အခန်း ၂၈၄

အပိုင်း ၂၈၄

အမှန်တော့ ကျန်းဖန် အပါအဝင် လုံထန်ဂရု၏ အဆင့်မြင့်အရာရှိအတော်များများသည် လင်းဖန်၏ လုပ်ဟန်ကို ကျွမ်းဝင်နေကြပြီ ဖြစ်သည်။

​အလုပ်လုပ်သည့်အချိန်တွင်မူ သိပ်ကို လေးလေးနက်နက် ရှိရန်လိုအပ်ပြီး၊ ထိုသို့မဟုတ်ပါက ဥက္ကဋ္ဌကြီး၏ ဒေါသအမျက်ကို ဘယ်လိုမှ ခံနိုင်ရည်ရှိကြမည်မဟုတ်သဖြင့် လူတစ်စုလုံးသည် အားသွန်ခွန်စိုက် ကြိုးစားလုပ်ကိုင်ကြသည်။

သို့သော် အလုပ်ချိန်ပြင်ပတွင်မူ လူတိုင်းသည် အလွန်ပင် ပေါ့ပေါ့ပါးပါး ရှိကြသည်။ နောက်ပြောင်၍ရသည့်အချိန်တွင် နောက်ပြောင်ကြပြီး ဘာမဆို အဆင်ပြေလှပေသည်။ လင်းဖန်ကလည်း ဤအရာကို စိတ်ထဲမထားပေ။

​"ကဲပါ၊ ဘာကိစ္စရှိလို့လဲဆိုတာ ပြောစမ်းပါဦး။" လင်းဖန်က သူ့ကို မျက်စောင်းတစ်ချက်ထိုးလိုက်ပြီး အဓိပ္ပာယ်ပါပါ မေးမြန်းလိုက်သည်။

​စကားပုံတစ်ခုရှိသည်မဟုတ်ပါလား၊ 'အကြောင်းမရှိဘဲ ဘုရားကျောင်းမတက်ဘူး' (အကြောင်းမရှိဘဲ အရေးကြီးပုဂ္ဂိုလ်ဆီ မလာဘူး) ဆိုသလိုပင်။ လုံထန်၏ ထူးခြားခန့်ညားလှသော စီအီးအို (CEO) တစ်ယောက်သည် တစ်နေ့လုံး ခြေမလွတ်လက်မလွတ် အလွန်အလုပ်ရှုပ်နေသူဖြစ်ရာ၊ သူက သူ့ထံသို့ ရိုးရိုးလေး လာလည်ခြင်းဖြစ်သည်ဟု ပြောပါက အနည်းငယ် မဆီလျော်လှချေ။

​"ဥက္ကဋ္ဌကြီး၊ ကျွန်တော်တို့ ဂရုရဲ့ မကြာသေးမီက နိုင်ငံပိုင်စီးပွားရေးလုပ်ငန်းတွေနဲ့ ပူးပေါင်းဆောင်ရွက်မှုက အောင်မြင်စွာ ပြီးဆုံးသွားခဲ့ပါပြီ။"

​"အော်... အောင်မြင်သွားပြီ ဟုတ်လား။"

​လင်းဖန် ဤသတင်းကို ကြားလိုက်ရသောအခါ မျက်လုံးအစုံ ပြူးကျယ်သွားရတော့သည်။ ဤစကားလုံး၏ အောင်မြင်မှုက ဘာကိုဆိုလိုသလဲဆိုတာကို သူ သိနေသည်မဟုတ်ပါလား။ ယင်းက လုံထန်ဂရုအနေဖြင့် မိုဘိုင်းလ်ဖုန်း အလုံးရေ သန်း ၃၀ ပိုမိုရောင်းချရမည့် အမှာစာ (Order) တစ်ခု ရရှိတော့မည်ကို ဆိုလိုခြင်း ဖြစ်သည်။

​သန်း ၃၀ ဆိုသည်မှာ အလုံးရေ ၃၀၀ မဟုတ်၊ ၃,၀၀၀ မဟုတ်၊ ၃၀,၀၀၀ လည်း မဟုတ်ဘဲ အလုံးရေ ၃၀,၀၀၀,၀၀၀ (သန်း ၃၀) တိတိ ဖြစ်သည်။ ယခုအချိန်တွင် နီဗားနားဖုန်း၏ ရောင်းအားအတွက် သန်း ၃၀ ဆိုသည်မှာ နက္ခတ္တဗေဒဆိုင်ရာ ကိန်းဂဏန်းကြီးတစ်ခုဖြစ်ပြီး သူ ယခင်က တစ်ခါမှ မတွေးဝံ့ခဲ့ဖူးသော အရာပင် ဖြစ်သည်။

မိမိ၏ ထုတ်ကုန်ပစ္စည်းများကို ပိုမိုရောင်းချချင်သူ မည်သူမဆို ရှိသည်မဟုတ်ပါလား။ ပိုမိုရောင်းချရခြင်းက ငွေကြေး ပိုမိုရရှိစေရုံသာမက ကုန်အမှတ်တံဆိပ် (Brand) ၏ လူကြိုက်များကျော်ကြားမှုကိုလည်း မြှင့်တင်ပေးနိုင်သည်။

​ယင်းက ထိုကဲ့သို့သောအကျိုးသက်ရောက်မှု ရှိသည်ကို မသံသယဖြစ်ပါနှင့်။ အဘယ်ကြောင့်ဆိုသော် သင်က စုစုပေါင်းရောင်းအား အချက်အလက်ကို ထုတ်ပြန်လိုက်သည်နှင့်တစ်ပြိုင်နက် မီဒီယာလောကတစ်ခုလုံး ရုတ်ချည်း ပေါက်ကွဲပွက်လောရိုက်သွားမည် ဖြစ်သောကြောင့်ပင်။

ဤပေါက်ကွဲအားမျိုးသည် လွယ်လွယ်နှင့် ရရှိနိုင်သောအရာမဟုတ်သလို၊ အခြေခံရမည့် အချက်အလက် ကိန်းဂဏန်းများက အတိုင်းအတာတစ်ခုအထိ မရှိဘဲနှင့်လည်း ဤပေါက်ကွဲအားကို ပေါ်ပေါက်စေရန် လုံးဝ မဖြစ်နိုင်ချေ။ သန်း ၃၀ ဆိုသည့် ပမာဏမှာမူ အလွန်ပင် အားကောင်းလှသော ပေါက်ကွဲအားတစ်ခု ဖြစ်သည်။

​အကယ်၍ အမှန်တကယ် အောင်မြင်သွားခဲ့လျှင် ငွေကြေး ပိုမိုရရှိစေရုံသာမက 'နိီဗားနား မိုဘိုင်းလ်ဖုန်းကိုလည်း မြင့်မားသော အဆင့်အတန်းတစ်ခုဆီသို့ ရုတ်ချည်း ရောက်ရှိသွားစေမည် ဖြစ်သည်။ နိုင်ငံပိုင်စီးပွားရေးလုပ်ငန်းများကပင် တစ်ကြိမ်တည်းနှင့် ယွမ် ၃၀ မီလီယံ (ဖုန်းအလုံးရေ သန်း ၃၀) အထိ မှာယူခဲ့ကြသည်ဆိုလျှင် နိုင်ငံပိုင်လုပ်ငန်းများက နီဗားနအပေါ် မည်မျှအထိ အကောင်းမြင်မျှော်လင့်ထားကြောင်း ပြသနေခြင်းပင်။

​သို့သော်လည်း အဆုံးစွန်တွင်မူ လုံထန်သည် ဆက်လက်တောင့်ခံထားခဲ့ပြီး အလွယ်တကူ သဘောမတူခဲ့ချေ။ အံကြိတ်ကာ ယခုအချိန်အထိ တောင့်ခံထားခဲ့ခြင်းမှာ အဆင့်မြင့်အမှုဆောင်များက ရောင်းအား ပိုမိုမလိုချင်၍ မဟုတ်ဘဲ ဥက္ကဋ္ဌ လင်းဖန်၏ ထပ်တလဲလဲ အမိန့်ပေးညွှန်ကြားချက်များကြောင့် ဖြစ်သည်။

ကံကောင်းထောက်မစွာဖြင့် ထိုမျှလောက်အထိ အချိန်ယူ ညှိနှိုင်းခဲ့ရပြီးနောက် မိမိတို့ဘက်က အောင်မြင်မှု အချိုးအကွေ့ကို ဖော်ဆောင်နိုင်ခဲ့ပြီ ဖြစ်သည်။ အချို့သော အဓိကသော့ချက်အချက်အလက်များကို မိမိတို့ဘက်က အလျှော့မပေးခဲ့ဘဲ အမြဲတမ်း တောင့်ခံထားနိုင်ခဲ့သည်။

​အကယ်၍ အခု အောင်မြင်မှုအကြောင်း ပြောနေပြီဆိုလျှင် စျေးနှုန်းကိစ္စ သို့မဟုတ် တန်ရွမ်အော်ပရေတင်းစနစ်ကို အစားထိုးရန် ကိစ္စကဲ့သို့သော လွန်လွန်ကဲကဲ တောင်းဆိုထားသည့် အခြေအနေများကို ကျွန်ုပ်တို့ဘက်က တစ်ခုမျှ သဘောမတူခဲ့ကြောင်းကိုလည်း ဆိုလိုခြင်း ဖြစ်သည်။ နိုင်ငံပိုင်စီးပွားရေးလုပ်ငန်းသည် ဖုန်းအလုံးရေ သန်း ၃၀ အမှာစာကို ဆုပ်ကိုင်ထားပြီး အလွန်ပင် လွန်လွန်ကဲကဲဖြစ်သော အခြေအနေအချို့ကို ဖိအားပေးတောင်းဆိုခဲ့သဖြင့် ဂရုတစ်ခုလုံးကို အလွန်ပင် စိတ်မသက်မသာ ဖြစ်စေခဲ့သည်။

ယခုအခါ ထိုလွန်ကဲလှသော တောင်းဆိုချက်များကို သဘောမတူခဲ့ဘဲ သေးငယ်သော အချက်အချို့တွင်သာ အပြန်အလှန် လိုက်လျောမှုပြုလုပ်ပြီး အမှာစာကို ရရှိခဲ့ခြင်းဖြစ်ရာ ဝမ်းသာစရာကောင်းသောအရာ မဟုတ်ပါလား။

​"တကယ်ပဲ အဆင်ပြေသွားပြီလား။" လင်းဖန် ဤအကြိမ်တွင် အတည်ပြုချက် ရရှိခဲ့သော်လည်း သူ၏ စိတ်ထဲတွင်မူ မသေချာသေးသည့် စိတ်လှုပ်ရှားမှုအချို့ ရှိနေဆဲပင်။

​"ဟုတ်ကဲ့၊ အားလုံး အဆင်ပြေသွားပါပြီ။" ကျန်းဖန်က လေးနက်စွာ ခေါင်းညိတ်လိုက်ပြီး သက်ပြင်းတစ်ချက် ချလိုက်သည်။ အကယ်၍ သူကသာ ဆက်ပြီး မဇွဲနပဲမထားခဲ့လျှင် ဤအမှာစာ ရှိလာလိမ့်မည်မဟုတ်ဟု သူ စိုးရိမ်ခဲ့မိသည်။

​ထိုစဉ်က လင်းဖန်၏ အမိန့်မှာ ထိုနိုင်ငံပိုင်စီးပွားရေးလုပ်ငန်းများနှင့် ဆက်သွယ်မှု ဖြတ်တောက်ပြီး အခြားနေရာများကိုသာ အာရုံစိုက်ရန် ဖြစ်သော်လည်း၊ သူက စမ်းသပ်ကြည့်ချင်သေးသည်ဟုသာ ပြောခဲ့ကြောင်း သင်သိထားသင့်သည်။

ယခုအချိန်အထိတော့ ကျန်းဖန်၏ ဇွဲနပဲထားမှုမှာ တန်ဖိုးရှိကြောင်း သက်သေပြလိုက်ပြီဖြစ်ပြီး၊ ထို့အပြင် ယခုအကြိမ်တွင် ပိုမိုကြီးမားသော အံ့သြစရာတစ်ခု ရှိနေသေးသည်။

​"အလုံးရေ ၃၅ သန်း တိတိပါဗျာ။"

​ကျန်းဖန်၏ မျက်နှာတွင်လည်း ဝမ်းမြောက်ကြည်နူးမှုများဖြင့် ပြည့်နှက်နေသည်။ သူ၏ မောပန်းနွမ်းနယ်နေသော အမူအရာပင် ကွယ်ပျောက်သွားခဲ့ရသည်။ သူသည် အမှန်တကယ်ပင် ပြုံးပျော်နေသင့်ပြီး ဤအပေးအယူကို ညှိနှိုင်းအောင်မြင်ခဲ့သည့်အတွက် ပို၍ပင် ဝမ်းသာသင့်လှပေသည်။ ၎င်းက သိပ်ကို ကြီးမားလှပြီး ကုမ္ပဏီအတွက် အမြတ်အစွန်းများစွာ ဖန်တီးပေးနိုင်မည် မဟုတ်ပါလား။

​"ဘယ်လိုဖြစ်ပြီး ၃၅ သန်းအထိ ဖြစ်သွားတာလဲ။" လင်းဖန် အလွန်ပင် ဇဝေဇဝါ ဖြစ်သွားခဲ့သည်။

​"ဒါက ယာယီထပ်တိုးလိုက်တာပါဗျ။"

​ကျန်းဖန်ကိုယ်တိုင်လည်း ဤသို့ အဘယ်ကြောင့် ဖြစ်ပျက်ခဲ့သည်ကို အသေအချာ မသိရှိသော်လည်း သူ့တွင် ကိုယ်ပိုင်တွေးဆချက်တော့ ရှိသည် - "ဖြစ်နိုင်တာကတော့ အထက်လူကြီးတွေဘက်က ထိန်းချုပ်မှုကို အနည်းငယ် လျှော့ချပေးလိုက်တာ ထင်ပါတယ်။ မူလက ဒီတစ်ကြိမ် ညှိနှိုင်းမှုမှာ အကျပ်အတည်းဖြစ်ပြီး လိပ်ခဲတည်းလည်း ဖြစ်နေခဲ့တာပါ။ ဒါပေမဲ့ သူတို့ အထက်က ဖုန်းတစ်ချက် လက်ခံရရှိပြီးတဲ့နောက်မှာတော့ ညှိနှိုင်းမှုကို တိုက်ရိုက် အဆုံးသတ် နိဂုံးချုပ်လိုက်ကြတာပဲ။ ကျွန်တော့်အမြင်အရတော့ ဒါဟာ အထက်က အမိန့်ညွှန်ကြားချက်ကြောင့်ပဲ ဖြစ်ရပါမယ်။"

အမှန်တော့ ဤတွေးဆချက်နှင့် ဤအကြောင်းပြချက်မှလွဲ၍ အခြားရှင်းပြချက် မရှိချေ။ အဘယ်ကြောင့်ဆိုသော် ညှိနှိုင်းဆွေးနွေးနေစဉ်အတွင်း နိုင်ငံပိုင်လုပ်ငန်း၏ တာဝန်ခံပုဂ္ဂိုလ်သည် အစည်းအဝေးခန်းထဲတွင် ဖုန်းတစ်ချက် လက်ခံရရှိခဲ့သည်။ ထိုဖုန်းပြောပြီးနောက် သူ၏မျက်နှာအမူအရာမှာ သိသိသာသာ ပြောင်းလဲသွားခဲ့သည်။ ထို့နောက်တွင်မူ သူသည် အသေးစိတ်အချက်အလက်အားလုံးကို ကျော်ဖြတ်ပြီး နောက်ဆုံး ဆုံးဖြတ်ချက်ကို တိုက်ရိုက် ချမှတ်ခဲ့တော့သည်။ ထိုဖုန်းပြောနေစဉ်အတွင်း ထိုတာဝန်ခံ၏ မျက်နှာအမူအရာ ကြီးကြီးမားမား ပြောင်းလဲသွားပုံနှင့် ဖုန်းတစ်ဖက်ကလူကို ရိုသေလေးစားမှုပြသသည့်အနေဖြင့် သူ၏ ခန္ဓာကိုယ်က မသိစိတ်အလျောက် ခေါင်းငုံ့ကိုင်းညွတ်သွားပုံတို့ကိုပင် မြင်တွေ့ခဲ့ရသည်။ ထို့ကြောင့် ဖုန်းတစ်ဖက်ကလူမှာ အဆင့်မြင့်ပုဂ္ဂိုလ်တစ်ဦး ဖြစ်ရပေမည်။

​အထက်လူကြီးများက ဤဖုန်းကို အဘယ်ကြောင့် ခေါ်ဆိုခဲ့ရသနည်းဟူသည့် မေးခွန်းအတွက် အဖြေတစ်ခုတည်းသာ ရှိသည်။ ယင်းမှာ လုံထိန်ဂရုသည် တရုတ်နိုင်ငံအတွင်း သီးခြားလွတ်လပ်သော ထုတ်လုပ်မှုနှင့် သုတေသနဖွံ့ဖြိုးရေးလုပ်ငန်း (Independent Production and Development) ကို ပေါင်းစပ်လုပ်ကိုင်နိုင်သည့် ပထမဆုံးသော မိုဘိုင်းလ်ဖုန်းကုမ္ပဏီ ဖြစ်နေခြင်းကြောင့်ပင်။ လုံထိန်ဂရုမှလွဲ၍ အခြား မည်သည့်ကုမ္ပဏီမျှ ဤအရာကို မလုပ်ဆောင်နိုင်ကြချေ။

​အခြားတစ်ချက်နှင့် အရေးအကြီးဆုံးအချက်မှာ နီဗားနားနှင့် ပူးပေါင်းဆောင်ရွက်မှုတွင် လုံထန်ဂရုသည် စစ်တပ်၏ သက်ဆိုင်ရာ နည်းပညာဝန်ထမ်းများနှင့် ပူးပေါင်းဆောင်ရွက်ရန် အဖွဲ့တစ်ဖွဲ့ကိုပင် စေလွှတ်ထားခဲ့ပြီး စစ်တပ်၏ သီးသန့်အထူး အော်ပရေတင်းစနစ်ကို သုတေသနပြုလုပ်နေခြင်း ဖြစ်သည်။ ၎င်းမှာ ကွန်ပျူတာ အော်ပရေတင်းစနစ် (Computer Operating System) ဖြစ်ပြီး၊ ယခုအခါ အောင်မြင်စွာ တီထွင်ဖော်ထုတ်နိုင်ရန် နောက်ဆုံးခြေလှမ်းတစ်လှမ်းသာ ကျန်ရှိတော့သည်။

​တစ်ကြိမ် တီထွင်ဖော်ထုတ်မှု အောင်မြင်သွားခဲ့လျှင် စစ်တပ်အနေဖြင့် အခြားသူများ၏ အော်ပရေတင်းစနစ်ကို အသုံးပြုရန် လိုအပ်တော့မည်မဟုတ်ပေ။ အခြားစနစ်များတွင် ဟာကွက်များရှိနေနိုင်ပြီး အများပြားလည်း ရှိနိုင်သည်။ သို့သော် ဤစနစ်တွင်မူ မည်သည့်ဟာကွက်မှ ရှိလိမ့်မည်မဟုတ်သလို နောက်ကွယ်က ခိုးဝင်ကြည့်ရှုနိုင်မည့် ပရိုဂရမ်များလည်း ရှိလာလိမ့်မည်မဟုတ်ပေ။

​ပြီးပြည့်စုံပြီး ကောင်းမွန်လှသော အော်ပရေတင်းစနစ်တစ်ခုတွင် ဘာပြဿနာမှ မရှိနိုင်ဘူးဟု သင်ထင်ပါသလား။ အကယ်၍ ထိုသို့ထင်မြင်နေပါက သင်လုံးဝ မှားယွင်းသွားလိမ့်မည်။ မိုက်ခရိုဆော့ဖ် (Microsoft) ၏ Win (Windows) အော်ပရေတင်းစနစ်သည် လူကြိုက်အများဆုံး စနစ်တစ်ခု ဖြစ်သည်။

သို့သော် ဤအော်ပရေတင်းစနစ်တွင် ရေတွက်လို့မရနိုင်သော ဟာကွက်များ ရှိနေပြီး၊ အသက်အန္တရာယ်ဖြစ်စေနိုင်သည့် သေစေတတ်သော ဟာကွက်အချို့ကိုလည်း အခါအားလျော်စွာ တွေ့ရှိနေရသည်။ ဤကဲ့သို့သောအခြေအနေမျိုးတွင် သင်က ဤအော်ပရေတင်းစနစ်ကို အသုံးပြုနေခြင်းသည် သင့်တွင် လုံခြုံရေးအာမခံချက် မရှိတော့ခြင်းကို ဆိုလိုသည်။

​အဘယ်ကြောင့်ဆိုသော် အချို့သော ဟက်ကာများသည် ထိုဟာကွက်များကို အလွယ်တကူ အသုံးပြုပြီး သင့်ကွန်ပျူတာထဲသို့ ကျူးကျော်ဝင်ရောက်နိုင်သောကြောင့် ဖြစ်သည်။ သူတို့ စိတ်ကြိုက် လုပ်ဆောင်နိုင်သည်။

ဟက်ကာများ၏ မျက်စိထဲတွင် သင့်ကွန်ပျူတာသည် သူတို့၏ နောက်ဖေးဥယျာဉ်ကဲ့သို့ပင် ဖြစ်နေပြီး၊ သူတို့ ဝင်ချင်သည့်အချိန် ဝင်နိုင်ကာ ထွက်ချင်သည့်အချိန် ထွက်နိုင်သည်။ သဘာဝကျကျပင် စစ်တပ်အနေဖြင့် Win အော်ပရေတင်းစနစ်ကို အသုံးပြုရန် မဖြစ်နိုင်ချေ၊ အဘယ်ကြောင့်ဆိုသော် ဤစနစ်တွင် ဟာကွက်များလွန်းလှသောကြောင့် ဖြစ်သည်။

​လက်ရှိ စစ်တပ်က အသုံးပြုနေသည့် အော်ပရေတင်းစနစ်မှာ စစ်တပ်ကိုယ်တိုင် တီထွင်ဖော်ထုတ်ထားခြင်း ဖြစ်သည်။ သို့သော် ဤအော်ပရေတင်းစနစ်သည် လွတ်လပ်သောဖန်တီးမှုစနစ် (Open Source Operating System) တစ်ခုမှ ဆင်းသက်လာခြင်းဖြစ်ရာ တန်ရွမ်အော်ပရေတင်းစနစ်နှင့် သိပ်ပြီး ကွာခြားချက်မရှိလှပေ။

​သို့သော်လည်း 'တန်ရွမ်' အော်ပရေတင်းစနစ်တွင် မတူညီသော ကဏ္ဍများ ရှိနေသည်၊ ယင်းမှာ လျှို့ဝှက်ထိန်းသိမ်းမှု ဖြစ်ပြီး အခြားတစ်ခုမှာ ၎င်း၏ ကုဒ်မြစ်ဖျားသည် အခြားသူများ၏ ကုဒ်ကို လုံးဝဥဿုံ ကူးယူထားခြင်းမဟုတ်ဘဲ အခြားသူများ၏ ကုဒ်အပေါ်တွင် အခြေခံထားခြင်းသာ ဖြစ်သည်ဟု ဆိုနိုင်သည်။ ဤနှစ်ခုကို နှိုင်းယှဉ်ကြည့်လျှင် တန်ရွမ်အော်ပရေတင်းစနစ်သည် ပိုမိုဘေးကင်းလုံခြုံလှသည်။

​လုံထန်ဂရုသည် စစ်တပ်ထံသို့ ကုဒ်မြစ်ဖျား (Source Code) ကို အခမဲ့ ထုတ်ဖော်ပြသခဲ့ပြီး မည်သည့်ငွေကြေးမျှ လက်မခံခဲ့ပေ။ ထို့အပြင် ကူညီရန်အတွက် အဖွဲ့တစ်ဖွဲ့ကိုပင် စေလွှတ်ပေးခဲ့ပြီး စစ်တပ်ထံမှ ငွေကြေးတစ်ပြားတစ်ချပ်မျှ မတောင်းဘဲ ကုမ္ပဏီကပဲ လစာငွေကို စိုက်ထုတ်ပေးခဲ့သည်။

သင်တို့က စစ်တပ်၏ သိပ္ပံနည်းကျ သုတေသနအဖွဲ့အစည်းတစ်ခု ဖြစ်နေပြီး၊ သို့ပါလျက်နှင့်မှ ကျိုးကြောင်းဆီလျော်မှုမရှိသော တောင်းဆိုချက်များကို လျှောက်လုပ်နေကြသေးသည်၊ ဤအရာကို ဘာဟု ခေါ်ဆိုရပါမည်နည်း။

.......................................................