အခန်း ၁၁၂၅

အခန်း ( ၁၁၂၅ ) ယောက်ျားကို အားကိုးကာ ခရီးပေါက်အောင် ကြိုးစားခြင်း။

ပွဲကြည့်သူပလက်ဖောင်းကို Endless Fantasy အုပ်စုအောက်က ကုမ္ပဏီတွေက ပူးတွဲတည်ထောင်ထားတာတဲ့လား … ။ အဲ့ဒီ ကုမ္ပဏီနှစ်ခုက … ကုရှောက်ယန်နဲ့ ယုကျစ်ယန်တို့ တာဝန်ယူထားတဲ့ ကုမ္ပဏီတွေ မဟုတ်လား … ။

ဒါဆို သူမ တိုက်ရိုက် ထုတ်လွှင့်တင်ဆက်နေတဲ့ ပလက်ဖောင်းကလည်း ဟောက်ချန်ဟွမ်းရဲ့ ပိုင်ဆိုင်မှုတွေထဲက တစ်ခုလား … ။

စုယန်ယန်သည် ဒီနေ့ တိုက်ရိုက် ထုတ်လွှင့်တင်ဆက်မှုရဲ့ အကျိုးသက်ရောက်မှုက သူမ ပြန်လည်မွေးဖွားလာတဲ့ လွန်ခဲ့တဲ့ ( ၂ ) နှစ် ၊ ( ၃ ) နှစ်အတွင်း ကြုံတွေ့ခဲ့ရတဲ့ အရာတွေထက် ပိုထိတ်လန့်စရာကောင်းသည်ဟု ခံစားနေရသည်။

သေချာ ပြန်တွေးကြည့်လိုက်တော့ သူမရဲ့ တိုက်ရိုက် ထုတ်လွှင့်တင်ဆက်မှု အခန်းရဲ့ အက်ဒမင်တစ်ယောက်ဟာ သူမ ထုတ်လွှင့်တင်ဆက်မှု စတင်ပြီးနောက် စက္ကန့်ပိုင်းအတွင်း ရောက်လာကာ ထိပ်ဆုံးကို တစ်ထိုင်တည်း ရောက်သွားပြီး အမြန်ဆုံးနှုန်းဖြင့် သူမရဲ့ တိုက်ရိုက် ထုတ်လွှင့်တင်ဆက်မှု အခန်းရဲ့ တစ်ဦးတည်းသော အက်ဒမင် ဖြစ်လာခဲ့သည်။

အက်ဒမင်ဖြစ်ဖို့အတွက် တိုက်ရိုက် ထုတ်လွှင့်တင်ဆက်မှုအခန်းရဲ့ ပိုင်ရှင်ဆီက အတည်ပြုချက် လိုသလို တိကျသော ခွင့်ပြုချက်မရခင် ဝက်ဘ်ဆိုဒ်ရဲ့ အစစ်အမှန်ဖြစ်ကြောင်း စစ်ဆေးမှုကိုလည်း ဖြတ်ကျော်ဖို့ လိုအပ်သည်။

ထိုအချိန်မှာ ဟောက်ချန်ဟွမ်းကတော့ ထိုစစ်ဆေးမှုကို အလျင်အမြန်ပဲ အောင်မြင်သွားခဲ့သည်။ စုယန်ယန်က သူ့ရဲ့ ရက်ရောမှုက ပလက်ဖောင်း အရာရှိရဲ့ နှလုံးသားကို ဖမ်းစားနိုင်သွားလို့ အဲ့လို ဖြစ်တာလို့သာ ထင်ခဲ့ပေမဲ့ အခုတော့ အဲ့ဒါက ပိုက်ဆံနှင့် လုံးဝ သက်ဆိုင်ပုံမပေါ်ပါ။ ဘော့စ်ရဲ့ သရုပ်မှန်နှင့် တိုက်ရိုက် ဖောက်လိုက်သော ဖြတ်လမ်း ဖြစ်သည်။

စုယန်ယန်တစ်ယောက် ခဏလောက် ကြောင်အနေတုန်းမှာပဲ ဆန့်ကျင်မုန်းတီးသူတွေက ပြာပုံထဲက ထလာကာ လှုပ်ရှားဖို့ အဆင်သင့်ပြင်ထားခဲ့ကြသည်။

[ သူ့မှာ ကျောထောက်နောက်ခံ ရှိကို ရှိတယ်လို့ ငါ ပြောသားပဲ။ မဟုတ်ရင် သူ့ကို ဝက်ဘ်ဆိုဒ်ရဲ့ ပင်မစာမျက်နှာမှာ အမျိုးစုံ ညွှန်းဆိုပေးမှာ မဟုတ်ဘူး ၊ သူက တိုက်ရိုက် ထုတ်လွှင့်တင်ဆက်မှု အခန်းကိုတောင် သူ့ရဲ့ ကျော်ကြား မှုအောင်မြေအဖြစ် အသွင်ပြောင်းလိုက်သေးတယ်။ သူက လူတွေရဲ့ အကောင့်တွေကိုလည်း အချိန်မရွေး ဘလော့ခ်လုပ်နိုင်တော့ သူ့ကို ဘယ်သူမှ ထိပါးစော်ကားလို့ မရဘူး။ ]

[ အပေါ်က တစ်ယောက်က တကယ် သတ္တိရှိတာပဲ။ လူတိုင်း တချို့ ကိစ္စတွေကို သူတို့ရဲ့ နှလုံးသားထဲမှာ သိလို့ တော်သေးတာပေါ့။ မင်း ထုတ်ပြောလိုက်ရင် သူက မင်းကို ဘလော့ခ်မှာလေ။ ]

[ မင်းတို့ လုပ်ရဲရင်လည်း ဘာလို့ တခြားလူတွေကို မပြောခိုင်းတာလဲ။ သူတို့လို မိန်းမမျိုးတွေက အမြဲတမ်း ယောက်ျားအားကိုးနဲ့ အမြင့်ဆုံးကို တက်လှမ်းတာ။ သူ့ရဲ့ ကျော်ကြားမှုနဲ့ဆိုရင် လူ ဘယ်နှယောက် နင်းချေခံရပြီးပြီလဲ ဆိုတာ ဘယ်သူ သိမှာလဲ။ သူတို့ရဲ့ ပရိသတ်တွေက သူတို့မှာ ချမ်းသာတဲ့ ပရိသတ်တွေ ဘယ်လောက်တောင် များကြောင်း ဆက်တိုက် ကြွားဝါးနေလို့ တော်သေးတယ်။ အခု အဲ့ဒီအကောင့်တွေက သူတို့ကုမ္ပဏီရဲ့ ကိုယ်ပိုင်အကောင့်တွေ မဟုတ်တဲ့ပုံပဲ။ ညာဘက်နဲ့ ဘယ်ဘက် အိတ်ကပ်ထဲက ပိုက်ဆံတွေက ညာဘက် အိတ်ကပ်ထဲကိုပဲ ဝင်သွားတယ်။ သူတို့ကို မားကတ်တင်းကိုတောင် ခြိုးခြံချွေတာပြီး လုပ်နေကြတာပဲ။ သူတို့က အမှန်တရားကို မသိတဲ့ တချို့ လူတွေကို သူများ ယောင်တိုင်း လိုက်ယောင်အောင် လှည့်စားပြီး အမြတ်ထုတ်နေတာ။ သူတို့လို အရင်းရှင်တွေရဲ့ မျက်နှာတွေက အရမ်း အရုပ်ဆိုးတယ်။ ]

ထိုလူတွေက စုယန်ယန်ရဲ့ နှာခေါင်းကို လက်ညိုးထိုးပြီး မိသားစုနောက်ခံကို အသုံးပြုကာ ပလက်ဖောင်းပေါ်က တခြား တင်ဆက်သူတွေကို ဖယ်ရှား၍ အမြင့်ကို တက်လှမ်းခဲ့သည်ဟု ကျိန်ဆဲလုနီးပါးပင်။ သူတို့ရဲ့ ထေ့ငေါ့စကားထဲက မနာလိုမှုတွေကို အတိုင်းသား မြင်နေရသည်။

စုယန်ယန်ရဲ့ ပရိသတ်တွေက ဒီနယ်ပယ်မှာ အတွေ့အကြုံရှိသည်။ သူတို့က သူတို့ရဲ့ ပိုင်နက်ထဲမှာ အတင့်ရဲနေတဲ့ ဒီမလိုတမာကောင်တွေကို သည်းမခံဘဲ ချက်ချင်းပဲ ပြန်လည် လှောင်ပြောင်သရော်ခဲ့သည်။

[ အမယ်လေး … တချို့လူတွေကို မနာလိုနေတဲ့ အနံ့တွေကို ကီလိုမီတာ ဟိုးအဝေးလောက်ကတည်းက အနံ့ရနေတယ်။ တင်ဆက်သူက သူ့ယောက်ျားကို အားကိုးပြီး အမြင့်ဆုံးကို တက်လှမ်းခဲ့တယ်တဲ့လား။ ငါ့စိတ်ထဲမှာ ရယ်ချင်တာက လွဲပြီး ကျန်တဲ့ ခံစားချက်ကို မခံစားရတဲ့အတွက် ခွင့်လွှတ်ပါ။ တချို့ လူတွေအနေနဲ့ ယဉ်ကျေးမှုမရှိရင် မကြာခဏ အွန်လိုင်းသုံးကြစမ်းပါ။ ဆန့်ကျင်မုန်းတီးသူတွေက တင်ဆက်သူရဲ့ မိသားစုနောက်ခံနဲ့ တင်ဆက်သူ တိုက်ရိုက် ထုတ်လွှင့်တင်ဆက်မှု စတင်ကတည်းက ဖန်တီးခဲ့တဲ့ ဂန္တဝင် ပစ္စည်းတွေကို အရင်ဆုံး သွားစစ်ဆေးကြည့်သင့်တယ်။ ]

[ အပေါ်က တစ်ယောက်က ‌ဒီလူတွေနဲ့ ပြောဆိုဆက်ဆံတဲ့ နေရာမှာ တော်တော်လေး စိတ်ရှည်တာပဲ။ တင်ဆက်သူဘက်က မားမားမတ်မတ် ရပ်တည်ပေးတဲ့ ဒီလို ပရိသတ်မျိုးကို တွေ့လိုက်ရတော့ ငါလည်း တင်ဆက်သူဘက်က ပါဖို့ ဝန်မလေးတော့ဘူး။ တင်ဆက်သူက သုတေသနဌာနရဲ့ တရားဝင် အကောင့်မှာ အသိပညာတွေကို အဆက်မပြတ် မျှဝေပေးနေတဲ့ လူပဲ။ သုတေသနဌာနရဲ့ တရားဝင် အကောင့်ကတောင် သူ့ကို တိုက်ရိုက် နာမည်တပ်ပြီး မကြာခဏ ချီးကျူးဖူးတယ်။ အမြင့်ကို ရောက်ဖို့ သူ့ယောက်ျားကို အားကိုးစရာ လိုမှာတဲ့လား။ ]

[ ပွင့်ပွင့်လင်းလင်း ပြောရရင် ကမ္ဘာပေါ်မှာ အင်တာနက်တင်ဆက်သူတွေ အများကြီး ရှိပေမဲ့ တင်ဆက်သူလို လူမျိုးကတော့ တစ်ယောက်ပဲ ရှိတယ်။ တင်ဆက်သူရဲ့ အရည်အချင်းနဲ့ ဆိုရင် သူက ဘယ်နေရာမှာမဆို ကျော်ကြားမှာပဲ။ ဒီပလက်ဖောင်းပေါ်မှာ တင်ဆက်သူ မရှိရင် ငါတို့လည်း ဒီပလက်ဖောင်းကို ဆက်သုံးနေမှာ မဟုတ်ဘူး။ အရင်ဆုံး မင်းလုပ်ရပ်တွေကို ရှင်းလင်းပြီးမှ ငါတို့ကို စကားလာပြော။ မဟုတ်ရင် မင်း ဘယ်လောက် ပြောပြော မင်းရဲ့ အသိဉာဏ်မရှိတဲ့ နလပိန်းတုံး ဦးနှောက်ကိုပဲ ဖော်ထုတ်သလို ဖြစ်သွားလိမ့်မယ်။ ]

[ တင်ဆက်သူကို သူ့ယောက်ျားကို မှီခိုနေတယ်လို့ ပြောတဲ့ လူတွေက ဦးနှောက်မရှိတာလား ၊ မျက်လုံးကန်းနေတာလား။ အရိုးရှင်းဆုံး ပြောရရင် တင်ဆက်သူက မနေ့ကမှ ကျားပါးစပ်ထဲကနေ လွတ်မြောက်လာတာ … ဒီနေ့ကျ ကုမ္ပဏီတစ်ခုက စနစ်အကြောင်း ပရိုမိုးရှင်းဆင်းနေပြီ။ တင်ဆက်သူရဲ့ ယောက်ျားကသာ တင်ဆက်သူရဲ့ နာမည်ကျော်ကြားမှုကို အခွင့်ကောင်းယူနေတာပဲ။ ဘယ်သူက ဘယ်သူ့ကို မှီခိုနေတာလဲ ဆိုတာ မျက်လုံးမကန်းတဲ့ လူတိုင်း ပြောနိုင်တယ်။ ]