အခန်း ၈၉၅

အပိုင်း (၈၉၅) မပြောသင့်သူကောင်းမင်

သွေးမြို့တော် ၁၃ ခု၏ အနှစ်သာရများထဲမှ တစ်ခုသည် ကောင်းမင်၏ ခန္ဓာကိုယ်အတွင်း၌ ရှိနေပြီး ၎င်းထံမှ စွမ်းအားများကို စိတ်ကြိုက်ထုတ်ယူသုံးစွဲနိုင်ပေသည်။ သို့သော် ကောင်းမင်ကား လက်တွေ့မဆန်သည့် ခံစားချက်မျိုး ခံစားနေရဆဲ ဖြစ်၏။ ဗဟိုသွေးမြို့တော်သခင်သည် ထိုအရာကို သူ့အား ခေတ္တငှားရမ်းပေးခဲ့ခြင်းမျိုး မဟုတ်ဘဲ ၎င်းသည် မူလကတည်းက သူ့ပိုင်ဆိုင်မှုဖြစ်သည်ဟု ဆိုကာ တိုက်ရိုက်ပေးအပ်ခဲ့ခြင်း ဖြစ်ပုံရသည်။

သွေးမြို့တော်တစ်ခုသည် ပိုင်ရှင်မရှိသည့်တိုင် ၎င်းကိုဖျက်ဆီးပစ်ရန်မှာ ကြီးမားသော ပေးဆပ်မှုမျိုး လိုအပ်ပေသည်။ ထို့ကြောင့် ကောင်းမင်သည် မြို့တော်အနှစ်သာရနှင့် ပေါင်းစည်းရန် မကြိုးစားဘဲ ၎င်း၏ စွမ်းအားကို အသုံးပြု၍ သူ့ကိုယ်သူ ကုစားရန်သာ ကြိုးပမ်းနေခြင်းဖြစ်သည်။

သို့သော်ငြား သူ့တွင် ထိုစိတ်ကူးမျိုးမရှိသော်လည်း သားစားကြူးနတ်ဘုရားကတော့ မတူညီပေ။ ပုပ်သိုးခြင်းနှင့် ပေါင်းစည်းထားသော ကုန်းစီအပါအဝင် သရဲမျက်နှာလေးခုသည် အလွန်အမင်း စိတ်လှုပ်ရှားစွာဖြင့် ထိုအရာကို မက်မောနေကြခြင်းဖြစ်သည်။ ၎င်း၏ ဆွဲဆောင်မှုမှာ ကောင်းမင် ခန့်မှန်းထားသည်ထက် ပိုမိုကြီးမားနေခြင်းပင်။

"နောက်ဆုံးရလဒ် မထွက်မချင်း ဒီမြို့တော်အနှစ်သာရကို မင်းအတွက် ငါ ထိန်းသိမ်းပေးထားမယ်"

သူ့ခန္ဓာကိုယ် မျက်နှာပြင်ပေါ်ရှိ ဒဏ်ရာများ ပျောက်ကင်းစပြုနေပြီ ဖြစ်သော်လည်း အတွင်းဒဏ်ရာများမှာမူ ဖြည်းညှင်းစွာသာ ကုစားနေရဆဲ ဖြစ်သည်။ စိတ်ဖောက်ပြန်မှုဟူသော စွမ်းရည်သည် ရန်သူကို တစ်ထောင်နာကျင်စေပြီး မိမိကိုယ်ကိုယ် ရှစ်ရာခန့် ပြန်လည်ထိခိုက်စေနိုင်သည့် အစွမ်းမျိုး ဖြစ်သောကြောင့် အိပ်မက်နတ်ဘုရားအနေဖြင့် ယခင်က ၎င်းကို အသုံးပြုရန် မစဉ်းစားခဲ့ခြင်းမှာ မဆန်းတော့ချေ။

ထိတ်လန့်ဖွယ်ကောင်းသော စွမ်းအားအတက်အကျတစ်ခုက ကောင်းမင်၏ အတွေးများကို ဖြတ်တောက်လိုက်သည်။ သူသည် ပစ်မှတ်မဟုတ်သော်လည်း လျှံထွက်လာသော စွမ်းအင်များနှင့်ပင် သူ့အရေပြားကို ထိုးဖောက်နေသည့် ဓားထက်ထက်တစ်လက်ကဲ့သို့ ခံစားရစေသည်။

ရှင်းလုသွေးမြို့တော်ရှိရာဘက်သို့ လှည့်ကြည့်လိုက်စဉ် ကောင်းမင် အတော်လေး အံ့အားသင့်သွားရသည်။ ထိုမျှ နာကျင်ရပြီး ကြောက်မက်ဖွယ်ကောင်းသော စွမ်းအားမှာ အားအနည်းဆုံးဟု ထင်ရသည့် ကောင်မလေးထံမှ ထွက်ပေါ်နေခြင်း ဖြစ်သည်။

ထိုကောင်မလေး၏ အမည်အား ရှောင်ပုဟု ခေါ်ပုံရသည်။ သူမ သွေးတံခါးမှ ထွက်လာပြီးနောက် လူကြီးများ၏ နောက်ကွယ်၌သာ ရှက်ကိုးရှက်ကန်းဖြင့် ပုန်းအောင်းနေခဲ့ခြင်းဖြစ်သော်လည်း သူမ၏ မျက်လုံးများမှာမူ သာမန်မိစ္ဆာနတ်ဘုရားများထက်ပင် ပိုမို တက်ကြွနေပေသည်။

"ဗဟိုသွေးမြို့တော်က ဒီမိစ္ဆာနတ်ဘုရားတွေမှာ ကိုယ်ပိုင်ထူးခြားတဲ့ စွမ်းရည်တွေ ရှိနေကြတာပဲ၊ သွေးမြို့တော်သခင်က သူတို့ကို ဘယ်ကနေ ရှာတွေ့ခဲ့တာလဲ၊ ငါသိသလောက်တော့ အနီရောင်ဝတ်ရုံတွေက ပိုအစွမ်းထက်လေ သူတို့ရဲ့ စွဲလမ်းမှုက ပိုကြီးမားလေဖြစ်ပြီး ဆက်သွယ်ရ ပိုခက်ခဲလေပဲ"

ရှောင်ပု၏ အနီရောင်ဝတ်စုံပေါ်တွင် အနက်ရောင် နတ်ဘုရားပုံစံကွက်များ ထွက်ပေါ်လာသည်။ ကောင်းမင် ပို၍ သေချာကြည့်လေ ပို၍ အံ့ဩလေ ဖြစ်သွားရသည်။ အဘယ်ကြောင့်ဆိုသော် ၎င်းတို့မှာ သွေးမြို့တော်သရဲပုံစံကွက်များ ဖြစ်နေသောကြောင့်ပင်။

မူလက သွေးမြို့တော်သခင်များတွင်သာ ရှိတတ်သော သွေးမြို့တော်သရဲပုံစံကွက်များကို ထိုကောင်မလေး၏ အနီရောင်ဝတ်စုံပေါ်တွင် တုပဖန်တီးထားခြင်း ဖြစ်သည်။ သွေးပုံစံကွက်များ လှုပ်ရှားလာသည်နှင့်အမျှ သွေးမြို့တော်တစ်ခု၏ ပုံရိပ်ယောင်သည် မြူပင်လယ်ကို ဖြိုခွဲ၍ ထိုကောင်မလေး၏ နောက်တွင် ပေါ်ထွက်လာတော့သည်။

"ဒါ ဗဟိုသွေးမြို့တော်လား"

ကောင်းမင်ထက် ပိုအံ့အားသင့်သွားသူမှာ အချိန်သွေးမြို့တော်သခင် ဖြစ်သည်။ သူ၏ ယဇ်ပလ္လင်တိုင်းသည် ကောင်းမင်၏ အဖျက်ဆီးခံလိုက်ရသဖြင့် စွမ်းရည်အတော်များများကို အသုံးမပြုနိုင်တော့ချေ။ ယခု သွေးမြို့တော်၏ ပုံရိပ်ယောင်ကို မြင်လိုက်ရသောအခါ တစ်ခုခု မှားယွင်းနေပြီဖြစ်ကြောင်း သူ ချက်ချင်း သိလိုက်ရသည်။

"မင်းက ဗဟိုသွေးမြို့တော်ရဲ့ သရဲပုံစံကွက်တွေကို မိစ္ဆာနတ်ဘုရားတစ်ပါးဆီ တကယ်ကြီး ပေးလိုက်တာလား"

ရန်သူ၏ မေးခွန်းကို မည်သည့်သာမန်လူမှ ဖြေကြားမည်မဟုတ်ပေ။ ချန်ဂီသည် အချိန်မြစ်အတွင်းရှိ ယဇ်ပလ္လင်များကိုသာ တိတ်တဆိတ်စိုက်ကြည့်နေပြီး တောက်ပသော သူ့မျက်လုံးများကြောင့် အချိန်ကိုယ်တိုင်ပင် မသက်မသာ ခံစားနေရသည်။

မကောင်းသော အငွေ့အသက်များ ပိုမိုပြင်းထန်လာပြီး မကြာမီမှာပင် အချိန်သွေးမြို့တော်သခင်၏ အမူအရာမှာ ထပ်မံ ပြောင်းလဲသွားပြန်သည်။ ရှောင်ပု၏ ခန္ဓာကိုယ်ပေါ်တွင် ဗဟိုသွေးမြို့တော်၏ သရဲပုံစံကွက်များ ပြည့်စုံသွားပြီးနောက် အမှောင်ထုများ စွန်းထင်းနေသော သွေးမြို့တော်ပုံစံကွက်များနှင့် ပုပ်သိုးခြင်းသွေးမြို့တော်၏ ပုံစံကွက်များလည်း ထပ်မံ ထွက်ပေါ်လာခဲ့သည်။

သွေးမြို့တော်ပုံရိပ်ယောင်သုံးခုမှာ ညကောင်းကင်ယံနှင့် မြေပြင်ကြားတွင် မားမားမတ်မတ်ရပ်လျက် အချိန်၏ စည်းမျဉ်းများကို ဖိနှိပ်ကြတော့သည်။

"သူက သွေးမြို့တော်သရဲတက်တူးကို ရခဲ့တာ မဟုတ်ဘူး၊ သူ့ကိုယ်ပိုင်စွမ်းရည်ကို အသုံးပြုပြီး တုပဖန်တီးနေတာပဲ၊ သွေးမြို့တော်ပိုင်ရှင်ရဲ့ အပြည့်အဝပူးပေါင်းကူညီမှုနဲ့ သူဟာ သူ့ကိုယ်ပိုင် သွေးမြို့တော်စည်းမျဉ်းတွေကို တည်ဆောက်ဖို့ ကြိုးစားနေတာပဲ"

သွေးဆာသူသည် အဝေးမှနေ၍ အချိန်အတော်ကြာ စူးစိုက်ကြည့်ပြီးနောက် ရှောင်ပု၏ ဖြစ်တည်မှုကို သိရှိသွားခဲ့သည်။ ရှောင်ပုတွင် လီဝမ်ဟုခေါ်သော သရဲမြို့တော်၏ ရှေ့ပြေးပုံစံတစ်ခု ရှိနေခြင်းဖြစ်သည်။ သွေးမြို့တော်ပုံရိပ်ယောင်အားလုံးကို လီဝမ်အား အခြေခံ၍ တုပဖန်တီးထားခြင်း ဖြစ်သည်။ ထိုစွမ်းရည်သည် မိစ္ဆာနတ်ဘုရားများကြားတွင် အလွန်အမင်း အစွမ်းထက်လှသည်မဟုတ်သော်လည်း သွေးမြို့တော် ၁၃ ခု၏ သရဲပုံစံကွက်များကိုသာ ဆက်လက် စုဆောင်းနိုင်မည်ဆိုပါက မည်မျှအထိ ကြောက်မက်ဖွယ်ကောင်းလာမည်ကို သွေးဆာသူပင် မခန့်မှန်းနိုင်ချေ။ ဖြစ်နိုင်သည်မှာ သွေးမြို့တော် ၁၃ ခု၏ ပုံစံကွက်များကို စုစည်းပြီးနောက် သူမသည် အတွင်းကမ္ဘာတွင် ၁၄ ခုမြောက် သွေးမြို့တော်ကို တည်ဆောက်နိုင်ပေလိမ့်မည်။(TL note - လီဝမ်ဆိုတာ လီဝမ်တိုက်ခန်းပါ၊ ချန်ဂီ၏ သရဲအိမ်တွင် ရှုပါ)

"သွေးမြို့တော်သရဲတက်တူးတွေဆိုတာ မြို့တော်ပိုင်ရှင်တစ်ယောက်ရဲ့ လျှို့ဝှက်ချက်အားလုံးကို ဆုပ်ကိုင်ထားတာပဲ၊ ဗဟိုသွေးမြို့တော်ပိုင်ရှင်က ဒါကို တကယ်ပဲ စေတနာအပြည့်နဲ့ ထုတ်ပြခဲ့တာလား၊ ဒီလူက သူ့လက်အောက်ကလူတွေ အစွမ်းထက်လာဖို့အတွက် ဘာကိုမှ ဂရုမစိုက်တော့တာလား"

သွေးမြို့တော်ပုံရိပ်ယောင်သုံးခု၏ စည်းမျဉ်းဖိနှိပ်မှုမှာ ကြောက်မက်ဖွယ်ကောင်းလှပြီး မိစ္ဆာနတ်ဘုရားများအတွက် အင်အားဖြည့်တင်းမှုမှာလည်း အလွန်အမင်း ကြီးမားလှသည်။ သွေးဆာသူသည် ကောင်းမင်ရှိရာဘက်သို့ တစ်ချက်ကြည့်လိုက်ပြီးနောက် သူ့ခန္ဓာကိုယ်က ကမ္ဘာမြေ၏ သွေးရည်များအတွင်းသို့ ဖြည်းညှင်းစွာ ပျော်ဝင်သွားတော့သည်။ သူသည် ခြိမ်းခြောက်မှုကို ခံစားလိုက်ရသဖြင့် ထိုနေရာမှ ထွက်ခွာရန် ရွေးချယ်လိုက်ခြင်း ဖြစ်သည်။

သွေးနီရောင်အလင်းတန်းများ ပျောက်ကွယ်သွားခြင်းသည် အချိန်၏ ကျောရိုးကို ကျိုးစေသည့် နောက်ဆုံးကောက်ရိုးတစ်မျှင် ဖြစ်သွားတော့သည်။ ပထမဆုံး စတင်တိုက်ခိုက်ခဲ့သူမှာ သုညအတုဖြစ်သော်လည်း နောက်ဆုံးတွင် ဒေါသ၏ အကျိုးဆက်များကို ခါးစည်းခံလိုက်ရသူမှာ သူပင် ဖြစ်ခဲ့ရသည်။

အကယ်၍ သွေးမြို့တော်သခင်နှစ်ပါးသာ ပူးပေါင်းခဲ့မည်ဆိုပါက လွတ်မြောက်ရန် အခွင့်အရေး ရှိကောင်းရှိနိုင်သော်လည်း "အကယ်၍" ဆိုသော စကားမှာ အသုံးမဝင်တော့ချေ။

ပုံရိပ်ယောင်သွေးမြို့တော်သုံးခုသည် ရှင်းလုကို ချိတ်ပိတ်လိုက်ပြီးနောက် အသံအားလုံး ပျောက်ကွယ်သွားကာ ရှည်လျားလှသော သရဲပုံရိပ်ကြီးများကိုသာ မြင်တွေ့နေရတော့သည်။ ထိုအခြေအနေတွင်ပင် အချိန်သွေးမြို့တော်အရှင်၏ ခံနိုင်ရည်သည် ခန့်မှန်းထားသည်ထက်ကျော်လွန်နေပြီး ၎င်းကို လုံးဝအမြစ်ပြတ်ချေမှုန်းရန်အတွက် တစ်ပတ်ခန့် အချိန်ယူခဲ့ရသည်။

ညကောင်းကင်ယံ၏ အနက်ရှိုင်းဆုံးနေရာမှ အတွင်းကမ္ဘာသို့ ဆင်းသက်နေသော ချိန်းကြိုးများစွာ ပြတ်တောက်သွားပြီး သက်ရှိအားလုံး အချိန်သည် တစ်စက္ကန့်ခန့် ရပ်တန့်သွားသည်ဟု ခံစားလိုက်ရသည်။ အတွင်းကမ္ဘာ၏ အချိန်စီးဆင်းမှုမှာ ထိုအချိန်မှစ၍ နှေးကွေးသွားတော့သည်။

ကောင်းမင်အပါအဝင် များစွာသော သရဲများသည် ရှင်းပြရခက်သော စိတ်သက်သာရာရမှုမျိုးကို ခံစားလိုက်ရသည်။ ၎င်းမှာ သက်တမ်းများထံမှ အချိန်ကို ခိုးယူနေသော သူခိုးတစ်ယောက်ကို မောင်းထုတ်လိုက်ရသည့်အလားပင်။

အချိန်ကို သတ်ဖြတ်ပြီးနောက် မိစ္ဆာနတ်ဘုရားသည် ပျောက်ဆုံးနေသော ယဇ်ပလ္လင်များကို စုဆောင်းကာ ပိုင်ရှင်မဲ့နေသည့် အချိန်မြစ်ကို ပန်းချီဆရာ၏ လက်ရာများအတွင်းသို့ ပထမဆုံး စုစည်းလိုက်သည်။

"အချိန်သွေးမြို့တော်ပိုင်ရှင်က ငါတို့ရဲ့ မူလပစ်မှတ်ပဲ၊ သူတို့က အရမ်းဒုက္ခပေးလွန်းတယ်၊ အချိန်ကို မရဘဲနဲ့ ငါတို့မှာ စတင်ဖို့တောင် အခွင့်အရေးရှိမှာမဟုတ်ဘူး၊ ဒါကို စိတ်ဖောက်ပြန်မှုကမ္ဘာထဲမှာ မင်း ကောင်းကောင်း ခံစားခဲ့ရမှာပါ"

ချန်ဂီနှင့် ပန်းချီဆရာသည် အချိန်ယဇ်ပလ္လင်ကို ကောင်းမင်အနားသို့ ယူဆောင်လာပေးခဲ့သည်။

"မင်းဖျက်ဆီးခဲ့တဲ့ ယဇ်ပလ္လင်က ငါတို့အတွက် အသုံးမဝင်တော့ဘူး၊ အဲ့ဒီ အလောင်းတွေကို ပြန်ယူတာက မင်းရဲ့ ဖြစ်တည်မှုအစစ်အမှန်ကို ပြန်ရအောင် ကူညီပေးလိမ့်မယ်"

အတိတ်တွင် သေဆုံးခဲ့သော သူ၏ ဗားရှင်းတိုင်းသည် ကောင်းမင်၏ အစိတ်အပိုင်းများပင် ဖြစ်သည်။ သူ တက်လှမ်းခဲ့သော လှေကားထစ်များမှာ သူ၏ ကိုယ်ပိုင်အလောင်းများဖြင့် တည်ဆောက်ထားခြင်း ဖြစ်သည်။

သူ့လက်က ပိုင်ရှင်မဲ့အချိန်ယဇ်ပလ္လင်ကို ထိတွေ့နေသော်လည်း ကောင်းမင်အနေဖြင့် ၎င်းကို သိမ်းပိုက်ရန် ရည်ရွယ်ချက် မရှိပေ။ သူ မျက်လုံးများမှိတ်လိုက်စဉ် အချိန်ဥမင်လိုဏ်ခေါင်းအတွင်း မြှုပ်နှံထားသော မရေမတွက်နိုင်သော သူ၏ ဗားရှင်းများကို မြင်တွေ့လိုက်ရသည်။ အလောင်းတိုင်းတွင် သူ၏ စိတ်ဆန္ဒနှင့် မှတ်ဉာဏ်များ ရှိနေကြသည်။

ကြင်နာမှု၊ မကောင်းမှု၊ ကြောက်ရွံ့မှု၊ ယုတ်မာမှု၊ မြင့်မြတ်မှု။

သူတို့၏ အမည်များသည် အချိန်ကြောင့် ပျက်ပြယ်သွားခဲ့ပြီ ဖြစ်သည်။ ယခုတွင်မူ သူတို့အားလုံးကို 'ကောင်းမင်' ဟုသာ ခေါ်ဆိုကြတော့သည်။

"တစ်ကြိမ်ပြီးတစ်ကြိမ် စိတ်ပျက်အားငယ်မှုတွေကြားကနေ ငါ့ကိုယ်ငါ ပြန်လည်ထူမတ်ပေးခဲ့တာ ငါကိုယ်တိုင်ပဲ"

အလောင်းများနှင့် သေဆုံးမှတ်ဉာဏ်များ ပြန်လည်ရောက်ရှိလာပြီးနောက် ကောင်းမင်၏ စိတ်ဆန္ဒသည် အရည်ပျော်နေသော ဖယောင်းကဲ့သို့ အမှောင်ထုကို ဖြည်းညင်းစွာ လင်းထိန်စေလိုက်သည်။ စိတ်ဖောက်ပြန်မှုကမ္ဘာထဲမှ သေခြင်းတရားကို ကျော်လွှားနိုင်ခဲ့ခြင်းသည် ကောင်းမင်အတွက် အကျိုးကျေးဇူး မရှိသည်တော့ မဟုတ်ချေ။

စိတ်ဖောက်ပြန်မှု ကမ္ဘာသည် အဆုံးမဲ့ လူသားလောကနှင့် အတွင်းကမ္ဘာရှိ ဆန်းကြယ်ပြီး ပုံပျက်ပန်းပျက်ဖြစ်နေသော အရာအားလုံးဖြင့် ဖွဲ့စည်းထားခြင်း ဖြစ်သည်။ လိပ်ပြာ သို့မဟုတ် အိပ်မက် မဟုတ်ဘဲ ကောင်းမင်သည် 'စိတ်ဖောက်ပြန်မှု' ကို ပထမဆုံး အသုံးပြုသူ ဖြစ်လာခဲ့သည်။ ရလဒ်အနေဖြင့် ကောင်းမင်၏ အလောင်းတိုင်းသည် ၎င်းတို့၏ အငွေ့အသက်များကို ထိန်းသိမ်းထားနိုင်ခဲ့သည်။ အထီးကျန်ကျွန်းနှင့် ဝမ်ချင်းတို့သည် အတွင်းကမ္ဘာ၏ ယုံကြည်မှုအပိုင်းအစများ ဖြစ်လာခဲ့သကဲ့သို့ ကောင်းမင်၏ စိတ်ဆန္ဒသည်လည်း မရေမတွက်နိုင်သော ဆန်းကြယ်ပြီး ရူးသွပ်သော ဖြစ်တည်မှုများ၏ နတ်ဘုရား ဖြစ်လာခဲ့ရသည်။

အတိတ်တွင် မရေမတွက်နိုင်သော သေဆုံးမှုများက ကောင်းမင်၏ စိတ်ဆန္ဒကို ဖြစ်ပေါ်စေခဲ့သည်။ စိတ်ဖောက်ပြန်မှုကမ္ဘာမှ ထွက်ပေါ်လာသော ထိုဆန္ဒတစ်ခုတည်းဖြင့်ပင် ကောင်းမင်သည် သာမန် 'မပြောသင့်သူ' များထက်ပင် သာလွန်သွားခဲ့ပြီ ဖြစ်သည်။ ယခုတွင် သူသည် သားစားကြူးသွေးနတ်ဘုရား၏ စွမ်းအားကို အသုံးမပြုဘဲ ဆန်းကြယ်ပြီး ရူးသွပ်သောစည်းမျဉ်းနှင့်ပင် မပြောသင့်သူ ဖြစ်တည်မှုအများစုကို ရင်ဆိုင်နိုင်စွမ်း ရှိနေပြီ ဖြစ်သည်။

လေးနှစ်တာ ကာလအတွင်း အရာအားလုံးကို ရင်းနှီးမြှုပ်နှံပြီးနောက် ကောင်းမင်သည် နောက်ဆုံးတွင် စိတ်ဖောက်ပြန်မှု၏ ပိုးအိမ်ထဲမှ ချိုးဖျက်နိုင်ခဲ့ပြီး အစစ်အမှန် ပြန်လည်မွေးဖွားခြင်းသို့ ရောက်ရှိသွားခဲ့ပြီ ဖြစ်သည်။