အခန်း ၂၃၆

အခန်း ၂၃၆ - ဂေါ်မိသားစုရဲ့ ကယ်တင်ရှင်ကြီးလား။

စနစ် ၏ လက်မှတ်ထိုးဝင်ခြင်း တစ်ကြိမ်ချင်းစီတိုင်းသည် မိမိ၏ စွမ်းအားကို မြှင့်တင်ရန်အတွက် အလွန်ကောင်းမွန်သော အခွင့်အရေးတစ်ခု ဖြစ်သည်။

အနှိုင်းမဲ့စနစ် က မည်ကဲ့သို့သော ဆုလာဘ်မျိုးကို ပေးအပ်လိမ့်မည်ဆိုသည်ကို မည်သူမျှ ကြိုတင်၍ မသိရှိနိုင်ချေ။

ဖြစ်နိုင်သည်မှာ ဆုလာဘ် တစ်ခုတည်းကပင် မိမိ၏ စွမ်းအားကို အဆင့်သစ်တစ်ခုဆီသို့ အရည်အသွေးပိုင်းဆိုင်ရာ အလှည့်အပြောင်းကြီးတစ်ခု ဖြစ်ပေါ်သွားအောင် ကူညီပေးနိုင်ပေလိမ့်မည်။

လင်းချန် အနေဖြင့် ဤအချက်ကို တစ်ခါမျှ သံသယမဝင်ခဲ့ဖူးချေ။

သူသည် မဟာဧကရာဇ်နယ်ပယ် သို့ အောင်မြင်စွာ အဆင့်တက်လှမ်းနိုင်ခဲ့ပြီးသည့်တိုင်အောင်တာအိုပြည်နယ် ၃၀၀၀ တွင် သူ လုပ်ဆောင်ခဲ့သော လက်မှတ်ထိုးဝင်ခြင်းများသည်လည်း သူ့အတွက် အလွန်တရာ အကျိုးကျေးဇူး များပြားခဲ့ခြင်း ဖြစ်သည်။

ထင်ရှားလှသော စွမ်းအားတိုးတက်မှုမျိုး မရှိခဲ့သည့်တိုင်အောင် အခြားသော အဖက်ဖက်တွင်မူ အနည်းနှင့်အများဆိုသလို တိုးတက်မှုများ ရှိခဲ့သည်။

အနှိုင်းမဲ့စနစ်၏ လက်မှတ်ထိုးဝင်နိုင်မည့် အခွင့်အရေးများသည် အမြဲတမ်းလိုလို အလွန်တရာ အရေးကြီးပြီး ထူးခြားလှသော နေရာများတွင်သာ ပွင့်လှစ်လေ့ရှိခြင်း ဖြစ်ရာယခုတစ်ကြိမ်ကဲ့သို့ လွယ်ကူစွာ ပွင့်လှစ်ခြင်းမျိုး တစ်ခါမျှ မရှိခဲ့ဖူးချေ။

ယခု ပွင့်လှစ်သွားခဲ့သော လက်မှတ်ထိုးဝင်ခွင့် အခွင့်အရေးကြောင့် လင်းချန်အနေဖြင့် စနစ်၏ လက်မှတ်ထိုးဝင်ခွင့် ပွင့်လှစ်ခြင်းနောက်ကွယ်မှ ယုတ္တိဗေဒများကို ပြန်လည်သုံးသပ်ရန် လိုအပ်နေပြီဟု ခံစားလိုက်ရသည်။

အခြားသော အကြောင်းပြချက်ကြောင့် မဟုတ်ဘဲ ယခုတစ်ကြိမ် လက်မှတ်ထိုးဝင်ခွင့်က အလွန်တရာ ရုတ်တရက်ဆန်ပြီး လွယ်ကူလွန်းလှသောကြောင့် ဖြစ်သည်။

သာမန်မြို့ကြီးတစ်မြို့မျှသာ ဖြစ်ပြီး အတွင်းသို့ ဝင်ရောက်လိုက်ရုံမျှဖြင့် ရှားပါးလှသော လက်မှတ်ထိုးဝင်ခွင့် အခွင့်အရေးကို တိုက်ရိုက် ပွင့်လှစ်ပေးခဲ့ခြင်း ဖြစ်သည်။

ယင်းက အနှိုင်းမဲ့စနစ်သည် ထာဝရတိုက်ကြီး သို့ ရောက်ရှိလာခဲ့ပြီးနောက်၎င်း၏ စစ်မှန်လှသော အလားအလာအပြည့်အဝကို စတင်၍ ပြသနေပြီ ဖြစ်ကြောင်း သက်သေပြနေခဲ့ခြင်းလည်း ဖြစ်ပေသည်။

ဂေါ်လော့၏ ဦးဆောင်မှုအောက်တွင်လည်းကောင်း အိပ်မက်မြို့တော် ရှိ ဒေသခံ ကျင့်ကြံသူအများအပြား၏ စောင့်ကြည့်နေမှုများအကြားတွင်လည်းကောင်းထိုလူစုသည် ဂေါ်မိသားစု တည်ရှိရာ နေရာဆီသို့ တဖြည်းဖြည်းချင်း ချဉ်းကပ်လာခဲ့ကြတော့သည်။

လင်းချန် ဂေါ်လော့ ဂေါ်ဖုန်းထျန်းနှင့် အခြားသောသူများ ပြန်လည်ရောက်ရှိလာမှုကြောင့် အိပ်မက်မြို့တော်တစ်ခုလုံးနီးပါး ရုတ်ရုတ်သဲသဲ ဖြစ်သွားခဲ့ရပြီ ဖြစ်သည်။

လောကကြီး၏ အလင်းဖက်တွင်ရော အမှောင်ဖက်တွင်ပါ ရှိနေကြသော ကျွမ်းကျင်သူများသည် နိုးနိုးကြားကြား ဖြစ်သွားခဲ့ကြရပြီး သူတို့၏ အတွေးများ ကူးလူးယှက်သန်းနေခဲ့ကြသည်။

အိပ်မက်မြို့တော်တွင် ဂေါ်မိသားစုအပြင် ကျန်ရှိနေသေးသော အခြားသော မိသားစုကြီး နှစ်ခုအတွင်း၌မူ တိတ်ဆိတ်နေခဲ့ပြီး မည်သည့်လှုပ်ရှားမှုမျှ ထွက်ပေါ်လာခြင်း မရှိချေ။

တစ်ချိန်တည်းမှာပင် မြင့်မားလှသော စံအိမ်တော်ကြီးတစ်ခု၏ အပြင်ဘက်တွင်မူ...

အနည်းဆုံးတော့ မဟာသူတော်စင်အဆင့် (ရှိကြသော ကျွမ်းကျင်သူအများအပြား စုဝေးနေခဲ့ကြပြီးလမ်းလျှောက်ဖြတ်သန်းသွားလာနေကြသော ကျင့်ကြံသူများကို မျှော်လင့်စောင့်စားလှသော မျက်ဝန်းများဖြင့် လှမ်း၍ အကဲခတ်နေခဲ့ကြသည်။

သူတို့၏ ပုံစံမှာ တစ်စုံတစ်ခုကို ရှာဖွေနေကြသည့်အလား ဖြစ်နေခဲ့သည်။

အမှန်တရားကတော့ သူတို့သည် သူတို့ ဂေါ်မိသားစု၏ သခင်လေး မဟာအကြီးအကဲနှင့် အခြားသော အစောင့်ကျွမ်းကျင်သူများကို တကယ်ပဲ ရှာဖွေစောင့်ဆိုင်းနေကြခြင်း ဖြစ်သည်။

သူတို့အားလုံးသည် အိပ်မက်မြို့တော် ဂေါ်မိသားစုမှ ကျွမ်းကျင်သူများ ဖြစ်ကြသည်။ မဟာအကြီးအကဲ ဂေါ်လော့ထံမှနေ၍ သတင်းစကားကို လက်ခံရရှိပြီးပြီးချင်းမှာတင် သူတို့သည် ကြိုဆိုခြင်း အခမ်းအနား ကျင်းပရန်အတွက် အလျင်အမြန် စုဝေးခဲ့ကြခြင်း ဖြစ်သည်။

သူတို့အားလုံးသည် ယခုတစ်ကြိမ်တွင် အပြင်လောကမှ ကျွမ်းကျင်သူတစ်ဦးက သူတို့ ဂေါ်မိသားစု၏ သခင်လေးဖြစ်သူ ဂေါ်ဖုန်းထျန်းကို ပစ်မှတ်ထားခဲ့ပြီး သတ်ဖြတ်ရန် ကြံရွယ်ခဲ့ကြောင်း သိရှိထားကြပြီးပြီ ဖြစ်သည်။

အကယ်၍ အချိန်ကိုက် ပေါ်ထွက်လာခဲ့သော ကျွမ်းကျင်သူကြီးတစ်ဦးကသာ အခြေအနေကို ကူညီဖြေရှင်းပေးခဲ့ခြင်း မရှိပါက သခင်လေး ဂေါ်ဖုန်းထျန်း မဟာအကြီးအကဲ ဂေါ်လော့နှင့် အခြားသော ကျွမ်းကျင်သူများ အားလုံးသည် ယွမ်လျှိုမြောင်၏ အပြင်ဘက်မှာတင် ကျဆုံးသွားခဲ့ကြရပြီ ဖြစ်သည်။

အကယ်၍ ထိုသို့သာ ဖြစ်ပွားခဲ့မည်ဆိုပါကသူတို့အနေဖြင့် ယခုကဲ့သို့ ကြိုဆိုခြင်း အခမ်းအနား ကျင်းပနိုင်မည့် အခွင့်အရေး လုံးဝ ရှိလာလိမ့်မည် မဟုတ်ချေ။

ဤကိစ္စနှင့် ပတ်သက်ပြီး သူတို့အားလုံး အလွန်တရာ စပ်စုချင်နေခဲ့ကြသည်မှာ သူတို့ ဂေါ်မိသားစုကို ကယ်တင်ပေးခဲ့သော ဤကျွမ်းကျင်သူကြီးက ဘယ်သူဖြစ်နေလို့လဲ ဆိုတာပင် ဖြစ်သည်။

မဟာအကြီးအကဲ ဂေါ်လော့သည် နှိုင်းယှဉ်ရခက်လှသော စွမ်းအားကို ပိုင်ဆိုင်ထားသည့် သူတော်စင်ဘုရင်အဆင့် တည်ရှိမှုတစ်ဦး ဖြစ်ကြောင်း တစ်ဦးတစ်ယောက်ချင်းစီတိုင်း သိရှိထားကြသည်။

မဟာအကြီးအကဲကိုယ်တိုင်ပင် မဖြေရှင်းနိုင်ခဲ့သော ကိစ္စရပ်တစ်ခုကို ထိုလျှို့ဝှက်လှသော ကျွမ်းကျင်သူကြီးက အလွယ်တကူ ကိုင်တွယ်ဖြေရှင်းပေးခဲ့ခြင်း ဖြစ်သည်။

ဖြစ်နိုင်သည်မှာ ယခုတစ်ကြိမ် သူတို့ ဂေါ်မိသားစုမှ ကျွမ်းကျင်သူများကို ကယ်တင်ပေးခဲ့သော တည်ရှိမှုမှာ အစွမ်းထက်လှသော မဟာဧကရာဇ်ကျွမ်းကျင်သူကြီးတစ်ဦးများ ဖြစ်နေမည်လော။

အကယ်၍ ဒါကသာ တကယ်အမှန်တရား ဖြစ်နေမည်ဆိုပါက သူတို့ ဂေါ်မိသားစုအနေဖြင့် ယခုတစ်ကြိမ်တွင် ကျေးဇူးတရားကိုအထူးတလည် ဖော်ပြရပေမည်။

ဖြစ်နိုင်သည်မှာ သူတို့အနေဖြင့် မဟာဧကရာဇ်အဆင့် ကျွမ်းကျင်သူကြီးတစ်ဦး၏ ကျောထောက်နောက်ခံကိုပင် ထပ်မံအရယူနိုင်ပေလိမ့်မည်။

ဂေါ်မိသားစု ကျွမ်းကျင်သူအများအပြား၏ အရှေ့ဆုံးနေရာတွင်မူ ဂေါ်ဖုန်းထျန်း ဂေါ်လော့တို့နှင့် ရုပ်ချင်း ခြောက်ဆယ်မှ ခုနစ်ဆယ်ရာခိုင်နှုန်းခန့် တူညီလှသော အလယ်အလတ်အရွယ် အမျိုးသားတစ်ဦးသည် သူ၏ လက်များကို ကျောနောက်သို့ ပို့ထားရင်း တည်ငြိမ်လေးနက်လှသော အမူအရာဖြင့် ရပ်တန့်နေခဲ့သည်။

အခြားသော ဂေါ်မိသားစု ကျွမ်းကျင်သူများနှင့် နှိုင်းယှဉ်လိုက်မည်ဆိုပါက သူသည် ဂေါ်မိသားစု၏ မိသားစုခေါင်းဆောင်တစ်ဦး ဖြစ်သဖြင့် အသေးစိတ်ကျလှသော ကိစ္စရပ်များကို ပိုမိုနားလည်သဘောပေါက်ထားသည်။

သူသည် ယခုတစ်ကြိမ် ကိစ္စရပ်မှာ သူတို့ ဂေါ်မိသားစုအတွက် အခွင့်အရေးတစ်ခု ဖြစ်လာရန် အလွန်တရာ ရာခိုင်နှုန်းများလှကြောင်း သိရှိထားသည်။

စစ်မှန်လှသော မဟာဧကရာဇ်တစ်ဦး ပါရမီရှင် ငယ်ရွယ်လှသော မဟာဧကရာဇ် ကျွမ်းကျင်သူကြီးတစ်ဦးနှင့် ဆက်ဆံရေး တည်ဆောက်နိုင်မည့် အခွင့်အရေးကြီး ဖြစ်သည်။

သူတို့တွင်သာ မဟာဧကရာဇ်တစ်ဦး၏ ကျောထောက်နောက်ခံ ရှိနေမည်ဆိုပါကသူတို့ ဂေါ်မိသားစုကို ပစ်မှတ်ထားနေကြသော ထိုကောင်များသည် ခြိမ်းခြောက်မှုတစ်ခု ဖြစ်လာနိုင်တော့မည် မဟုတ်ချေ။

ထိုအချိန်ကျမှသာလျှင် သူတို့သည် ဤကိစ္စရပ်၏ နောက်ကွယ်မှ ကြိုးကိုင်သူဖြစ်သော ထျန်းယွမ်မြို့တော် လီမိသားစုကို ကြက်ကလေးငှက်ကလေးများမျှသာ ဖြစ်ကြောင်း ပြန်လည်ပြောဆိုနိုင်ပေလိမ့်မည်။

ဤလောကကြီးတွင် နောက်ဆုံး၌ စွမ်းအားကသာလျှင် အထွတ်အထိပ် ဖြစ်သည်။ ထျန်းယွမ်မြို့တော် လီမိသားစုနှင့် သူတို့ မကအိပ်မက်မြို့တော် ဂေါ်မိသားစုသည် အမြဲတမ်းလိုလို မသင့်မမြတ် ဖြစ်နေခဲ့ကြခြင်း ဖြစ်သည်။

ကျိလဲ့မိစ္ဆာဂိုဏ်း၏ ကျောထောက်နောက်ခံကို အားကိုးလျက် သူတို့သည် ထိပ်တိုက်ရင်ဆိုင်မှု တိုင်းလိုလိုတွင် အမြဲတမ်း အသာစီးရလေ့ရှိပြီး သူတို့ ဂေါ်မိသားစုမှာမူ နိုင်သည်ထက် ရှုံးသည်က ပို၍ များပြားခဲ့သည်။

သို့သော် သူတို့ ဂေါ်မိသားစုတွင်သာ မဟာဧကရာဇ်တစ်ဦး ကျောထောက်နောက်ခံအဖြစ် ရှိနေမည်ဆိုပါက အရာအားလုံးက ပြောင်းလဲသွားပေလိမ့်မည်။

ရုတ်တရက်ဆိုသလို အလယ်အလတ်အရွယ် အမျိုးသားဖြစ်သူ ဂေါ်ထျန်းချီ သည် သူ၏ မျက်ဝန်းများကို ကျုံ့လိုက်ပြီး လမ်းကြောင်းတစ်ခုဆီသို့ လှမ်း၍ ကြည့်လိုက်သည်။

ထိုနေရာတွင် လူရိပ်အုပ်စုတစ်စုသည် အလျင်အမြန် ချဉ်းကပ်လာနေခဲ့ကြပြီး ထိုလူများထဲတွင် ရင်းနှီးနေခဲ့သော မျက်နှာအများအပြား ပါဝင်နေခဲ့သည်။

သူတို့ ရောက်လာကြပြီ သူ့၏အဖေ ဖုန်းထျန်း ဂေါ်မိသားစု ကျွမ်းကျင်သူတွေနဲ့ သူတို့ ဂေါ်မိသားစုရဲ့ ကယ်တင်ရှင်ကြီး... သူတို့ ရောက်လာကြပြီဖြစ်၏။

အခြားသော ဂေါ်မိသားစု ကျွမ်းကျင်သူများသည်လည်း ဒါကို သတိပြုမိသွားခဲ့ကြပြီး တစ်ယောက်ကိုတစ်ယောက် လှမ်း၍ ကြည့်လိုက်ကြသည်။

နောက်ထပ်တစ်စက္ကန့်တွင်မူစိတ်ချင်း ဆက်သွယ်ထားသကဲ့သို့ပင် သူတို့အားလုံး တစ်ပြိုင်နက်တည်း အော်ဟစ်လိုက်ကြတော့သည်။

“မဟာအကြီးအကဲ သခင်လေးနဲ့ ကျွမ်းကျင်သူများ အားလုံး မိသားစုဆီ ဘေးကင်းစွာ ပြန်လည်ရောက်ရှိလာတာကို ကြိုဆိုပါတယ်ဗျာ။ ကျွန်တော်တို့ ဂေါ်မိသားစုရဲ့ ကျွမ်းကျင်သူတွေကို ကယ်တင်ပေးခဲ့တဲ့အတွက် အထူးပဲ ကျေးဇူးတင်ရှိပါတယ်။"

ဟိန်းဟောက်သံကြီးသည် မိုးခြိမ်းသံကဲ့သို့ ထွက်ပေါ်လာခဲ့ပြီး ဂေါ်မိသားစု စံအိမ်တော်တစ်ခုလုံးတွင် ပဲ့တင်ထပ်သွားခဲ့ကာ ဂေါ်မိသားစုကို လောကကြီး၏ အလင်းဖက်တွင်ရော အမှောင်ဖက်တွင်ပါ စောင့်ကြည့်နေကြသော အိပ်မက်မြို့တော် ကျင့်ကြံသူအများအပြား၏ နားထဲသို့ ရောက်ရှိသွားခဲ့တော့သည်။

ခေတ္တမျှအတွင်း ဒါကို ကြားလိုက်ရသော အိပ်မက်မြို့တော် ကျင့်ကြံသူများသည် နေရာတွင်တင် ကြောင်အမ်းသွားခဲ့ကြရပြီး သူတို့၏ မျက်နှာထက်တွင် မယုံကြည်နိုင်ခြင်း အရိပ်အယောင်များဖြင့် ပြည့်နှက်သွားခဲ့ရသည်။

သူတို့အားလုံးနီးပါးသည် အစောပိုင်းက ဂေါ်မိသားစု မဟာအကြီးအကဲ ဂေါ်လော့ ခေါ်ဆောင်လာခဲ့သော လူငယ်လေးသည် ဘယ်သူဖြစ်နေမလဲဆိုသည်ကို အမျိုးမျိုး ခန့်မှန်းနေခဲ့ကြခြင်း ဖြစ်သည်။

သူတို့တွင် အလွန်တရာ ယုတ္တိတန်လှသော ကွဲပြားလှသည့် ထင်ကြေးပေးမှုအများအပြား ရှိနေခဲ့ကြသည်။

သို့သော် ထိုလူငယ်လေးသည် ဂေါ်မိသားစု၏ ကယ်တင်ရှင်ကြီး ဖြစ်နေလိမ့်မည်ဟု မည်သူမျှ ကြိုတင်၍ မခန့်မှန်းမိခဲ့ကြချေ။

"လူငယ်လေးတစ်ယောက်က ဘယ်လိုဖြစ်လို့ ဂေါ်မိသားစုရဲ့ ကယ်တင်ရှင်ကြီး ဖြစ်နေရတာလဲ။"

ဂေါ်မိသားစု စံအိမ်တော်နှင့် မလှမ်းမကမ်းရှိ နေရာတစ်ခုတွင်မူ...

ဝေးကွာလှသော နေရာဆီမှ ထွက်ပေါ်လာသော အသံများကို ကြားလိုက်ရစဉ် လင်းချန်သည် ထူးဆန်းလှသော မျက်နှာအမူအရာမျိုးဖြင့် ပြုံးလိုက်မိသည်။

ဤခံစားချက်က တော်တော်လေးကို ဆန်းပြားလှသည်။ ယေဘုယျအားဖြင့် ပြောရလျှင် ထာဝရတိုက်ကြီးတွင် သူ၏ အစပြုမှုက တော်တော်လေး ကောင်းမွန်သည်ဟု ပြော၍ရပေသည်။

သူသည် အိပ်မက်မြို့တော်ရှိ လက်မှတ်ထိုးဝင်ခြင်းသည်လည်း ဤအစပြုမှုကဲ့သို့ပင် ကောင်းမွန်ပြီး ကောင်းမွန်လှသော အရာအချို့ကို ရရှိစေနိုင်လိမ့်မည်ဟု မျှော်လင့်လိုက်မိသည်။

စံအိမ်တော်၏ အနီးအနားသို့ ရောက်ရှိလာခဲ့စဉ်လင်းချန် သေသေချာချာ မကြည့်ရသေးမီမှာတင်ဂေါ်ထျန်းချီသည် ရှေ့သို့ ခြေလှမ်းအနည်းငယ် တက်လှမ်းလာခဲ့ပြီးလေးနက်တည်ငြိမ်စွာဖြင့် ဂါဝရလိုက်တော့သည်။

“ကျွန်တော့်ရဲ့ အဖေနဲ့ သာကို ကယ်တင်ပေးခဲ့တဲ့အတွက် လူကြီးမင်းကို အထူးပဲ ကျေးဇူးတင်ရှိပါတယ်ဗျာ။ အကယ်၍ လူကြီးမင်းမှာ ဘယ်လိုအပ်ချက်မဆို ရှိနေခဲ့မယ်ဆိုရင် ကျွန်တော်တို့ကို စိတ်ကြိုက် အမိန့်ပေးနိုင်ပါတယ်ဗျာ။”

သူသည် ဂေါ်မိသားစု၏ မိသားစုခေါင်းဆောင်တစ်ဦးမျှသာ မဟုတ်ဘဲဂေါ်လော့၏ သားဖြစ်သလို ဂေါ်ဖုန်းထျန်း၏ အဖေလည်း ဖြစ်သည်။

အကယ်၍ ယခုတစ်ကြိမ်တွင် ဂေါ်လော့နှင့် ဂေါ်ဖုန်းထျန်းတို့ နှစ်ယောက်လုံးသာ သတ်ဖြတ်ခြင်း ခံလိုက်ရမည်ဆိုပါက မိမိ မည်ကဲ့သို့သော အခြေအနေမျိုးသို့ ရောက်ရှိသွားလိမ့်မည်ကို သူ စိတ်ကူးပင် မကြည့်ရဲတော့ချေ။

လင်းချန်၏ ကြားဝင်ကူညီမှုကြောင့်သာ ဤကိစ္စရပ်အားလုံး မဖြစ်ပွားအောင် တားဆီးနိုင်ခဲ့ခြင်း ဖြစ်သည်။

လင်းချန်က သူ့အပေါ် ထားရှိခဲ့သော ကျေးဇူးတရားမှာ စကားလုံးများဖြင့် ဖော်ပြရန် ခက်ခဲလှပေသည်။

ဒါကို စောင့်ကြည့်နေကြသောအိပ်မက်မြို့တော် ကျင့်ကြံသူများသည် ဤမြင်ကွင်းကို မြင်တွေ့လိုက်ရစဉ် ပို၍ပင် ထိတ်လန့်တုန်လှုပ်သွားခဲ့ကြရပြန်သည်။

ဂေါ်မိသားစု ခေါင်းဆောင် ဂေါ်ထျန်းချီဟူသည် ဂေါ်မိသားစု၏ နောက်ထပ် ဖြစ်လာမည့် ဧကရာဇ်အဆင့်ကျွမ်းကျင်သူအဖြစ် သတ်မှတ်ခြင်း ခံထားရသူ ဖြစ်သည်။

သူ၏ ကိုယ်ပိုင် ကျင့်ကြံခြင်းအဆင့်မှာလည်း သူတော်စင်ဘုရင်အဆင့် အထွတ်အထိပ် သို့ ရောက်ရှိနေခဲ့ပြီ ဖြစ်သည်။

ဤကဲ့သို့သော ကျွမ်းကျင်သူတစ်ယောက်ကပင် လင်းချန်အပေါ် ဤမျှအထိ ရိုရိုသေသေ ဆက်ဆံနေခဲ့ခြင်း ဖြစ်ရာ သူတို့၏ ယခင်က ထင်ကြေးပေးမှုများနှင့် ပေါင်းစပ်ကြည့်လိုက်သည့်အခါ...

ကြည့်ရတာ ဂေါ်မိသားစု မဟာအကြီးအကဲ ဂေါ်လော့နှင့် ဂေါ်မိသားစု သခင်လေး ဂေါ်ဖုန်းထျန်းတို့ အပြင်သို့ ထွက်သွားခဲ့ကြစဉ်အချိန်တုန်းက တကယ်ပဲ ချောင်းမြောင်းတိုက်ခိုက်ခြင်း ခံခဲ့ရပုံရသည်။

ဂေါ်ထျန်းချီ၏ ကျေးဇူးတင်ခြင်းကို လက်ခံရရှိနေသော လင်းချန်သည် ဂေါ်လော့နှင့် ဂေါ်ဖုန်းထျန်းတို့ကို ကယ်တင်ပေးခဲ့သော ပုဂ္ဂိုလ်ကြီး ဖြစ်ပေသည်။

ဤအချက်ကသာ လက်ရှိ ဖြစ်ပွားနေသော မြင်ကွင်းကို ယုတ္တိတန်စွာ ရှင်းပြနိုင်ပေလိမ့်မည်။

ဂေါ်လော့နှင့် ဂေါ်ဖုန်းထျန်းတို့ကို ဘယ်သူက ချောင်းမြောင်းတိုက်ခိုက်ခဲ့သနည်း ဟူသော အချက်နှင့် ပတ်သက်ပြီး သူတို့၏ စိတ်ထဲတွင် ယေဘုယျအားဖြင့် ထင်ကြေးပေးမှုတစ်ခု ရှိနေခဲ့ကြပြီ ဖြစ်သည်။

ယင်းက အခြားသူ မဟုတ်ဘဲ ဂေါ်မိသားစု၏ ရန်သူဟောင်းကြီးဖြစ်သောထျန်းယွမ်မြို့တော် လီမိသားစုသာ ဖြစ်ရပေမည်။

ဒါကို ကြားလိုက်ရစဉ်လင်းချန်သည် သူ၏ လက်ကို ဝှေ့ယမ်းပြလိုက်သည်။

“တကယ်လို့မင်းတို့အနေနဲ့ ကျေးဇူးတင်ချင်တယ်ဆိုရင်တော့ ဂေါ်ဖုန်းထျန်းကိုသာ ကျေးဇူးတင်လိုက်ပါ။ သူသာ စရိုက်

လက္ခဏာမကောင်းခဲ့ဘူးဆိုရင် ငါလည်း ဝင်ရောက်စွက်ဖက်ဖို့ ရွေးချယ်မှာ မဟုတ်ဘူး။”

“သူ့ကိုယ်ပိုင် အသက်အန္တရာယ် ကြုံတွေ့နေရတဲ့ အချိန်မှာတောင်မှသူက တခြားသူတွေအတွက် တွေးတောပေးနိုင်ခဲ့ပြီး ဘေးအန္တရာယ်ကနေ ဝေးဝေးမှာ နေကြဖို့ ပြောနိုင်ခဲ့သေးတယ်။”

“ဒီလိုစေတနာကောင်းမျိုးကတော့ တကယ်ပဲ ရှားပါးလှပါတယ်။”

လင်းချန်သည် သူ၏ ချီးကျူးစကားများကို ကတ်သီးကတ်သတ် မလုပ်ခဲ့ချေ။ ဂေါ်ဖုန်းထျန်းကဲ့သို့သော လူမျိုးဟူသည် တကယ်ပဲ နည်းပါးလွန်းလှသည်။

ထိုအခြေအနေမျိုးတွင် ရှိနေသော သာမန်လူအများစုဆိုလျှင်တော့ အချိန်ဆွဲရန်အတွက် သူ့ကိုပါ ဤပြဿနာအတွင်းသို့ ဆွဲသွင်းကြလိမ့်မည် ဖြစ်သည်။

သူ၏ စကားလုံးများ ဆုံးသွားခဲ့သည်နှင့်အမျှဂေါ်ထျန်းချီနှင့် အခြားသော ဂေါ်မိသားစု ကျွမ်းကျင်သူအများအပြား၏ မျက်နှာထက်တွင် မသိစိတ်အရ ဂုဏ်ယူဝင့်ကြွားလှသော အမူအရာများ ပေါ်ထွက်လာခဲ့ရပြီးသူတို့ မသိစိတ်အရ ဂေါ်ဖုန်းထျန်းကို လှမ်း၍ ကြည့်လိုက်ကြသည်။

သူတို့သည် သူတို့၏ မိသားစုသခင်ငယ်နှင့် ပတ်သက်၍ အလွန်တရာ ရှင်းလင်းစွာ သိရှိထားကြသည်။ သူ၏ စရိုက်လက္ခဏာက အလွန်ကောင်းမွန်လှသည်။

ယခုတစ်ကြိမ် ဘေးအန္တရာယ်ကနေ လွတ်မြောက်ခဲ့ရခြင်းက တိုက်ဆိုင်မှုတစ်ခု မဟုတ်ဘဲ မလွဲမသွေ ဖြစ်ပွားလာရမည့် အရာတစ်ခု ဖြစ်ပုံရသည်။

လူတိုင်း၏ အကြည့်များကို အာရုံခံမိလိုက်စဉ်ဂေါ်ဖုန်းထျန်းသည် ရှက်ကိုးရှက်ကန်းဖြင့် သူ၏ ခေါင်းကို ငုံ့လိုက်မိတော့သည်။

သူ ထိုအချိန်တုန်းက ဤမျှအထိ အများကြီး မတွေးတောခဲ့မိချေ။ သူသည် မိမိ၏ ရင်ထဲက အနက်ရှိုင်းဆုံး အတွေးအတိုင်းသာ လုပ်ဆောင်ခဲ့ခြင်း ဖြစ်သည်။

သူ၏ ရင်ထဲက ထွက်ပေါ်လာသော ထိုစကားလုံးများက အားလုံး၏ အသက်ကို ကယ်တင်ပေးနိုင်လိမ့်မည်ဟု သူ လုံးဝ မမျှော်လင့်ထားခဲ့ချေ။

လင်းချန်သည် ခေတ္တမျှ ရပ်တန့်လိုက်ရင်း ဆက်လက်ပြောကြားလိုက်သည်။

“ဒါပေမဲ့လည်း အကူအညီအကြောင်း ပြောရမယ်ဆိုရင်တော့ ငါ့အတွက် သေးငယ်တဲ့ အကူအညီတစ်ခုလောက် ကူညီပေးဖို့ လိုအပ်ပါတယ်။”

“ငါ့အနေနဲ့ နတ်ဘုရားနိုင်ငံတော် အရှေ့ဘုံနတ်ဘုရားနယ်မြေ နဲ့ ထာဝရတိုက်ကြီးရဲ့ မြေပုံတွေပါ လိုအပ်တယ်။”

“မမြေပုံမှာပါရှိတဲ့ဧရိယာ ပိုမိုကျယ်ပြန့်လေလေ ပြီးတော့ ဖော်ပြချက်တွေ ပိုမိုအသေးစိတ်လေလေ ပိုပြီးတော့ ကောင်းလေလေပါပဲ။”

လင်းချန်၏ စကားများကို ကြားလိုက်ရစဉ်၊ဂေါ်ထျန်းချီသည် အသိစိတ်ပြန်ဝင်လာခဲ့ပြီး အလျင်အမြန်ပင် ကတိပေးလိုက်တော့သည်။

“စိတ်ချပါ ခင်ဗျာ ကျွန်တော်တို့ ဂေါ်မိသားစုအနေနဲ့ အပြည့်စုံဆုံးမြေပုံတွေကို ရရှိအောင် အစွမ်းကုန် ရှာဖွေပေးပါ့မယ်။”

“ထာဝရတိုက်ကြီးရဲ့ ပြည့်စုံတဲ့ မြေပုံကို ရရှိဖို့အတွက် ကျွန်တော် အာမမခံနိုင်ဘူး ဆိုပေမဲ့လည်း အရှေ့ဘုံနတ်ဘုရားနယ်မြေရဲ့ ပြည့်စုံတဲ့ မြေပုံကိုတော့ အလွန်ဆုံး သုံးရက်အတွင်း စီနီယာကြီးရဲ့ လက်ထဲကို ကျွန်တော်ကိုယ်တိုင် လာရောက်ပေးအပ်ပါ့မယ်ဗျာ။”

ဤသို့ ပြောကြားပြီးနောက်ဂေါ်ထျန်းချီသည် သူ၏ နောက်ကွယ်ရှိ ဂေါ်မိသားစု ကျွမ်းကျင်သူများကို အမိန့်ပေးလိုက်သည်။

“မြန်မြန် အတွင်းထဲက လူတွေကို ပြင်ဆင်ခိုင်းလိုက်တော့ကိတ်မုန့်နဲ့ စားသောက်ပွဲကြီးကို စတင်လို့ ရပြီ။”

ဒါကို ကြားလိုက်ရစဉ် ဂေါ်မိသားစု ကျွမ်းကျင်သူများသည် ခေါင်းညိတ်ပြလိုက်ကြပြီး ဂေါ်မိသားစု အိမ်ရာအတွင်းသို့ အပြေးအလွှား ဝင်ရောက်သွားခဲ့ကြသည်။

သူတို့သည် အစောပိုင်းကတည်းက စားသောက်ပွဲကြီးကို ပြင်ဆင်နေခဲ့ကြခြင်း ဖြစ်ပြီး ယခုအခါတွင် အဓိက ဂုဏ်ထူးဆောင် ဧည့်သည်တော်ကြီး ရောက်ရှိလာခဲ့ပြီ ဖြစ်သည့်အတွက်စတင်ရန် အချိန်ကျရောက်ပြီ ဖြစ်သည်။

အမိန့်ပေးပြီးသည့်နောက်တွင်မူ ဂေါ်ထျန်းချီသည် လင်းချန်ကို အနည်းငယ် အရိုအသေပေးလိုက်သည်။

“ဂုဏ်ထူးဆောင် ဧည့်သည်တော်ကြီးခင်ဗျာ အတွင်းထဲကို ကြွပါဦး ကျွန်တော်တို့ရဲ့ ဧည့်ဝတ်ကျေပွန်မှုကို ပြသခွင့်ပြုပါဦးဗျာ။”

“ကျွန်တော်တို့ရဲ့ ကျေးဇူးတရားကို ဖော်ပြခွင့်ပြုပါဦး။”

ဒါကို မြင်တွေ့ရစဉ် ဂေါ်ဖုန်းထျန်းသည်လည်း ဖိတ်ခေါ်ချက်တစ်ခု ပြုလုပ်လိုက်သည်။

“မှန်ပါတယ် အစ်ကိုကြီး လင်းချန် ခင်ဗျာမြေပုံတွေ ရရှိဖို့အတွက် ရက်အနည်းငယ် ကြာဦးမှာပါ။ ဒီရက်ပိုင်းအတွင်းမှာ ကျွန်တော်တို့ ဂေါ်မိသားစုမှာပဲ တည်းခိုနေထိုင်ပေးပါဦး ဒါမှသာ ကျွန်တော်တို့အနေနဲ့ အစ်ကိုကြီးကို သေသေချာချာ ကျေးဇူးတင်နိုင်မှာ ဖြစ်ပါတယ်ဗျာ။”

လင်းချန် ခေတ္တမျှ တွေးတောလိုက်ပြီးနောက် ဂေါ်ဖုန်းထျန်း ဂေါ်လော့နှင့် အခြားသူများကို လှမ်း၍ ကြည့်လိုက်ကာ ခေါင်းညိတ်ပြလိုက်သည်။

“ကောင်းပါပြီ ဒါဆိုရင်တော့ မင်းတို့ကို အနှောင့်အယှက် ပေးရဦးမှာပေါ့။”

လင်းချန်ထံမှ လက်ခံသည့် အဖြေကို ရရှိလိုက်ရသည့်အခါတွင်မူ ဂေါ်ထျန်းချီနှင့် ဂေါ်လော့တို့သည် တစ်ဦးကိုတစ်ဦး လှမ်း၍ ကြည့်လိုက်ကြရင်း နှစ်ဦးစလုံး၏ မျက်နှာထက်တွင် ဝမ်းမြောက်လှသော အမူအရာများ ပေါ်ထွက်လာခဲ့ကြသည်။

ယခုတစ်ကြိမ်တွင် သူတို့ ဤအစွမ်းထက်လှသော အားကိုးရာကြီးကို အပိုင်ဆုပ်ကိုင်နိုင်ရန်အတွက် အခွင့်အရေးကောင်း ရှိနေခဲ့ပြီ ဖြစ်သည်။

ဤသို့ဖြင့် အိပ်မက်မြို့တော်အတွင်းရှိ အများအပြားရှိလှသော စူးစိုက်ကြည့်ရှုသူများ၏ အကြည့်အောက်တွင်မူလင်းချန်နှင့် ဂေါ်ဖုန်းထျန်းတို့ အဖွဲ့သည် ဂေါ်မိသားစု အိမ်ရာအတွင်းသို့ ဝင်ရောက်သွားခဲ့ကြတော့သည်။

နောက်ထပ် ရက်အနည်းငယ်အတွင်း၌ သူသည် မြေပုံများကို စောင့်ဆိုင်းရင်း ဤနေရာတွင်သာ နေထိုင်သွားမည် ဖြစ်ပြီးတစ်ချိန်တည်းမှာပင် အိပ်မက်မြို့တော်အတွက် စနစ်၏လက်မှတ်ထိုးဝင်ခြင်းကိုပါ လုပ်ဆောင်နိုင်ပေလိမ့်မည်။

ဂေါ်မိသားစု အိမ်ရာအတွင်းသို့ ဝင်ရောက်ပြီးသည့်နောက်တွင်မူလင်းချန်သည် ဂေါ်မိသားစုထံမှ နွေးထွေးလှသော ကြိုဆိုမှုများကို လက်ခံရရှိခဲ့သည်။

ကောင်းမွန်လှသော ဝိုင်များနှင့် အရသာရှိလှသော အစားအစာများကို သုံးဆောင်ပြီးနောက် ခေတ္တမျှ စကားစမြည် ပြောဆိုပြီးသည့်နောက်တွင် လင်းချန်သည် မိမိအနေဖြင့် ကျင့်ကြံရန် လိုအပ်သည်ဟူသော အကြောင်းပြချက်ဖြင့် ဂေါ်ထျန်းချီ ပြင်ဆင်ပေးထားသော နေအိမ်ဆီသို့ ပြန်လည်ထွက်ခွာခဲ့သည်။

ဤနေအိမ်သည် မူလက ဂေါ်ထျန်းချီကိုယ်တိုင် အနားယူချင်သည့်အခါမျိုး၌ နေထိုင်လေ့ရှိသော နေရာဖြစ်ပြီး ယင်းက ဂေါ်မိသားစု၏ အတိတ်ဆိတ်ဆုံးသော နေရာတွင် တည်ရှိကာ လူသူအရောက်အပေါက် နည်းပါးလှသည်။

ဤနေရာသည် လင်းချန်၏ လက်မှတ်ထိုးဝင်ခြင်းလိုအပ်ချက်များနှင့် ကွက်တိ ကိုက်ညီနေခဲ့သည်။ လက်မှတ်ထိုးဝင်ခြင်း ပြုလုပ်သည့်အခါတွင် လူနည်းလေလေ ပိုပြီးတော့ ကောင်းလေလေ မဟုတ်ပါလား။

ခြံဝင်းအတွင်းရှိ အခန်းတစ်ခန်း၏ အတွင်း၌မူ...

လင်းချန်သည် ကော်ဇောအဝိုင်းလေးပေါ်တွင် တင်ပလ္လင်ခွေ ထိုင်လိုက်ရင်းသူ၏ အရှိန်အဝါကို ပြန်လည်ထိန်းညှိလိုက်ကာ တိုးညင်းစွာ ရေရွတ်လိုက်သည်။

“စနစ်... အိပ်မက်မြို့တော်အတွက် လက်မှတ်ထိုးဝင်ခြင်းကို လုပ်ဆောင်ပေးပါ။”

သူသည် ထာဝရတိုက်ကြီးပေါ်တွင် ပထမဆုံးအကြိမ် ပြုလုပ်သော ဤစနစ်လက်မှတ်ထိုးဝင်ခြင်းမှ မည်ကဲ့သို့သော ဆုလာဘ်မျိုးကို ရရှိလိမ့်မည်ဆိုတာ မသိရှိချေ။

သူအာရုံခံမိသည်မှာ တစ်ခုလုံးသော အိပ်မက်မြို့တော်အတွင်း၌ မဟာဧကရာဇ် တစ်ဦးမျှပင် မရှိချေ။ ဧကရာဇ်အဆင့် ကျွမ်းကျင်သူ ငါးဦးမျှသာ ရှိသည်။

အစွမ်းထက်ဆုံး နှစ်ဦးမှာ အိပ်မက်မြို့တော်၏ ဗဟိုချက်မ တည့်တည့်တွင် ရှိနေကြခြင်း ဖြစ်ပြီး တစ်ဦးက မြောက်ဘက်တွင် ရှိနေကာ အခြားတစ်ဦးကမူ တောင်ဘက်တွင် ရှိနေသည်။

ဤနောက်ဆုံးတစ်ဦးမှာမူ အိပ်မက်မြို့တော်၏ ဗဟိုချက်မတွင် ရှိနေကြသော ထိုမဟာဧကရာဇ်အဆင့်နီးပါး ကျွမ်းကျင်သူနှစ်ဦးအပြင် အစွမ်းထက်ဆုံး အရှိန်အဝါကို ပိုင်ဆိုင်ထားသူ ဖြစ်ပြီး ယခု သူ ရောက်ရှိနေသော နေရာဂေါ်မိသားစုတွင် ရှိနေခြင်း ဖြစ်သည်။

ဤကဲ့သို့သော တိုက်ခိုက်ရေးစွမ်းရည် အဆောက်အအုံမျိုးဟူသည် တာအိုပြည်နယ် ၃၀၀၀ တွင် ဆိုလျှင်တော့ အလွန်တရာ အစွမ်းထက်လှသည်ဟု ခေါ်ဆိုနိုင်ပေသည်။

သို့သော် ထာဝရတိုက်ကြီးပေါ်တွင်မူ ယင်းကို သာမန်အဆင့်မျှသာဟု သတ်မှတ်နိုင်ပေသည်။

ဤနေရာ၏ သတ်မှတ်ချက် အဆင့်အတန်းကိုမူ စနစ်ကသာလျှင် ဆုံးဖြတ်ပေးရပေလိမ့်မည်။

သူ၏အသံ ဆုံးသွားခဲ့သည်နှင့်အမျှ စနစ်က အလျင်အမြန်ပင် ပြန်လည်တုံ့ပြန်လိုက်ပြီး စူးရှလှသော အကြောင်းကြားစာတစ်ခု ထွက်ပေါ်လာခဲ့တော့သည်။

[ အိမ်ရှင်၏ တောင်းဆိုချက်ကို လက်ခံရရှိပါပြီ အိပ်မက်မြို့တော်အတွက် လက်မှတ်ထိုးဝင်ခြင်းကို လုပ်ဆောင်နေပါသည်... ]

[ လက်မှတ်ထိုးဝင်ခြင်းအောင်မြင်ပါသည်။ ဂုဏ်ယူပါတယ် အိမ်ရှင် မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်း အခွင့်အရေး တစ်ကြိမ်ကို ရရှိသွားခဲ့ပါပြီ။]

[ အိမ်ရှင်အနေနဲ့ နယ်မြေအသစ်ဖြစ်တဲ့ ထာဝရတိုက်ကြီးကို ချိုးဖောက်ဝင်ရောက်နိုင်ခဲ့တာကို ထောက်လှမ်းမိပါသဖြင့်အပိုဆောင်း လက်မှတ်ထိုးဝင်ခြင်းအခွင့်အရေး တစ်ကြိမ်ကို ဆုလာဘ်အဖြစ် ပေးအပ်လိုက်ပါသည်။]

[ အိမ်ရှင်အနေနဲ့ အခုပဲ အပိုဆောင်း လက်မှတ်ထိုးဝင်ခြင်းအခွင့်အရေးကို အသုံးပြုချင်ပါသလား။ ]

သူ၏ စိတ်ထဲက စနစ်၏ အကြောင်းကြားစာကြောင့် လင်းချန် သူ၏ မျက်ခုံးကို မတတ်နိုင်ဘဲ ပင့်လိုက်မိတော့သည်။

ဒါက အိမ်ရှင်အနေနဲ့ ထာဝရတိုက်ကြီးကို ရောက်ရှိလာတဲ့အတွက် စနစ်က ပေးအပ်တဲ့ ဆုလာဘ်လား။

လင်းချန် ပြုံးလိုက်မိသည်။

'အခုမှ မသုံးရင် ဘယ်အချိန်မှ သုံးတော့မှာလဲ။'

အိပ်မက်မြို့တော်၏ လက်မှတ်ထိုးဝင်ခြင်းက သူ့ကို မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်း အခွင့်အရေးကို ပေးအပ်ခဲ့ပြီ ဖြစ်သည်။

သူသည် ဤလက်ဆောင်အဖြစ် ရရှိလိုက်သော အခွင့်အရေးက မည်ကဲ့သို့သော ဆုလာဘ်မျိုးကို ပေးအပ်ဦးမလဲဆိုတာ သိချင်မိသည်။

“စနစ်... အပိုဆောင်း လက်မှတ်ထိုးဝင်ခြင်း အခွင့်အရေးကို အသုံးပြုပေးပါ။”

သူ၏ အသံသည် ထွက်ပေါ်လာခဲ့ပြီး စနစ်က ချက်ချင်းပင် ပြန်လည်တုံ့ပြန်လိုက်သည်။

[ အိမ်ရှင်၏ တောင်းဆိုချက်ကို လက်ခံရရှိပါပြီ။ အပိုဆောင်း လက်မှတ်ထိုးဝင်ခြင်း အခွင့်အရေးကို လုပ်ဆောင်နေပါသည်... ]

[ လက်မှတ်ထိုးဝင်ခြင်း အောင်မြင်

ပါသည်။ အိမ်ရှင်အနေနဲ့ဖရိုဖရဲတာအိုသစ်သီး တစ်လုံးကို ရရှိသွားခဲ့ပါပြီ။ ]

ဤစကားလုံးများကို ကြားလိုက်ရစဉ် လင်းချန်၏ ရုပ်ပိုင်းဆိုင်ရာ ခန္ဓာကိုယ်မှာ မတတ်နိုင်ဘဲ ပြင်းထန်စွာ တုန်လှုပ်သွားခဲ့ရတော့သည်။

သူ အခြားသော အရာများကို မသိရှိနိုင်ပါစေဦးတော့ သို့သော် ဤဖိရိုဖရဲတာအိုသစ်သီး၏ ကြီးမားလှသော ကျော်ကြားမှုအကြောင်းကိုမူ သူ ကြားသိဖူးထားပြီးသား ဖြစ်သည်။

နာမည်အတိုင်းပင် ယင်းက ကျင့်ကြံသူတစ်ဦးကို ဖရိုဖရဲတာအိုမဟာလမ်းစဉ်ကြီးအား လျင်မြန်စွာ နားလည်သဘောပေါက်သွားစေရန် ကူညီပေးနိုင်သည့် အကောင်းဆုံးသော ရတနာတစ်ပါး ဖြစ်ပေသည်။

သူ ဤဖရိုဖရဲတာအိုသစ်သီးကို သုံးဆောင်လိုက်ရုံမျှဖြင့် သူ၏ ဖရိုဖရဲနိယာမ များကိုနားလည်သဘောပေါက်မှုသည် အရည်အသွေးပိုင်းဆိုင်ရာ အဆင့်အတန်းသစ်တစ်ခုဆီသို့ မလွဲမသွေ တဟုန်ထိုး တက်လှမ်းသွားနိုင်ပေလိမ့်မည်။

ယခင်က ရရှိထားသော မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်းနှင့် ပေါင်းစပ်လိုက်မည်ဆိုပါကဤအရာနှစ်ခုစလုံး ပေါင်းစပ်သွားသည့်အခါတွင် သူ၏ ကျင့်ကြံခြင်းအဆင့်မှာ ထပ်မံ၍ တစ်ဟုန်ထိုး တိုးတက်သွားပေလိမ့်မည်။

သူ၏ ရင်ထဲက စိတ်လှုပ်ရှားမှုများကို ဖိနှိပ်လိုက်ရင်း လင်းချန် သူ၏ ထပ်မံ၍ လေးနက်စွာ ပြောကြားလိုက်ပြန်သည်

“စနစ်... ငါ့အတွက် မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်းကို အသုံးပြုပေးပါ။”

ယခုအခါတွင် သူသည် မိမိ၏ ကျင့်ကြံခြင်းအဆင့်ကို မြှင့်တင်ရန်အတွက် အနည်းငယ် စိတ်မရှည် ဖြစ်နေခဲ့ပြီ ဖြစ်သည်။

တာအိုပြည်နယ် ၃၀၀၀ ဆီသို့ မသွားရောက်မီ သူသည် မိမိ၏ အင်အားကို တတ်နိုင်သမျှ အစွမ်းကုန် တိုးမြှင့်ထားရန် လိုအပ်သည်။

ဤသို့ဖြင့်သာလျှင် သူသည် ထျန်းယီနန်းတော်ကို သွားရောက်နှိမ်နင်းမည့် တိုက်ပွဲကြီးအတွင်းသို့ ဝင်ရောက်ကူညီနိုင်ပေလိမ့်မည်။

သူ၏ လက်ရှိ အင်အားက မဆိုးလှဘူးဆိုရပေမည့်လည်း ထိုကဲ့သို့သော အဆင့်အတန်းရှိသည့် စစ်ပွဲကြီးတစ်ခုအတွင်းသို့ ဝင်ရောက်စွက်ဖက်ရန်အတွက်မူ ဝေးကွာလွန်းနေသေးသည် မဟုတ်ပါလား။

[ အိမ်ရှင်အတွက် မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်းကို အသုံးပြုနေပါသည်... ]

[ မဟာဧကရာဇ် ကျင့်ကြံခြင်းစွမ်းအား လွှဲပြောင်းပေးအပ်ခြင်းကို အောင်မြင်စွာ အသုံးပြုပြီးပါပြီ။]

စနစ်၏ အသံ ပင် မဆုံးသေးမီမှာတင် လင်းချန်သည် မိမိ၏ ရုပ်ပိုင်းဆိုင်ရာ ခန္ဓာကိုယ်ကြီးတစ်ခုလုံး အလွန်တရာ ဆန်းကြယ်လှသော စွမ်းအင်တစ်ခု၏ လွှမ်းခြုံခြင်းကို ခံလိုက်ရကြောင်း ခံစားလိုက်ရသည်။

သူ၏ သုံးမျိုးစလုံးသော ကျင့်ကြံခြင်းအဆင့်များမှာမူ ဤအလွန်တရာ ဆန်းကြယ်လှသော စွမ်းအင်၏ တွန်းပို့မှုအောက်တွင် ပိုမိုမြင့်မားလှသော ကျင့်ကြံခြင်းအဆင့်များဆီသို့ တဟုန်ထိုး တက်လှမ်းသွားခဲ့ကြတော့သည်။

အသက်ရှူရုံမျှသာရှိသော အချိန်အတွင်းမှာတင်သူ၏ စွမ်းအင်ကျင့်ကြံခြင်းအဆင့်မှာ မူလက မဟာဧကရာဇ် အစောပိုင်းအဆင့် အထွတ်အထိပ် သို့ ရောက်ရှိနေခဲ့ရာမှတိုက်ရိုက်ပင် ချိုးဖောက်ဝင်ရောက်သွားခဲ့ပြီး မဟာဧကရာဇ် အလယ်အလတ်အဆင့်သို့ တက်လှမ်းသွားခဲ့ရသည်။

ဤအချက်က လင်းချန်၏ မဟာဧကရာဇ်အဆင့် ဖရိုဖရဲနိယာမ ဆိုင်ရာ နားလည်သဘောပေါက်မှုသည် လေးဆယ်ရာခိုင်နှုန်းခန့်သို့ ရောက်ရှိသွားခြင်း ဖြစ်ကြောင်းလည်း ညွှန်ပြနေခဲ့သည်။

ဤသို့ ဖြစ်လင့်ကစား ကျင့်ကြံခြင်းအဆင့် တိုးတက်မှုက ရပ်တန့်သွားခြင်း မရှိသေးချေ။ ဆန့်ကျင်ဘက်အနေဖြင့် ပိုမို၍ပင် လျင်မြန်လှသော အရှိန်အဟုန်ဖြင့် ဆက်လက်တိုးတက်နေခဲ့သည်။

သူ၏ စွမ်းအင်ကျင့်ကြံခြင်းအဆင့်မျှသာ ဤသို့ ဖြစ်ပျက်နေခြင်း မဟုတ်ချေ။ သူ၏ ဝိညာဉ်ကျင့်ကြံခြင်းအဆင့်နှင့် ရုပ်ပိုင်းဆိုင်ရာ ခန္ဓာကိုယ် ကျင့်ကြံခြင်းအဆင့် နှစ်ခုစလုံးသည်လည်း တူညီလှသော အခြေအနေမျိုးဖြင့် ဆက်လက်တိုးတက်နေခဲ့ကြတော့သည်။