အခန်း ၃၀၂
Vol. 31 Ch. 302
အခန်း (၃၀၂)
သဘာဝဘေးအန္တရာယ် ကောက်ပဲသီးနှံဖျက်မိုး
အာမခံကုမ္ပဏီများသည် တရားတပေါင် ရင်ဆိုင်ရမည်ကို မကြောက်ရွံ့ကြပေ။ အကြောင်းမှာ မည်သည့် လုပ်ငန်းက တရားစွဲဆိုခံရမှု အများဆုံးနည်းဟု မေးလာလျှင် ၎င်းတို့က ထိပ်ဆုံးမှ ပါဝင်နေမည် ဖြစ်သောကြောင့် ပင် ဖြစ်ပေသည်။
သူတို့၏ ရှေ့နေများမှာလည်း အလွန် အရည်အချင်းရှိကြပြီး အထူးသဖြင့် စာချုပ်ပါ အချက်အလက်များကို သူတို့အတွက် အကျိုးရှိအောင် အသုံးချရာတွင် အလွန် ကျွမ်းကျင်ကြလေသည်။ စကားလုံး အသုံးအနှုန်းများ အပေါ် အပြစ်ရှာရာတွင်လည်း ကျွမ်းကျင်ကြပြီး ပြဿနာကို ကြီးထွားအောင် လုပ်ကာ အလွန် ရန်လိုသော အနေအထားမျိုးအထိ ရောက်အောင်ပင် လုပ်ဆောင်တတ်ကြသည်။
သို့သော်လည်း လျန်ထျန်းဘက်မှ ရှေ့နေဝုမ်မှာလည်း သာမန်လူတစ်ယောက် မဟုတ်ချေပေ။ သူက အမှုကို ပြင်းပြင်းထန်ထန် ချေပခဲ့ပြီး သူ၏ အဆိုများကို ထောက်ခံရန် သက်သေအထောက်အထား အမျိုးမျိုးကို တင်ပြခဲ့ကာ အရေးကြီးသော အချက်များတွင် သူတို့၏ ခံစားချက်နှင့် အကြောင်းပြချက်များကိုပင် ဆွဲဆောင် နိုင်ခဲ့လေသည်။
နောက်ဆုံးတွင် တရားရုံး၏ ဆုံးဖြတ်ချက်မှာ အလွန် တရားမျှတပြီး မှန်ကန်မှုရှိခဲ့ကာ တရားသူကြီးက ဤသို့ အမိန့်ချခဲ့လေသည်။
"တရားခံ မတ်တပ်ရပ်ပါ...။”
"တစ်နိုင်ငံလုံးမှာ အစားအသောက်ပို့ဆောင်သူ သန်းနဲ့ချီပြီး ရှိတယ်...။ သူတို့ နေ့စဉ် ပထမဆုံး အမှာစာကို လက်ခံတဲ့အခါ သူတို့ထဲက အများစုဟာ ခင်ဗျားတို့ရဲ့ အာမခံကုမ္ပဏီဆီကနေ သုံးလစာ အာမခံကို ဝယ်ယူကြ တယ်...။”
"ဒါပေမဲ့ ခင်ဗျားတို့ရဲ့ အာမခံ လျှောက်ထားမှု လုပ်ငန်းစဉ်မှာရော မတော်တဆမှု အာမခံ လက်ကမ်းစာစောင် တွေမှာပါ လိုင်စင်မရှိဘဲ မော်တော်ယာဉ် မောင်းနှင်ခြင်းအတွက် တာဝန်ယူမှု ကင်းလွတ်ခွင့် ပြုထားတဲ့ အချက် တွေ မပါဝင်ဘူး...။”
"ခင်ဗျားတို့ရဲ့ အာမခံ ပေါ်လစီ အသေးစိတ် အချက်အလက်တွေမှာ ဒီအချက် ပါဝင်တယ် ဆိုပေမဲ့ ပို့ဆောင်သူ တွေ အာမခံ လျှောက်ထားတဲ့အခါ အဲဒါကို မမြင်တွေ့နိုင်ကြဘူး...။”
"အဲဒါကို ခင်ဗျားတို့ရဲ့ အာမခံ စာမျက်နှာပေါ်မှာ ရှင်းရှင်းလင်းလင်း ဖော်ပြမထားဘဲ အောက်ခြေက သတိမထား မိနိုင်တဲ့ အပြာရောင် အကွက်ငယ်လေးထဲမှာ ဖျောက်ထားတဲ့အတွက် ခင်ဗျားတို့ရဲ့ အာမခံ စည်းကမ်းချက် တွေဟာ ပို့ဆောင်သူတွေအတွက် အကျုံးမဝင်ဘူး...။”
"အာမခံကုမ္ပဏီအနေနဲ့ မတော်တဆမှုမှာ ပါဝင်ပတ်သက်နေတဲ့ ပို့ဆောင်ရေး အလုပ်သမားအားလုံးကို စုစုပေါင်း ယွမ် သန်းတစ်ရာ့လေးဆယ် လျော်ကြေးပေးရမယ်လို့ တရားရုံးက ဆုံးဖြတ်လိုက်ပါတယ်...။ အပြည့်အဝ ပေး ချေရန် တစ်လ အချိန်ပေးထားပြီး ထိုသို့ မလုပ်ဆောင်ပါက အတင်းအကျပ် အရေးယူ ဆောင်ရွက်သွားမယ်...။”
ယွမ်သန်းတစ်ရာ့လေးဆယ် ဟူသော တောင်းဆိုမှုပမာဏက အစားအသောက်ပို့ဆောင်သူ မည်မျှ မတော်တဆ မှုများနှင့် ကြုံတွေ့ခဲ့ရသော်လည်း အာမခံလျော်ကြေး မရရှိခဲ့ကြောင်းကို ပြသနေခဲ့လေသည်။
အာမခံကုမ္ပဏီအနေဖြင့် ဤငွေများကို ထုတ်ပေးလိုက်ရလျှင်ပင် အမြတ်အစွန်း ရရှိနိုင်ဆဲ ဖြစ်သည်။
အဘယ်ကြောင့်ဆိုသော် အစောပိုင်းက ဖော်ပြခဲ့သည့်အတိုင်း သန်းပေါင်းများစွာသော အစားအသောက် ပို့ဆောင်သူများသည် သူတို့အတွက် လစဉ် ဝင်ငွေ ယွမ်တစ်ဘီလီယံနီးပါး ရှာဖွေပေးနိုင်သောကြောင့် ဖြစ်သည်။
လုပ်အားခ၊ လည်ပတ်စရိတ်နှင့် အခြားကုန်ကျစရိတ်များကို နုတ်ပြီးနောက်၌ပင် ထက်ဝက်ခန့် အမြတ်ကျန်ရှိနေ ခြင်းမှာ မဖြစ်နိုင်စရာ အကြောင်းမရှိပေ။
လျော်ကြေးငွေ ယွမ် တစ်ရာ့လေးဆယ်သန်း ပေးရမည်ဖြစ်သော်လည်း ယွမ်သန်းရာနှင့်ချီ၍ အမြတ်အစွန်း ကျန်ရှိနေသေးသည် ဖြစ်ရာ သူတို့က ထိုမျှလောက်ကိုပင် မပေးချင်ကြခြင်း ဖြစ်လေသည်။
ကံကောင်းထောက်မစွာဖြင့် လျန်ထျန်းသည် တရားနိုင်ခဲ့လေသည်။
သို့သော်လည်း အာမခံကုမ္ပဏီသည် ဤဆုံးဖြတ်ချက်ကို ကျေနပ်မည်မဟုတ်သည်မှာ သေချာနေပြီး အယူခံ ဝင်ရန် တောင်းဆိုခဲ့လေသည်။
သို့သော် လျန်ထျန်းတွင် အရန်အစီအစဉ်တစ်ခု ရှိနေခဲ့သည်။ အကယ်၍ အာမခံကုမ္ပဏီက ဆက်လက်၍ အယူခံ ဝင်နေမည်ဆိုပါက အစားအသောက်ပို့ဆောင်ရေး ကုမ္ပဏီအနေဖြင့် အခြား အာမခံကုမ္ပဏီတစ်ခုနှင့် ချက်ချင်း ရှာဖွေပူးပေါင်းသွားမည်ဖြစ်ကြောင်း သူက ကြေညာခဲ့လေသည်။
ထို့ပြင် သူတို့သည် နိုင်ငံအတွင်း ဩဇာအာဏာအရှိဆုံး အာမခံကုမ္ပဏီကို ရွေးချယ်ထားခဲ့ပြီး ဖြစ်ပေသည်။ နောက်ပိုင်းတွင် ထိုကုမ္ပဏီအနေဖြင့် ဈေးကွက်ဝေစုကို ပြန်လည်ရယူရန်မှာ ခက်ခဲသွားပေလိမ့်မည်။
အခြား ရွေးချယ်စရာ မရှိတော့သဖြင့် အာမခံကုမ္ပဏီသည် နောက်ဆုတ်ခဲ့ရပြီး ၎င်းတို့၏ အမြတ်အစွန်းများ အတွက် လျန်ထျန်းထံသို့ ကိုယ်စားလှယ်တစ်ဦး စေလွှတ်ကာ တောင်းပန်ခဲ့ရလေသည်။
ပြီးခဲ့သည့်အကြိမ်က လာရောက်စဉ်က အလွန် မောက်မာခဲ့ကြသော်လည်း ယခုတစ်ကြိမ်တွင်မူ အလွန် သတ္တိ ကြောင်နေခဲ့ကြပေသည်။
မည်သို့ပင်ဖြစ်စေ ပုံမှန် လျော်ကြေးပေးသည့် လုပ်ငန်းစဉ်များဖြင့်ပင် လစဉ် ယွမ်သန်းရာနှင့်ချီသော အမြတ် အစွန်းများ ရှိနေသေးပြီး တစ်နှစ်လျှင် ယွမ်ဘီလီယံနှင့်ချီ၍ ရှိနေလေသည်။
ယခင်ကထက် နည်းသွားသော်လည်း အမြတ်အစွန်းအချို့ ရရှိရန် ရှိနေသေးသည်။ အနည်းငယ် လျော့နည်းသွား ခြင်းသာ ဖြစ်သော်လည်း ပေါ်လစီကိုင်ဆောင်သူများထံသို့ အခွင့်အရေးများနှင့် အကျိုးခံစားခွင့်များကို အမှန် တကယ် ပြန်လည်ပေးအပ်နိုင်ဆဲ ဖြစ်သည်။
အကောင်းအဆိုးများကို ချိန်ဆပြီးနောက် လျန်ထျန်းသည် အာမခံကုမ္ပဏီနှင့် ဆက်လက် ပူးပေါင်းရန် သဘောတူ ခဲ့လေသည်။
အကြောင်းရင်းမှာ မစ္စတာဝမ်နှင့် ပြုလုပ်ခဲ့သော လျှို့ဝှက်အစည်းအဝေးကြောင့် ဖြစ်သည်။
မစ္စတာဝမ်က ဤသို့ပြောလာခဲ့လေသည်။
"နိုင်ငံအတွင်းမှာ ဩဇာအာဏာအရှိဆုံး အာမခံကုမ္ပဏီနဲ့ ပူးပေါင်းမယ်ဆိုတဲ့ သတင်းကို ထုတ်ပြန်ဖို့ ညီလေး တကယ်ပဲ အလေးအနက်ထားနေတာလား...။”
လျန်ထျန်းက ပြန်ဖြေလိုက်သည်။
"မဟုတ်ပါဘူး...၊ ကျွန်တော်က ဒီအရာကိုသုံးပြီး အာမခံကုမ္ပဏီကို ခြောက်လှန့်ဖို့နဲ့ သူတို့ကို အရှုံးပေးလာအောင် လုပ်ချင်ရုံ သက်သက်ပါ...။”
ထိုစကားကို ကြားသောအခါ မစ္စတာဝမ်မှာ သက်ပြင်းတစ်ချက် ချလိုက်လေသည်။
"ဒါက ငါ့ကို လန့်သွားစေတယ်...၊ တကယ်လို့ ငါတို့က အဲဒီ နာမည်အကြီးဆုံး အာမခံကုမ္ပဏီနဲ့သာ ပူးပေါင်းခဲ့ မယ်ဆိုရင် အနာဂတ်မှာ ဖြစ်လာမယ့် ပြဿနာတွေဟာ ဒီတစ်ကြိမ်လို ဖြေရှင်းရ လွယ်ကူမှာ မဟုတ်ဘူး...။”
လျန်ထျန်းက ခေါင်းညိတ်ကာ ပြန်ပြောလိုက်လေသည်။
"ကုမ္ပဏီက ပိုကြီးလေ၊ နောက်ခံအင်အားက ပိုတောင့်တင်းလေ၊ ပြဿနာတစ်ခုခု ဖြစ်လာနိုင်ခြေ ပိုများလေဖြစ် ပြီးတော့ ကိုင်တွယ်ဖြေရှင်းဖို့နဲ့ ထိန်းချုပ်ဖို့ ပိုခက်ခဲလေဆိုတာကို ကျွန်တော် နားလည်ပါတယ်...။”
"ဘာပဲဖြစ်ဖြစ် အမြင့်ဆုံးအဆင့်မှာ ရှိနေတဲ့သူကို စိန်ခေါ်လောက်တဲ့အထိ ကျွန်တော် ဘယ်တော့မှ မောက်မာမှာ မဟုတ်ဘူး...။ သူတို့ကို မစော်ကားနိုင်ရင်တောင် အနည်းဆုံးတော့ ရှောင်ရှားလို့ ရတယ် မဟုတ်ဘူးလား...။”
"လောလောဆယ်တော့ အဓိက ချဉ်းကပ်မှုက သူတို့ကို သတိပေးချက်တစ်ခု ပေးဖို့ပါပဲ...။ ထိန်းချုပ်နိုင်တဲ့ ကုမ္ပဏီငယ်လေးတွေက မသေချာမရေရာမှုတွေရှိတဲ့ ကုမ္ပဏီကြီးတွေထက် ပိုပြီး ထိရောက်မှု ရှိတတ်တယ်...။”
ယခုတော့ ဤကိစ္စ ပြီးဆုံးသွားပြီ ဖြစ်သည်။
အနာဂတ်တွင် ပို့ဆောင်သူများ မတော်တဆမှုတစ်ခုခုနှင့် ကြုံတွေ့ရပါက သူတို့နှင့် ထိုက်တန်သော လျော်ကြေး ငွေများကို ရရှိနိုင်မည်ဖြစ်ပြီး သူတို့၏ အလုပ်နှင့် ဘဝများမှာလည်း ပို၍ လုံခြုံမှု ရှိလာမည် ဖြစ်သည်။
ထို့အပြင် ဤဖြစ်ရပ်အပြီးတွင် တစ်နိုင်ငံလုံးရှိ သန်းပေါင်းများစွာသော အစားအသောက်ပို့ဆောင်သူများသည် အစားအသောက်ပို့ဆောင်ရေးကုမ္ပဏီ၏ အစုရှယ်ယာရှင်သစ် ဖြစ်သော လျန်ထျန်းကို ပို၍ပင် ထောက်ခံအား ပေးလာကြလေတော့သည်။
သူတို့သည် အားလပ်ချိန်များတွင် မကြာခဏ စကားစမြည် ပြောဖြစ်ခဲ့ကြလေသည်။
"ရှယ်ယာရှင်သစ် ရာထူးတက်လာကတည်းက လုပ်ခဲ့တဲ့ အရာတွေကို ကြည့်ရရင် သူက ငါတို့ ပို့ဆောင်သူတွေကို ညီအစ်ကိုတွေလို တကယ် ဆက်ဆံတာပဲ...။”
"ဟုတ်တယ်... အစုရှယ်ယာရှင်သစ်က အရင်က အစားအသောက်တွေ တကယ် ပို့ခဲ့ဖူးသလားလို့တောင် ထင်ရ တယ်...။ သူက ငါတို့ရဲ့ နာကျင်စရာ အချက်တွေနဲ့ အခက်အခဲတွေကို တကယ် နားလည်နေသလိုပဲ...။”
"ဟုတ်တယ်...၊ ငါတို့ရဲ့ အခက်အခဲတွေကို ဖြေရှင်းပေးတာ အရမ်း တိကျလွန်းတော့ သူက ငါတို့နားမှာ ရှိနေပြီး ငါတို့ရဲ့ လှုပ်ရှားမှုတိုင်းကို စောင့်ကြည့်နေသလိုပဲလို့တောင် ခံစားရတယ်...။”
"တကယ်ကို ကြီးကျယ်ခမ်းနားတဲ့ ရှယ်ယာရှင်ကြီးပဲ...။ ညီအစ်ကိုတို့ရေ သူ့လို လူမျိုးအတွက် အလုပ်လုပ်ပေးရ တာက ဘာမှ ထပ်ပြောစရာတောင် မလိုတော့ပါဘူး...။ အင်္ကျီလက်ကို ပင့်တင်ပြီး အလုပ်လုပ်ကြစို့...၊ ငါ နောက် ထပ် အမှာစာ အနည်းငယ် ထပ်ရထားတယ် အဲဒါတွေ သွားပို့ရဦးမယ်...။”
ထို့ကြောင့် လူတိုင်း အတူတကွ ပူးပေါင်းလုပ်ဆောင်ကြခြင်းဖြင့် အစားအသောက် ပို့ဆောင်ရေးလုပ်ငန်းမှာ တဖြည်းဖြည်း တိုးတက်လာခဲ့ပြီး အယ်လာမာ သည် ၎င်း၏ ယခင် ဂုဏ်ကျက်သရေကို ပြန်လည်ရရှိလာကာ အထွတ်အထိပ်သို့ပင် ကျော်လွန်သွားခဲ့လေသည်။
သို့သော်လည်း ဤလောကရှိ အရာအားလုံးသည် လူတို့ကြောင့် ဖြစ်ပေါ်လာခြင်း မဟုတ်ပေ။ သဘာဝဘေး အန္တရာယ်များကဲ့သို့သော ထိန်းချုပ်၍မရသည့် အကြောင်းရင်းများစွာလည်း ရှိနေလေသည်။
ဤနှစ်တွင် ယခုအချိန်မှာ ဂျုံရိတ်သိမ်းချိန် ဖြစ်သော်လည်း အချို့နေရာများတွင် ကျယ်ပြန့်ပြီး ဆက်တိုက်ဆိုသလို မိုးရွာသွန်းသည့် ရာသီဥတုကို ကြုံတွေ့နေရကာ ဂျုံများ ပုံမှန် မှည့်နပ်မှုနှင့် ရိတ်သိမ်းမှုကို ဆိုးရွားစွာ ထိခိုက်စေခဲ့ လေသည်။
ဤမိုးမျိုးကို ဆိုးရွားသော မိုးဟုလည်း ခေါ်ဆိုကြပြီး ၎င်းမှာ အလွန် သည်းထန်ကာ အချိန်ကြာမြင့်စွာ ရွာသွန်း ခြင်းကို ဆိုလိုပေသည်။
ဤသည်က မကြာခဏဆိုသလို ဆိုးရွားသော ရေကြီးရေလျှံမှုများကို ဖြစ်ပေါ်စေပြီး စိုက်ပျိုးရေး ထုတ်လုပ်မှု၊ လူများ၏ ခရီးသွားလာမှုနှင့် နေ့စဉ်ဘဝ အစရှိသည်တို့ကို ထိခိုက်စေလေသည်။
ဂျုံသည် မတ်လတွင် နှင်းခဲများ၊ ဧပြီလတွင် လေပြင်းများနှင့် မေလတွင် မိုးရွာသွန်းမှုတို့ကြောင့် ပျက်စီးလွယ် လေသည်။ မေလကုန်တွင် ရွာသွန်းသော မိုးသည် ကောက်ပဲသီးနှံများ ပျက်စီးခြင်း ကို ဖြစ်စေနိုင်ခြေ အများဆုံး ဖြစ်သည်။
ထို သီးနှံဖျက်မိုး သည် မရေမတွက်နိုင်သော လယ်ကွင်းများရှိ ဧရိယာကျယ်ဝန်းသည့် ဂျုံခင်းများကို မြေပြင်ပေါ် သို့ ပြားပြားဝပ် လဲကျသွားစေလိမ့်မည် ဖြစ်သည်။
၎င်းသည် တရုတ်နိုင်ငံ မြောက်ပိုင်းတွင် ဂျုံနယ်သည့် လွင်ပြင်ကျယ်ကြီးနှင့် တူသောကြောင့် သီးနှံဖျက်မိုး ဟု အမည်တွင်ခြင်း ဖြစ်သည်။
ငယ်စဉ်က ကျေးလက်ဒေသတွင် စိုက်ပျိုးရေး လုပ်ကိုင်ခဲ့ဖူးသူတိုင်း ဂျုံဆိုသည်မှာ မည်သို့သော အရာဖြစ် ကြောင်းကို သိကြပေလိမ့်မည်။ လယ်သမားများအတွက် ဂျုံသည် မည်သို့သော အဓိပ္ပာယ် ရှိသည်ကိုလည်း နားလည်ကြမည် ဖြစ်သည်။
အကယ်၍ ဂျုံရိတ်သိမ်းချိန်နှင့် မိုးရာသီ တိုက်ဆိုင်သွားပါက မည်သို့ ဖြစ်လာမည်ကိုလည်း ကျွန်ုပ် သိလေသည်။ ၎င်းတို့သည် အညှောင့်ထွက်လာမည်၊ မှိုတက်လာမည် ဖြစ်ပြီး ရောင်းမရတော့ဘဲ မိမိတို့ဘာသာ စားသုံးရန်သာ ကျန်ရှိတော့မည် ဖြစ်သည်။
အချို့က ဤသို့ ပြောကောင်း ပြောကြပေလိမ့်မည်။
"အကယ်၍ ဂျုံတွေ အညှောင့်ထွက်နေရင် မုယောသကြားလုံး လုပ်ဖို့ အဆင်ပြေတာပဲ မဟုတ်လား...။”
ဟားဟား...၊ ကျွန်ုပ် ပြောနိုင်သည်မှာ ထိုသို့တွေးသောသူများသည် လယ်ယာလုပ်ငန်းကို လုံးဝ လုပ်ကိုင်ဖူးခြင်း မရှိသူများသာ ဖြစ်သည် ဟူ၍ပင်။
အဘယ်ကြောင့်ဆိုသော် မုယောသကြားလုံး သည် အရည်အသွေး သတ်မှတ်ချက်များ မြင့်မားပြီး အညှောင့် ထွက်နေ သော သို့မဟုတ် မှိုတက်နေသော ဂျုံများသည် အင်ဇိုင်းလုပ်ဆောင်ချက်ကို ထိခိုက်စေနိုင်ကာ ကျန်းမာရေး နှင့် ဘေးကင်းလုံခြုံရေး ပြဿနာများကို ဖြစ်စေနိုင်သောကြောင့် ဖြစ်သည်။
ထို့ကြောင့် မြေကြီးထဲတွင် အညှောင့်ထွက်ပြီး မှိုတက်နေသော ဂျုံများကို မုယောသကြားလုံး အဖြစ် ပြုလုပ်၍ မရနိုင်ဘဲ လယ်သမားများက ၎င်းတို့ ကိုယ်တိုင် စားသုံးရန်အတွက်သာ သိမ်းဆည်းထားလေ့ ရှိကြသည်။
အညှောင့်ထွက်ပြီး မှိုတက်နေသော ဂျုံများမှ ပြုလုပ်ထားသည့် ဂျုံမှုန့်၏ အရသာကိုမူ လယ်ယာလုပ်ငန်း လုပ် ကိုင်ဖူးပြီး ဆိုးရွားသော ကောက်ပဲသီးနှံဖျက်မိုး နှင့် ကြုံတွေ့ဖူးသူများသာ အမှန်တကယ် သိရှိနိုင်ပေသည်။
အညှောင့်ထွက်နေသော ဂျုံမှ ပြုလုပ်ထားသည့် ဂျုံမှုန့်သည် နယ်ရခက်ခဲပြီး ချက်ပြုတ်ထားသော ခေါက်ဆွဲများ မှာ စေးကပ်နေကာ အနည်းငယ် ချဉ်သော အရသာပင် ရှိနိုင်လေသည်။
ဂျုံစက်ရုံများသည် အညှောင့်ထွက်နေသော သို့မဟုတ် မှိုတက်နေသော ဂျုံများကို လက်ခံရန် ငြင်းဆန်ကြမည် ဖြစ်ပြီး လယ်သမားများ ကိုယ်တိုင် မစားသုံးပါက လယ်ကွင်းထဲတွင်သာ အပုပ်ခံလိုက်ရန်မှတစ်ပါး အခြား ရွေးချယ်စရာ မရှိတော့ပေ။
သို့သော် မြေကြီးထဲတွင် ပုပ်သိုးသွားပါက တစ်နှစ်စာ အလုပ်ကြိုးစားမှုများ အလဟဿ ဖြစ်သွားမည်ဖြစ်ပြီး ဝင်ငွေလည်း လုံးဝ ပြတ်တောက်သွားမည် ဖြစ်သည်။ အကယ်၍ အညှောင့်ထွက်ပြီး မှိုတက်နေသော ဂျုံမှ ပြုလုပ်ထားသည့် ဂျုံမှုန့်ကို မစားလျှင် မိမိတို့အနေဖြင့် အခြား ဘာကို စားရမည်နည်းဟု ဆိုရမည် ဖြစ်သည်။