အခန်း (၆၃၃-၆၃၄)

အခန်း (၆၃၃)။

“ထားလိုက်ပါတော့... ထားလိုက်ပါတော့၊ အဲဒီ ဟုန်ယွိက တကယ့်ကို အစွမ်းထက်လွန်း တယ်။ ‘သခင်လေးချွန်း’ တောင် သူ့လက်ထဲမှာ အရှုံးပေးခဲ့ရတာပဲ။ ဒါတင်မကသေးဘူး၊ ခေါင်းဆောင်ကြီးရဲ့ စိတ်ဆန္ဒကတောင် သူ့ကို ဘာမှမတတ်နိုင်ခဲ့ဘူး။ ဟူး... ပျော်ရွှင်မှုဆီ လျှောက်တဲ့လမ်းက အနှောင့်အယှက်တွေနဲ့ ပြည့်နေတာပဲ။ ငါလည်း ဘာမှမတတ်နိုင်ပါ ဘူးလေ။ ငါ ‘သခင်လေးရှူ’ တစ်ယောက်ပဲ အရှုံးခံပြီး ဒီလူငယ်သုံးယောက်ကို ကူညီပေးရ တော့မှာပေါ့။”

မြောက်ပိုင်းပင်လယ်ရှိ လျှို့ဝှက်ဆန်းပြားသော ကျွန်းပေါ်သို့ ရုတ်တရက် ဆင်းသက်လာ သည့် လျှို့ဝှက်ဆန်းပြားသော ‘သခင်လေးရှူ’ သည် ထန်ဟိုင်လုံ၊ ဖန်းယွမ်နှင့် လီဖေးယွိတို့ ဘိုးဘေးနတ်ဘုရား မိုးကြိုးရေကန်ကို စုစည်းနေကြသည်ကို ကြည့်ကာ စဉ်းစားခန်း ဝင်နေလေသည်။

သူ၏လက်ထဲတွင် ‘အနက်ရောင်ကျောက်စိမ်းအဆောင်’ တစ်ခုကို ကိုင်ထားသည်။ ၎င်း၏ အထိအတွေ့မှာ လူ့အရေပြားကဲ့သို့ ချောမွတ်တောက်ပနေ၏။ ၎င်းမှာ ‘ကျောက်စိမ်း’ နှင့် မတူဘဲ အသက်ရှူသွင်း ရှူထုတ်လုပ်နေသည့် ထူးဆန်းသော အသားစ တစ်ခုနှင့် ပိုတူနေ သည်။

“ဒါပေမဲ့ ဒီလူငယ်သုံးယောက်ကလည်း တော်တော်လေးကို ပါးနပ်ကြသား။ ငါသာ သူတို့ကို ကူညီပေးရင် သူတို့က ငါ့ကိုတောင် ပြန်ပြီး ရန်မူချင်မူကြမှာ။ အဲဒါကတော့ မတန်ဘူး။ ပြီးတော့ သူတို့ကို ငါ့ရဲ့နတ်ဘုရားစွမ်းရည်တွေနဲ့ ဖိနှိပ်လို့လည်း မရဘူး။ သူတို့ ကိုယ်တိုင် ကလည်း စွမ်းအားကြီးသလို သူတို့ နောက်ကွယ်က ပုဂ္ဂိုလ် သုံးယောက်ကလည်း ဖန်ဆင်းရှင် အဆင့်အထိ ကျင့်ကြံထားကြပြီး၊ အားနည်းတဲ့ ကာလလွန်မြောက်ဖို့ ခြေလှမ်း အနည်းငယ်ပဲ လိုတော့တာ။ သူတို့ရဲ့ ကျင့်စဉ်က ငါ့ထက် နည်းနည်း နိမ့်ချင်နိမ့်ပေမဲ့ ဗဟိုကမ္ဘာမှာတောင် ငါ့လိုလူမျိုးက ဘယ်နှစ်ယောက် ရှိလို့လဲ။ ငါ့ရဲ့ ကျင့်စဉ်က ကြယ် ကမ္ဘာတစ်လုံးကို အုပ်ချုပ်နိုင်သလို လက်ရှိခေါင်းဆောင်ကြီး အနားယူရင် နောက်ထပ် ခေါင်းဆောင်နေရာအတွက် ယှဉ်ပြိုင်ဖို့တောင် မျှော်လင့်ချက် ရှိတာ။ အခုတော့ ဒီနေရာမှာ တင် အဲ့ဒီလိုလူစားမျိုး သုံးယောက်ရှိနေတယ်။ ဟုန်ယွိကိုပါ ထည့်တွက်ရင် လေးယောက် ပေါ့။ မဟာကမ္ဘာလောကကြီးက တကယ့်ကို ကြောက်စရာကောင်းတာပဲ။ ငါသာ တိုက်ရိုက် ပေါ်ထွက်လာရင် တခြားအင်အားစုတွေရဲ့ အာရုံစိုက်တာကို ခံရလိမ့်မယ်။ ဒါကြောင့် ငါ့အစား လှုပ်ရှားပေးမယ့် ကိုယ်စားလှယ်တွေကို သေချာ ရွေးချယ်ရမယ်။"

ဆန်းကြယ်သော သခင်လေးရှူသည် သူ့ဘာသာ တွေးနေမိသည်။ ပင်လယ်လေကြောင့် သူ၏အဝတ်အစားများ တဖျပ်ဖျပ် လွင့်ခါနေခြင်းမှာ သူ၏စိတ်ကူးများ အတက်အကျကို ကိုယ်စားပြုနေသကဲ့သို့ ရှိသည်။

ဤ ‘သခင်လေးရှူ’ တွင် မြင့်မားသော နှာတံနှင့် ကျယ်ပြန့်သော နဖူးပြင် ရှိပြီး၊ သူ၏ မျက်နှာပေါက်မှာ အပြစ်ပြောစရာမရှိအောင် ပြည့်စုံလွန်းလှ၏။ အထူးသဖြင့် သူ၏ မျက်လုံးများမှာ ထူးခြားသော ပါးနပ်မှုတို့ဖြင့် တောက်ပနေသည်။ သူ စဉ်းစားနေချိန်တွင် သူ၏ သူငယ်အိမ် အနက်ရှိုင်းဆုံးနေရာ၌ မရေမတွက်နိုင်သော မှော်စာလုံးများ လက်ခနဲ ပေါ်လာလိုက်၊ ပျောက်သွားလိုက် ဖြစ်သွားတတ်သည်။ ၎င်းတို့မှာ လက်ရှိအခြေအနေကို ကိုယ်စားပြုပြီး အမှန်ကန်ဆုံးသော နိဂုံးချုပ်တွက်ချက်မူကို ရရှိရန် မကုန်နိုင်သော တွက်ချက်မှုများကို ပြုလုပ်နေကြခြင်း ဖြစ်သည်။

၎င်းကို ကြည့်ခြင်းအားဖြင့် ဤသူသည် အလွန်မြင့်မားသော ဉာဏ်ပညာရှိပြီး အရာရာကို အမှားအယွင်းမရှိ စီစဉ်တတ်ကာ မည်သည့်အခါမျှ အန္တရာယ်ကို အလွယ်တကူ မရင်ဆိုင်တတ်ကြောင်း သိသာလှသည်။ ပြဿနာတစ်ခုခု ပေါ်ပေါက်လာသည်နှင့် သူသည် ဝေခွဲမနေဘဲ ချက်ချင်း ဆုတ်ခွာမည့်သူ ဖြစ်သည်။

ဤသူသည် တကယ့်ကို ကြောက်စရာကောင်းသော ပုဂ္ဂိုလ်တစ်ဦး ဖြစ်ကြောင်း ထင်ရှားလှ သည်။

သူသည် ‘ဝိညာဉ်နတ်ဘုရားစစ်သည်’များကို ဖန်တီးခဲ့သူဖြစ်ပြီး၊ ၎င်းတို့၏ လျှို့ဝှက်ချက် ကို ဟုန်ယွိ မသိစေရန် မိမိကိုယ်ကို ဖောက်ခွဲပစ်သည့် နည်းလမ်းကို အသုံးပြုခဲ့သူလည်း ဖြစ်သည်။

ဤသခင်လေးရှူသည် ဖန်ကြယ်ကမ္ဘာတွင် လျှို့ဝှက်ဆန်းပြားသူတစ်ဦး ဖြစ်မည်မှာ သေချာပြီး သူ၏အဆင့်အတန်းမှာ ‘သခင်လေးချွန်း’ ထက်ပင် ပိုမို မြင့်မားပုံရသည်။

“နှမြောစရာပဲ၊ ခေါင်းဆောင်ကြီးရဲ့ အစစ်မှန် ခန္ဓာကိုယ်က ‘အင်မော်တယ် နတ်ဘုရား ဘုရင်’ ကြောင့် ဖြစ်ပေါ်လာတဲ့ မငြိမ်မသက်မှုတွေကို ဖြေရှင်းဖို့ သွားနေရတယ်။ မဟုတ်ရင်တော့ ဟုန်ယွိဟာ ခေါင်းဆောင်ကြီးရဲ့ စွမ်းအားအပြည့်ကို တောင့်ခံနိုင်မလားဆို တာ ငါ ကြည့်ချင်သေးတယ်။"

သခင်လေးရှူသည် အချိန်အတော်ကြာ တွက်ချက်ပြီးနောက် သူ၏ခန္ဓာကိုယ်မှာ လေနှင့် အတူ ပေါ့ပါးစွာ ပျံသန်းကာ မိုးကြိုးရေကန်ကို ဖန်တီးနေကြသော ထန်ဟိုင်လုံတို့ ဖန်းယွမ်၊ လီဖေးယွီတို့ သုံးဦးထံသို့ ပေါ်ပေါ်တင်တင် ဦးတည်သွားလေတော့သည်။

သူ၏လှုပ်ရှားမှုက မှော်ရတနာများကို သန့်စင်နေသည့် လူသုံးယောက်ကို ချက်ချင်း သတိမူ မိသွားစေသည်။

မိုးကြိုးရေကန် သန့်စင်ရာ ကျွန်းပေါ်မှ အားကောင်းသော အရှိန်အဝါ သုံးခု ထွက်ပေါ်လာ ပြီး မျက်စိတစ်မှိတ်အတွင်းမှာပင် လျှို့ဝှက်ဆန်းပြားသော ‘သခင်လေးရှူ’ ကို ဝိုင်းရံလိုက် ကြလေသည်။

“ကောင်းတယ်... ကောင်းတယ်၊ သုံးယောက်စလုံးက ‘စတုတ္ထအဆင့် မိုးကြိုးကပ်ဘေး’ ကို ဖြတ်ကျော်ထားပြီး အတွေးတစ်ခုနဲ့တင် ကမ္ဘာတစ်ခုကို ဖန်တီးနိုင်တဲ့ ပညာရှင်တွေပဲ။ တစ်ယောက်ချင်းစီမှာလည်း အတွေးစပေါင်း ၁၂၉,၆၀၀ စီ ရှိကြတယ်။ အထူးသဖြင့် ရှေးဟောင်း ‘ကြယ်တာရာတာအို’ ရဲ့ နတ်ဘုရားစွမ်းရည်ကို သိထားတဲ့လူပေါ့။ သူ့ရဲ့ အတွေးစတစ်ခုချင်းစီက ‘အဆင့်ခြောက် မိုးကြိုးကပ်ဘေး’ ကို ဖြတ်ကျော်ထားပြီး ဟင်းလင်းပြင်ကို ဆုတ်ဖြဲနိုင်လောက်အောင် သန်မာတယ်။”

သခင်လေးရှူသည် ဝိုင်းရံခံထားရသော်လည်း အနည်းငယ်မျှ ထိတ်လန့်ခြင်းမရှိဘဲ စိတ်ထဲမှ ကျိတ်၍ ချီးကျူးနေမိသည်။ တစ်ချိန်တည်းမှာပင် သူ၏ မျက်လုံးထဲမှ မှော်စာလုံး များမှာ လှုပ်ရှားလာပြီး တွက်ချက်မှုများ ပြုလုပ်နေသည်။ သူသည် ထန်ဟိုင်လုံ၊ ဖန်းယွမ် နှင့် လီဖေးယွိတို့၏ စွမ်းရည်နှင့် ခွန်အားအားလုံးကို လက်ဝါးပေါ်တင်ထားသကဲ့သို့ အသေး စိတ် သိရှိသွားကာ မှတ်သားထားလိုက်လေသည်။

...

“ဘယ်သူလဲ” ထန်ဟိုင်လုံက ပထမဆုံး စကားပြောလိုက်သူ ဖြစ်သည်။ အနက်ရောင် ကျောက်စိမ်းအဆောင်ကို ကိုင်ထားသည့် လူငယ်ကို ကြည့်ရင်း သူက ချက်ချင်းပင် သတိကြီးစွာ ထားလိုက်သည်။ ထိုလူငယ်ထံမှ ပြင်းထန်သော အရှိန်အဝါများ ထွက်မနေ သော်လည်း သူ့မျက်လုံးများကို ကြည့်လိုက်သည့်အခါ သူ၏ လျှို့ဝှက်ချက်အားလုံးကို တစ်ဖက်လူက ချက်ချင်း ထိုးထွင်းမြင်သွားသကဲ့သို့ ထန်ဟိုင်လုံ ခံစားလိုက်ရသည်။

“ငါ့နာမည်က ရှူပါ။ မင်းက ချန်ကွန်းအကယ်ဒမီရဲ့ အုပ်ချုပ်သူ ညီအစ်ကို ထန်လား။” လျှို့ဝှက်ဆန်းပြားသော သခင်လေးရှူက လက်နှစ်ဖက်ယှက်ကာ နှုတ်ဆက်လိုက်သည်။ “ညီအစ်ကို ထန်၊ ညီအစ်ကို ဖန်းနဲ့ ညီအစ်ကိုလီတို့ဟာ ပြောင်းလဲခြင်းကျမ်းကို တော်လှန်ဖို့ ချန်ကွန်းအကယ်ဒမီကို တည်ထောင်ခဲ့တယ်လို့ ကြားသိရလို့ ညီအစ်ကို ထန်ကို ငါ လာရှာ တာပါ။ ငါတို့ ပြောင်းလဲခြင်းကျမ်းကို အတူတူ လေ့လာပြီး တော်လှန်ကြရအောင်။ ငါက လည်း မြင့်မြတ်တဲ့ မျိုးနွယ်စုတစ်ခုက တပည့်တစ်ဦးပါပဲ။”

“ဒါဆို မင်းက ‘ရွှမ်ပြည်နယ်’ ရှူမျိုးနွယ်စုကပေါ့။” ဖန်းယွမ်က သူ၏ မျက်လုံးများကို မှေးကြည့်ရင်း ပြုံးလိုက်သည်။ “ဒါပေမဲ့ ‘ရွှမ်ပြည်နယ်’ ရှူမျိုးနွယ်စုမှာ ညီအစ်ကို ရှူလို ပညာရှင်မျိုး ရှိတယ်လို့ ငါ တစ်ခါမှ မကြားမိပါဘူး။”

မင်းတို့တွေကရော နာမည်ကြီး မိသားစုတွေရဲ့ လျှို့ဝှက်ချက်တွေကို ဘယ်လောက်တောင် သိထားလို့လဲ။ လူတိုင်းမှာ ကိုယ်ပိုင် လျှို့ဝှက်ချက် ရှိတတ်တာပဲလေ။ မျိုးနွယ်စုကြီးတစ်ခု ဆိုရင် ပြောမနေနဲ့တော့။” လျှို့ဝှက်ဆန်းပြားသော သခင်လေးရှူက အေးအေးဆေးဆေး ပြောလိုက်သည်။

“ဟားဟား၊ ညီအစ်ကိုရှူ ပြောတာ မှန်ပါတယ်။ ဒီနေ့ ညီအစ်ကိုရှူက ငါတို့နဲ့ ပူးပေါင်းဖို့ ရောက်လာတာလား။” လီဖေးယွိက ရယ်မောကာ မေးလိုက်သည်။

"အတိအကျပါပဲ။ ငါက မင်းတို့ ညီအစ်ကို သုံးယောက်ကို သီးသန့် လာရှာတာပါ။ အဲ့ဒီ ဟုန်ယွိက အရမ်းကို အနိုင်ကျင့်လွန်းတယ်၊ ငါ သူ့ကို လုံးဝ သဘောမကျဘူး။ အခု လောကကြီးက အပြောင်းအလဲကြီး ပြောင်းလဲတော့မယ်။ နန်းတွင်းနဲ့ ပညာရပ်လောကမှာ ပြုပြင်ပြောင်းလဲမှုတွေ ဖြစ်နေပြီ။ ဒီလို အလှည့်အပြောင်းမှာ နာမည်ကြီး မိသားစုတွေဟာ လျစ်လျူရှုနေလို့ မရဘူး။ အားလုံး စုစည်းမှသာ ဒီကပ်ဘေးကို ကျော်လွှားနိုင်ပြီး ပျက်စီးခြင်းကနေ လွတ်မြောက်မှာ။ နှမြောစရာကောင်းတာက တချို့လူတွေက ဒါကို ရှင်းရှင်းလင်းလင်း မမြင်နိုင်ကြတာပဲ။"

“ညီအစ်ကို ရှူ... မင်းက တကယ်ကို အမြော်အမြင်ရှိပြီး အရာရာကို ရှင်းရှင်းလင်းလင်း မြင်နိုင်တာပဲ။ တကယ်တော့ ငါတို့ 'ချန်ကွန်း အကယ်ဒမီ' ကို တည်ထောင်ရတာကလည်း လောကမှာရှိတဲ့ ရည်မှန်းချက်ကြီးတဲ့ ပညာရှင်တွေနဲ့ နာမည်ကြီး မိသားစုက ထူးချွန်တဲ့ တပည့်တွေကို စုစည်းဖို့ပါပဲ။ နှမြောစရာကောင်းတာက အဲ့ဒီ တပည့်တွေက သူတို့ကိုယ်သူ တို့ အထက်တန်းလွှာလို့ သတ်မှတ်ပြီး တစ်ယောက်တစ်ပေါက် ဖြစ်နေကြတာပဲ။" ထန်ဟိုင်လုံ၏ စိတ်ထဲတွင် ဘာရှိသည်ကို မသိနိုင်သော်လည်း သူ၏ စကားများမှာ အလွန် ပင် ရင်းနှီးနွေးထွေးလှပေသည်။

“ကြည့်ရတာ ညီအစ်ကိုထန်က ငါ့အပေါ် သံသယရှိနေသေးတယ် ထင်တယ်။ ကောင်းပြီ လေ၊ ငါ့ရဲ့ စိတ်ရင်းမှန်ကို သက်သေပြဖို့ လက်ဆောင်တစ်ခု ပေးပါ့မယ်။ ညီအစ်ကိုထန်နဲ့ မင်းတို့ဟာ မကြုံစဖူး ထူးကဲတဲ့ ရတနာတစ်ခုဖြစ်တဲ့ မိုးကြိုးရေကန်ကို သန့်စင်နေကြတာ မဟုတ်လား။ ရှေးစကားပုံတစ်ခု ရှိတယ်... ‘ဘယ်သူကရော မိုးကြိုးကန်ထဲကို ခြေတစ် လှမ်း တိုးရဲလဲ’ တဲ့။ အဲဒါက ဘာကိုပြလဲဆိုတော့ မိုးကြိုးကန်သာ ပြီးစီးသွားရင် မင်းတို့ဟာ ကောင်းကင်မိုးကြိုးတွေကို ထိန်းချုပ်နိုင်ပြီး ဘယ်သူမှ မယှဉ်နိုင်တဲ့ အနှိုင်းမဲ့ စွမ်းအင်ကို ပိုင်ဆိုင်နိုင်မယ်။ မိုးကြိုးတွေကို အသက်စွမ်းအင်အဖြစ် ပြောင်းလဲပြီး ခန္ဓာကိုယ်ကိုတောင် သန့်စင်လို့ရမယ်။ ပြီးတော့ မိုးကြိုးကပ်ဘေးကို မရင်ဆိုင်ခင်မှာလည်း စွမ်းအားကို ကြိုတင် စမ်းသပ်နိုင်သေးတယ်။ မိုးကြိုးကန်သာ ပြီးသွားရင်တော့ အောင်မြင်မှုက လက်တစ်ကမ်း မှာပဲ။ ဒါပေမဲ့..."” ဟု သခင်လေးရှူက ပြောလိုက်သည်။

“ညီအစ်ကို ရှူ... မင်းက မိုးကြိုးရေကန်အကြောင်း သိတယ်ပေါ့။ ဒါက သာမန်တော့ မဟုတ်ဘူးနော်။" ဖန်းယွမ်က ပြုံးလျက်နှင့် စကားလုံးများဖြင့် ထိုးနှက်လိုက်သည်။

“ဒါကြောင့်ပဲ ငါ ဒီနေ့ မင်းတို့ သုံးယောက်ကို မိုးကြိုးကန် ဖန်တီးနိုင်အောင် ကူညီဖို့ လာခဲ့ တာပေါ့။” သခင်လေးရှူက ရုတ်တရက် လက်ကို ဝှေ့ယမ်းလိုက်ရာ ဆောင်ပါးတစ်ခုနှင့်တူ သော မှော်စာလုံးတစ်ခု ပျံထွက်လာပြီး ထန်ဟိုင်လုံ၏ လက်ထဲသို့ ဖြည်းညင်းစွာ ကျဆင်း သွားသည်။

“ဒါက...” ထန်ဟိုင်လုံသည် ၎င်းကို မြင်လိုက်ရသည်နှင့် အလွန်အံ့သြသွားရသည်။ “ဒါက သံလိုက်အစီအရင်ပဲ။ ကောင်းကင်မိုးကြိုးဆိုတာ မြေကမ္ဘာရဲ့ သံလိုက်စွမ်းအင်နဲ့ ကောင်းကင်ရဲ့ သံလိုက်စွမ်းအင်တို့ ပေါက်ကွဲ ထွက်ပေါ်လာတာ။ အဲဒီပေါက်ကွဲမူကနေ ယင်နဲ့ယန် စွမ်းအားတွေ ထွက်ပေါ်လာတာ။ ဒီသံလိုက်အစီအရင်သာ ရှိရင် 'ဘိုးဘေး နတ်ဘုရား မိုးကြိုးကန်' က တကယ်ကို အောင်မြင်ပြီလို့ ပြောလို့ရတယ်။"

“သံလိုက်အစီအရင်လား။” ဖန်းယွမ်နှင့် လီဖေးယွိတို့လည်း ချက်ချင်း အနားသို့ ရောက်လာ ပြီး ကြည့်လိုက်ကြသည်။

“ဒါက ငါတို့ ရှူမျိုးနွယ်စု ဘိုးဘေးတွေရဲ့ လက်ရေးမူပါ။ သံလိုက်အစီအရင်တစ်ခုရဲ့ လျှို့ဝှက်ချက်တွေကို မှတ်တမ်းတင်ထားတာ။ ညီအစ်ကို ထန်၊ ညီအစ်ကို ဖန်းနဲ့ ညီအစ်ကို လီတို့အတွက် အသုံးဝင်လိမ့်မယ်လို့ ငါ ယူဆတယ်။” သခင်လေးရှူက ပြုံးလျက် ပြောလိုက်သည်။ ဒါတင်မကဘူး... “ငါ့မှာ မင်းတို့ သံလိုက်အစီအရင်ကို ဖန်တီးနိုင်အောင် ကူညီပေးမယ့် မှော်ရတနာတစ်ခုလည်း ရှိသေးတယ်။”

ပြောရင်းနှင့်ပင် ထိုလျှို့ဝှက်ဆန်းပြားသော ဧည့်သည်သည် သူ၏လက်ထဲမှ အနက်ရောင် ကျောက်စိမ်းအဆောင်ကို လှုပ်ခါလိုက်သည်။

“ညီအစ်ကိုရှူရဲ့ စိတ်ရင်းစေတနာက ငါတို့ ထင်ထားတာထက် ကျော်လွန်နေပါပြီ။ ညီအစ်ကိုရှူက ကိုယ်ကျိုးမဖက်ဘဲ စေတနာရှေ့ထားပြီး ဒီလောက်တောင် ကူညီနေမှ တော့ ငါတို့ဘက်ကလည်း ပေါ့ပေါ့တန်တန် မမှတ်ယူသင့်ပါဘူး။” ထန်ဟိုင်လုံသည် သံလိုက်အစီအရင်ကို ကြည့်လိုက်သည်။ သူ၏ စိတ်အာရုံအရ ဤအစီအရင်မှာ တကယ်ပဲ ရှားပါးပြီး အစွမ်းထက်သော နည်းစနစ်တစ်ခု ဖြစ်ကြောင်း သိနိုင်သည်။ သူသည် သာမန် လူမဟုတ်ဘဲ ရှေးဦးရတနာများစွာကို မြင်ဖူးသူ ဖြစ်သည်။ မဟာအစီအရင် များစွာကို လည်း ကောင်းစွာ နားလည်ထားသည်။ ဟုန်ယွိသာ မရှိပါက သူသည် ကောင်းကင်ဘုံ၏ မျက်နှာသာပေးမှုကို အခံရဆုံးသူ ဖြစ်နိုင်သူ ဖြစ်နိုင်ပြီး၊ ဤကမ္ဘာလောက၏ ထိပ်တန်း ပါရမီရှင်တစ်ဦး ဖြစ်နေပေလိမ့်မည်။

သခင်လေးရှူ၏ နောက်ကြောင်းကို သူ မသိသော်လည်း ထိုသူပေးသည့် အစီအရင်ကြောင့် သူ များစွာ အကျိုးရှိသွားခဲ့သည်။ ထို့ပြင် သခင်လေးရှူက လှည့်ကွက်တစ်ခုခု သုံးလာမှာကို လည်း သူ မကြောက်ပေ။ သူ၏ စိတ်ထဲတွင် တိတ်တဆိတ် တွက်ချက်လိုက်သည်။

“ညီအစ်ကို ရှူ... ကျွန်းပေါ်ကို လာခဲ့ပါ၊ ငါတို့ကို အစီအရင် တည်ဆောက်ဖို့ ကူညီပေးပါဦး။”

“ကောင်းပြီ၊ အရမ်းကောင်းတာပေါ့။” သခင်လေးရှူက ခေါင်းညိတ်လိုက်သည်။ “ဒါပေမဲ့ ငါတို့ အတူတူ ပူးပေါင်းမလုပ်ဆောင်ခင်မှာ ငါတို့ လေးယောက် သွေးသောက်ညီအစ်ကို ဖွဲ့ကြရအောင်။ ကောင်းကင်နဲ့ မြေကြီးကို ပူဇော်ပြီး ဘယ်သူပဲဖြစ်ဖြစ် သစ္စာဖောက်ဖျက် ရင် ငရဲမှာ ထာဝရကျရောက်ပါစေလို့ ကျိန်ဆိုကြမယ်။ ဒါမှသာ ငါတို့အားလုံး တစ်စိတ် တစ်ဝမ်းတည်း အတူတူ လုပ်ဆောင်နိုင်မှာ။"

“အဲ့ဒါ အကောင်းဆုံးပဲ” ဖန်းယွမ်နှင့် လီဖေးယွိတို့ သခင်လေးရှူ၏ စကားကို ကြားလိုက်ရ သည့်အခါ သူတို့၏ သံသယများမှာ ချက်ချင်းပင် ပျောက်ကွယ်သွားတော့သည်။

မြောက်ပိုင်းပင်လယ်ပြင်၏ အထက်တွင် ဘိုးဘေးနတ်ဘုရား မိုးကြိုးရေကန်မှာ အောင်မြင် စွာ ဖန်တီးနိုင်မည့် လက္ခဏာများ ပြသနေပြီ ဖြစ်သည်။

အကယ်၍ ဘိုးဘေးနတ်ဘုရား မိုးကြိုးရေကန်ကိုသာ အောင်မြင်စွာ သန့်စင်နိုင်ခဲ့ပါက ဤလောကတွင် နောက်ထပ် အထွတ်အထိပ် ရတနာတစ်ခု ထပ်တိုးလာဦးမည် ဖြစ်သည်။ ဤမဟာကမ္ဘာလောကတွင် မိုးကြိုးရေကန် ပါသည့် ‘ဘုရင်အဆင့်’ ရတနာ သုံးခုသာ ရှိသေးသည်၊ ၎င်းတို့မှာ ‘ထာဝရနိုင်ငံတော်’၊ ‘ဖန်ဆင်းခြင်းသင်္ဘော’နှင့် သူတော်စင်ပေါင်းစုံ ခန်းမတို့ ဖြစ်ကြသည်။

ယခုအခါ ဘိုးဘေးနတ်ဘုရား မိုးကြိုးရေကန် အောင်မြင်တော့မည် ဖြစ်ရာ ၎င်းက ‘နတ်ဘုရားဘိုးဘေးတောင်’ ကို ထိုအထွတ်အထိပ် ရတနာသုံးခုနှင့် ရင်ပေါင်တန်းနိုင်စေ မည်ဟု မဆိုလိုနိုင်သော်လည်း၊ အနည်းဆုံးတော့ ထိုရတနာသုံးခုက ‘နတ်ဘုရားဘိုးဘေး တောင်’ ကို လွယ်လွယ်နှင့် မဖျက်ဆီးနိုင်တော့ပေ။

နတ်ဘုရားဘိုးဘေးတောင်တွင် မိုးကြိုးကန် ရှိလာပြီးနောက် တာအိုဘိုးဘေး သုံးဦးမှာ လည်း ‘ဖန်ဆင်းရှင်’ များ ဖြစ်လာကြပေလိမ့်မည်။ ထိုအချိန်တွင် သူတို့သည် ‘တိုင်ရှန် တာအိုဂိုဏ်း’၊ ကျိုးယွိအကယ်ဒမီနှင့် ‘တော်ဝင်ချန်အင်ပါယာ’ တို့ကဲ့သို့ အင်အားကြီး အဖွဲ့အစည်းတစ်ခု ဖြစ်လာပေလိမ့်မည်။

မိုးကြိုးများ လက်လာပြီး သံလိုက်အလင်းတန်းများ တဖျပ်ဖျပ် လင်းလက်နေသည်။

တစ်ချိန်တည်းမှာပင် ကျိုးယွိအကယ်ဒမီ အတွင်း၌ ဟုန်ယွိသည် ‘အင်မော်တယ် ကျောက်စာတိုင်’ ကို အမှန်တကယ် စတင် ဖိနှိပ်နေပြီ ဖြစ်သည်။

“မဟာဧကရာဇ် ချန်ရှန်းရဲ့ ကျောက်စာတိုင်၊ မှော်စာလုံးပေါင်း သန်း ၄၈၀၊ ဒါက တကယ်ကို ထူးခြားတဲ့ အရာပဲ။”

ဟုန်ယွိသည် သူ၏ လူသားအင်မော်တယ် ကိုယ်ပွား၊ နတ်ဘုရားကျောက်တုံး ဝိညာဉ် သန္ဓေသားနှင့်အတူ တိုင်ကျိမိုးကြိုးရေကန် အနားသို့ ဆင်းသက်လိုက်သည်။ ထိုခဏမှာပင် သူ အသစ်စုစည်းထားသော ‘ရှင်ခြင်းသေခြင်းတံခါး’ နှင့် ‘ခြောက်ပါးညီညွတ်ခြင်း အပ်စိုက်မှတ်’ များအပြင်၊ ဒန်တန် မျိုးစေ့များ၊ အတွင်းနယ်ပယ် နတ်ဘုရား ၂၄ ပါးနှင့် အခြားသော အပ်စိုက်မှတ်များမှတစ်ဆင့် သူ၏ စွမ်းအင်၊ သွေး၊ သိုင်းဆန္ဒနှင့် စစ်မှန်သော စွမ်းအင်များကို နှိုးဆွလိုက်သည်။ သူသည် မိုးကြိုးရေကန်အတွင်း ဖိနှိပ်ထားသော ကျောက်စာတိုင်ဆီသို့ လက်သီးတစ်ချက် ထိုးနှက်လိုက်လေသည်။

“ရွှေရောင် ပါရမီတံတား၊ ကံကြမ္မာကပ်ဘေး နတ်ဘုရားလက်သီဂ၊ ပျက်သုဉ်းခြင်း လက်သီးသုံးချက်၊ ဝိညာဉ်မုန်တိုင်း”

ဤလက်သီးချက် တစ်ခုအတွင်း ဟုန်ယွိသည် သူ၏ သိုင်းပညာများနှင့် တာအိုပညာရပ် အားလုံးကို တစ်ခုတည်းအဖြစ် ပေါင်းစပ်လိုက်သည်။ ရွှေရောင် ပါရမီတံတား၏ စွမ်းအား မှာ ‘ကောင်းကင်ဘုံဖခင်’ ခေါင်းဆောင်ကြီဂနှင့် တိုက်ခိုက်စဉ်ကထက်ပင် ပိုမို ပြည့်စုံလာ ခဲ့သည်။

ရွှေရောင်တံတားမှာ အမှန်တကယ်ပင် ရုပ်လုံးပေါ်လာခဲ့သည်။ ထိုရွှေရောင်တံတား၏ အောက်တွင် မြေ၊ ရေ၊ မီး၊ လေ စွမ်းအင်လေးပါးတို့မှာ လှိုင်းထနေကြသည်။

ထိုတံတားကြီးသည် ကျောက်စာတိုင်ကို ပြင်းထန်စွာ ရိုက်ခတ်လိုက်ရာ၊ ဥခွံတစ်ခု ကွဲအက် သွားသကဲ့သို့ ကျောက်စာတိုင်၏ အပြင်ဘက်မှ မှော်အဆောင်စာလုံးများနှင့် အစီအရင် အလွှာများမှာ တစ်စစီ ပျက်စီးသွားတော့သည်။

တစ်ခဏချင်းမှာပင် အစီအရင်ပေါင်း သောင်းနှင့်ချီ၍ ဟုန်ယွိ၏ လက်သီးချက်အောက်တွင် ပြိုကွဲသွားခဲ့ရသည်။

သို့သော် မျက်စိတစ်မှိတ်အတွင်းမှာပင် ဟုန်ယွိ ဖျက်ဆီးပစ်လိုက်သော သောင်းနှင့်ချီသော အစီအရင်များမှာ အားကောင်းသော အသက်စွမ်းအင်ကို ပြန်လည် ရရှိလာကြသည်။ ကျောက်စာတိုင်၏ အနက်ရှိုင်းဆုံး အမြုတေအတွင်းမှ ပြန်လည် ကုစားနိုင်သော စွမ်းအင် များနှင့် စိတ်ဆန္ဒများ ထွက်ပေါ်လာ၏။ အစီအရင်များကို ဖွဲ့စည်းထားသော သေးငယ်လှ သည့် မှော်စာလုံးများမှာ ကိုယ်ပိုင်အသက်ဝိညာဉ် ရှိနေသကဲ့သို့ သူတို့ဘာသာ ပြန်လည် စုစည်းသွားကြပြန်သည်။

စကြဝဠာကြီးကဲ့သို့ပင် ဖျက်ဆီး၍ မရနိုင်၊ ပြောင်းလဲ၍ မရနိုင်သော ပြိုင်ဘက်ကင်း ပြင်းထန်သည့် စိတ်ဆန္ဒတစ်ခုမှာ ထိုမှော်စာလုံးများအတွင်းမှ ထွက်ပေါ်နေသည်။ စကြဝဠာကြီးတစ်ခုလုံး ပျက်စီးမသွားသရွေ့ ဤကျောက်စာတိုင်ကို ဖျက်ဆီး၍ မရနိုင်သ ကဲ့သို့ပင်။

“စကားလုံးနဲ့ ပြောပြလို့ရတဲ့ တာအိုက ထာဝရ တာအို မဟုတ်ဘူး..." ဆန်းကြယ်သော အသံတစ်ခုနှင့် ရှင်းပြ၍မရသော အလိုဆန္ဒတစ်ခုက ကျောက်စာတိုင်အတွင်းမှ ထွက်ပေါ် လာပြီး အသံလှိုင်းကြီးတစ်ခုအဖြစ် စုစည်းသွားသည်။ ထိုအသံလှိုင်းမှာ စကြဝဠာကြီး၏ ‘မဟာတာအို’ ၏ အလိုဆန္ဒကို တိုက်ရိုက် ကိုယ်စားပြုနေပြီး နက်နဲလှသော ဆောင်းပါး တစ်ပုဒ်အဖြစ် ရုပ်လုံးပေါ်လာသည်။ ၎င်းသည် ဟုန်ယွိ၏ 'ကမ္ဘာဦးဖန်ဆင်းခြင်း မှတ်တမ်း' ထက်ပင် ပိုမို နက်နဲပြီး အစွမ်းထက်လှရာ၊ ဟုန်ယွိ၏ ရွှေရောင်ပါရမီတံတား' ကြီးကိုပင် တစ်ခဏချင်းမှာ တစ်စစီ ရိုက်ခွဲပစ်လိုက်လေသည်။

"ဒါ ဘယ်လို ဆောင်းပါးမျိုးလဲ။ တကယ်ကို အစွမ်းထက်လွန်းတယ်။ ကမ္ဘာဦးဖန်ဆင်းခြင်း မှတ်တမ်းထက်တောင် ပိုပြီး အရှိန်အဝါကြီးနေပါလား" ဟုန်ယွိသည် သူ၏ ရွှေရောင် ပါရမီ တံတားကြီး ဤမျှ လွယ်လွယ်ကူကူနှင့် အပိုင်းပိုင်းအပြတ်ပြတ် အဖျက်ဆီးခံလိုက်ရလိမ့် မည်ဟု အိမ်မက်ထဲ၌ပင် ထည့်မမက်ခဲ့ဖူးပေ။

အင်မော်တယ် ကျောက်စာတိုင်အတွင်းရှိ စာသားများမှာ နတ်ဘုရားအားလုံးကို ကျော်လွန် ၍ ဖျက်ဆီး၍မရသော၊ ခံနိုင်ရည် မြင့်မားလှသည့် အရာများ ဖြစ်ကြသည်။ ဤသည်မှာ ရှေးဟောင်းခေတ်က ဧကရာဇ်ချန်ရှန်း ကိုယ်တိုင် ရေးသားခဲ့သော တာအို၏ စစ်မှန်သော သဘောတရားများ ဖြစ်ပေလိမ့်မည်။

“ကံကောင်းတာက ဒီစာသားတွေဟာ မပြည့်စုံသေးဘူး။ အသေအချာ ပြောနိုင်တာက တော့ ဒီစာသားတွေဟာ ဧကရာဇ်ချန်ရှန်းရဲ့ တစ်သက်တာ အနှစ်သာရတွေကို ငါးပိုင်းခွဲပြီး ကျောက်စာတိုင် ငါးခုမှာ ချိပ်ပိတ်ထားတာပဲ။ ငါသာ ဒီမှော်စာသားတွေ အပြည့်အစုံကို ရရင် ငါ့ရဲ့ 'ပြောင်းလဲခြင်းကျမ်း' ဟာ အပြစ်ပြောစရာ မရှိအောင် ပြည့်စုံသွားမှာ အမှန်ပဲ။ ဒါပေမဲ့... အခု ဒီကျောက်စာတိုင်ကို ဘယ်လို ချေဖျက်ရမလဲ။ 'ထိုက်ကျိ မိုးကြိုးရေကန်' ကို ဖျက်ဆီးပြီး အဲ့ဒီက ရလာတဲ့ အဖျက်စွမ်းအားကြီးကို အသုံးချမှပဲ ဒီကျောက်စာတိုင်ကို မူလ မှော်အဆောင်စာလုံးတွေအဖြစ် ချေဖျက်နိုင်မှာ၊ အဲဒီအခါကျမှ ဒီမှော်စာလုံးတွေကို ငါ သုံးလို့ ရမယ်။”

ဟုန်ယွိသည် မည်မျှအထိ အစွမ်းထက်နေပြီလဲ။

တစ်ချက်ကြည့်ရုံဖြင့်ပင် ဤကျောက်စာတိုင်ကို သန့်စင်ရန်အတွက် 'ထိုက်ကျိ မိုးကြိုး ရေကန်' ကို ဖျက်ဆီးပြီး ကမ္ဘာတုန်စေမည့် 'နတ်ဘုရားစွမ်းရည်' ကို ထုတ်သုံးရန် လိုအပ် ကြောင်း သိလိုက်သည်။ သို့မဟုတ်ပါက သူ လက်လျှော့ရုံသာ ရှိသည်။

သို့သော် တိုင်ကျိမိုးကြိုးရေကန်ကို ဖျက်ဆီးလိုက်လျှင် နောက်တစ်ကြိမ် ပြန်လည် သန့်စင် ရန်မှာ အလွန်ခက်ခဲပေလိမ့်မည်။ ဤလောကတွင် လိုအပ်သော ပစ္စည်းများမှာ အလွန်ပင် ရှားပါးလှသည်။ အကယ်၍ သူသာ မိုးကြိုးရေကန်ကို ဆုံးရှုံးလိုက်ရပါက သူသည် အကာအကွယ်မဲ့သည့် အခြေအနေသို့ ရောက်သွားပြီး သေမင်းကို ထိုင်စောင့်နေခြင်းနှင့် အတူတူပင် ဖြစ်ပေလိမ့်မည်။

“တွက်ချက်ကြည့်ရဦးမယ်။”

ဟုန်ယွိသည် စဉ်းစားပြီးနောက် ‘ပြောင်းလဲခြင်းကျမ်း’ ဖြင့် တွက်ချက်ကြည့်ရန် ဆုံးဖြတ် လိုက်သည်။ ဟေက်စ်ဇာဂရမ်အမှတ် နှစ်ခုမှာ ပေါ်ထွက်လာပြီး ရုတ်တရက် ‘ရှီ’ (Shi) ဟူသော ဟေက်စ်ဇာဂရမ်နိမိတ်သင်္ကေတ ပေါ်လာသည်။ ၎င်းမှာ အပေါ်တွင် မြေကြီးရှိပြီး အောက်၌ ရေရှိသော နိမိတ်ဖြစ်သည်။

"မြေကြီးထဲက ရေ... ဒါဟာ 'ရှီ' နိမိတ်ပဲ။ ... မြေကြီးက မြင့်မြတ်တဲ့ ကိုယ်ကျင့်သီလကို ကိုယ်စားပြုတယ်။ ရေဆိုတာကတော့ မြောက်အရပ်ကို ကိုယ်စားပြုတယ်။ ဆိုလိုတာက ငါ အင်မော်တယ် ကျောက်စာတိုင်ကို သန့်စင်ချင်ရင် ရေရှိတဲ့ မြောက်ဘက်အရပ်ကို သွားရ မယ်။ အဲဒီမှာ ငါ့ကို စောင့်နေတဲ့ မြင့်မြတ်တဲ့ပုဂ္ဂိုလ်တွေ ရှိနေတယ်၊ သူတို့က ကိုယ့်အကျိုး မဖက်ဘဲ သူတစ်ပါးကို ကူညီမယ့်သူတွေလား။”

ဟုန်ယွိသည် ထွက်ပေါ်လာသော နိမိတ်သင်္ကေတနှစ်ခုကို အကျဉ်းချုံး အဓိပ္ပာယ်ဖော် လိုက်ပြီးနောက် အခြေအနေကို ရှင်းလင်းစွာ သဘောပေါက်သွားလေသည်။

ထိုအချိန်မှာပင် မြောက်ပိုင်းပင်လယ်ပြင်၌ 'ဘိုးဘေးနတ်ဘုရား မိုးကြိုးရေကန်' မှာ အောင်မြင်စွာ သန့်စင်နိုင်တော့မည့် အခြေအနေသို့ ဆိုက်ရောက်နေပြီ ဖြစ်သည်။

အခန်း (၆၃၄)။

မူလကကတည်းက ဟုန်ယွိသည် ‘အင်မော်တယ် ကျောက်စာတိုင်’ ကို သန့်စင်ရန်မှာ အလွန်ခက်ခဲသော ကိစ္စဖြစ်ကြောင်း သိထားပြီးဖြစ်သည်။ ၎င်းမှာ အချိန်တိုအတွင်း လုပ်ဆောင်နိုင်မည့်အရာ မဟုတ်ပေ။ ထို့ကြောင့် သူသည် စမ်းသပ်ကြည့်ရုံသာ ရည်ရွယ်ခဲ့ ခြင်း ဖြစ်သည်။

ဤလောကတွင် အင်မော်တယ် ကျောက်စာတိုင်ကို သန့်စင်နိုင်လောက်သည့် ကြီးမား သော စွမ်းအားမျိုးကို အလွယ်တကူ ဘယ်မှာ သွားရှာနိုင်ပါမည်နည်း။

သို့သော် သူ မထင်ထားသည်မှာ ‘နိမိတ်သင်္ကေတ’ ဖြင့် တွက်ချက်မှုတစ်ခု ပြုလုပ်လိုက် သည့်အခါ စကြာဝဠာပြောင်းလဲခြင်း နိယာမကိန်းဂဏန်းအရ “မြေကြီး အောက်တွင် ရေရှိနေသည်ဟူသော (ရှီ) ဟေက်စ်ဇာဂရမ် နိမိတ်ကွက် ပေါ်ထွက်လာခဲ့ သည်။

ဟုန်ယွိသည် ပြောင်းလဲခြင်းကျမ်း၏ ဟေက်စ်ဇာဂရမ် နိမိတ်ပုံစံများကို နက်နက်ရှိုင်းရှိုင်း လေ့လာထားသူဖြစ်ရာ ထိုနိမိတ်ပုံစံ၏ စစ်မှန်သော အဓိပ္ပာယ်ကို ချက်ချင်းပင် နားလည် သဘောပေါက်သွားတော့သည်။

“ရေရှိတဲ့ မြောက်အရပ်ကို သွားပါ။ အဲဒီမှာ မင်းကို ကူညီမယ့် မြင့်မြတ်တဲ့ပုဂ္ဂိုလ်တွေ စောင့်နေလိမ့်မယ်။”

“တွက်ချက်မှုမှာ တကယ်ပဲ ထူးခြားတဲ့ အပြောင်းအလဲ ရှိနေတာလား။ ဒါက ငါ့ရဲ့ ကံကောင်းမှုကြောင့်လား ဒါမှမဟုတ် နိမိတ်သင်္ကေတက လွဲမှားနေတာလား။ ကျိုးကြောင်း ဆင်ခြင်ကြည့်ရင် စကြာဝဠာပြောင်းလဲခြင်း နိယာမကိန်းဂဏန်း တွက်ချက်မှုက ဘယ်တော့မှ မမှားနိုင်ဘူး။ ပြောင်းလဲခြင်းကျမ်းရဲ့ အနှစ်သာရဟာ ကောင်းကင်နဲ့ မြေကြီး ရဲ့ အဆုံးစွန်သော အမှန်တရားကို ကိုယ်စားပြုတာပဲ။ ကျောက်စာတိုင်ထဲက ဆန်းကြယ်တဲ့ မှော်စာလုံးတွေတောင် ဒီအမှန်တရားကို မကျော်လွန်နိုင်ဘူး။ ဒီတော့ ဒီတွက်ချက်မှုက အမှားအယွင်း ရှိမှာမဟုတ်ဘူး။ ထားပါတော့... ငါ မြောက်ဘက်ကို သွားကြည့်ရမှာပေါ့။ မြောက်ဘက်မှာ ရေရှိတဲ့နေရာဆိုတာ ‘မြောက်ပိုင်းပင်လယ်’ ကို ပြောတာဖြစ်ရမယ်။”

ဟုန်ယွိသည် တွက်ချက်မှုကို ရုပ်သိမ်းလိုက်ပြီး ကျောက်စာတိုင်ကို ဆက်လက် ဖိနှိပ်ထား လိုက်သည်။ သူတော်စင်ပေါင်းစုံခန်းမမှာ ပြင်းထန်စွာ တုန်ခါသွားပြီးနောက် ဆန်စေ့ တစ်စေ့ခန့် အရွယ်အစားအထိ သေးငယ်သွားကာ သူ၏ နဖူးနှစ်ခုကြားသို့ ဝင်ရောက်သွား လေသည်။

တစ်ချိန်တည်းမှာပင် ဟုန်ယွိ၏ ခန္ဓာကိုယ်မှာ တုန်ခါသွားပြီး ကျိုးယွိအကယ်ဒမီမှ ပျောက်ကွယ်သွားတော့သည်။

နောက်ထပ် တခဏအကြာတွင် သူသည် မြောက်ပိုင်းပင်လယ်၏ ကောင်းကင်ထက်၌ ပေါ်လာခဲ့သည်။

မြောက်ပိုင်းပင်လယ်၏ ရာသီဥတုမှာ အလွန်ပင် အေးစက်လှသည်။ ထို့ပြင် ကိုးလပိုင်း ၉ ရက်နေ့ ကျော်လွန်ခဲ့ပြီ ဖြစ်သဖြင့် ဆောင်းဦးနှောင်းပိုင်း ကုန်ဆုံးကာ ဆောင်းဦးပေါက်သို့ ရောက်ရှိနေပြီ ဖြစ်သည်။ ‘တော်ဝင်ချန်’ အင်ပါယာ၏ ၆၅ နှစ်မြောက် နှစ်ကုန်ပိုင်းသို့ ရောက်ရှိနေပြီ ဖြစ်ရာ မြောက်ပိုင်းပင်လယ်တစ်ခုလုံး ရေခဲစိုင်များဖြင့် ဖုံးလွှမ်းနေလေပြီ။ အလွန်အေးစက်သော လေထုနှင့် သတ်ဖြတ်လိုသော အငွေ့အသက်များမှာ ဟင်းလင်းပြင် တစ်ခုလုံး ဟိန်းထွက်နေသည်။

ပင်လယ်ပြင်ပေါ်ရှိ ရေခဲစိုင်များမှာ မြင်းလှည်းများ သွားလာနိုင်လောက်အောင်ပင် ထူထပ် ခိုင်မာနေပြီ ဖြစ်သည်။

ကျယ်ပြောလှသော မြောက်ပိုင်းပင်လယ်မှာ အဆုံးမရှိသကဲ့သို့ပင်။ ၎င်း၏ အဆုံးသတ်မှာ မည်သည့်နေရာတွင် ရှိသည်ကို မည်သူမျှ မသိကြပေ။ ဟုန်ယွိ၏ နတ်ဘုရားစွမ်းရည်နှင့်ပင် ဤပင်လယ်ကြီး မည်သည့်နေရာတွင် ဆုံးမည်ကို မသိနိုင်ပေ။

‘ရှေးဟောင်းနဂါးသင်္ချိုင်း’ ကဲ့သို့ ကြယ်ကမ္ဘာ အရွယ်စားရှိသည့် ပင်လယ်ပြင်များကို ရှာဖွေ နိုင်သော်လည်း ‘မဟာကမ္ဘာလောကကြီး’ တွင်မူ ပင်လယ်ပြင်နှင့် ရေထုမှာ အမှန်တကယ် ပင် အဆုံးမရှိပေ။ သူ မည်သို့ပင် ကြိုးစားရှာဖွေပါစေ အဆုံးသတ်ကို ရှာမတွေ့နိုင်ခဲ့ပေ။

“မြေကြီးအောက်မှာ ရေရှိတယ်... ‘ရှီ’ နိမိတ်သင်္ကေတ၊ လူကြီးလူကောင်းတစ်ယောက်ဟာ သူ့ရဲ့လူသားတွေကို လက်ခံထားတယ်။ မြေကြီးလို မြင့်မြတ်တဲ့ ကိုယ်ကျင့်သီလနဲ့ ရေလို ပြုစုပျိုးထောင်ပေးနိုင်သူက လူကြီးလူကောင်းတစ်ယောက်ပဲ။ ငါ့ကို ကူညီနိုင်မယ့် တစ်ဦးတည်းသောသူက ‘ဆရာသမား’ တစ်ယောက်ပဲ။ ဒါပေမဲ့ ဘာလို့ ဒီမှာ မြင့်မြတ်တဲ့ ပုဂ္ဂိုလ် တစ်ယောက်မှ မရှိရတာလဲ။ ကြည့်ရတာ ငါ့ရဲ့ ပြောင်းလဲခြင်းတာအိုက သိပ်ပြီး မနက်နဲသေးဘူး ထင်တယ်။ မဟုတ်ရင်တော့ ငါ အရာအားလုံးရဲ့ အကြောင်းတရားနဲ့ အကျိုးတရားကို တွက်ချက်နိုင်ပြီး အပြောင်းအလဲ အားလုံးကို ထိုးဖောက်မြင်နိုင်မှာပါ။ ဒါပေမဲ့ ကိစ္စမရှိပါဘူး။ အခု မြောက်ပိုင်းပင်လယ်ဆိုတာ သိရရင်ပဲ ငါ သဲလွန်စအချို့ကို ရှာတွေ့နိုင်မှာပါ။ လိုက်ရှာကြည့်တာပေါ့။”

“ပြောင်းလဲခြင်းတာအိုရဲ့ စစ်မှန်တဲ့ အမှန်တရား၊ အချိန်နဲ့ ဟင်းလင်းပြင်ကို ထိုးဖောက်စမ်း၊ ကောင်းကင်နဲ့ မြေကြီးကို ရှာဖွေစမ်း။ တည်ရှိတာပဲဖြစ်ဖြစ်၊ မတည်ရှိတာပဲဖြစ်ဖြစ် အရာအားလုံး ငါ့စိတ်ထဲမှာ ထင်ဟပ်စမ်း။”

ဟုန်ယွိသည် ဟင်းလင်းပြင်ထဲတွင် ပုန်းကွယ်ရင်း ‘ရှီ’ နိမိတ်သင်္ကေတ၏ အဓိပ္ပာယ်ကို ဖော်ထုတ်ရန် ကြိုးစားနေသည်။ တစ်ချိန်တည်းမှာပင် သူသည် အလွန်များပြားလှသော သူ၏ စိတ်ဝိညာဉ် အတွေးစများကို ဟင်းလင်းပြင်နှင့် အချိန်များဆီသို့ ဖြန့်ကြက်လိုက်လေ သည်။

ရှူး... ရှူး... ရှူး... ရှူး...

သာမန်မျက်စိဖြင့် မမြင်နိုင်သော လေပြင်းတစ်ချက် မြောက်ပိုင်းပင်လယ်ပြင် အထက်တွင် တိုက်ခတ်သွားလေသည်။

ထိုလေပြင်းသည် မြောက်ပိုင်းပင်လယ်ကို ဖြတ်ကျော်သွား၏။

ထိုလေပြင်းသည် ယင်စွမ်းအင်' လည်း မဟုတ်၊ 'ယန်စွမ်းအင်' လည်း မဟုတ်ဘဲ မမြင်နိုင် သည့် အစစ်မှန် စွမ်းအင်စစ်စစ်တွေသာ ဖြစ်သည်။ ထိုလေပြင်း ဝေ့ဝိုက်သွားလေတိုင်း မိုင်ပေါင်းတစ်ထောင်အတွင်းရှိ ရှုခင်းတွေ၊ ပင်လယ်ကြမ်းပြင် အခြေအနေတွေ၊ ထပ်ဆင့် နေသော ဟင်းလင်းပြင်များအတွင်းရှိ အရာအားလုံးမှာ ဟုန်ယွိ၏ စိတ်ထဲတွင် ပုံရိပ် ထင်ဟပ်လာတော့သည်။

ဤသည်မှာ ဟုန်ယွိ၏ ‘မဟာရှာဖွေခြင်း နည်းလမ်း’ ပင် ဖြစ်သည်။

ယခုအခါ သူ၏ စိတ်အာရုံမှာ အချိန်နှင့် ဟင်းလင်းပြင်ကို နားလည်သဘောပေါက်ထားပြီ ဖြစ်သည်။ သူ၏ရှာဖွေနိုင်စွမ်းမှာ ‘ဖန်ဆင်းခြင်းသင်္ဘော’ ‘ရှေးဟောင်းနဂါးသင်္ချိုင်း’ မှာ ရှာဖွေခဲ့စဉ်ကထက်ပင် ပိုမိုကျယ်ပြန့်သည်။ ကောင်းကင်နှင့် မြေကြီးပေါ်တွင် ‘ယန်နတ်ဘု ရား’ အဆင့် ပညာရှင်များနှင့် ‘ဟင်းလင်းပြင်ဖျက်ဆီးခြင်း’ အဆင့် ပညာရှင်များမှလွဲ၍ မည်သူမျှ သူ၏ရှာဖွေမှုကနေ လွတ်မြောက်နိုင်မည် မဟုတ်ပေ။

ဟင်းလင်းပြင်ထဲတွင် ပုန်းကွယ်ရင်း သူ၏ နတ်ဘုရားစိတ်အာရုံဖြင့် တစ်ကွက်ချင်းစီ ရှာဖွေ နေသည်။ မိုင် ၅၀၀ ခန့်မှာ မျက်စိတစ်မှိတ်အတွင်း ကုန်ဆုံးသွားသည်။ တဖြည်းဖြည်းနှင့် ဟုန်ယွိသည် မြောက်ပိုင်းပင်လယ်၏ အလယ်ဗဟိုသို့ ရောက်ရှိလာခဲ့သည်။

ရုတ်တရက် အားနည်းသော မိုးကြိုးအလင်းနှင့် ကောင်းကင်နှင့် မြေကြီး၏ သံလိုက် စက်ကွင်း တုန်ခါမှုတစ်ခုမှာ ဟုန်ယွိ၏ စိတ်ထဲတွင် ပေါ်လာခဲ့သည်။

“ဟင်…၊ တစ်ယောက်ယောက်က မိုးကြိုးရေကန်ကို ဖန်တီးနေတာလား။ ပြီးတော့ သံလိုက်စွမ်းအင်တွေကိုတောင် အသုံးပြုနေတာပါလား။ ဒါ ဘယ်လိုဖြစ်နိုင်မှာလဲ။ သံလိုက် စွမ်းအင်တွေကို စုစည်းတဲ့ နည်းလမ်းဟာ ကမ္ဘာဦးခေတ်ကတည်းက ပျောက်ကွယ်သွားခဲ့ ပြီလေ။ အခုဆိုရင် အဲဒီနည်းလမ်းဟာ ကောင်းကင်အပြင်ပနယ်မြေ ဖန်ကြယ်ကမ္ဘာမှာပဲ ရှိတော့တာ။ ပြီးတော့ ဒီမဟာကမ္ဘာလောကကြီးမှာ မိုးကြိုးရေကန်တွေဆိုလို့ ‘ထာဝရ မိုးကြိုးရေကန်’၊ ‘ထိုက်ကျိမိုးကြိုးရေကန်’ နဲ့ ‘ဖန်ဆင်းခြင်းသင်္ဘော’ ပေါ်က မိုးကြိုးရေကန် သုံးခုပဲ ရှိတာ။ စတုတ္ထမြောက်တစ်ခု မရှိနိုင်ဘူး။ ငါတောင်မှ ‘ထိုက်ကျိမိုးကြိုးရေကန်’ ကို ဖန်တီးဖို့အတွက် ရှေးဟောင်းရတနာတွေ အများကြီး သုံးခဲ့ရတာ။”

ဟုန်ယွိ၏ စိတ်ထဲမှာ အနည်းငယ် တုန်လှုပ်သွားသည်။

သူ၏ ထက်မြက်သော စိတ်အာရုံအရ မြောက်ပိုင်းပင်လယ်၏ လျှို့ဝှက်သော နေရာတစ်ခု တွင် တစ်စုံတစ်ယောက်က မိုးကြိုးကန်ကို ဖန်တီးနေကြောင်း သူ ခံစားလိုက်ရသည်။

မိုးကြိုးရေကန်ဆိုသည်မှာ စုစည်းရန် လွယ်ကူသော အရာမဟုတ်ပေ။ ဟုန်ယွိသည် ‘ဖန်ဟွမ်အသက်ဝိညာဉ်ဓား’ ကို ဖျက်ဆီးပြီးနောက် “ကောင်းကင်ဘုံ တက်လှမ်းခြင်း ရွှေစေတီတော်။ ကောင်းကင်ယှဉ်တွဲ လှေကားတို့ကို ရရှိခဲ့မှသာ မပြည့်စုံသည့် မိုးကြိုး ရေကန်တစ်ခုကို ဖန်တီးနိုင်ခဲ့ခြင်း ဖြစ်သည်။

ထို့နောက် ‘မူလနဝမချောက်နက် နတ်ဘုရားနယ်မြေ’ တွင် ‘အရိုးမိစ္ဆာကျွန်း’၊ ‘‘ကောင်းကင်မိစ္ဆာ ဝိညာဉ်အရိုးဓား’နှင့် မိစ္ဆာလမ်းစဉ် ဂိုဏ်းချုပ်ရတနာဖြစ်သော ‘မိစ္ဆာ ဘုရင်ဓား’၊ သွေးရိပ် နတ်ဘုရားဓား၊ သွေးမြစ်စစ်ရထားနှင့် အခြားသော ရတနာများစွာကို ရရှိခဲ့ပြီးမှသာ နောက်ဆုံးတွင် မိုးကြိုးရေကန်ကို အောင်မြင်စွာ ဖန်နိုင်ခဲ့ခြင်း ဖြစ်သည်။

ထိုစဉ်က အသုံးပြုခဲ့ရသော ရတနာအရေအတွက်နှင့် ကုန်ဆုံးခဲ့သော 'မူလစွမ်းအင်' တို့မှာ တုန်လှုပ်ချောက်ချားဖွယ်ရာ ကောင်းလောက်အောင် များပြားလှပေသည်။

ဟုန်ယွိအနေဖြင့် မဟာကမ္ဘာလောကကြီးအတွင်းရှိ အခြားမည်သူတစ်ဦးတစ်ယောက်မျှ နောက်ထပ် မိုးကြိုးရေကန်တစ်ခုကို ထပ်မံ ဖန်တီးနိုင်လိမ့်မည်ဟု မတွေးမိခဲ့ပေ။ ဟုန်ယွိ ကိုယ်တိုင်ပင် နောက်တစ်ကြိမ် ထပ်မံဖန်တီးရမည်ဆိုပါက အခါတစ်ထောင်မက ငြင်းဆန် မိပေလိမ့်မည်။ မဟုတ်ပါက သူသည် ‘ထိုက်ကျိမိုးကြိုးရေကန်’ ကို ဖောက်ခွဲဖျက်ဆီးပြီး ‘အင်မော်တယ် ကျောက်စာတိုင်’ ကို ဖျက်ဆီးသန့်စင်ခဲ့သည်မှာ ကြာလှပြီ ဖြစ်သည်။

“ကြည့်ရတာ ဒီမိုးကြိုးရေကန်ဟာ ‘အင်မော်တယ် ကျောက်စာတိုင်’ ကို သန့်စင်ဖို့အတွက် သော့ချက်ပဲ ဖြစ်လိမ့်မယ်။”

ဟုန်ယွိ၏ ခန္ဓာကိုယ်မှာ တုန်ခါသွားပြီး သူသည် သံလိုက်စွမ်းအင်များနှင့် မိုးကြိုးစွမ်းအင် များ ထွက်ပေါ်ရာဆီသို့ ပျံသန်းသွားတော့သည်။

အကယ်၍ သူ၏ တာအိုကျင့်စဉ်သာ မနက်ရှိုင်းပါက ထိုစွမ်းအင်လှိုင်းများကို ဘယ်လိုမှ အာရုံခံနိုင်မည် မဟုတ်ပေ။

အကြောင်းရင်းမှာ မြောက်ပိုင်းပင်လယ်၏ အလယ်ဗဟိုရှိ ထိုနေရာလေးတွင် ပုံပျက် နေသော သံလိုက်စက်ကွင်းများ ရှိနေသောကြောင့် ဖြစ်သည်။ ၎င်းကို သာမန်မျက်စိဖြင့် မမြင်နိုင်သလို၊ စိတ်ဝိညာဉ် အတွေးစများဖြင့်လည်း ရှာမတွေ့နိုင်ပေ။ ဟုန်ယွိသည် ‘နတ်ဘုရားချပ်ဝတ်’ လေးစုံကို စုစည်းပြီးနောက် သဘာဝ သံလိုက်စက်ကွင်းများအပေါ် ထူးခြားသော နားလည်မှု ရှိထားသောကြောင့်သာ ရှာတွေ့နိုင်ခြင်း ဖြစ်သည်။

“ညီအစ်ကိုရှူရဲ့ တာအိုပညာရပ်တွေက တကယ်ကို နက်နဲတာပဲ။ ဒီလို သံလိုက်စက်ကွင်း စွမ်းအင်တွေကို သုံးပြီး၊ ပုံဖျက်တဲ့နည်းလမ်းဟာ ဟင်းလင်းပြင်ကို ဆုတ်ဖြဲတဲ့ နည်းလမ်း တွေထက် ပိုပြီးတော့ နက်နဲတယ်။ ဒီလိုဆိုရင် ငါတို့ဟာ ဒီသံလိုက်စက်ကွင်း ဟင်းလင်းပြင် ထဲမှာ ပုန်းအောင်းပြီး ရတနာကို ဘယ်လိုပဲ သန့်စင်နေပါစေ ဘယ်သူမှ ရှာတွေ့မှာ မဟုတ်တော့ဘူး။ ငါတို့အနေနဲ့ ဘယ်သူ့ကိုမှ ကြောက်စရာမလိုပေမဲ့ ဒီကမ္ဘာလောကကြီး မှာ ‘ဆန်းကြယ်ကောင်းကင်ဘုံခန်းမ’ ရဲ့ ‘အမှောင်ဧကရာဇ် တာအိုသခင်’၊ ‘ဧကရာဇ် ယန်ဖန်’၊ ဟုန်ရွှန်ကျိ၊ ‘ခုန်း’၊ ‘ရှောက်ရွှိုက်’ နဲ့ အဲဒီရွံစရာကောင်းတဲ့ ဟုန်ယွိတို့လို အစွမ်းထက်သူတွေ ရှိနေသေးတယ်။ ငါတို့ သတိထားရမယ်။”

မြောက်ပင်လယ်ရှိ ပုံပျက်နေသော သံလိုက်စက်ကွင်းအတွင်း၌…..

ထန်ဟိုင်လုံ၊ ဖန်းယွမ်၊ လီဖေးယွိနှင့် လျှို့ဝှက်ဆန်းပြားသော သခင်လေးရှူတို့သည် ဘိုးဘေးနတ်ဘုရား မိုးကြိုးရေကန်ကို ဝိုင်းရံလျှက် ထိုင်နေကြသည်။ တစ်ယောက်ချင်းစီ မှာ ထောင့်တစ်ခုစီတွင် နေရာယူထားကြ၏။ မူလက မိုင်ပေါင်းများစွာ ကျယ်ဝန်းသော ဘိုးဘေးနတ်ဘုရား မိုးကြိုးရေကန်မှာ အခုအခါ ရေချိုးကန်တစ်ခုခန့်အထိ အရွယ်စား သေးငယ်သွားပြီး ပုံစံမှာ အစဉ်မပြတ် ပြောင်းလဲနေ၏။

မိုးကြိုးရေကန်အတွင်း၌ အစီအရင်ပေါင်းများစွာသည် အဆက်မပြတ် လည်ပတ်နေကြ၏။ အထူးသဖြင့် အစွမ်းထက် မှော်အဆောင် ကိုးခုဖြင့် ဖွဲ့စည်းထားသော အစီအရင်တစ်ခုမှာ ပေါ်လွင်ထင်ရှားနေသည်။ ထိုမှော်အဆောင် ကိုးခုစလုံးမှာ အစွန်းရောက်သည့် အခြေအနေ တစ်ခုစီကို ကိုယ်စားပြုနေကြပြီး "အစွန်းကိုးပါး" ဟူသော အသွင်သဏ္ဍာန်ကို အမှန်တကယ် ဆောင်ကြဉ်းနေကြသည်။

“ကိစ္စမရှိပါဘူး။ ဒီမှော်အဆောင် ကိုးခုကို "အစွန်းရောက်ကိုးသွယ်အဆောင်"လို့ ခေါ်တယ်။ မှော်စာလုံးတစ်ခုစီကို ငါတို့ ရှူမျိုးနွယ်စုရဲ့ ကမ္ဘာဦးခေတ်က ပညာရှင်တွေက စွမ်းအင်တွေ၊ ရတနာတွေ အများကြီးသုံးပြီး သန့်စင်ခဲ့တာ။ ‘ကမ္ဘာဦးသံလိုက်အစီအရင်’ ရဲ့ အစွမ်းထက် ဆုံး အစီအရင်ဆိုတာက ‘ကောင်းကင်ကိုးလွှာ၊ မြေကြီးကိုးဆင့်၊ အစွန်းရောက် ကိုးသွယ် အစီအရင်ပဲ။ ကံမကောင်းစွာပဲ ငါ့မှာ "အစွန်းရောက်ကိုးသွယ် အဆောင်" မှော်စာလုံးတွေပဲ ရှိတာ။ ကျန်တဲ့ ‘ကောင်းကင်ကိုးလွှာ၊ မြေကြီးကိုးဆင့် အဆောင်အတွက် မှော်စာလုံး ၁၈ လုံး မရှိသေးဘူး။” (ရှေ့မှာတုန်းက ‘ကောင်းကင်ကိုးလွှာ၊ မြေကြီးကိုးဆင့်၊ အစွန်းရောက်ကိုးသွယ် ၃၉ မျိုး သံလိုက်အစီအရင်ဟု ပါရှိသည့်အတိုင်း ပြန်ဆိုခဲ့သည်။)

သခင်လေးရှူက ပြုံးလျက် ပြောလိုက်သည်။

“ကောင်းကင်ကိုးလွှာ၊ မြေကြီးကိုးဆင့်၊ အစွန်းရောက်ကိုးသွယ် သံလိုက်အစီအရင်” ထန်ဟိုင်လုံ၊ ဖန်းယွမ်နှင့် လီဖေးယွိတို့သည် ဤစကားကို ကြားလိုက်ရသည့်အခါ တစ်ဦးကို တစ်ဦး ကြည့်လိုက်ကြပြီး သူတို့၏ မျက်လုံးများတွင် အံ့ဩမှုများ ပြည့်နှက်သွားခဲ့သည်။ “ဒါက ‘ဖန်ဆင်းခြင်းသင်္ဘော’ ရဲ့ အစီအရင်ပဲ။ ‘ဖန်ဆင်းခြင်းသင်္ဘော’ မှာ ဒီအစီအရင် ရှိတယ်လို့ သတင်းတွေ ကြားဖူးတယ်။ လွန်ခဲ့တဲ့ နှစ်ပေါင်းများစွာက ‘ဖန်ဆင်းခြင်းတာအို ဂိုဏ်း’ နဲ့ ‘တိုင်ရှန်တာအိုဂိုဏ်း’ တို့ရဲ့ နောက်ဆုံးတိုက်ပွဲမှာ တိုင်ရှန်တာအိုဂိုဏ်းရဲ့ ဂိုဏ်းချုပ်ကို သတ်ခဲ့တာ ဒီအစီအရင်ပဲ။”

“အင်း” သခင်လေးရှူက ဘာမှမပြောဘဲ ပရိယာယ်ကြွယ်စွာ ပြုံးနေလေသည်။ သူ၏ မျက်ဝန်းအိမ်အတွင်း၌ အတွေးစများ လှုပ်ရှားနေသော်လည်း အမူအရာမှာမူ ဟန်မပျက် ရှိနေ၏။

“ငါတို့ကိုယ်ငါတို့တော့ ကံကြမ္မာကောင်းတွေနဲ့ မွေးဖွားလာတာ၊ ကောင်းကင်နဲ့ မြေကြီးရဲ့ စောင့်ရှောက်မှုကို ခံရတာလို့ ထင်နေခဲ့ကြတာ။ ညီအစ်ကိုရှူကလည်း ငါတို့လိုပဲ အခွင့်အရေးကြီးတွေ ပိုင်ဆိုင်ထားလိမ့်မယ်လို့ မထင်ထားခဲ့ဘူး။" ဖန်းယွမ်က သက်ပြင်းချ ရင်း ပြောလိုက်သည်။ ဤနေရာတွင် ရှိနေသော ထန်ဟိုင်လုံ၊ ဖန်းယွမ်နှင့် လီဖေးယွိ တို့သည် တစ်ဦးချင်းစီ၌ ကမ္ဘာတုန်စေမည့် ကံကြမ္မာကောင်းများ ရှိခဲ့ကြသည် မဟုတ်ပါ လား။ ယခုအခါ သူတို့အားလုံးက သခင်လေးရှူကိုလည်း ကြီးမားသော ကံကြမ္မာကောင်း များ ပိုင်ဆိုင်ထားသူတစ်ဦးဟု ယုံကြည်သွားကြလေပြီ။

"သတိထားကြ။ မိုးကြိုးရေကန် အောင်မြင်ဖို့ နောက်ဆုံးတစ်ဆင့်ပဲ လိုတော့တယ်။ အောင်မြင်သွားရင်တော့ ဒီမိုးကြိုးရေကန်ဟာ ဟင်းလင်းပြင်ကို တကယ်ပဲ ထိုးဖောက်ပြီး မိုးကြိုးတွေကို စုစည်းကာ 'အသက်စွမ်းအင်အဖြစ် ပြောင်းလဲပေးနိုင်လိမ့်မယ်။ အထူး သဖြင့် တာအိုဘိုးဘေးသုံးဦးရဲ့ 'နတ်ဘုရားဘိုးဘေးတောင်' ကို စွမ်းအင်တစ်စက်မှ မကုန် ဘဲ လောကအနှံ့ လွတ်လပ်စွာ ပျံသန်းစေနိုင်လိမ့်မယ်။ သံလိုက်စွမ်းအင်ကို သုံးပြီးတော့ လည်း ဘေးရန်အမျိုးမျိုးကို ရှောင်ကွင်းနိုင်မယ်။ အဲဒီအထွတ်အထိပ် ရတနာကြီး သုံးခု ဘယ်လောက်ပဲ အစွမ်းထက်နေပါစေ၊ ဒီမိုးကြိုးရေကန်သာ ပြီးမြောက်သွားရင် ‘နတ်ဘုရား ဘိုးဘေးတောင်’ ကို ဘာမှ လုပ်နိုင်မှာ မဟုတ်တော့ဘူး။” သခင်လေးရှူသည် သူ၏ လက်ထဲမှ အနက်ရောင် ကျောက်စိမ်းအဆောင်ကို ဝှေ့ယမ်းလိုက်ရာ ၎င်းထံမှ အနက် ရောင် အလင်းတန်းများ ထွက်ပေါ်လာသည်။

နတ်ဘုရားဘိုးဘေးတောင်၏ ဘိုးဘေးနတ်ဘုရားမိုးကြိုးရေကန်မှာ ပြင်းထန်စွာ တုန်ခါ သွားပြီးနောက် တစ်ဖန် ပြန်လည် သေးငယ်သွားပြန်သည်။ နောက်ဆုံးတွင် မိုးကြိုးရေကန် ၏ အထက်၌ မိုးကြိုးတိမ်တိုက် ဝဲဂယက်တစ်ခု ပွင့်လာပြီး၊ အဆုံးမဲ့ ဟင်းလင်းပြင် အတွင်း မှ မိုးကြိုးများမှာ ထိုဝဲဂယက်မှတစ်ဆင့် မိုးကြိုးရေကန်အတွင်းသို့ အဆက်မပြတ် ကျဆင်း လာတော့သည်။

မိုးကြိုးများ ကျဆင်းလာသည်နှင့် မိုးကြိုးရေကန်အတွင်းရှိ "အစွန်းရောက်ကိုးသွယ် အဆောင်" အစီအရင်မှာ စတင်လည်ပတ်သည်။ ၎င်းက မိုးကြိုးများကို ထိန်းချုပ်လိုက်ပြီး ရေစင်များအဖြစ်သို့ ပြောင်းလဲ သန့်စင်လိုက်လေသည်။

“ဒီတစ်ခါတော့ ငါ ‘သခင်လေးရှူ’ တကယ်ကို အရင်းအနှီးကြီးကြီး ရင်းလိုက်ရတာပဲ။ "အစွန်းရောက်ကိုးသွယ်အဆောင်" မှော်စာလုံးတွေကိုတောင် ထည့်သုံးခဲ့ရတာပဲ။ ဒီမှော် စာလုံး ကိုးခုဟာ ငါတို့ ခေါင်းဆောင်ကြီးကိုယ်တိုင် သူ့ရဲ့ ‘ယန်နတ်ဘုရား’ စိတ်ဝိညာဉ် အတွေးစတွေနဲ့ ငါ့အတွက် သန့်စင်ပေးခဲ့တဲ့ အစစ်မှန် ‘ယန်’ ရတနာတွေပဲ။ ဒါပေမဲ့ ဒီလူ သုံးယောက်က တကယ်ကို ပါးနပ်ပြီး ကံကောင်းကြတာမို့ ငါ့ရဲ့ ရင်းနှီးမြှုပ်နှံမှုက တန်ပါ တယ်လေ။ အနာဂတ်မှာ ဟုန်ယွိကို ရင်ဆိုင်ဖို့ ဒီလူသုံးယောက်နဲ့ သူတို့နောက်ကွယ်က တာအိုဘိုးဘေးသုံးဦးကို ငါ အသုံးချရမယ်။ ငါကတော့ နောက်ကွယ်မှာ ပုန်းနေပြီး နောက်ဆုံးမှ ဟုန်ယွိကို အဆုံးသတ် ပေးရမယ်။ အင်မော်တယ် ကျောက်စာတိုင်ကို ပြန်သိမ်းပြီး အကျိုးပြုနိုင်ရင် ငါ့ရဲ့နာမည်ကျော်ကြားမှုက တဟုန်ထိုး တက်သွားမှာပဲ။”

မိုးကြိုးများ ရေစင်များအဖြစ် ပြောင်းလဲသွားသည်ကို ကြည့်ရင်း သခင်လေးရှူ၏ မျက်လုံး များမှာ တစ်ဖန် ပြန်လည် လင်းလက်သွားပြန်သည်။

“မကောင်းတော့ဘူး၊ တစ်ယောက်ယောက် ငါတို့ကို ချောင်းကြည့်နေတယ်။ သူ့ရဲ့ မှော်စွမ်းအားက တကယ့်ကို အစွမ်းထက်တာပဲ။ ဒီလိုအစစ်မှန် စွမ်းအင်မျိုးနဲ့ စွမ်းအား မျိုးက... ဟုန်ယွိလား။ ဟုန်ယွိက ဒီနေရာကို ဘယ်လို ရှာတွေ့သွားတာလဲ။ သူက အရာအားလုံးကို သိနေတာလား။ မဖြစ်နိုင်တာ၊ မဖြစ်နိုင်တာ။”

အလင်းတန်းများ လက်သွားသည်နှင့် လျှို့ဝှက်ဆန်းပြားပြီး အစွမ်းထက်သော သခင်လေး ရှူ၏ စိတ်နှလုံးထဲတွင် စိတ်မသက်မသာဖြစ်မှု ပေါ်ပေါက်လာသည်။

တစ်ချိန်တည်းမှာပင် သူ၏မျက်လုံးများထဲရှိ ထောင်နှင့်ချီသော မှော်စာလုံးများမှာ အလင်းထက် မြန်သော အရှိန်ဟုန်ဖြင့် စတင် လည်ပတ်တော့သည်။

သူသည် ရုတ်တရက် ထရပ်လိုက်ပြီး လက်တစ်ဖက်ဖြင့် လှမ်း၍ ဖမ်းဆုပ်လိုက်လေသည်။ အလွန်တရာ ပြင်းထန်သော အစစ်မှန် စွမ်းအင်လှိုင်းတစ်ခု သူ၏လက်မှ ထွက်ပေါ်လာပြီး ဟင်းလင်းပြင်ကို လှမ်း၍ ဆုပ်ကိုင်လိုက်လေသည်။

“ကမ္ဘာဦး အစစ်မှန် စွမ်းအင်”

ထန်ဟိုင်လုံ၊ ဖန်းယွမ်နှင့် လီဖေးယွိတို့သည် သခင်လေးရှူ၏ စွမ်းအားကို မြင်လိုက်ရသည့် အခါ သူတို့၏စိတ်နှလုံးထဲတွင် နာကျင်မှုကို ခံစားလိုက်ရသည်။ သူတို့၏ မာန်မာနများမှာ လည်း ပျက်စီးသွားရပြီ။ “ဒီလူ... ဒီသခင်လေးရှူရဲ့ မှော်စွမ်းအားက အရမ်းကို အစွမ်းထက် တာပဲ။ သူက တာအိုဘိုးဘေး သုံးဦးထက်တောင် ပိုပြီး သန်မာနေတယ်။ သူက ‘ဖန်ဆင်းရှင်’ တစ်ပါးလား။ သူက ဒီလောက်အထိ အစွမ်းထက်တာကို ဖုံးကွယ်ထားတာပဲ။”

“ငါတို့ ဒီလူနဲ့ သူငယ်ချင်း ဖြစ်လို့ မရဘူး။”

“သူ့ဆီကနေ အကျိုးအမြတ် တစ်ခုခု ရအောင်ယူဖို့ နည်းလမ်း ရှာရမယ်။”

“ဘာဖြစ်တာလဲ။ သူ ဘာလို့ ရုတ်တရက် စွမ်းအားတွေ ထုတ်သုံးလိုက်တာလဲ။”

ထိုသုံးယောက်၏ စိတ်ထဲတွင် မေးခွန်းများစွာ ပေါ်ထွက်လာသည်။ တစ်ချိန်တည်းမှာပင် သူတို့လည်း တုံ့ပြန်လိုက်ကြသည်။

“တကယ်ကို တစ်ယောက်ယောက်က မိုးကြိုးရေကန်ကို ဖန်တီးနေတာပဲ။ ဖန်းယွမ်၊ ထန်ဟိုင်လုံ၊ လီဖေးယွိ မင်းတို့ ဖြစ်နေတာကိုး။ တကယ့်ကို ‘သံဖိနပ်တွေ ပါးအောင် လိုက်ရှာပေမဲ့ ရှာမတွေ့ဘဲ၊ မမျှော်လင့်ဘဲနဲ့ တိုက်တိုက်ဆိုင်ဆိုင် တွေ့လိုက်ရတာ’ ပဲ။ တာအိုဘိုးဘေး သုံးဦးက ငါ မိုးကြိုးကပ်ဘေး ခံယူနေတုန်းက ငါ့ကို သတ်ဖို့ ကြိုးစားခဲ့ကြ တယ်၊ ငါ့အသက်တောင် ဆုံးရှုံးလုနီးပါး ဖြစ်ခဲ့ရတာ။ အခုကျတော့ မင်းတို့က ‘နတ်ဘုရား ဘိုးဘေးတောင်’ အတွက် မိုးကြိုးရေကန်ကို ဖန်တီးချင်နေတာလား။ အဲဒါ ဘယ်လိုလုပ် ဖြစ်နိုင်မှာလဲ။ ‘မြေကြီးထဲက ရေ' ဟေက်စ်ဇာဂရမ် နိမိတ်ရဲ့ အဓိပ္ပာယ်က ဒါကိုး။ အခုတော့ အဓိပ္ပာယ်ကို ငါ သိပြီ။ ‘မျက်လုံးတစ်လုံးအတွက် မျက်လုံးတစ်လုံး၊ သွားတစ်ချောင်း အတွက် သွားတစ်ချောင်း’ ပဲ။”

ဟုန်ယွိသည် သံလိုက်စွမ်းအင်များကို ခံစားမိသည်နှင့် ပုံပျက်နေသော သံလိုက်စက်ကွင်း နှင့် ပညာရှင် လေးဦးက ဘိုးဘေးနတ်ဘုရား မိုးကြိုးရေကန်ကို သန့်စင်နေသည့် မြင်ကွင်း ကို ချက်ချင်းပင် မြင်တွေ့လိုက်ရသည်။

တစ်ချိန်တည်းမှာပင် သူသည် ‘မြေကြီးထဲက ရေ' ဟေက်စ်ဇာဂရမ် နိမိတ်၏ စစ်မှန်သော အဓိပ္ပာယ်ကိုလည်း နားလည်သွားခဲ့သည်။

“ဒီဘိုးဘေးနတ်ဘုရား မိုးကြိုးရေကန်က ‘အင်မော်တယ် ကျောက်စာတိုင်’ ကို သန့်စင်ဖို့ အတွက် အချိန်ကိုက်ပဲ။ ဒါပေမဲ့ အဲဒီလူက ဘယ်သူလဲ။ အနက်ရောင် ကျောက်စိမ်း အဆောင်ကို ကိုင်ထားသူရဲ့ အရှိန်အဝါက တကယ့်ကို အားကောင်းတာပဲ။ သူက သူ့ကိုယ် သူ ဖုံးကွယ်ထားပြီး ‘ဒုတိယ သို့မဟုတ် တတိယအဆင့် မိုးကြိုးကပ်ဘေး’ ပညာရှင်အဖြစ် ဟန်ဆောင်ထားပေမဲ့ ငါ့ကိုတော့ ဖုံးကွယ်လို့ မရဘူး။ ဒီလူရဲ့ စွမ်းအားဟာ တာအိုဘိုးဘေး သုံးဦးနဲ့ ‘ကောင်းကင်ဖြို ဧကရာဇ်’ တို့နဲ့ တန်းတူ ရှိနေပေမဲ့၊ သူ့ရဲ့ကျင့်စဉ်က သူတို့ထက် ပိုမြင့်နေတယ်။”

တစ်ချိန်တည်းမှာပင် ဟုန်ယွိ၏ အကြည့်မှာ ‘သခင်လေးရှူ’ ဆီသို့ ကျရောက်သွားသည်။

သို့သော် သူ၏အကြည့်မှာ ‘သခင်လေးရှူ’ ဆီသို့ ရောက်သွားသည်နှင့် တစ်ပြိုင်နက် တစ်ဖက်လူက ရုတ်တရက် ထရပ်လိုက်လေသည်။ သခင်လေးရှူ၏ မျက်လုံးများမှာ ဟင်းလင်းပြင်ကို ထိုးဖောက်သွားပြီး မရေမတွက်နိုင်သော မှော်စာလုံးများက ဟုန်ယွိ၏ တည်နေရာကို ပိတ်ဆို့လိုက်သည်။ သူသည် ဟုန်ယွိကို အလုံးစုံ ရှာတွေ့သွားခဲ့ပြီဖြစ်ရာ ဟုန်ယွိဆီသို့ လက်သီးတစ်ချက် ထိုးနှက်လိုက်လေသည်။

ထိုလက်သီးချက်တွင် ပြင်းထန်လှသော ကမ္ဘာဦး အငွေ့အသက်များ ပါဝင်နေ၏။

“ကမ္ဘာဦး နတ်ဘုရားလက်သီးလား” ဟုန်ယွိ ထိတ်လန့်သွားသည်။ သူ ချက်ချင်းပင် နားလည်လိုက်သည်မှာ “ဒီလူက ဖန်ကြယ်ကမ္ဘာက နောက်ထပ် ပညာရှင်တစ်ယောက် ဖြစ်နေသည်ကိုပင်။”

“ဟားဟား၊ ဟားဟား၊ ကမ္ဘာဦး နတ်ဘုရားလက်သီးလား။ အဲဒါက အရမ်းရိုးရှင်းပါတယ်။ ငါကလည်း မင်းကို ‘ကမ္ဘာဦးလက်သီး၊ ဆိတ်သုဉ်းခြင်းလက်သီးနဲ့ ပျက်သုဉ်းခြင်းလက်သီး’ တွေနဲ့ ပြန်ပြီး လက်ဆောင်ပေးလိုက်မယ်။” ဟုန်ယွိသည် ကမ္ဘာဦး နတ်ဘုရားလက်သီးကို တုံ့ပြန်လိုက်သည်။ သူ၏အသက်ရှူသံမှာ မိုးကြိုးသံကဲ့သို့ ဟိန်းထွက်သွားပြီး ‘ပျက်သုဉ်းခြင်းလက်သီးသုံးချက်’ ကို ဆက်တိုက် ထိုးနှက်လိုက်လေသည်။

ပြင်းထန်လှသော လေစီးကြောင်းများက သခင်လေးရှူ၏ ကမ္ဘာဦး နတ်ဘုရားလက်သီးကို ဆုတ်ဖြဲပစ်လိုက်သည်။

တစ်ချိန်တည်းမှာပင် ကမ္ဘာဦး နတ်ဘုရားလက်သီး နှစ်ချက်စလုံးက ဘိုးဘေးနတ်ဘုရား မိုးကြိုးရေကန် ပေါ်သို့ ကျရောက်သွားရာ ၎င်းမှာ ပင်လယ်ရေ မျက်နှာပြင်ပေါ်မှ လေထဲသို့ လွင့်တက်သွားတော့သည်။

မိုးကြိုးရေစင်များမှာ အရပ်မျက်နှာ အနှံ့အပြားသို့ ဖိတ်စင်သွားလေတော့သည်။