မင်း ရှေ့အနာဂတ်ကိုဆက်ကြည့်နေလိုက်၊ ဒီရှန်းက မင်းအတွက်ပစ္စုပ္ပန်ကို စောင့်ကြည့်ပေးထားမယ်

နတ်ဘုရားမင်းဆက်၊ အင်ပါယာမြို့တော်

အစေခံမိန်းကလေးနှစ်ဦးက တိတ်ဆိတ်သော ခြံဝင်းအပြင်ဘက်တွင် ရပ်နေကြပြီး၊ အဝေးမှ အလျင်စလိုချဉ်းကပ်လာသော ဓားလွယ်ထားသည့် အမျိုးသမီးကိုကြည့်ကာ နှစ်ဦးစလုံးက ရိုသေစွာ ဦးညွှတ်လိုက်ကြ၏။

ထိုအမျိုးသမီးက နတ်ဘုရားမင်းဆက်တွင် တရားဝင် ရာထူးမရှိသလို၊ တရားဝင် အဆင့်အတန်းပင်မရှိသော်လည်း၊ မသေမျိုးဌာန၏ အကြီးအကဲ သခင်ကြီးလင်မှလွဲ၍ သူမကည် အရှင်မင်းကြီးနှင့် တွေ့ဆုံရန် အရက်ကန်ထဲသို့ တစ်ကိုယ်တော်ဝင်ရောက်နိုင်သည့် တစ်ဦးတည်းသော သူဖြစ်ကြောင်း အင်ပါယာမြို့တော်ရှိ လူတိုင်းက သိထားကြသည်။

"သခင်မယဲ့၊ ဒီဘက်ကို ကြွပါ။" အစေခံမိန်းကလေးကလှည့်ကာ ခြေလှမ်းငယ်လေးများဖြင့် ရှေ့မှ လမ်းပြခေါ်ဆောင်သွား၏။

အဘယ်ကြောင့်ဆိုသော် သခင်မယဲ့ က သူ့ကို တွေ့လိုလျှင် ကြိုတင်အကြောင်းကြားရန် မလိုအပ်ကြောင်း အရှင်မင်းကြီးက မိန့်ဆိုထားသောကြောင့် ဖြစ်သည်။

"ကျေးဇူးတင်ပါတယ် ရှင်တို့နှစ်ယောက်လုံးကို။" ယဲ့လန် က သူမ၏လက်ထဲရှိ ကျောက်စိမ်းပြားကို တင်းတင်းကျပ်ကျပ်ဆုပ်ကိုင်ထားလိုက်သည်။ ထိုသူ့အကြောင်းကို နေ့ရက်ညဉ့်မရေတွက်နိုင်အောင် တွေးတောနေခဲ့သော်လည်း၊ ၎င်း၏ပါဝင်သည့် အကြောင်းအရာများကို စူးစမ်းရန် သူမ၏နတ်ဝိညာဉ်ကိုအသုံးမပြုမိစေရန် သူမကိုယ်သူမ အတင်းအကျပ်ထိန်းချုပ်ထားခဲ့သည်။

သူမ၏ ကိုယ်ပိုင် ကျင့်ကြံခြင်း နယ်ပယ်ဖြင့်၊ ကြီးကျယ်ခမ်းနားသော အစီအစဉ်ကြီးထဲတွင် သူမက အရေးမပါသူတစ်ဦးသာဖြစ်ကြောင်း သူမ ကောင်းစွာသိရှိထားသည်။

အကယ်၍ ဧရာမပုဂ္ဂိုလ်ကြီး တစ်ဦးဦး၏ဖမ်းဆီးခြင်းကို ခံရပါက၊ သူမ စိတ်ဝိညာဉ်စစ်ဆေးရှာဖွေခြင်းခံရမည့် အန္တရာယ်ရှိနေသည်။

မြောက်ပိုင်းတိုက်ကြီးမှ ဤစာလွှာကို လူသားဧကရာဇ်တစ်ဦးတည်းသာလျှင် ဖတ်ရှုခွင့်ရှိသည်။

မကြာမီ၊ ယဲ့လန် က သူမ၏ခြေလှမ်းများကို ရပ်တန့်လိုက်ပြီး အရက်ကန်ဘေးတွင် ရပ်လိုက်၏။ အစေခံမိန်းကလေး နှစ်ဦး တိတ်ဆိတ်စွာ ဆုတ်ခွာသွားပြီးနောက်မှသာ သူမက ကျောက်စိမ်းပြားကို ထုတ်ယူလိုက်၏။ "အရှင်မင်းကြီး၊ ကျေးဇူးပြုပြီး ကြည့်ရှုတော်မူပါ။"

"ဒီလောက် မြန်မြန်နောက်ထပ် စာတစ်စောင် ရောက်လာတာပဲ၊ ဘာကိစ္စတွေ ပေါ်လာလို့လဲ။" ထိုအမျိုးသားက စိုစွတ်နေသောကျောက်စရစ်ခဲများပေါ်တွင် မှီနေပြီး၊ သူ၏လက်ကို ဝှေ့ယမ်းကာ ကျောက်စိမ်းပြားကို မှော်ပညာဖြင့် ယူဆောင်ရန် ကြိုးစားလိုက်သော်လည်း၊ အဆင်မပြေစွာဖြင့် ကျောက်စိမ်း မှတ်တမ်းပြားမှာ ယဲ့လန်၏ လက်ထဲတွင် မလှုပ်မယှက်ရှိနေခဲ့၏။

"ကျွတ်"

အကူအညီမဲ့မှုအရိပ်အယောင်လေး တစ်ခုက သူ၏မျက်နှာပေါ်တွင် ဖြတ်ပြေးသွားသော်လည်း၊ ဤစိတ်ခံစားချက်က လျင်မြန်စွာပျောက်ကွယ်သွားပြီး သူ၏ပုံမှန် ပျင်းရိပျင်းတွဲ ဟန်ပန်ဖြင့် အစားထိုးသွား၏။ "ဒီကို ယူခဲ့လေ၊ အဲဒီမှာ ကြောင်တောင်တောင် ရပ်မနေနဲ့။"

"..."

ယဲ့လန်က ရိုသေစွာချဉ်းကပ်သွားပြီး ကျောက်စိမ်း မှတ်တမ်းပြားကို ထိုအမျိုးသား၏လက်ထဲသို့ ထည့်ပေးလိုက်ရာ၊ သူမ၏မျက်လုံးများထဲတွင် စိုးရိမ်ပူပန်မှုများ ပေါ်လာခဲ့သည်။

ဤ နတ်ဘုရားနယ်မြေ၏ အရှင်သခင် ဘာတွေ တိတိကျကျလုပ်နေသည်ကို သူမ မသိသော်လည်း၊ သူ၏ပြင်ပ အခြေအနေနှင့် ပိုမိုဖြူလာသော ဆံပင်များနှင့် သိသာထင်ရှားစွာပြောင်းလဲလာသော မျက်နှာကို လေ့လာကြည့်ရုံဖြင့်၊ တစ်ခါတွေစုံတိုင်းတွင် သူကနောက်ထပ်ဆယ်နှစ်ခန့် အိုမင်းသွားသကဲ့သို့ ခံစားရ၏။

ဤကဲ့သို့သော အခြေအနေမျိုးက မိုးမြေ၏ဧကရာဇ်ခြောက်ပါးအနက်မှ တစ်ပါးအပေါ်တွင် လုံးဝ မဖြစ်ပေါ်သင့်ပေ။

လူသားဧကရာဇ်နှင့် ဤအရက်ကန်တို့မှာ တစ်သားတည်းဖြစ်သွားသကဲ့သို့ သူမ ထင်ရှားစွာ ခံစားနိုင်သော်လည်း၊ ပြင်ပကိစ္စရပ်များအပေါ် သူ၏ထိန်းချုပ်မှုမှာ အလွန်အမင်း ကျဆင်းသွားခဲ့သည်။

မသေမျိုးဌာန မှ သခင်ကြီးလင်၏ အကူအညီမပါဘဲ၊ အရှင်မင်းကြီးက ဤခြံဝင်း၏အပြင်ဘက်သို့ သူ၏အသံကို ထုတ်လွှင့်နိုင်သေးရဲ့လားဟုပင် ယဲ့လန် သံသယဖြစ်လာခဲ့သည်။

ဤကဲ့သို့သော ဧကရာဇ်ခြောက်ပါးဝင် တစ်ပါးက ရှန်းယီကိုအမှန်တကယ် ဆက်လက် ကာကွယ်ပေးနိုင်ပါဦးမည်လော။

"ဘာပဲဖြစ်ဖြစ် အမြတ်နဲ့ အရှုံး ဆိုတာ ရှိတာပါပဲ။" ထိုအမျိုးသားက ယဲ့လန်၏ အတွေးများကို မြင်နေရနေသကဲ့သို့ရှိသော်လည်း စိတ်ဆိုးခြင်း မရှိဘဲ ပေါ့ပေါ့ပါးပါးသာ ရယ်မောလိုက်၏။

သူသည် တစ်ချိန်က မြင့်မြတ်သောလူသားဧကရာဇ် တစ်ဦးအနေဖြင့် သဘာဝကျကျ ကြီးကျယ်ခမ်းနားပြီး ခွန်အားကြီးမားကာ၊ ၎င်း၏အထွတ်အထိပ်အချိန်သို့ ရောက်နေသော ကြောက်မက်ဖွယ် ကျားတစ်ကောင်ဖြစ်ခဲ့သော်လည်း၊ ယခုအခါ နတ်ဘုရားမင်းဆက်၏ ကြီးမားလှသော အရန်အင်အားများကို အပြည့်အဝ စုစည်းရန်အတွက် သူကကုန်ကျစရိတ်များစွာကို သည်းခံနေရသည်။

သို့သော် သူက သာမန်သေမျိုးတစ်ဦးနှင့် ပိုတူလာသည်နှင့်အမျှ၊ နတ်ဘုရားများနှင့် ဗုဒ္ဓများကို ရင်ဆိုင်ရချိန်တွင် သေမျိုးများခံစားရသော အကူအညီမဲ့မှုကို ပိုမိုကောင်းမွန်စွာနားလည်လာနိုင်သဖြင့်၊ ၎င်းမှာ အမှန်တကယ်ပင် ဆိုးရွားသော ကိစ္စတစ်ခုတော့ မဟုတ်ပေ။

"ဒီကောင်လေးက ဘာပြဿနာတွေ ထပ်ရှာထားပြန်လဲဆိုတာ ကြည့်ရအောင်။" အမျိုးသားက ဂရုမစိုက်ဟန် ပေါ်နေသော်လည်း၊ သူ၏မျက်လုံးများထဲတွင် တိကျသောလေးနက်မှုတစ်ခု ရှိနေ၏။

ပြီးခဲ့သည့်အကြိမ်က သူသည် နတ်ဘုရားမင်းဆက် စစ်သူကြီး နှင့် ဆက်သွယ်ရန် အမှတ်အသားပြားကို ပေးခဲ့ပြီး ဖြစ်သည်။ အကယ်၍ ၎င်းနှင့်ပင် တစ်ဖက်လူ၏ပြဿနာကို မဖြေရှင်းနိုင်ပါက၊ သူ၏လက်ရှိ အခြေအနေတွင် သူ့၌မည်သည့် ဖြေရှင်းနည်းမျှအမှန်တကယ် မရှိတော့ပေ။

ပြီးခဲ့သည့်အကြိမ်က ရှန်းယီနှင့် ဆက်ဆံရာတွင် လူသားဧကရာဇ်၏ ရှောင်လွှဲနေဟန်ရှိသော သဘောထားကြောင့် လှည့်စားမခံပါနှင့်..မည်သို့ပင်ဆိုစေ သူက အင်ပါယာခုံးရုံးအတွက် တောင်ပိုင်းတိုက်ကြီးကိုကာကွယ်ပေးခဲ့သော အဓိက ပံ့ပိုးကူညီသူဖြစ်သည်။

အကယ်၍ ရှန်းယီတစ်ခုခုဖြစ်သွားပါက သူ ဘယ်လိုလုပ်ပြီး ဝမ်းမနည်းဘဲနေနိုင်မည်နည်း။

လူသားဧကရာဇ်က သူ၏နတ်ဝိညာဉ်ကို ကျောက်စိမ်းပြားထဲသို့ သေချာစွာ သွန်းလောင်းထည့်လိုက်ပြီး၊ ၎င်း၏အကြောင်းအရာကို ဖတ်ရှုပြီးနောက်၊ သူက မျက်လုံးများကို ပြန်မဖွင့်မီ အချိန်အတော်ကြာ တိတ်ဆိတ်နေခဲ့၏။ "တကယ်ပဲ အနည်းငယ်မမျှော်လင့်ထားတဲ့ ကိစ္စပဲ။"

"..."

အမျိုးသား၏လေးနက်သော အမူအရာကို မြင်သောအခါ ယဲ့လန်က သူမ၏အင်္ကျီလက်များကို ရုတ်တရက်ဆုပ်ကိုင်လိုက်ပြီး သူမ၏မျက်နှာမှာ ရုတ်တရက် ပြောင်းလဲသွား၏။

ကံကောင်းထောက်မစွာဖြင့်၊ လူသားဧကရာဇ် က သူမကို ဆက်လက် ခြောက်လှန့်ရန် ရည်ရွယ်ချက် မရှိဘဲကျယ်လောင်စွာ ရယ်မောလိုက်သည်။ "မင်းကို ကြည့်ပါဦး၊ သူက အဲဒီဘုန်းကြီးကိုကျတော့ သူနဲ့အတူခေါ်သွားပြီး၊ မင်းကိုတော့ ဒီကျယ်ပြန့်တဲ့မြို့ကြီးထဲမှာ တစ်ယောက်တည်း ထားခဲ့တာတောင်၊ မင်းက နည်းနည်းလေးမှ မနာကြည်းဘူး။ အတိတ်က ငြိမ်းချမ်းတဲ့နေ့ရက်တွေမှာသာဆိုရင်၊ မင်းနဲ့ သူ့ကို ငါ စေ့စပ်ပေးရလိမ့်မယ်။"

"ရော့..မင်းဘာသာ ဖတ်ကြည့်လိုက်။"

လူသားဧကရာဇ်က ကျောက်စိမ်းပြားကို ပေါ့ပေါ့ပါးပါး နောက်သို့ ပြန်ပစ်ပေးလိုက်သည်။

ယဲ့လန် မှာ ယခုအခါ အဘိုးအို၏နောက်ပြောင်မှုကို ဂရုစိုက်ရန်စိတ်ကူးမရှိတော့ဘဲ၊ ကျောက်စိမ်း မှတ်တမ်းပြားကို အလျင်အမြန်ဖမ်းယူကာ သူမ၏နတ်ဝိညာဉ်ကို ၎င်းထဲသို့ သွန်းလောင်းထည့်လိုက်သည်။

ရှန်းယီ ပြန်လည်ပေးပို့လိုက်သော သတင်းစကားကို မြင်သောအခါ၊ အံ့အားသင့်မှု အရိပ်အယောင်တစ်ခုက သူမ၏မျက်နှာပေါ်တွင် တဖြည်းဖြည်း ပေါ်ထွက်လာပြီး၊ အစောပိုင်းက လူသားဧကရာဇ် အဘယ်ကြောင့် တိတ်ဆိတ်နေခဲ့ကြောင်းကို နောက်ဆုံးတွင် သူမ နားလည်သွားခဲ့သည်။

ရှန်းယီက မဟာလွတ်လပ်ခြင်းသန့်စင်သောကမ္ဘာ ဗောဓိသတ္တ၏ လိုက်လံ ဖမ်းဆီးမှုမှ လွတ်မြောက်ရန် မြောက်ပိုင်းတိုက်ကြီးသို့ သွားရောက်ခဲ့ခြင်း ဖြစ်ပြီး၊ အသက်ရှင်သန်ပြီး နှိမ့်ချစွာနေထိုင်ရုံဖြင့်ပင် အတော်လေးကြီးမားသော အောင်မြင်မှုတစ်ခု ဖြစ်နေပြီ ဖြစ်သည်။

ရှန်းယီက လူသားဧကရာဇ် စီစဉ်ပေးထားသော လမ်းကြောင်းအတိုင်းလျှောက်လှမ်းရန် ဆန္ဒမရှိပုံရကြောင်း ကြားသိရကတည်းက ယဲ့လန်၏ ရင်ထဲတွင် မအေးချမ်းခဲ့ပေ။

မြောက်ပိုင်းတိုက်ကြီးဟူသည် မည်သို့သော နေရာမျိုး ဖြစ်သနည်း၊ မသေမျိုးသုံးပါးဂိုဏ်းချုပ် တာအိုပို့ချသည့် သန့်စင်သောနယ်မြေဖြစ်ပြီး၊ တောင်ပိုင်းဍုမေဏုကို ဆယ်ဆချဲ့ထားသကဲ့သို့ဖြစ်ကာ၊ လမ်းပေါ်တွင်ပေါ့ပေါ့ပါးပါး လမ်းလျှောက်နေရင်း မော့ကြည့်လိုက်ရုံဖြင့် တာ့လော်မသေမျိုးတစ်ပါး ဖြတ်သွားသည်ကို မြင်တွေ့နိုင်သည့် နေရာမျိုး ဖြစ်သည်။

ထိုကဲ့သို့သော နေရာမျိုးတွင် ပြဿနာဖန်တီးရန် ကြိုးပမ်းခြင်းမှာ သေခြင်းတရားကိုဖိတ်ခေါ်နေခြင်းနှင့် တူညီပါသည်။

သို့သော် ကျောက်စိမ်းပြား အတွင်းရှိ အကြောင်းအရာများက လူတစ်ယောက်၏ နှလုံးခုန်နှုန်းကို ပိုမို မြန်ဆန်သွားစေ၏။ ရှန်းယီက လင်းရွှီဂူ၏လက်အောက်သို့ ဝင်ရောက်နိုင်ခဲ့ရုံသာမက၊ ထိုမျိုးဆက်ခွဲကိုယ်စား ကပ်ဘေးစမ်းသပ်မှုများကိုဖြတ်သန်းရမည့် တပည့်တစ်ဦး ဖြစ်လာခဲ့သည်။

ဤအဆင့်အတန်းမှာ ပုံမှန်အားဖြင့် ကိုယ်ပိုင် ထိပ်တန်းတပည့်တစ်ဦးအတွက်သာ သီးသန့် ထားရှိလေ့ရှိသော အရာဖြစ်သည်။

ပို၍ပင် ထူးခြားသည်မှာ ရှန်းယီက အမှန်တကယ်ပင် အောင်မြင်ခဲ့ပြီး မြောက်ပိုင်းတိုက်ကြီး တွင် အခိုင်အမာ ခြေကုပ်ယူနိုင်ခဲ့ခြင်း ဖြစ်၏။

ကျောက်စိမ်းပြားမှတည်ငြိမ်သော လေသံက ပြဿနာများကို ရှင်းလင်းပြီးဖြစ်ကာ အရာအားလုံးတည်ငြိမ်နေပြီဖြစ်ကြောင်း အကြံပြုနေသည်။

"သူက အခြားတိုက်ကြီးတွေရဲ့အခြေအနေကို သိချင်နေတယ်။" အရက်ထဲတွင် စိမ်နေသော အမျိုးသား၏ အမူအရာမှာ အနည်းငယ် ထူးဆန်းနေ၏။ ကိုယ့်ကိုယ်ကိုယ်ကာကွယ်ရန်ပင် ခက်ခဲနေသော ဤလူငယ်လေးက၊ အခိုင်အမာ ရပ်တည်နိုင်ရန် အောင်မြင်ခဲ့ရုံသာမက၊ လောကကြီးအတွက် စိုးရိမ်ပူပန်ရန်အားလပ်ချိန်ပင် ရှိနေသေးသည်။

၎င်းက အစစ်အမှန် လူသားဧကရာဇ်မှာ မည်သူဖြစ်ကြောင်းကို သူ့အားခေတ္တမျှ မသေချာဖြစ်သွားစေခဲ့၏။