ကောင်းမွန်တဲ့ဆက်ဆံမှု

"စိတ်ဝိညာဉ်နတ်ဘုရားအဆင့်ရှိတဲ့စိတ်ဝိညာဉ်တစ်ခုဆိုတဲ့အတိုင်းပဲ"

စိတ်ဝိညာဉ်ရဲ့အဆင့်တိုးလာမှုနဲ့အတူ လီဖူချန်းရဲ့ထိုးထွင်းသိမြင်မှုက အဆများစွာ တိုးလာတယ်။

ထိုးထွင်းမြင်မှုတိုးလာတာအပြင် လီဖူချန်းရဲ့အတွေးမြန်နှုန်းကလဲ တိုးလာတယ်။

အတိတ်မှာ သူက တစ်ချိန်တည်းမှာ တစ်ခါပဲ ကောက်ချက်ချလေ့ရှိခဲ့ပေမယ့် အခု သူက ဆယ်ကြိမ်အထိတောင် ကောက်ချက်ချနိုင်လာတယ်၊ ဒါက အချိန်ကုန်တာ အတော်လေးသက်သာသွားစေတယ်။

မီးတာအိုနယ်ပယ်၊ အလယ်ဆင့်အစစ်အမှန်နတ်ဘုရားနှောင်းပိုင်းအခြေအနေ၊ အလယ်ဆင့်အစစ်အမှန်နတ်ဘုရားအထွတ်အထိပ်။

ကြောက်စရာကောင်းတဲ့နားလည်မှုနဲ့အတွေးမြန်နှုန်းက လီဖူချန်းကို ကျောက်တုံးနံရံပေါ်ရှိ မီးတာအိုမျဉ်းတွေကို တစ်ပတ်အတွင်း နားလည်စေနိုင်ခဲ့ပြီး သူ့ရဲ့မီးတာအိုဥပဒေသကလဲ အဆင့်သေးနှစ်ဆင့်တိုးလာကာ အလယ်ဆင့်အစစ်အမှန်နတ်ဘုရားရဲ့အထွတ်အထိပ်နယ်ပယ်ကို ရောက်ရှိလာတယ်။

"အစစ်အမှန်နတ်ဘုရားနဲ့စိတ်ဝိညာဉ်နတ်ဘုရားက တစ်ယောက်တစ်နေရာဆီလို့ ဆိုရမလိုပဲ။ ကွာဟချက်က ကြိီးမားလွန်းတယ်။ စိတ်ဝိညာဉ်နတ်ဘုရားနဲ့ဆန်းကြယ်နတ်ဘုရား(နက်နဲသိမ်မွေ့နတ်ဘုရား)အကြားဆိုရင် ဘယ်လောက်တောင် ကွာဟနေမလဲမသိ"

(မှတ်ချက်- နက်နဲသိမ်မွေ့နတ်ဘုရားအစား ဆန်းကြယ်နတ်ဘုရားလို့ ပြောင်းသုံးပါ့မယ်)

စိတ်ဝိညာဉ်နတ်ဘုရားပြီးနောက် ဆန်းကြယ်နတ်ဘုရားဆိုတာ လီဖူချန်းက သိထားပါပြီ။

ဆန်းကြယ်နတ်ဘုရားနယ်ပယ်ကို ရောက်ရှိပြီးမှသာ နတ်ဘုရားအတတ်တွေက သွေးမျိုးဆက်နဲ့ ပေါင်းစပ်နိုင်ပြီး နောက်မျိုးဆက်အထိ လက်ဆင့်ကမ်းပေးနိုင်လိမ့်မယ်။

တုန်းယန်မိသားစု၊ ချမ်ယုမိသားစုနဲ့ နိုင်မိသားစုတို့လို ရှေးဟောင်းမိသားစုတွေရဲ့သွေးမျိုးဆက်တည်ထောင်သူတွေအားလုံးက ဆန်းကြယ်နတ်ဘုရားတွေပါပဲ။

ဒါပေမယ့် ဒါက လွန်ခဲ့တဲ့နှစ်မရေမတွက်ပေါင်းများစွာကပါ။

ဆန်းကြယ်နတ်ဘုရားတွေက အားကောင်းပေမယ့် သူတို့ရဲ့သက်တမ်းက အဆုံးမမဲ့ပါဘူး။ ယေဘုယျပြောရရင် အစစ်အမှန်နတ်ဘုရားတွေရဲ့သက်တမ်းက နှစ်တစ်သန်းနဲ့နှစ်သန်းကြားရှိတယ်၊ စိတ်ဝိညာဉ်နတ်ဘုရားတွေက နှစ်ဆယ်သန်းနဲ့နှစ်သန်းနှစ်ဆယ်ကြားရှိတယ်။ ဆန်းကြယ်နတ်ဘုရားတွေက နှစ်သန်းတစ်ရာနဲ့နှစ်သန်းနှစ်ရာကြားရှိတယ်။

သက်တမ်းက အကန့်အသတ်ကို ရောက်လာတဲ့အခါ ဆန်းကြယ်နတ်ဘုရားလဲ သေရမှာပဲ။

"ထွက်သွားဖို့ အချိန်ကြပြီ"

ကုန်သင်္ဘောက အသေးစားချီလီယိုခါဇန်နတ်ဘုရားကမ္ဘာတစ်ခုမှာ တစ်လကမ်းကပ်ခဲ့ပြီး အခုဆိုရင် နှစ်ဆယ့်ကိုးရက်ကို ကျော်လာပြီလေ။

……

"သွားကြစို့"

ယုကွမ်းမြို့ပေါ်မှာ ကုန်သည်သင်္ဘောရဲ့နှစ်ဖက်လုံးရှိဆိုင်တန်းတွေရဲ့ပြတင်းပေါက်တွေအားလုံးကို ပိတ်ထားတယ်။ ရွှီခနဲအသံနဲ့အတူ သေးငယ်တဲ့ကုန်သည်သင်္ဘောက မှင်တက်စရာအရှိန်တစ်ခုနဲ့အတူ ထွက်လာပြီး အချိန်တစ်ခဏကြာပြီးနောက် ကောင်းကင်မှာ ပျောက်ကွယ်သွားတော့တယ်။

တောက်ပနတ်ဘုရာကမ္ဘာရဲ့အလွန်မှာ မီတာတစ်ထောင်အရှည်ရှိတဲ့သေးငယ်တဲ့ကုန်သည်သ‌င်္ဘောတွေက ပျံသန်းနေတဲ့အင်းဆက်တွေနဲ့လင်းယုန်ငှက်တွေကြား ကွာခြားသလိုပဲ။

ဂိတ်ပေါက်တစ်ခုက နတ်ဘုရားအသုံးအဆောင်ပစ္စည်းကုန်သည်သင်္ဘောရဲ့ဘေးမှာ ထွက်ပေါ်လာပြီး သေးငယ်တဲ့ကုန်သည်သင်္ဘောတစ်စီးက ပျံသန်းဝင်လာတယ်။

"ဒါ နတ်ဘုရားအသုံးအဆောင်ပစ္စည်းကုန်သည်သင်္ဘောရဲ့အတွင်းပိုင်းလား။ ဒါက မြို့တစ်မြို့နဲ့ တူတယ်"

နေရာလပ်သတ္တုလမ်းကြောင်းပေါ်မှာ လျှောက်ရင်း လီဖူချန်းက အနည်းငယ်သိချင်စိတ်ဖြစ်လာပြီး ပတ်ကြည့်လိုက်တယ်။

စားသောက်ဆိုင်၊ အရက်ဆိုင်၊ လက်ဖက်ရည်ဆိုင်၊ သိုင်းပြိုင်ကွင်း၊ လေ့ကျင့်ရေးခန်း.......

စိတ်ဝိညာဉ်နတ်ဘုရားအသုံးအဆောင်ပစ္စည်းသင်္ဘောရဲ့အတွင်းပိုင်းက အရာအားလုံးရှိတယ်လို့ ပြောနိုင်တယ်၊ ၎င်းက တောက်နတ်ဘုရားကမ္ဘာရဲ့အဆင့်၃မြို့တွေထက် ပိုသာတယ်။

လမ်းကိုဦးဆောင်နေတဲ့အစစ်အမှန်နတ်ဘုရားရှင်းထိုက ပြောလိုက်တယ်"နတ်ဘုရားဟင်းလင်းပြင်မှာ ခရီးသွားရတာက နှစ်တစ်ထောင်ကနေ နှစ်တစ်သောင်းအထိ ကြာတယ်။ တစ်ခါတစ်ရံ နတ်ဘုရားဟင်းလင်းပြင်ရဲ့ထူးဆန်းတဲ့ပတ်ဝန်းကျင်တစ်ခုမှာ ပျောက်ဆုံးသွားတာတွေ၊ နှစ်တစ်သောင်း၊နှစ်တစ်သိန်းလောက် ပိတ်မိနေတာတွေ ရှိတယ်။ ဒါတွေက ပုံမှန်ပါပဲ။ ဒီလိုအချိန်ကြာတဲ့အခါမှာ တစ်ယောက်မှ အ‌ဆက်မပြတ် မကျင့်ကြံဘူး၊ သို့မဟုတ်ရင် သူတို့က ရူးသွားကြလိမ့်မယ်၊ ဒါကြောင့် ကုန်သည်သင်္ဘောရဲ့အတွင်းပိုင်းက စည်ကားနေတာ။ မင်းမှာ နတ်ဘုရားကျောက်တုံးရှိသရွေ့ မင်း အရာအားလုံးကို နှစ်သက်နိုင်တယ်။ မင်းမြင်တဲ့မလား၊ ဝန်ဆောင်မှုပေးနေသူတွေအားလုံးက ရုပ်သေးတွေပဲ၊ သူတို့မှာ စွမ်းအင်အလုံအလောက်ရှိသရွေ့ သူတို့ရဲ့ခန္ဓာကိုယ်က မပုပ်ဆွေးခင်အထိ သူတို့က လှုပ်ရှားနိုင်တယ်"

လီဖူချန်းက ကြည့်လိုက်တယ်၊ တကယ်ပါပဲ၊ ဝန်ဆောင်မှုပေးနေသူတွေအားလုံးက ရုပ်သေးတွေပဲ။ ဒီရုပ်သေးတွေမှာ မတူညီတဲ့ပုံပန်းသွင်ပြင်တွေရှိတယ်။ ထပ်ပြောရရင် သူတို့ရဲ့မျက်လုံးတွေက တောင့်တင်းမနေဘူး၊ စွမ်းအင်အပြည့်နဲ့ သူတို့ကို ရုပ်သေးတွေလို့တောင် လုံးဝမထင်ရဘူး။

"သူတို့က အရှေ့နေဂိုဏ်းရဲ့တိုက်ခိုက်ရေးရုပ်သေးတွေနဲ့ အဆင့်မတူဘူး"

အရှေ့နေဂိုဏ်းရဲ့တိုက်ခိုက်ရေးရုပ်သေးတွေက တိုက်ခိုက်နိုင်ရုံမျှ၊ မှော်ပညာတွေ ထုတ်နိုင်ရုံမျှသာဖြစ်တယ်။ တစ်ချက်ကြည့်လိုက်ရုံနဲ့ သူတို့က ရုပ်သေးတွေ၊ သေနေတဲ့အရာတွေဆိုတာ သိနိုင်တယ်။

"ဝန်ဆောင်မှုရုပ်သေးတွေမှာ အရေးကြီးဆုံးအစိတ်အပိုင်းနှစ်ခုရှိတယ်၊ တစ်ခုက ရုပ်သေးရဲ့စိတ်ဝိညာဉ်ပဲ၊ အခြားတစ်ခုက နတ်ဘုရားစွမ်းအားအမြုတေပဲ၊ ပြီးတော့ တိုက်ခိုက်ရေးရုပ်သေးတွေက နတ်ဘုရားအတတ်အမြုတေတစ်ခုကို ပေါင်းထည့်ဖို့ လိုအပ်တယ်" လီဖူချန်းက ရုပ်သေးတွေအပေါ် အလွန်စိတ်ဝင်စားတာကို မြင်ပြီး အစစ်အမှန်နတ်ဘုရားက ဆက်ပြောလိုက်တယ်"နတ်ဘုရားစွမ်းအားအမြုတေ၊ နာမည်အတိုင်းပဲ၊ ရုပ်သေးတွေ သူတို့ရဲ့နတ်ဘုရားစွမ်းအားကို သိုလှောင်ရာနေရာဖြစ်ပြီး နတ်ဘုရားအတတ်အမြုတေက နတ်ဘုရားအတတ်တွေ သိုလှောင်ရာနေရာဖြစ်တယ်။ အရှေ့က သန့်စင်ရတာ လွယ်ကူပြီး အနောက်က သန့်စင်ရတာ ဆယ်ဆပိုခက်ခဲတယ်။ ခရမ်းရောင်တိမ်နတ်ဘုရားကမ္ဘာမှာ နတ်ဘုရားအတတ်အမြုတေကို သန့်စင်နိုင်တဲ့ပါရမီရှင်တွေကို ဂိုဏ်းအားလုံးက တန်ဖိုးထားပြီး ငါတို့ရဲ့ပျံသန်းလင်းယုန်ကုန်သွယ်ရေးခန်းမမှာ ကြယ်သုံးလုံးနတ်ဘုရားအတတ်အမြုတေကို သန့်စင်နိုင်တဲ့လူသုံးယောက်ရှိတယ်။ သူတို့ရဲ့နယ်ပယ်က မမြင့်မားပေမယ့် သူတို့ရဲ့အဆင့်အတန်းက ထူးကဲတယ်၊ အကြီးအကဲတွေနဲ့ ယှဉ်နိုင်တယ်"

"ရုပ်သေးတစ်ရုပ်ရဲ့စိတ်ဝိညာဉ်အတွက်ကတော့ ပစ္စည်းတွေကို ရှာဖွေရတာ ခက်ခဲတဲ့အပြင် သန့်စင်တဲ့ခက်ခဲမှုအဆင့်က နတ်ဘုရားအတတ်တွေရဲ့အမြုတေအထက်မှာ ရှိတယ်၊ ရုပ်သေးတစ်ရုပ်ရဲ့စိတ်ဝိညာဉ်ကို သန့်စင်နိုင်တဲ့သူတွေကလဲ ရုပ်သေးတစ်ရုပ်ကို သန့်စင်နိုင်တယ်။ ဒီလိုပါရမီတွေရှိရင် ငါတို့တွေ သူတို့ကို ရုပ်သေးဆရာသခင်လို့ခေါ်ပြီး ငါတို့ရဲ့ပျံသန်းလင်းယုန်ကုန်သွယ်ရေးခန်းမမှာ ကြယ်သုံးလုံးရုပ်သေးဆရာသခင်သုံးယောက်ပဲ ရှိတယ်"

အခြားသူတွေရဲ့အပြောကနေ ရုပ်သေးဆရာသခင်ရဲ့အဆင့်အတန်းက အလွန်မြင့်မယ်ဆိုတာ နတ်ဘုရားအသုံးအဆောင်ပစ္စည်းပန်းပဲဆရာတွေ၊ နတ်ဘုရားဝင်္ကပါဆရာသခင်နဲ့ နတ်ဘုရားဆေးဆရာတွေထက် မနိမ့်ကျဘူးဆိုတာ သိဖို့ လီဖူချန်းအတွက် မခက်ခဲပါဘူး။

အစစ်အမှန်နတ်ဘုရားရဲ့ဦးဆောင်မှုအောက်မှာ လီဖူချန်းတို့သုံးယောက်က ကျယ်ပြန့်ပြီး တောက်ပတဲ့ခန်းမတစ်ခုသို့ ရောက်ရှိလာခဲ့တယ်။

အစက သူတို့ကို လက်ခံခဲ့တဲ့သူတွေက အဆင့်မြင့်အစစ်အမှန်နတ်ဘုရားတွေပဲ ဖြစ်မယ်လို့ ထျန်းရွှေနဲ့ချမ်ယုလျန့်က တွေးထားခဲ့တယ်။ သူတို့ကို ခန်းမထဲမှာ စောင့်နေသူတွေအားလုံးက စိတ်ဝိညာဉ်နတ်ဘုရား‌တွေ ဖြစ်မယ်လို့ သူတို့က ဘယ်လိုလုပ်ပြီး သိနိုင်မှာလဲ။

အစစ်အမှန်နတ်ဘုရားထက် ဆယ်ဆပိုသန်မာတဲ့ စိတ်ဝိညာဉ်နတ်ဘုရားတွေရဲ့စွမ်းအားအပြင် စိတ်ဝိညာဉ်နတ်ဘုရားရဲ့ချီက အစစ်အမှန်နတ်ဘုရားတွေ တုပနိုင်တဲ့အရာမဟုတ်ဘူး။

သူတို့သုံးယောက်ရဲ့မျက်လုံးထဲမှာ ခန်းမထဲရှိစိတ်ဝိညာဉ်နတ်ဘုရားတွေက နတ်ဘုရားတွေလ်ုပါပဲ၊ သူတို့က ထိုနေရာမှာ ရပ်နေသေးရင်တောင် သူတို့ကို မွန်းကျပ်တဲ့ခံစားချက်တစ်ခု ပေးစွမ်းတယ်။

ဒီစိတ်ဝိညာဉ်နတ်ဘုရားတွေက ဆန္ဒရှိ‌သရွေ့ ချီဖိနှိပ်ခြင်းက သူတို့နတ်ဘုရားတွေကို ပျက်ဆီးသွားစေနိုင်တယ်ဆိုတာ သံသယရှိစရာမလိုပါဘူး။

ဒီစိတ်ဝိညာဉ်နတ်ဘုရားတွေက သူတို့အတွက်မဟုတ်ဘဲ လီဖူချန်းအတွက် လာတာကို ထျန်းရွှေနဲ့ချမ်ယုလျန့်က ဘယ်လိုလုပ်ပြီး သိမှာလဲ။

"အကြီးအကဲတွေက နှုတ်ဆက်ပါတယ်"

သူတို့သုံးယောက်က ဦးညွှတ်လိုက်တယ်။

ဈ

မုတ်ဆိတ်မွေးစိတ်ဝိညာဉ်နတ်ဘုရားက ခေါင်းညိတ်လိုက်တယ်"ငါ့နာမည်က ကွမ်းယီယင်း၊ ငါက ဒီကုန်သည်င်္ဘောရဲ့တာဝန်ခံဖြစ်တဲ့ကုန်သွယ်ရေးခန်းမရဲ့အကြီးအကဲဖြစ်တယ်၊ မင်းတို့က ဒီသ‌င်္ဘောပေါ် တက်နိုင်တယ်ဆိုရင် ကုန်သွယ်ရေးခန်းမရဲ့တပည့်တစ်ယောက်ဖြစ်ဖို့ အရည်အချင်းမှီတယ်။ ဒါကို ယူလိုက်၊ ဒါက ပျံသန်းလင်းယုန်ကုန်သွယ်ရေးခန်းမရဲ့တပည့်တွေအတွက် လက်စွဲစာအုပ်ပဲ။ ဒိီထဲမှာ ကုန်သွယ်ရေးခန်းမရဲ့တပည့်တွေရဲ့အခွင့်အာဏာတွေ၊ ဂရုစိုက်ရမယ့်အချက်တွေ ပါတယ်။ မင်းတို့နှစ်ယောက်က ကြယ်သုံးလုံးအလယ်ဆင့်အရည်အသွေးရှိတယ်။ ကုန်သွယ်ရေးခန်းမရဲ့စည်းမျဉ်းအရ မင်းတို့တစ်ယောက်ချင်းစီက နတ်ဘုရားကျောက်တုံးဘီလီယံနှစ်ရာ ချီးမြှင့်ခံရလိမ့်မယ်။ ကောင်းပြီ၊ ဒါက မင်းတို့နှစ်‌ယောက်အတွက် အခန်းသော့တွေပဲ၊ မင်းတို့ အရင် ထွက်သွားလို့ရပြီ"

ကွမ်းယီယင်းက ထျန်းရွှေနဲ့ချမ်ယုလျန့်တို့ကို စိတ်မဝင်စားပါဘူး။ ကြယ်သုံးလုံးအရည်အသွေးတွေက ခရမ်းရောင်တိမ်နတ်ဘုရားကမ္ဘာမှာ အရမ်းမရှားပေမယ့် မဆိုးလွန်းပါဘူး၊ အနည်းဆုံး ခရမ်းရောင်တိမ်နတ်ဘုရားကမ္ဘာက ကြယ်သုံးလုံးပါရမီရှင်တွေထက် ပိုကောင်းတယ်။ အကြောင်းပြချက်ကိုတော့ တစ်ယောက်မှ မသိဘူး။

ဒီစိတ်ဝိညာဉ်နတ်ဘုရားတွေက သူတို့အတွက် လာတာမဟုတ်ဘူးဆိုတာ သူတို့က သိတယ်၊ ဒါကြောင့် သူတို့ရဲ့မျက်နှာပေါ်မှာ ထူးဆန်းတာ တစ်ခုမှ မရှိပါဘူး။ သူတို့ရဲ့နှလုံးသားထဲမှာ သူတို့က ဒီနေရာကနေ အမြန်ဆုံး ထွက်သွားချင်တယ်။ စိတ်ဝိညာဉ်နတ်ဘုရားတွေပေးတဲ့ဖိအားက ကြီးမားလွန်းတာကြောင့် သူတို့က အသက်တောင် မရှုနိုင်ဘူးဖြစ်နေတယ်။

ထျန်းရွှေနဲ့ချမ်ယုလျန့်တို့ သွားပြီးနောက် ‌ကွမ်းယီယင်းရဲ့မျက်နှာတွေက လီဖူချန်းအပေါ် ကျရောက်လာတယ်။

"မင်းက အရမ်းတော်တယ်။ ကြယ်လေးလုံးအဆင့်မြင့်အရည်အ‌သွေးက ငါတို့ပျံသန်းလင်းယုန်ကုန်သွယ်ရေးခန်းမမှာ ရှားတယ်" ကွမ်းယီယင်းက လီဖူချန်းကို လေ့လာနေတယ်။ ဒီကလေးက တကယ်ကို မတူဘူး။ ကျန်နှစ်ယောက်က သူတို့ရဲ့အမူအရာတွေ တည်ငြိမ်ပုံပေါ်ပေမယ့် ထူးချွန်တဲ့အချက်တွေတော့ မရှိဘူး။ ဒီကလေးကတော့ ကွဲပြားတယ်။ သူ့မျက်လုံးတွေထဲမှာ တည်ငြိမ်တာအပြင် ဂုဏ်ယူတာနဲ့ရှက်ကြောက်တာ မရှိဘူး၊ မောက်မတာနဲ့နှိမ့်ချတာ မရှိဘူး၊ ပျော်ရွှင်တာနဲ့ဝမ်းနည်းတာ မရှိဘူး၊ ဒါက သူတို့ရဲ့စိတ်အခြေအနေက အလွန်မြင့်မားတဲ့အဆင့်ကို ရောက်ရှိနေတဲ့ သူတွေရဲ့ပုံစံပဲ"

‌ယေဘုယျပြောရရင် ဒီလိုစိတ်အခြေအနေရှိတဲ့သူတွေက မှင်တက်စရာကောင်းတဲ့သူတွေပဲ၊ သူတို့ရဲ့အသက်ရှင်ခြင်းအခွင့်အလမ်းက အလားတူပါရမီတွေရှိတဲ့ပါရမီရှင်တွေထက် အများကြီးပိုမြင့်တယ်။

"ကုန်သွယ်ရေးခန်းမရဲ့စည်းမျဉ်းအရ ကြယ်လေးလုံးအဆင့်မြင့်အရည်အသွေးကို အဆင့်နိမ့်နတ်ဘုရားကျောက်တုံးနှစ်ဘီလီယံ ချီးမြှင့်တယ်"

ကွမ်းယီယင်းက နေရာလပ်လက်စွပ်တစ်ကွင်းကို လီဖူချန်းထံ ပစ်ပေးလိုက်တယ်။

"အဆင့်နိမ့်နတ်ဘုရားကျောက်တုံးနှစ်ဘီလီယံ"

လီဖူချန်းက မှင်တက်သွားတယ်။ တစ်ဖက်လူပြောတဲ့အဆင့်နိမ့်နတ်ဘုရားကျောက်တုံးက တောက်ပနတ်ဘုရားကမ္ဘာရဲ့အဆင့်နိမ့်နတ်ဘုရားကျောက်တုံး(အညံ့စားနတ်ဘုရားကျောက်တုံး)မဟုတ်ဘူး။

အဆင့်နိမ့်နတ်ဘုရားကျောက်တုံးနှစ်ဘီလီယံကို အညံ့စားနတ်ဘုရားကျောက်တုံးနှစ်ဆယ်ထရီလီယံနဲ့ ဖလှယ်နိုင်တယ်လေ။

"ဒိီအဆင့်နိမ့်နတ်ဘုရားကျောက်တုံးတွေနဲ့ဆိုရင် ငါ့ရဲ့ကျင့်ကြံခြင်းအရှိန်က အများကြီးပိုမြန်လာနိုင်တယ်။ ဒါကို အညံ့စားနတ်ဘုရားကျောက်တုံးတွေက မယှဉ်နိုင်ဘူး"

လီဖူချန်းရဲ့မျက်လုံးတွေထဲမှာ ဒိီအဆင့်နိမ့်နတ်ဘုရားကျောက်တုံးနှစ်ဘီလီယံက အဆင့်နိမ့်နတ်ဘုရားကျောက်တုံး(အညံ့စားနတ်ဘုရားကျောက်တုံး)တစ်ရာထရီလီယံထက် ပိုတန်ဖိုးရှိတယ်။ အကြောင်းကတော့ နတ်ဘုရားတွေရဲ့အဆင့်က ပိုမြင့်လာလေလေ၊ နတ်ဘုရားကျောက်တုံးတွေရဲ့လိုအပ်ချက်အဆင့်က ပိုမြင့်လာလေလို့ပဲ။

"ကျေးဇူးတင်ပါတယ်၊ အကြီးအကဲကွမ်းယီယင်း" လီဖူချန်းက နေရာလပ်လက်စွပ်ကို ဂရုတစိုက်သိမ်းလိုက်တယ်။

ကွမ်းယီယင်းက အနည်းငယ်ပြုံးကာ ပြောလိုက်တယ်"အနာဂတ်မှာ မင်း နားမလည်တာ တစ်ခုခုရှိရင် မင်း ငါ့ဆီ လာနိုင်တယ်၊ ဒါမှမဟုတ် မင်း ဒီကွန်တွေဆီ သွားန်ိုင်တယ်။ ဒါတွေက။ မင်း ရွေးချယ်ရမယ့်အခန်းတွေပဲ၊ မင်း ကြိုက်ရာတစ်ခုယူလို့ရတယ်"

လီဖူချန်းအပေါ်ဆက်ဆံမှုက ထျန်းရွှေနဲ့ချမ်ယုတို့ထက် ပိုကောင်းတယ်။ သူက သူ့ရဲ့ကိုယ်ပိုင်အခန်းကိုတောင် ရွေးချယ်နိုင်တယ်။

ကွမ်းယီယင်းက လက်ကို ဝှေ့ယမ်းလိုက်ရာ အခန်းရှစ်ခုရဲ့ပုံရိပ်တွေက ခန်းမရဲ့ဟင်းလင်းပြင်မှာ ထွက်ပေါ်လာတယ်။

ဒီအခန်းတွေက အလွန်ကြီးတယ်။ အိပ်ခန်းတွေပြင် လက်ဖက်ရည်ခန်း၊‌ ရေချိုးခန်း၊ လေ့ကျင့်ရေးခန်း၊ ရုပ်သေးခန်း၊ ဥယျာဉ်တွေ၊ လေသာခန်း စသဖြင့် ရှိတယ်။

ကြီးမားတဲ့ခြံဝင်းတစ်ခုလဲ အပါအဝင်ပေါ့။

"ငါ ဒါကို လိုချင်တယ်"

လီဖူချန်းက အခန်းတစ်ခုကို ကြုံရာရွေးချယ်ခဲ့တယ်၊ ဒီအခန်းတွေက အကုန်လုံးအတူတူပဲလေ။

"ဒါက သော့၊ တစ်‌ယောက်လာစမ်း၊ သူ့ကို အခန်းကို ခေါ်သွားပေးလိုက်"

ကွမ်းယီယင်းရဲ့အမိန့်အောက်မှာ အဆင့်မြင့်အစစ်အမှန်နတ်ဘုရားတစ်ယောက်က လီဖူချန်းကို ဦးဆောင်ခေါ်သွားတယ်။

ကုန်သွယ်ရေးခန်းမရဲ့တပည့်တွေရဲ့အခန်းတွေက အခြားသူတွေရဲ့အခန်းနဲ့ မတူဘူး။

ကုန်သွယ်ရေးခန်းမတပည့်တွေရဲ့အခန်းက ခြောက်ထပ်ရှိတယ်။

ပထမအထပ်က ကြယ်သုံးလုံးအဆင့်နိမ့်အရည်အသွေး၊ ဒုတိယအထပ်က ကြယ်သုံးလုံးအလယ်ဆင့်အရည်အသွေး၊ တတိယအထပ်က ကြယ်သုံးလုအဆင့်မြင့်အရည်အသွေး၊ ပြီးတော့ စတုတ္ထထပ်က ကြယ်လေးလုံးအဆင့်နိမ့်အရည်အသွေး။

"နောက်ထပ် ကြယ်လေးလုံးအရည်အသွေးလား"

စတုတ္ထထပ်မှာ တစ်ယောက်ပဲ နေထိုင်တယ်။ ဒီလူကို ပီးဒီလို့ ခေါ်ကာ ကြယ်လေးလုံးအဆင့်နိမ့်အရည်အသွေးရှိတယ်။

လီဖူချန်းက လှေကားရဲ့အဆုံးမှာ ပျောက်ကွယ်သွားတာကို မြင်ပြီး ပီဒီက စိတ်အခြေအနေအနည်းငယ်မကောင်းဖြစ်သွားတယ်။ တစ်ဖက်လူက ပဉ္စမထပ်ကို သွားခဲ့တယ်၊ သူ့ရဲ့အရည်အသွေက သူ့ထက် ပိုကောင်းတယ်လို့ ပြောတယ်၊ ကြယ်လေးလုံးအလယ်ဆင့်အရည်အသွေးအနည်းဆုံးရှိတယ်။

ခြောက်ထပ်၊ ခုနှစ်ခုမြောက်အခန်း။

"ဒါ မင်းရဲ့အခန်းပဲ။ ကုန်သည်သင်္ဘောထဲမှာ အခန်းအားလုံးကို နတ်ဘုရားဝင်္ကပါတွေ တပ်ဆင်ထားတယ်။ အပြင်လူတွေ ဝင်ရောက်တာကို တားမြစ်ခြင်းအပြင် သူတို့က နတ်ဘုရားစိတ်ဝိညာဉ်ရှာဖွေဖော်ထုတ်မှုကို သီးခြားဖြစ်စေနိုင်တယ်။ ဒိီသော့က အခန်းထဲ ဝင်ဖို့ တစ်ခုတည်းသောနည်းလမ်းပဲ"

အဆင့်မြင့်အစစ်အမှန်နတ်ဘုရားက ရှင်းပြလိုက်တယ်။

"ကျေးဇူးတင်ပါတယ်"

လီဖူချန်းက သော့ကို ထုတ်ကာ အခန်းတံခါးကို ဖွင့်လိုက်တယ်။