အခန်း ၇၈

အခန်း (၇၈) သွေးရူးသွေးတန်း သတ်ဖြတ်ခြင်း

ယခုနှစ်၏ အမွေအနှစ် စမ်းသပ်မှုမှာ ပုံစံပြောင်းလဲသွားပြီဖြစ်ကြောင်း ရှုချွမ်းသည် စည်းကမ်းချက်များမှတစ်ဆင့် သိရှိထားပြီး ဖြစ်သည်။

ဤစမ်းသပ်မှုတွင် သိုင်းပညာရှင်များသည် အမည်မသိ သတ္တဝါများ၏ လှိုင်းအလိုက် တိုက်ခိုက်မှုများကို ရင်ဆိုင်ရမည် ဖြစ်သည်။

အဆင့်တစ်ခု ပြီးဆုံးသွားတိုင်း အသက်ရှင်ကျန်ရစ်သူများသည် နောက်တစ်ဆင့်သို့ အလိုအလျောက် တက်လှမ်းခွင့် ရရှိမည် ဖြစ်သည်။

သေလုနီးပါး ဖြစ်သွားသူများကိုမူ ဤလျှို့ဝှက်နေရာလွတ် ထဲမှ ချက်ချင်း ပြန်လည် ပို့ဆောင်ပေးမည် ဖြစ်ကာ စမ်းသပ်မှုတွင် ပါဝင်ခွင့် အလိုအလျောက် ဆုံးရှုံးသွားမည် ဖြစ်သည်။

အဆင့်တစ်ခုကို အောင်မြင်တိုင်း ကျပန်းဆုလာဘ်တစ်ခု ရရှိနိုင်သည်။

၎င်းမှာ အမွေအနှစ်တစ်ခု၊ ရှားပါးရတနာများ သို့မဟုတ် နတ်ဘုရားလက်နက်များလည်း ဖြစ်နိုင်သည်။

တိုက်ပွဲအတွင်း ရန်သူတစ်ကောင်ကို သတ်လျှင် အမှတ် ၁ မှတ် ရရှိမည် ဖြစ်သည်။

ထိုအမှတ်များကို ဆုလာဘ်များထဲမှ မိမိနှစ်သက်ရာနှင့် လဲလှယ်ရန် အသုံးပြုနိုင်သည်။

အမှတ်များလေလေ၊ ပိုမိုကောင်းမွန်သော ဆုလာဘ်များကို လဲလှယ်နိုင်လေလေ ဖြစ်သည်။

ဆန့်ကျင်ဘက်အားဖြင့် အမှတ်နည်းပါက ဆုလာဘ်လည်း နည်းပါးမည် ဖြစ်သည်။

ယခုအချိန်တွင် ဆုလာဘ်အားလုံးမှာ ဈေးနှုန်းသတ်မှတ်ထားပြီးသား ဖြစ်သည်။

အပေါ်ဆုံးတွင် ရှိနေသော 'ရွှေရောင် ရှေးဟောင်းနန်းတော်သခင်' ၏ အမွေအနှစ်မှလွဲ၍ ကျန်သောအရာ အားလုံးကို အမှတ်ဖြင့် လဲလှယ်နိုင်သည်။

ရှုချွမ်းသည် ထိုစာရင်းထဲတွင် အထွတ်အထိပ်အရိုးနှင့် ဧကရာဇ်လက်နက်တို့ကိုပင် တွေ့ရှိခဲ့သည်။

ထိုအရာကို ဝင်ရောက်လာကြသော သိုင်းပညာရှင်များလည်း သတိထားမိကြသည်မှာ သေချာသည်။

ထို့ကြောင့် စမ်းသပ်မှု စတင်သည်နှင့် လူတိုင်းမှာ စိတ်မရှည်နိုင်လောက်အောင် ဖြစ်နေကြပြီ။

ကျီး ကျီး

အမှောင်ထုထဲမှ ကြောက်မက်ဖွယ်ကောင်းသော အသံများ ထွက်ပေါ်လာသည်။

ထို့နောက် အလင်းတိုင်၏ အကူအညီဖြင့် မိုင်ပေါင်းထောင်ချီ ရှည်လျားသော အနက်ရောင် မြစ်ကြီးတစ်စင်း လူအုပ်ကြီးဆီသို့ စီးဆင်းလာသကဲ့သို့ မြင်လိုက်ရသည်။

ကြောက်မက်ဖွယ် အော်ရာ များ ကောင်းကင်သို့ ထိုးတက်သွားရာ အားနည်းသော သိုင်းပညာရှင်များမှာ ချမ်းစိမ့်သွားကြတော့သည်။

ရှုချွမ်း သေချာ ကြည့်လိုက်သောအခါ သူ၏ မျက်နှာထားမှာ ချက်ချင်း တည်ကြည်သွားသည်။

မိစ္ဆာများ

အနိမ့်ဆုံးအဆင့်ဖြစ်သော 'ကျဆုံးမိစ္ဆာ' သည်ပင် '‌ သေမျိုးအဆင့်‌‌ကျော်လွန်ခြင်းနယ်ပယ်' သိုင်းပညာရှင်တစ်ဦးနှင့် ညီမျှသည်။

အနည်းဆုံး ဆယ်သိန်းနီးပါးခန့် ရှိပေလိမ့်မည်။

၎င်းတို့သည် တန်းစီလျက် အရှိန်အဟုန်ဖြင့် ပြေးဝင်လာကြသည်။

မျက်စိတစ်မှိတ်အတွင်းမှာပင် ရှေ့ဆုံးမှ ပြေးထွက်သွားသော သိုင်းပညာရှင်များနှင့် ရောထွေး တိုက်ခိုက်ကြတော့သည်။

တိုက်ပွဲ စပြီ။

ပါရမီရှင်များစွာသည်ပင် မာနများကို ဘေးဖယ်ထားကာ ထိုကျဆုံးမိစ္ဆာများနှင့် ပြင်းထန်စွာ တိုက်ခိုက်နေကြသည်။

ယန်ရှန်းမှာလည်း ထိုအထဲတွင် ပါဝင်ပြီး ရူးသွပ်စွာ သတ်ဖြတ်နေသည်။

ကျဆုံးမိစ္ဆာများ၏ ခွန်အားမှာ သေမျိုးအဆင့်ကျော်လွန်ခြင်း နယ်ပယ်အဆင့်သာ ရှိသဖြင့် မမြင့်မားလှသော်လည်း ၎င်းတို့၏ အရေအတွက်မှာ အလွန်တရာ များပြားလွန်းလှသည်။

အဆုံးမရှိသော မိစ္ဆာအုပ်ကြီးမှာ ရှေ့သို့ တိုးဝှေ့လာရာ သိုင်းပညာရှင်များစွာမှာ ဝိုင်းရံခံလိုက်ရပြီး သေလုနီးပါး ဖြစ်သွားကြသည်။

ကံကောင်းထောက်မစွာဖြင့် နောက်ဆုံးအချိန်တွင် ဒဏ်ရာပြင်းထန်သူများကို အပြင်သို့ ပြန်လည် ပို့ဆောင်ပေးခဲ့သည်။

စစ်မြေပြင် တွင် ဖယ်ထုတ်ခံရသည့် သိုင်းပညာရှင် အရေအတွက် ပို၍ များလာသည်။

ဒါဟာ ပထမဆုံး အဆင့်သာ ရှိသေးသည်၊ စမ်းသပ်မှု၏ ကြောက်မက်ဖွယ်ကောင်းမှုမှာ စတင် ပြသလာခဲ့ပြီ ဖြစ်သည်။

ရှုချွမ်းသည် အလင်းတိုင်ဘေးတွင် ရပ်ကာ အရာအားလုံးကို အေးစက်စွာ ကြည့်နေသည်။

သို့သော် သူ၏ လက်ထဲတွင်မူ သတ်ဖြတ်ခြင်းဓားကို တင်းတင်းဆုပ်ထားပြီး ဖြစ်သည်။

ရန်သူကို သတ်မလား။

ဒါဟာ ဘယ်သူ အမြန်ဆုံး ပြေးသွားသလဲဆိုတာပေါ်မှာပဲ မူတည်တာ မဟုတ်ဘူး။

သူ၏ အထူးပြုမှာ ဓားဖြစ်သည်။

ဤကဲ့သို့ အခြေအနေမျိုးတွင် ဓားသည် သံသယဖြစ်ဖွယ်မရှိ အသင့်တော်ဆုံး လက်နက်ပင်။

ရဲရင့်ပြတ်သားသော လှုပ်ရှားမှုများဖြင့် သူသည် နတ်ဘုရားရော မိစ္ဆာကိုပါ သုတ်သင်မည်။

ကလန်

ဓားကို ဆွဲထုတ်လိုက်ရာ ဓားချီ များ ပေါက်ကွဲထွက်လာပြီး သူ့ကို တိုက်ခိုက်လာသော ကျဆုံးမိစ္ဆာတစ်ကောင်ကို ခဏချင်းအတွင်း ဆွဲဖြဲပစ်လိုက်သည်။

"သွားကြစို့၊ ငါတို့အလှည့် ရောက်ပြီ"

ရှုချွမ်းက ပြုံးကာ စုမြောင်ရင်ကို ပြောလိုက်သည်။

ပြောပြီးသည်နှင့် သူ၏ မျက်လုံးများမှာ စူးရှသွားတော့သည်။

သူသည် ဓားကို ဝှေ့ယမ်းလိုက်ရာ ဓားချီ များမှာ လှိုင်းလုံးများ ထပ်နေသကဲ့သို့ ပေါ်ထွက်လာသည်။

နတ်ဘုရားသတ်ဓားအောက်တွင် ဤကျဆုံးမိစ္ဆာများမှာ စက္ကူများကဲ့သို့ပင် ထိလိုက်သည်နှင့် ကွဲကြေကုန်ကြသည်။

ရှုချွမ်း ပါဝင်လာသည်ကို မြင်တော့ စုမြောင်ရင်မှာလည်း တွန့်ဆုတ်မသွားပဲ 'နိဗ္ဗာနအစစ်အမှန်မီးလျှံ' များ သူမ၏လက်ထဲမှ ထွက်ပေါ်လာသည်။

တစ်ခဏအတွင်းမှာပင် ကျဆုံးမိစ္ဆာ အများအပြားမှာ လောင်ကျွမ်းသွားကြတော့သည်။

မကြာမီမှာပင် ကျဆုံးမိစ္ဆာ ဆယ်သိန်းမှာ သိုင်းပညာရှင်များ၏ လက်ချက်ဖြင့် သေဆုံး သွားကြသည်။

စမ်းသပ်မှုနယ်မြေထဲတွင် လူပေါင်း တစ်ထောင် သို့မဟုတ် နှစ်ထောင်ခန့် ကျန်ရှိနေသေးသည်။

သို့သော် ထိုထက်မကသော လူများမှာ ဖယ်ထုတ်ခြင်း ခံလိုက်ရပြီ ဖြစ်သည်။

အဆင့်နိမ့် သိုင်းပညာရှင် ၆၀% ခန့်မှာ ဖယ်ထုတ်ခံလိုက်ရပြီဖြစ်ကာ ဒါဟာ ပထမဆုံး အဆင့်သာ ရှိသေးသည်။

ဤစမ်းသပ်မှုမှာ မည်မျှ ကြောက်စရာကောင်းကြောင်း တွေးကြည့်ရုံနှင့် သိနိုင်သည်။

"ပထမအဆင့် စမ်းသပ်မှုကို အောင်မြင်စွာ ပြီးဆုံးတဲ့အတွက် ဂုဏ်ယူပါတယ်"

ထိုအသံ ထပ်မံ ထွက်ပေါ်လာပြန်သည်။

ချက်ချင်းဆိုသလိုပင် အလင်းတိုင်ပေါ်တွင် သိုင်းပညာရှင် များ၏ အမည်နှင့် အမှတ်များကို မှတ်တမ်းတင်ထားသော ထိပ်တန်းစာရင်းတစ်ခု ပေါ်လာသည်။

ပထမနေရာမှာ ရှိနေသူမှာ 'လင်ထျန်း' အမည်ရှိ အမျိုးသားတစ်ဦး ဖြစ်သည်။

သူ့တွင် အမှတ် ၃၀၀၀ တိတိ ရှိနေသည်။

ပထမအဆင့်မှာတင် သူသည် ကျဆုံးမိစ္ဆာ ၃၀၀၀ တိတိကို သတ်ဖြတ်ခဲ့သည်မှာ သိသာလှသည်။

ရှုချွမ်း၏ အမည်မှာလည်း စာရင်းထဲတွင် ပါဝင်သော်လည်း အမှတ် ၁၀၀၀ ဖြင့် နံပါတ် ၉ နေရာတွင်သာ ရှိနေသည်။

စုမြောင်ယင်းမှာမူ အမှတ် ၈၀၀ ဖြင့် နံပါတ် ၁၁ နေရာတွင် ရှိနေသည်။

ရှုချွမ်းကို အံ့ဩစေသည်မှာ ယန်ရှန်းသည် အမှတ် ၁၈၀၀ ဖြင့် နံပါတ် ၅ နေရာတွင် ရှိနေခြင်းပင်။

"ပထမအဆင့် အောင်မြင်သူတွေအတွက် ဆုလာဘ်တွေကို ဝေပေးလိုက်ပါပြီ"

စကားဆုံးသည်နှင့် ရှုချွမ်း၏ လက်ထဲတွင် အနှစ် ၅၀၀ သက်တမ်းရှိ ဂျင်ဆင်းမြစ်တစ်ခု ပေါ်လာသည်။

ဒါက သူ့အတွက်တော့ ဘာမှမဟုတ်သဖြင့် သိုလှောင်နေရာလွတ် ထဲသို့သာ ပေါ့ပေါ့ပါးပါး ပစ်ထည့်လိုက်သည်။

ထိုအချိန်တွင် ယန်ရှန်းမှာမူ 'မြေကြီးအဆင့်' အဆင့်မြင့် ဓားရှည်တစ်လက်ကို ရရှိသွားသည်။

ဒါက ကံကောင်းတာလား ကံဆိုးတာလားတော့ မသိပေ။

သူ ထိုဓားကို ရရချင်းမှာပင် သူ့နောက်ကို လိုက်ဖမ်းနေသော လူအုပ်ကြီးက သတိထားမိသွားကြသည်။

သူတို့သည် ဒေါသများ ပေါက်ကွဲနေသော်လည်း ဖွင့်ထုတ်စရာ နေရာမရှိ ဖြစ်နေကြခြင်း ဖြစ်သည်။

ယန်ရှန်း အဆင့်မြင့်ဓား ရသွားသည်ကို မြင်တော့ ခေါင်းဆောင်ဖြစ်သူများ၏ မျက်နှာမှာ ချက်ချင်း မည်းမှောင်သွားသည်။

သူတို့သည် ယန်ရှန်းကို ဝိုင်းလိုက်ကြသည်။

"စီနီယာအစ်ကို ကျန်း... ဒီကောင်က မြေကြီးအဆင့်မြင့် လက်နက်တစ်ခု ထပ်ရသွားပြန်ပြီ"

"ဒီကောင်က အတော်လေး သန်မာတာပဲ၊ ဒါကိုတောင် အထွတ်အထိပ်အရိုးကို ခိုးယူသွားသေးတယ်၊ တကယ့်ကို ယုတ်မာတဲ့ကောင်ပဲ"

"ဒီမှာက တိုက်ခိုက်တာကို တားမြစ်ထားတဲ့ စည်းကမ်း မရှိတော့ဘူး။ အားလုံး အတူတူ ဝိုင်းတိုက်ပြီး အထွတ်အထိပ်အရိုးနဲ့ မြေကြီးအဆင့်ဓားကို လုကြမယ်"

ကျန်းယွမ်၏ နောက်မှ လိုက်လာသော သိုင်းပညာရှင် အချို့က ပြောလိုက်သည်။

ဒါကို ကြားတော့ ကျန်းယွမ်က မျက်မှောင်ကြုတ်လိုက်ပြီး ဟန်ဆောင်နေမှုများကို အရင်ဆုံး အဆုံးသတ်လိုက်သည်။

"ဒီကောင်က ငါတို့ရှေ့မှာတင် ရှိနေတာပဲ။ ဘယ်သူ အရင်သတ်မလဲ၊ အထွတ်အထိပ်အရိုးနဲ့ ဒီဓားကို အရင်သတ်တဲ့လူ ယူကြေး"

"ကောင်းပြီ"

အထွတ်အထိပ်အရိုးကို လိုချင်နေကြသော ပါရမီရှင်များမှာလည်း သဘောထားချင်း တိုက်ဆိုင်နေသဖြင့် ချက်ချင်း သဘောတူလိုက်ကြသည်။

ကျန်းယွမ်ကလည်း အရှုံးမပေးဘဲ သူတို့နောက်မှ ကပ်လိုက်သွားသည်။

"စီနီယာအစ်ကို... ကျွန်တော့်ကို ကယ်ပါဦး"

လူအုပ်ကြီး သူ့ဆီ ပြေးလာသည်ကို မြင်တော့ ယန်ရှန်းမှာ ချက်ချင်း ထိတ်လန့်သွားသည်။

ဤနေရာတွင် ပုန်းစရာ နေရာမရှိပေ။ မိသွားလျှင်တော့ သူ သေရပေလိမ့်မည်။

ထို့ကြောင့် သူက ရှုချွမ်းကို အကူအညီ လှမ်းတောင်းလိုက်သည်။

ရှုချွမ်းက ထိုလူများကို တားပေးထားလျှင် သူ ထွက်ပြေးနိုင်မည်ဖြစ်ကာ နောက်တစ်ဆင့် စသည်အထိ စောင့်ဆိုင်းနိုင်မည်ဟု မျှော်လင့်နေခြင်း ဖြစ်သည်။

သူမှာ ယခင်က ရှုချွမ်းအပေါ် ထားရှိခဲ့သော နာကျည်းမှုများကို လုံးဝ မေ့လျော့နေပုံရသည်။

ရှုချွမ်းကတော့ ယန်ရှန်း၏ အကူအညီတောင်းသံကို လျစ်လျူရှုထားသည်။

ယန်ရှန်းတစ်ယောက် ပါရမီရှင်အုပ်စု၏ လိုက်ဖမ်းခြင်းကို ခံနေရသည်ကို ရယ်ချင်ပတ်ချင်ဖြင့် ကြည့်နေသည်။

ဘာကြောင့်လဲဆိုတော့ ကံတရားက ရွေးချယ်ထားတဲ့ ဇာတ်လိုက်က ဒီလောက် လွယ်လွယ်နဲ့ အမိခံရမှာ မဟုတ်ဘူးဆိုတာ သူ သိနေလို့ ဖြစ်သည်။

ရှုချွမ်း ခန့်မှန်းထားသည့်အတိုင်းပင် ဖြစ်လာခဲ့သည်။

ယန်ရှန်း အန္တရာယ်ဖြစ်တော့မည့် အချိန်မှာပင် တစ်စုံတစ်ယောက်က ကယ်တင်ရန် ရောက်လာခဲ့ပြီ။

"ငါ့ညီလေးကို ဘယ်သူက အနိုင်ကျင့်ရဲတာလဲ"

ကြီးမားလှသော တူကြီးတစ်လက်မှာ အမှောင်ထဲမှ ပျံထွက်လာပြီး ကျန်းယွမ်တို့ အုပ်စုရှေ့တွင် ဝုန်းခနဲ ကျလာရာ သူတို့၏ ရှေ့ဆက်မှုကို ချက်ချင်း ရပ်တန့်သွားစေသည်။

ထို့နောက် 'ချွေ့ကျန်း' သည် အမှောင်ထဲမှ ထွက်လာသည်။

သူ၏ အော်ရာ မှာ အလွန်ပင် အားကောင်းလှသည်။

သူသည် နိဗ္ဗာနနယ်ပယ် အဆင့် ၆ သို့ပင် ရောက်ရှိနေပြီ ဖြစ်သည်။

ရောက် လာသူကို မြင်လိုက်ရချိန်တွင် ကျန်းယွမ်၏ မျက်နှာမှာ ချက်ချင်းပင် တည်ကြည်သွားသည်။

"ချွေ့ကျန်း... သူများကိစ္စထဲ ဝင်မပါနဲ့။ ဒီကောင်က ငါတို့ရဲ့ အထွတ်အထိပ်အရိုးကို ခိုးသွားတာ၊ သူ ပေးဆပ်ရမယ်"

သို့သော် ကျန်းယွမ်မှာလည်း မကြောက်ပေ။

သူသည် လှံကို မြှောက်ကာ ချွေ့ကျန်းကို အေးစက်စွာ ပြောလိုက်သည်။

သူသည် ချွေ့ကျန်းကို သိနေသည်မှာ သိသာလှသည်။

"ငါ့လက်ထဲမှာ ရှုံးဖူးတဲ့သူကများ 'ထိုက်ယိမြင့်မြတ်နယ်‌မြေ 'ရဲ့ တိုက်ရိုက် တပည့်ကို လိုက်ဖမ်းရဲတယ်ပေါ့"

ချွေ့ကျန်းက မြေပြင်ပေါ်မှ တူကြီးကို ကောက်ကိုင်ကာ အေးအေးဆေးဆေး ပြောလိုက်သည်။

ဒါကို ကြားတော့ ကျန်းယွမ်၏ မျက်နှာမှာ ချက်ချင်း ပြာနှမ်းသွားသည်။

ဟိုးအရင်က သူသည် နတ်ဘုရားစွမ်းအား အဆင့် ၉ ဖြင့် နတ်ဘုရားစွမ်းအား အဆင့် ၆ သာ ရှိသေးသော ချွေ့ကျန်းကို နှစ်ယောက်တစ်ယောက် တိုက်ခိုက်ခဲ့သော်လည်း ရှုံးနိမ့်ခဲ့ဖူးသည်။

ဒါဟာ သူ ဘယ်တော့မှ မေလို့မရနိုင်တဲ့ အရှက်ရစရာ ဖြစ်ရပ်ပင်။

"ချွေ့ကျန်း... ဒီကောင် အထွတ်အထိပ်အရိုးကို ပြန်ပေးရင် ငါတို့ သူ့ကို လွှတ်ပေးမယ်။ မဟုတ်ရင်တော့ မင်းလည်း သူ့ကို ကာကွယ်ပေးနိုင်မှာ မဟုတ်ဘူး"

ကျန်းယွမ်က အသံနက်ကြီးဖြင့် ပြောလိုက်သည်။

"ဟမ့်... လာလေ၊ ငါ့လက်ထဲက လူကို လုဖို့ မင်းမှာ ဘာအရည်အချင်း ရှိလဲဆိုတာ ငါ ကြည့်ချင်သေးတယ်"

"မင်းတို့ တကယ် တိုက်ရဲရင်တော့ ငါ မင်းတို့ကို တိုက်ခွင့် ပေးမယ်။ မတိုက်ရဲရင်တော့ ငါ့ရှေ့က ဖယ်သွားကြ"

ချွေ့ကျန်းသည် တူကြီးကို ကိုင်ကာ ထိုလူများ တစ်ခွန်းထပ်ပြောသည်နှင့် တိုက်ခိုက်ရန် အသင့်ပြင်လိုက်သည်။

ကျန်းယွမ်နှင့် ကျန်သိုင်းပညာရှင်များမှာလည်း နိဗ္ဗာနနယ်ပယ် အဆင့် ၆ တွင် မည်မျှ သန်မာသလဲဆိုသည်ကို စမ်းသပ်ကြည့်ချင်နေသည်။

ကျန်းယွမ်မှာ အံ့ကြိတ်ကာ မျက်မှောင်ကြုတ်နေသော်လည်း တိုက်ခိုက်ရန်တော့ မဝံ့ရဲပေ။

သူသည် နာကျည်းနေသော်လည်း ဒေါသကို မြိုသိပ်လိုက်ရုံသာ ရှိတော့သည်။

"ဒီနေ့တော့ ဒီကောင် ကံကောင်းသွားတယ်။ ဒီနန်းတော်ထဲက ထွက်သွားပြီးနောက်မှာတော့ မင်းနဲ့ ထပ်မတွေ့ဘူးဆိုရင်တောင် သူ့အလောင်းကို ငါတို့ လာကောက်ရလိမ့်မယ်"

ကျန်းယွမ် ၏ မျက်နှာသည် ရေခဲတမျှ အေးစက်နေပြီး ယန်ရှန်း ကို စူးရဲစွာ စိုက်ကြည့် ကာ လှည့်ထွက်သွားသည်။

နိဗ္ဗာနနယ်ပယ်ရှိ အဓိကအင်အားစုတစ်ခု၏ အဓိကတပည့် တစ်ဦးပင် ဆုတ်ခွာရန်သာ တတ်နိုင်သည်ကို မြင်သောအခါ ယန်ရှန်းကို လိုက်လံဖမ်းဆီးနေသော အခြား သိုင်းပညာရှင်များ မှာ မူ ဘာမှထပ်မပြောရဲတော့ဘဲ လိုက်လာပြီး ဤနေရာမှ ဝေးဝေးနေရုံသာ တတ်နိုင်ကြသည်။