အခန်း ၂၆၈

အခန်း ၂၆၈ -သင်တို့ ပြသသင့်သည်မှာ ကြောက်ရွံ့ခြင်းသာဖြစ်သည်။

လော့ထျန်းနှင့် ယွမ်လုံတို့မှာ ရှေးဟောင်းဧကရာဇ် အဆင့်သို့ တက်လှမ်းပြီးနောက် ရှေးဟောင်းဧကရာဇ် အထွတ်အထိပ်အဆင့်သို့ ရောက်ရန် အချိန်မည်မျှပေးခဲ့ရသည်ကို ကောင်းစွာမှတ်မိနေသည်

လင်းချန်၏ ကျင့်ကြံခြင်းအဆင့်မှာ သူတို့ထက် နောက်ကျလိမ့်မည်ဟု ထင်မှတ်ထားခဲ့သော်လည်း ယခုအခါတွင်မူ လင်းချန်၏ အခြေအနေမှာ သူတို့ထက်ပင် သာလွန်နေသည်ကို တွေ့လိုက်ရသည်။

ယွမ်လုံနှင့် လော့ထျန်းတို့မှာ အတွင်းပိုင်းကမ္ဘာငယ်၏ အဆင့်အတန်းကြောင့် သူတော်စင်ဧကရာဇ် အဆင့်သို့ တက်လှမ်းရန် ရုန်းကန်နေရဆဲ ဖြစ်သော်လည်း လင်းချန်မှာမူ ထိုအခက်အခဲမျိုး မရှိတော့ပေ။

"ဒီအကြောင်းကို ဒီမှာတင် ရပ်လိုက်ကြစို့။"

လော့ထျန်းက စကားစကို ဖြတ်လိုက်သည်။ သူတို့သာ ဤအကြောင်းကို ဆက်ပြောနေလျှင် မိမိကိုယ်ကို ယုံကြည်မှု လျော့နည်းလာပြီး စိတ်ဆန္ဒနတ်ဆိုးများဝင်ရောက်လာမည်ကို စိုးရိမ်နေကြသည်။

ထိုအချိန်တွင် ပတ်ဝန်းကျင်ရှိ ဂိုဏ်းဂဏအသီးသီးမှ ကျွမ်းကျင်သူများမှာ လင်းချန်ထံသို့ ချဉ်းကပ်လာကြသည်။

သူတို့မှာ သူတော်စင်ဧကရာဇ် လီယန်၏ အမွေအနှစ်ကို လင်းချန် ရရှိခဲ့ခြင်း ရှိမရှိကို သိလိုနေကြခြင်းဖြစ်သည်။

သို့သော် လင်းချန်မှာ သာမန်လူမဟုတ်ကြောင်း သိရှိထားကြသဖြင့် တိုက်ရိုက် ရန်မူရန် မဝံ့မရဲ ဖြစ်နေကြသည်။

ရှေးဟောင်းဧကရာဇ် အထွတ်အထိပ် ကျွမ်းကျင်သူတစ်ဦးက ရှေ့သို့ ထွက်လာကာ ယွမ်လုံတို့ကို အရိုအသေပေး၍ မေးမြန်းလိုက်သည်။

"မြို့သခင်ယွမ်လုံ ကျွန်တော်တို့ သိချင်တဲ့အချက်လေး တစ်ခုလောက် ရှိလို့ပါမေးလို့ ရမလားခင်ဗျာ။"

လော့ထျန်းမှာမူ ထိုသူတို့ကို လုံးဝ အရေးမစိုက်ဘဲ လင်းချန်နှင့်သာ စကားပြောနေသည်။

သူသည် သူ၏ ဆက်သွယ်ရေးပစ္စည်းဖြင့် သတင်းစကား ပေးပို့နေပြီး လင်းချန်ကို ခေါင်းငြိမ့်ပြကာ

"ကျွန်တော်တို့ အိမ်ပြန်ဖို့ ပြင်ဆင်ရတော့မယ်။"

ထိုအခါ ထိုကျွမ်းကျင်သူမှာ ဒေါသထွက်လာပြီး

"မြို့သခင်ယွမ်လုံ ကျွန်တော်တို့က အရိုအသေပေးပြီး မေးနေတာပါ။ ဒါပေမဲ့ ဒီလိုမျိုး အထင်သေးတဲ့ အပြုအမူက ဘာသဘောလဲ။"

ယွမ်လုံက ထိုသူကို ကြည့်ကာ ပြုံးလိုက်ပြီး

"ခင်ဗျားတို့ ဘေးနားက လူက ဘယ်သူလဲဆိုတာ သိလား။"

ထိုသူမှာ လော့ထျန်းကို ကြည့်ကာ ရင်းနှီးသလို ခံစားရသော်လည်း မည်သူဖြစ်ကြောင်း မမှတ်မိပေ။

ပတ်ဝန်းကျင်ရှိ လူအားလုံးမှာလည်း သိချင်စိတ်ဖြင့် စောင့်ကြည့်နေကြသည်။ ယွမ်လုံက ခေါင်းခါရင်း ပြောလိုက်သည်။

"ကျွန်တော် အခွင့်အရေး ပေးခဲ့ပေမဲ့ ခင်ဗျားတို့က မမှတ်မိကြဘူးပဲ။ ခင်ဗျားတို့ ဒေါသထွက်နေတာကို ကျွန်တော် သိတယ်။"

"ဒါပေမဲ့ ကျွန်တော့်အမြင်မှာတော့ အဲဒီဒေါသတွေက အလကားပါပဲ ခင်ဗျားတို့ ပြသသင့်တာက ဒေါသမဟုတ်ဘူး ကြောက်ရွံ့ခြင်း ဖြစ်တယ်။"

"ခင်ဗျားတို့ ဒီလိုမျိုး ဖိအားပေးနေတာက တာအိုပြည်နယ် ၃၀၀၀က ရှေးဟောင်းဧကရာဇ် လော့ထျန်းကို ဖြစ်မှန်း သိရဲ့လား။"

"ဒါက တာအိုပြည်နယ် ၃၀၀၀ ကို စစ်ကြေညာတာနဲ့ အတူတူပဲ။"

ထိုစကားသံ ပဲ့တင်ထပ်သွားသောအခါ လူတိုင်း၏ မျက်နှာမှာ ဖြူဖျော့သွားသည်။

တာအိုပြည်နယ် ၃၀၀၀။

ရှေးဟောင်းဧကရာဇ် လော့ထျန်း။

တစ်ချိန်က ရှေးဟောင်းဧကရာဇ် အထွတ်အထိပ် ကျွမ်းကျင်သူ ၁၈ ဦးကို တစ်ဦးတည်းနှင့် ယှဉ်ပြိုင်ခဲ့ပြီး ၁၆ ဦးကို သတ်ဖြတ်ခဲ့သည့် လော့ထျန်းပင် ဖြစ်သည်။

ထိုအချိန်တွင် စကားပြောခဲ့သော ရှေးဟောင်းဧကရာဇ်မှာ ထိတ်လန့်တုန်လှုပ်သွားပြီး ကြောက်ရွံ့စွာဖြင့် ဒူးထောက်လိုက်ရသည်။

"ရှေးဟောင်းဧကရာဇ် လော့ထျန်း... ကျွန်တော် မှားသွားပါတယ်။"