အခန်း ၉၅၂

အခန်း ၉၅၂ - ဥပဒေသ နယ်ပယ် မရှိခြင်း

သူမ၏ ဆရာကိုယ်စား တတိယမြောက် တော်ဝင်ဘကြီးတော်ကို နှုတ်ဆက်သည်ဟု ပြောလိုက်ခြင်းလော။

နန်းတော်အတွင်း၌ ရှိနေကြသော လော့မျိုးနွယ်စုနှင့် မဟာမိတ်အဖွဲ့တို့မှ အရေးပါသော ပုဂ္ဂိုလ်များမှာ ရှုနင်ရွှမ်၏ စကားကို ကြားလိုက်ရသည့်အခါ အံ့အားသင့်သွားကြသည်။ ရှုနင်ရွှမ်၏ အမူအရာ သို့မဟုတ် သူမပတ်လည်ရှိ နိယာမစွမ်းအင် အတက်အကျများသည် အလွန်ပင် ရင်သပ်ရှုမောဖွယ် ကောင်းလှသည်။

ထိုသို့သော အမျိုးသမီးတစ်ဦး၏ ရုပ်ရည်နှင့် စွမ်းအားမှာ အပြစ်ပြောစရာ မရှိသည့်အပြင် သူမ၏ ဟန်ပန်မှာလည်း သာမန်လူထက် အဆင့်မြင့်မားလွန်းသဖြင့် မည်သို့လျှင် သူတစ်ပါး၏ အစေခံအဖြစ် အလုပ်အကျွေးပြုနိုင်ပါမည်နည်း။ သူမကဲ့သို့သော အမျိုးသမီးကို အစေခံအဖြစ် ထားရှိနိုင်သူမှာ မည်မျှအထိ ကြီးကျယ်ခမ်းနားပါမည်နည်း။

ဖြစ်နိုင်ပါမည်လော။ လူအများ စတင်မှန်းဆလာကြပြီး ထိုအတွေးကြောင့်ပင် သူတို့ အသက်ရှူရ ကြပ်သွားကြသည်။ ထိုအချိန်တွင် တတိယမြောက် တော်ဝင်ဘကြီးတော်က လက်အုပ်ချီကာ “ရှုနင်ရွှမ် နတ်သမီးရေ၊ နောက်နေတာ ဖြစ်ရမယ်။ ကျွန်တော်မျိုးက မင်္ဂလာမိုးစက် နတ်ဘုရား ရဲ့ နှုတ်ခွန်းဆက်စကားကို မခံယူဝံ့ပါဘူး။ မင်္ဂလာမိုးစက် နတ်ဘုရား ကို နှုတ်ဆက်ရမယ့်သူက ကျွန်တော်မျိုးပါ” ဟု ပြောသည်။

တော်ဝင်ဘကြီးတော်၏ စကားက လူတိုင်း၏ စိတ်ထဲရှိ သံသယကို အတည်ပြုပေးလိုက်သည်။ ထိုအမျိုးသမီး၏ ဆရာမှာ မင်္ဂလာမိုးစက် နတ်ဘုရား ဖြစ်သည်မှာ အမှန်ပင်။

“ရှုနင်ရွှမ် နတ်သမီး… သူမဘယ်သူလဲဆိုတာ ငါမှတ်မိပြီ။ လွန်ခဲ့တဲ့ နှစ်ပေါင်း ၅၀,၀၀၀ က ရှုနင်ရွှမ် နတ်သမီးက ဖေးတစ်သောင်းကောင်းကင်ဘုံ ကို ဖြတ်သန်းရင်း နာမည်ကြီးခဲ့ဖူးတယ်။ ဒါပေမဲ့ သူမက မင်္ဂလာမိုးစက် နတ်ဘုရား ရဲ့ ဘေးကို ပြန်သွားပြီးနောက်ပိုင်း လူမြင်သူမြင် ထွက်လာတာ နည်းသွားခဲ့တယ်။

သတင်းစကားတွေအရ ရှုနင်ရွှမ်က ငယ်စဉ်ကတည်းက မင်္ဂလာမိုးစက် နတ်ဘုရား ရဲ့ ကယ်တင်ခြင်းကို ခံခဲ့ရတာတဲ့။ အဲဒီတုန်းက မင်္ဂလာမိုးစက် နတ်ဘုရား က နတ်ဘုရားသခင် မဖြစ်သေးပေမဲ့ သူမရဲ့ ဉာဏ်ရည်နဲ့ ထူးခြားတဲ့ ခန္ဓာကိုယ် တည်ဆောက်ပုံကို သဘောကျလို့ သူ့ဘေးမှာ ထားရှိခဲ့တာ။

ဒါကြောင့် ရှုနင်ရွှမ်က မင်္ဂလာမိုးစက် နတ်ဘုရား ရဲ့ အနီးကပ် နောက်လိုက်တစ်ဦး ဖြစ်လာခဲ့တာ။ သူမက အလွန်ဉာဏ်ကောင်းတဲ့အတွက် သူ့ကို အလုပ်အကျွေးပြုရင်းနဲ့ပဲ သူမရဲ့ စွမ်းအားက ခန့်မှန်းလို့ မရနိုင်တဲ့ အဆင့်ကို ရောက်သွားတာပါ”

ရှုနင်ရွှမ်မှာ မင်္ဂလာမိုးစက် နတ်ဘုရား ၏ အစေခံ ဖြစ်သည့်အတွက် ဆရာဟု ခေါ်ဆိုခြင်းမှာ သဘာဝကျသည်။ ဤသည်မှာ တော်ဝင်ဘကြီးတော်က အဘယ်ကြောင့် နိုင်ငံတော်အဆင့် ပါတီပွဲကို ကိုယ်တိုင်ဦးစီးပြီး မြို့အသီးသီးမှ သူရဲကောင်းများကို ဖိတ်ခေါ်ခဲ့သည်ကို နားလည်လိုက်ကြသည်။

အကြောင်းမှာ ရှုနင်ရွှမ် ရောက်ရှိလာခြင်းကြောင့် ဖြစ်သည်။ ရှုနင်ရွှမ်၏ အဆင့်အတန်းအရ ပါတီပွဲ၏ အဓိက အာရုံစိုက်ရာ ဖြစ်လာသကဲ့သို့ ယီယွင်မှာလည်း ဘကြီးတော်က ရှုနင်ရွှမ်အား မိတ်ဆက်ပေးချင်သော လူငယ် ပါရမီရှင် ဖြစ်နေသည်။

“နတ်သမီး ရှုနင်ရွှမ်က လော့မျိုးနွယ်စုကို ဘာကိစ္စနဲ့ ကြွလာတာလဲဗျာ” ဟု တော်ဝင်ဘကြီးတော်က မေးသည်။

ဤမေးခွန်းမှာ အရေးကြီးလှသည်။ ယီယွင်က ချီဇွေယွန်းကို အနိုင်ယူပြီးနောက် ရှုနင်ရွှမ် ပေါ်လာခြင်းမှာ လူအများအား အချို့သော အတွေးများ ဖြစ်ပေါ်စေသည်။ လော့မျိုးနွယ်စုဝင်များမှာ ရှုနင်ရွှမ်၏ အဖြေကို စိတ်လှုပ်ရှားစွာဖြင့် စောင့်ဆိုင်းနေကြသည်။ ရှုနင်ရွှမ် ရောက်လာခြင်းမှာ မင်္ဂလာမိုးစက် နတ်ဘုရား က ယီယွင်ကို တပည့်အဖြစ် လက်ခံလိုသည့် သဘောများ ရှိနေသလော။

ရှုနင်ရွှမ်က ပြုံးကာ “ကျွန်မ ခရီးစဉ်က ဆရာ့ဆန္ဒ မဟုတ်ပါဘူး။ ဆရာက ပြီးခဲ့တဲ့ရက်ပိုင်းက နိမိတ်ဖတ်ဖေးမျိုးနွယ်စု မှာ နိယာမတွေကိုပဲ စဉ်းစားနေခဲ့တာ။ ကျွန်မမှာ အလုပ်မရှိတာနဲ့ ချီဇွေယွန်းရဲ့ စိန်ခေါ်မှုကို စိတ်ဝင်စားမိလို့ လာခဲ့တာပါ။ ချီဇွေယွန်းရဲ့ တိုက်ပွဲရလဒ်ကို မြင်ပြီးတော့ ကျွန်မ တော်တော်လေး အံ့အားသင့်မိတယ်” ဟု ပြောသည်။

သူမက ယီယွင်ကို ပြုံးကြည့်လိုက်သည်။ ယီယွင်လည်း ထရပ်ကာ သူမကို အရိုအသေပြုသည်။

ထိုအချိန်တွင် ယီယွင်မှာ ပါတီပွဲ၏ အာရုံစိုက်ခံရဆုံးသူ ဖြစ်လာသည်။ ကောင်းကင်နီမင်းသား နှင့် ပိုင်ယွီချင်းတို့မှာ ယီယွင်ကို ကြည့်ကာ စိတ်ထဲတွင် ချဉ်စုတ်စုတ် ဖြစ်သွားကြသည်။

ကောင်းကင်နီမင်းသား အတွက်မူ ယီယွင်သည် မင်္ဂလာမိုးစက် နတ်ဘုရား ၏ တပည့် ဖြစ်လာပါက လော့မျိုးနွယ်စုအတွက် ကောင်းသော်လည်း သူ့အတွက်မူ သိပ်မကောင်းလှပေ။

“နတ်သမီး ရှုနင်ရွှမ်၊ ယီယွင်အပေါ် ဘယ်လို သဘောထားလဲ” ဟု တော်ဝင်ဘကြီးတော်က အလေးအနက် မေးသည်။

“ကျွန်မက ဆရာ့ရဲ့ သဘောထားကို ကိုယ်စားမပြုပါဘူး” ဟု သူမက ခေါင်းခါသည်။

“နတ်သမီးရဲ့ ကိုယ်ပိုင် အမြင်ဆိုရင်လည်း ရပါတယ်” ဟု ဘကြီးတော်က ပြောသည်။

“ယီယွင်က မဆိုးပါဘူး” ဟု ရှုနင်ရွှမ်က အကဲဖြတ်သည်။ လော့မျိုးနွယ်စုဝင်များ ဝမ်းမသာရသေးခင်မှာပင် သူမက “ဒါပေမဲ့ သူ့မှာ ကြီးမားတဲ့ ပြဿနာတစ်ခု ရှိနေတယ်…” ဟု ဆက်ပြောသည်။

“ဘာပြဿနာလဲ” လော့မျိုးနွယ်စုဝင်များ၏ နှလုံးသားများ တင်းကျပ်သွားသည်။

“ကျွန်မ မှားမပြောဘူးဆိုရင် ယီယွင်က သူ့ကိုယ်ပိုင် ဥပဒေဿနယ်ပယ်ကို မရသေးဘူး”

ဥပဒေသ နယ်ပယ်၊ မဟာ ဥပဒေသ၊ ကောင်းကင် ဥပဒေသ နှင့် မူလဇစ်မြစ် ဥပဒေသ ဟူ၍ အဆင့်လေးဆင့် ရှိသည်။ သာမန်စစ်သည်တစ်ဦးသည် ဥပဒေသ အသွင်ဆောင်ခြင်းအဆင့် ရောက်မှသာ ဥပဒေသ နယ်ပယ်ကို ပိုင်ဆိုင်ကြသည်။

သို့သော် ပါရမီရှင်များအတွက်မူ ကောင်းကင်တက်လှမ်းခြင်း အဆင့်တွင် ကိုယ်ပိုင် ဥပဒေသ နယ်ပယ် ရှိခြင်းမှာ သာမန်ပင်ဖြစ်သည်။ ဥပမာ - ချီဇွေယွန်းတွင် ကောင်းကင်ကို အနီရောင် ပြောင်းလဲစေနိုင်သော အသူရာနယ်ပယ် ရှိသည်။ မင်္ဂလာမိုးစက် နတ်ဘုရား က ချီဇွေယွန်းကို အသိအမှတ်ပြုခြင်းမှာလည်း သူ၏ ဥပဒေသ နယ်ပယ်ကြောင့် ဖြစ်သည်။

သို့သော် ယီယွင်တွင် ထိုအရာမရှိပေ။ တော်ဝင်ဘကြီးတော် မျက်မှောင်ကြုတ်သွားသည်။ လူအများမှာလည်း “ယီယွင်မှာ ဥပဒေသနယ်ပယ် မရှိဘူးလား မဖြစ်နိုင်တာ” ဟု အံ့ဩသွားကြသည်။ ယီယွင်သည် ချီဇွေယွန်းကို အနိုင်ယူနိုင်သည့်အတွက် သူ၏ စွမ်းအားမှာ ထင်ရှားသည်။ သို့သော် သူ၏ ဥပဒေသ နယ်ပယ်မရှိခြင်းမှာ အဘယ်ကြောင့်နည်း။

“နတ်သမီးပြောတာ မှန်ပါတယ်။ ကျွန်တော်မျိုးမှာ ဥပဒေသနယ်ပါယ် မရသေးတာ အမှန်ပါ” ဟု ယီယွင်က ပြောလိုက်သောအခါ ဧည့်သည်အားလုံး အံ့ဩသွားကြသည်။

သူ တကယ်မရှိတာပဲ

“နတ်သမီးရဲ့ စကားအတိုင်းဆိုရင်… သူဟာ ကောင်းကင်တက်လှမ်းခြင်း အဆင့် အမြင့်ဆုံးကို ရောက်နေပေမဲ့ ဥပဒေသနယ်ပါယ် မရှိသေးတာက တကယ်ကို နှေးကွေးလွန်းတယ်။

ဥပဒေသ အသွင်ဆောင်ခြင်းအဆင့်ကို ကူးပြောင်းဖို့ နီးနေပြီဖြစ်လို့ နိယာမဆိုင်ရာ နားလည်နိုင်စွမ်းက အရေးကြီးတယ်။ ဥပဒေသနယ်ပါယ်မရှိဘဲ ဥပဒေသအသီး တွေကို စုစည်းမယ်ဆိုရင် အရည်အသွေး နိမ့်ကျလိမ့်မယ်။ ဒီအတိုင်းသာ ဆက်ဖြစ်နေရင် နောက်ပိုင်းမှာ အဆင့်မီဖို့ အရမ်းခက်ခဲသွားလိမ့်မယ်” ဟု ရှုနင်ရွှမ်က ပြောသည်။