်နိုင်ငံရှိ ဂိုဏ်းငယ်တစ်ခုနှင့် ယှဉ်နိုင်စွမ်း ရှိသည်။

“နတ်ဘုရားလေနိုင်ငံဟာ နှစ်ပေါင်းများစွာ စီးပွားရေး လုပ်လာခဲ့တာ။ ‘ရှန်တန်သိုင်းသခင်’ ကျွမ်းကျင်သူတွေကိုတောင် ဝယ်လို့ ရောင်းလို့ ရတဲ့အထိပဲ၊ ဒါကြောင့် ဒီကျွမ်းကျင်သူတွေ ရှိနေတာက မဆန်းပါဘူး။” လော်ယွင်က ဆိုသည်။ “ဒီနှစ်တွေတစ်လျှောက် ခမည်းတော် လည်း သူ့အင်အားကို တဖြည်းဖြည်း တည်ဆောက်လာတာကို ငါ ကြည့်နေခဲ့ရတာ။ ခမည်းတော်ဟာ ကြီးမားတဲ့ အင်အားတွေကို စုဆောင်းထားပြီးပြီ၊ အဲဒါကြောင့်လည်း သူ့မှာ ဒီလို ရည်မှန်းချက်တွေ ရှိနေတာ။ ခမည်းတော်တင်မကဘူး၊ နတ်ဘုရားလေနိုင်ငံက မှူးမတ်တွေနဲ့ အရာရှိတွေမှာလည်း ကျွမ်းကျင်သူတွေနဲ့ ကိုယ်ပိုင်စစ်တပ်တွေ အများကြီး ရှိနေကြတယ်။ တစ်နိုင်ငံလုံးမှာ ရည်မှန်းချက်ကြီးမားတဲ့ အငွေ့အသက်တွေ ဖုံးလွှမ်းနေ တာ။”

သူတို့ စကားပြောနေရင်းနှင့် နာရီဝက်ခန့် ကြာသွားခဲ့သည်။ ဆယ်မိုင်ကျော်ခန့် လမ်းလျှောက်ပြီးနောက် နတ်ဘုရားလေနိုင်ငံ၏ နန်းတော်ကြီးမှာ မိုးကုပ်စက်ဝိုင်းအတွင်း ပေါ်လာတော့သည်။

ဧကပေါင်း ထောင်ချီ ကျယ်ဝန်းသော နေရာတစ်ခုတွင် ခမ်းနားထည်ဝါသော နန်းဆောင် များ၊ လျှောက်လမ်းများနှင့် မြို့ရိုးများ ပေါ်ထွက်လာ၏။ ‘ကျောက်စိမ်း’ မြို့တော်က နန်းတော်နှင့် နှိုင်းယှဉ်လျှင်ပင် ခန့်ညားထည်ဝါမှုမှာ လုံးဝ မနိမ့်ကျပေ။

နန်းမြို့ရိုး အပြင်ဘက်နှင့် မြို့ရိုးပေါ်တွင် တောက်ပသော အလံများ လွှင့်ထူထားသည်။ စစ်ဝတ်စုံပြည့် ဝတ်ဆင်ထားပြီး ဓား၊ လှံ၊ လေးမြားများ ကိုင်ဆောင်ထားသော စစ်သည်တော်များမှာ စနစ်တကျ ကင်းလှည့်နေကြသည်။ သူတို့မှာ မည်သည့်အခါမျှ မောပန်းခြင်း မရှိသည့် စက်ရုပ်ရုပ်သေးများကဲ့သို့ပင် အလွန် စေ့စပ်သေချာကြသည်။

သို့သော်လည်း လော်ယွင်၏ အဆင့်အတန်းမှာ နတ်ဘုရားလေနိုင်ငံတွင် ဧကရာဇ်ပြီးလျှင် ဒုတိယဖြစ်ပြီး လူပေါင်း သောင်းချီ၏ အထက်တွင် ရှိနေသူဖြစ်သည်။ သူမသည် ဧကရာဇ်၏ အချစ်ဆုံး မင်းသမီးတစ်ပါးဖြစ်ရာ မည်သူမျှ တားဆီးခြင်း မရှိပေ။ သူမသည် အဓိက တံခါးမကြီးမှ တိုက်ရိုက် ဝင်ရောက်သွားခဲ့ပြီး သူမ၏ အခြွေအရံများကိုပင် တားဆီး စစ်ဆေးခြင်း မရှိခဲ့ပေ။

“ဒီနန်းတော်ကို တကယ့် နန်းတော်စံနှုန်းတွေအတိုင်း တည်ဆောက်ထားတာပဲ။ ခြေလှမ်း သုံးလှမ်းမှာ ကြမ်းပြင်တစ်ခု၊ ငါးလှမ်းမှာ အဆောင်တစ်ခု၊ ဆယ်လှမ်းမှာ ခန်းမဆောင် တစ်ခု ရှိနေတယ်။ မိန်းမစိုးတွေ၊ အစေခံတွေ၊ ကင်းစောင့်တွေ၊ ကိုယ်လုပ်တော်တွေနဲ့ ညီလာခံခန်းမတွေ အားလုံးက စနစ်တကျ ရှိလှတယ်။ ရှေးဟောင်း ထုံးတမ်းစဉ်လာတွေကို အတိအကျ လိုက်နာထားတာပဲ။ ပင်လယ်ရပ်ခြားက တကယ့် နိုင်ငံကြီးတစ်ခုပါပဲလား။” ဟုန်ယွိသည်လည်း လမ်းတစ်လျှောက် နတ်ဘုရားလေနိုင်ငံ၏ အခြေအနေကို သေချာစွာ လေ့လာနေခဲ့သည်။

“ဒီနန်းတော်ထဲမှာ ထူးဆန်းတဲ့ အငွေ့အသက်တစ်ခု ရှိနေတယ်။ အဲဒါက ငါ့ကို စိတ်မသက် မသာ ဖြစ်စေတယ်၊ ဘာကြောင့်လဲ၊” ချန်ယင်းရှာက မျက်မှောင်ကြုတ်ရင်း မေးလိုက် သည်။ “ဘာကြောင့်လဲ။”

“ဟုတ်တယ်။” ဟုန်ယွိ၏ နတ်ဘုရားအာရုံမှာ လေလှိုင်းများအဖြစ် ပြောင်းလဲသွားပြီး ဟင်းလင်းပြင်နှင့် ပေါင်းစပ်ကာ ကောင်းကင်ယံသို့ ပျံတက်သွားခဲ့သည်။ သူသည် နတ်ဘုရားလေနိုင်ငံ၏ နန်းတော်အတွင်းရှိ အငွေ့အသက်များကို ငုံ့ကြည့်လိုက်သော် လည်း နန်းတော် တည်ဆောက်ပုံတွင် ထူးခြားသည်ကို မတွေ့ရပေ။ သို့သော်လည်း မြေကြီး၏ အနက်ရှိုင်းဆုံးနေရာတွင်မူ နက်ရှိုင်းပြီး ကျယ်ပြောလှသော၊ ခန့်ညားထည်ဝါ သည့် စွမ်းအင် အငွေ့အသက်တစ်ခု ပုန်းကွယ်နေ၏။

ဤစွမ်းအင် အငွေ့အသက်မှာ အလွန်တရာ ကောင်းမွန်စွာ ပုန်းကွယ်နေခြင်း ဖြစ်သည်။ ဖန်ဆင်းရှင်အဆင့် ကျွမ်းကျင်သူ မဟုတ်ပါက ၎င်းကို ခံစားမိလိမ့်မည် မဟုတ်ပေ။

ချန်ယင်းရှာမှာမူ သူမ မူလစိတ်ဝိညာဉ်၏ ထက်မြက်မှုကြောင့်သာ တစ်ခုခု မှားယွင်းနေ သည်ကို ခံစားမိခြင်း ဖြစ်သည်။

“ဒီနန်းတော်ကို မီးတောင်တစ်ခုပေါ်မှာ တည်ဆောက်ထားပုံရတယ်။ မြေအောက် ပေပေါင်း သောင်းချီမှာ ထူးဆန်းတဲ့ အငွေ့အသက်တစ်ခု ရှိနေတယ်။ ဒါပေမဲ့ အခုက အဲဒါ ကို စုံစမ်းဖို့ အချိန်မဟုတ်သေးဘူး။” ဟုန်ယွိက ဆိုသည်။

သူတို့ စကားပြောနေစဉ် လော်ယွင်၏ ဝေါယာဉ်သည် နန်းတော်၏ တော်ဝင်ဥယျာဉ် တံခါးဝသို့ ဆိုက်ရောက်လာသည်။ သို့သော် မိန်းမစိုး နှစ်ဦးက တားဆီးလိုက်ပြီး... “မင်းသမီး... အရှင်မင်းကြီးက ဥယျာဉ်ထဲမှာ ပန်းအလှတွေကို ရူစားနေပါတယ်။ ဝေါယာဉ် ပေါ်က ဆင်းပြီး လမ်းလျှောက် ကြွပါ။”

“ကောင်းပြီလေ။” လော်ယွင်သည် ဝေါယာဉ်ပေါ်မှ ဆင်းလိုက်ပြီး သူမ၏ ယုံကြည်ရသော အစေခံအချို့နှင့်အတူ တော်ဝင်ဥယျာဉ်ထဲသို့ ဝင်လာခဲ့သည်။

လမ်းတစ်လျှောက်တွင် ဥယျာဉ်မှာ အလွန် သာယာလှပနေပြီး ပန်းများမှာလည်း အစွမ်း ကုန် ပွင့်လန်းနေကြသည်။

“အခုက ၉ လပိုင်း ၉ ရက်တောင် ကျော်နေပြီ၊ ဆောင်းဦးနှောင်းပိုင်း ရောက်နေပြီလေ။ ဒါပေမဲ့ တော်ဝင်ဥယျာဉ်ထဲက ပန်းတွေကတော့ နွေဦးမှာလို အစွမ်းကုန် ပွင့်နေကြတုန်းပဲ။ မြေကြီးထဲကနေ နွေးထွေးတဲ့ နွေဦးအငွေ့အသက်တွေ ထွက်ပေါ်နေတာပဲ၊ အံ့သြစရာ ကောင်းလိုက်တာ။” ချန်ယင်းရှာက ဆိုသည်။

“ကြည့်ကြတာပေါ့။” ဟုန်ယွိက ဆိုသည်။ “ငါလည်း နတ်ဘုရားလေနိုင်ငံရဲ့ အုပ်ချုပ်သူကို ပိုပြီး စိတ်ဝင်စားလာပြီ။”

တော်ဝင်ဥယျာဉ်၏ အလယ်ဗဟိုတွင် မြင့်မားလှသော မျှော်စင်ကြီးတစ်ခုကို တည်ဆောက် ထားသည်။ ၎င်းမှာ ‘မြဥယျာဉ်’ က ကြယ်ကြည့်မျှော်စင်ထက်ပင် ပိုမြင့်မားသည်။ ခန့်ညားထည်ဝါမှုမှာလည်း ‘ကျောက်စိမ်း’ မြို့တော်က ‘ဖီးနစ်ငါးပါးမျှော်စင်’ နှင့်ပင် ယှဉ်နိုင်စွမ်း ရှိသည်။

မျှော်စင်၏ ထိပ်ဖျားမှာ တိမ်တိုက်များ ဖုံးလွှမ်းနေပြီး နတ်ဘုံနတ်နန်းတစ်ခုကဲ့သို့ပင်။ ၎င်းကို တည်ဆောက်ရန် လူအား၊ ပစ္စည်းအားနှင့် ငွေကြေး မည်မျှအထိ သုံးစွဲခဲ့ရသည်ကို မည်သူမျှ မသိနိုင်ပေ။

မျှော်စင်ပေါ်တွင် စာလုံးကြီး သုံးလုံးကို ရေးသားထားသည်။ ၎င်းမှာ အသစ်ချိတ်ဆွဲထား သော ‘သမင်အမဲလိုက်ခြင်း မျှော်စင်’ ပင် ဖြစ်သည်။

“ဒီမဟာလောကကြီးဟာ သမင်တစ်ကောင်ဆိုရင် လူအများက အဲဒီသမင်ကို လိုက်ဖမ်း (အမဲလိုက်) နေကြတာပေါ့၊ ဘယ်သူက အောင်နိုင်သူ ဖြစ်မလဲဆိုတာ မသိနိုင်ဘူး။ နတ်ဘုရားလေနိုင်ငံရဲ့ အုပ်ချုပ်သူဟာ တကယ်ကို ရည်မှန်းချက် ကြီးမားတဲ့သူပဲ။ ဒါပေမဲ့ တော်ဝင်ချန်သာ ဒီမျှော်စင်အကြောင်း သိသွားရင်တော့ ပြဿနာပေါင်းစုံ တက်လာနိုင် တယ်” ဟုန်ယွိက ဆိုသည်။

“ဒါ အသစ်ချိတ်ထားတာပဲ၊ ငါလည်း အဲဒီအကြောင်း သတင်းမရခဲ့ဘူး” ဟွမ်ယန်ယန်က ဆိုသည်။

လော်ယွင်သည် ‘သမင်အမဲလိုက်ခြင်းမျှော်စင်’ ပေါ်သို့ တစ်လှမ်းချင်း တက်လာခဲ့သည်။ အထက်ဆုံးထပ်သို့ ရောက်ရန် တစ်နာရီခန့် အချိန်ပေးလိုက်ရသည်။ မျှော်စင်ထိပ်တွင် ခန်းမဆောင်တစ်ခုကဲ့သို့ ကျယ်ဝန်းလှသော နေရာ၌ ငါးလက်သည်းပါ ရွှေနဂါးဝတ်ရုံကို ဝတ်ဆင်ထားပြီး သရဖူဆောင်းထားသော အမျိုးသားတစ်ဦးသည် ပြတင်းပေါက်နားတွင် တိတ်ဆိတ်စွာ ရပ်နေသည်ကို သူမ မြင်လိုက်ရသည်။ သူသည် တစ်နိုင်ငံလုံးနှင့် တော်ဝင် ချန် နယ်မြေကြီးကို ငုံ့ကြည့်နေပုံရသည်။

“ခမည်းတော်... ခမည်းတော်က ဘာလို့ ဧကရာဇ်တစ်ပါးရဲ့ နဂါးဝတ်ရုံကို ဝတ်ထားရတာ လဲ။ ဒီသတင်းသာ တော်ဝင်ချန်ဆီ ပြန့်သွားရင် ပြဿနာတွေ အများကြီး တက်လာနိုင် တယ်နော်” လော်ယွင်သည် ထိုမြင်ကွင်းကို မြင်လိုက်ရသောအခါ ထိတ်လန့်တကြား မေးလိုက်မိသည်။

“ဒါက ဘာမှ မဟုတ်ပါဘူး...” ထိုအမျိုးသားက ဖြည်းညှင်းစွာ လှည့်ကြည့်လိုက်ရာ အပြစ် ပြောစရာမရှိအောင် ချောမောသော မျက်နှာတစ်ခု ပေါ်လာသည်။ သူ့ပုံစံက လော်ယွင် ကျင့်ကြံခဲ့သော ‘ကြောက်မက်ဖွယ်ရာ နတ်ဆိုးမဟာဝင်္ကပါ’ ထဲက အမျိုးသားနှင့်ပင် ဆင်တူနေ၏။ သူသည် ပြီးပြည့်စုံသော အမျိုးသားတစ်ဦး၏ ခန္ဓာကိုယ် အထက်ပိုင်းရှိ သော်လည်း၊ အောက်ပိုင်းမှာမူ ကင်းမြီးကောက် သို့မဟုတ် ကင်းခြေများပုံစံ ဖြစ်နေသည်။

“သမီး... ခမည်းတော် ဒီနေ့ သမီးကို ခေါ်လိုက်တာက ကိစ္စတစ်ခုကို မေးချင်လို့ပါ။ သမီးအနေနဲ့ ဒါကို ထောက်ခံလား၊ မထောက်ခံဘူးလား။” ဤအမျိုးသားမှာ နတ်ဘုရား လေနိုင်ငံ၏ အုပ်ချုပ်သူပင် ဖြစ်သည်။

“ခမည်းတော်... ခမည်းတော်က ဘယ်လိုကိစ္စအတွက် သမီးရဲ့ သဘောထားကို မေးချင် တာလဲ။” လော်ယွင်က ဆိုသည်။ “ဧကရာဇ် ဘိသိက်ခံမယ့် ကိစ္စလား။ ဒါပေမဲ့ ခမည်းတော် က ဒီကိစ္စအတွက် ဆုံးဖြတ်ချက် ချပြီးသားပုံပဲ။”

“အဲဒီကိစ္စ မဟုတ်ဘူး။” နတ်ဘုရားလေနိုင်ငံ၏ အုပ်ချုပ်သူသည် ခေတ္တ တိတ်ဆိတ်သွားပြီး နောက် ဆက်ပြောသည်... “မကြာသေးခင်က ခမည်းတော်ဟာ လောကကို တုန်လှုပ်စေ မယ့် နတ်ဘုရားစွမ်းရည်တစ်ခုကို ကျင့်ကြံချင်နေတာ။ အဲဒီအတွက် ကောင်းကင်နဲ့ မြေကြီး ရဲ့ ဝိညာဉ်စွမ်းအင်တွေကို စုစည်းပေးနိုင်မယ့် ပါရမီရှိပြီး ဉာဏ်ကောင်းတဲ့ မိန်းမလှလေး အများကြီးကို ခမည်းတော်ရဲ့ နန်းဆောင်ထဲမှာ လိုအပ်နေတယ်။ ဒါကြောင့် တစ်နိုင်ငံလုံး အတိုင်းအတာနဲ့ ရွေးချယ်ပွဲတစ်ခု ကျင်းပချင်တယ်။ အဲဒီအပေါ် သမီး ဘယ်လို ထင်လဲ။ ခမည်းတော်အနေနဲ့ ဒီစွမ်းရည်ကို ကျင့်ကြံသင့်လား။ တကယ်လို့ အဲဒီနတ်ဘုရားစွမ်းရည် ကို မကျင့်ကြံဘူးဆိုရင် တော်ဝင်ချန်ကို တိုက်ထုတ်ဖို့ ခက်ခဲလိမ့်မလားလို့ ခမည်းတော် စိုးရိမ်နေမိတယ်”