အခန်း ၂၅၄

အခန်း ၂၅၄ - စိတ်အားထက်သန်နေသော ပရိသတ်တစ်ဦး။

လင်းချန်၏ စကားကြောင့် လော့ထျန်း မှာ သူ၏ ခန့်မှန်းချက် မှန်ကန်ကြောင်း သိလိုက်ရသည်။ လင်းချန်သည် အမှတကယ်ပင် ရှေးဟောင်း လင်းမိသားစုမှ ဆင်းသက်လာသူဖြစ်သည်။

လင်းတုံ တည်ထောင်ခဲ့သည့် ထိုမိသားစု၏ နာမည်သည် ထာဝရတိုက်ကြီးတစ်ခုလုံးတွင် အလွန်ကျော်ကြားသည်။

လင်းတုံ၏ စွမ်းဆောင်ချက်မှာ နတ်ဘုရားဧကရာဇ် ထက်ပင် ပိုမိုကြီးမားသည်။

နတ်ဘုရားဧကရာဇ်သည် ထျန်းယီ နန်းတော် ၏ ရှေးဟောင်းတာအိုဘိုးဘေးနှင့် တိုက်ခိုက်စဉ် ရှုံးနိမ့်၍ ထွက်ပြေးခဲ့ရသော်လည်း လင်းတုံမှာမူ ထိုဘိုးဘေးကို အနိုင်ယူရုံသာမက ၎င်း၏ ခေါင်းကိုပင် ဖြတ်တောက်နိုင်ခဲ့သည်။

ထိုတိုက်ပွဲကြောင့် လင်တုံ၏ နာမည်မှာ ထာဝရတိုက်ကြီးတွင် ပဲ့တင်ထပ်သွားခဲ့သည်။

လင်းချန်၏ အဖြေကို ကြားလိုက်ရသောအခါ ယွမ်လုံ မှာ တည်ငြိမ်မှု ပျောက်ဆုံးသွားသည်။ သူသည် လင်းချန်၏ ပုခုံးကို ဖက်လိုက်ပြီး စိတ်လှုပ်ရှားစွာ မေးသည်။

"မိတ်ဆွေငယ် လင်းချန် မင်းကို တစ်ခုလောက် တောင်းဆိုချင်လို့။ မင်း တာအိုပြည်နယ် ၃၀၀၀ ကို ပြန်ရောက်တဲ့အခါ လင်းတုံဘိုးဘေးနဲ့ တွေ့ရင် ငါ့ကို မိတ်ဆက်ပေးနိုင်မလား။"

ယွမ်လုံ၏ အပြုအမူမှာ အမာခံပရိသတ်တစ်ဦး နှင့် လုံးဝတူနေသည်။ လင်းချန်မှာမူ အနည်းငယ် ရှက်ရွံ့သွားပြီး အဖြေတိတိကျကျ မပေးနိုင်ဘဲ ရေငုံနှုတ်ပိတ်နေလိုက်မိသည်။ ယွမ်လုံမှာမူ လင်းချန်၏ စကားကြောင့်ပင် အလွန်အမင်း ဝမ်းသာသွားပြီး လင်းချန်အား ရိုသေစွာ ဂါရဝပြုလိုက်သည်။

လော့ထျန်းကမူ သူ၏ အဖော် ယွမ်လုံကို ကြည့်ကာ ခေါင်းခါလိုက်သည်။

လင်းတုံ၏ နာမည်ကို ကြားသည်နှင့် ယွမ်လုံမှာ စိတ်မထိန်းနိုင်တော့ပေ။ လော့ထျန်းအတွက်မူ လင်းတုံမှာ အလွန်မြင့်မြတ်သူဖြစ်သည်။ သို့သော် သူသည် မနာလိုခြင်းမရှိဘဲ ယခုကဲ့သို့ စွမ်းအားကြီးမားသူများ ရှိနေခြင်းကြောင့် တာအိုပြည်နယ် ၃၀၀၀ အတွက် ထျန်းယီ နန်းတော်ကို လက်စားချေနိုင်မည့် အခွင့်အရေးရှိလာပြီဟုသာ တွေးကာ ဝမ်းမြောက်နေသည်။

ထို့နောက် လော့ထျန်းက လင်းချန်အား အရေးကြီးသည့် မေးခွန်းတစ်ခုကို မေးလိုက်သည်။

"လင်းချန် ငါ့ရဲ့ လော့ထျန်း မြင့်မြတ်နယ်မြေက အခု ဘယ်လို အခြေအနေရှိလဲ။"

လင်းချန်က သက်ပြင်းချကာ ပြောသည်။

"လော့ထျန်း မြင့်မြတ်နယ်မြေက အရင်လို မဟုတ်တော့ပါဘူး။ အခုဆိုရင် ဧကရာဇ်အဆင့် ကျွမ်းကျင်သူတောင် မရှိတော့ဘဲ သူတော်စင်ဘုရင်အဆင့် ကျွမ်းကျင်သူတွေလောက်ပဲ ကျန်တော့တယ်။ ဒါပေမဲ့ ဆရာကြီး စိတ်မပူပါနဲ့။ ကျွန်တော် တာအိုပြည်နယ် ၃၀၀၀ ရဲ့ ကောင်းကင်ဘုံ နိယာမတွေကို ပြန်လည်ပြင်ဆင်ပေးခဲ့ပါပြီ။ အခုဆိုရင် ကောင်းကင်ဘုံ ဝိညာဉ်စွမ်းအင်တွေက ရှေးခေတ်ကာလကလို ပြန်ဖြစ်လာပါပြီ။"

"ဘာ...မင်း တာအိုပြည်နယ် ၃၀၀၀ ရဲ့ နိယာမတွေကို ပြင်ဆင်ပေးခဲ့တယ် ဟုတ်လား။"

လော့ထျန်းမှာ ထိုင်နေရာမှ ရုတ်တရက် ထရပ်လိုက်သည်။ ဤသတင်းမှာ တာအိုပြည်နယ် ၃၀၀၀ တစ်ခုလုံးအတွက် အလွန်အရေးကြီးသည်။

ဆိုလိုသည်မှာ ယခုအခါ တာအိုပြည်နယ် ၃၀၀၀ တွင် မဟာဧကရာဇ် အဆင့်များ ထပ်မံပေါ်ပေါက်လာနိုင်ပြီ ဖြစ်သည်။

လင်းချန်၏ စွမ်းရည်မှာ အံ့အားသင့်စရာပင်။ သူသည် ထာဝရတိုက်ကြီးသို့ ရောက်ရှိပြီးနောက် တာအိုပြည်နယ် ၃၀၀၀ သို့ ပြန်သွားနိုင်ရုံမက ကောင်းကင်ဘုံ နိယာမများကိုပါ ပြင်ဆင်နိုင်ခဲ့သည်။

လော့ထျန်းက အသက်ရှူမှားလုနီးပါး ဖြစ်သွားပြီးနောက် တိုးတက်လာသော အခြေအနေများကို လင်းချန်အား ရှင်းပြသည်။

လင်းချန်မှာလည်း တာအိုပြည်နယ် ၃၀၀၀ သည် ယခုအခါ အရှေ့ပိုင်း နတ်ဘုရားနိုင်ငံတော်တွင် စတုတ္ထမြောက် အင်အားကြီးမားသော အင်အားစုတစ်ခုဖြစ်ပြီး ထျန်းယီ နန်းတော်နှင့် ရင်ပေါင်တန်းနိုင်နေပြီ ဖြစ်ကြောင်း သိလိုက်ရသည့်အခါ အံ့ဩသွားမိသည်။

ယခင်က တာအိုပြည်နယ် ၃၀၀၀ သည် ထျန်းယီ နန်းတော်၏ ဖိနှိပ်ခြင်းကို ခံခဲ့ရသော်လည်းယခုအခါတွင်မူ အရာအားလုံး ပြောင်းလဲသွားခဲ့ပြီ ဖြစ်သည်။