အခန်း ၁၂၆၅

အခန်း (၁၂၆၅) ရှုယွီ သေဆုံးပြီးနောက် ဂယက်များ ၂

"ဟူး" ရှန်းယီက မကြာသေးမီက အခြေအနေများကို အကျဉ်းချုပ်မှတ်တမ်းတင်ပြီး ရှန်းရွှီ ဘိုးဘေး ကို နတ်ဘုရားမင်းဆက်သို့ ပြန်လည်ယူဆောင်သွားရန် ပေးအပ်လိုက်၏။

"ဒီယုံကြည်မှုစွမ်းအင်အတွက်တော့ သူ သိပ်ကြာကြာစားသုံးနိုင်မယ် မထင်ဘူး"

အစစ်အမှန်အရှင် ဟောက်မင်က မဟာနတ်ဆိုးကြီး ထိခိုက်သွားပြီးနောက် အဓိပ္ပာယ်မရှိသော ခြိမ်းခြောက်မှုတစ်ခုကိုသာ ချန်ထားခဲ့ပြီးနောက် မည်သည့်လှုပ်ရှားမှုမျှ မရှိတော့သည်ကို သူ ပြန်အမှတ်ရမိသည်။ သူ၏စရိုက်က အစစ်အမှန်အရှင် ယွင်မြောင် နှင့် ဆင်တူပါသည်။

ချင်းကွမ်းဂူက ခိုင်ယွမ် စီရင်စုရှိ ပုံမှန်မဟုတ်သော အခြေအနေများကို မကြာမီ တွေ့ရှိလာမည်ဖြစ်ပြီး လောလောဆယ်တွင် သက်သေအထောက်အထားများမပြသနိုင်လျှင်ပင် ပုံမှန်အငြင်းပွားမှုများမှာ အမြဲတမ်း ရှောင်လွှဲ၍ မရနိုင်ပေ။

"ငါတို့ ဒါကိုဘယ်လောက်ကြာကြာ ထိန်းထားနိုင်မလဲဆိုတာကတော့ ငါတို့ရဲ့ စွမ်းရည်ပေါ်မှာပဲ မူတည်တယ်" ရှန်းယီက မျက်လုံးများကို မှိတ်ကာ ကိုယ်တွင်းပိုင်းသို့ ကြည့်လိုက်၏။

ကောင်းကင်မျှော်စင်တောင်သို့ ဒုက္ခသည် အမြောက်အမြား ဝင်ရောက်လာသည်နှင့်အမျှ စီရင်စုမြို့တော်နှင့် နှိုင်းယှဉ်ပါက လုံးဝ ကွဲပြားခြားနားသောမြင်ကွင်းများကို သူ တွေ့မြင်ခဲ့ရသည်။ ကြွယ်ဝသော ဧကရာဇ်ချီ များကြောင့် အဆင့်တက်လှမ်းလုနီးပါး ဖြစ်နေပြီဖြစ်သော ရှန်းရွှီတာအိုအသီးအပွင့်က နောက်တစ်လှမ်း ထပ်မံ တက်လှမ်းသွားစေခဲ့၏။

ခြောက်နှင့်ခြောက် အသွင်ပြောင်းလဲခြင်းတွင် မူလနတ်ဘုရားလေက မီးခိုးရောင်မြူခိုးများအဖြစ်သို့ ပြောင်းလဲသွားပြီး၊ ယခုအခါ မီးခိုးရောင် မြူခိုးများက သိပ်သည်းသောအမည်းရောင်တိမ်တိုက်အဖြစ် စုစည်းသွားကာ ဗောဓိသတ္တဓမ္မကိုယ်ထည် ပေါ်ရှိ ရွှေရောင်တောက်ပမှုများကို လုံးဝ ဖုံးကွယ်သွားခဲ့ပြီ ဖြစ်သည်။

"ကျုပ်တို့ နားလည်ပါတယ်" တောင်ပိုင်းဧကရာဇ် က အနီးအနားတွင် တိတ်ဆိတ်စွာရပ်နေပြီး သူ၏ မျက်လုံးများတွင် ရက်စက်မှုအရိပ်အယောင်တစ်ခု ထင်ဟတ်နေ၏။

သခင်ဖြစ်သူက မြောက်ပိုင်းတိုက်ကြီးတွင် သူကိုယ်တိုင်ပရမ်းပတာဖြစ်မှုများစွာကို လှုံ့ဆော်ခဲ့သည်။ ယခုအခါ အပြောင်းအလဲများက အရှိန်အဟုန်နှင့်အညီ ရောက်ရှိလာပြီ ဖြစ်၏။

အကယ်၍ သူတို့က အခွင့်အရေးကိုဆုပ်ကိုင်နိုင်ပါက မြောက်ပိုင်းတိုက်ကြီးတွင် ခြေကုပ်တစ်ခု တည်ဆောက်နိုင်မည်ဖြစ်ပြီး၊ မဆုပ်ကိုင်နိုင်ပါက သေဆုံးခြင်းသာ စောင့်ကြိုနေပါလိမ့်မည်။

သခင်နှင့် အစေခံတို့ သာမန်ကာလျှံကာ စကားပြောနေချိန်တွင် ခိုင်ယွမ် စီရင်စု၏အခြားတစ်နေရာ၌..

"လူတွေ ပိုပိုများလာပြီ စီနီယာအစ်ကို"

ဟွားမင်က သူ၏ စီနီယာအစ်ကို၏အင်္ကျီလက်ကို စိတ်လှုပ်ရှားစွာ ဆွဲကိုင်လိုက်၏။ ကနဦးက အလွန် ကံဆိုးသည်ဟု ခံစားခဲ့ရသော်လည်း ညတွင်းချင်း ဤမျှကြီးမားသော အပြောင်းအလဲတစ်ခု ဖြစ်လာမည်ဟု ဘယ်သောအခါမျှ မမျှော်လင့်ထားခဲ့ပေ။

အရှင်ရှုယွီ ပိုင်ဆိုင်ခဲ့သော ယုံကြည်မှုစွမ်းအင်ရင်းမြစ်များက အကြောင်းပြချက်မရှိဘဲ သူတို့ဆီသို့ စတင် စီးဆင်းလာခဲ့၏။ ခန်းမအပြင်ဘက်ရှိ ကောင်းကင်ကန့်လန့်ကာကို တစ်ချက်ကြည့်လိုက်ရုံဖြင့် အဝါရောင်မြူခိုးပါးပါးလေးက မျက်စိရှေ့တွင်ပင်ထူထဲလာကြောင်း မြင်တွေ့ရပေသည်။

"..."

အစစ်အမှန်အရှင် ဟောက်မင်က မတ်မတ်ထိုင်နေပြီး သူ၏နှုတ်ခမ်းများပေါ်ရှိ ဝမ်းသာမှုကို မျိုသိပ်ရန် ရုန်းကန်နေရ၏။

ခိုငိယွမ် စီရင်စုရှိ ယုံကြည်မှုစွမ်းအင်အားလုံးနီးပါးကို သူတစ်နေ့သိမ်းပိုက်နိုင်လိမ့်မည်ဟု သူ ဘယ်သောအခါကမျှ အိပ်မက်မမက်ခဲ့ဖူးပေ။ ဤကဲ့သို့သော ကြွယ်ဝချမ်းသာမှုမျိုးက ခြောက်နှင့်ခြောက် အသွင်ပြောင်းလဲခြင်းကျင့်ကြံသူတစ်ဦးအတွက် စိတ်ကူးကြည့်၍ပင် မရနိုင်သော အရာဖြစ်၏။

သူ တည်ငြိမ်စွာ ဆက်ထိုင်နေရခြင်း၏တစ်ခုတည်းသော အကြောင်းရင်းမှာ သူ၏ရင်ထဲတွင် ဝေဝါးသော စိုးရိမ်ပူပန်မှုတစ်ခု ရှိနေခြင်းကြောင့် ဖြစ်သည်။

နောက်ဆုံးတွင် တပည့်တစ်ဦး အလျင်စလို ပြေးဝင်လာပြီး လျင်မြန်စွာ ပြောလိုက်၏။ "ဆရာ့ကို သတင်းပို့ပါတယ်။ ကျွန်တော်တို့ စုံစမ်းကြည့်တော့ ချင်းကွမ်းဂူက ကယ်ဆယ်ရေးလုပ်ငန်းတွေကို ရပ်ဆိုင်းလိုက်လို့ဒုက္ခသည်တွေ ဒီကို ပြောင်းလာကြတာပါ"

"ကယ်ဆယ်ရေးရပ်ဆိုင်းလိုက်တယ်" အစစ်အမှန်အရှင် ဟောက်မင် က ဇဝေဇဝါဖြစ်စွာ ကြည့်လိုက်၏။

"ဟုတ်ပါတယ်၊ ကယ်ဆယ်ရေး လုပ်ငန်းတွေအတွက်တာဝန်ရှိသူတွေ အားလုံး ပျောက်ဆုံးနေပါတယ်။ ချင်းကွမ်းဂူကို ပြန်သွားလောက်တယ်လို့ ခန့်မှန်းရပါတယ်။ အရှင်ရှုယွီ ဆီကနေလည်း ဘာညွှန်ကြားချက်မှ မကြားရပါဘူး"

အသားများသော မြောက်ပိုင်းတိုက်ကြီးတွင် တစ်စုံတစ်ယောက်က မိမိသဘောဆန္ဒအလျောက် တာအိုနယ်မြေတစ်ခုကို စွန့်လွှတ်လိမ့်မည်ဆိုသည်မှာ တပည့်ဖြစ်သူအတွက်ပင်လျှင် မယုံနိုင်စရာ ဖြစ်နေ၏။

"ဆရာ၊ ကျွန်တော်တို့ အခု ဘာလုပ်ရမလဲ" ဤစကားကိုကြားသောအခါ အစစ်အမှန်အရှင် ဟောက်မင်က လက်သီးကို ဆုပ်လိုက်ပြီး အသက်ပြင်းပြင်းအကြိမ်ကြိမ် ရှူလိုက်ကာ သူ့ကိုယ်သူ နှစ်သိမ့်ရန်အလား ပြောလိုက်၏။

"ငါသိမ်းပိုက်ထားတာမှ မဟုတ်တာ... သေချာ နားထောင်၊အရမ်း တမင်တကာကြီး မလုပ်နဲ့၊ လူတိုင်းကို တန်းတူဆက်ဆံပေး"

အရှင်ရှုယွီ ဘာပဲဖြစ်သွားဖြစ်သွား သူနဲ့ ဘာမှမဆိုင်ပေ။

ယခုအချိန်က အိမ်များ ဆောက်ရန်၊ အစားအစာများဝေငှရန်နှင့် ဒုက္ခသည်များ၏စိတ်ထဲတွင် ဤနတ်ဘုရားအမည်ကို နက်ရှိုင်းစွာမြှုပ်နှံထားနိုင်ရန် အစစ်အမှန်အရှင် ဟောက်မင်၏ ရုပ်တုများ ထားရှိရန် အချိန်ကောင်း ဖြစ်၏။

မျောက်ဝံဖြူသေဆုံးသွားခြင်းမှာ နှမြောစရာကောင်းပြီး၊ ဤထာဝရ ယုံကြည်မှုစွမ်းအင်ရင်းမြစ်ကို ရရှိရန်ဤအခွင့်အရေးကို အကောင်းဆုံး အသုံးချနိုင်ရန်အတွက် သူက ဂိုဏ်းတူတပည့် တစ်ဦးထံမှ နောက်ထပ်တစ်ကောင် ငှားရမ်းရန် လိုအပ်နေသည်။

ဤအကြောင်းကို တွေးမိသောအခါ အစစ်အမှန်အရှင် ဟောက်မင်က ဒေါသအနည်းငယ် ထွက်လာ၏။

ထိုတောင်ပိုင်းတိုက်ကြီးမှ ကျင့်ကြံသူသာ မရှိပါက ဤမျှဒုက္ခရောက်မည် မဟုတ်သလို၊ ယခုတော့ သူတို့က ဤကြီးမားသောကြွယ်ဝမှု၏ တစ်စိတ်တစ်ပိုင်းကို ယူဆောင်သွားခဲ့ကြသည်။

ဤယုံကြည်မှုစွမ်းအင်ရင်းမြစ်များကို သူ သိမ်းပိုက်ထားလျှင်ပင် ခိုင်ယွမ်စီရင်စု တစ်ခုလုံးကို သိမ်းပိုက်ထားသော ဂိုဏ်း၏ကောင်းကင်ပါရမီရှင်အဖြစ် သူ့ကိုယ်သူ မသတ်မှတ်နိုင်သေးပေ။ ဆူးတစ်ချောင်းလိုသူ့ကို စိတ်အနှောင့်အယှက်ပေးနေသည့် ကောင်းကင်မျှော်စင်တောင် ဟူသော အစိတ်အပိုင်း သေးသေးလေး တစ်ခု ရှိနေသေး၏။

ကိစ္စမရှိပါဘူး၊ နောက်ပိုင်းကျရင် အခွင့်အရေးတွေ ရှိလာမှာပါ။

အစစ်အမှန်အရှင် ဟောက်မင်က သူ၏အင်္ကျီလက်ကို ဝှေ့ယမ်းလိုက်ပြီး တပည့်များကို ခန်းမထဲမှ ထွက်ခွာကာ ကိစ္စရပ်များကို လျင်မြန်စွာ ကိုင်တွယ်ခိုင်းလိုက်၏။

တပည့်ဖြစ်သူအပြင်သို့ ခြေလှမ်းလိုက်ချိန်မှာပင် အရပ်ရှည်ရှည်ပုံရိပ်တစ်ခု ဖြည်းညှင်းစွာ ဝင်လာပါသည်။

"မင်းဘာလို့ ဒီမှာ အချိန်ဆွဲနေသေးတာလဲ၊ ဒုက္ခသည်တွေကိုသွားပြီး ချက်ချင်း နှစ်သိမ့်ပေးလိုက်စမ်း" ဟွားမင်က ခေါင်းလှည့်ကာ ဒေါသတကြီးဆူပူလိုက်သော်လည်း သူ စကားပြောလိုက်သည်နှင့် တစ်ပြိုင်နက် သူ၏စီနီယာအစ်ကိုက သူ့ကို ဖိချလိုက်၏။

ထို့နောက်မှသာ မည်သူ ရောက်လာကြောင်း သူ မြင်လိုက်ရသည်။

ဟွားမင်က တစ်ဖက်လူ၏ ခေါင်းပေါ်ရှိ ရတနာ သရဖူကို တိုက်ရိုက်စိုက်ကြည့်နေပြီး၊ သူ၏အကြည့်များ အောက်သို့နိမ့်ဆင်းသွားကာ ဖြူဝင်းနူးညံ့သော်လည်း ခံစားချက်ကင်းမဲ့နေသော မျက်နှာကို မြင်တွေ့လိုက်ရ၏။

သူ၏နှလုံးသားက ပြင်းထန်စွာ ခုန်ပေါက်လာပြီး သူ၏နားထဲတွင် စည်တီးနေသကဲ့သို့ ကျယ်လောင်နေသည်။

သူ့ကို စိတ်လှုပ်ရှားသွားစေသည်မှာ အလှတရား မဟုတ်ဘဲ၊ ပုံမှန်အားဖြင့် ရဲတင်းပြီး သူ၏စီနီယာအစ်ကိုနှင့်ပင် ငြင်းခုံလေ့ရှိသော ဤဂျူနီယာလေးက ယခုအခါ ကြောက်ရွံ့မှုများဖြင့်ပြည့်နှက်နေပြီး ကျိုးနွံသော သားရဲငယ်လေး တစ်ကောင်ကဲ့သို့ ခေါင်းငုံ့နေခြင်း ဖြစ်၏။

"ခင်ဗျား... စီနီယာအစ်မ ယိုယောင်" အစစ်အမှန်အရှင် ဟောက်မင်က အတင်းအကျပ် ပြုံးကာ မတ်တပ်ရပ်လိုက်ပြီး၊ သူ၏လက်ဖဝါးများမှာစိုးရိမ်ပူပန်မှုများကြောင့် ချွေးများစိုရွှဲနေ၏။

သူ အလွန် စိတ်အနှောင့်အယှက် ဖြစ်သွားသည်။

၎င်းကအသွင်ပြောင်းလဲခြင်း တစ်ဆင့်ပိုတက်ခဲ့သည့်တိုင် သူ၏စီနီယာအစ်မ ရောက်လာသည်ကို သူ လုံးဝ သတိမထားမိခဲ့သဖြင့်၊ သူမ၏ခွန်အားအပေါ် သူ၏ကြောက်ရွံ့မှုကို ပိုမို နက်ရှိုင်းသွားစေပြီး သူမကကောလာဟလများထက်ပင်ပိုမို အင်အားကြီးမားနေနိုင်ပါသည်။

သူ ပြောခဲ့သော စကားများကို သူမ မကြားခဲ့ရန်သာ သူ မျှော်လင့်ရ၏။

ယိုယောင်ကို မြင်လိုက်ရခြင်းက အရှင်ရှုယွီ တစ်ခုခုဖြစ်သွားပြီဆိုသည့် သူ၏သံသယကို အတည်ပြုပေးလိုက်ပြီး၊ ၎င်းက ခိုင်ယွမ် စီရင်စုမြေနေရာကို စွန့်လွှတ်လိုက်ခြင်း မဟုတ်ပေ။

သို့သော် ဟောက်မင်က သူ၏အပြစ်ရှိစိတ်ကို လျင်မြန်စွာ မျိုသိပ်လိုက်၏။ "စီနီယာအစ်မမှာ ဘာအမိန့်များ ရှိလို့ပါလဲ"

အစစ်အမှန်အရှင်မ ယိုယောင်က သူတို့နှစ်ဦးကို တစ်ချက်ကြည့်လိုက်ပြီးနောက် စကားစမြည် ပြောရန် ရည်ရွယ်ချက် မရှိဘဲ ခန်းမအပြင်ဘက်သို့ လှမ်းကြည့်ကာ ဖြည်းညှင်းစွာ လှည့်လိုက်၏။ "ဒါတွေကိုလုပ်ဖို့ ဘယ်သူက နင့်ကို ပြောတာလဲ"

"လုပ်... ဘာလုပ်တာလဲ" ဟောက်မင်၏ယခုလေးတင် ပြန်လည်ရရှိလာသော သတ္တိများက ထိုမေးခွန်းကြောင့် အရည်ပျော်ကျသွားပြီး သူသည် မသိစိတ်အရ ခေါင်းကို ငုံ့လိုက်၏။

"ဒီအိမ်တွေနဲ့ ရေ အထောက်အပံ့တွေလေ"

ယိုယောင်က မူလက သူမ၏ဆရာထံမှ ဂိုဏ်းတူတပည့်များကို အကူအညီပေးရန် အမိန့်ရထားခြင်း ဖြစ်၏။ ရှုယွီ ပြန်မလာသေးသည်ကို သတိရသွားသဖြင့်အခြေအနေကို လာရောက်စစ်ဆေးရန် ဆုံးဖြတ်ခဲ့သည်။

ခိုင်ယွမ်စီရင်စုသို့ ရောက်ရှိလာသောအခါ သူမသည် ဇဝေဇဝါဖြစ်စရာမြင်ကွင်းတစ်ခုနှင့် ကြုံတွေ့ခဲ့ရ၏။

ကြီးမားသော ဒုက္ခသည် အရေအတွက်က ပြန့်ကျဲနေပြီး မေးခွန်းများမေးရန် ချင်းကွမ်းဂူ တပည့် တစ်ဦးကိုမျှ မတွေ့ရပေ။

သူမကို ပို၍ဇဝေဇဝါ ဖြစ်စေသည်မှာ မြောက်ပိုင်းတိုက်ကြီး တစ်ခုလုံးတွင် ဟောက်မင် နှင့် ကောင်းကင်မျှော်စင်တောင် အောက်ရှိ တာအိုနယ်မြေများက အသွင်အပြင်အရ ထူးခြားနေခြင်းပင်။

"စီနီယာအစ်မက အဲဒါကို ဆိုလိုတာပဲ" ဟောက်မင် က သက်ပြင်းချလိုက်ပြီး မကျေမနပ်ဖြင့် ပြောလိုက်၏။

"အဲဒါက ကျွန်တော် သဘောဆန္ဒအလျောက် လုပ်ခဲ့တာ မဟုတ်ပါဘူး၊ တောင်ပိုင်းတိုက်ကြီးက ထိုက်ရွှီ ဆေးဧကရာဇ်က အသိမပေးဘဲ ဒီအရာအားလုံးကို လုပ်ခဲ့တာပါ။ကျွန်တော်သာ လိုက်မလုပ်ရင် တာအို နယ်မြေကလူတွေရဲ့ စိတ်က သူ့ဘက်ကို ယိမ်းသွားလိမ့်မယ်"

ယုံကြည်မှုစွမ်းအင်အတွက် ယှဉ်ပြိုင်ရန် ဤကဲ့သို့သော ယုတ်မာသည့် နည်းလမ်းများကို အသုံးပြုရခြင်းမှာ သူ့အတွက် ပထမဆုံးအကြိမ် ဖြစ်၏။ တကယ်တမ်းတွင် သူ့မှာ ရွေးချယ်စရာ မရှိခဲ့ပေ။

"..."

ယိုယောင်က တိတ်ဆိတ်စွာ နားထောင်နေပြီး ညင်သာစွာ ခေါင်းညိတ်လိုက်၏။

သူမက နောက်သို့ လှည့်ကာ ရုတ်တရက် မေးလိုက်သည်။ "ငါ့ရဲ့ဂျူနီယာမောင်လေးကို တွေ့မိသေးလား"

ဟောက်မင် တွင် သူ၏ သံသယများ ရှိနေ၏။ ဤရုတ်တရက်မေးခွန်းက သူ့ကို အလစ်အငိုက် မိသွားစေပြီး အထစ်ထစ်အငေါ့ငေါ့ဖြင့် ပြောလိုက်မိသည်။ "ကျွန်တော် မတွေ့မိပါဘူး။ အရှင်ရှုယွီ ရဲ့ ကိစ္စတွေက ကျွန်တော်နဲ့ ဘာမှ မသက်ဆိုင်ပါဘူး"

ခေါင်းငုံ့ကာ ဘာမှမပြောဘဲနေခဲ့သော ဟွားမင် ပင်လျှင် စိုးရိမ်တကြီးဖြင့် ချွေးပြန်လာ၏။

သူမက မည်သည့် ဂျူနီယာမောင်လေးဟု တိတိကျကျမပြောခဲ့သော်လည်း ဟောက်မင် က ဖိအားမပေးဘဲ ဝန်ခံလိုက်ခြင်း ဖြစ်သည်။

အကယ်၍ တစ်စုံတစ်ယောက် ဒုက္ခရောက်နေပါက အဓိကသံသယရှိသူမှာ အကျိုးအမြတ် အများဆုံး ရရှိသူပင်။ စီနီယာအစ်ကိုက ဒုက္ခသည် အများအပြားကို လက်ခံခဲ့ရာ၊ ယခုအခါ သူသည် အခက်အခဲနှင့် ကြုံတွေ့နေရပြီဖြစ်၏။

"ဟက်" မျှော်လင့်ထားသည့်အတိုင်း အစစ်အမှန်အရှင်မ ယိုယောင်က သူမ၏အကြည့်ကို ရုပ်သိမ်းလိုက်ပြီး လှောင်ပြောင်မှုကို မထိန်းချုပ်နိုင်ခဲ့ပေ။

အခြားတစ်ယောက်ဆိုလျှင် ဟောက်မင်၏ကြောက်ရွံ့နေသော အသွင်အပြင်ကို ကြည့်ပြီး သူ့ကို ချက်ချင်း ဖမ်းဆီး စစ်ဆေးမေးမြန်းပေလိမ့်မည်။

သို့သော် သူမက ခေါင်းခါလိုက်၏။

သူ၏အပြစ်ရှိစိတ်မှာ ထင်ရှားနေသော်လည်း ၎င်းက ရှုယွီ၏ကံဆိုးမှုကို အခွင့်ကောင်းယူ၍ ယုံကြည်မှုစွမ်းအင်ရင်းမြစ်အချို့ကို သိမ်းပိုက်ခြင်းသာဖြစ်ပြီး ချင်းကွမ်းဂူ တပည့်များကို အန္တရာယ်ပြုခြင်းမှ မဟုတ်ပေ။

"နားလည်ပြီ" အစစ်အမှန်အရှင်မ ယိုယောင်က ဝေဝါးစွာ တုံ့ပြန်လိုက်ပြီး ခန်းမထဲမှ ထွက်သွား၏။

သူမ ထွက်သွားပြီးနောက် အစစ်အမှန်အရှင် ဟောက်မင် သည် တုန်လှုပ်နေဆဲဖြစ်သည်။ သူမကို ကိုယ်တိုင်ကိုယ်ကျမြင်တွေ့ရခြင်းက သူမ၏တည်ရှိမှုသည် မည်မျှထည်ဝါကြောင်းကို သက်သေပြနေ၏။

"စီနီယာအစ်ကို၊ငါတို့ အခု အဆင်ပြေသွားပြီလား" ဟွားမင် က ကြောက်ရွံ့စွာ မေးလိုက်သည်။

"အဆင်ပြေတယ်လား..ငါလည်း အဲဒီလိုပဲ မျှော်လင့်ပါတယ်"

အစစ်အမှန်အရှင် ဟောက်မင်က တံတွေးမြိုချကာ ရေရွက်လိုက်ပြီး ရုတ်တရက် လျင်မြန်စွာ ပြေးထွက်သွား၏။ သူက ကောင်းကင်ယံတွင် ဝဲပျံကာ အရှေ့ဘက်သို့ ကြည့်လိုက်သည်။

မျှော်လင့်ထားသည့်အတိုင်း အမည်းရောင်ဂါဝန်နှင့် ပုံရိပ်က ကောင်းကင်မျှော်စင်တောင် သို့ ဦးတည်နေပြီဖြစ်ပြီး တရားထိုင်နေသော လူငယ်လေးဆီသို့ တည့်တည့် သွားနေ၏။

"ငါတို့အပြင်သူလည်း အကျိုးအမြတ် ရခဲ့တာပဲ"

ဟွားမင်လည်း လိုက်လာပြီး သူ၏မျက်နှာတွင် ဝမ်းသာမှုများ ပေါ်လာ၏။ သူက ခေါင်းလှည့်ကာ သူ၏စီနီယာအစ်ကို၏ အကြည့်နှင့် ဆုံလိုက်ရာ၊ သူတို့နှစ်ဦးစလုံး အချင်းချင်း၏မျက်လုံးများထဲတွင် အချင်းချင်းအတွေးများကိုမြင်တွေ့လိုက်ကြသည်။

သူက မသေမျိုးသုံးပါးဂိုဏ်းကဖြစ်ပြီး တောင်ပိုင်းတိုက်ကြီးမှ ကျင့်ကြံသူကမူ ကွဲပြားလေ၏။

စီနီယာအစ်မယိုယောင်က သူ့ကို မည်သည့် ယဉ်ကျေးမှုမျှပြသမည် မဟုတ်ပေ။

ဒုက္ခသည်များနှင့် ပတ်သက်၍ သူ၏ယုတ်မာသောနည်းလမ်းများကို ထည့်သွင်းစဉ်းစားပါက ယနေ့သည် သူ၏ကျဆုံးခန်း ဖြစ်ပေမည်။