အခန်း ၂၆၂၈

အပိုင်း(၂၆၂၈)

အထက်ပိုင်း တောက်ပခြင်းဇုံ အတွင်း ဖန်တီးခြင်း စက်လုံး နှစ်ခုက ကောင်းကင်ကို အလှဆင်နေခဲ့သည်။ ပထမ တစ်ခုက ဝေ့ဝူယင်၏ ကိုယ်ပိုင် ဖန်တီးခြင်း စက်လုံး ဖြစ်ကာ နောက်တစ်ခုမှာမူ တပ်မှူး တစ်ဦး ဖြစ်သည်။ ထိုတပ်မှူး၏ တပ်ဖွဲ့များက သူနှင့် လာရောက် ပူးပေါင်းခဲ့ခြင်း မရှိပေ။ သူသည် ရဲရင့်မှုတွင် အထီးကျန်နေခဲ့ပြီး၊ မရေမတွက်နိုင်သော မျက်လုံးများကို မယုံကြည်နိုင်စွာ ပြူးကျယ်သွားစေခဲ့သည်။ မိမိတို့၏ အသက်ကို စွန့်လွှတ်ရန် မည်သူကများ ထပ်ပြီး ရဲတင်းနေရပြန်သနည်း။

ဖန်တီးခြင်း စက်လုံး အတွင်းမှနေ၍၊ ဝေ့ဝူယင် သည် ဖန်တီးခြင်း စက်လုံး အတွင်းသို့ ပျံသန်းဝင်ရောက်လာသော ထိုပုဂ္ဂိုလ်၏ မည်သူမည်ဝါဖြစ်ကြောင်းကို စောင့်ကြည့်လိုက်ရာ အသစ်ရောက်လာသူကြောင့် အံ့အားသင့်သွားခဲ့ရသည်။ ထိုလူသည် လျှို့ဝှက်ဝိညာဉ် အဆင့် တွင်သာ ရှိနေသေးသော်လည်း၊ နောက်ဆုံးမိနစ်တွင် သူ၏ ကြေညာချက်ကို ရဲရင့်စွာ ဝင်ရောက် ပူးပေါင်းလာခဲ့ခြင်း ဖြစ်သည်။

"သူ(မ)လား..."

သူ၏ ငယ်ရွယ်စဉ် ကာလများကို သတိရလွမ်းဆွတ်မှုများက သူ့အား ရိုက်ခတ်သွားခဲ့သည်။ သူ လှမ်းကြည့်လိုက်သောအခါ သူမ၏ ဖန်တီးခြင်း စက်လုံး အတွင်းသို့ မဝင်ရောက်မီလေးတွင် ထိုအမျိုးသမီးက သူ၏ အသစ်စက်စက် ဖန်တီးခြင်း စက်လုံး ဆီသို့ အကြည့်တစ်ချက် ပစ်လွှတ်လိုက်သည်။ ဆည်းဆာနှင့် အာရုဏ်ဦး ကဲ့သို့သော အလင်းရောင်များ ထုတ်လွှတ်နေသည့် သူမ၏ မတူညီသော အရောင်ရှိသည့် မျက်လုံးများဖြင့် ကြည့်ကာ ပြောလိုက်သည်။

"အမှား မလုပ်နဲ့နော်..."

ထိုစကားကို ပြောပြီးနောက် သူမသည် အထက်သို့ ပျံသန်းသွားကာ၊ ကိုးနာရီ ကန့်သတ်ချက် အတိအကျတွင် သူမ၏ ဖန်တီးခြင်း စက်လုံး အတွင်းသို့ ဝင်ရောက်သွားခဲ့လေသည်။

ဝေ့ဝူယင် ပြုံးလိုက်၏။ မည်သူကများ ထင်ထားခဲ့မည်နည်း။

နောက်ဆုံး စက္ကန့် ပြီးဆုံးသွားပြီးနောက် ပါဝင်သူများကို ချိပ်ပိတ်လိုက်ပြီး ကြေညာခြင်း အဆင့် အတွက် တွက်ချက်မှုများသည် လျှပ်စီးလက်သကဲ့သို့ ချက်ချင်း ဖြစ်ပေါ်လာခဲ့သည်။ ဝေ့ဝူယင် ၏ ဖန်တီးခြင်း စက်လုံးသည် ထပ်ခါထပ်ခါ၊ အကြိမ်ကြိမ် ကျယ်ပြန့်လာခဲ့သည်။ ကီလိုမီတာ ၈၁၀ အထိ ရောက်ရှိသွားခဲ့လေသည်။

[အဆင့်] - တာအို

[ဖန်တီးခြင်း တန်ဖိုး] - ၈,၆၂၃,၉၉၇

ထိုလျှို့ဝှက် သင်္ကေတ စာသားများသည် မျက်စိကျိန်းလောက်အောင် တောက်ပနေခဲ့သည်။ အာဏာရှင်ဆန်သော ထူးချွန်ပြောင်မြောက်မှု၏ တစ်ခုတည်းသော အထိမ်းအမှတ် အဆောက်အအုံ တစ်ခုအဖြစ် ဇုံများကို လင်းလက်တောက်ပသွားစေခဲ့သည်။

ဖန်တီးခြင်း တန်ဖိုး သည် လူတိုင်း၏ ဝိညာဉ်များကို သနားညှာတာမှု ကင်းမဲ့စွာ ထိုးဖောက်ဝင်ရောက်သွားခဲ့ရာ မျက်လုံးများ ပြူးကျယ်သွားကြပြီး မေးရိုးများ‌ အောက်သို့ ပြုတ်ကျသွားခဲ့ရသည်။ နှလုံးသားများ တုန်လှုပ်သွားကာ ခေါင်းများ မူးမိုက်သွားသည်အထိ ခံစားလိုက်ကြရလေသည်။

"ရူးသွပ်စရာပဲ..."

"မဖြစ်နိုင်ဘူး... လုံးဝကို မဖြစ်နိုင်တာ..."

"ကိုး... ကိုး... ကိုး... ကိုးနာရီတည်းနဲ့လား..."

မယုံကြည်နိုင်မှုနှင့် အံ့အားသင့်မှုများ ရောယှက်နေသော အော်ဟစ်သံများသည် အဆုံးမရှိ ထွက်ပေါ်လာခဲ့သည်။ တစ်ချိန်တည်းမှာပင် တိတ်ဆိတ်စွာ အသက်ရှိုက်သံများနှင့် တုန်ယင်နေသော နှုတ်ခမ်းများကိုလည်း တွေ့မြင်ရပေသည်။

ပြင်ပ ကြယ်ကွင်းပြင် စည်းမျဉ်း စစ်မြေပြင် ၏ ဖန်တီးခြင်း ပညာရှင်များသည် သေမျိုး များကဲ့သို့ အဆင့်နိမ့် လျှို့ဝှက် အာဏာရှင်များသာ ဖြစ်ကြသော်လည်း ဂလက်ဆီ အစုအဝေး တစ်ခုလုံးကို လွှမ်းခြုံထားနိုင်သည်။ သို့တိုင်အောင် သူတို့သည် ဤအမှန်တရားကို ချက်ချင်းပင် စိတ်တွင်းမှ ငြင်းပယ်လိုက်ကြလေသည်။ ဤသည်မှာ မည်သို့မျှ မဖြစ်နိုင်သော ကိစ္စရပ်တစ်ခု မဟုတ်ပါလော။

အကယ်၍ ၎င်းသည် ဇုံတစ်ခုလုံးကို လွှမ်းခြုံထားသော အနိမ့်ဆုံး အဆင့် သတ်မှတ်ချက်သာ ဖြစ်ခဲ့မည်ဆိုလျှင်၊ ပေါင်းစပ် ဖန်တီးခြင်း စက်လုံး တစ်ခုအနေဖြင့် ဤရမှတ်မှာ ယုတ္တိတန်ပေမည်။ သို့သော် ၎င်းသည် အဂ္ဂိရတ် ပညာရှင် တစ်ဦးတည်းနှင့်သာ သက်ဆိုင်နေခဲ့သည်။ ထို့အပြင် ဤသည်မှာ ကြေညာခြင်း အဆင့် သာ ဖြစ်ပြီး သူတို့၏ ဖန်တီးခြင်း စွမ်းအားအပေါ် ပထမဆုံးအကြိမ် တိုက်ခိုက်မှုသာ ဖြစ်ပေသည်။ အစွမ်းကုန် သန့်စင်ခြင်း ဂလက်ဆီ မှ လူများပင်လျှင် အံ့အားသင့် မှင်သက်နေခဲ့ကြပြီး ဤအခြေအနေကို လက်ခံနိုင်ခြင်း မရှိကြပေ။

ကြီးကြပ်ရေးမှူးများ နှင့် ကိုယ်စားလှယ်များ ထံသို့ စုံစမ်းမေးမြန်းမှုများ ပြုလုပ်ခဲ့ကြသည်။ သူတို့သည် အဖြေများကို ရှာဖွေခဲ့ကြသည်။ သို့ရာတွင် ဖန်တီးခြင်း တန်ဖိုး ၏ တရားဝင်မှုမှလွဲ၍ အခြား မည်သည့် ရှင်းပြချက်မျှ မရှိခဲ့ပေ။ ဤအခြေအနေသည် ယခင်က အတွင်းပိုင်း ကြယ်ကွင်းပြင် စစ်မြေပြင် ၏ စစ်သားများ နှင့် တပ်မှူးများ ကြုံတွေ့ခဲ့ရသည့်အတိုင်း အလားတူ ဖြစ်ပေါ်လာခဲ့ခြင်း ဖြစ်ပေသည်။

သူတို့တွင် ရွေးချယ်စရာ နှစ်လမ်းသာ ကျန်ရှိတော့သည်။ ဘာမှမလုပ်ဘဲ သေဆုံးခြင်းကို စောင့်ဆိုင်းမည်လော၊ သို့မဟုတ် စည်းမျဉ်း စစ်မြေပြင် ပေါ်တွင် သူတို့၏ ဖန်တီးခြင်း နည်းလမ်းများကို အသုံးပြု၍ တိုက်ပွဲဝင်မည်လော ဆိုသည်ပင် ဖြစ်သည်။ စစ်မြေပြင်သည် ကျွမ်းကျင်မှုနှင့် ဖန်တီးခြင်း အခြေခံမူများအပေါ် တည်ဆောက်ထားသော်လည်း၊ ၎င်း၏ အမှန်တရားသည် သွေးထွက်သံယိုများနှင့် အလောင်းကောင်များ ပြည့်နှက်နေသော စစ်မြေပြင် တစ်ခုထက် ရက်စက်ကြမ်းကြုတ်မှု လျော့နည်းခြင်း မရှိပေ။

ခုခံမည်လော...

သို့မဟုတ်...

သေမည်လော...။

ဖန်တီးခြင်း ပညာရှင်များ သည် အလျင်စလို လှုပ်ရှားလာကြရသည်။ သူတို့သည် ဇုံများအတွင်းရှိ အဖွဲ့အစည်းများနှင့် နယ်စပ်များမှ ကျော်လွန်၍ အခြားဇုံများနှင့် အလောတကြီး ဆက်သွယ်ခဲ့ကြသည်။ ပထမဆုံး အကြိမ်အဖြစ် ဇုံများစွာသည် လွှမ်းမိုးနိုင်လွန်းသော ရန်သူကို ခုခံရန် အဖွဲ့အစည်း တစ်ခုတည်းအဖြစ် မဟာမိတ်ဖွဲ့ရန် အတင်းအကျပ် ဖိအားပေးခံခဲ့ရသည်။

သူတို့သည် တပ်ဖွဲ့များကို စုရုံးကာ ခွန်အားများကို စုစည်း၍ လက်တုံ့ပြန်ရန် ကြိုးစားခဲ့ကြသည်။ မိန့်ခွန်းများ ပြောကြားခြင်း၊ မဟာမိတ်ဖွဲ့ခြင်းနှင့် ရန်ငြိုးများကို ဘေးဖယ်ထားခြင်းများ ပြုလုပ်ခဲ့ကြသည်။ လူအများ မျှော်လင့်ထားသည်ထက် ပိုမို ကြီးမားသော လိုအပ်ချက်များကြောင့် စည်းလုံးညီညွတ်မှု တစ်ခု ဖြစ်ပေါ်လာခဲ့လေသည်။

တိုက်တန်၊ ကောင်းကင်မျိုးနွယ်၊ အဘိဿဲ၊ လူသား၊ သို့မဟုတ် စစ်မြေပြင် တွင် ပါဝင်ခွင့်ရရန် ကောင်းချီးပေးခံထားရသော အခြား မည်သည့် လူမျိုးပင် ဖြစ်စေကာမူ သူတို့၏ ကွဲပြားခြားနားမှုများကို ဘေးဖယ်ထားလိုက်ရသည်။

ဝေ့ဝူယင်သည် တီလီ ၏ ဘေးသို့ ဖြည်းညင်းစွာ ဆင်းသက်လာခဲ့သည်။ သူမ၏ မျက်လုံးများသည် သူ၏ မျက်နှာသွင်ပြင်ကို အာရုံစိုက်နေပြီး သူ၏ လျှို့ဝှက်ချက်များကို ထိုးဖောက်ကြည့်ရှုလိုပုံ ရပေသည်။ သူမ၏ အကြည့်များ သူ့ထံတွင် နက်ရှိုင်းစွာ ရပ်တန့်နေသည်ကို မြင်သောအခါ ဝေ့ဝူယင် ၏ နှုတ်ခမ်းများက အပြုံးတစ်ခုအဖြစ်သို့ ကွေးတက်သွားခဲ့သည်။

"ငါ့မျက်နှာမှာ တစ်ခုခု ပေနေလို့လား..."

တီလီသည် တုန်ခါသွားခဲ့သည်။ သူမ သတိဝင်လာပြီး ခေါင်းကို ကမန်းကတန်း ခါယမ်းကာ ပြန်ပြောလိုက်သည်။

"ဘာမှ မပေပါဘူး... ရှင့်မျက်နှာမှာ ဘာမှ မရှိပါဘူး..."

"အာ... ငါ ရုပ်ချောတဲ့အကြောင်း မင်း ပြောတော့မလားလို့ ထင်နေတာ..."

ဝေ့ဝူယင်က သူ၏ ပါးပြင်များကို ပွတ်သပ်ရင်း ရယ်မောလိုက်သည်။ အမှန်တကယ်တော့ သူ၏ လုပ်ရပ်များသည် အတော်လေးကို ပင်ပန်းနွမ်းနယ်စရာ ကောင်းလှပေသည်။ ကိုးနာရီ ဆိုသည်မှာ အချိန်ကြာမြင့်သော ကာလတစ်ခု မဟုတ်ပေ။ ထို့အပြင် ဤ ပြင်ပ စစ်မြေပြင် တွင် ဖော်စပ်နိုင်သော၊ ဖန်တီးနိုင်သော သို့မဟုတ် လုပ်ဆောင်နိုင်သော ရရှိနိုင်သည့် ထုတ်ကုန်များ၊ အဆောင်များ နှင့် ကျမ်းစာများ စာရင်းသည် အတွင်းပိုင်း စစ်မြေပြင် ထက် သိသိသာသာ များပြားနေခဲ့သည်။ သူသည် ထုတ်ကုန်သစ် အချို့ကို ဖော်စပ်ခဲ့ရသည်။ ကံကောင်းထောက်မစွာဖြင့် သူ၏ လွတ်လပ်သော ဆေးဖော်စပ်ခြင်း နည်းလမ်း ကြောင့် ထုတ်ကုန်သစ်များ ဖော်စပ်ရာတွင် သူသည် အတော်လေး ကျွမ်းကျင်နေခဲ့သည်။

တီလီ၏ မျက်နှာလေး နီရဲသွားခဲ့သည်။ သူမသည် အကြည့်ကို အနည်းငယ် လွှဲဖယ်လိုက်ပြီး ပြောလိုက်သည်။

"ရှင် ချောပါတယ်..."

"အို... ဟုတ်လား..."

ဝေ့ဝူယင်က ရွှတ်နောက်နောက် ပြုံးလိုက်ပြီး သူမ အနီးသို့ တဖြည်းဖြည်း တိုးကပ်သွားခဲ့သည်။ သူ၏ အတုမဲ့ ဖန်တီးခြင်း အဂ္ဂိရတ် ကြယ်တာရာများသည် တောက်ပစွာ လင်းလက်နေပြီး ၎င်းတို့၏ နက်ရှိုင်းသော နေရာများတွင် ရမ္မက် မီးတောက်ငယ် တစ်ခု ကခုန်နေခဲ့သည်။

တီလီသည် သူမ၏ ခန္ဓာကိုယ် ပူနွေးလာသည်ကို ခံစားလိုက်ရသည်။ မကြာသေးမီက အမှတ်တရများသည် သူမ၏ ခန္ဓာကိုယ်ကို လွှမ်းမိုးသွားခဲ့ပြီး သူမ၏ ခြေတံများကို အနည်းငယ် စုဆန့်သွားစေခဲ့သည်။ သူမ ခေါင်းမော့ရင်း ဝေ့ဝူယင် ၏ မျက်လုံးများနှင့် ဆုံမိသောအခါ သူမ၏ ခန္ဓာကိုယ်သည် ထိန်းမနိုင်သိမ်းမရ တုန်ယင်သွားခဲ့လေသည်။ သူမ၏ မျက်လုံးများ တွေဝေသွားကာ နှုတ်ခမ်းများမှ ညင်သာသော ညည်းတွားသံလေး တစ်ခု ထွက်ပေါ်လာခဲ့သည်။

ဝေ့ဝူယင်က ရယ်မောလိုက်ပြီး သူမကို မှုန်ဝါးဝါး ဝိညာဉ်အင်အား ကာကွယ်မှု တစ်ခုဖြင့် ဖုံးအုပ်ပေးလိုက်သည်။ သူမသည် နက်ရှိုင်းစွာ ဖုံးကွယ်ခံလိုက်ရသည်။ သို့ဖြစ်လေရာ... သူမ၏ ခြေထောက်များ ခွေယိုင်ကျသွားပြီး နှုတ်ခမ်းများ စူကာ ညည်းတွားလိုက်သောအခါ သူမ၏ အခြေအနေကို စပ်စုလိုသော မျက်လုံးများမှာ မမြင်တွေ့နိုင်တော့ပေ။ ထိုသို့သော မျက်လုံးများစွာ ရှိနေခဲ့သည်။ ယခုအချိန်တွင် သူတို့နှစ်ဦးသည် လူတိုင်း၏ အာရုံစိုက်မှု ဗဟိုချက် ဖြစ်နေသောကြောင့်ပင်။

"လူဆိုးကြီး..."

တီလီက ညည်းတွားလိုက်သည်။ သူမ၏ အသံလေးသည် အတော်လေး စိတ်လှုပ်ရှားဖွယ် ကောင်းနေခဲ့ပြီး ဝေ့ဝူယင်၏ ရမ္မက် နှလုံးသားကို နှိုးဆွလိုက်လေသည်။ သို့ရာတွင် နောက်ဆုံး၌ သူ၏ ဝိညာဉ်အတွင်းမှ မြင့်တက်လာသော ဤသဘာဝ ခံစားချက်များကို သူက အပြည့်အဝ ထိန်းချုပ်နိုင်ခဲ့သည်။ ဤသည်မှာ အမွေခံ အပြစ်သား တစ်ဦး ဖြစ်လာရန် အဓိက ကြိုတင်လိုအပ်ချက်ပင် ဖြစ်ပေသည်။

သက်ဆိုင်ရာ အပြစ်နှင့် ပတ်သက်သော သင်၏ ခံယူချက်ကို နားလည်သဘောပေါက်ရင်း၊ အပြစ်ကို ထိန်းချုပ်ရန်၊ ငြင်းပယ်ရန်၊ လက်ခံရန်နှင့် ဖယ်ရှားရန် စွမ်းရည်ပင် ဖြစ်ပေသည်။

သူ၏ ဝိညာဉ်အတွင်း၌ ဆာလောင်မွတ်သိပ်မှုသည် ကြီးထွားနေခဲ့သည်။ သို့သော်လည်း ၎င်းက သူ၏ ဝိညာဉ်ကို အဓိပ္ပာယ် ဖွင့်ဆိုနိုင်ခြင်း မရှိခဲ့ပေ။ သို့တိုင်အောင် ထိုအရာသည် အခြားသူများထံတွင် အပြစ်၏ ထူးခြားမှုကို နှိုးဆွပေးရန် လုံလောက်နေခဲ့ပြီး ရည်ရွယ်ချက်ရှိရှိနှင့် ဟန်ချက်ညီညီ ပျံ့နှံ့သွားစေခဲ့သည်။ တုလင်၊ စုမေ့၊ နာ့ရှင်းယီ၊ ကျူးဟိုင် နှင့် အခြားသူများစွာတို့သည် ထိုဆာလောင်မွတ်သိပ်မှု၏ ကူးစက်ခြင်းကို ခံခဲ့ကြရသည်။ ၎င်းကြောင့် သူတို့၏ ဘဝများသည် လုံးဝ ပြောင်းလဲသွားခဲ့လေသည်။

သူ၏ အပြစ်သား သွေးမျိုးဆက်သည် မည်ကဲ့သို့ အဆက်မပြတ် ဖွံ့ဖြိုးတိုးတက်နေကြောင်းကို သူ တွေးတောနေမိသည်။ အထူးသဖြင့် အပြည့်အဝ လျှို့ဝှက် အာဏာရှင် တစ်ပါး ဖြစ်လာပြီးနောက်ပိုင်းတွင် သူ၏ အပြစ်သား သွေးမျိုးဆက်သည် သူ၏ ဝိညာဉ်အတွက် အကျိုးပြုသော စွမ်းအင်များကို အလိုအလျောက် ထုတ်လုပ်ပေးနေပုံ ရသည်။ ၎င်းသည် အနာဂတ်တွင် အစစ်အမှန် အပြစ်သား ဝိညာဉ် ကျင့်စဉ် ကို ကျင့်ကြံရန် သူ၏ ဝိညာဉ်ကို ကြိုတင် ပြင်ဆင်ပေးနေသည့်အလား ပင်တည်း။ အကယ်၍ သူ၏ ခန့်မှန်းချက်သာ မှန်ကန်ခဲ့မည်ဆိုလျှင် ရမ္မက်နှင့် မာန မူလ အပြစ်သား မျိုးစေ့ များသည် ဤကျင့်ကြံခြင်း အဆင့်အတွင်းတွင် အပြစ်သား စွမ်းအင်များဖြင့် ပျိုးထောင်ခံရပြီး အာဟာရ ဖြည့်တင်းခံရမည် ဖြစ်ပေသည်။

၎င်းသည် သူတော်စင် အဆင့် သို့ ဝင်ရောက်ပြီးနောက်မှသာ စနစ်တကျ နိုးထလာရန် ရည်ရွယ်ထားသော်လည်း၊ သူ၏ လုပ်ရပ်များသည် သူ၏ အပြစ်သား သွေးမျိုးဆက် ကို အလွန် စောစီးစွာ နိုးထလာစေခဲ့သည်။ ထိုမျှမက ထိုအဓိက လုပ်ဆောင်ချက်ကိုပါ နှိုးဆွပေးနေခဲ့ပေသည်။

နောက်ဆုံးတွင် သူ ခေါင်းမော့ကြည့်လိုက်ရာ၊ သူနှင့် ချိတ်ဆက်ထားသော သိသိသာသာ သေးငယ်သည့် ဖန်တီးခြင်း စက်လုံး ကို သတိပြုမိလိုက်သည်။ ၎င်းတို့သည် ဖန်တီးခြင်း စက်လုံး တစ်ခုတည်းအဖြစ် အပြည့်အဝ ပေါင်းစည်းသွားခြင်း မရှိသေးပေ။ သို့သော် တဖြည်းဖြည်းချင်း ပေါင်းစည်းနေခဲ့သည်။ အခြားတစ်ဖက်ရှိ ဖန်တီးခြင်း စက်လုံးများ ကြေညာခြင်း အဆင့် ကို ပြီးမြောက်ပြီးနောက်တွင် ဤလုပ်ငန်းစဉ်သည်လည်း ပြီးဆုံးသွားဖွယ် ရှိပေသည်။

***