အခန်း ၁၂၉၀

အခန်း (၁၂၉၀) မြောက်ပိုင်းတိုက်ကြီးမှာ ဘယ်သူက နံပါတ်တစ်လဲ ၂

"လောကကြီးမှာ ထာဝရအိမ်ရှေ့မင်းသား ဆိုတာ ဘယ်လိုလုပ် ရှိနိုင်မှာလဲ။"

"သူက ဒီနေရာကိုအနည်းငယ် လျစ်လျူရှုပြီး အနှောင့်အယှက်တွေမဖြစ်စေတာကပဲ ကြီးမားတဲ့ ကံကောင်းမှုတစ်ခုဖြစ်နေပါပြီ။"

"အဲဒီ မိုက်မဲတဲ့ သန့်စင်သောကမ္ဘာဘုန်းကြီးက သူ့ဂိုဏ်းချုပ်ရဲ့ရည်ရွယ်ချက်တွေကို နားမလည်နိုင်ခဲ့ဘူး။ တောင်ပိုင်းတိုက်ကြီးကနေ ထွက်ပြေးလာတဲ့ အဲဒီ ဂျူနီယာနှစ်ယောက်ရဲ့ ပြောစကားအရ၊ အဲဒီ ဘုန်းကြီးက ဒီအရေးမပါတဲ့ကိစ္စအပေါ်မှာ အတင်းအကျပ် အတွင်းပဋိပက္ခတစ်ခု ဖန်တီးခဲ့ပြီး၊ ရန်ငြိုးတွေကြားထဲ သေဆုံးသွားခဲ့တဲ့ အနာဂတ် ဆရာတော်ရဲ့ တပည့်ဖြစ်သူ ရွှေဖားပြုတ်ဘုန်းကြီး ကို သင်္ဂြိုဟ်ခဲ့ရတယ်။ သူက အန္တရာယ်တွေကို မမှုဘဲ မြောက်ပိုင်းတိုက်ကြီးကို ရောက်လာတာ မအံ့သြစရာပါဘူး။ အကယ်၍ သူက အကြောင်းပြချက် တစ်ခုခု မပေးနိုင်ဘူးဆိုရင် သူ ဍုမေဏု တောင်ကို ပြန်ဖို့ ခက်ခဲသွားလိမ့်မယ်။"

ထိုသို့ပြောရင်း လင်းရွှီကျစ် က ရှန်းယီကို ကြည့်လိုက်၏။ "အခု မင်း နားလည်သွားပြီ မဟုတ်လား။ မင်းလည်း တောင်ပိုင်းတိုက်ကြီးက လာခဲ့တာကြောင့်မို့လို့ ဒီမမျှော်လင့်ထားတဲ့ ကပ်ဘေးထဲကို ရောက်သွားရတာပါ။ ဒါပေမယ့် အကုန်လုံးက ဆိုးရွားနေတာတော့ မဟုတ်ပါဘူး၊ အခုတော့ ကပ်ဘေးတစ်ခုက မင်းရဲ့အခွင့်အရေး ဖြစ်လာခဲ့ပြီ။"

ဤသို့ပြောနေစဉ် သူပင်လျှင် ရှန်းယီအတွက် အနည်းငယ် သနားစိတ်ဖြစ်မိသွား၏။ သူ၏ ဂိုဏ်း ဖျက်ဆီးခံလိုက်ရပြီးနောက် မြောက်ပိုင်းတိုက်ကြီးသို့ တစ်ကိုယ်တည်း ထွက်ပြေးလာခဲ့ရသော ကျင့်ကြံသူတစ်ဦးမှာ တကယ်ကို ဒုက္ခပင်လယ်ထဲ ကျရောက်နေခြင်း ဖြစ်သည်။

သို့သော် ရောက်လာကတည်းက သူက ကံကောင်းမှုများကို ဆက်တိုက်ကြုံတွေ့ခဲ့ရပြီး၊ အကြိမ်တိုင်းက အန္တရာယ်များပုံရသော်လည်း၊ တကယ်တမ်းတွင် မျှော်လင့်ချက်ရောင်ခြည်လေးတစ်ခု ချန်ထားပေးခဲ့ကာ သူ၏နေရာကို ခိုင်မာစေခဲ့သည်။

ဒါက တကယ်ပဲ ကံကြမ္မာရဲ့ပြောင်းပြန်လှန်မှုများ ဖြစ်နိုင်မလား။

ကျင့်ကြံခြင်းမြင့်မားလေ ကံကြမ္မာကို ပို၍ ယုံကြည်လေ ဖြစ်ရာ၊ ဤအခိုက်အတန့်တွင် လင်းရွှီကျစ်က သူ့ကို တပည့်အဖြစ် လက်ခံကာ သေချာစွာ ပြုစုပျိုးထောင်လိုသော စစ်မှန်သည့် ဆန္ဒတစ်ခုကို ခံစားလိုက်ရ၏။

သို့သော် အလျင်စလိုလုပ်စရာ မလိုသေးပေ။ မည်သို့ပင်ဆိုစေ သူတို့ အချင်းချင်းသိကျွမ်းခဲ့သည်မှာ မကြာသေးရာ၊ နောက်ထပ် တစ်ဖက်လူ မည်သို့စွမ်းဆောင်မလဲဆိုတာကို ဆက်ကြည့်ရမည်။

"ဒီ သန့်စင်သောကမ္ဘာ ဘုန်းကြီးရဲ့ ဇင်တောင်ဝှေး တစ်ခုတည်းနဲ့တင်၊ အဲဒါက ကြီးမားတဲ့ အားသာချက်တစ်ခုဖြစ်နေပြီ၊ သူတို့က တောင်ပိုင်းဍုမေဏု ဆီကနေ အကြောင်းပြချက် တစ်ခုကို သေချာပေါက် တောင်းဆိုကြလိမ့်မယ်။ သူ့အတွက်ကတော့ သူကရူးသွပ်သွားပြီး ဂိုဏ်းနှစ်ခုရဲ့ တည်ငြိမ်မှုကို လုံးဝဆုတ်ဖြဲပစ်ပြီး ထာဝရဖိနှိပ်ခံချင်နေတာမျိုး မဟုတ်ရင်တော့၊ ဒုတိယအဆင့် အင်အားကြီးသူတစ်ယောက်အနေနဲ့ မင်းလို ဂျူနီယာ တစ်ယောက်ကို သူကပြဿနာရှာမှာ မဟုတ်လောက်ဘူး။"

"ဒါပေမယ့် ဒီကိစ္စကြောင့် မင်းက မာနမကြီးသင့်ဘူး။ မင်းရဲ့ရွယ်တူတွေက မင်းကိုပိုလေးစားလေ၊ ချီးမွမ်းမှုတွေကြောင့် ပျက်စီးသွားနိုင်တဲ့ အန္တရာယ်က ပိုမြင့်မားလေပဲ။ အကယ်၍ မင်းမှာ အဲဒီ စွမ်းရည် မရှိဘူးဆိုရင် အရမ်းကြီး မမျှော်လင့်ပါနဲ့၊ ငါ့ရဲ့ လင်းရွှီဂူ မှာ အခြေခံအုတ်မြစ်ချို့တဲ့တယ်၊ မင်းရဲ့ လမ်းကြောင်းက သာမန်ပဲဖြစ်ပြီး ကြီးမားတဲ့ အရေးပါမှုကို ပခုံးမထမ်းနိုင်ဘူး၊ သတိထားပြီး စည်းကမ်းတွေကို လိုက်နာတာက အကောင်းဆုံး ရွေးချယ်မှုပဲ။"

အဆုံးတွင် လင်းရွှီကျစ် က လူငယ်လေးကို အနည်းငယ် ဖိနှိပ်ထားရန် မမေ့လျော့ခဲ့ပေ။

မည်သို့ပင်ဆိုစေ လက်ရှိ အခြေအနေကို ကြည့်ပါက၊ ရှန်းယီက လင်းရွှီဂူ အတွက် အကောင်းဆုံး ရွေးချယ်မှု ဖြစ်နေပြီ ဖြစ်သည်။

အကယ်၍ တစ်ဖက်လူက ဤအရှိန်အဟုန်ကို အသုံးပြုပြီး အခြားအတွေးများ ရှိလာပါက၊ သို့မဟုတ် အခြား မသေမျိုး မျိုးဆက်များ၏ သွေးဆောင်ဖြားယောင်းမှုကို ခံရကာ မိမိကိုယ်မိမိ အထင်ကြီးလာပါက၊ ၎င်းက လင်းရွှီကျစ် အတွက် တကယ်ကို ခေါင်းကိုက်စရာ ဖြစ်လာပေလိမ့်မည်။

မည်သို့ပင်ဆိုစေ သူက ငယ်စဉ်ကတည်းက ပြုစုပျိုးထောင်ခဲ့သော တပည့်တစ်ဦး မဟုတ်သဖြင့် လုံးဝ စိတ်ချနိုင်ရန် ခက်ခဲပေသည်။

ကံကောင်းထောက်မစွာဖြင့် ရှန်းယီက မည်သည့် ပုံမှန်မဟုတ်မှုမျှ မပြသဘဲ သူ၏ လက်များကို လေးနက်စွာယှက်လိုက်၏။ "နားလည်ပါပြီ ဆရာ။"

"ဆရာ..."

ထိုအချိန်မှာပင် ပုံရိပ်တစ်ခုက ကောင်းကင်မှ တုံ့ဆိုင်းစွာ ဆင်းသက်လာသည်။

လင်းရွှီကျစ် က ထိုသူကို တစ်ချက်ကြည့်လိုက်ပြီး သူ၏ အပြုံးကို ရုပ်သိမ်းကာ အနည်းငယ် ခေါင်းညိတ်ပြရုံဖြင့် ထိုနေရာမှ တိမ်တိုက်စီး၍ တိုက်ရိုက် ထွက်ခွာသွားတော့၏။

ဤသည်ကို မြင်သောအခါ အစစ်အမှန်အရှင် ယွင်မြောင်၏ မျက်နှာမှာ ရှက်ရွံ့သွားပြီး၊ သူတို့၏ ယခင်က သွက်လက်စွာစကားပြောဆိုခဲ့မှုများကို ပြန်တွေးမိကာ ရှက်ရွံ့မှုနှင့်အတူ ဒေါသအနည်းငယ် ရောနှောသွားသည်။

ကြည့်ရသည်မှာ သူက အချိန်အတော်ကြာ စောင့်ဆိုင်းနေရန် မလိုအပ်တော့ပုံရ၏။ ယခုအခါ သူရရှိသော ဆက်ဆံရေးမှာ လင်းရွှီဂူ၏ ထိပ်တန်းတပည့် တစ်ယောက်နှင့် မတူတော့ပေ။

သူက ရှန်းယီ တိုးတက်လာသည်ကို မြင်သောကြောင့် သူ့ထံလာကာ၊ စီနီယာအစ်မ ယိုယောင်ကို အမြန်တောင်းပန်ပြီး၊ မကြာမီ ရွှေမသေမျိုးဖြစ်လာတော့မည့်သူကို မစော်ကားမိစေရန် ခိုင်ယွမ်စီရင်စု၏ နယ်မြေကို စွန့်လွှတ်ကာ လင်းရွှီဂူ တစ်ခုလုံးကိုပြဿနာထဲ ဆွဲမသွင်းရန် သတိပေးရန် ရည်ရွယ်ခဲ့ခြင်း ဖြစ်သည်။

အကယ်၍ ရှန်းယီက နားထောင်ပါက၊ သူက စီရင်စုငါးခုကို ထိန်းချုပ်ပြီး ကြွယ်ဝချမ်းသာလာချိန်တွင်၊ ဤစွမ်းရည်ရှိသော ဂျူနီယာညီလေး စီမံခန့်ခွဲရန်အတွက် အနည်းငယ်မျှဝေပေးပြီး စီနီယာအစ်ကို တစ်ယောက်အနေဖြင့် သူ၏ရက်ရောမှုကို ပြသရန် ဝန်လေးမည် မဟုတ်ပေ။

အခုကြည့်ရတာ သေတာကမှ ပိုရှင်းဦးမယ်။

"ဒီကိုရောက်လာတာ စီနီယာအစ်ကို မှာ ဘာအကြံဉာဏ်တွေ ရှိလို့လဲ။" ရှန်းယီက တည်ငြိမ်သော အမူအရာဖြင့် လှမ်းကြည့်လိုက်သည်။

"ဘာမှမရှိပါဘူး၊ ဂျူနီယာညီလေးရဲ့ ဘေးကင်းရေးကို စိတ်ပူလို့ လာကြည့်တာပါ။ ဂျူနီယာညီလေး အဆင်ပြေတယ်ဆိုတော့ ငါ မနှောင့်ယှက်တော့ပါဘူး။" အစစ်အမှန်အရှင် ယွင်မြောင် က ဟန်ဆောင်အပြုံးတစ်ခုဖြင့် ပြန်လည်ဖြေကြားလိုက်၏။

ဒီကောင်လေးက အမြဲတမ်း ဘာမှမသိသလိုအပြစ်ကင်းတဲ့ ပုံပေါက်နေတယ်၊ ဘာကိစ္စမှ သူနဲ့ မပတ်သက်သလိုမျိုးပဲ။

အကယ်၍ ဤကောင်လေးက တကယ် အန္တရာယ်ကင်းခဲ့ပါက၊ မကြာမီ သူ့ကိုယ်တိုင် ဤကောင်လေးအား ရိုသေစွာ စီနီယာအစ်ကိုဟု ခေါ်နေရသည်ကို သူ တွေ့ရှိရပေလိမ့်မည်။

ဤအချက်ကို ထည့်သွင်းစဉ်းစားကာ ယွင်မြောင် က စကားတစ်ခွန်းမျှမဟတော့ရန် ဆုံးဖြတ်လိုက်သည်။

မဟာကပ်ဘေးကို လက်လွှတ်လိုက်ပြီဖြစ်သော အမျိုးသမီးကို လုံးဝ ဒေါသထွက်စေသည်အထိ၊ ဤကောင်လေးကို ဆက်လက်၍မာနကြီးနေခွင့် ပြုတာ အကောင်းဆုံးပင်။ ကပ်ဘေးက သူ့ကို ဝါးမျိုသွားသည့်အခါမှ သူ၏အတိတ်က အမှားများကို သူနောင်တရပါစေတော့မည်။

"ဒါဆို သွားခွင့်ပြုပါဦး။" အစစ်အမှန်အရှင် ယွင်မြောင်က ခေါင်းညိတ်ပြပြီး ကောင်းကင်မျှော်စင်တောင် မှ ထွက်ခွာရန် လှည့်ထွက်သွား၏။

သို့သော် သူ၏အနောက်တွင် အနည်းငယ် မှုန်ဝါးဝါးဖြစ်နေသောအရာတစ်ခုက သူ့နောက်သို့ လိုက်ပါလာသော်လည်း ထွက်မသွားဘဲ တောင်ထိပ်ပေါ်တွင် ကျန်ရစ်နေခဲ့သည်ကို သူ သတိမထားမိခဲ့ပေ။

ရှန်းယီက ယွင်မြောင်ထွက်သွားသည်ကို ကြည့်နေပြီးနောက် ထိုမှုန်ဝါးနေသောထိုက်ရွှီ ထဲသို့ ဝင်ရောက်သွား၏။

အတွင်းတွင် ပုံရိပ်နှစ်ခုကရိုသေစွာ စောင့်ဆိုင်းနေကြပြီ ဖြစ်သည်။

ရှန်းရွှီ ဘိုးဘေး၏ ကျင့်ကြံခြင်းဖြင့်ဆိုလျှင် တတိယအဆင့် ပြီးပြည့်စုံခြင်း မဟာကျင့်ကြံသူ တစ်ဦးဖြစ်သည့် ယွင်မြောင်ကို ခြေရာခံရန် ကြိုးပမ်းခြင်းက အတော်လေး ခက်ခဲလှသော်လည်း၊ ချင်းကွမ်းဂူ နှင့် နက်ရှိုင်းသော ပတ်သက်မှုများရှိသည့် မဟာနတ်ဆိုးကြီး သမင်ဖြူရှိနေသဖြင့် ကိစ္စများက ပို၍လွယ်ကူသွားခဲ့သည်။

ရှန်းယီက ဗောဓိဂိုဏ်းမှ ဆရာတော်ကို သတ်ဖြတ်လိုက်စဉ်က၊ သူ၏စိတ်ထဲတွင် သန့်စင်သောကမ္ဘာ ဗောဓိသတ္တ၏ ပုံရိပ်ကို စူးစမ်းခြင်းဖြင့် ပြည့်နှက်နေခဲ့ရာ၊ ထို ဖိတ်ကြားမခံရသော လူလေးဦးကို သူ ဘယ်လိုလုပ် သတိမထားမိဘဲနေမည်နည်း။

"အခု အခြေအနေက ဘယ်လိုလဲ။"

"သခင်ကြီးကို သတင်းပို့ရရင်၊ သခင်ကြီး ခန့်မှန်းထားတဲ့အတိုင်း အတော်လေးတူပါတယ်၊ အစစ်အမှန်အရှင်မ ယိုယောင် က သူမရဲ့ဂိုဏ်းက လျစ်လျူရှုခံထားရတယ်လို့ ခံစားနေရပြီး ခန်းမဆောင်ထဲမှာ ဒေါသထွက်နေပါတယ်။" ရှန်းရွှီ ဘိုးဘေး က အံ့သြတကြီးဖြင့် လျှာသပ်လိုက်၏။

ပိုးကောင်နတ်ဆိုး ကျင့်ကြံသူတစ်ဦးအနေဖြင့်၊ သူသည် ထိုမဟာဂိုဏ်းကြီး၏ အစစ်အမှန် တပည့်များ၏ အတွေးများကို နားမလည်နိုင်ပေ။ ဤမျှ များပြားသော လက်ဆုပ်လက်ကိုင်ပြနိုင်သည့် အကျိုးကျေးဇူးများ ရှိနေပါလျက်၊ နာမည်ကျော်ကြားမှုအနည်းငယ်မျှကိုပင် စွန့်လွှတ်နိုင်စွမ်း မရှိကြပေ။

"ယိုယောင် က စီရင်စုလေးခုရဲ့ ဧကရာဇ်ချီ ကို သိမ်းပိုက်ပြီး ဒုတိယအဆင့်ကိုထိုးဖောက်ဝင်ရောက်ဖို့ ကြိုးစားဖို့ ရည်ရွယ်ထားတယ်။" သမင်ဖြူ က ညင်သာစွာ သက်ပြင်းချလိုက်၏။

သူသည် နတ်ဆိုးကျောက်တုံး အဖြစ်သို့ ပြောင်းလဲသွားခဲ့သော်လည်း၊ မျိုးဆက်ခွဲတစ်ခု၏အလေးစားချစ်ခင်ခံရသော စီနီယာအစ်မတစ်ဦးက ယခုမှ ရောက်လာသော သူသခင်အသစ်၏လှည့်စားခြင်းကို ခံရသည်ကိုကြည့်နေရခြင်းက အနည်းငယ်တော့ တသ်မျိုးတစ်ဖုံဖြစ်မိသေးသည်။

"သူမကို အဲဒီလိုအခြေအနေမျိုး မြင်ရတာ၊ သူမက ဧကရာဇ်ချီလုံလုံလောက်လောက် စုဆောင်းမိတာနဲ့ ထိုးဖောက်မဝင်ရောက်ခင်မှာ သခင်ကြီးဆီ ပြဿနာလာရှာဖို့ အလားအလာအရမ်းများတယ်၊ ပြတ်ပြတ်သားသားတိုက်ခိုက်ပြီးမှ အေးအေးဆေးဆေး ထိုးဖောက်ဝင်ရောက်ဖို့ နေရာတစ်ခု ရှာလိမ့်မယ်၊ ပြီးရင် ရွှေမသေမျိုးတစ်ပါးအဖြစ် ပြန်လာလိမ့်မယ်၊ သေဆုံးခြင်းမရှိ၊ ပျက်စီးခြင်းမရှိတဲ့အဖြစ်နဲ့ဆိုတော့ ဘယ်သူမှ သူမကို ဘာမှ လုပ်လို့မရတော့ဘူးလေ။" ရှန်းရွှီ ဘိုးဘေး က ထပ်ဖြည့်ပြောလိုက်၏။

"မဟုတ်ဘူး။"

သမင်ဖြူက ရုတ်တရက် တောင်ပံခြောက်ဖက်ပိုးချည်ကောင်၏ ခန့်မှန်းချက်ကို ဆန့်ကျင်ပြီး ပြောလိုက်၏။ သခင်ဖြစ်သူက လှမ်းကြည့်လာသည်ကို မြင်သောအခါ၊ သူက ခေါင်းကို အနည်းငယ် ငုံ့ကာ လေးနက်စွာ ပြောလိုက်သည်။

"ဒါက ခဏတာ ဒေါသရဲ့ထုတ်ဖော်ပြသမှု သက်သက်ပါ။ ရက်အနည်းငယ်လောက် တည်ငြိမ်သွားပြီးတဲ့နောက်မှာ ဒါက ဘယ်လောက် အန္တရာယ်များတယ်ဆိုတာ သူမ နားလည်လာလိမ့်မယ်။ ဘာပဲဖြစ်ဖြစ် ဧကရာဇ်ချီရဲ့ ထောက်ပံ့မှု တချို့ရှိရင်တောင်၊ ရွှေမသေမျိုးအဆင့်ကို ထိုးဖောက်ဝင်ရောက်တာက အောင်မြင်ချင်မှ အောင်မြင်မှာလေ၊ ပြီးရင် မြောက်ပိုင်းတိုက်ကြီးကိုပြန်လာလို့ မရတော့ဘူး။"

"ယိုယောင် အပေါ် ကျုပ်ရဲ့နားလည်မှုအရဆိုရင်။"

သမင်ဖြူက ခေတ္တမျှ စဉ်းစားပြီးနောက် သူ၏ မျက်လုံးများကို ပြန်လည်ပင့်ကြည့်လိုက်၏။ "သူမက ရွှေမသေမျိုးဖြစ်လာပြီးတဲ့နောက်မှာ ဘယ်သူမှ သတိမထားမိတဲ့ အချိန်ကျမှ၊ ခိုင်ယွမ်စီရင်စုကို တိတ်တဆိတ်ဆင်းလာပြီး ဒီကိစ္စကို တစ်ခါတည်းနဲ့ အပြတ်ရှင်းဖို့ ရွေးချယ်နိုင်ခြေအများဆုံးပါပဲ။"

ဤသည်မှာ ချင်းကွမ်းဂူအတွက် စကားပြောပေးနေခြင်း မဟုတ်ဘဲ၊ သခင်ဖြစ်သူကို သတိပေးနေခြင်း ဖြစ်သည်။ အကယ်၍ ဤနေရာတွင် ယိုယောင် လာမည်ကို စောင့်နေပါက၊ စောင့်ကြိုနေမည့်အရာက တတိယအဆင့်ပြီးပြည့်စုံခြင်း ဖြစ်ချင်မှ ဖြစ်ပေလိမ့်မည်။

ရှန်းရွှီ ဘိုးဘေးက ဤလူသစ်၏လွှမ်းမိုးခြင်းခံလိုက်ရသဖြင့် မပျော်မရွှင်ဖြစ်သွားသော်လည်း မည်သည့် အကြောင်းပြချက်ကိုမျှ မဖော်ပြနိုင်သဖြင့်၊ ထိုနေရာတွင် မှုန်ကုပ်ကုပ်ဖြင့် ရပ်နေလိုက်၏။

"နားလည်ပြီ။"

ရှန်းယီက သူ၏အင်္ကျီလက်စကို ပေါ့ပေါ့ပါးပါး ဝှေ့ယမ်းလိုက်၏။ သူက တကယ်တမ်းတွင် နတ်ဆိုးကျောက်တုံး နှစ်ခုအနက် မည်သူ၏ခန့်မှန်းချက်က ပိုမို တိကျသည်ကို ဂရုမစိုက်ပေ။

အဘယ်ကြောင့်ဆိုသော် ယိုယောင်က ထို စီရင်စုလေးခု ထံမှဧကရာဇ်ချီ ကို ဘယ်သောအခါမျှ သိမ်းပိုက်နိုင်မည် မဟုတ်သောကြောင့်ပင်။

အချိန်ကြာမြင့်စွာ စိတ်ရှည်သည်းခံမှုက နောက်ဆုံးတွင် အခွင့်အရေးတစ်ခုနှင့် လဲလှယ်နိုင်ခဲ့ပြီ ဖြစ်သည်။

မြောက်ပိုင်းတိုက်ကြီးမှ ကျင့်ကြံသူများ အားလုံးကို တညီတညွတ်တည်း ဒေါသထွက်အောင် မလုပ်ဘဲ၊ တာအိုနယ်မြေအတွက် တက်ကြွစွာယှဉ်ပြိုင်နိုင်မည့် အခွင့်အရေးတစ်ခုဖြစ်သည်။

မသေမျိုးသုံးပါးဂိုဏ်း၏ အဖွဲ့ဝင်၊ ရွယ်တူများ၏ လေးစားမှု နှင့် တာအိုနယ်မြေအတွက် ယှဉ်ပြိုင်ပြီးနောက် ဖိနှိပ်ခံရမှု စသည်တို့ အားလုံးက၊ သူ၏ နောက်ထပ် လှုပ်ရှားမှုက အကြောင်းပြချက် ခိုင်လုံသည်ဟု ထင်ရစေသည်။

ခိုင်ယွမ်စီရင်စုတွင် ဤမျှကြာအောင် နေပြီးပြီဖြစ်ရာ၊ အပြင်ထွက်ပြီး ပတ်ဝန်းကျင်ကို လေ့လာကြည့်ရှုရန် အချိန်ရောက်လာပြီဖြစ်၏။

ရှန်းယီက သူ၏ရှေ့ရှိ စနစ်မျက်နှာပြင်ကို ကြည့်လိုက်သည်။

ပထမဦးစွာ နတ်ဆိုးမျိုးနွယ်မှ ဗောဓိသတ္တ သုံးပါးကို သတ်ဖြတ်ခဲ့ပြီး၊ ကပ်ဘေးသက်တမ်း နှစ်သောင်းကျော်ကို ရရှိခဲ့သည်။ ခိုင်ယွမ်စီရင်စု မှ ပြည်သူများက ဤမြင်ကွင်းကို ကိုယ်တိုင်ကိုယ်ကျ မျက်မြင်တွေ့ရှိခဲ့ကြသဖြင့်၊ ၎င်းက ကပ်ဘေး ဧကရာဇ်ချီ နှစ်သောင်းကျော်အဖြစ် ပြောင်းလဲသွားခဲ့သော်လည်း၊ ကျင့်ကြံခြင်းကို ပြန်လည်တည်ဆောက်ရန်လိုအပ်သော နှစ်သိန်းနှင့် ဝေးကွာနေဆဲ ဖြစ်၏။

အစောပိုင်းက ပြောခဲ့သလိုပင်။

ယိုယောင်က ရန်စရန် ခက်ခဲသော ပြိုင်ဘက်တစ်ဦး ဖြစ်သည်မှာ အမှန်ပင်။

သို့သော် ရန်စပြီးပြီဖြစ်ရာ နောက်ထပ်အကြီးအကျယ်ရန်စလိုက်တာ ပိုကောင်းပေမည်။

ဒီစီရင်စုလေးခု နယ်မြေက ငါ ယဉ်ယဉ်ကျေးကျေးနဲ့ငြိမ်ပေးတော့မယ့်နေရာ မဟုတ်ဘူး။

မြောက်ပိုင်းတိုက်ကြီး မသေမျိုးသုံးပါးဂိုဏ်းရဲ့ ထိပ်တန်းတပည့်က မြောက်ပိုင်းတိုက်ကြီးက ကျင့်ကြံသူ ဖြစ်ရမယ်လို့ ဘယ်သူ ပြောလဲ။

တခြားသူတွေ ထိုင်နိုင်တဲ့ အဲ့ဒီနေရာမှာ၊ ငါရှန်း လည်း ထိုင်နိုင်တာပဲ။